Category archive

Video - page 3

(VIDEO) Detaje rreth aksidentit tragjik në ÇAIR ku vdiqën dy persona

në kategorine Maqedoni/Video

Dy persona kanë vdekur ndërsa njeri ka pësuar lëndime të renda trupore si pasoje e rënies se dheut derisa groponin për hapjen e kanalit. Të dy të vdekurit kane qenë vëllezër te cilët kanë punuar në kompaninë ku pronar ka qene babai i tyre. Aksidenti ka ndodhur rreth orës 11:00 përball shkollës fillore “Penko” në rrugën “Kemajl Sejfulla”.

Sipas dëshmitareve okularë, gjatë kohës kur ka ndodhur aksidenti ka qenë prezent edhe babai i djemve, kanali supozohet të ketë qenë rreth 2 metra i thelle, mos më shumë. I pari që ka tentuar përmes eskavatorit  t`i nxjerrë viktimat nga kanali ka qenë baba i dy djemve.

Jozyrtarisht, thuhet se i lënduari  është dhëndër i pronarit  dhe se për momentin gjendet në Spitalin e Qytetit të Shkupit “Naum Ohridski”.

(VIDEO) AKSIDENTI NË ÇAIR, nxirren trupat e të vdekurve

në kategorine Maqedoni/Video

Para pak çastesh ekipe të Mjekësisë ligjore dhe ekipe te MPB-së  pas kryerjes së inspektimeve në vendin e ngjarjes  kanë arritur ti nxjerrin trupat e dy vëllezërve të vdekur në aksidentin tragjik që ndodhi sot në Çair të Shkupit. Trupat e pajetë u morën  nga shërbimet përkatëse për tu dorëzuar për autopsi. Ne vend ngjarje vazhdojnë të mbeten ekipe të zjarrfikësve të policisë dhe të ndihmës së shpejtë, njofton Alsat-M.

Kujtojmë se sot rreth orës 11:00 dy vëllezër kanë vdekur ndërsa njeri ka pësuar lëndime të renda trupore si pasoje e rënies se dheut derisa groponin për hapjen e kanalit. Të dy të vdekurit kanë qenë të punuar në kompaninë ku pronar është  babai i tyre. Aksidenti ka ndodhur rreth orës 11:00 në rrugën Kemajl Sejfulla.

Sipas dëshmitareve okularë, gjatë kohës kur ka ndodhur aksidenti ka qenë prezent edhe babai i djemve, kanali supozohet të ketë qenë rreth 2 metra i thelle, mos më shumë. I pari që ka tentuar përmes eskavatorit  t`i nxjerrë viktimat nga kanali ka qenë baba i dy djemve.

I lënduari për momentin gjendet në Spitalin e Qytetit të Shkupit “Naum Ohridski”.

, Image: 140298918, License: Royalty-free, Restrictions: Not available for use in Corbis Merchandise., Model Release: yes, Credit line: Profimedia, Fancy

(VIDEO) DITA BOTËRORE E DUHANIT, apele për ndërgjegjësim

në kategorine Maqedoni/Video

Çdo të katërtën sekondë vdes një person si pasojë e pirjes së duhanit. Konsumimi i duhanit është radhitur si shkaktari numër një i kancerit në mushkëritë e bardha si dhe i më shumë se dy të tretave të rasteve të vdekjes në nivel global. Në Maqedoni 46% e popullsisë nga mosha 15-64 vjeçe janë konsumues të duhanit. Ndërsa tronditës paraqitet fakti që mijëra të rritur si dhe numër i lartë i fëmijëve nën 5 vjeç vdesin si pasojë e infeksioneve respiratore që vijnë nga qëndrimi në ambientet ku ka tym duhani. Në Maqedoni ekzistojnë 10 qendra këshilluese për personat e varur nga duhani, mirëpo Instituti i Shëndetit Publik thotë se vetëm një përqindje e ulët arrijnë që të shmangin përdorimin e tij.

Nga kanceri në mushkëritë e bardha brenda vitit vdesin rreth 800 njerëz, që i bie rreth 40 në 100,000 banorë. Nga 1271, tani kemi të dhëna se vetëm 4 persona kanë arritur ta lejnë duhanin pas një viti trajtim”, deklaroi Elena Qoseska, Instituti i Shëndetit Publik

Nga Instituti i Shëndetit Publik kërkojnë që autoritetet Shëndetësore si dhe Qeveria të ndajë më shumë mjete buxhetore për luftën kundër konsumimit të duhanit.

Rekomandimet tona janë që ministria e Shëndetësisë dhe Qeveria e Maqedonisë patjetër të sigurojnë mjete buxhetore që të bëhet program i posaçëm parandalues për lënien e duhanit, e cila do t’i mbështet 10 Qendrat Këshilluese për lënien e duhanit që ato të kenë më shumë buxhet me të cilat do të munden të publikojnë, më shumë material propagandues, do kenë mjete të blejnë aparate që janë tregues të monoksid karbonit, të sigurojnë terapi farmaceutike”.  – u shpreh Elena Qoseska, Instituti i Shëndetit Publik

Krahasuar me vendet e rajonit Maqedonia kryeson për nga numri i personave të cilët janë konsumues të duhanit. Instituti i Shëndetit Publik thotë se kjo është falë mungesës së kampanjave kundër duhanit. Ndërkohë Organizata botërore e Shëndetit parashikon që deri në vitin 2025 konsumimi i duhanit në nivel botëror të ulet për 30%.

/Alsat-M/

(VIDEO) Sulmohet sërish gruaja rome, tani në Ferizaj

në kategorine Kosovë/Video

Pasi u sulmua para pak ditësh nga disa persona në Lipjan, gruaja rome është sulmuar edhe sot në Ferizaj, transmeton KTV.

KTV-ja ka siguruar pamje nga momenti kur ajo sulmohet, derisa nga goditjet bie përtokë.

Policia e Kosovës ka arrestuar një të dyshuar për rastin në Lipjan, gjersa ka bërë të ditur se hetimet po vazhdojnë për rastin.

 

(FOTO/VIDEO) ZAEV: Autostrada PRISHTINË- SHKUP do ta përshpejtojë evropianizimin e rajonit

në kategorine Maqedoni/Video

Autostrada Prishtinë-Shkup do ta përshpejtojë dinamikën e marrëdhënieve mes qytetarëve dhe biznesmenëve të më shumë vendeve të këtij rajoni. Lidhja infrastrukturore në masë të madhe do ta përshpejtojë evropianizimin gjithëpërfshirës të rajonit, tha kryeministri Zoran Zaev në ceremoninë e sotme me rastin e përfundimit të ndërtimit të pjesës kosovare të autostradës Prishtinë-Shkup.

Në ceremoninë solemne afër fshatit Paldenicë të Hanit të Elezit, në afërsi të vendkalimit kufitar Bllacë mes  Kosovës dhe Maqedonisë së Veriut, Zaev tha se kjo rrugë është e rëndësishme jo vetëm për të dyja vendet fqinje, por edhe për gjithë rajonin në rrugën e tyre drejtë integrimeve evropiane, informon korrespondenti i MIA-s nga Prishtina.

Ai i uroi liderët e Kosovës dhe të gjithë ata që morën pjesë në ndërtimin e autostradës “Arben Xhaferi” dhe paralajmëroi se edhe Maqedonia e Veriut do t’i përshpejtojë punët e ndërtimit të autostradës nga Bllaca deri në Shkup.

“Autostrada që sot lëshohet në përdorim do të jetë motivim i fuqishëm edhe për ne që t’i përshpejtojmë përgatitjet për fillimin e punëve në autostradën Bllacë-Shkup. Këto ditë edhe te ne shpallet tender për autostradën prej 14 kilometrave në vlerë prej 120 milionë eurove. Kështu do të rrumbullakohet lidhja e autostradës mes Shkupit dhe Prishtinës dhe udhëtimi mes këtyre dy qyteteve do të zgjasë vetëm 45 minuta. Obligimi ynë është që autostrada Bllacë-Shkup, si pjesë e rutës 6 të rrjetit pan evropian i rrugëve të fillojmë ta ndërtojmë   në afatin e paraparë dhe plotësisht ta përfundojmë në kohë shumë të shpejtë”, tha Zaev.

Ai shtoi se autostrada “Arben Xhaferi” është “shpërblim për durimin dhe për lidhjet e shumta të cilat i kanë Kosova dhe Maqedonia e Veriut në çdo plan”.

“Këtë punë të madhe e vlerësojmë si tonën edhe ne në Maqedoninë e Veriut. Kjo rrugë prej sot do të jetë rruga e cila do të mundësojë lëvizjen më moderne, më të shpejtë dhe më të sigurt të qindra mijëra automobilave, qytetarëve dhe të mjeteve të tjera transportuese, të cilat sigurojnë që Kosova të jetë në mesin e top 20 vendeve me vëllim më të madh të shkëmbimit me Republikën e Maqedonisë së Veriut” që kushton më shumë se 500 milionë euro”, tha Zaevi.

Ai theksoi se Kosova dhe Maqedonia e Veriut nënshkruan memorandum për bashkëpunim në sferën e menaxhimit të integruar të kufijve mes të dyja vendeve, do të mundësojë shkëmbim më të mirë të informacioneve, lëvizje më të shpejtë të udhëtarëve dhe mallrave mes të dyja vendeve.

Sipas Zaevit “kjo arterie moderne rrugore prej sot bëhet pjesë e sistemit të autostradave që e bën rajonin të lidhur, të afërt dhe miqësor”.

Për Arben Xhaferin, emrin e të cilit e bart autostrada, Zaevi tha se është “një nga figurat më të shquara që nga pavarësia e vendit tonë”.

“Arben Xhaferi është një nga personalitetet e shquara të cilët dhanë kontribut të madh që rajoni të jetë i lidhur dhe unik, pjesë përbërëse e vendeve sovrane, të cilët respektohet ndërmjet vete dhe e ndajnë të kaluarën në emër të së ardhmes së përbashkët evropiane.

Ai theksoi se kjo autostradë i lidh jo vetëm dy vendet fqinje por se përmes saj lidhen edhe të gjitha vendet në rajon mes vete.

“Në emër të progresit të marrëdhënieve mes vendeve, të cilat i lidhin korridoret ndërkombëtare evropiane, edhe një herë iu uroj për suksesin e madh dhe punën e madhe. Iu leni qytetarëve tuaj dhe gjeneratave të ardhshme trashëgimi të madhe dhe shumë të vlefshme, ndërsa qytetarëve të rajonit shembull dhe inspirim i cili duhet të ndiqet”, porositi Zaev.

Presidenti i Kosovës Hashim Thaçi theksoi se dita e sotme është e veçantë, jo vetëm për Kosovën, por edhe për gjithë rajonin e Ballkanit. Sipas tij, ndërtimi i autostradës është “investim i fuqishëm”, por shumë me vlerë, sepse Kosova e lirë dhe e pavarur duhet edhe të zhvillohet.

“Nëse në të kaluarën ëndërronim për Kosovën e lirë dhe të pavarur, sot ky është realitet. Nëse dje na dukej se është e pamundur që ta përfundojmë këtë autostradë, sot këtë e arritëm. Kjo është Kosova e re, e zhvilluar, moderne dhe evropiane”, deklaroi Thaçi.

Kryetari i Kuvendit të Kosovës, Kadri Veseli tha se përmes kësaj autostrade Kosova ndërton ura të bashkëpunimit me fqinjët.

“Sot tregojmë se Kosova është faktor i stabilitetit e cila ndërton ura të cilat i lidhin shtetet fqinje. Lidhemi me ura të bashkëpunimit mes popujve”, tha Veseli.

Kryeministrit Zaev dhe kryeministrit malazez Dushko Markoviq, i cili gjithashtu mori pjesë në ceremoninë, Veseli iu rekomandoi se në “Kosovë gjithnjë do të gjejnë partner i cili do të jetë i veçantë dhe i sinqertë”  dhe i cili do të bashkëpunojë me popujt dhe shtetet e tyre.

“Ne ju jemi falënderues dhe gjithnjë do të jemi falënderues për kontributin tuaj pozitiv që gjithnjë e keni dhënë për shtetin tonë. Edhe ne gjithnjë do të jemi bashkëpunues dhe të mbushur me respekt për shtetet dhe popujt tuaj”, tha Veseli.

Kryeministri i Kosovës Ramush Haradinaj tha se autostrada “Arben Xhaferi”, “përveç që i lidh mes vete shtetet fqinje, i jep një imazh të ri gjithë rajonit”.

“Kjo rrugë na lidh mes vete dhe na afron me Evropën. Kjo jep në imazh të ri jo vetëm për Kosovën, por edhe për rajonin. Shpresoj se me mikun tim Zoran Zaev do të takohemi në anën tjetër që ta inaugurojmë pjesën e mbetur të autostradës në Maqedoninë e Veriut”, tha Haradinaj.

Në këtë ceremoni urime me rastin e përfundimit të punimeve për ndërtimin e autostradës, para të pranishmëve  folën edhe kryeministri malazez Markoviq dhe ambasadori i  Shteteve të Bashkuara të Amerikës në Kosovë Filip Kosnet.

Në mesin e mysafirëve të shumtë në këtë ceremoni të pranishëm ishin përfaqësues të korit diplomatik në Prishtinë,  ministra në Qeverinë e Kosovës dhe personalitete të tjera nga jeta politike dhe publike në vend, ishin edhe kryetari i Kuvendit të Republikës së Maqedonisë së Veriut Talat Xhaferi, zëvendëskryeministri Bujar Osmani dhe ministri i Transportit dhe Lidhjeve Goran Sugarevski.

Vlerësohet se ndërtimi i autostradës e cila e lidh Prishtinën me kufirin e Maqedonisë së Veriut, e cila është e gjatë 65,5 kilometra dhe në të cilën gjendet edhe ura më e madhe në Ballkan, e gjatë shtatë kilometra, ka vlerë rreth prej 700 milionë eurove.

(VIDEO) KOMUNA E LIKOVËS destinon më shumë mjete në infrastrukturë

në kategorine Maqedoni/Video

Për vitin 2019 komuna e Likovës në krye me Erkan Arifin ka ndarë më shumë mjete për realizimin e një varg projekteve në infrastrukturë.

Për më shumë linku në vijim:

Komuna e Likovës destinon më shumë mjete në infrastrukturë

Komuna e Likovës destinon më shumë mjete në infrastrukturë

Publiée par Bashke.tv sur Dimanche 26 mai 2019

(VIDEO) ZHBOGAR optimist për politikën e zgjerimit të BE-së

në kategorine Maqedoni/Video

Euroambasadori në vend, Samuel Zhbogar, tha se është optimist se përkundër pranisë së rritur të partive euroskeptike në përbërjen e re të Parlamentit Evropiane, kjo nuk do të reflektojë negativisht në politikën e zgjerimit. U mbetet shteteve anëtare të vendosin nëse vendi do të fillojë bisedime për anëtarësim, shprehet ai, duke shtuar se Europarlamenti nuk ka rol vendimtar në këtë proces, njofton Alsat-M.

(VIDEO) “FSHESA” në LSDM. Ja deklarata e ZAEVIT

në kategorine Maqedoni/Video

Ka përfunduar mbledhja e përgjithshme e partisë më të madhe në pushtet, Lidhjes Social Demokrate të Maqedonisë. Në përfundim të saj ka dhënë një intervistë për shtyp vetë kryetari i saj, Zoran Zaev.

Sipas tij janë shkruar të gjashtë nënkryetarët e LSDM-së: Frosina Remenski, Damjan Mançevski, Oliver Spasovski, Muhamed Zeqiri, Bllakgoja Boçvarski, Petre Shilegov.

Po ashtu është shkarkuar edhe Sekretari i Përgjithshëm të LSDM-së, Aleksandër Kiracovski. Në vendin e tij është emëruar Lupce Nikollovski nga Ministri i Bujqësisë. Zaevi tha se ende nuk dihet se kush do të vijë në vendin e Nikollovskit në Ministrinë e Bujqësisë.

Kryeministri paralajmëroi se së shpejti do të fillojnë edhe ndryshimet në pushtetin ekzekutiv. Ai tha se vendimet për shkarkimin e ministrave aktualë do të sillen së bashku me emrat e rinj.

Megjithatë Zaevi sonte nuk publikoi asnjë emër apo shkëmbim resorësh. Ai paraprakisht shkarkoi 78 kryetarët e degëve nëpër komuna, ndërsa tha se të njëjtit kanë të drejtë të kandidojnë përsëri ndërsa gjithashtu një pjesë e tyre do të rizgjidhen për shkak të sukseseve në zgjedhje.

/Alsat-M/

Publiée par Alsat sur Dimanche 26 mai 2019

(VIDEO) FC SHKUPI siguron pjesëmarrjen në Ligën Evropa

në kategorine Maqedoni/Video

Shkupi udhëton për në Europ pasi mposhti Rabotniçkin me rezultat 2:1.

Me përballjet e javës së 36-të, zyrtarisht u mbyll sezoni në Ligën e Parë Futbollistike e Maqedonisë së Veriut. Në raundin e fundit, duhej vetëm të përcaktohen skuadrat pjesëmarrëse në garat evropian. Në duelin direkt , FC Shkupi me fitore 2-1 ndaj Rabotniçkit, në stadiumin “Todor Proeski” siguroi pjesëmarrje në garat evropiane, duke mbyllur sezonin në vendin e katërt me 48 pikë, një më shumë se Renova dhe Makedonija Gjorçe Petrov. Për shkak të bilansit më të mirë në mesin e skuadrave që kanë pikë të njëjta, skuadra e Makedonija Gjorçe Petrovit, siguroi pjesëmarrje në Ligën e Evropa, ku do të garon edhe Akademia Pandev, ndërsa Shkëndija do të përfaqësojë Maqedoninë në eliminatoret e Ligës së Kampionëve. Në nën hije të këtyre sfidave, Akademia Pandev barazoi 1-1 me Vardarin, Renova mundi Shkëndijën 3-2, ndërsa Sileksi mundi Bellasicën me 2-1.

/Alsat- M/

(VIDEO) Raporti i KE-së, MARIÇIQ: Presim raport pozitiv

në kategorine Maqedoni/Video

Qeveria pret që raporti i Komisionit Evropian i cili do të publikohet të mërkurën të jetë pozitiv dhe vlerësojë reformat në të gjitha fushat. Megjithatë mos miratimi i ligjit të ri për prokurori publike si dhe afera e nepotizimit nëpër institucionet shtetërore priten të jenë ndër kritikat kryesore në raport. Në një intervistë për Alsat kryenegociatori teknik me BE-në Bojan Mariçiq shprehet optimist se vendi do të marr datën për fillimin e negociatave në qershor ose korrik. Sipas tij shtetet anëtare mbështesin çeljen e negociatave me Maqedoninë e Veriut megjithatë debati që zhvillohet aktualisht në Bruksel është nëse vendimi për vendin duhet të merret në mënyrë të pavarur apo në pako me Shqipërinë dhe të shtyhet për në vjeshtë.

(VIDEO) REMENSKI: VELJANOVSKI në nivel me të dënuarit e “27 prillit”, të dorëhiqet

në kategorine Maqedoni/Video

Deputetja e LSDM-së, Frosina Remenski i bëri thirrje ish-kryetarit të Kuvendit, Trajko Veljanoskit, tani deputet që të jap dorëheqje.

Sipas Remenskit, Veljanovski është një rrezik sigurie për shkak të certifikatës që posedon për informacione të klasifikuara dhe është në nivel me të dënuarit për ngjarjet e “27 prillit”. Prandaj, konsideron Remenski, Veljanoski nuk është i denjë që të jetë kryetar i Komisionit për mbikëqyrjen e DSK-së dhe Agjencisë së inteligjencës.

“Ne kemi moralizuar statusin e Pavle Bogoevskit për faje të pakonfirmuar, pavarësisht statusit të deputetit Trajko Veljanoski i cili është nën dyshim dhe për veprimtari armiqësore kundër shtetit për ngjarjet e 27 prillit”, tha Remenski.

 

(VIDEO) NUHIU: Me ligjin e ri DSK-ja ligjërisht është shuar

në kategorine Maqedoni/Video

Me miratimin e ligjit të ri, Drejtoria për Siguri dhe kundërzbulim, ligjërisht është shuar.

Brenda 5 ditësh pritet të hapet konkursi për postin e drejtorit ndërkohë që të gjithë punonjësit do të krihen jo vetëm në bazë të profesionalizmit të tyre, por në testimet poligrafike do të detektohen për kontributin e tyre real në vlerat e shoqërisë, nëse kanë bashkëpunuar me krimin dhe fenomene shqetësuese të shoqërisë. Agjencia për Siguri Kombëtare, tashmë pa autorizime policore, do të ketë vetëm karakter për mbledhjen e informatave.

Në emisionin Rruga Drejt në Alsat-M, zv/ministri Agim Nuhiu zbardhi detaje jo vetëm për reformimin e institucionit që eksperti Priebe ngrinte shqetësime në raportin e tij, por edhe për afatet ligjore dhe vendodhjen e ardhshme të këtij institucioni.

 

(VIDEO) Emërimi në Agjencinë e Zbulimit. Flet Erolld Musliu

në kategorine Maqedoni/Video

Erolld Musliu, drejtori i ri i Agjencisë për Zbulim, ka refuzuar që të komentojë deklaratat e anëtarëve të BDI-së, se janë të shqetësuar pas emërimit të tij si drejtor i Agjencisë për Zbulim.

Musliu ka sqaruar se është e nevojshme që vendimi të shpallet në Gazetën Zyrtare dhe funksioni i tij të zyrtarizohet.

“Nuk mundem të jap deklaratë deri sa nuk e shoh vendimin e emërimit tim, drejtor i Agjencisë për Zbulim të jetë shpallur në Gazetën Zyrtare. Nuk ka problem, nga e hëna jam në dispozicion. “Nuk e kam lexuar atë deklaratë të zv/kryeministrit Bujar Osmani, mirëpo mbrëmë dëgjova qëndrimin e tyre, kishte edhe vetë Presidenti, unë jam emëruar nga Presidenti i Maqedonisë së Veriut, ka thënë Musliu.

/Alsat-M/

(VIDEO) Të rinjtë nga Italia filmojnë veten, para se të vdisnin derisa vozisnin veturën me 220 kilometra në orë

në kategorine Bota/Video

“Po shkojmë në Rovigo djema dhe jemi me vetëm 200 km/h, tregoju me sa po ecim”.

Këto janë fjalët që dëgjohen në një video të shpërndarë në Facebook nga njëri prej dy të rinjve të cilët humbën jetën më pas në aksin mes Modenës së Veriut dhe asaj Jugore, rreth orës 1 pas mesnate.
Dyshja filmonte veten ndërkohë që udhëtonin në autostradë, e me sa kuptohet ishin drejtuar për në një festë me muzikë techno.

“Kjo makinë është një përbindësh , jemi me 220 km/h”, thonë sërish.

“Të ndalojmë në një fast food? Jo, dëgjohet sërish, Po na pret droga dhe gjithçka tjetër”.

Vetura, që mbante brenda dy viktimat: 39 vjeçarin Luigi Visconti dhe 36vjeçarin Fausto Dal Moro, është përplasur më pas me mbrojtëset anash rrugës.

Dinamika e aksidentit është ende duke u zbardhur nga policia. Sipas hipotezës më të mundshme, dy miqtë, pas përplasjes, kanë arritur të dalin nga makina.

E menjëherë pas kësaj, janë përplasur nga një tjetër makinë që kalonte asaj korsie. Kjo, pasi të dy trupat janë gjendur në shumë metra distancë nga makina e tyre.

Ka qenë e menjëhershme ndërhyrja, por për të dy nuk kishte mbetur më asgjë për të bërë. Aksidenti shkaktoi shumë trafik, por në orët e para të agimit, qarkullimi rinisi rregullisht në tre korsitë. /oranews/

+ VIDEO/ Të rinjtë nga Italia filmojnë veten para se të vdisnin derisa vozisnin veturën me 220 kilometra në orë https://www.almakos.com/te-rinjte-nga-italia-filmojne-veten-para-se-te-vdisnin-derisa-vozisnin-veturen-me-220-kilometra-ne-ore-video/

Publiée par Almakos.com sur Lundi 20 mai 2019

(VIDEO) “FSHESA”, AHMETI: Akoma nuk është biseduar, por asnjëri nuk është i përjetshëm

në kategorine Maqedoni/Video

“Askush nuk është i përjetshëm në vendin e tij të punës dhe secili mund të zëvendësohet”. Kështu deklaroi kreu i BDI-së Ali Ahmeti, në lidhje me “fshesën” e paralajmëruar nga Kryeministri Zoran Zaev.

Gjithçka pritet të vendoset në takimin Ahmeti-Zaev, takim të cilin po e presin të gjithë, për të parë se kush do të përfshihet në rikonstruimin e qeverisë. Lideri i BDI-së tha se po e pret Kryeministrin të kthehet në vend dhe më pas takohen.

“Akoma nuk është biseduar, por as edhe i përjetshëm asnjëri. Funksionet shkojnë e vijnë, por misionet mbesin me jetë dhe pjesa dërmuese e bashkëpunëtoreve të mijë janë misionar të shkëlqyeshëm”, deklaroi Ali Ahmeti, Kryetar i Bashkimit Demokratik për Integrim.

Kryetari i RDK-së Vesel Memedi është i bindur se kuadrot e partisë së tij nuk do të përfshihen në “fshesën” e Zaevit. Sipas tij këto janë dezinformata të dala nga qarqe politike.

“RDK dhe Vesel Memedi, do të vazhdojnë edhe më tutje të luajnë këtë rolë konstruktiv dhe mjaft serioz në Qeveri dhe më tutje. Dezinformata e plasuar kohëve të fundit për fshesë, duke përfshirë edhe RDK , Vesel Memedin dhe ministrin e saj Suhej Fazliu, burimin e kanë tek shtabi i këshillit mbi partiak. Këta njerëz dhe ky shtab, kanë bërë lojëra mjaft të rrezikshme me ish pushtetin e kaluar dhe pas dështimit në politikë dhe vazhduan edhe me lojën e radhës se do të përkrahin Qeverinë pa asnjë kusht”, u shpreh Vesel Memedi, kryetar i RDK-së.

Rikonstruimi i Qeverisë pritet të ndodhë në fillim të qershorit. Do të përfshihen një pjesë e ministrave, ndërsa në fund të qershorit do të ketë ndryshime vertikale edhe për një pjesë të funksionarëve. Zaev ka koncept për ndryshime, por nuk e di numrin e saktë të ministrave që do të ndryshohen.

/TV21/

(VIDEO) VMRO-DPMNE, “miell” para Kuvendit për Bogoevskin

në kategorine Maqedoni/Video

VMRO-DPMNE para Kuvendit la një kilogram mielli për deputetin Pavle Bogoevski. Opozita tashmë një javë kërkon dorëheqjen e Bogoevskit, pasi që u publikua një bisedë ku dëgjohet se si pjesëmarrësi i “Revolucionit shumëngjyrësh ” kërkon t’ia përgatisin porosinë .

Pavle një periudhë të gjatë është i prirë drejt ” pluhurit të bardhë ” edhe atë tip 500. Prandaj ja ku e ka një kilogram miell cilësor në mënyrë që të mos poshtërohet në të ardhmen nëpër taksi të porositë nga gjysmë grami. Pavle, mielli blihet në dyqan, ashtu sikurse edhe vaj i kanabisit që blihet në barnatore. Familja Zaev e mbjell marijuanën. Pyeti ata. Mos u poshtëro me këso lloj arsyetimesh – deklaroi Sergej Popov, VMRO-DPMNE.

 

(VIDEO) Goditet me shqelm në shpinë Arnold Schwarzenegger

në kategorine Stardust/Video

Aktori i Hollivudit Arnold Schwarzenegger u sulmua gjatë një udhëtimi në Afrikën e Jugut. Ish Guvernatori i Kalifornisë po merrte fotografi me tifozët kur një burrë kërceu dhe goditi 71-vjeçarin.

Një video e sulmit tregon se njeriu është arrestuar shpejt dhe Schwarzenegger mund të shihet duke dalë nga qendra e kongresit disa momente më vonë. Më vonë të njëjtën ditë, Schwarzenegger postoi një video në Twitter për veten duke përshëndetur tifozët në Sandton.

Schwarzenegger është i njohur për paraqitjen në filmat Terminator, Predator dhe Total Recall. Ish ndërtuesi i trupit, i cili shërbeu si Guvernator i Kalifornisë në mes të viteve 2003 dhe 2011, krijoi Festivalin e Sporteve Arnold – nga të cilat Arnold Classic Africa është pjesë e festivalit që nga viti 1989.

(VIDEO) “FSHESA” e Zaevit në derë të Kuvendit

në kategorine Maqedoni/Video

Një fshesë e lënë në derë të godinës ligjvënëse, ka qenë simbolika e deputetes së VMRO DPMNE-së Dafina Stojanovska, duke kërkuar nga Kryeministri Zaev që shkarkimet të fillojnë nga deputeti i LSDM-së Pavle Bogoevski. Ky reagim i partisë opozitare vjen një ditë pas publikimit të një përgjimi në rrjetet sociale ruse, për të cilin deputeti Bogoevski pretendon se është incizuar tinëzisht nga taksisti, përderisa ai përmes celularit po bënte një porosi për substancë narkotike. Por, deputetja Stojanovska thotë se Prokuroria publike duhet të ngrit procedurë ndaj deputetit për veprën e kryer penale. Nga VMRO DPMNE, gjithashtu thonë se do të ngritin iniciativë në Kuvend për marrjen e mandatit të deputetit.

Bogoevski pranoi se ilegalisht se ka blerë substanca narkotike dhe ka shkelur ligjin. Ashtu siç dëgjuam nga incizimi personi anonim, Bogoevski ka blerë kokainë, andaj pyes vallë a ka ai legjitimitet si deputet të vendos në emër të popullit. Bogoevski duhet të jep përgjegjësi nga e ka bërë blerjen, a e ka shitur drogën dhe prej sa kohësh është përdorues i substancave narkotike”, theksoi Dafina Stojanovska, Deputete e VMRO DPMNE-së

Nga partia e LSDM-së, deputet i së cilës është Bogoevski, thonë duhet të ndiqen penalisht përgjuesit ilegal, kurse çështja e dorëheqjes, sipas socialdemokratëve i mbetet atij të vendosë personalisht.

Ne presim që të gjitha institucionet kompetente të veprojnë dhe të zgjidhin rastin, veçanërisht në lidhje me regjistrimin dhe transmetimin e paautorizuar. Sa i përket aspekteve morale, ato janë në ndërgjegjen dhe përgjegjësinë personale të secilit deputet. Ligjet vlejnë njëjtë për të gjithë.”- u shprehën nga LSDM

Pikërisht në valën e përplasjeve të mëdha politike dhe reagime të shumta në opinion për çështjen e Bogoevskit, deputetja Julija Nikolova nga radhët e PLD-së, ka paralajmëruar se një grup deputetësh do të iniciojnë Ligjin për legalizimin e marijuanës, jo vetëm për përdorim medicinal siç ishte deri tani, por për përdorim të përgjithshëm. Ajo theksoi se nisma nuk ka lidhje me rastin dhe se për këtë projekt është punuar me muaj të tërë.

Nuk mund të komentoj për atë pjesë që nuk e kam dëgjuar deri më tani, por dua të them se çdo deklaratë nuk mund të përshpejtoj apo të stagnoj nga qëllim ynë që ta harrojmë sa më shpejtë atë ligj dhe ta vendosim në procedurë të Kuvendit”, tha Julija Nikollova, deputete e PLD-së

Prokuroria dhe policia ende nuk kanë dalë me qëndrim nëse do të ngritin procedurë ndaj deputetit ose përgjuesit ilegal. Ndërkaq, nga Qeveria thonë se autorët e përgjimeve të paligjshme duhet patjetër të dalin para drejtësisë. Nga Kabineti i Kryetarit të Kuvendit, thonë deri në këtë moment nuk ka asnjë procedurë por se bazuar në Kushtetutën dhe Rregulloren e punës do të ndërmarrin masa pas zbardhjes së plotë të rastit. Sipas deputetit Bogoevski, ky është një përgjim i paautorizuar dhe i dënueshëm sipas nenit 151 të Kodit Penal, dhe pret nga autoritetet që kryerësi i veprës të del para drejtësisë.

/Alsat-M/

(VIDEO) Lugina e hënës në Argjentinë

në kategorine Stardust/Video

Ischigualasto, që në përkthim do të thotë “vendi ku e vendosni hënën”, është një luginë në Argjentinë e mbushur me formacionet gjeologjike që janë krijuar nga erozioni i erës, që ka krijuar skulpturat e mahnitshme prej gurëve dhe shkëmbinjve, sikur të ishin skalitur nga mjeshtrit më të mëdhenj të artit.

Kjo luginë, sipas shkencëtarëve, dikur ka qenë zonë me tokë pjellore, ndërkaq tani, pothuajse shkretëtirë, mirëpo, ajo është aq e pasur me fosile shtazësh sa që tërheq paleontologë nga të gjitha anët e botës, transmeton KTV.

Era që fryn në këtë zonë për shekuj me radhë ka zbuluar fosile të ndryshme nga pluhuri dhe shkëmbinjtë.

Natyra e pabesueshme është unike dhe krejtësisht ndryshe nga viset tjera të Argjentinës. Kërpudha, Llamba e Aladinit… janë vetëm disa nga emrat e shkëmbinjve, të cilët janë emërtuar nga banorët lokalë.

(VIDEDO) PENDAROVSKI: S’i kam borxh askujt për zgjedhjen si president!

në kategorine Maqedoni/Video

Nuk i kam borxh askujt për zgjedhjen time për President. Kështu kreu i ri i shtetit, Stevo Pendarovski në emisionin “360 gradë”, iu përgjigjet kritikave në opinion por edhe opozitës se fitorja e tij do të paguhet me kredi të larta politike.

“Unë i shoh ata, secili nga partnerët e koalicionit dëshiron të thotë se investimi i tyre ka qenë i madh, dhe përmendin shifra që janë absolutisht joreale. Nuk dua të them se numrat e mi, i kam merituar vetëm unë. Ato 433,000 vota janë sigurisht edhe votat e partnerëve të koalicionit, 31 partnerë të koalicionit apo parti politike, natyrisht, edhe qytetarë të cilët nuk janë të bashkuar në parti politike, qytetarë të të gjitha bashkësive etnike. Unë besoj se këto 433,000 janë të gjithë njerëz me emër dhe mbiemër, të cilët individualisht madje edhe duke i shpërfillë direktivat e partisë vendosën të votonin për mua”, u shpreh Stevo Pendarovski, President i RMV-së.

Si detyrë e parë, Presidenti vendosi angazhimin për mbrojtjen e minoritetit politik dhe ta ngrejë opozitën në një nivel më të lartë. Ai paralajmëron se së pari do ta konsultojë atë për të gjitha aktet e rëndësishme ligjore dhe pastaj pushtetin. Ai e pranon që një person nuk mund të bëjë shumë, nëse institucionet e tjera nuk funksionojnë. Në kabinetin e Pendarovskit, do të “akomodohen” pesëmbëdhjetë bashkëpunëtorë, plus sigurimi. Megjithëse gjatë fushatës njoftoi reduktim të privilegjeve ligjore, faktin që ai zhvendoset në Vodno, e justifikon me protokollet e sigurisë.

Në pjesën e aktiviteteve të tjera do të përpiqem dhe do ta shihni atë, që nga dita e parë, me Zotin para, kur të kalojë presidenti rrugës, të mos vëreni se po kalon ai. Pra, nuk do të bllokohet i gjithë trafiku ose i gjithë qyteti të vuajë, të presë në çfarëdo kushte moti, ndërkohë që kalojnë makinat me dritat paralajmëruese – tha Stevo Pendarovski, President i RMV-së.

Pendarovski ka mandat pesëvjeçar të garantuar me kushtetutë. Varet nga ai nëse do të jetë president ceremonial, ose President i cili do të lërë gjurmë thelbësorë në shoqëri.

/Alsat-M/

Shko lartë