Category archive

Stardust - page 2

SPICE GIRLS përfundojnë turneun e ribashkimit

në kategorine Stardust

Grupi Spice Girls ka përfunduar turneun e tyre të shumëpritur të ribashkimit në stadiumin “Wembley”, pas një shitje të shpejtë të biletave në kryeqytet.

Grupi këndoi hitet e mëdha duke përfshirë “Wannabe” dhe “Spice Up Your Life” para 700.000 njerëzve.

Sporty, Ginger, Baby dhe Scary Spice përfunduan programin e tyre duke i sjellë fëmijët dhe nënat e tyre në skenë me ta, me Geri Horner, e njohur si Ginger Spice, duke bërë shaka se janë bërë tashmë tre breza të Spice Girls.

Horner gjithashtu kërkoi ndjesë për largimin nga grupi në vitin 1998 – vetëm dy vjet para se grupi të ndahej.

“Më vjen keq që u largova. Dua të them se është kaq mirë të kthehesh me vajzat që i dua”, u shpreh ajo para turmës.

Pas shfaqjes, Horner shpërndau një mesazh emocionues në Instagram, duke falënderuar ekipin dhe anëtarët e turneut.

“13 stadiume, pothuajse 700.000 njerëz me tri femra të mrekullueshme me të cilat kam ndarë skenën. Dua t’ju falënderoj Melanie B, Melanie C dhe Emma, dhe secilin i cili u shfaq për ne. Ishte diçka të cilën nuk do ta harroj kurrë”, shkroi ndër të tjera ajo.

Më parë gjatë ditës, Mel C ose Sporty Spice, postoi një foto të grupit në ditët e tyre të para, me një mesazh për Victoria Beckham, duke i treguar asaj se sa iu mungon.

Mel B, e njohur më mirë si Scary Spice, tha pas koncertit se shfaqjet e “Wembleyit” ishin një nga momentet më të rëndësishme të jetës së saj.

Ajo njoftoi gjithashtu se grupi do të shkojë në Down për të marrë një turne në Australi më vonë gjatë këtij vitit./ksp

Arrestohet personi që prezantohej si George Clooney

në kategorine Stardust

Italiani Francesco Galdeli, i akuzuar se prezantohej si George Clooney për të promovuar një markë të veçantë veshjesh, u arrestua së bashku me gruan e tij, Vanja Goffi, në Tajlandë pas disa vitesh ikje.

Galdeli (58) dhe Goffi (45) ishin në listën e kuqe të Interpolit qe nga viti 2013.

Aktori amerikan i paditi ata, dhe në gjyqin në Itali në vitin 2010, ai dëshmoi kundër tyre dhe tha se ata përdorën rrejshëm emrin e tij për të reklamuar biznesin e modës, transmeton KosovaPress.

Ata gjithashtu akuzohen për një numër mashtrimesh të tjera në Itali.

Çifti u arratis nga vendi i tyre për t’i shpëtuar arrestimit, dhe pas grabitjeve famëkeqe të bankave të SHBA-së ata u quajtën Boni dhe Clyde italian.

Ata jetonin në Tajlandë nga shitja në internet e orëve të rreme Rolex.

Divizioni i Tajlandës për Parandalimin e Krimit tha se Francesco Galdeli u arrestua të shtunën pranë qytetit Pattaya, me dyshimin për qëndrim të paligjshëm në vend, ndërsa Vanja Gofi u arrestua me dyshimin për tejkalim të afatit të vizës.

I dështon magjia, zhduket 40 vjeçari

në kategorine Lajme/Stardust

Një magjistar indian i cili u zhyt në lumë i lidhur me zinxhirë dhe litar u gjet i vdekur.

Chanchal Lahiri, i njohur me emrin e tij të skenës ‘Jadugar Mandrake’ (Wizard Mandrake), u ul me çikrik në lumin në Kolkata të dielën me një kostum të verdhë dhe të kuq.

Por 40-vjeçari me këmbët dhe krahët e lidhura fort, dështoi të dalë nga uji. Pamje dramatike kanë dalë sot nga momenti kur ai u fut në ujë.

Punëtorët e shpëtimit kanë pastruar ujërat e turbullta që nga e diela, por ende nuk e kanë gjetur. Lahiri tha paraprakisht se ai kishte tërhequr me sukses një rrëke të ngjashme 21 vjet më parë në të njëjtën vend në qytetin lindor.

Ai pranoi se do të ishte e vështirë të lirohej. “Nëse mund të dal prej ujit, atëherë do të jetë magji, por nëse jo, kjo do të jetë tragjike”, tha ai./tch/

(VIDEO)11 vjeçarja thyen rekodrin e Ajnshtajnit

në kategorine Bota/Galileo/Maqedoni/Stardust

Tara Sharifi, një student në shkollën e Aylesbury, së fundi ka qenë pjesë e testit Mensa IQ ku ajo kaloi 140 pikët që janë limiti i një gjeniu.

11 vjeçarja morri plot 162 pikë, që është dy më shumë se Einsteini, i cili ishte një fizicist dhe konsiderohet si një nga të shtyllat e fizikës modern.

Mensa IQ test, që duhet të japë përgjigjet brenda një kohë të caktuar, fokusohet në aftësinë e studentit që të kapë kuptimin e fjalëve.

“Isha e shokuar kur e morra rezultatin, nuk prisja kaq shumë pikë”, tha Sharifi.

Ajo shtoi se kur të rritet ëndërron të bëhet një gjeni e matematikës duke ndihmuar në zgjidhjen e formulave në të cilat ka ngecur shkenca.

“Jam shumë rkenar, por edhe shumë i befasuar se si Tara arriti këtë rezultat”, tha babai i Taras.

“E dija që ishte shumë e menqur kur mundohesha të i ndihmoja të bënim detyrat e shtëipsë por përfundonim duke më shpjeguar mua se si shkonin detyrat”

11 vjeçarja thyen rekodrin e Ajnshtajnit

11 vjeçarja thyen rekodrin e Ajnshtajnit

Publiée par Medial.mk sur Lundi 10 juin 2019

Fëmijëria e dhimbshme e JACKIE CHAN: Prindërit e shitën për 26 dollarë

në kategorine Stardust

Pak vetë e dinë historinë e jetës së Jackie Chan. Ai ka vuajtur shumë për të arritur atë që ka sot dhe kjo ka qenë një ndër arsyet pse ka vendosur që të mos i lërë asgjë djalit nga pasuria.

Kur ishte i vogël, prindërit e shitën tek një i moshuar për 26 dollarë (në euro 22.40).

Mësuesi në shkollë ia kishte thyer hundën me shkop, por pikërisht në atë shkollë ai kishte fituar njohuritë bazë për akrobatikë, artet luftarake dhe teknikat e aktrimit.

Në fëmijëri Xheki u vendos në Insitutin Kërkimor të Operas së Pekinit, një shkollë me një disiplinë të hekurt. Për një periudhë të gjatë ai studioi artet marciale, muzik dhe të tjera disiplina të cilat do e ndihmonin në të ardhmen.

Shpesh gjatë interpretimit të filmave, Jackie Can është dëmtuar seriozisht në skenë duke pësuar fraktura në pjesë të ndryshme të trupit, madje edhe duke përfunduar në koma.

Xheki e vazhdoi karrierën e tij kinematografike edhe në SHBA me filmat The Cannonball Run në vitin 1980, Mbrojtësi etj. Megjithatë ai do të fitonte famë jashtë Azisë vetëm mbas filmit Super Polici i vitit 1985. Filmi i vitit 1995, Tërmet në Bronks do i jepte atij famë të mëtejshme në Amerikën e Veriut e më gjerë.

CARLA BRUNI më 21 qershor performon në Butrint

në kategorine Stardust

Përshëndetje të gjithëve në Shqipëri. Doja t’ju thosha që quhem Carla Bruni e që do të këndoj për ju Ditën e Festës së Muzikës.

Kantautorja dhe modelja e njohur, bashkëshortja e ish-presidentit francez Nicolas Sarkozy, Carla Bruni, do të këndojë në Butrint. Ajo do të jetë e ftuar më 21 qershor, datë që përkon me ditën e ‘Festës së Muzikës’. Ajo do t’i prezantohet publikut me 11 këngë nga albumi i saj më i ri.

Është zgjedhur një datë simbolike, 21 qershori, dita e “Festës së Muzikës”. Partneri mediatik është Televizioni Kombëtar Klan, përmes të cilit u dërgon shqiptarëve edhe një mesazh përshëndetës.

Image

“Përshëndetje të gjithëve në Shqipëri. Doja t’ju thoja që quhem Carla Bruni e që do të këndoj për ju Ditën e Festës së Muzikës, në teatrin e vjetër të Butrintit në orën 21:00 dhe shpresoj që do të jeni atje”.

“French touch (Prekje franceze)”, është albumi i pestë të cilin Carla Bruni e hodhi në treg në vitin 2017.

Arbana Osmani tregon “ilaçin” për të shëruar dhimbjet

në kategorine Stardust

Kohët e fundit ajo është komentuar gjatë në media për shkak të divorcit nga partneri i saj pas 17 vitesh si dhe lidhjes së re me regjisorin Eduart Grishaj.

Moderatorja Arbana Osmani ka filluar pushimet verore. Ajo ka ndarë momente nga ditët e saj të relaksit dhe duket mjaft e lumtur.

Kohët e fundit ajo është komentuar gjatë në media për shkak të divorcit nga partneri i saj pas 17 vitesh si dhe lidhjes së re me regjisorin Eduart Grishaj. Ndërkohë Arbana ka postuar së fundmi një foto ku tregon se si i shëron dhimbjet.

Image

“Një buzëqeshje e mirë shëron shumë dhimbje”, ka shkruar Arbana duke treguar ilaçin më të mirë për zemrat e lënduara.

Në foton e saj ka komentuar dhe moderatorja Xhemi Shehu, e cila sipas komentit të Arbanës, gjendet në Tailandë.

Kapet një breshkë e rrallë në Fier

në kategorine Stardust

Një breshkë e një lloji të veçantë dhe me një peshë prej 20 kilogramë ka rënë në rrjetat e peshkatarëve të Fierit.

Sherif Durmishi, që ishte duke peshkuar në atë zonë tha se breshka nuk ishte në gjendje të mirë dhe ndaj kanë njoftuar Qendrën e Peshkimit në Radhimë.

Specialistët janë duke u marrë me këtë specie të rrallë që mbërrin në brigjet shqiptare. Këto lloj specie gjenden në det nga peshkatarët, të goditura nga anijet, ose të sëmura./tch.

14 luanë “dalin xhiro” në një qytet të Afrikës së Jugut, banorët në panik

në kategorine Stardust

14 luanë janë të lirë pranë një qyteti në Afrikën e Jugut pasi u larguan nga Parku Kombëtar Kruger.

Zyrtarët thonë se grabitqarët janë parë disa kilometra larg qytetit Phalaborwa.

Ka nisur puna për kthimin e luanëve në park, por banorët e zonës dhe punëtorët e një miniere aty pranë janë paralajmëruar që të kenë kujdes 24 orë.

JIM BELUSHI bëhet nostalgjik, kujton momente nga vizita në Shqipëri: “I dua rrënjët e mia” (FOTO)

në kategorine Stardust

Aktori i njohur i Hollywood me origjinë shqiptare, ka treguar edhe njëherë se është krenar për rrënjët e tij. Jim Belushi ka ndarë në rrjetet sociale disa momente nga vizita e tij e fundit në Shqipëri në vitin 2007.

“Duke u rritur në Chicago si i biri i një emigranti shqiptar është interesante të kthehesh prapa dhe të kuptosh se sa shumë më ka formuar. Duke u kthyer pas në vitin 2007, isha shumë me fat që isha i ftuari i veçantë i Kishës Ortodokse Shqiptare. I dua rrënjët e mia. Ju mund të shikoni se si kanë shkuar festimet e asaj nate”, shkruan 64-vjeçari në Instagram, transmeton Shqiptarja.

Së fundmi ai është larguar nga ekrani dhe po i dedikohit kultivimit të kanabisit për prodhimin e lëndëve medicinale.

91 vjeçarja vlerësohet nga UNESCO, e vetmja në botë që flet gjuhën antike

në kategorine Bota/Stardust

Një 91-vjeçare nga Kili është i vetmi person në botë që di të flasë gjuhën antike 10.000 vjeçare të fisit “Yaghan”. Bëhet fjalë për Cristina Calderon, e cila është personi i fundit i gjallë me gjak nga fisi “Yaghan”, që e ka folur këtë gjuhë, transmeton Dita raportimet.

Banorët e këtij fisi ishin vendasit e skajit më jugor të Amerikës së Jugut, ku kanë jetuar për më shumë se 10,000 vjet. Sipas të dhënave të dokumentuara, rreth 3,000 njerëz të fisit “Yaghan” mendohet se kanë ekzistuar në mesin e shekullit të 19-të.

Në vitin 2009 qeveria kiliane e njohu Calderon si një “Thesar i Gjallë i Qëndrueshëm”, e cila vazhdon të jetë në këmbë edhe 10 vite më vonë. UNESCO po ashtu ka dhënë vlerësim për 91-vjeçaren pasi ajo cilësohet si një ndër njerëzit që “zotëron në një shkallë të lartë njohuritë dhe aftësitë e nevojshme për kryerjen ose rikrijimin e elementeve specifikë të trashëgimisë kulturore jomateriale”.

Calderon u propozua gjithashtu të ishte një nga pesëdhjetë heroinat në 100 vjet të festimeve të pavarësisë kiliane në vitin 2010.

Sot ajo ka 14 nipër e mbesa dhe jeton e lumtur mes të afërmve të saj.

Gjuha e vjetër e folur prej saj po regjistrohet në audio, në mënyrë që të mund të jetë e dokumentuar edhe pasi e moshuara të mos jetojë më.

Jeff Bezos blen “Penthouse” 80 milionë dollarë në New York

në kategorine Stardust

Vetëm pak kohë më parë, Jeff Bezos u shpall njeriu më i pasur në botë. Ndoshta e ka humbur këtë renditje pas ndarjes nga bashkëshortja, por jo dëshirën për të blerë pronat më të mira.

Bezos thuhet se është duke blerë një apartament që kushton 80 milionë dollarë, në qendër të Nju Jorkut.

Banesa “penthouse” është e ndarë në tre katet e fundit të qiellgërvishtësit, dhe ka 12 dhoma gjumi./tch.

 

DUA LIPA ndahet nga i dashuri

në kategorine Stardust

Dua Lipa është ndarë nga i dashuri i saj Isaac Carew 18 muaj pas pajtimit.

23 vjeçarja, përfundoi gjërat më parë këtë javë dhe e shpalli atë në Instagram të martën natën.

Dua fillimisht filloi të shoqërohej me modelin 33-vjeçar i cili është edhe kuzhinier në vitin 2013 dhe ata ishin së bashku për tre vjet e gjysmë deri në fillim të vitit 2017.

Këngëtarja për një farë kohe ishte lidhur me Lany Paul Klein, 31 vjeç, megjithëse ajo u kthye së bashku me Isakun në janar 2018 pas ndarjes nga Paul.

Një burim tha: “Dua dhe Isaku kanë luftuar me të vërtetë për të parë njëri-tjetrin që kur po kthehen së bashku”.

I moshuari që fitoi 345 milion dollarë nga një biskotë fatsjellëse (FOTO)

në kategorine Stardust

E pabesueshme, por e vërtetë. Fituesi i një lotarie në Shtetet e Bashkuara të Amerikës është bërë i pasur falë numrave të një biskote. Charles W.Jackson Jr. mori një biskotë nga mbesa e tij, e cila e kishte blerë në një restorant vietnamez dhe vendosi që numrat t’i përdorë për lotarinë.

Fundjavën e kaluar ai u shpall fitues dhe mori 344.6 milionë dollarë, transmeton mapo. 66-vjeçari ka zbuluar se pjesën më të madhe do ta dhurojë për bamirësi. Ai tha se shpreson që të mos ndryshojë për shkak të pasurisë. Me paratë do çojë gruan me pushime në Vietnam, ndonëse ka qenë më shumë se 20 herë.

Jeta indiane në vitin 1895 (FOTO)

në kategorine Stardust

Fotot e rralla 125-vjeçare me ngjyra na tregojnë jetën në Indi në fund të shekullit XIV, gjatë periudhës koloniale britanike.

Fotot janë shkrepur në vitin 1895 nga fotografi amerikan William Henry Jackson, i cili udhëtoi në Azi, Afrikë dhe Oqeani.

Udhëtimi i fotografit ishte sponsorizuar nga manjati Joseph Gladding Pangborn, në kuadër të një turi të organizuar për të ekzaminuar hekurudhat rreth e rrotull botës, por fotografi përfitoi për të kapur jetën e njerëzve./tch

Inva Mula me të bijën në eventin e përvitshëm të “Geraldina Sposa” (FOTO)

në kategorine Stardust

Në eventin e përvitshëm të “Geraldina Sposa”, aty ku lançohen edhe trendet më të reja të modeleve të fustaneve të nuseve, personazhet Vip pjesëmarrës ishin të shumtë.

Tashmë, jetës së gjallë të personazheve VIP në evente të ndryshme, i është bashkuar edhe sopranoja me famë botërore Inva Mula. Ajo shfaqet pothuajse kudo ku ka evente të tilla dhe sidomos kulturore.

Por kësaj here ajo kishte vendosur që t’i përshtatej më së miri temës së modës, duke u impenjuar edhe vetë në një veshje të veçantë. Dhe, në fakt, ia kishte dalë. Me një veshje të zezë dhe me pjesë transparente dhe me kapele të zezë, Inva Mula dukej shumë e veçantë dhe tërhoqi shumë vëmendjen.

Me po këtë përkushtim, Inva kishte veshur edhe vajzën e saj, e cila dukej si një engjëll i bukur me veshjen bardh e zi. Nëse do të kishte një çmimi për veshjen më të mirë në event, padyshim që do ta merrnin këto dy goca/Panorama Plus.

Beatrix Ramosaj përkujton mungesën e babait

në kategorine Stardust

Beatrix Ramosaj dhe familja e saj kanë 8 vite që jetojnë me mungesën e figurës kryesore në shtëpi. Në 2010-tën babai i këngëtares së njohur ndërroi jetë, duke lënë familjen e tij dhe dy fëmijët, Beatrix dhe Alban në kohën kur kishin më shumë nevojë.

Megjithatë dy artistët e njohur ia dolën mbanë në jetë, por kujtimet me babain janë të vështira për t’u harruar. Beatrix e kujton shpeshherë të atin e ndjerë dhe së fundmi ka publikuar një nga videot më të rralla të tij. Ajo ka postuar në ‘Instastory’ disa video nga viti 1995, në të cilat babai i saj shihet duke festuar dhe në një tjetër duke drejtuar makinën. “Më mungon vërtet babi. Do të doja të ishe këtu”, ka shkruar këngëtarja bashkangjitur njërës prej videove.

Më pas Beatrix ka publikuar edhe një foto të portretit familjar, ku të katërt duken shumë të lumtur përkrah njëri-tjetrit. Nga dita kur është shkrepur fotografia kanë kaluar shumë vite, megjithatë domethënia që mbart është shumë e veçantë për Beatrixën.

Kujtojmë se tashmë këngëtarja jeton vetëm me vëllain, Albanin dhe nënën, Antigone, me të cilët ka një lidhje shumë të fortë/Shqip.

Vera në Evropë, priten temperatura përvëluese

në kategorine Stardust

Vera ka filluar në Evropë këtë fundjavë me temperature të larta në Britaninë e Madhe, Francë, Portugali dhe Spanjë, temperatura që kanë shkuar deri në 30 gradë celsius para një rënieje të pritshme javën e ardhshme.

Sipas Acuweather, valët e të nxehtit mund të jenë një trend këtë verë në Evropë. Temperatura që do të arrijnë 40 gradët celsius do të regjistrohen në Francë, Spanjë dhe Portugali. Meteo France ndërkohë shkruan se Evropa dhe Franca do të përjetojnë temperature më të ngrohta këtë verë për shkak të sistemeve të presionit të lartë, përcjell ksp.

Agjencia shtetërore meteorologjike e Spanjës ka lëshuar paralajmërime për temperature të larta në pjesë të Andaluzisë, gjatë fundjavës. Valët e të nxehtit dhe moti i thatë në Evropë mund të vendosë disa vende në rrezik zjarresh me Portugalinë veriore, Spanjën dhe Alpet, më të rrezikuarat.

Veçanërisht Portugalia dhe Spanja mund të shohin valë të nxehti që zgjasin me ditë të tëra, me temperature mbi 43 gradë celsius. Instituti i ndryshimeve klimaterike në Universitetin e Mainit ndërkohë ka parashikuar temperatura në rreth 20 gradë celsius në Evropë për këtë javë që sapo ka filluar.

Del në shitje shtëpia e kryemafiozit Tony Soprano (FOTO)

në kategorine Stardust

Shtëpia e bosit mafioz të ekranit, Tony Soprano, ka dalë në shitje fiks 20 vite pas fillimit të transmetimit të serisë televizive të shumë ndjekur.

Patti dhe Victor Recchia e kanë nxjerrë në shitje shtëpinë e tyre në New Jersey për 3.4 milionë dollarë. Në fakt, një faqe interneti që vlerëson pronat e paluajtshme e vlerëson atë në 1.63 milionë dollarë, por pronarët mendojnë se statusi “Hollywood”-ian i pronës do t’u sjellë atyre më shumë fitime.

Image

“Sopranot” ishte një seri shumë e suksesshme, me kritikat dhe audiencat që e vlerësuan për 6 sezone mes viteve 1999-2007.

Seriali arriti sukses në kanalin me abonim “HBO”, që më pas prodhoi edhe seri të tjera të pëlqyera, si “Game of Thrones” dhe “The Wire”.

Tani, fansat e “Sopranove” dhe familjes mafioze në New Jersey, me të ndjerin James Gandolfini në rol kryesor, kanë mundësinë të blejnë shtëpinë ku janë filmuar shumë skena. Shtëpia është bërë edhe një atraksion turistik jo zyrtar, e ka edhe një faqe në Facebook./Tch/

Të flasësh me qenin tënd nuk është çmenduri

në kategorine Stardust

Nëse kthehesh në shtëpi dhe gjëja e parë që bën është të bisedosh me qenin tënd, mbase të tjerët rreth teje do mendonin se je çmendur. Por në këtë artikull ju prezantojmë me një studim që tregon se qentë janë shumë inteligjentë dhe madje mund të kuptojnë se çfarë u thua.

Sipas studimit të Universitetit Emory, publikuar në revistën Frontera, qentë sforcohen për të kuptuar fjalët e njerëzve, dinë edhe si të dallojnë fjalët që kanë dëgjuar më parë, nga ato që nuk i kanë dëgjuar.

Për të vërtetuar këtë, valët cerebrale të 12 qenve të racave të ndryshme janë monitoruar dhe para stimulimit të gjuhës, është parë se truri i qenve punon për të kuptuar domethënien.

Fakti që qentë mund të kuptojnë instruksionet bazë, na bën të kuptojmë që mund të përpunojnë fjalët, e megjithatë kjo nuk do të thotë se kuptojnë fraza të tëra.

Po i njëjti studim, nënvizon se qentë nuk i kuptojnë dot frazat e gjata të njerëzve, ndaj u duhet thënë fraza të thjeshta në mënyrë që ata të ndërmarrin veprimet./oranews

Niset për në Romë të Italisë, përfundon në “Romë” të Gjermanisë (FOTO)

në kategorine Stardust

Një pensionist 81-vjeçar ka përfunduar në Gjermani gabimisht pasi ka provuar që të udhëtojë nga Newcastle, Angli, në Romë, Itali.

“Pelegrini” ishte në mision për të takuar Papën dhe ka vendosur që të shkojë në Romë me veturën e tij.

Ai është befasuar kur sistemi i navigacionit i tha atij se ka arritur, edhe pse s’kishte asnjë shenjë të ndërtesave ose arkitekturave të famshme që gjenden në Romë, shkruan “Metro” britanik, transmeton Koha.net.

Pensionisti, emri i të cilit nuk është zbuluar, është parkuar me veturë por nuk ka vendosur në mënyrë të duhur frenat e Jaguarit të tij.

Vetura e tij ka filluar të lëvizë prapa dhe, si për ironi, goditi një shenjë të komunikacionit në të cilin shkruante “Rom” – një qytet i vogël në veri të Rhine Westphalia, Gjermani. Ai ka përfunduar në këtë qytet pasi që ka gabimisht ka shkruar vendin ku do të shkonte në sistemin e navigacionit.

Image

Policia ka thënë se pas goditjes në shenjën e komunikacionit vetura është ndalur, por nuk dukej se ka pësuar ndonjë dëmtim të rëndë edhe pse është thirrur një ambulancë për të kontrolluar pensionistin.

“Pensionisti ishte duke shkuar në pelegrinazh. Ai është nisur për në Romë, ku shpresonte të vizitonte Papën”, ka thënë Monika Treutler, zëdhënëse e Policisë.

Pensionisti 81-vjeçar, i cili jeton në Britani të Madhe dhe ka prejardhje italiane, mund të jetë hutuar nga fakti se “Roma” shkruhet për Romën në Itali ndërsa “Rom” për qytetin e vogël në Gjermani.

MADONA prononcohet në Instagram me mesazh për të gjithë kritikët

në kategorine Stardust

Pas paraqitjes në finalen e Eurosongut, të shtunën, mbretëresha e popit Madonna mori shumë kritika. Megjithatë, ajo vendosi që nëpërmjet Instagramit t’u përgjigjet të gjithë atyre që dhanë komente negative për performancën e saj.

Ajo në profilin e saj në Instagram e postoi një foto të saj me mbulesë të zezë syri me X, që është shenjë mbrojtëse e materialit të saj të ri në studio, kurorën e diamantit, por është veçanërisht interesante se i ka vënë duart mbi veshë.

“Madam X nuk dëgjon asgjë të keqe”, shkroi Madonna shkurtimisht në një postim në Instagram, përcjell KOHA Ditore.

Shumë komente negative u dhanë edhe pak para performancës pas thashethemeve se performanca e Madonnës do të ishte plot me mesazhe fetare dhe politike, gjë që do të mundë të shkaktonte kontroverse në Izrael, i cili këtë vit ishte nikoqir i “Eurosongut”.

Ajo kishte njoftuar më herët se do ta këndonte hit singlin e saj “Like A Prayer” për ta shënuar 30 vjetorin e ekzistencës së tij.

“Kënga për përkushtimin religjioz e cila këndohet në këtë pjesë të botës në këtë moment mund të jetë mjaft ndezëse”, tha një burim i brendshëm për Daily Mirror.

Në fillim të performancës së këngës së saj të parë, Madonna zbret poshtë shkallëve të skenës në një fustan kishtar. Pastaj e këndon singlin e saj të ri “Future” me reperin amerikan Quavo, por si “Future” ashtu edhe “Like A Prayer”, hasën në reagime negative nga kritikët që konsiderojnë se zëri i Madonnës nuk është ai që ishte dikur.

Princesha e Norvegjisë s’dëshiron të jetojë sipas normave të jetës

në kategorine Stardust

Pak ditë më parë, princesha norvegjeze Martha Louise njoftoi se i dashuri i ri i saj është Derek Verrett.

Pas këtij lajmi, Verret i famshëm arriti në Norvegji për të shkuar së bashku në një turne në pesë qytete. Për këtë turne ata vendosën të shesin bileta në internet.

Ajo që është e panjohur deri më tani është ku ata u takuan dhe kur, por fotot e tyre të përbashkëta datojnë nga nëntori i vitit të kaluar, transmeton KosovaPress.

Në vitin 2016, Princesha u divorcua pas 14 vjet martese nga bashkëshorti i saj, Arij Behn, dhe pas divorcit ata vendosën të kujdesen për tre fëmijët e saj së bashku. Që atëherë princesha nuk ka pasur lidhje të rëndësishme. Pas botimit të romanit së saj në rrjetet sociale, Martha ka pasur polemika të ashpra me kritikët e zgjedhjes së saj dhe deklaroi se ajo as që mendonte se ndonjëherë do të jetojë për të përmbushur standardet shoqërore.

Verret (44) është i lindur në Sacramento dhe thotë se ka aftësi shamani, të cilat i ka zhvilluar qe nga mosha 11-vjeçare. Babai i tij është katolik, derisa nëna e tij ka origjinë indiane. Ata gjithë kohën e kanë mësuar për spiritualitetin, ndërsa e ëma kishte parashikuar se ai do të martohej me një grua të divorcuar, e cila do të jetë princeshë.

Ai nga profesioni i tij ka bërë një biznes të mirë dhe vazhdimisht përcillet nga persona të njohur si Gwyneth Paltrow dhe Nine Dobrev,të cilat rregullisht paraqiten në emisionet e shumta të Hollywoodit, ndërsa në faqen e tij të internetit shet këngë për meditim me një çmim prej rreth dhjetë dollarësh.

Shko lartë