Gostivari vazhdon me aktivitetet për kryeministrin e parë shqiptar

Gostivar, 21 qershor 2020

Tre ditë para fillimit zyrtar të fushatës zgjedhore për zgjedhjet parlamentare të 15 Korrikut, Shtabi Komunal Zgjedhor i degës së Bashkimit Demokratik për Integrim – BDI në Gostivar, në mbledhje të ndara, realizoi takime me funksionarët lokal dhe qendror, anëtarët e kryesisë së degës si dhe kandidatët për deputetë nga dega e Gostivarit.

Shefi i Shtabit, z. Nexhati Jakupi dhe ndihmësi i tij, z. Bashkim Hasani, njoftuan zyrtarët e partisë mbi aktivitetet para dhe gjatë fushatës zgjedhore.

Pos Jakupit dhe Hasanit, në mbledhjet e mbajtura në selinë në Gostivar, fjalë mbajtën edhe kandidatët  për deputetë nga dega e Gostivarit, zonj, Arta Bilalli – Zendeli, zonj. Vjollca Latifi – Ademi dhe z. Hasim Deari. Tema kryesore ishte ideja mbi Kryeministrin e parë Shqiptar të nxitur nga lideri, z. Ali Ahmeti.

Edhe në këto mbledhje, Jakupi dhe Hasani u fokusua tek kujdesi i shtuar për mbrojtje nga CoVid-19 gjatë gjithë aktiviteteve  parazgjedhore.

Bashkimi Demokratik për Integrim – BDI, dega në Gostivar  

__________________________________________________________________________

MEDIAL këto tekste i publikon në formë integrale dhe origjinale dhe nuk mban përgjegjësi për përmbajtjen e tyre.