Gjykata Supreme vendosë të mos e ekstradojë Tomor Morinën në Serbi, lirimi i tij pritet brenda orësh

në kategorine Kosovë

Gjykata Supreme e Maqedonisë se Veriut ka marrë vendim që ish pjestari i Ushtrisë Çlirimtare të Kosovës Tomor Morina të mos ekstradohet në Serbi.

Naser Raufi, avokat i Tomor Morinës, ka bërë të ditur për Klan Kosova se  ish ushtari i UÇK-së pritet të lirohet brenda disa orësh.

“Brenda dy orësh presim që Tomori të dalë nga burgu i Shkupit”.

Ai sqaroi se vendimi i Gjykatës Supreme vërteton vendimi i Gjykatës Penale, e cila ka thënë nuk ka kushte për ekstradim.

“Kështu ka thënë edhe Gjykata Supreme. Sapo e nënshkrova vendimin e gjykatës për lirimin e tij” tha Raufi.

Tomor Morina ishte arrestuar nga policia maqedonase më 24 korrik, në bazë të një fletarresti të Interpolit, të lëshuar me kërkesë të Serbisë.

Morina dyshohet nga ana e autoriteteve të Serbisë se para 20 vjetëve, si pjesëtar i UÇK-së, ka bërë krime kundër popullatës civile në Kosovë.

Burimi: https://klankosova.tv/

©MEDIAL.MK Derisa keni vendosur të merrni përmbajtje nga kjo faqe, në tërësi pajtoheni me /KUSHTET E PËRDORIMIT/.