(VIDEO) Modelet e reja ‘Barbie’, kukulla me ngjyrë dhe në karrige me rrota

në kategorine Galileo

“Më gjithë përfshirëse dhe përfaqësuese”. Është ky motivi për të cilin Barbie ka vendosur të krijojë një kukull të re, me ngjyrë dhe në një karrige me rrota.

Në kuti përfshihet edhe një pedanë e kuqe, simbol i kapërcimit të barrierave arkitektonike.

Mattel, me rastin e festimeve për 60 vjetorin e Barbit ka prezantuar në treg edhe këtë model të ri, për të nderuar çdo tip femre dhe që të gjitha ato të ndjehen në një farë mënyrë të përfaqësuara.

Barbi në karrige me rrota, në fakt, ishte lancuar një herë në vitet 90, por kompania ishte detyruar ta tërhiqte nga tregu sepse nuk i përshtatej shtëpive të kukullave.

Por, tani, e pajisur edhe me pedanën që përfshihet në paketim, kukulla në karrige me rrota, mund të hyjë lehtësisht në të gjitha hapsirat që i dedikohen asaj.

(VIDEO) 25-vjeçarja lind disa orë pasi mjekët i thanë se nuk është shtatzënë!?

në kategorine Shëndeti

Një vajzë 25-vjeçare lindi vetëm disa orë pasi i  ishte thënë nga mjekët se ajo nuk ishte shtatzënë. Stacey ishte në banjën kur ajo ndjeu një therje në fund të barkut dhe kontraktimet dhe shtyrjet deri diku si instinkt i pavullnetshëm i një gruaje shtatzënë ndihmuan vajzën e re të sillte në jetë, një vajzë të shëndetshme. Ajo nuk e kishte idenë se ishte shtatzënë e në mungesë të periodave, ndonëse 25-vjeçarja kishte bërë teste dhe kontrolle, askush nuk e kishte kapur shtatzëninë e saj.

Mjekët  kishin menduar se dhimbjet që vinin nga zona e fundbarkut shkaktoheshin nga cistet derisa vetë vajza lindi krejt e vetme në një banjë hoteli, ku qëndronte me mikeshën e saj në Manchester !

Pasi mikesha e 25-vjeçares u lidh me urgjencën, brenda pak minutash ekipi mjekësor mbërriti në hotel dhe gjeti Stejsin ulur në një pellg gjaku në banjo me të porsalindurin e saj. Nuk mbaj mend asgjë veç dhimbjeve të forta në fundshpinë dhe nevojën për të shtyrë… As vetë nuk e besoja se isha unë ajo që po lindte një fëmijë në ato momente.

Mjekët erdhën në kohë e për fat, e porsalindura dhe nëna e re mori ndihmën e parë, duke mos rrezikuar më tej jetën. Lajmi është shpërndarë me shpejtësi në tabloidet britanike dhe ngjarja ka ngjallur debat publik, për sa i përket shërbimit shëndetësor në Mbretërinë e Bashkuar.

Burimi: kidstime.al

LIBI – 44 viktima pas një Sul.mi ajror mbi migrantët

në kategorine Bota

TRIPOLI, 3 korrik /MEDIAL-ANSA/ – Të paktën 44 persona kanë humbur jetën si pasojë e një sulmi ajror që goditi një qendër pritjeje për migrantët e jashtëligjshëm pranë Tripolit, deklaruan burimet libiane të Shërbimeve të Shpëtimit.
Ministria libiane e Shëndetësisë, e mbështetur nga OKB-ja, tha se u plagosën edhe të paktën 130 persona të tjerë.
Në një deklaratë, qeveria libiane, e mbështetur nga SHBA, akuzoi të ashtuquajturën  Ushtria Kombëtare Libiane, e udhëhequr nga Khalifa Haftar.
Libia është e ndarë midis dy qeverive në luftë dhe forcat e Haftarit kontrollojnë pjesën më të madhe të lindjes dhe jugut të vendit.
Qendra humanitare përbëhej nga një total prej 610 emigrantësh.
Ministria e Brendshme e Libisë ka njoftuar se do të kërkojë që “bashkësia ndërkombëtare dhe Bashkimi Afrikan të fillojnë hetimet për këto krime të kryera nga milicia e Haftarit”./ /os/ /em/ a.jor.
.

Burimi: http://ata.gov.al/

Selimi: Thaçi e Haradinaj po e bllokojnë funksionalizimin e ushtrisë, Ministria në kaos

në kategorine Kosovë

Lëvizja Vetëvendosje (LVV) po konsideron se procesi i transformimit të ushtrisë së Kosovës, nuk ka filluar ende të realizohet.

Për këtë kjo parti opozitare ka adresuar kritika ndaj presidentit të vendit, Hashim Thaçi dhe kryeministrit Ramush Haradinaj se po e bllokojnë funksionalizimin e ushtrisë. 

Deputeti i Rexhep Selimi në një konferencë për media tha se ka mbi një muaj që ka kaluar faza e parë  katër mujore e tranzicionit të ushtrisë dhe ende nuk ka një riorganizim.

Sipas tij, presidenti nuk po dëshiron t’i dekretojë gjeneralët dhe drejtorët e departamenteve. Ndërsa për kryeministrin, deputeti Selimi tha se është vetëmjaftuar me miratimin e ligjeve në fund të vitit të kaluar.

“Me 21 maj është dashur të përfundoj pjesa e parë 4 mujore, ky afat ka përfunduar që 1 muaj e gjysmë, faza e parë e tranzicionit”.

“Gjatë periudhës së parë është dashur të arrihen këto objektiva. Riorganizimi i FSK-së në Ushtri të Kosovës. Është dashur të bëhet shefi i shtabit të FSK-së, gjeneralët. Këto faza është dashur të përfundohen”.

“Ministria e Mbrojtjes është në kaos, objektivi i tyre është mbushja me militantë partiak. Po ashtu dhe shkarkimi i sekretarit në mënyrë të paligjshme. Aktualisht një pjesë e madhe e stafit gjendet në një fazë konfuzioni”, tha ai.eo.

Burimi: http://kosova.info

Komanda Kibernetike Amerikane paralajmëron një sulm kibernetik që po ndodh në Outlook

në kategorine Galileo

Rritja e fushatave të piraterisë të mbështetura nga shtetet kohët e fundit duket se nuk po shkojnë drejt fundi.

Komanda Kibernetike e SHBA-së ka raportuar se disa aktorë shtetërore pa emër po përdorin në mënyrë dëmshme një dobësi të Outlook që nga viti 2017, për të drejtuar viruset në një sistem të synuar, nëpërmjet kutisë së e-mail-eve të klientëve.

Zyrtarët nuk kanë zbuluar kush është i përfshirë, por disa të dhëna lënë të kuptohet se ka një lidhje të mundshme me Iranin.

ZDNet ka vënë në dukje se një ekip i njohur i piraterisë me mbështetje të Iranit, APT33, ka përdorur të njëjtën dobësi në Dhjetor për të instaluar dyer të hapura në server dhe këtë ta dërgonte në përdoruesit e Outlook.

Gjithashtu, shembuj të kodit të Komandës Kibernetike u shfaqën në virusin Shamoon të APT33. Symantec kishte paralajmëruar më herët për një rritje të aktivitetit nga ky grup muajt e fundit.

Nëse pas tyre fshihet Iranit dhe jo “ngatërrestarë” më të njohur si Rusia, lë të kuptohet se tensionet politike kanë filluar të përkthehen direkt në mbretërinë “dixhitale.”

Besohet se SHBA kanë rrëzuar sistemet raketore të Iranit me një sulm kibernetikë në Qershor. Edhe pse kjo fushatë në Outlook nuk është në mënyrë të drejtpërdrejtë si përgjigje ndaj sulmit Amerikan, me shumë gjasa Iranit nuk ka për të qëndruar pa u kundërpërgjigjur. /PCWorld Albanian

Burimi: http://pcworld.al/

Qershori Muaji Më i Nxehtë i Të Gjitha Kohërave – Çfarë Pritet Në Korrik

në kategorine Shëndeti

Shifrat më të larta që shënoi termometri për këtë fillim vere u regjistruan në Francë me vlerën 45.9 gradë C. Foto: Flickr

Nga Maji i lagësht e me shi, vera erdhi e nxehtë dhe përvëluese dhe mesa duket do të zgjasë për një kohë të gjatë.

Javët e fundit në kontinetin tonë kanë qenë ndër më të nxehtat të regjistuara në histori.

Edhe Shqipëria si Evropa u përfshi nga vala a e të nxehtit afrikan.

Qershori muaji më i nxehtë

Shërbimi klimaterik Copernicus Climate Change Service të cilit i referohet AgroWeb.org, njoftoi pak ditë më parë se temperaturat e regjistruara në muajin Qershor ishin të jashtëzakonshme.

Të dhënat treguan se temperaturat mesatare të Qershorit ishin rreth 2 gradë më të larta se normalja për këtë muaj.

Në disa vende të Europës rritja e temperaturave shkoi me mbi 6-10 gradë celsius më shumë.

Qershori i dytë më i nxehtë është regjistruar në vitin 2016 me një rritje të temperaturës 0.1 gradë.

Ndaj për ekspertët ky ndryshim i papritur në pak vite mund të jetë shqetësues duke e bërë ngrohjen globale një rrezik gjithnjë e më prezent.

Temperaturat më të larta

Shifrat më të larta që shënoi termometri për këtë fillim vere u regjistruan në Francë me vlerën 45.9 gracë C.

Ndërsa e dyta renditet Spanja ku temperaturat shkuan deri në 40 gradë celsius.

Sipas ekspertëve parashikohet që të ketë përsëri valë të nxehti përvëlues në të gjithë zonën e Europës.

Pjesa më delikate do të jetë jugu i saj ku këto episode nxehtësie do të jenë më të shpeshta.

Sipas Institutit Meteorologjik, Meteoalb, të cilit i referohet AgroWeb.org temperaturat e ajrit kanë pësuar një rritje ekstreme duke goditur Europën Qendrore dhe Mesdheun.

Çfarë Pritet në Korrik në Shqipëri

Sipas MeteoAlb, kjo javë paraqitet kryesisht me kthjellime në të gjithë territorin, përjashtuar mesin e javës, ku vranësirat dhe shirat do të jenë te pranishme, më të dukshme në zonat malore.

Temperaturat e ajrit do të jenë të larta, ku termometri do të ngjitet deri në 39⁰C.

Persa i përket vijimit të muajit Korrik, parashikohet i thatë dhe i nxehtë. Reshjet do të jenë nën normën mujore, ndërsa temperaturat e ajrit do të jenë mbi vlerat mesatare shumëvjeçare.

Gjithësesi Qershori i këtij viti renditet si muaji më i nxehtë në të gjithë botën dhe muajt pasues të verës do të kenë një intensitet thuajse të njejtë./AgroWeb.org

Burimi: https://agroweb.org/

Shpallet konkurs për trajnimin e pilotëve ushtarakë

në kategorine Maqedoni

Shkup, 3 korrik 2019 (MEDIAL) – AkadeMEDIAL Ushtarake “Gjenerali Mihaillo Apostolski” në suaza të Ministrisë së Mbrojtjes, sot ka shpallur Konkurs për regjistrimin e  dëgjuesve  për aftësim profesional dhe avancim në fushën e aviacionit për nevojat e Armatës.

“U bëjmë thirrje të gjithë qytetarëve të Republikës së Maqedonisë së Veriut të cilët kanë dëshirë të bëhen pilotë ushtarakë dhe të cilët kanë mbaruar ciklin e parë të studimeve (të cilët kanë marrë të paktën 180 kreditë sipas EKTS) dhe të mos jenë më të vjetër se 28 vjet t’i dorëzojnë dokumentet e nevojshme më së voni deri më 1 gusht të vitit 2019 në Akademinë Ushtarake, Kazerma “Goce Dellçev” – Shkup”, qëndron në kumtesë.

Kandidatët potencialë, saktësohet, në procesin e pranimit dhe përzgjedhjes do të nënshtrohen kontrolleve të aftësimit psikofizik, njohjes së gjuhës angleze, kontrolle në tokë dhe në ajër.

 

Merkel: Fuqishëm qëndrojmë pas perspektivës evropiane të Ballkanit Perëndimor

në kategorine Maqedoni

Shkup, 2 korrik 2019 (MEDIAL) – Gjermania fuqishëm qëndron pas perspektivës evropiane të Ballkanit Perëndimor dhe i mbështet vendet e këtij rajoni në përpjekjet e tyre reformuese, kumtuan nga kabineti i kancelares gjermane Angela Merkel.

“Për shkak të publikimit të vonshëm të raporteve për vendet, afati për vendim për hapjen e negociatave për anëtarësim me Maqedoninë e Veriut dhe Shqipërinë ishte i shkurtë. Para këtij viti, Qeveria federale duhet të marrë edhe leje nga Bundestagu, është theksuar në kabinetin e Merkelit në pyetjen e gazetës malazeze “Pobjeda” që të komentojë vendimet e Këshillit të BE-së që ta shtyjë hapjen e negociatave me Maqedoninë e Veriut dhe Shqipërinë.

BE-ja në mes të këtij muaji do ta shtyjë vendimin për hapjen e negociatave për anëtarësim me të dyja vendet. Shkupi dhe Tirana morën termin të ri, tetorin e këtij viti kur vendet e BE-së do të deklarohen për atë se a do fillojnë këto vende negociatat.

Kancelarja gjermane në fund të samitit dyditor të liderëve të BE-së, në Bruksel, në të cilin vendimi për negociata ishte shtyrë, u angazhua se do të bëjë gjithçka për përcaktimin e datës për fillimin e negociatave të Maqedonisë së Veriut për anëtarësim me BE-në deri në tetor dhe se ajo do ta përdorë të gjithë peshën e saj politike që të sillet ai vendim pozitiv. fc/

Vagonat e një treni transportues dolën nga binaret në Kumanovë, bllokohet komunikacioni hekurudhor

në kategorine Maqedoni

Vagonat e një treni transportues të HM Transport, që ka qarkulluar nga Kumanova drejt Shkupit, kanë rëshqitur mbrëmë rreth orës dy në kthesën te stacioni hekurudhor i Kumanovës, për shkak të së cilës në ndërprerje  është komunikacioni hekurudhor, konfirmuan për MEDIAL nga ndërmarrja hekurudhore.

Prej atje informojnë se në fatkeqësinë nuk ka persona të lënduar dhe se sipas informacioneve të para është shkaktuar dëm i madh material.

Në rrjedhë është hetimi për arsyet e fatkeqësisë. Nga HM Transport paralajmërojnë se  do të publikohet kumtesë me detaje të fatkeqësisë. .

Foto: MEDIAL arkiv

Vendet e Ballkanit Perëndimor po plaken, emigrimi masiv një nga shkaqet

në kategorine Maqedoni

Vendet e Ballkanit Perëndimor po përballen me rënie demografike siç nuk është parë deri më tani, ndërsa parashikimet janë se ky trend do të vazhdojë nëse autoritetet në këto shtete nuk ndërmarrin masa afatgjate.

Projeksionet e Kombeve të Bashkuara tregojnë se deri në vitin 2050 në të gjitha shtetet e Ballkanit Perëndimor do të ulet numri i popullatës. Më së shumti e goditur është Bullgaria, ndërsa pas saj vijnë Kroacia dhe Bosnja e Hercegovina.

Sipas të dhënave të Entit bullgar të Statistikave, ky shtet në periudhën prej vitit 1989 deri në vitin 2017 ka humbur dy milionë banorë, ndërsa shkaqe kryesore për atë theksohen rënia e natalitetit dhe emigrimi ekonomik. Nëse vazhdon ky trend, parashikimet janë se deri në vitin 2050 numri i banorëve në këtë vend do të bie në 5,2 milionë banorë për dallim nga viti 2017, kur ka pasur shtatë milionë banorë. Situata është e ngjashme edhe në Kroaci dhe në Bosnje dhe Hercegovinë.

Në Serbinë fqinje në dekadën e parë të këtij shekulli, sipas regjistrimit nga viti 2011, janë larguar 150 mijë persona ose mesatarisht 16.000 persona në vit. Mosha mesatare e të emigruarve ishte 28,7 vite, ndërsa një e pesta ishin me arsim të lartë. Statistika e OECD-së, tregon se vetëm në vendet anëtare të Bashkimit Evropian, fluksi mesatar i punëtorëve nga Serbia lëviz për 60.000 rekorde, aq sa janë larguar në vitin 2015, deri në 35.000 persona këtë vit, por këtu janë përfshirë vetëm emigrimet në vendet anëtare të OECD-së.

Pritjet për shtetin tonë janë të ngjashme si edhe ato për vendet e tjera të rajonit. Kështu, parashikimet e Kombeve të Bashkuara janë se deri në vitin 2050 do të ketë një milionë e 931 mijë banorë dhe vendi do të shënojë rritje negative natyrore prej – 7,3.

Demografët paralajmërojnë se emigrimi bëhet gjithnjë e më i theksuar dhe se gjithnjë e më shumë fshatra janë zbrazur, ndërsa shtetet po hynë në pleqëri të thellë. Të rinjtë, ndërsa tani edhe gjithë familjet, po largohen jashtë vendit, duke mos menduar që të kthehen prapa në shtetin amë. Shkaqet për largim janë të ndryshme – nga fitimi më i mirë deri te dëshpërimi nga mosfunksionaliteti  i shtetit.

Papunësia dhe ekzistimi i korrupsionit dhe partishmëria citohen si arsye kryesore për  shpërnguljen e rinisë edhe në studimin që kohë më parë e publikoi fondacioni gjerman “Fridrih Ebert”. Duke e analizuar gjendjen e rinisë në gjashtë shtete të Ballkanit Perëndimor në lidhje me moshatarët e tyre nga katër shtete të Evropës Juglindore të cilat janë anëtare të BE-së, në studim potencohet se papunësia është problem për tërë rajonin, ndërsa lidhjet dhe ryshfeti janë përhapur shumë në rajonin e Evropës Juglindore. Një numër i madh i të rinjve të cilët janë pyetur kanë thënë se ekzistojnë raste të blerjes së provimeve dhe diplomave, ndërsa për t’u punësuar nevojitet anëtarësimi në ndonjë parti politike.

Përveç të rinjve, e madhe është përqindja edhe e atyre të cilët paguhen mirë në shtetin e tyre, por megjithatë e braktisin vendin për shkak të dëshpërimit nga nepotizmi, punësimi përmes lidhjeve, mosfunksionimi i gjyqësisë, mosrespektimi i ligjit…

Ekspertët paralajmërojnë se vendet që përballen me shpërngulje masive duhet t’i kuptojnë arsyet e shpërnguljes dhe të gjejnë zgjidhje adekuate për t’u tejkaluar “kolapsi demografik” që u kërcënohet shteteve.

Instituti vjenez për studime ekonomike ndërkombëtare, i cili ka bërë analizë për 23 shtete të Evropës Mesdhetare, Lindore dhe Juglindore, konsideron se autoritetet në këto vende duhet prej tani të sjellin masa afatgjate me të cilat mund të ndërpritet ky trend.

Gjithnjë e më pak fuqi pune e kualifikuar

Pasojat e shpërnguljes masive janë afatgjate për shoqërinë. Përveç zvogëlimit të numrit të banorëve dhe rrezikut nga zhdukja e vendeve të populluara, shoqëritë përballen edhe me mungesë të fuqisë së punës dhe kuadrit kualitativ. Ashtu, çdoherë e më shumë ka deficit të mjekëve, infermiere dhe personel tjetër mjekësor, punëtorë ndërtimor, instalues të ujit, IT teknikë, bukëpjekës, mësimdhënës….ndërsa për shkak të interesit të zvogëluar në disa shtete hiqen edhe programet e caktuara nëpër shkolla.

Sipas Institutit të Vjenës për studime ekonomike ndërkombëtare, shtetet si Bullgaria dhe Kroacia deri në vitin 2045 mund të humbin të paktën 20 për qind nga fuqia e punës, që në mënyrë afatgjate do të kishte pasoja negative ndaj zhvillimit të shoqërisë.

Instituti për zhvillim të inovacioneve në Serbi, i cili ka hulumtuar sa i kushton Serbinë ajo që largohet popullata e aftë për punë, tregon se në rastin më të volitshëm investimi që shteti e jep në arsimin e të rinjve dhe më pas e humb me largimin e tyre në një shtet tjetër, kushton rreth 300 milionë euro, ndërsa në rastin më të keq madje 1,2 miliardë euro.

Sipas llogaritjeve nga ky studim, shpenzimet e përgjithshme të cilat shteti dhe familja i kanë që të përfundojë arsimi fillor arrijnë 13.572 euro për person, deri në fund të arsimit të mesëm vlera rritet në 20.854 euro, studime deri diplomime – 34.139 euro, ndërsa për studime të doktoraturës nevojiten 54.576 euro.

Deficit të kuadrit të kualifikuar ka edhe në vendin tonë. Biznesmenët nuk mund të gjejnë punëtorë të kualifikuar në mënyrë adekuate. Analizat e Lidhjes së Odave ekonomike tregojnë se tek kompanitë e madhe është nevoja nga kuadri nga nevojat makinerike dhe elektronike.

Evidente është edhe nevoja nga punonjësit shëndetësorë, farmaceutikët, mbajtësit e higjienës, mjekët…

Njëra prej rekomandimeve të ekspertëve edhe e kompanive është që të bëhen reforma në sistemin arsimor dhe ai të harmonizohet me kërkesat e tregut të punës që të ulet papunësia, e cila është një prej arsyeve për zhvendosje. Në fund të afati rekomandohet zbatim i trajnimeve të ndryshme shtesë dhe kurseve me të cilat do të aftësohen të rinjtë për të dalë të përgatitur në tregun e punës.

Me qëllim që të mbahen të rinjtë që të mos e lëshojnë shtetin, Qeveria tashmë po punon në masa të cilat janë në drejtim të përmirësimit të standardit jetësor. Një pjesë e masave prej të cilave priten rezultatet janë rritja e pagës minimale, rritja e investimeve të huaja dhe vendore me të cilat duhet të hapen vende të reja të punës, mbështetje për hapjen e bizneseve të reja dhe për vetëpunësim, mbështetje financiare për bujqit e rinj, rritje e mjeteve  për standardin e nxënësve dhe të studentëve…

Nuk ka të dhëna zyrtare se sa shtetas të Maqedonisë së Veriut përkohësisht punojnë jashtë shtetit. Destinacione më të dëshiruara për qytetarët tanë janë Gjermania dhe Zvicra.

Temperatura tropikale – fazë e verdhë alerte deri të enjten

në kategorine Maqedoni

Shkup, 2 korrik 2019 (MEDIAL) – Territori i Maqedonisë së Veriut këtë javë është përfshirë  nga vala e ngrohtë me temperatura të fazës së verdhë (alerte). Sipas informacioneve të Drejtorisë për punë hidrometeorologjike, sot dhe nesër temperaturat maksimale në shumë vende do të tejkalojnë  edhe 35 gradë Celsius. Pritet temperaturat nesër të arrijnë  40 gradë. Indeksi UV do të arrijë 9.

Lagështia e rritur e ajrit do të kontribuojë të ketë ndjenjë se temperaturat janë më të larta se sa që janë  matur. Prej nesër deri të premten në orët e pasdites do të ketë kushte për shi të rrëmbyeshëm lokal dhe bubullima.

Nga Ministria e Shëndetësisë apelojnë qytetarët t’i respektojnë rekomandimet e përgjithshme për mbrojtje nga temperaturat e larta, përkatësisht të mbrohen nga ekspozimi direkt në diell,  të shmangin qëndrimet në vende të hapura në periudhën nga ora 11 deri në orën 17:00, të mbajnë veshëmbathje të ndritshme dhe të lehtë, ndërsa gjatë ekspozimit direkt në diell të mbajnë kapelë dhe syza mbrojtëse, (ngjyrat e ndritshme e reflektojnë dritën), të konsumojnë ushqim të lehtë dhe pije, veçanërisht të kenë kujdes gjatë përgatitjes dhe konsumimit të ushqimit, të shmangin produkte të papërpunuara termike,  për shembull majonezë nga vezët,  me kujdes të konsumojnë akullore dhe kremëra të ndryshëm, të konsumojnë sasi më të madhe të pijeve, më së miri ujë i zakonshëm për pije, t’i shmangin pijet alkoolike, ndërsa gjatë hyrjes në automjet duhet  një periudhë të caktuar ta ajrosin.

Gjatë ditëve të tilla ekstreme, potencojnë nga Ministria,  qytetarët duhet të mbesin në hapësira të mbyllura (para se gjithash me ajër të kondicionuar), gjatë qëndrimit të domosdoshëm  në hapësirë të hapur në këtë periudhë, të gjejnë mundësi për pushime të shpeshta nën hije, ndërsa personat e sëmurë kronik rregullisht ta marrin terapinë e shënuar. 

(FOTO) Nga sot ROAMING më i lirë mes vendeve të Ballkanit Perëndimor

në kategorine Biznes

Çmimet e shërbimeve në roaming mes Maqedonisë së Veriut, Shqipërisë, Kosovës, Serbisë, Malit të Zi dhe BeH-së, prej nesër do të zvogëlohen për 27 për qind, ndërsa prej korrikut të vitit 2021 do të hiqen tërësisht.

Dinamika e zvogëlimit të çmimeve është në pajtim me Marrëveshjen e nënshkruar në Samitin e dytë digjital për Ballkanin Perëndimor, si parakusht për fillimin e procedurës për heqjen e roamingut ndaj Bashkimit Evropian.

Hulumtimi i Agjencisë për komunikime elektronike (AKE) i zbatuar nga 24 deri 31 të muajit të kaluar tregon se gati një e pesta e të anketuarve të cilët dinë se çka është roaming, kanë dëgjuar për marrëveshjen për roaming rajonal, me të cilin prej vitit 2014 janë zvogëluar çmimet mes Maqedonisë së Veriut, Malit të Zi, Serbisë dhe BeH-së. Ndaj kësaj iniciative rajonale vitin e kaluar janë përfshirë edhe Shqipëria dhe Kosova. Nga të anketuarit të cilët kanë dëgjuar për marrëveshjen, 16 për qind e kanë shfrytëzuar këtë volitshmëri. Gjysma e shfrytëzuesve të roamingut rajonal, megjithatë, vlerësojnë se ai është pak më i lirë.

Sipas të dhënave të AKE-së, në 12 muajt e fundit, 18 për qind nga popullata e shtetit ka shfrytëzuar roaming. Më shumë se një e katërta (27 për qind) nga shfrytëzuesit e roamingut informohen për çmimin për roaming në vendin adekuat. Roamingu më së shpeshti shfrytëzohet për dërgimin e SMS porosive – 78 për qind dhe për biseda 54,8 për qind, ndërsa internet në roaming kanë shfrytëzuar vetëm 18 për qind nga shfrytëzuesit e roamingut.

Hulumtimi i SRS-së, trup operativ i vendeve nga procesi për bashkëpunim në Evropën Juglindore, tregon se 70 për qind nga afaristët në Evropën Juglindore vlerësojnë se heqja e çmimeve të roamingut do t’i ndihmojë në nxitjen e tregtisë.

Roaming më të lirë pritet edhe në Greqi, që do të realizohet pasi të sigurohen kushtet e nevojshme për hyrje në fuqi të Memorandumit për bashkëpunim mes dy shteteve, për çka Maqedonia e Veriut veçmë ka parashtruar propozim dhe dinamikë.

(FOTO) MINISTRIA E DREJTËSISË pret propozim ligjin për PSP-në nga VMRO-DPMNE

në kategorine Maqedoni

Në ministrinë e Drejtësisë ende nuk ka arritur teksti për ligjin e ri për Prokurorinë Speciale Publike që e paralajmëroi lideri i VMRO-DPMNE-së, Hristijan Mickoski. Prej atje theksojnë se e presin propozimin, por se nuk do të pranojnë zgjidhje ligjore nëse në të ka amnisti të fshehur, informon MEDIAL.MK

“Me padurim e presim tekstin nga VMRO-DPMNE-ja. Kur do ta marrim – do të deklarohemi.Nëse ka përmirësim në tekst, natyrisht do të pranohen.Nëse ka amnisti të fshehur – nuk do të pranohet”, thonë nga Ministria e Drejtësisë.

Ligji i ri për PSP-në, siç thonë nga VMRO-DPMNE-ja,mes tjerash do të jenë në përputhje me të drejtën evropiane dhe rekomandimet dhe praktikat e Gjykatës evropiane për të drejtat e njeriut.

Grupet e punës të dy partive më të mëdha politike me të cilat udhëheq ministrja e Drejtësisë, Renata Deskoska tani më një kohë të gjatë nuk kanë mbajtur takim për gjetjen e zgjidhjes së përbashkët për statusin e ardhshëm të PSP-së dhe ligjin për Prokurorinë Publike.

Të dyja palët më së shumti kontestojnë për nenin 105 nga Propozim ligji që e rregullon vazhdimin e procedurave dhe fatin e dëshmive nga bisedat e përgjuara. VMRO-DPMNE-ja kërkon largimin e tij, me qëllim që të hiqen të gjitha akuzat dhe hetimet e PSP-së të ngritura pas 30 qershorit të vitit 2017.

Ky propozim ligj është një prej kushteve për fillimin e negociatave me Bashkimin Evropian. Afati i fundit për sjelljen e ligjit për PSP-në që e vendosi pushteti është muaji shtator.

MEDIAL.MK

(FOTO) EVN HOME nga sot do të furnizojë amvisëritë me energji elektrike

në kategorine Biznes/Maqedoni

Amvisëritë prej sot do të marrin energji elektrike nga EVN HOME, subjekt juridik i cili del nga EVN Maqedoni, kompani energjetike që deri më tani i furnizon amvisëritë, informon MEDIAL.MK

Siç bëri të ditur të premten Komisioni Rregullator për Energjetikë (KRRE), çmimi i rrymës nuk do të ndryshojë nga 1 korriku i vitit të ardhshëm.

EVN HOME është zgjedhur për furnizues universal i amvisërive në bazë të detyrimeve nga liberalizimi i plotë i tregut të energjisë elektrike në fillimin e këtij viti. Kompania është furnizues me rrymë për amvisëritë dhe konsumatorët e vegjël të cilët nuk kanë zgjedhur furnizues në tregun e hapur.

Risia e vetme është se amvisëritë do të marrin llogari në të cilat shkruan EVN HOME. Konsumatorët nuk do të nënshkruajnë kurrfarë risish ose marrëveshje shtesë për furnizim dhe më tutje do të marrin një faturë  në të cilën do të evoluohet.

MEDIAL.MK

(FOTO) Gjatë uikend në Shkup janë regjistruar 19 aksidente trafiku

në kategorine Maqedoni

Në rajonin e qytetit të Shkupit uikendin e kaluar kanë ndodhur 19 aksidente  prej të cilave në nëntë ka persona të lënduar, ndërsa në 10 është shkaktuar vetëm dëm material, informon MEDIAL.MK

Sipas buletinit të  SPB-së Shkup, janë lënduar gjithsej  12 persona prej të cilëve tre më rëndë dhe nëntë më pak.

Policia e komunikacionit ka sanksionuar 228 shoferë të cilët kanë drejtuar automjetin  me shpejtësi më të madhe nga e lejuara dhe 115 shoferë të cilët ishin nën ndikim të alkoolit.

Nga komunikacioni janë përjashtuar edhe 88 shoferë të cilët kanë drejtuar automjetin  para se të marrin patentë shoferin dhe 16 shoferë fillestarë. Nga komunikacioni janë përjashtuar  edhe 57 automjete të parregjistruara dhe një automjet  i cili ishte i mbingarkuar.

Janë dhënë edhe 142 dënime mandatuese për parkim të paligjshëm, ndërsa 108 automjete të cilat ishin parkuar në mënyrë të paligjshme janë mënjanuar  me automjetin special “karrotrec”.

Në dritë të kuqe kanë kaluar  nëntë shoferë, ndërsa janë evidentuar edhe 16 shoferë të cilët kanë përdorur celularë derisa ishin duke vozitur. Për mospërdorimin e helmetës janë sanksionuar 14 vozitës të motorit, mopedit dhe motoçikletës.

MEDIAL.MK

Trump, Presidenti i parë amerikan që shkel në Korenë e Veriut

në kategorine Bota

Për herë të parë në histori, një president amerikan shkel në territorin e Koresë së Veriut. Kreu i Shtëpisë së Bardhë Donald Trump është takuar me Kim Jong Un në zonën jo ushtarake mes Koresë së Jugut dhe asaj të Veriut.

Presidenti amerikan Donald Trump është takuar me liderin koreanoverior Kim Jong Un në zonën jo ushtarake që ndan dy koretë, i shoqëruar dhe nga homologu i tij koreano jugor Moon Jae-in. Kreu i Shtëpisë së Bardhë theksoi se nuk ka asnjë nxitim për sa i përket çështjes së sanksioneve. Kjo është hera e parë në histori që një president amerikan shkel në territorin e Koresë së Veriut. Shtrëngimi i duarve mes të dyve ndodhi në Korenë e Veriut.

“Marrëdhënia mes dy vendeve tona është e jashtëzakonshme deklaroi Kim Jong Un duke folur me Trump. “Ishte një veprim i guximshëm dhe I vendosur shtoi ai duke lavdëruar homologun amerikan për faktin se ishte presidenti i parë i Shteteve të Bashkuara të Amerikës që shkel në Korenë e Veriut”.

Pasi kaloi i vetëm kufirin mes dy koreve Trump pohoi se ndihej shumë mirë dhe se ishte një kënaqësi të takohej me liderin koreano-verior. Ndërsa Kim Jong Un theksoi se nuk e kishte menduar asnjëherë se do të takoheshin në atë vend

Duke deklaruar se iniciativa ishte në drejtimin e duhur, presidenti amerikan vizitoi dhe kullën e vëzhgimit në pjesën jugore, e cila inspektohet tradicionalisht nga liderët amerikanë.

Në zonën kufitare mes Koresë së Jugut dhe asaj  të veriut, dikur kishte konflikt dhe vdekje, ishte një vend shumë i rrezikshëm u shpreh Trump. Ndërsa tani çdo gjë ka ndryshuar, ka paqe, theksoi kreu i Shtëpisë së Bardhë para se të kalonte kufirin së bashku me Kim Jong Un.

Takimi përfaqëson një tjetër moment historik në marrëdhënien mes dy vendeve, si dhe përballjen e parë dhe pse të shkurtër mes dy liderëve pas dështimit të samitit të Vietnamit në shkurt.

Presidenti i Koresë së Jugut lavdëroi të dy liderët për faktin se u treguan të guximshëm duke pranuar të takoheshin: “Shpresoj që Presidenti Trump të hyjë në histori si presidenti që arriti paqen në gadishullin Korean”, përfundoi ai. /ABC News Albania 24/7

Burimi: http://abcnews.al/

SHBA-ja fillon monitorimin e zgjedhjeve

në kategorine Kosovë

E ngarkuara me punë e Shteteve të Bashkuara Leyla Moses-Ones, paraditen e kësaj të diele ka vizituar një nga KZAZ-të në Tiranë.

Zyrtarja amerikanë ndodhet në KZAZ-në, nr 35, pranë shkollës Edith Durham, për të parë nga afër procesin e votimeve. Në këtë KZAZ ka tre qendra votimit.

Më herët Ambasada e Shteteve të Bashkuara të Amerikës i bëri thirrje të gjithë udhëheqësve politikë, zyrtarëve të qeverisë, agjencive të sigurisë dhe qytetarëve shqiptarë që të sigurohen që zgjedhjet e 30 qershorit të zhvillohen në mënyrë të qetë dhe transparente.

Ndërkohë, nuk la jashtë vëmendjes apelin për shmangien e dhunës apo të çdo përpjekjeje për të penguar procesin zgjedhor dhe të drejtën e çdo qytetari për të votuar.

“Dhuna nuk është një mënyrë legjitime e të shprehurit politik. Ata që përfshihen në akte dhune duhen hetuar me të gjithë fuqinë e ligjit”, thuhej në njoftimin e ambasadës së dy ditëve me parë.

Shtetet e Bashkuara do të kenë ekipe vëzhguesish në qendrat e votimit dhe qendrat e numërimit në mbarë Shqipërinë. Ne do të mbështetemi në raportin e OSBE/ODIHR-it për të vlerësuar rregullsinë e votimit.

Burimi: http://kosova.info

Drançolli: “Beteja e Kosovës” e vitit 1389 është ngjarje e mitizuar

në kategorine Kosovë

Me rastin e 630 vjetorit të ngjarjes së njohur si “Beteja e Kosovës” ka folur historiani i njohur Jahja Drançolli.

Drançolli, në emisionin “Personale” me Krenare Vokshi-Shala në RTV Dukagjini,  ka thënë se kjo ngjarje është më shumë një ngjarje e mitizuar kur serbët në shekullin XVII i kanë dhënë shtysë.

“Si ngjarje bazohet vetëm në burime gojore. Vetëm një burim zyrtar ka për këtë ngjarje që ruhet në arkivin e Firencës. Aty nuk përmendet Kosova fare, e as Llazari. Përmenden 12 vrasës të mundshëm të Sulltan Muratit”, tha ai, raporton Telegrafi.

Historiani ka thënë se për fat të keq edhe historia jonë bazohet në historinë serbe kur flet për këtë ngjarje.

Tani kemi studime te reja nga Oksfordi apo histori të tjera botërore që kësaj ngjarje i japin një rrjedhojë krejtësisht të re.

Drançolli thotë se serbët Betejën e Rovinës e fusin në kuadër të Betejës së Kosovës. Sipas tij Beteja e Rovinës ka qenë një përplasje mes krishterimit dhe islamit ku shqiptarët ishin radhitur krahë të krishterëve dhe është betejë shumë më e gjerë se sa që e përshkruajnë serbët si luftë me osmanët.

Studiuesi thotë se termi “Kosova” për herë të parë është përdorur pas vitit 1,400 nga disa të huaj që kishin vizituar këto territore.

Drançolli thotë se për çudi historianët turq kanë heshtur deri vonë për ngjarjet e vitit 1939 me arsyetimin se nuk dine gjë.

Historiani thotë se pas Betejës së Kosovës, serbët u bënë renegatë të çdokujt përfshirë edhe të osmanëve.

Burimi: http://kosova.info

FOTO/ Ruçi pas votimit: S’ka burrë nëne që të vendosë më diktaturën në Shqipëri

në kategorine Shqipëri

TIRANË, 30 qershor/MEDIAL/- Kryetari i Kuvendit të Shqipërisë, Gramoz Ruçi deklaroi të dielën se s’ka burrë nëne që të vendosë më diktaturën, veçanërisht në Shqipëri, ndërsa bëri apel për qetësi, maturi dhe vendosmëri.
Pas votimit rreth orës 07:45 në njësinë bashkiake numër 2 tek Liceu Artistik, Kreu i Kuvendit theksoi se “subjektet politike ishin 30 dhe ka plot alternativa dhe kandidatë ishin dy, do të ishte shumë mirë që të ishin më shumë kandidatë në 61 bashkitë më shumë subjekte politike pavarësisht se 30 janë nuk pak, megjithatë sot nuk është dita ta analizojmë këtë çështje se kjo ka qenë objekt diskutimi në ekranet tuaja në debatet politike të zhvilluara”.
“Sot është dita të bëjmë apel për qetësi, maturi dhe vendosmëri që dita të shkojë e qetë pjesëmarrja kush dëshiron të marr pjesë dhe është mirë të marr pjesë, të matur se duhet respektuar edhe ai që voton edhe ai që s’ voton dhe vendosmërinë për të vazhduar reformat e vendit dhe për të shpresuar e besuar si rezultat i kësaj qetësie maturie, kësaj vendosmëri, të këtij vendi edhe këtij populli të hapen negociatat në muajin tetor”, – nënvizoi Ruçi.
Kryetari i Kuvendit tha se “nesër do vazhdojë një ditë normale nuk do mbarojë me këto zgjedhje, do të vazhdojnë përpjekjet dhe shpresoj që klasa politike shqiptare që ditën e hënë dhe ata që vendosën verdiktin e tyte për të mos marrë pjesë në zgjedhje duhet të fillojnë të bëjnë analizën e tyre, por as maxhoranca ose fituesit nuk duhet ta quajnë veten fitimtarë ose triumfatorë, por duhet të bëjnë analizën e tyre për të shpalosur përgjegjësitë që kanë para partisë dhe popullit”./k.s/ /a.g/

.

Burimi: http://ata.gov.al/ 

Sot zgjedhjet për pushtetin vendor në Shqipëri

në kategorine Shqipëri

Këtë të dielë zhvillohen zgjedhjet vendore në Shqipëri, për të zgjedhur 61 kryetarët e ardhshëm të bashkive në vend.

 

Në këto zgjedhje garojnë 36 parti të cilat kanë regjistruar gjithsej 97 kandidatë për kryetarë bashkie si dhe 544 lista kandidatësh për anëtarë  këshillash bashkiakë.

 

Ne te gjithe vendin jane ngritur 90 komisione zonale te administrimit zgjedhor dhe 5,417 qendra votimi. Por specifika e ketyre zgjedhjeve eshte se opozita kryesore nuk merr pjese ne kete process. Jane 14 parti te opozites, nder me kryesoret pd dhe lsi te cilat kane vendosur te bojkotojne zgjedhjet lokale.

 

Si rezultat ne 31 bashki te vendit nuk ka gare pasi kandidat ka percaktuar  vetem partia socialiste. Qytetaret e bashkive te medha si shkodra, elbasani, fieri, gjirokastra do te kene ne fleten e votimit vetem kandidatin e partise socialiste.

 

Ne disa bashki te medha si Tirana, Korca, Durresi, Vlora  perballe ps jane vendosur kandidatet e partise me te re te Astrit Patozit, Bindja Demokratike.

 

Per shkak te bojkotit te partive kryesore dhe aletarëve të opozites edhe kompozimi I komisioneve qe administrojne zgjedhjet eshte krejt I ndryshem nga me pare; Partia Socialiste eshte e vetmja parti qe ka perfaqesues ne komisionet zonale, ne qendrat e votimit dhe ne grupet e numerimit. Vendet qe ka lene opozita bosh jane plotesuar nga shoqeria civile ne te gjitha nivelet e administrimit zgjedhor.

 

Kjo eshte hera e pare qe fituesi nuk ka rendesi dhe e vetmja pikepyetje eshte mbarevatja e procesit. Kutite e votimit d te hapen ne oren 07:00 dhe do te mbyllen ne oren 19:00 te kesaj te diele.

Burimi: https://www.vizionplus.tv/

Arrestohet gruaja në Strumicë, i hodhi helm burrit në kafe

në kategorine Lajme

Prokuroria Publike Thelbësore në Strumicë ka ngritur procedurë hetimore kundër një gruaje të dyshuar për vrasje në tentativë. Ajo dyshohet se më 7 qershor u përpoq ta privonte nga jeta burrin e saj në një shtëpi familjare në fshatin Ilovica. Kur burri i kërkoi asaj të gatuajë kafe, ajo vendosi një herbicid të lëngshëm në filxhan dhe ia dha për të pirë. Personi e kishin pirë kafenë, dhe doli në oborr dhe ra pa vetëdije. /SHENJA/

VMRO-DPMNE: Pushteti i frikësuar po i burgos funksionarët tanë

në kategorine Maqedoni

VMRO-ja vlerëson se pushteti është i frikësuar dhe në panik dhe për këtë burgos dhe përndjek funksionarë e saj. “Prokuroria e Zoran Zaevit gjatë ditës së djeshme nga motive politike e ka arrestuar Dimitar Diovskin i cili publikoi aferën për dhunuesin Kurto Dudush dhe Dejan Miteski që i shkaktoi disfatë pushteti në këtë komunë të Shkupit.

Me përndjekje politike ndaj Dimovskit, Mitevskin, Janakieski dhe të tjerët, Zoran Zaev nuk mund ta mbulojë dëshpërimin dhe katastrofën që ka sjellur LSDM. Dimitar dhe Dejan janë arrestuar dhe maltertuar për shkak se nuk kanë frikë pushtetin, për shkak se publikisht zbardhin krimet e LSDM-së”, thuhet në njoftimin e partisë opozitare maqedonase.

VMRO-ja vlerëson se qeveria mendon që me raste të montuara do ta shpërqendrojë opinionin nga problemet reale, si krimi, ryshfeti, nepotizmi, korrupsioni, arsimi i shkatërruar, mossukseset në bujqësi dhe të gjitha katastrofat tjera të këtij pushteti. /SHENJA/

Propozohet tërheqja e masës së paraburgimit për dy të arrestuar

në kategorine Maqedoni

Për dy nga të dyshuar, të cilët ishin arrestuar në aksionin e djeshëm dhe të sjellë para gjykatësit të procedurës paraprake, është kërkuar tërheqja e masës së paraburgimit. Për ta, prokurori kompetent kërkoi masa të kujdesit.

Pasi të dyshuarit kanë dhënë deklarata para gjyqtarit të procedurës paraprake në Gjykatën Penale në Shkup, prokurori kompetent që e ka trajtuar rastin, për dy prej të dyshuarve tërhoqi propozimin për caktimin e paraburgimit, ndërsa i propozohet gjykatës që për këta persona të ketë masa të kujdesit, siç janë konfiskimi i dokumenteve të udhëtimit, ndalimi i lënies së vendbanimit e paraqitja në gjykatë.

Në këtë proces gjyqësor është i përfshirë edhe ish-ministri Mile Janakievski. Përveç Janakieskit, të akuzuarit janë edhe nëpunës shtetëror, noterë, ish avokatë shtetëror si dhe një biznesmen. Në mesin e të arrestuarve janë edhe funksionarë aktual të VMRO-DPMNE-së, Dimitar Dimovski, anëtarë i Komitetit ekzekutiv të partisë dhe Dejan Mitrevski, kryetar i Komitetit komunal në lagjen Aerodrom. Dyshimi është se Mile Janakieski së bashku me pesë administratorët në Kadastër, kanë përgatitur katër marrëveshje për shitjen e parcelave shtetërore. /SHENJA/

1 2 3 32
Shko lartë