Category archive

Stardust - page 3

Koleksioni i makinave të Ronaldos, “perla” e fundit vlen 400 mijë euro (FOTO)

në kategorine Sport/Stardust

Cristiano Ronaldo është një ndër lojtarët më të paguar në botë dhe si i tillë, në jetën e tij ka vend për luks.

30 milionë euro në sezon nga Juventusi dhe miliona të tjera nga reklamat e bëjnë portugezin të ketë një liri të madhe financiare.

Një ndër pasionet e tij, janë makinat e shtrenjta. Portugezi mund të themi se ka një koleksion të gjerë makinash, të cilat kushtojnë jo pak.

“Perla” e fundit e tij kushton plot 400 mijë euro. Shohim që ato para që merr e gjejnë vendin te makinat. Nga fotoja ka duket se portugezi ka plot 10 makina super të shtrenjta, duke nisur nga tipet sportive deri tek foristradat.

Aktori i shokon të gjithë: “Alkoolizmi është pjesë e jetës sime”

në kategorine Stardust

Aktori amerikan, 46-vjeçari Ben Affleck kohët e fundit e pati një paraqitje në emisionin “Today”, ku foli haptazi për luftën me varësinë nga alkooli, si dhe marrëdhënien me ish-gruan e tij, aktoren Jennifer Garner, me të cilën i ka tre fëmijë. Edhe pse për vite ka luftuar me alkoolizmin, dhe vetëm kohët e fundit doli nga rehabilitimi, rrëfimi i tij në intervistë nuk e la askënd indiferent.

“Ajo është e mrekullueshme. Kur dikush është nëna e fëmijëve tuaj, ai person do të jetë më i rëndësishmi, pjesa qendrore në jetën tuaj, dhe kjo është mirë”, e komentoi 46-vjeçari marrëdhënien me ish-gruan dhe shtoi se fëmijët e tij dhe edukimi i tyre aktualisht janë prioritet në jetë, shkruan KOHA Ditore.

Megjithatë, ai më së shumti befasoi kur e pranoi se alkooli, me të cilin ka luftuar për vite të tëra, është ende pjesë e jetës së tij. “Meqë jam alkoolik, kjo është pjesë e jetës sime, kjo është diçka me të cilën ballafaqohem çdo ditë. Alkooli nuk duhet ta mbulojë tërë identitetin tim dhe të jetë çdo gjë, por është diçka me të cilën sigurisht që duhet të ballafaqohem”, ka thënë sinqerisht në emision. “Kam pasur problem dhe me të vërtetë dëshiroj ta zgjidh dhe jam krenar për këtë. Bëhet fjalë për mua, jetën time, familjen time. Ne hasim në pengesa të tilla dhe duhet të ballafaqohemi me to”, përfundoi Affleck.

T’ju rikujtojmë, mediat e huaja kanë shkruar kohët e fundit se aktori e ka humbur rolin në vazhdimin e katërt të Batman, dhe arsyeja për këtë është varësia nga alkooli.

(VIDEO) “Lufta e Portokalleve” në Itali, tradita që daton nga Mesjeta

në kategorine Stardust/Video

Italianët në qytetin verior të Ivreas u argëtuan jo pak gjatë fundjavës në atë që njihet dhe është bërë e famshme si beteja e përvitshme e portokalleve.

Rreth 500 tonë portokalle të ardhura nga Siçilia përdoren në betejë, cdo vit ndërsa banorët i rikthehen një tradite që daton që nga mesjeta. Sipas legjendës, portokallet përfaqësojnë kokën e një tirani djallëzor të shekullit të 12, sundimi shtypës i të cilit në Ivrea e çoi drejt prerjes së kokës.

Por beteja e portokalleve, në vetvete, nisi në vitet 1930 pasi vajzat që shikonin karnavalet e qytetit qëlluan me portokalle mbi parakaluesit për të tërhequr vëmendjen nga djemtë. Pas kësaj, shpërtheu një luftë e vërtetë që sot ka edhe titullin zyrtar.

Battle Of The Oranges

The battle of the oranges held in Italy is a food fight of epic proportions! 😂😂

Publiée par UNILAD sur Lundi 4 mars 2019

Masa e vjellë nga balena, që kushton 500 mijë dollarë

në kategorine Stardust

Një masë e gjetur në një plazh të Tajlandës, besohet të jetë vjellë nga një balenë. Masa e rrallë kap vlerën prej 500 mijë dollarësh.

Boonyos Tala, 44 vjeç, gjeti masën prej rreth 10 kg teksa ecte përgjatë një plazhi në ishullin e Koh Samui në Tajlandën jugore në qershor të vitit të kaluar.

Që prej atëherë, ai e mbajti masën në kopshtin e tij pa i kushtuar rëndësi, derisa muajin e kaluar 44 vjeçarin e vizitoi një mik, duke thënë se masa mund të ishte vjellë nga balena, një substancë shumë e kërkuar nga prodhuesit e parfumeve.

Masa që në anglisht njihet si “ambergris”, është ushqim i dekompozuar brenda stomakut të balenave që kanë qëndruar për një kohë të gjatë. Masa është përdorur për parfume në kozmetikë që nga shekulli i 13-të.

Në prill të vitit 2016, një masë e tillë e gjetur në Lancashire u shit për 50,000 paund, ndërsa në nëntor të të njëjtit vit, tre peshkatarë omanë gjetën 80 kilogramë “ambergris” dhe e shitën për 3 milionë dollarë.

Qëllojeni se për cilat kafshë bëhet fjalë duke u bazuar në sytë e tyre (FOTO)

në kategorine Stardust

Jeni gati për të bërë një testim të syve, ose vetëm mund të supozoni.

Në vijim do të mund të shihni disa fotografi në të cilat shihen vetëm sytë e kafshëve të ndryshme të egra, shkruan Mirror, transmeton Koha.net.

Atëherë, testoni veten tuaj se a mund të identifikoni se për cilat kafshë bëhet fjalë duke u bazuar vetëm në sytë e tyre, të cilat i shihni në këto fotografi.

Në fund, mund të gjeni përgjigjet e sakta.

1.

Image

2.

Image

3.

Image

4.

Image

5.

Image

6.

Image

7.

Image

8.

Image

9.

Image

10.

Image

11.

Image

12.

Image

Përgjigjet:

1. Derr guineas

2. Bretkosa

3. Mace shtëpiake

4. Pitoni (lloj gjarpëri)

5. Peshkaqeni

6. Elefanti

7. Shpendi “Toucan”

8. Pëllumb

9. Shpend tropikal “Hornbill”

10. Kali

11. Kallamari

12. Kameleon

Arkeologët zbulojnë “Eliksirin e Pavdekësisë” në Kinë (FOTO)

në kategorine Stardust

Disa arkeologë kanë thënë se është zbuluar pija që mund të mundësoj përjetësinë.

Arkeologët thanë se “Eliksiri i Pavdekësisë” u gjet në një enë 2 mijë vjeçare prej bronzi në një varr të lashtë në provincën Henan të Kinës qendrore.

Rreth 3.5 litra “Eliksiri i Pavdekësisë” u gjet në varrin e qytetit Luoyang gjatë disa gërmimeve që u bënë në muajin tetor të vitit të kaluar.

Image

Si fillim u mendua se pija e gjetur në enën prej bronzi mund të ishte një pije e zakonshme, sepse kishte shijen e një pijeje alkoolike, por pas testimeve që iu bënë në laborator u zbulua se ky ishte “Eliksiri i Pavdekësisë”.

Testi zbuloi se lëngu përbëhej nga nitrat kaliumi dhe alunit, lëndë të cilat ishin të regjistruara në një tekst të lashtë që kishte të bënte me një projekt të pavdekësisë.

Xinhua raporton se pija “magjike” u gjet në një varr që i përket një familje fisnike nga dinastia Han Perëndimore që daton në mes të viteve 202 para Krishtit deri në vitin 8 pas Krishtit.

Dhe kjo është hera e parë që një mostër e tillë lëngu është zbuluar e paprekur./shekulli/

Kjo është ura më e rrezikshme në botë (FOTO)

në kategorine Bota/Stardust

“Pylli i gurit” Tsingy ndodhet në Parkun Kombëtar Tsingy de Bemaraha në Madagaskar.

Që nga viti 1990, ura ka qenë nën mbrojtjen e UNESCO-s falë bukurisë së pabesueshme dhe faktit se atje jeton një numër i madh kafshësh të kërcënuara nga zhdukja.

  • Foto: Daily Mail

Emri Tsingy përshkruan peizazhin e pabesueshëm, dhe vjen nga fjala “mitsingitsingia”, që do të thotë “duke ecur nëpër hundë”.

Peizazhi i pazakontë është rezultat i erozionit të tokave gëlqerore./KosovaPress

Spielberg kritikohet pse ka kërkuar ndalimin e Netflixit për Oscar

në kategorine Stardust

Steven Spielberg është kritikuar pas planeve për t’iu propozuar zyrtarëve të Akademisë që t’i bllokojnë filmat e bërë për shërbimet streaming si Netflix që të garojnë për Oscar.

Regjisori i njohur më parë ishte i hapur për preferencat e tij që filmat të kenë shfaqje tradicionale kinematografike, në vend që projektet e mbështetura nga shërbimet si Netflix të debutojnë në internet në të njëjtën ditë kur fillon edhe shfaqja e shkurtër në ekran të madh, për ta bërë atë të kualifikueshëm për Oscar.

Tema tërhoqi vëmendje të mëtejshme në ceremoninë e vitit 2019, pasi që filmi “Roma” nga Alfonso Cuaron ishte favorit për çmimin e filmit më të mirë, dhe ndonëse humbi nga filmi “Green Book”, kandidimi i tij duket se e ka rihapur debatin rreth ndikimit të industrisë së praktikave moderne të xhirimit të filmave, shkruan KOHA Ditore.

Spielberg, i cili shërben si guvernator i degës së Akademisë për regjisorët, njoftohet se do ta prezantojë idenë për ndryshim në rregullat e kualifikimit në një mbledhje të ardhshme të bordit, sipas IndieWire.

“Steven ka ndjenja të fuqishme për dallimin në mes situatës së streamingut dhe kinematografisë”, tha për ueb faqen një zëdhënës i firmës së tij të produksionit, Amblin Entertainment. “Ai do të jetë i lumtur nëse të tjerët do t’i bashkohen fushatës së tij kur ajo të dalë në mbledhjen e Bordit të Akademisë së Guvernatorëve. Ai do të shohë se çfarë do të ndodhë”.

Megjithatë, ky hap i Spielbergut ka shkaktuar një reagim të ashpër nga të tjerët në komunitetin hollivudian, të cilët janë prononcuar në mediat sociale kundër propozimit të regjisorit të “Jaws”.

Regjisorja Ava DuVernay, e cila e fitoi nominimin e saj të parë për Oscar për dokumentarin më të mirë në vitin 2017 për filmin e saj të reformave në burg për rrjetin Netflix, të titulluar “13th”, ishte ndër të parat që u prononcua online.

“Akademi e dashur, kjo është një mbledhje e Bordit të Guvernatorëve. Dhe anëtarët e rregullt të degës nuk mund të jenë aty”, tweetoi ajo. “Por shpresoj se nëse kjo është e vërtetë, atëherë do të keni regjisorë në dhomë ose do të lexoni deklarata nga regjisorët si unë që ndihen ndryshe”.

“Steven Spielberg po përpiqet të sigurohet që Netflixi kurrë të mos e ketë një kandidat tjetër për Oscar, siç ishte rasti me Roma”, shkruan Bruce Campbell, ylli i “The Evil Dead”, ndërkohë që gjithashtu ishte kundër idesë së ndalimit.

“Më vjen keq, z. Spielberg, Roma nuk është film televiziv – është po aq mbresëlënës sa çdo gjë tjetër. Platformat janë bërë jorelevante. Bëni një film me Netflixin”.

Jerry Lee Lewis pëson goditje në tru

në kategorine Stardust

Legjenda e rock ‘n’ rollit, Jerry Lee Lewis, është duke u rikuperuar pasi e ka pësuar një sulm të vogël në tru.

Këngëtari i “Great Balls of Fire” u shtrua në spital në Memphis, Tennessee në mbrëmjen e së enjtes, tha përfaqësuesi i tij për TMZ, por pritet të shërohet plotësisht.

“Ai mezi po pret të kthehet së shpejti në studio për ta regjistruar një album gospel dhe të niset në turne për të performuar live për fansat e tij”, thotë përfaqësuesi.

Lewis, 83 vjeç, nuk e ka anuluar asnjë koncert për shkak të problemeve të tij shëndetësore dhe planifikon të marrë pjesë në New Orleans Jazz & Heritage Festival për një performancë në prill, shkruan KOHA Ditore.

Jerry Lee nuk është i vetmi person i famshëm në spital pas sulmit në tru këto ditë – aktori Luke Perry është gjithashtu nën kujdesin e mjekëve në një qendër shëndetësore në Burbank, California. Ish-ylli i Beverly Hills, 90210 ishte sëmurë të mërkurën në mëngjes.

Artisti shqiptar krijon maska për karnavalin e Venecias

në kategorine Stardust

Karnavali i njohur i Venecias është në kulmin e tij dhe njerëzit e shijojnë me kostume të bukura dhe maska të jashtëzakonshme. Maskat mund të jenë me tema klasike dhe historike, por edhe krijime moderne, origjinale. Ju njohim tani me një punishte të Venecias, ku një shqiptar derdh talentin e tij për të krijuar maskat e ndërlikuara.

Është kohë karnavalesh në Venecie dhe njerëzit veshin kostume shumëngjyrëshe dhe maska të bukura, për të cilat qyteti është i famshëm. Maskat janë një homazh për origjinën e karnavaleve që datojnë prej një mijë vjetësh.

Në dyqanin e tij, Armando Balla i krijon maskat në mënyrë artizanale me metodën tradicionale të kartonit të presuar.

“Maskat janë sigurisht pjesë e jetës së Venecies. Ato i lejonin njerëzit të shprehnin gëzimin e tyre për jetën, por gjithashtu u jepnin intimitet për të bëra gjëra që nuk do t’i bënin dot pa maskë”, thotë ai.

Mjeshtri i maskave e nis punën duke hedhur shtresa letre të lagur mbi një model. Pastaj modelohet balta. Disa nga maskat më të njohura të Venecias mund të maskojnë edhe zërin e njeriut që e vesh.

“Kjo ju lejon të vendosni dorën brenda maskës, të hani, dhe madje edhe të pini duhan me llullë. Forma e maskës e ndryshon zërin duke e bërë atë të tingëllojë si gjëmim”, thotë zoti Balla.

Dhe sigurisht, maska ndihmon fshehjen e identitetit të një njeriu, duke e bërë misterioz. Në fakt, në shekujt e kaluar, maska i lejonte njerëzit e klasave të ndryshme shoqërore të përziheshin me njëri-tjetrin.

“Gjatë karnavales nuk përdoreshin tituj. Nëse takoje një grua në rrugë i thoshe: “Mirëmëngjes zonja Maskë”, thotë ai.

Prej më shumë se 20 vjetësh, Armando Balla ka krijuar më shumë se 500 modele maskash. Duhen tre ditë për të krijuar një maskë të thjeshtë dhe një javë për një model maske të sofistikuar.

“Ne studiojmë piktura dhe libra për t’i riprodhuar maskat ashtu siç ishin dikur. Përdorim gjithashtu imagjinatën dhe shtojmë idetë tona”, thotë ai.

Për Armandon, është një punë që ai e bën me shumë dashuri/”Zëri i Amerikës”.

Malajzia do të fillojë prodhimin e makinave fluturuese

në kategorine Stardust/Teknologji

Malajzia pritet të fillojë së shpejti prodhimin e një automjeti fluturues që do të përdoret ekskluzivisht për nevojat e transportit publik dhe transportit të mallrave.

Ministri malajzian për Zhvillimin, Ridvan Jusuf tha në një konferencë për mediat në Kuala Lumpur se projekti i vendit të tij për prodhimin e një automjeti fluturues ka hasur në reagime shumë pozitive, si brenda vendit ashtu edhe jashtë tij, transmeton kosovapress.

Ai tha se tashmë ka edhe kompani të interesuara për kryerjen e këtij lloji të transporti, për të shtuar se plani është që automjeti në fjalë të përdoret vetëm në transport publik dhe transportin e mallrave.

Sipas Jusufit, projekti i një automjeti fluturues tashmë është i përpiluar dhe pritet të prezantohet në të ardhmen.

Rita Ora nis turneun e ri muzikor (FOTO)

në kategorine Stardust

Rita Ora tashmë e ka filluar zyrtarisht turneun e ri muzikor, me një sërë koncertesh në Australi.

Këngëtarja është mirëpritur nga adhuruesit e saj Australian dhe kritikët e muzikës në përgjithësi, duke e marrë një vëmendje të madhe në media lokale të cilat e kanë vlerësuar këngëtaren kosovaro/britanike, si një divë të muzikës pop.

Rita po shënon suksese të mira me albumin e saj të dytë “Phoenix”, dhe duke se ajo di ta argëtoi turmën nëpër koncerte, me e energjinë e saj pozitive që e shoqëron çdoherë.

 

Clinton para 22 viteve ndaloi klonimin e njeriut

në kategorine Stardust

Ish-Presidenti amerikan, Bill Clinton në vitin 1997 ndaloi kërkimet për klonim të njeriut. Kurse, Kongresi i Shteteve të Bashkuara e ka konsideruar miratimin e legjislacionit për ndalimin e klonimit të njerëzve.

Mundësia për klonimin e njeriut, doli kur shkencëtaret skoceze në Institutin Roslin krijuan delen e shumëpërfolur “Dolli” (gjini 385, 810-13, 1997), që rriti interesin dhe shqetësimin në gjithë botën për shkak të komplikimeve të saj shkencore dhe etike, transmeton kosovapress.

Bëma e përcaktuar nga revista Shkenca si revolucioni i 1997-ës, gjithashtu solli pasiguri mbi kuptimin e ”klonimit”—një term mbrojtës i përdorur tradicionalisht nga shkencëtaret për të përshkruar proceset e ndryshme për dyfishimin e materialit biologjik.

Mjekët nga Shoqata Mjekësore Amerikanë dhe shkencëtare nga Shoqata Amerikane për Avancimin e Shkencës kanë botuar deklarata formale publike duke kundërshtuar klonimin riprodhues human. Kongresi i Shteteve të Bashkuara e ka konsideruar miratimin e legjislacionit për ndalimin e klonimit të njerëzve.

Lidhur me joefikasitetin e klonimit të kafshëve vetëm një ose dy pasardhës të gjallë për ç’do 100 eksperimente dhe mungesat në kuptimin e plote të klonimit riprodhues, shumë shkencëtare dhe mjekë këmbëngulin shumë fort se do të që joetike të provohej të klonohej njeriu.

Jo vetëm që shumica e përpjekjeve për klonimin e gjitarëve dështojnë, por rreth 30 % e kloneve të lindur të gjalle janë të prekur me sindromën e “pasardhësve me përmasa të mëdha” dhe kushte të tjera dobesuese.

Një numër i madh i kafshëve të klonuara kanë ngordhur para kohe nga infeksionet dhe komplikimet e tjera. Te njëjtat probleme duhet të priten në klonimin e njerëzve. Për me tepër, shkencëtaret nuk e dine si do të ndikonte klonimi në zhvillimin mendor. Ndërsa intelekti dhe gjendja shpirtërore mund të mos jene aq të rëndësishme për një lope ose për një mi, ato janë vendimtare për zhvillimin e humaneve të shëndetshëm. Me kaq shumë të panjohura për klonimin riprodhues, përpjekja për të klonuar njeriun për momentin konsiderohet fuqishëm e rrezikshme dhe e papërgjegjshme nga ana etike.

(VIDEO) Kur nga vdekja shpëton për një “fije floku”

në kategorine Stardust/Video

Padyshim që ky fëmijë është shumë me fat. Përpjekja e tij për të kaluar në rrugë me vrap për pak nuk u kthye në tragjedi.

Ishte një lëvizje e shpejtë e shoferit të veturës në momentin e fundit që i shpëtoi jetën të miturit.

Incidenti ndodhi në një rrugë në qytetin Kurchaloy të Çeçenisë, rreth 45 kilometra në lindje të Groznyt.

Në video shihet djali i vogël që hyn në rrugë dhe tenton ta kalojë me vrap. Por në atë moment vjen një veturë me shpejtësi që për pak sekonda mund t’ia merrte jetën djalit të vogël.

Kur djali ktheu kokën, ai shpëtoi nga vdekja për një “fije floku”. Ishte shoferi i automjetit që shmangi përplasjen me vogëlushin duke devijuar veturën vetëm pak milimetra larg fëmijës./oranews

Ferrari zbulon super veturën e saj, F8 Tributo (FOTO)

në kategorine Stardust

Këto janë fotot e para zyrtare të Ferrarit të ri F8 Tributo, e cila do të debutoj në panairin e veturave në Gjenevë.

E bërë si zëvendësim i 488 GTB, vetura e markës ikonike italiane ka pësuar ndryshime në stil, ridizajn në aerodinamik, fuqi e teknologji më shumë e peshë më pak.

F8 Tributo i ri përdor motorin 3.9 litërsh twin-turbo V8 të 488 Pisa i cili prodhon 710 kuajfuqi, të cilat dërgohen te rrotat e pasme nga marshi me shtatë shpejtësi automatike, transmeton koha.net.

Çmimi i tij e specifikat e plota të Ferrarit F8 Tributo të ri do të zbulohen gjatë debutimit të tij në panairin e veturave në Gjeneva 2019.

“Crystal” drejt përfundimit, i pari soliter horizontal ndërtohet në Kinë (FOTO)

në kategorine Stardust

E cilësuar si një mrekulli e inxhinierisë dhe projekti më ambicioz i Kinës, soliteri (qiellgërvishtësi) horizontal është drejt përfundimit.

“Crystal” pritet të inaugurohet në qytetin kinez të Chongqing gjatë këtij viti dhe do të përbëhet nga tetë qiellgërvishtës të lidhura nga një urë gjigante.

Kompleksi i njohur ndryshe edhe si Raffles City thuhet se do të jetë një nga më të lartët në botë, duke përfshirë galeri, kopshte, pishinë dhe disa restorante.

Por jo vetëm kaq, gjatë natës ajo do të transformohet në një rreze gjigante drite që do të ndriçojë qiellin me një shfaqje spektakolare dritash/G.SH.

VIP-at nga Kosova që kanë marrë shtetësi në Shqipëri

në kategorine Stardust

Shumë nga VIP-at kosovarë për një arsye apo për një tjetër e kanë kërkuar shpesh pasaportën shqiptare. Dhe ndër vite jo pak prej tyre iu është dhënë, duke i ndihmuar kështu të performojnë e të marrin pjesë në evente tepër të rëndësishme botërore, duke na bërë kështu tepër krenarë. Por dihet se arsyeja kryesore është mosliberalizimi i vizave të Kosovës gjë që u hap atyre shumë rrugë duke patur pasaportën shqiptare.Shumë raste vijnë të mbledhura në “Vip Pages” të “Gazeta Shqiptare”, ndërkohë që ne do t’ju listojmë më të fundit që kanë arritur të përvetësojnë nga presidentët tanë shtetësinë shqiptare: Vazhdo të lexosh

Këngëtares ukrainase i hiqet e drejta të përfaqësojë vendin saj në Eurovizion

në kategorine Stardust

Këngëtarja ukrainase, Maruv, i është hequr e drejta për të përfaqësuar vendin e saj në Eurovizion dhe duket se arsye mbetet tensioni ndërmjet Ukrainës dhe Rusisë.

Kënga “Siren Song” e Maruv mori votat e publikut për ta përfaqësuar Ukrainën, por më pas lindën mosmarrëveshjet me televizionin kombëtar.

Asaj iu dhanë 24 orë kohë për të nënshkruar një marrëveshje që e detyronte të anulonte turin e saj në Rusi. Bisedimet ngecën dhe televizioni i hoqi të drejtën e përfaqësimit në Evrovizion këngëtares.

27-vjeçarja, emri i vërtetë i së cilës është Anna Korsun, tha se ajo ishte dakord që të anulonte turin e saj në Rusi, por sipas saj, në kontratë kishte edhe kushte të tjera deri në censurë.

“Jam qytetare e Ukrainës, paguaj taksat dhe e dua sinqerisht vendin tim. Por, nuk jam gati të performoj me slogane, duke e kthyer shfaqjen time në promovim për politikanët”, shkroi ajo në Facebook.

Maruv falënderoi të gjithë mbështetësit e saj, teksa u kërkoi që të mos të ndërmerrnin asnjë veprim agresiv.

Ronaldo hap klinikë të transplantimit të flokëve në Madrid

në kategorine Stardust

Cristiano Ronaldo do të nisë një biznes të ri, duke hapur një qendër të transplantimit të flokëve në Madrid, ndërsa e dashura e tij, Georgina Rodriguez, është caktuar si shefe e klinikës.

Sulmuesi i Juventusit ka bashkëthemeluar kompaninë “Insparya Group”, që ka një numër të qendrave nëpër Portugali, por tash ka plane për të hapur një edhe në kryeqendrën e Madridit.

Ronaldo raportohet se ka investuar rreth një milion funte në biznes dhe ambiciet e tij janë për të bërë kompaninë globale, meqë mendon të investojë edhe 25 milionë funte tjera gjatë tre-katër vjetëve të ardhshëm.

Ronaldo 34-vjeçar ka postuar një foto të tij me të dashurën Rodriguez në Instagram me shkrimin “Dita e Biznesit”.

“Pos futbollit jam pasionant për shëndetin, teknologjinë dhe hulumtimet, këto janë zonat ku kam dashur të investoj. Unë kam dashur që klinika e parë të jetë në Madrid, në qytetin ku kam jetuar për shumë vjet”, ka shkruar Ronaldo 34-vjeçar.

Shko lartë