Category archive

Auto - page 2

BBR ofron dy paketa për përforcimin e Mazda MX-5 (FOTO)

në kategorine Auto

Kompania britanike që merret me modifikimin e veturave, BBR, ofron dy paketa për përforcimin e modelin e 2019-ës të Mazdës, MX-5, i cili ka motor 2.0-litër SkyActiv-G.

Paketa e parë mban emrin “Super 200” dhe motori 2.0-litër SkyActiv-G në këtë rast përforcohet në 204 kuajfuqi, transmeton Koha.net.

Ndërsa paketa e dytë, që mban emrin “Super 220”, përmes sistemin të shkarkimit të gazrave nga çeliku, filtrin K&N për ajër dhe njësinë ECU “StarChip”, përfshinë përforcimin e motorit të Mazda MX-5 në 224 kuajfuqi.

Të dy këto paketa vijnë me garanci nga 12 deri në 36 muaj.

(VIDEO) VOLVO VERA, kamioni elektrik vetëvozitës që transporton kontejnerët

në kategorine Auto/Video

Kamioni elektrik vetëvozitës i Volvos, i quajtur Vera, filloi të përdoret për transportimin e kontejnerëve në portin e Geteborgut në Suedi.

Vera ka sistemin elektrik të tërheqjes të kamionëve të Volvos, FL Electirc dhe FE Electric, por për dallim prej tyre nuk ka kabinë fare sepse ky kamion është i pajisur me sistemin e vozitjes autonome, transmeton Koha.net.

Ky kamion, i cili është parë në portin e Geteborgut, është prodhim i bashkëpunimit mes Volvo Trucks dhe kompanisë logjistike DFDS dhe qëllimi është që të tregohet se Vera është në gjendje të shërbejë si automjet autonom transportues me zero emetim të gazrave dhe se është shumë i saktë në relacionet e shkurtra.

Në Geteborg, këta kamionë elektrikë vetëvozitës tashmë po qarkullojnë nga qendra logjistike deri në terminalin e portit, duke transportuar kontejnerët e anijeve. Po ashtu, këta kamionë lëvizin me shpejtësi deri në 40 kilometra në orë dhe lëvizja e tyre mbikëqyret nga Kulla e Vrojtimit.

“Ky projekt është hapi i parë për lëvizjen e kamionëve vetëvozitës në rrugët publike në kuadër të zonave të mëdha industriale”, thotë Volvo Trucks.

Zbulohen detajet e reja të HONDA E

në kategorine Auto

Prodhuesi i njohur japonez i veturave, Honda, do të ofrojë modelin e saj të parë elektrik për konsumatorët në Evropë deri në fund të këtij viti, kryesisht për vozitje në zonat urbane.

Prototipi Honda E është prezantuar në panairin e Gjenevës dhe versioni serik nuk do të jetë shumë i ndryshëm nga ky prototip.

Honda ka njoftuar se vetura e re urbane që do të shfaqet më vonë këtë vit për shitje, do të përdorë bateritë litium-jon me kapacitet prej 35.5 kWh.

Bateritë janë të vendosur në pjesën qendrore të veturës, midis rrotave të përparme dhe të pasme, dhe inxhinierët e Hondës arritën shpërndarjen ideale masive në boshtet, 50:50.

Tani për tani, fuqia totale e Honda E nuk është zbuluar por dihet se do të jetë në dispozicion me sistemin e tërheqjes me vetëm rrotat e pasme.

Gjithashtu, Honda njoftoi se bateritë mund të mbushen duke përdorur mbushësin Tipi 2 AC, si dhe mbushësin e shpejtë “CCS2 DC”, në sajë të të cilit bateritë mund të mbushen deri në 80 % brenda gjysmë ore.

Me vetëm një mbushje të baterive, Hond E mund të udhëtojë rreth 200 kilometra, gjë që është e mjaftueshme për përdorim të përditshëm në zonat urbane, por edhe për ekskursione më të shkurtra jashtë qytetit, thotë prodhuesi japonez.

Honda, po ashtu, ende nuk e ka zbuluar datën e lansimit të këtij modeli elektrik për qytet në tregun evropian, dhe sipas kompanisë, 31.000 blerës të interesuar në Evropë tashmë janë regjistruar./ksp

Fiat Chrysler tërheq ofertën për bashkim me Renault

në kategorine Auto

Kompania Fiat Chrysler njoftoi sot se ka tërhequr ofertën e saj për t’u bashkuar me Renault-in francez.

Deri në tërheqjen e Fiat Chrysler erdhi pas njoftimit të Renault se menaxhimi i kompanisë shtyu votën e bashkimit me kërkesë të qeverisë franceze.

Nëse do të bëhej bashkimi, kompania e re do të ishte prodhuesi i tretë më i madh në botë, me vlerë rreth 40 miliardë dollarë.

Përpara kësaj do të ishte vetëm Volkswagen dhe Toyota.

“Ford” mbyll fabrikën në Uells

në kategorine Auto

Fabrika e “Ford”-it për prodhimin e motorëve në Uells, e cila punëson 1700 persona është ekonomikisht e paqëndrueshme dhe si rrjedhojë do të mbyllet vitin e ardhshëm, njoftoi sot gjiganti automobilistik amerikan.

Kompania fajëson rënien e interesit te konsumatorët si dhe skadimin e kontratës me “Jaguar Land Rover”, që janë arsyet kryesore për mbylljen në shtator të vitit 2020.

Presidenti i kompanisë “Ford” për Europë, Stuart Rowley, tha se rënia e kërkesës dhe kostot e papërballueshme, përfshirë mungesën e prodhimit të modeleve shtesë në fabrikën në Bridgend, e bëjnë atë ekonomikisht të paqëndrueshme.

Fabrika në Bridgend u hap në vitin 1980 dhe është një nga punëdhënësit më të mëdhenj në Uells.

(VIDEO) Mercedes prezanton CLA-në super sportiv AMG 35

në kategorine Auto/Video

Mercedes ka prezantuar nëpërmes një video super veturën e saj sportive, AMG CLA 35 Shooting Brake.

Në këtë video të bërë nga kompania Daimler, e cila ka nën pronësi Mercedesin, ka ofruar pamje të versionit AMG më të lirë që kjo kompani ka ofruar ndonjëherë.

Me motor 2.0 litërsh që prodhon 300 kuajfuqi, kjo veturë shpejtësinë nga 0 në 100km/h e arrin për 5 sekonda, transmeton koha.net.

Mercedes-AMG CLA 35 gjithashtu ka të gjitha rrotat aktive, transmision automatik me shtatë shpejtësi.

Avioni i parë “V” testohet në tetor (FOTO)

në kategorine Auto

Ky avion në formën e një shkronje “V” do të jetë nga objektet e radhës që do të fluturojnë. Ai nuk është thjesht një projekt 3D, por pritet që në tetor të këtij viti.

Koncepti është zhvilluar në Delft Technology University të Holandës, dhe financohet nga KLM.

E veçanta e këtij avioni, i cili i hap krahët po aq sa të tjerët, është se udhëtarët do të ulen pikërisht te krahët.

Avioni do të mbajë rreth 314 udhëtarë te krahët, hapësirë që tani qëndron bosh, dhe pritet të konsumojë 20% më pak karburant.

Tesla do të prodhojë 10 mijë Roadster në vit (FOTO)

në kategorine Auto

Drejtori i Teslas pohon se fuqia e tij e dyfishtë e prodhimit të veturave do të ketë performancë më të mirë se rivalët e famshëm të prodhimit të super veturave në botë.

Elon Musk nuk fsheh ambiciet e mëdha që ka kur bëhet fjalë për gjeneratën e dytë të Roadster Tesla, transmeton koha.net.

Gjatë prezantimit të Roadster Tesla një vit më parë, Musk ka zbuluar se kjo veturë do të jetë e aftë që të arrijë shpejtësinë nga 0 në 100km/h për vetëm 2 sekonda e atë maksimale prej 402 km/h.

Ndërsa tani Tesla, e Elon Musk kanë për qëllim të prodhojnë 10 mijë kopje të tilla në vit.

Musk gjithashtu ka pohuar se motorët e rinj ‘Hyper Motors Tesla’ do të tejkalojnë performancat e prodhuesve tradicional të super veturave, si Ferrari e Lamborghini.

Tesla Roadster do të vijë me një çmim fillestar prej 200 mijë dollarësh, e që krahasuar me modelet e prodhuesve të tjerë të super veturave, që shpesh shkojnë edhe mbi 1 milion euro, kjo shifër nuk është edhe aq e madhe.

Land Rover rikthen Discovery Sportin

në kategorine Auto

Land Rover ka rikthyer modelin Discovery Sport, i cili është gjithashtu në dispozicion në versionet me motorë hibrid.

Modeli për vitin 2020 është ri-dizajnuar në mënyrë diskrete jashtë dhe brenda, dhe ndryshimet më të dukshme kanë të bëjnë me pamjen e dritave LED dhe mbrojtësve anësor.

Motori bazik benzinë është 2.0-litër me 4 cilindra e kapacitet prej 147kW/200 kuajfuqi, dhe është i kombinuar me një motor elektrikë. Versioni tjetër hibrid është ai me benzinë që siguron 250 184kW/kuaj fuqi.

Motorët me naftë janë gjithashtu 2.0-litër me katër cilindra, derisa ai bazik posedon 150 kuajfuqi dhe mund të porositen me ose pa sistemin hibrid, transmeton KosovaPress.

Po ashtu, në dispozicion janë edhe motorë dizelë (hibrid) me kapacitet prej 180 dhe 24 kuajfuqi.

Land Rover Discovery Sport për vitin 2020 tashmë mund të porositet në Britani të Madhe me një çmim prej 31.575 funte.

Porsche rikrijon modelin sportiv me vetëm një ulëse e super të lehtë (FOTO)

në kategorine Auto

Porsche në 1968-ën ka ndërtuar Bergspyder, një veturë super e lehtë me një ulëse e e cila u ndërtua posaçërisht për garat malore.

E ngjyrosur në të bardh e gjelbër, Bergspyder peshon vetëm 384 kilogram, e edhe pse si model kishte jetë të shkurt, nuk supozohej që emri ‘Bergspyder’ të përfundonte me të, transmeton koha.net.

Në 2015-ën, Porsche kishte krijuar një grup punues me qëllim të krijimit të një superveture sportive me peshë të lehtë e që bazohej në modelin Boxter.

Ky Boxter Spyder i inspiruar në modelin 909 të viteve 60-ta, doli të jetë model 981 Bergspyder i ngjyrosur krejtësisht njëjtë, në të bardh e të gjelbër.

Pa tavan e vetëm me një ulëse, 981 Bergspyder ishte një inspirim modern i 909-shit, por pak më i madh.

981 Bergspyder peshon vetëm 1,099 kilogram ndërsa ka motorin 3.8 litërsh që prodhon 289 kuajfuqi e i cili bërë që kjo veturë shpejtësinë nga 0 në 100 kilometra në orë ta arrij për 4 sekonda.

Porsche për shkak të rregullave të regjistrimit të veturave në shumë shtete, nuk do të prodhoj këtë veturë për shitje në masë, pasi mund të ndikoj shitjet potenciale të tij.

Bergspyder ishte e ekspozuar në muzeun e Porsches, por tani për herë të parë do të publikohet në garën për ngjitje të maleve në Gaisbergu 2019.

Mercedes-AMG A35 përforcohet në 341 kuajfuqi (FOTO)

në kategorine Auto/Lajme

Derisa jemi duke pritur që Mercedes-AMG të prezantojë modelin A45, kompania gjermane që merret me modifikimin e veturave, Mcchip-DKR, është marrë me përforcimin e modelit aktual A35.

Mcchip-DKR për këtë Mercedes-AMG A35 4Matic ka zgjedhur paketën “Stage 1”, e cila përfshinë përforcimin e motorit 2.0-litër Turbo në 341 kuajfuqi, transmeton Koha.net.

  • Foto: Autoevolution

Kjo nënkupton 35 kuajfuqi më shumë sesa modeli standard dhe duhet theksuar se përmes paketës “Vmax” është rritur edhe shpejtësia maksimale e kufizuar nga 250 në 285 kilometra në orë.

Gjithashtu, thuhet se shpejtësinë nga 100 deri në 200 km/h tani ky Mercedes-AMG A35 e arrin për 1.6 sekonda më pak sesa modeli standard.

(FOTO/VIDEO) Brabus prezanton Mercedes-AMG GT63 S të ri me 800 kuajfuqi

në kategorine Auto/Lajme/Video

Kompania e njohur që merret me modifikimin e veturave, Brabus, së fundmi është marrë edhe me modifikimin e modelit GT63 S të Mercedes-AMG, duke përfshirë edhe përforcimin e motorit të tij.

Tani, motori i këtij Mercedes-AMG GT63 S, 4.0-litër Twin-Turbo, është me kapacitet prej 800 kuajfuqi, gjë që është e mjaftueshme që shpejtësinë nga 0 deri në 100 kilometra në orë ta arrijë për 2.9 sekonda ndërsa atë maksimale e ka të kufizuar deri në 315 km/h.

Brabusi, po ashtu, për këtë GT63 S ka zgjedhur edhe aerodinamikën nga fibra të karbonit, duke përfshirë mbrojtësin e përparmë shtesë (spoiler), vrima për ajër, pragjet, mbrojtësin e pasmë shtesë (difuzer), etj., transmeton Koha.net.

Ky Mercedes-AMG GT63 S, tani vjen edhe me maskën e re me logon “Brabus”, rrotat “Brabus Monoblock Z Platinum Edition” prej 21 dhe 22-inç, sistemin sportiv të shkarkimit të gazrave nga titani, amortizatorët më të ulët për 25 mm, si dhe me interier të modifikuar duke përfshirë lëkurë Alcantara, detaje nga druri dhe fibra të karbonit, si dhe pragjet me ndriçim.

Gjithashtu, Brabusi këtë GT63 S e ka prezantuar në ngjarjen “Top Marques Monaco”.

NZXT sjell shtëpizat e reja nga seria H

në kategorine Auto

NZXT i prezantoi pasardhësit e PC shtëpizës çmimfituese të serisë H. Do të ekzistojnë gjashtë modele të reja në serinë e rifreskuar: H210, H210i, H510, H510i, H710 dhe H710i, raporton NZXT.

Shtëpizat e reja H-Series janë në dispozicion në variantin e bardhë mat, të zi mat dhe kuq/zi. Modelet e reja karakterizohen nga një panel prej qelqi të kalitur i cili hapet me lehtësi për t’i vendosur komponentet brenda shtëpizës, ndërsa aty janë edhe sllotet e përmirësuara SSD. Përveç disa përmirësimeve për një përvojë të avancuar të instalimit, seria e re e shtëpizës vjen edhe me konektor USB C në panelin e përparmë dhe mbështetje për pajisjet USB 3.1 Gen 2.

Versionet me shenjën “i” në emërtim (H210i, H510i dhe H710i) e kanë një Smart Device v2 të re e cila e vë në lëvizje NZXT CAM. Smart Device v2 e përmban një mikroprocesor të ri dhe më të shpejtë i cili i kontrollon kanalet e ndriçimit HUE 2 RGB dhe ventilatorët e sistemit. E gjithë kjo e funksionalizon NZXT CAM, i cili ua mundëson përdoruesve ta personalizojnë ndriçimin RGB të sistemeve të tyre dhe t’i monitorojnë parametrat si temperatura dhe funksionimi i pjesëve.

Burimi: https://www.botasot.info/

Motorola lanson Z4, telefonin modular me 5G

në kategorine Auto

Motorola nga Lenovo po lanson gjeneratën e 4-të të linjës së tyre Moto Z, Moto Z4.

Mbushur me karakteristika të reja, telefoni i ri i vjen me një sistem kamerash të avancuar të dritës së ulët, duke përfshirë një modalitet të shkëlqyeshëm të shikimit në errësirë, bateri 2-ditore, ekranin e gjerë OLED dhe lidhjen 5G.

Shpejtësia është mundësuar nga procesori i ri Qualcomm, Snapdragon 675 2GHz octa-core.

Image

Z4 është e pajisur me një sensor të kamerës së pasme 48 MP dhe përdor teknologji të re Quad Pixel.

Me 4x ndjeshmëri më të mirë të dritës, stabilizimin e imazhit optik për lëvizjen e padëshiruar të kamerës dhe udhëzime nga karakteristikat e inteligjencës artificiale (AI), moto z4 kap fotografi profesionale.

Night Vision dhe sensori 48MP mund të kapin fotografi të ndritshme në errësirë.

Motorola i dha moto z4 një bateri masive 3600 mAh, më e madhja ndonjëherë në një moto z, me deri në 2 ditë të jetëgjatësisë së baterisë.

Z4 posedon një 6.4 Ekran OLED Max Vision që mbështet panelin Full HD +.

Burimi: https://www.botasot.info/

North Face kërkon falje për hakimin e Wikipedias

në kategorine Auto

North Face ka kërkuar falje për manipulimin e Wikipedias.

Kompania e veshjeve North Face ka kërkuar falje për manipulimin e Wikipedia për të bërë imazhet e produkteve të saj më të spikatur në rezultatet e Google.

Agjencia e saj e reklamave vendosi imazhe të modeleve të veshur me veshje të Veriut në faqet e Wikipedia-s për vende të largëta, raporton “Bbc”.

Në një video, firma u mburr se marifetja nxiti ranglistin e motorëve të kërkimit dhe kushton “asgjë”.

Ai kërkoi ​​falje pas kritikave nga fondacioni Wikimedia dhe dënimin më të gjerë mbi mediat sociale. 

Burimi: https://www.botasot.info/

Një MacBook Pro raportohet të ketë eksploduar, gjatë përdorimit të zakonshëm

në kategorine Auto

Zakonisht, dëgjojmë raporte për eksplodi me të telefonave, dhe më pak për laptopë. Për fat të keq, ka një herë të parë për çdo gjë, sepse sipas raporteve, duket se të paktën një MacBook Pro i Apple ka eksploduar.

Kjo është për sipas një DJ që e quan veten White Panda i cili i tregoi detajet për një post në Reddit.

Sipas White Panda, “Dje pasdite MacBook Pro im shpërtheu gjatë përdorimit normal.  Ishte në prehërin tim, i mbyllur, dhe papritmas filloi të lëshoj tymin nga të dyja anët, shpejt e vendosa atë në dysheme ku eksplodoi, tymi u rrit, dhe doli zjarr. Tymi toksik mbushi shtëpinë time duke shkaktuar lëshimin e alarmit të CO. “

Është e paqartë se çfarë mund të ketë shkaktuar problemin, por White Panda që nga ajo kohë ka kontaktuar Apple që ende nuk ka bërë asgjë për këtë.

Reparti i shërbimit i tha së pari se duhet të pres të paktën 24 orë ndërsa laptopi është mbajtur brenda një vendi sigurie kundër zjarrit. Më vonë, kur ai kërkoi një raport, iu tha se çështja ishte “përshkallëzuar” dhe se ai do të dëgjonte nga Apple në pesë ditët e ardhshme.

Kjo është një dukuri mjaft e rrallë dhe mund të ketë pasur një sërë çështjesh që mund ta kenë shkaktuar atë, duke filluar nga përdorimi jo i duhur, ngarkuesit e palëve të treta ose thjesht një bateri e gabuar.

Burimi: https://www.botasot.info/

Aplikacioni u dëshmua efektiv për ndalimin e pirjes së duhanit

në kategorine Auto

Një universitet japonez dhe një kompani mjekësore thanë të enjten se një aplikacion i telefonit që ata kanë zhvilluar ka dëshmuar të jetë efektiv për të ndihmuar njerëzit të qëndrojnë larg duhanit.

Universiteti Keio dhe CureApp Inc thanë se planifikojnë të marrin miratimin e qeverisë për aplikacionin si një mjet mjekësor ndoshta për  lansim në pranverën e ardhshme, kështu që përdorimi i tij në luftimin e varësisë ndaj nikotinës mund të mbulohet nën sistemin e sigurimeve shëndetësore publike.

Aplikacioni i lejon një pacienti të regjistrojë nivelin e monoksidit të karbonit në frymëmarrjen e tij, të matur me një pajisje të veçantë, së bashku me gjendjet  tjera shëndetësore.

Aplikacioni gjithashtu ofron këshilla mjekësore që i përshtaten gjendjes së pacientëve.

Subjektet e bazuara në Tokio zhvilluan testime të aplikacionit për rreth 570 njerëz që kërkonin ndihmë mjekësore në 31 institucione mjekësore në vend, nga tetori 2017 deri në fund të vitit 2018.

Ata zbuluan se 64 për qind e pacientëve që përdorën aplikacionin nuk pinin më duhan gjashtë muaj më vonë, rreth 13 për qind më shumë se grupi që nuk kishin lënë duhanin.

Duke ofruar mbështetje jashtë spitaleve, aplikacioni ndihmon pacientët të luftojnë mentalisht betejën kundër varësisë nga nikotina, thanë ata.

Burimi: https://www.botasot.info/

Ylli i Youtube blen makinë 50 € për të udhëtuar në finalen e Champions League

në kategorine Auto

Një yll i Youtube nga Anglia do të bëjë një udhëtim të pazakontë drejt finales së Champions League mes Liverpool dhe Tottenham pasi ka hequr shpenzimet e avionit. 

Wilson, i cili më parë është futur fshehurazi në sfidën më të madhe të boksit mes Floyd Mayweather dhe Conor McGregor, thotë se refuzon të shpenzojë aq shumë para për avionin. 

Tifozi i zjarrtë i Liverpool ka blerë një Skoda Favorit GLXI për të shkuar në ndeshjen e së shtunës. 

“Do të ngarkoj disa video në Youtube gjatë rrugës, por kjo nuk është arsyeja e vetme pse unë do të shkoj. 

Kam qenë shumë me fat që mora një biletë, gjithsesi përgjigja zgjati shumë dhe nuk mund të rezervoja një biletë. 

Pastaj pashë online dhe transporti ishte 900 euro, një shifër qesharake. Kështu që kam blerë makinën më të lirë që mund të gjeja nëpërmjet Facebook.

Ajo ka kushtuar 50 euro dhe me të do të shkoj në Madrid.”

Image

Burimi: https://www.botasot.info/

Studimi tregon 5 arsyet përse femrat vozisin më mirë se meshkujt

në kategorine Auto

Disa studime konfirmojnë atë që shumë prej nesh mund të besojmë: Gratë janë më të mirat në timon!

Mos u verboni djema, ne do t’ju japim 5 arsye të provuara për të përfunduar pranimin e këtij konstadimi.

Vajzat duhet të jenë shoferët e caktuar gjithmonë, në thelb për një çështje sigurie.

A keni akoma dyshime? Këtu shpjegojmë në detaje se çfarë saktësisht zbuluan studimet.

Ato përdorin më shumë rripin e sigurie

Studimi: Gratë në rrotën e Shoqatës Luchemos por la Vida detajon se gratë mbajnë më shumë rripat e tyre.

Asgjë më shumë dhe asgjë më pak se 31% më shumë. Të dhënat e mbledhura tregojnë se 85% e tyre gjithmonë e mbajnë këtë element të rëndësishëm të sigurisë, ndërsa vetëm 65% e meshkujve e përdorin atë.

Më shumë respekt ndaj semaforit

Drita e kuqe? Meshkujt nuk duket se e respektojnë atë mjaftueshëm. I njëjti studim zbuloi se gratë shkelin dritën e kuqe të trafikut 48% më pak se sa ata.

Ata përdorin më pak telefonin celular

Përdorimi i telefonit gjatë ngarjes shkakton një numër të madh të aksidenteve (shumë më tepër sesa imagjinoni).

Sipas këtij studimi, gratë përdorin telefonin celular kur janë në rrota 41% më pak se gjinia e kundërt.

Më shumë mirësjellje gjatë ngasjes

Një sondazh i kryer në Londër nga një kompani sigurimi zbuloi se gratë janë më të sjellshme dhe më të sjellshme se burrat gjatë ngasjes.

39% e të anketuarve shprehën këtë sjellje përpara shoferëve të tjerë, ndërkohë që tek meshkujt ishte vetëm 28%.

Janë më të kujdesshme

Në sondazhin e kryer në Londër u zbulua gjithashtu se vetëm 4% e vajzave të konsultuara kaluan shumë afër një automjeti tjetër gjatë ngasjes në rrugë, ndërsa kjo ndodhi në 27% të rasteve të meshkujve.

Pa dyshim, gratë lëvizin më shumë se burrat dhe kujdesen më shumë për veten

Studimet gjithashtu konkluduan se vajzat kanë një perceptim më të lartë të rrezikut të aksidentit, ngasin me shpejtësi më të ulët dhe respektojnë më shumë rregullat e trafikut.

Rezultati? Humbjet më pak serioze (me lëndime dhe / ose vdekje) të shkaktuara nga gratë. Djema, a mund të jetë koha për të filluar imitimin …

Vetëm 24.3% e aksidenteve të trafikut janë shkaktuar prej tyre.

Më parë, një studim i kryer nga Qendra për Eksperimentimin dhe Sigurinë Rrugore (CESVI) të Argjentinës zbuloi se gratë vizitin më mirë se burrat; madje, vetëm në 24.3% të aksidenteve gratë përfshihen.

Burrat janë protagonistët e 75.7% të aksidenteve të trafikut.

Burimi: https://www.botasot.info/

Të dhëna interesante: Njerëzit në SHBA janë duke shpenzuar më pak kohë në Facebook!

në kategorine Auto

Njerëzit në SHBA janë duke shpenzuar më pak kohë në Facebook. Kështu së paku thuhet në një raport të ri nga eMarketer, i cili zbuloi se koha mesatare ditore e të rriturve amerikanë (të moshës mbi 18 vjeç) që e kalojnë në Facebook, ka rënë për 3 minuta.

Përkatësisht, sipas po të njëjtave të dhëna, shkruan Business Insider, kjo kategori, gjatë vitit 2018 i kanë kaluar 38 minuta në ditë.

Por, siç thuhet tutje, eMarketer është duke pritur që ky numër të bjerë në vitin 2019 dhe të bjerë në 37 minuta deri në vitin 2020.

“Vazhdimi i rënies së vazhdueshme të përdoruesve të rritur të Facebook, së bashku me përqendrimin në uljen e postimeve dhe videove me clickbait në favor të atyre që krijojnë ‘kohë të shpenzuar mirë’, rezultuan në kohën më pak të përditshme të shpenzuar në platformë në vitin 2018, sesa prisnim më parë”, ka thënë Debra Aho Williamson, analiste kryesore e eMarketer.

Dhe lidhur me këtë, shkruan Business Insider, nuk ka marrë një koment të menjëhershëm nga Facebook.

Këto të dhëna, shkruan BI, mbështesin një prirje “të zymtë” për Facebook-un.

Po sipas BI, vitin e kaluar platforma kishte 12 muaj të ngadalshëm të rritjes së përdoruesve që nga IPO 2012. Facebook kishte 2.32 miliardë përdorues aktivë të përditshëm në 2018.

Ndërkohë, një sërë tabelash që u ndanë së fundmi kanë treguar se si përdoruesit e përditshëm aktivë në SHBA dhe Kanada kanë rënë dy vjetët e fundit; të dhënat mujore aktive të përdoruesve ndoqën një model të ngjashëm në vitin 2018. Pjesa më e madhe e rritjes gjatë tremujorit u rezervua për vendet jashtë SHBA, Kanadasë dhe Evropë.

Megjithatë, lajmet nuk janë të gjitha të këqija për Facebook. Kjo pasi që Instagram ishte një vend i ndritshëm për kompaninë pasi përdoruesit shpenzuan më shumë kohë me rrjetin social, sipas eMarketer. Gjithashtu po merr “hise” nga konkurrentët e saj si Snapchat.

“Karakteristikat si Stories, përmbajtja influencer dhe videot janë të gjitha ato që po kontribuojnë në angazhimin e ngadalshëm por të qëndrueshëm në kohën e kaluar në Instagram”, ka thënë tutje Williamson.

Burimi: https://www.botasot.info/

Galaxy Note 10 do të ketë teknologjinë më të shpejtë të mbushjes

në kategorine Auto

Me çdo spekulim të ri të Galaxy Note 10 që shfaqet, bëhet gjithnjë e më e qartë se telefoni nuk do të jetë thjesht një Galaxy S10 që shton një laps dixhital të ndërtuar me lehtësi.

Galaxy Note 10 do të ketë një dizajn të ri, kanë sugjeruar spekulime të reja. Përveç këtyre ndryshimeve në dizajn, një rrjedhje e re na tregon se Galaxy Note 10 mund të ketë një përmirësim të rëndësishëm që e dallon nga çdo telefon tjetër Samsung, duke përfshirë telefonat në serinë e re të Galaxy S10 të Samsung.

Të gjitha versionet e Galaxy S10 4G mbështesin mubshësin me shpejtësi 15W me tela dhe pa tela, ndërsa Galaxy S10 5G është i vetmi nga grupi që vjen me 25W.

Kjo është shumë më shpejt se më parë, por është një veçori që gjendet vetëm në një telefon të shtrenjtë që nuk është i disponueshëm në shumicën e tregjeve.

Gjithashtu duhet të ceket se rivalët e Samsung tashmë ofrojnë bateri më të shpejtë në disa nga pajisjet e tyre të fundit.

Ice Universe thotë se “shpejtësia e ngarkimit është një përmirësim i rëndësishëm për Note 10”, pa dhënë ndonjë veçori.

Duke marrë parasysh se 15W është shpejtësia maksimale për shumicën e telefonave S10, 25W mund të konsiderohet si një përmirësim i rëndësishëm.

Procesorët e ri Samsung mbështesin shpejtësinë USB-C të ngarkimit deri në 100W. Kjo nuk do të thotë se Galaxy Note 10 do të ketë shpejtësi të ngarkimit 100W, vetëm se Samsung është duke u përgatitur për t’u marrë me nevojat më të shpejta të ngarkimit të baterive në të gjithë telefonat, dhe këto mbushës USB-C 100W do të jenë në gjendje të përshtaten me çdo pajisje që përdorni.

Burimi: https://www.botasot.info/

Kuba legalizon Wi-Fi për përdorim personal

në kategorine Auto

Kuba do të lejojë përdorimin e lidhjes private të internetit Wi-Fi, si dhe importi i pajisjeve për të, me të cilën do të zhduket një nga kufizimet më të vështira në përdorimin e Internetit në botë, njoftoi media shtetërore.

Kjo do t’i japë status ligjor mijëra kubanëve që kanë kontrabanduar pajisje që ishin të paligjshme, bënë rrjete digjitale vendase, të cilat autoritetet toleronin në vitet e fundit.

Ata do të lejojnë kompanitë private të ofrojnë shërbime të internetit për klientët e tyre, gjë që është një fillim potencial i diçkaje pothuajse të panjohur në Kubë – “Internet-kafene”.

Megjithëse rregullorja e re u lejon qytetarëve të lidhin në internet me pajisjet e tyre dhe të ndajnë një sinjal me të tjerët, dhe ai nuk zvogëlon kontrollin shtetëror mbi vetë internetin.

Monopolisti kuban në telekomunikacion – kompania Eteks, do të mbetet ofruesi i vetëm i shërbimeve të internetit në ishull.

Burimi: https://www.botasot.info/

Tesla përgatit modelin S me autonomi 644 km

në kategorine Auto

Modeli S i përmirësuar do të debutojë në shtator dhe do të përfshijë ndryshime në enterier, të cilat do të frymëzohet nga dizajni i tretë i Modelit 3.

Përmirësimi i sedan luksoze Tesla duhet të ketë kontrolle më pak fizik se tani, si enterier minimal, si ajo e Modelit 3, ku të gjitha funksionet dhe parametrat transferohen në një ekran të madh me prekje qendrore.

Modeli S nuk do të ketë panel klasik të instrumenteve në frontin e shoferit, por të dhënat mbi parametrat e makinës do të jetë në dispozicion vetëm në ekranin me prekje, transmeton KosovaPress.

Informacionet mbi performancat aktualisht nuk dihen, por sipas CNBC, Modeli S për 2020 do të ketë përmirësime në bateri dhe autonomi më të madhe. Me një mbushje të baterisë, vetura do të jetë në gjendje të udhëtojë deri në 644 km, e cila është 50 km gjatë se modeli aktual me versionet Long Range.

Nuk dihet se çfarë lloj të ndryshimeve stilistike do të pësojë pjesa e jashtme e Model S, por thuhet se kjo makinë do të prodhohet në të ardhmen në të njëjtën linjë të prodhimit me modelin X, në mënyrë për të liruar kapacitetin për crossoverin e ri, modeli Y.

Modeli Y pritet të fillojë të prodhohet në fillim të gjysmës së parë të vitit 2020.

Burimi: https://www.botasot.info/

Instagrami po përdorët më shumë se Facebook dhe Snapchat

në kategorine Auto

Koha e kaluar në Instagram nga përdoruesit është në rritje, ndërsa Facebook’u po vazhdon me një rënie të lehtë.

Në një raport të ri nga eMarketer, koha e kaluar në Facebook është reduktuar në krahasim me shifrat e viteve të kaluara.

Instagrami në anën tjetër pritet të rritet. Ajo po vazhdon të përdoret më shumë nga përdoruesit.

eMarketer thotë që koha mesatare e kaluar në Snapchat nga përdoruesit po bie.

Koha mesatare e kaluar në Facebook ka rënë për tre minuta në vitin 2018. eMarketer thotë që kjo është për shkak të konsumimit të përmbajtjeve, sidomos videove.

Përdoruesit shpenzojnë 38 minuta në ditë në Facebook. Ndërsa në Instagram është 48 minuta. Instagram gjithashtu është blerë nga Mark Zuckerberg dhe është në pronësi të tij.

Burimi: https://www.botasot.info/

Rënia e imazhit të Apple në Kinë, mund të ndikoj në rënie të mëdha të shitjeve të iPhone

në kategorine Auto

Kina është një nga tregjet më të mëdha të Apple për iPhone. Telefoni kryesor i kompanisë ka arritur shumë sukses në një nga tregjet më fitimprurëse të telefonave në botë, përkundër faktit që rivalët lokal kanë një pozicion komandues.

Megjithatë, për shkak të ngjarjeve të fundit, imazhi i markës së Apple thuhet të jetë në rënie të shpejtë në Kinë. Kjo mund të bëj që shitjet e iPhone të kenë një ulje të rëndësishme këtë vit.

Analistët parashikojnë se iPhone mund të jetë një nga viktimat e mosmarrëveshjes tregtare në mes të Shteteve të Bashkuara dhe Kinës, e cila tashmë ka rezultuar në një ndalim të gjerë për Huawei.

Sipas njoftimeve, mosmarrëveshja e vazhdueshme tregtare ka rezultuar në një bojkot informal të produkteve të Apple nga konsumatorët në Kinë.

Kjo do të ketë një ndikim të drejtpërdrejtë në shitjet e iPhone në vend dhe me siguri do të reflektojë në profitin e Apple.

Është gjithashtu e mundur që lëvizja e ardhshme e qeverisë kineze në mosmarrëveshjen e vazhdueshme tregtare mund të rezultojë në kufizimin e qasjes së Apple në tregun kinez.

Kjo gjithashtu do të jetë shumë e dëmshme për shitjet e përgjithshme të iPhone.

Mosmarrëveshja tregtare mund të detyroj qytetarët kinezë të shmangin produktet e Apple dhe të blejnë pajisje nga markat vendase, madje edhe më shumë se tani.

Apple njoftohet se ka dërguar 6.5 milionë iPhone në Kinë në tre muajt e parë të këtij viti.

Burimi: https://www.botasot.info/

Shko lartë