ZAEV: Votat për REKËN do të arrijnë në konton e PENDAROVSKIT

në kategorine Maqedoni

Kryeministri Zoran Zaev njëherit edhe lider i LSDM-së, partia e cila ishte pas kandidaturës presidenciale të Stevo Pendarovskit mbrëmë në konferencën për shtyp pas rrethit të parë të zgjedhjeve shfaqi besim se në rrethin e dytë të zgjedhjeve votat e qytetarëve të cilët e kanë dhënë votën e tyre për kandidatin Blerim Reka do të arrijnë në konton e unitetit dhe në konton e cila qon përpara.

Në pyetjen se pse ata që në rrethin e parë e kanë mbështetur Blerim Rekën në rrethin e dytë do ta mbështesin atë, Pendarovski tha se është i qartë dallimi mes konceptit të cilin e promovon ai dhe konceptit të cilin e promovon kundër kandidatja e tij. Koncepti i tij, siç tha, ka mundësi më të madhe që të arrijë deri te qytetarët shqiptarë. Ai theksoi se Siljanovska zbaton koncept kombëtar prej 19 shekujsh.

Sipas tij, koncepti i kundër kandidates së tij e cila është e mbështetur edhe nga lideri i VMRO-DPMNE-së Hristian Mickoski është etnocentrik dhe në të nuk ka vend për asnjë bashkësi etnike përveç se për maqedonasit. Shtoi se në konceptin e tij ka vend për të gjithë.

Zaev tha se ai është real dhe e ka të qartë se ka qytetarë të cilët votojnë në bazë etnike, por shtoi se në rrethin e dytë zgjedhor pret që qytetarët të cilët e kanë dhënë votën e tyre për Blerim Rekën do të vijnë në konton e unitetit dhe konton e cila qon përpara.

Theksoi se nëse kandidati Stevo Pendarovski humb edhe madje edhe me një votë ai është i gatshëm për zgjedhje të parakohshme zgjedhore.

“Këtë e them aq fuqishëm dhe hapur sepse jam i bindur deri në qiell se do të fitojmë”, tha Zaev.

Në lidhje me censusin e vogël në komunat ku popullata dominuese janë shqiptarë dhe a do të thotë kjo se BDI-ja nuk ka ofruar, Zaev tha se të gjitha partitë politike kanë bërë gjithçka që është në fuqi të tyre dhe se qytetarët janë qytetarë dhe “askush nuk i bart qytetarët në xhep”.

“Secili qytetar vendos atë që është më e mira për të, për familjen e tij, për vendin e ti”, tha Zaev dhe shtoi se qytetarët në të gjitha zgjedhjet dërgojnë porosi të ndryshme duke përkujtuar se kemi harruar që të kemi vetëm zgjedhje presidenciale.

Ai shtoi se është shumë me rëndësi që të zgjidhet presidenti i vërtetë dhe se është fushatë pozitive në rrethin e dytë edhe më shumë do të rritet mbështetja për Pendarovskin.

Në pyetjen e gazetares që të japë koment për dallimin e ngushtë mes Pendarovskit dhe Siljanovskës në rrethin e parë të votimit, Zaev theksoi se duhet të merret parasysh se në periudhën e kaluar ishin sjellë shumë vendime të rëndësishme për të ardhmen e shtetit që, siç tha, kërkon guxim, ndërsa me këtë u hapën perspektivat dhe përfundimisht shteti nuk ka konteste të hapura bilaterale.

“Pas gjithë këtyre vendimeve të guximshme ja ku jemi me fitore në rrethin e parë, secila votë është rëndësishme dhe unë jam i bindur. Në bazë të korpusit të votave, ndërsa shpresoj se në rrethin e dytë do të dalin edhe një numër i madh i votuesve dhe se me këtë dallimi do të jetë edhe më i madh. Shumica e qytetarëve qartë definuan se në cilin drejtim duhet të ecë vendi ynë”, tha Zaev duke shtuar se gjithsesi nuk guxojnë të ikin nga dobësitë, gjegjësisht disa qytetarë kishin pritur rezultate më të mëdha në sferën ekonomike.

Kryeministri dhe kryetar i LSDM-së theksoi se kandidatja e mbështetur nga VMRO-DPMNE-ja Gordana Siljanovska Davkova aspak nuk është përkushtuar për barazinë në shtet.

“Bashkësi etnike serioze në shtetin tonë nuk i intereson, supozohet se luajtën në kartën e nacionalizmit dhe ata do t’a bartin rrezikun  e tyre duke luajtur në kartën e kuazi nacionalizmit dhe kuazi patriotizmit. Patriot i vërtetë është ai i cili sjell vendime të guximshme për shtetin, jo për partinë e tij, jo për përfitime të tij personale”, tha Zaev

(FOTO) Për 24 orë në Shkup MPB ka regjistruar 24 aksidente trafiku

në kategorine Maqedoni

Një motoçiklist humbi jetën, katër persona janë lënduar rëndë, ndërsa 14 kanë marrë lëndime të lehta trupore, në 14 prej gjithsej 24 aksidenteve të regjistruara fundjavën e kaluar në rajonin e SPB Shkup.

Me shpejtësi më të madhe nga e lejuara kanë lëvizur 54 shoferë. Nga komunikacioni janë larguar 39 shoferë, prej të cilëve 34 para se të marrin të drejtën për drejtim të automjetit, katër shoferë fillestarë, njëri nën ndikimin e alkoolit. Janë larguar edhe 22 automjete të paregjistruara.

Janë sanksionuar edhe gjashtë këmbësorë të cilët kishin kaluar rrugën jashtë vendkalimit për këmbësorë, pesë shoferë të cilët nuk kishin dhënë përparësi për kalim të këmbësorëve në vendin e shënuar për këmbësorë, dhjetë për qëndrim të palejuar, 15 të cilët nuk bartnin rripin e sigurisë, 32 bisedonin në celular gjatë drejtimit të veturës.

Pendarovski dhe Siljanovska në “garë të vdekur”, fituesi do të dihet më 5 maj

në kategorine Maqedoni

Shkup, 22 prill 2019 (MEDIAL) – Presidenti i ri i Republikës së Maqedonisë Veriore do të zgjidhet në raundin e dytë, pasi asnjë prej tre kandidatëve nuk fitoi shumicën e votave nga numri i përgjithshëm i votuesve në votimin e djeshëm, pra 904.066 vota.

Sipas rezultateve paraprake të publikuara në ueb faqen e KSHZ-së prej 99,96 për qind të votave të përpunuara, kryeson kandidati presidencial i LSDM-së dhe Koalicionit Stevo Pendarovski me 42,85 për qind, e dyta është kandidatja e VMRO-DPMNE-së dhe koalicionit Gordana Siljanovska Davkova me 42,24, ndërsa i treti është kandidati i mbështetur nga Aleanca për Shqiptarët dhe Besa, Blerim Reka me 10,57 për qind. E shprehur në vota të fituara, deri tani nga  votat e numëruara për Pendarovskin votuan 323,846 qytetarë, për Siljanovskën 319,240 , ndërsa për Rekën 79,715  qytetarë. Fletëvotime të pavlefshme janë 32,828. Jehona në raundin e parë të zgjedhjeve presidenciale ka qenë 41,82 për qind ose në votime kanë dalë rreth 755,816 qytetarë.

Raundi i dytë i votimit do të mbahet më 5 maj, ku do të përballen dy kandidatët që janë klasifikuar të parët në zgjedhje, Stevo Pendarovski dhe Gordana Siljanovska Davkova. Për një nga dy kandidatët për të marrë postin e presidentit të shtetit, të paktën 40 për qind nga gjithsej 1,808,131 votues të regjistruar në listën e zgjedhësve do të kërkohet që të votojnë 723,253 votues. Nëse plotësohet cenzusi do të fitojë ai që ka më tepër vota. Përndryshe, duhet të shpallen zgjedhje të reja presidenciale.

Kandidati për shef të shtetit i LSDM-së dhe koalicionit Stevo Pebdarovski pas përfundimit të raundi të parë të zgjedhjeve presidenciale tha se secili duhet të marrë pjesë në ndryshimet pozitive.

“Koncepti së bashku do të fitojë në raundin e dytë të zgjedhjeve presidenciale më 5 maj. Është e qartë, shumica e qytetarëve, maqedonas, shqiptarë, turq, serbë, boshnjakë, vllehë, romë, të tjerë…janë prononcuar se dëshirojnë Përpara. Kjo është pjesa tjetër e konceptit të suksesshëm për të gjithë ne dhe për shtetin tonë”, tha Pendarovski.

Votimi i sotëm. vlerësoi, ka kaluar në frymë demokratike. Pres ashtu edhe të vazhdojmë edhe më 5 maj që t’i mbarojmë këto zgjedhje.

Oponentja e tij Gordana Siljanovska Davkova theksoi se legjitimiteti i qeverisë buron nga populli, dhe ky pushtet, siç tha ajo, e harxhoi atë në 2,5 vjet dhe për këtë arsye zgjedhjet e parakohshme parlamentare janë të nevojshme.

“Nuk jam njeri që dëshiron ose mbytet në triumfalizëm. E di se na pret beteja, por mendoj se nëse fitojmë numër kaq të madh votash dhe nëse atyre ua shtojmë ato të zotit Blrim Reka si kandidat i pavarur i mbështetur prej dy partive, tregimi është i qartë. Të dy ne flasim për qeverisjen e së drejtës, për shtetin ligjor, për t’i dhënë fund korrupsionit dhe krimit. Tregimi është demokratik dhe tregimi është evropian. Dhe vetëm me tregime të tilla ne mund të marrim fillim të negociatave dhe vetëm me realizimin e tregimit të këtillë ne mund të marrim fillim të negociatave, të hapërojmë drejt BE-së, në të kundërt do të mbetemi të varrosur në tranzicion”, tha Siljanovska.

Kandidati presidencial Blerim Reka, zgjedhjet i vlerësoi si korrekte, të lira dhe demokratike, ndërsa theksoi se  nuk ka jehonë e madhe për shkak të listët së paazhurnuar zgjedhore e cila numëron rreth 1,8 milionë votues edhe pse, siç tha, nga vendi janë shpërngulur më shumë se 250.000 persona dhe numri real i votuesve është rreth 1,5 milionë.

“Në të gjitha komunat me popullatë dominante shqiptare  udhëheqim me  3:1, ndërsa kam marrë vota edhe në të gjitha komunat me shumicë maqedonase. Nuk ka komunë me shumicë maqedonase ku nuk kam marrë vota. Këto 80 mijë vota e delegjitimojnë politikën dhe kanë treguar me me cilin  dhe për kë është populli. Kjo paralajmëron pranverë politike në Maqedoni e cila do të çimentohet në zgjedhjet e parakohshme parlamentare”, potencoi Reka.

Shënim i 22 Prillit – Ditës së planetit Tokë

në kategorine Maqedoni

Me më shumë aktivitete sot në kryeqytet do të shënohet 22 prilli – Dita e planetit Tokë. Temë e shënimit të sivjetshëm ndërkombëtar të Ditës së planetit Tokë është “Mbroni speciet tona” (Protect Our Species) dhe ka për qëllim të edukojë dhe ta ngritë ndërgjegjën për uljen e shpejtë të bimësisë dhe kafshëve të egra të shkaktuara nga aktivitetet njerëzore.

Në organizim të Qytetit të Shkupit në Kopshtin zoologjik janë të parashikuara disa aktivitete, ndërsa në shënim do të kyçet edhe Ministria e Mjedisit Jetësor dhe Planifikimit Hapësinor.

Në ora 10:15 sot në qendrën edukative në Kopshtin zoologjik do të mbahet  eko-orë e shkurtër “Vlera e llojeve të egra”me përfaqësues nga Ministria.

Qëllimi i këtij projekti është që fëmijët nga mosha më e re ta zhvillojnë ndërgjegjën për ruajtje të gjelbërimit, ekologjisë dhe për të gjitha përfitimet e saj për mjedis të shëndetshëm jetësor.

Raundi i parë i zgjedhjeve korrekt dhe demokratik

në kategorine Maqedoni

Shkup, 22 prill 2019 (MEDIAL) – Proces zgjedhor skandinav, paqësor, i drejtë dhe demokratik. Këto janë vlerësimet për zgjedhjet presidenciale të djeshme nga pjesëmarrësit në procesin zgjedhor, nga organizatorët dhe nga Ministria e Punëve të Brendshme. Vlerësimi paraprak i zgjedhjeve duhet të shpallet sot nga OSBE / ODIHR, si dhe Shoqata Qytetare MOST, e cila kishte numrin më të madh të vëzhguesve në procesin zgjedhor.

Kryetari i KSHZ-së, Oliver Derkovski, mbrëmë vonë procesin zgjedhor e vlerësoi si  të pastër dhe të qetë. Është e rëndësishme, tha ai, se nuk kemi pasur kundërshtime serioze ndaj procesit zgjedhor nga pjesëmarrësit, por edhe nga vëzhgues ndërkombëtarë dhe të huaj.

Dita e zgjedhjeve kaloi në atmosferë jashtëzakonisht të qetë, korrekte dhe demokratike. Patëm raund të parë të zgjedhjeve presidenciale të pastër kristal. Patëm zgjedhje skandinave, siç i ngjan një shteti, anëtar i ardhshëm i NATO-s dhe BE-së, vlerësuan  mbrëmë nga shtabi zgjedhor i kandidatit presidencial, Stevo Pendarovski.

Në reagimin fillestar pas ditës së zgjedhjeve, nga shtabi i VMRO-DPMNE-së, theksuan se procesi zgjedhor ishte përgjithësisht i qetë dhe demokratik, por theksuan se ka pasur shkelje të caktuara.

Nga shtabi zgjedhor i kandidatit presidencial, Blerim Reka vlerësuan se zgjedhjet e sotme kanë kaluar në atmosferë korrekte dhe demokratike. Sipas tyre, brengos fakti që është e vogël përqindja e daljes në këto zgjedhje dhe kjo sipas tyre e konfirmon tezën e tyre se 1/4 e popullatës është shpërngulur nga Republika.

Ministri i Punëve të Brendshme Oliver Spasovski në pres konferencë pas mbylljes së vendvotimeve për zgjedhjet në raundin e parë të zgjedhjeve presidenciale theksoi se  institucionet e Republikës së Maqedonisë Veriore treguan se munden që të organizojnë zgjedhje të qeta dhe demokratike siç i ka hije vendit që së shpejti do të bëhet anëtare e NATO-s dhe është në rrugën për anëtarësimin e BE-së.

KIRACOVSKI: Pendarovski fitore të sigurt dhe në raundin e dytë

në kategorine Maqedoni

Kandidati i mbështetur nga LSDM-ja dhe koalicioni Stevo Pendarovski është në epërsi para kundërkandidatit të tij të mbështetur nga VMRO-DPMNE-ja dhe koalicioni Gordana Siljanovska Davkova, pas numërimit të rreth dy të tretave të vendvotimeve, deklaroi në konferencë për shtyp shefi i shtabit zgjedhor të Pendarovskit, Aleksandar Kiracovski.

Kiracovski saktësoi, sipas të dhënave aktuale udhëheq me 2,5 për qind para Gordana Siljanovska-Davkovës.

“Kandidati i mbështetur nga të gjithë komunitetet etnike do të realizojë fitore të sigurt edhe në raundin e dytë, në një stmosferë korrekte dhe demokratike. Në raundin e dytë presim që qytetarët edhe më fuqishëm ta mbështesin konceptin që shkon përpara”, tha Kiracovski pa hyrë në detaje në cilat vendvotime udhëheq Pendarovski, duke përmendur se këto janë zgjedhje presidenciale, e jo zgjedhje lokale.

Theksoi se Stevo Pendarovski pa dyshim do të jetë presidenti i ardhshëm i Maqedonisë së Veriut.

Duke u përgjigjur në pyetjen e gazetarëve, Kiracovski ka se jehona nuk është e ulët, ajo është mbi 40 për qind, duke shtuar se me siguri qytetarëve në vend janë mërzitur prej zgjedhjeve në 12 vitet e kaluara dhe ata janë të lodhur nga politika.

Thotë se Pendarovski e ka mbështetjen e LSDM-së dhe të gjithë partnerëve të koalicionit dhe se këtu në media qendrën e Pendarovskit janë të pranishëm përfaqësues të të gjitha partive, mes të cilëve pritet edhe ardhja e përfaqësuesve të BDI-së. (koha.mk)

SELA: Shqiptarët u shprehen qartazi, janë të pakënaqur

në kategorine Maqedoni

Kryetari i Aleancës për Shqiptarët, Ziadin Sela, në një konferencë për shtyp së bashku me aleatin e tij të Besës, Bilal Kasami dhe kandidatin e tyre të përbashkët për President, Blerim Reka, tha se shqiptarët e dhanë qartazi mesazhin dhe sot me votë dëshmuan se janë të pakënaqur.

7Këtë, sipas kryetari të ASH-së, e dëshmuan me votë direkte për profesor Rekën ku në të gjitha komunat me shumicë shqiptare, profesor Reka fiton me rezultatin 3 me 1.

Sipas tij, mesazh të fortë jep edhe numri i ulët i daljeve në komunat me shumicë shqiptare, bojkoti për definicion, është bojkot ndaj pushtetit dhe bojkot ndaj pushtetit qeverisës. Gjithashtu, tha ai, shihen edhe gjurmët e këtij shtetit të zbrazur, mungesës së shtetit të së drejtës dhe mungesës së shpresës në këtë vend. Partitë në pushtet kanë humbur përfundimisht në këto zgjedhje, përfundoi Sela.

/Alsat-M/

DUKA i BDI-së, fitues i zgjedhjeve në Dibër

në kategorine Maqedoni

Kandidati i Bashkimit Demokratik për Inegrim (BDI), Hekuran Duka është fitues i zgjedhjeve lokale në Komunën e Dibrës. Këtë e ka bërë të ditur zyrtari i lartë i BDI-së dhe zv/kryeministri Bujar Osmani, me një njoftimi në rrjetin social Facebook, transmeton Koha.

“Dibra…..”, ka shkruar Osmani, duke lënë të kuptohet se kandidati i partisë së tij, ka fituar në Komunën e Dibrës. Kundër kandidat i Dukës në zgjedhjet për garën për të parin e komunës ishte kandidati i Aleancës për Shqiptarët (ASH), Arben Agolli. (koha.mk)

KSHZ: Pendarovski 45,21 për qind, Siljanovska 41,39 dhe Reka 11,81 për qind

në kategorine Maqedoni

Shkup, 21 prill 2019 (MEDIAL) – Sipas rezultateve të para të publikuara në ueb faqen e KSHZ-së prej 65,52 për qind të votave të përpunuara, kryeson kandidati presidencial i LSDM-së dhe Koalicionit Stevo Pendarovski me 45,21 për qind, e dyta është kandidatja e VMRO-DPMNE-së dhe koalicionit Gordana Siljanovska Davkova me 41,39, ndërsa i treti është kandidati i mbështetur nga Aleanca për Shqiptarët dhe Besa, Blerim Reka me 11,81 për qind.

E shprehur në vota të fituara, deri tani nga  votat e numëruara për Pendarovskin votuan 197,923 qytetarë, për Siljanovskën 181.198, ndërsa për Rekën 51.701 qytetarë

Jehona në raundin e parë të zgjedhjeve presidenciale deri në orën 18:30 ka qenë 39,71 për qind nga 91,54 për qind e vendvotimeve ose në votime kanë dalë rreth 700 mijë qytetarë.

Votimi në Kërçovë filloi në kohë dhe po zhvillohet pa probleme

në kategorine Maqedoni

Kërçovë, 21 prill 2019 (MEDIAL) – Votimi në të gjitha 115 vendvotimet në komunën e Kërçovës në rrethin e parë të zgjedhjeve presidenciale filloi në kohë.

Kryetarja e Komisioni Komunal Zgjedhor, Antigona Seferi informoi se deri më tani votimi zhvillohet rrjedhshëm dhe pa probleme në të gjitha vendvotimet në tërë territorin e komunës së Kërçovës, ku të drejtë vote kanë gjithsej 50.296 votues. ..

Erdoğan: Sulmet terroriste në Sri Lankë, kundër gjithë njerëzimit

në kategorine Bota

Presidenti i Turqisë, Recep Tayyip Erdoğan, nëpërmjet llogarisë së tij në Twitter ka dënuar sulmet terroriste ndaj kishave dhe hoteleve në Sri Lankë, transmeton Anadolu Agency (AA).

“Dënoj fuqimisht sulmet terroriste në Sri Lankë të cilat janë kryer në një kohë me festën e pashkëve. Ky sulm është kryer kundër gjithë njerëzimit. Shpreh ngushëllimet e mia dhe të popullit tim për familjarët që kanë humbur të afërmit e tyre në sulme si dhe uroj shërim të shpejtë për të plagosurit”, thekson presidenti Erdoğan në postimin e tij. 



. . . .

Burimi: https://www.aa.com.tr/sq/

Efektet e Xhenxhefilit nëse e konsumoni atë për 30 ditë

në kategorine Shëndeti

Xhenxhefili është një nga erëzat më të fuqishme të globit.

Atë e gjejmë të freskët, të thatë e në formën e pluhurit,shkruan Agroweb.org

Xhenxhefili është një nga erëzat më të shëndetshme, falë ushqyesve dhe përbërësve bioaktivë që përmban.

Nëse nuk e keni përdorur deri më tani, lexoni këtë artikull dhe zbuloni 8 ndryshimet pozitive që i ndodhin organizmit falë konsumit ditor të xhenxhefilit.

Tretja

Përbërësit e xhenxhefilit zbusin irritimin në sistemin tretës.

Ato stimulojnë prodhimin e pështymës dhe lëngjeve biliare dhe lehtësojnë lëvizjen e ushqimeve nëpër sistemin tretës.

Konsumi i xhenxhefilit përpara vakteve përshpejton përpunimin e ushqimit në stomak dhe përmirëson tretjen me 50 përqind.

Çajin e xhenxhefilit mund ta përgatisni duke zier në një gotë ujë 2-3 cm xhenxhefil në feta.

Të përzierat

Nëse përjetoni të përziera, atëherë konsumoni 1 deri në 2 gramë xhenxhefil në ditë.

Dhimbjet

Një studim  zbuloi se konsumi ditor i xhenxhefilit zbut dhimbjet muskulare me 25 përqind.

Sëmundjet e Zemrës

Studimet kanë treguar diabetikët që konsumojnë dy gramë xhenxhefil pluhur çdo ditë, shijojnë uljen e nivelit të sheqerit në gjak me 10 përqind.

Niveli i lartë i sheqerit në gjak është një faktor madhor rreziku për sëmundjet e zemrës.

Ulja e Kolesterolit

Ekspertët thonë se konsumi ditor i të paktën 3 gramëve xhenxhefil (në formën tuaj të preferuar) mundet të ulë ndjeshëm nivelin e kolesterolit në gjak.

Inflamacioni

Inflamacioni është përgjegjës për një sërë sëmundjesh që i kanosen organizmit.

Më e përhapura është osteoartriti që prek kyçet.

Ekspertët shprehen se konsumi ditor i ekstraktit të xhenxhefilit zbut dhimbjet dhe nevojën për të marrë medikamente.

Qelizat e dëmshme

Substancat mirëbërëse të xhenxhefilit janë duke u testuar për rolin e tyre në trajtimet tumoriale.

Një studim zbuloi se konsumi ditor i 2 gramëve të ekstraktit të xhenxhefilit, pakëson numrin e molekulave nxitëse të inflamacionit në sistemin tretës.

Shëndeti mendor

Plakja është një proçes që mund të përshpejtohet nëpërmjet një sërë faktorësh siç është inflamacioni kronik apo stresi oksidues.

Të dhënat tregojnë se antioksidantët tek xhenxhefili pengojnë reagimet inflamatore të trurit.

Konsumi ditor i xhenxhefit përmirëson kujtesën dhe shëndetin e përgjithshëm mendor.

Përdoreni xhenxhefilin në gatim ose çaj për 30 ditë për të parë ndryshimin.

Katolikët i festojnë Pashkët

në kategorine Maqedoni

Shkup, 21 mars 2016 (MEDIAL) – Katolikët sot festojnë festën më të madhe krishtere, Ringjalljen e Krishtit – Pashkët.

Tradicionalisht në Maqedoni, shënimi qendror me rastin e festës u mbajt mbrëmë në Kishën katolike “Zemra e shenjtë e Jezuit” në Shkup, ku u mbajt liturgji për Pashkët.

Peshkopi i Shkupit dhe ekzarku apostolik në Maqedoni, Kiro Stojanov, besimtarëve u dërgoi porosi me rastin e Pashkëve.

Ali Ahmeti nga Tetova: Koncepti i konsensualiteti dobiprurës për shqiptarët

në kategorine Maqedoni

 Bashkimi Demokratik për Integrim, fushatën përmbyllëse për zgjedhjet presidenciale për këtë vit e ka mbajtur në Tetovë, ku kryetari  Ali Ahmeti ju bëri thirrje qytetarëve të Komunës së Tetovës që së bashku me 21 prill të votojnë për konsensualitetin që është një ndër shtyllat e Marrëveshjes paqësore të Ohrit dhe se vota për presidentin konsensual është një hap përpara drejt anëtarësimit të plotë në NATO dhe Bashkimit Evropian.

“Një nga shtyllat e marrëveshjes është Demokracia Konsensuale. Nuk di si t’jua shpjegoj oponentëve edhe pse vetë ata e kanë shpjeguar po siç shihet edhe ata vetë nuk kanë ditur se çka shpjegojnë. Unë jam shumë i sigurt dhe optimist se në çdo fushë që kemi hyrë kemi dal faqebardhë kemi dal të suksesshëm. Andaj të mos hezitojmë se nuk bëjmë ndonjë turp pasi ka nga ata që thonë si të votoj unë një maqedonas. Duhet ditur se votohet për veten, që vendi të jetë në NATO dhe BE, voton që nesër të kesh president shqiptarë por edhe kryeministër shqiptarë, nuk e kishin lehtë deputet që votuan zyrtarizimin e Gjuhës shqipe pasi  kam folur me to por kjo është demokracia konsensuale këtë e kemi arrit me sakrificë me gjak, nuk duhet bëjmë hap pas duhet ecur përpara duke tejkaluar inatet, paragjykimet. Të kaluarën të mos e harrojmë ta kujtojmë si të dhimbshme por mos heqim dorë nga e ardhmja, ta ndërtojmë të ardhmen dhe e ardhmja nuk ndërtohet duke përsëritur të kaluarën, prandaj të gjithë skeptiket që thonë njëri kështu e ka emrin tjetri kështu e ka emrin, punë më e  madhe është  heroizëm, vendosmëri asi do që ta quajmë edhe fisnikëri të hapësh rrugë të pahapura se mbi asfalt gjithkush kalon dhe ne po hapim  duke hapur rrugë të reja,”  u shpreh kryetari i BDI-së, Ahmeti

Kryetari i BDI-së, Ahmeti potencoi se për çdo punë duhet guxim  me qëllim që dobi të kenë të gjithë njëherit për këto veprime asnjë subjekt apo ndonjë Lëvizje qytetare në Maqedoninë e Veriut të shtrojë këto koncepte.

“Ata nuk kanë kapacitete, potenciale as partiake, intelektuale, njerëzore dhe këto kapitale ose kapacitete, këto energji i ka Bashkimi Demokratike për Integrim me çka ka dhënë prova që di të bëjë guximshëm veprime. Ne kemi bërë dhe anketime dhe nuk është hyrë kotë në këtë veprimtari pasi është marrë mendim i përgjithshëm edhe i qytetarëve. E kam thënë në një vend se me e dit unë Ali Ahmeti që një  gram nuk do të mund ta lëvizi përpara  çështjen e shqiptarëve  një veprim nuk e bëjë dot sepse  nuk dua të bëjë keq për shqiptarët dhe të kujtohem për keq tek shqiptarët.  Është koncept, është veprim i dobishëm, dobiprurës për shqiptarët dhe për të tjerët, duhet të ndërtojmë ura jemi përcaktuar për një shtet të përbashkët,” tha Ahmeti.

Kryetari BDI-së Ahmeti ndër të tjerash shtoi se gjatë këtyre katër viteve ka patur nga ata që e kanë pyetur pse nuk e kanë mbajtur pretimin për anëtarësimin e vendit në NATO, me çka është përgjigjur  se për këtë BDI-ja nuk është fajtore.

“Ne nuk ishim fajtor, nuk e ngritëm flamurin e bardh deri sa e realizuam ku mbi 11 vende veç se kanë ratifikuar anëtarësimin tonë në organizatën më të madhe politiko-ushtarake të quajtur NATO. Anëtarësimi në Bashkimin Evropian si dita sot  do të ndodhë të nesërmen, pra me këto veprime ne e afrojmë vendin tonë në këtë aleancë.  Evropa është vendi i diversiteteve, andaj janë të pakuptimta një pjesë e fushatave ku vetë ma kanë thënë një pjesë e tyre nga komuniteti ndërkombëtar nga Brukseli çka duan këta opozitarët shqiptarët, pse kthehen pas. Gjërat kanë shkuar aq larg por duhet të kesh njohuri, zgjuarsi dhe senzorët ti kesh të zhvilluar të shohësh se në çfarë drejtimesh shkojnë ngjarjet. BDI-ja me vetëdije hynë në një rrugë në të cilën rrugë është shumë i sigurt se fiton dhe është fitimtarë andaj të gjithë ne duhet të angazhohemi që konceptin ta materializojmë. Kemi mund të bëjmë edhe mitingje më të madhe në takimin përmbyllës, por jo është thirr aktivi, njerëzit që kanë kontribuar, misionar për 20 vite që të materializojmë këtë mision që ja kemi vendosur vetes”, përfundoi kryetari i BDI-së, Ali Ahmeti.

Zaev: Mos e hudhni votën tuaj, opsion për të gjithë është “Së bashku përpara”

në kategorine Maqedoni

Dibër, 19 prill 2019 (MEDIAL) – Kryetari i LSDM-së dhe kryeministri Zoran Zaev dhe përfaqësuesi i BDI-së dhe ministër i Ekonomisë,Koço Angjushev bënë thirrje për fitore të dyfishtë në Dibër. Porositën që qytetarët ta mbështesin kandidatin e përbashkët presidencial Stevo Pendarovski dhe kandidatin për kryetar të komunës Hekuran Duka.

“U bashkuam në shtëpi, morëm vendime të rëndësishme, mbajtëm leksione evropiane, pa kalkulime. Që ta mbajmë popullin, të rinjtë. Kam ardhura që të kërkoj mbështetje që ta ruajmë unitetin” theksoi Zaev, i cili tha se Dibra gjithmonë ka qenë shembull i bashkëjetesës në vendin tonë.

Ai bëri thirrje në vëmendje të veçantë për të cilin votojnë qytetarët sepse vota për Rekën, siç tha, është votë për SIljanovskën, e ajo çon prapa.

“Unë e respektoj Blerim Rekën, por e ka kapur nacionalizmi i Zijadin Selës dhe u bashkua me Siljanovskën. Shqiptarët nuk votojnë për VMRO-DPMNE-në, për shkak se nga VMRO-DPMNE nuk i duan, nuk i shikojnë në mënyrë të barabartë. Paraprakisht bëjnë matematika si Sela t’i ndihmojë Mickovskit. Për atë hedhje në shportë është vota për Rekën. Vota për Rekën e ngren Siljanovskën. Për këtë duhet të votojmë për kandidatin për kryetar Duka dhe për kandidat presidencial Pendarovskin”, bëri thirrje Zaevi nga Dibra.

Edhe kandidati për kryetar komune Hekuran Duka dhe Angjushev bënë thirrje në unitet dhe vazhdim përpara.

“Punojmë në perspektiva të përbashkëta pa paragjykime, për perspektivë të të gjithë qytetarëve në vendin tonë të përbashkët, për zhvillim ekonomik, për avancim drejt NATO-s dhe BE-së. Ta mbështesim kandidatin për kryetar Hekuran Duka dhe kandidatin e përbashkët Stevo Pendarovski, bëri thirrje Angjushev.

Duka tha se do të jetë i njëjtë për të gjithë dhe shtoi se do t’i nxitë të rinjtë të punojnë së bashku në zhvillimin e Dibrës. “Votoni për mua dhe për kandidatin konsensual për president, Stevo Pendarovski”, bëri thirrje Duka. .

Pendarovski e kërkoi besimin e struganëve dhe bëri thirrje në dalje masive të dielën

në kategorine Maqedoni

Strugë, 19 prill 2019 (MEDIAL) – Komuna e Strugës është shtet i vogël. Ka traditë të gjatë të religjioneve të ndryshme dhe komuniteteve etnike, por bashkëjetesa gjithmonë ka qenë sipas masës. Kështu e imagjinoj edhe vendin tonë, si një shoqëri për të gjithë, shtet i integruar në Bashkimin Evropian dhe në NATO, theksoi kandidati presidencial i LSDM-së, Sveto Pendarovski në debatin e sontëm para struganëve.

Duke e kërkuar besimin e qytetarëve më 21 prill që të japin mbështetje për të, Pendarovski theksoi se kjo do të jetë edhe mbështetje e madhe për konceptin që siguron një shoqëri për të gjithë.

“Të bashkohemi rreth konceptit që çon përpara dhe siguron të ardhme në një shoqëri për të gjithë, në vend të integruar në BE dhe NATO. Dy ditë para votimit, ju them se unë e imagjinoj vendin tonë si një shoqëri për të gjithë, shtet të integruar në BE dhe NATO”, tha Pendarovski.

Me votën e Pendarvoskit, theksoi se qytetarët do të votojnë për vërtetim të reformave, zhvillimit, progresit në eurointegrime që siguron më shumë vende pune, standard më të lartë jetësor për të gjithë qytetarët.

Pendarovski bëri thirrje për dalje masive më 21 prill dhe mbështetje të fuqishme për konceptin që çon përpara.

Paraprakisht kandidati për president i LSDM-së dhe koalicionit Stevo Pendarovski pati takime me banorët e Debërcas, Vevçanit dhe Labunishtit. .

“ZGJEDHJET”, KSHZ-ja ka përfunduar të gjitha përgatitjet

në kategorine Maqedoni

Sonte në mesnatë fillon heshtja zgjedhore dhe deri të dielën në ora 19:00 kur mbyllet votimi, nuk duhet të ketë aktivitete propaganduese në terren dhe media. Gjatë ditës së shtunë duhet të votojnë rreth shtatë mijë qytetarë. Nga KSHZ, thonë se i kanë përfunduar të gjitha parapërgatitjet.

“Komisionet komunale gjatë ditës së nesërme do ta distribuojnë këtë material në Këshillat zgjedhor, gjithashtu do të votojnë edhe personat e sëmurë dhe të paaftë të cilët janë paraqitur në afatin e duhur kohor deri tek KKZ-të dhe kërkesat e të cilëve janë të miratuara. Do të votojnë gjithashtu edhe votuesit të cilët gjenden nëpër burgje”, deklaroi Admir Shabani, KSHZ.
Ministri i punëve të brendshme, Oliver Spasovski, thonë se janë të gatshëm të sigurojë proces zgjedhor demokratik.

“MPB-ja është e gatshme në tërësi të sigurojë atmosferë të sigurt dhe të denjë në të cilën çdo qytetar i joni do të mund ta realizojë të drejtën e tij të votës. Jemi të përgatitur dhe të vendosur, pa kompromis ta parandalojmë çdo përpjekje për prishjen e procesit zgjedhor pavarësisht ku dhe nga kush”, tha Oliver Spasovski, ministër i brendshëm.

Edhe pse heshtja zgjedhore fillon sonte në mesnatë, sipas ekspertëve, de fakto heshtje nuk ka. Komunikologia Magdalena Mihajllovska, thotë se derisa media online do të vazhdojnë të publikojnë propagandë zgjedhore, financiarisht do të dëmtohen Televizionet dhe ata që do zbatojnë heshtjen zgjedhore.

“Për shkak se një pjesë më e madhe e mediave e respektojnë heshtjen zgjedhore i vendos në situatë jo të përshtatshme, pasi edhe pse bëhet fjalë për dy ditë, ata në një mënyrë, nuk munden më tej ta transmetojnë fushatën në eter, në shtyp dhe në mediat online, në atë mënyrë humbin mjete materiale, ndërsa nga ana tjetër de-fakto nuk ekziston heshtje zgjedhore”, deklaroi Magdalena Mihajllovska, komunikologe.

Komunikologja Mihajllovska thotë se për këto arsye, partitë politike dhe organizatat që merren me procesin zgjedhor duhet të analizojnë nëse heshtja parazgjedhore ka kuptim. Ajo shton se mund të merren shembuj edhe nga vendet e rajonit të cilat nuk kanë heshtje zgjedhore deri në mbylljen e votimit.

/Alsat-M/

 

ZAEV: “BOMBAT” e reja janë pjesë e materialeve që i kemi dorëzuar në PSP

në kategorine Maqedoni

Ministria e Brendshme dhe Prokuroria Publike kanë nisur hetim paralel ndaj publikimit të bisedave të përgjuara në rrjetet sociale. MPB nuk ndanë detaje, ndërsa organi i akuzës thirret në fshehtësinë e procesit hetimor. Kryeministri Zoran Zaev konfirmon se përgjimet e publikuara ishin pjesë e materialeve që ka poseduar, duke besuar se institucionet do të marrin masat e duhura. Vazhdo të lexosh

PRESIDENTI NË KUVEND, partitë të ndara në qëndrime

në kategorine Maqedoni

Ideja e kryeministrit Zaev që në rast mos-arritjes së censusit, presidenti të zgjidhet në parlament ose të hiqet censusi, kundërshtohet ashpër nga kreu i opozitës Hristjan Mickoski. Në rast se vjen deri te ndryshimi i Kushtetutës për zgjedhjen e presidentit, Mickoski druan se do të shkelet vullneti i popullit dhe se zgjedhja e kryetarit do të shndërrohet në pazare të ulëta politike.

Ky është një skenarë për suspendimin e vullnetit të qytetarëve, shkatërrimin dhe pezullimin e të drejtës së qytetarëve që drejtpërdrejtë në zgjedhje të rregullta ta zgjedhin presidentin e tyre. Dihet mirë se kush e ka shumicën në Parlament, ashtu siç dihet edhe mënyrën në të cilën kanë ardhur deri tek ai numër. Me zgjedhje të tillë të presidentit, zgjedhja do të shndërrohet në tregti me shërbime në vend se të jetë vullnet i qartë i qytetarëve, i shprehur në zgjedhje. Skenarin që e paralajmërojnë, është për të treguar se përsëri mund të ia dalin edhe pa popullatë – tha Hristjan Mickoski, kryetar i VMRO-DPMNE-së.

Lideri i BDI-së Ali Ahmeti deklaroi në emisionin Click Plus se edhe për të është e pranueshme që Presidenti i vendit të zgjidhjet nga Kuvendi, nëse nuk sigurohet cenuesi i nevojshëm në zgjedhjet presidenciale.

Këtë tezë ne e kemi ngritur ka më shumë se 10 vite, asokohe nuk ka pasur mbështetje nga miqtë tanë ndërkombëtarë dhe tani duket se është e arsyeshme të mendohet. Mund të zgjidhet edhe prej Parlamentit – u shpreh Ali Ahmeti, kryetar i BDI-së.

Nga Aleanca për Shqiptarët thonë se me heqjen e censusit de-faktorizohet vota shqiptare ndërsa për zgjedhjen e presidentit të parlament, do të pranonin por vetëm nëse shtohet posti i zëvendës presidentit të shtetit.

Pavarësisht, edhe në zgjedhje të drejtpërdrejta por edhe nëse zgjidhet në Kuvend, insistimi ynë do jetë që të vendohet edhe pozita e nënkryetarit të shtetit, që nuk do të thotë se duhet domosdoshmërish të jetë shqiptarë, mund të jetë kryetari shtetit maqedonas të jetë zëvendësi shqiptar, apo kryetari shqiptarë dhe zëvendësi maqedonas – theksoi Flakron Bexheti, Aleanca për Shqiptarët.

Kryeministrit Zaev ndërkaq përsëriti se beson thellësisht që do të arrihet censusi dhe se do të kemi zgjedhje demokratike, megjithatë, ai nuk përjashton mundësinë e ndryshimit të kushtetutës për zgjedhjen e presidentit në parlament, edhe nëse arrihet censusi në këto zgjedhje.

Censusi është diçka që të gjithë e kemi për obligim të angazhohemi të arrihet, e dyta nuk kemi pasur arsye të flasim me VMRO-DPMNE-në sepse të dy konceptet mendojnë se do kenë suksese në aspiratat tona për të fituar zgjedhjet. Ndërsa kjo që thoni ju është e mundur edhe nëse kemi zgjedhje të suksesshme – deklaroi Zoran Zaev, kryeministër i RMV-së.

Ideja e zgjedhjen e presidentit në kuvend daton që më herët por tani u aktualizuan nga zërat se VMRO-DPMNE-ja mund të bojkotoj zgjedhjet në rrethin e dytë të votimeve duke rrezikuar në këtë mënyrë arritjen e censusit prej 40% nga numri i përgjithshëm i votuesve në Maqedoninë e Veriut.

Alsat-M

 

“Bëhu pjesë e ardhmërisë së pastër!”, aksion nga NP “Higjiena Komunale” (FOTO)

në kategorine Maqedoni

24.04.2019, me fillim në ora 10:00, NP ,,Higjiena Komunale” – Shkup do të fillojë aksion masiv për pastrimin e deponive të egra. Aksioni do të zhvillohet njëkohësisht në të gjitha komunat e Shkupit, në të cilin do të marrin pjesë administrata e Ndërmarrjes dhe e komunave, studentët nga të gjitha universitet e qytetit, përfaqësues të sektorit joqeveritar si dhe shkollat e mesme dhe fillore. Vazhdo të lexosh

Pendarovski: Vota për mua është mbështetje për politikat për unitet, paqe, stabilitet dhe zhvillim të sigurtë ekonomik

në kategorine Maqedoni

Shkup, 19 prill 2019 (MEDIAL) – Të dielën do të jeni para zgjedhjes së qartë dhe të padyshimtë. Nga njëra anë mund të votoni për Siljanovskën dhe me këtë votoni në të vërtetë Gruevskin dhe Mickoskin. Me atë votë ju votoni për kthim prapa, për ndarje të reja, bllokada dhe izolim. Ose, megjithatë të votoni për mua dhe t’i përkrahni politikat e unitetit, të paqes, të stabilitetit dhe zhvillimit të sigurtë ekonomik. Kjo zgjedhje është shumë e rëndësishme. Unë jam i bindur se të gjithë ju me përgjegjësi do të votoni. Unë thellësisht besoj në ju dhe e di se do të bëni zgjedhje të duhur, porositi kandidati për kryetar i LSDM-së dhe koalicionit Stevo Pendarovski, në pres konferencën e sotme.

Sipas Pendarovskit, fushata zhvillohej në kuadër të, siç tha, ambientit demokratik.

“Mund të them se jam shumë i kënaqur se ne, tre kandidatët, lëvizim në kuadër të kodeksit për zgjedhje të lira dhe demokratike që e nënshkruam në fillim. Mendoj se mund të marrë notë kaluese dhe shpresoj se në rrethin e parë të zgjedhjeve, ne të tre kandidatët kontribuam për ngritjen e kulturës politike dhe kulturës së komunikimit midis kandidatëve zyrtarë për këtë funksion të lartë”, tha Pendarovski nga shtabi i tij zgjedhor 10 orë para fillimit të heshtjes.

I pyetur se a bën dallim midis Siljanovkës dhe Ivanovit, për shkak se edhe ai u prononcua si kandidat jopartiak, a më pas mbaroi si lajkatar partiak, Pendarovski tha se për përgjigjen e kësaj pyetje “duhet të kthehemi shumë prapa, prej Ivanovi ishte kandidat për mandatin e parë në vitin 2009”.

“Edhe unë edhe të gjithë që e ndjekim gjatë këtë skenë politike e kemi ditur se ai ka publikuar, shkruar, kundër Marrëveshjes së Ohrit dhe kundër këtij modeli të Maqedonisë që është nga viti 2001 e këtej, kundër këtij sistemi politik dhe ndryshimet kushtetuese nga ai vit. Në atë kohë, Ivanov tentonte të shtirej si një njeri i cili ka folur një si ekspert, e tjetër ka vepruar dhe bërë si politikan, ndërsa situatë të njëjtë kemi tani edhe me Siljanovskën, e cila thotë se si shkencëtar, si profesor ka qenë kundër marrëveshjes së Ohrit, ka qenë kundër Ligjit për decentralizim si eksperte ka qenë kundër ligjit për gjuhët dhe kundër Marrëveshjes së Prespës, e kryesisht si politikan ose si  kryetare nesër a pasnesër, nëse e fiton besimin do të jetë për të gjitha ato punë. Unë mendoj se ne nuk mund të ndahemi në atë mënyrë, private, në shtëpi të jemi një, ndërsa në skenën publike tjetër. Për atë mendoj se qytetarët nuk do ta bëjnë atë gabim, të votojnë për njeriun duke menduar se ai nuk do t’i paraqes qëndrimet të cilat përndryshe i ka paraqitur me vite e vite këtej. Ne jemi personalitete të formuar dhe secili prej nesh është tashmë shumë vite në skenën publike, si politikanë apo si ekspert, se qytetarët shumë mirë e dinë kush ka të a.q. fjalim të dyfishtë. Një për shikuesit, votuesit, me qëllim që t’i fitoj zgjedhjet, ndërsa tjetri në thelb që t’i kënaq mentorët e tij politik, të cilët kanë interesa konkrete politike, amnisti të krimit”, tha Pendarovski.

Rreth pyetjes për hyrje në privatësinë dhe vjedhjen e të dhënave personale të qytetarëve, për të cilat këto ditë akuzon opozita, me publikimin e aplikacionit që kryesisht e ka përdorur shtabi i LSDM-së, Pendarovski u përgjigj se bëhet fjalë për mjet bashkëkohor që përdoret në fushata veçanërisht në pjesën perëndimore të Evropës, dhe në shtetet e Skandinavisë, që në përgjithësi nuk do të thotë hyrje në intimitetin e qytetarëve ose mbledhjen e të dhënave private.

“Ky lloj i fushatës mbahet nga dera në derë, në vend se të shënohet në fletore, tani shënohet në atë aplikacion. megjithatë ato janë të dhëna në dispozicion publik dhe aspak nuk bëhet fjalë për hyrje në privatësinë e qytetarëve, nuk bëhet fjalë për asnjë lëndim të drejtës kushteuese, thotë ai.

Atë që njerëzit e VMRO-DPMNE-së mendojnë se ajo është ndonjë operacion i madh, siç e thonë ata vesh i madh, atë e thonë për shkak se mizën e kanë nën kapuç. Në vitin 2001 mijëra njerëz kanë përgjuar dhe në kohën e regjimit të Gruevskit mbi 20.000 njerëz kanë përgjuar në mënyrë tradicionale. Mendoj se nuk ka krahasim në këto punë. Ata hyjnë në intimitetin e qytetarëve, ata e shkatërruan privatësinë tonë dhe për atë aq sa di se janë paraqitur disa procedura edhe para gjykatës së Strasburgut nga njerëz të cilët këtu ishin përgjuar, në intimitetin e të cilëve kanë hyrë”, tha Pendarovski. .

Dhjetë aksidente në Shkup gjatë 24 orëve të fundit

në kategorine Maqedoni

Një këmbësor lëndohet rëndë, ndërsa gjashtë persona kanë marrë lëndime më të lehta në shtatë prej gjithsej dhjetë aksidenteve të regjistruara në 24 orët e fundit në SPB Shkup.

Policia ka përjashtuar nga qarkullimi 26  shoferë nën ndikimin e alkoolit, ndërsa janë përjashtuar nga qarkullimi edhe 23 automjete të paregjistruara.

Janë dhënë gjoba për parkim jo të rregullt për 103 automjete, ndërsa karrotreci ka ngritur 65 automjete.

Janë gjobitur edhe nëntë shoferë të cilët nuk i kanë dhënë përparësi këmbësorëve në kalimin për këmbësorë, 19 për përdorimin e telefonit celular gjatë ecjes, 10 për mos mbajtjen e rripit të sigurimit.

Sektori për parandalim në SPB Shkup sot do të realizojë seminare edukative në fushën e qarkullimit në shkollën e mesme “Saraj” në komunën e Sarajit.

Ahmeti: Për BDI-në është e pranueshme që presidenti të zgjidhjet në Kuvend

në kategorine Maqedoni

Shkup,  19 prill 2019 (MEDIAL) – Lideri i BDI-së Ali Ahmeti deklaroi se për ta është e pranueshme që presidenti i vendit të zgjidhjet edhe në Kuvend, nëse nuk sigurohet  cenzusi i nevojshëm në zgjedhjet e ardhshme presidenciale.

“Këtë tezë ne e kemi ngritur ka më shumë se 10 vite, asokohe nuk ka pasur mbështetje nga miqtë tanë ndërkombëtarë dhe tani duket se është e arsyeshme të mendohet. Mund të zgjidhet edhe prej Parlamentit”, ka thënë Ahmeti në intervistën e mbrëmshme në TV 21.

Ahmeti ka thënë se BDI-ja qëndron pas kandidaturës së Stevo Pendarovskit. Thotë se me këtë ndërtohet një koncept i ri dhe për herë të parë ka kandidaturë të përbashkët e cila ka përkrahjen edhe nga forcat politike maqedonase edhe nga  ato shqiptare.

.

1 2 3 294
Shko lartë