Shkup, 27 tetor – Në kuadër të Ditëve të edukimit mediatik 2022 (25 tetor – 1 nëntor), sot në Fakultetin Filologjik “Blazhe Koneski” në Shkup do të mbahet panel-diskutim mediatik “Edukimi mediatik dhe studentët”.
Panel – diskutimi do të hapet nga prof. Dr. Maja Bojaxhievska, prodekane për shkencë dhe bashkëpunim ndërkombëtar, dhe Doc. Dr. Kristina N. Nikollovska, udhëheqëse e projektit “Pranimi i filologëve të ardhshëm në fushën e edukimit mediatik”.
“Aspekte të ndryshme që lidhen me edukimin mediatik, arsimin e lartë dhe komunitetet e margjinalizuara do të diskutohen nga: Blejk Smith, profesor nga Universiteti i Çikagos, Studiues Fulbrajt në Fakultetin Filologjik; Gordana Aleksova, profesoreshë e asocuar në Departamentin e Gjuhës Maqedonase; Branisllav Gerazov, profesor i asociuar në Fakultetin e Inxhinierisë Elektrike dhe Teknologjive Informative (FEIT); Bojan Shashevski, gazetar nga Radio MOF; Viktoria Volak, përkthyese e gjuhës së shenjave; Saranda Mehmedi, studente, poete, këngëtare dhe aktiviste për të drejtat e refugjatëve dhe Kristian Lazarov, student dhe aktivist për të drejtat e personave me shikim të dëmtuar”, njoftojnë nga Fakulteti Filologjik.
Projekti “Futja e filologëve të ardhshëm në sferën e edukimit mediatik” është pjesë e programit “Të rinjtë mendojnë”, financuar nga Agjencia e SHBA-së për Zhvillim Ndërkombëtar (USAID). Ai zbatohet nga IREKS (Bordi Ndërkombëtar për Kërkim dhe Shkëmbim) në bashkëpunim me partnerët lokalë – Institutin për Studime të Komunikimit, Institutin Maqedonas për Media dhe Forumin Arsimor Rinor.
