Gjici: Nga 1 shtatori gjoba për qytetarët apo bizneset që nuk i depozitojnë mbetjet në vendet e caktuara

në kategorine Shqipëri

TIRANE, 13 gusht/MEDIAL/- Bashkia Kukës do të aplikojë gjoba për të gjithë qytetarët apo bizneset që nuk i depozitojnë mbetjet në vendet e caktuara.
Kryebashkiaku i Kukësit, Safet Gjici deklaron se është e domosdoshme ashpërsimi i masave nisur edhe nga situata e rënduar në të cilën ndodhet territori i qytetit nga mbetjet urbane dhe inerteve të hedhura vend e pa vend.
“Duke parë situatën e rënduar në të cilën ndodhet territori i qytetit, sa i përket mbetjeve urbane dhe inerteve të hedhura vend e pa vend, Bashkia Kukës do të aplikojë gjoba për të gjithë qytetarët apo bizneset që nuk i depozitojnë mbetjet në vendet e caktuara. Këto masa do merren, duke qenë se ka qytetarë, të cilët rikonstruktojnë shtëpitë dhe mbetjet inerte i përziejnë me ato urbane”, shprehet Gjici.
Po ashtu, thekson ai, ka biznese të cilat ndotin ambientin me mbetjet e produkteve që tregtojnë.
Kryebashkiaku i Kukësit deklaron se masat administrative do të nisin së aplikuari më 1 shtator.
.

Artikulli paraprakSHBA – Trump: Biseda telefonike me Kinën shumë produktive

Burimi: http://ata.gov.al/ 

©MEDIAL.MK Derisa keni vendosur të merrni përmbajtje nga kjo faqe, në tërësi pajtoheni me /KUSHTET E PËRDORIMIT/.