Giggs e kishte parashikuar fiksimin e Ronaldos me Messin

në kategorine Sport

Legjenda e Manchester Unitedit dhe trajneri i Uellsit, Ryan Giggs, e kishte parashikuar saktësisht se Cristiano Ronaldo do ta thumbonte Lionel Messin për faktin se ai e ka kaluar të gjithë karrierën e tij me Barcelonën.

34-vjeçari i Juventusit, Cristiano Ronaldo, së fundi e goditi
kapitenin 32-vjeçar të Barcelonës, për faktit se ai, për dallim nga
argjentinasi, e ka fituar titullin e Ligës së Kampionëve me më shumë sesa vetëm
një klub, transmeton Gazeta Express.

“Dallimi im me Messin është se unë kam luajtur në shumë
klube dhe e kam fituar titullin e Ligës së Kampionëve me shumë klube”, është
shprehur Ronaldo.

“Unë isha golashënuesi më i mirë i Ligës së Kampionëve për
gjashtë sezone radhazi. Nuk ka shumë lojtarë që e kanë fituar titullin e Ligës
së Kampionëve pesë herë dhe për këtë arsye unë e identifikoj veten me këtë
turne”.

Por, Giggsi, 45-vjeçar, kishte thënë verën e kaluar, pas
transferimit të Ronaldo në Juventusit për mbi 100 milionë euro, se ish-ylli i
Real Madridit do ta përdorë këtë fakt, se ka luajtur me shumë klube, kundër
Messit.

“Jam i habitur që ai po largohet nga Real Madridit dhe po
shkon në Itali. Mendoj se është një sfidë e madhe për të, por ai po shkon në një
klub shumë të madh”, kishte trajneri i Uellsit në atë kohë.

“Ta kesh këtë gjë në CV-në tënde… Real Madridin,
Manchester Unitedin dhe Juventusin. Kjo do të jetë një sfidë për të, si
33-vjeçar. Ai është i fiksuar me të qenit më i mirë sesa Messi”,.

“Ndoshta argumenti i tij kur të mendojë se a është më i mirë
sesa Messit do të jetë: “Unë e bëra në Angli, në Spanjë dhe do ta bëjë në
Itali. E bëra edhe me Portugalinë””.

Ronaldo mund ta ketë thumbuar Messin me komentet e tij për
Ligën e Kampionëve, mirëpo portugezi vazhdoi duke e lavdëruar rivalin e tij
argjentinas për arritjet e tij.

 “Messi është një
lojtar i shkëlqyeshëm që do të mbahet mend jo vetëm për Topat e Artë të rij,
por edhe për faktin se ai është intervistuar – sikur unë – vit pas viti”.

“Unë zgjohem çdo mëngjes me idenë për t’u stërvitur dhe me
qëllimin për të arritur diçka më të madhe. Falë Zotit, mua nuk më mungojnë
paratë, kështu që unë e kam synim vetëm të fitoj një vend në histori të
futbollit”. /Gazeta Express/

BURIMI: https://www.gazetaexpress.com/sport/

©MEDIAL.MK Derisa keni vendosur të merrni përmbajtje nga kjo faqe, në tërësi pajtoheni me /KUSHTET E PËRDORIMIT/.