Category archive

Basketboll

Nuggets dhe Raptors marrin kryesimin në gjysmëfinalet e NBA

në kategorine Basketboll

8:12 | 8 Maj 2019

Denver Nuggets ka arritur fitore sensacionale në ndeshjen e pestë ndaj Portland Trail Blazers me rezultat 124-98 dhe kësisoj e ka marrë kryesimin e serive 3-2.

Befasia e këtij sezoni, Nuggets fitoi falë përfomancës fantastike të qendrës Nikola Jokic me 25 pikë, 19 kërcime dhe 6 asiste.

Edhe Paul Millsap luajti me 24 pikë, ndërsa u dallua edhe Jamal Murray me 18 pikë, 5 kërcime dhe 9 asiste, përcjell lajmi.net.

Damilan Lillard te mysafirët shënoi 22 pikë dhe asnjë basketbollistë tjetër nuk arriti të realizonte më shumë se 14 pikë.

Edhe Toronto Raptors realizoi fitore të vështirë 125-89 ndaj Philadelphia 76ers, për të marrë avantazhin e serive në 3-2.

Te vendasit u dalluan Siakam me 25 pikë, 8 kërcime dhe 3 asiste, kurse Kawhi Leonard shtoi 21 pikë, 13 kërcime dhe 4 asiste.

76ers nuk pati në element lojtarin kryesor Joel Embiid, i cili shënoi vetëm 13 pikë. /Lajmi.net/

Burimi: http://lajmi.net/

Barcelona shokohet në Anfield, Liverpool përmbysë rezultatin dhe kalon në finale

në kategorine Basketboll

22:54 | 7 Maj 2019

Kush do ta besonte? Liverpool ka arritur të bëjë përmbysjen e madhe në ‘Anfield Road’, duke e mundur 4:0 Barcelonën, për të kaluar në finale të Ligës së Kampionëve për sezonin 2018/2019.

Skuadra e Jurgen Klopp, edhe pse me mungesa, arriti të regjistroi një paraqitje mahnitëse për fitore 4:0 ndaj Barcelonës të martën mbrëma, për t’iu dhuruar tifozëve të futbollit një nga përmbysjet më të mëdha që ka njohur ky sport.

Ndeshja e parë në ‘Camp Nou’ ishte fituar nga Barcelona, me rezultat 3:0.

Liverpool e nisi në mënyrën më të mirë ndeshjen, duke shënuar golin e parë që në minutën e 7’, përmes sulmuesit Divorck Origi.

Vazhdimi i pjesës së parë nuk dhuroi gola të tjerë.

Pjesa e dytë ishte e “çmendur”, me tre gola të tjerë të shënuar nga Liverpool.

‘The Reds’ përmes Georginio Wijnaldum në minutat 54’ dhe 56’, shënuan dy gola të shpejtë, për 3:0.

Te goli i dytë i holandezit asistues ishte Xherdan Shaqiri.

Goli i përmbysjes së madhe, që solli edhe kualifikimin e Liverpool, u shënua në minutën e 79’, dhe për autor kishte David Origin, i cili shënoi golin e tij të dytë në këtë ndeshje, dhe të katërtin për skuadrën e tij, për 4:0./Lajmi.net/

Burimi: http://lajmi.net/

Rahoveci tërhiqet nga organizimi i ndeshjeve të Kosovës, mësohet edhe arsyeja

në kategorine Basketboll

14:48 | 6 Maj 2019

Klubi i basketbollit të Rahovecit ka bërë sensacion në këtë edicion të Superligës së Kosovës, falë edhe palestrës së re, që po ia mundëson mbështetjen e madhe të tifozëve.

Rahoveci ditë më herë kishe konkurruar për të organizuar ndeshjet e Kombëtares së Kosovës në basketboll, dhe pothuajse ishte gjithçka e krye që ‘Dardanët’ të luanin në palestrën ‘Mizair Isma’.

Por me anë të një reagimi në Facebook, KB Rahoveci ka njoftuar se pas mosmarrëveshjeve me komunën kanë bërë që të tërhiqet nga organizimi i ndeshjeve të Kombëtares së Kosovës në basketboll, përcjell lajmi.net

“Vreshtarët” kanë mosmarrëveshje dhe mospajtime me Komunën e Rahovecin rreth mirëmbajtjes së palestrës së re sportive dhe kjo ka bërë që ky klub ta marrë vendimin aspak të pëlqyer.

Më poshtë mund ta shihni komunikatën e plotë nga klubi basketbollit Rahoveci:

“Të nderuar qytetarë të Komunës së Rahovecit, skuadra jonë por edhe i tërë qyteti po kalon nëpër momentet më historike që nga themelimi i klubit. Organizimi i FINAL 8 arritja në finale të Superligës, ka bërë që për këto suksese të flasin edhe mediat ndërkombëtare, madje edhe të diskutohet në FIBA, dhe për këto arsye është vendosur që ndeshjet ndërkombëtare të Kosovës të zhvillohen në arenën “Mizahir Isma”, për çka KB Rahoveci ka kërkuar dhe është shprehur i gatshëm të organizoi këtë kompeticion të rëndësishëm për tërë Kosovën. Të nderuar, duket se ky rrugëtim i suksesshëm ka filluar dikujt t’i pengoj gjatë rrugës. E gjitha ka nisur me diskutime për rregulloren dhe mirëmbajtjen e shtëpisë sonë, palestrës e cila është jashtë çdo standardi dhe etike për të ndihmuar klubet në zhvillimin e tyre. Dhe si për ironi, kjo rregullore u votua nga asamblistët e Kuvendit Komunal në Rahovec, vetëm një ditë pas arritjes së finales historike në Superligë. Të nderuar, bordi i KB Rahoveci është në diskutim të kësaj çështje pothuajse nga dita e parë, përkundër angazhimeve të shumta që ka pasur rreth kampionatit u ka bërë me dije çdo herë autoriteteve lokale sy ky dokument është i pa pranueshëm dhe shumë i dëmshëm për klubet në Komunën tonë. Përveç kësaj, KB Rahoveci dy ditë para votimit ka dërguar edhe një email ku ka shprehur qartazi mos pajtimet për këtë çështje, por edhe kjo ka rënë në vesh të shurdhër. Injorimi i formës së tillë ndaj një klubi i cili po vazhdon të mbajë gjallë shpresën për sport jo vetëm në Rahovec, është i papranueshëm për ne.

Ne kuptojmë se palestra duhet të ketë zot shtëpie dhe për këtë bordi i KB Rahovecit në diskutimet e vazhdueshme ka dhënë propozime se si duhet të gjendet zgjidhja, ne mesin e tyre që palestra të menaxhohet në mënyrë të përbashkët nga klubi dhe komuna.

Ne u jemi falendures dhe çdo herë kemi qenë të tillë ndaj autoriteteve të Komunës të cilët kanë ndihmuar klubin në secilën formë, por konisederojmë se ndihma dhe një veprim i tillë më rregulloren, nuk i takojnë një bashkëpunimi të sinqertë dhe që ka për qellim zhvillimin e klubit dhe sportit në përgjithësi në komunën tonë.
Për këto arsye bordi i KB Rahovecit në shenjë mos pajtimi më këtë vendim të Kuvendit Komunal është tërhequr nga organizimi i dy ndeshjeve ndërkombëtare të Kosovës, ndaj Britanisë së Madhe dhe Luksemburgut. Për këtë vendim janë të njoftuar edhe autoritet e FBK-së. Bordi i KB Rahoveci i bënë thirrje Kuvendit Komunal që të tërheqë menjëherë këtë rregullore përpara se të merren veprime të tjera të cilat mund të dëmtojnë edhe më shumë të ardhmen e sportit dhe zhvillimin e klubeve. BORDI I KB RAHOVECI, 06.05.2019”, njofton finalisti i këtij edicioni të Superligës. /Lajmi.net/

Burimi: http://lajmi.net/

Rahoveci i shkakton humbjen e parë Prishtinës, barazohet seria

në kategorine Basketboll

19:11 | 5 Maj 2019

Rahoveci i ka shkaktuar humbjen e parë Prishtinës këtë stinor, duke e fituar takimin e dytë të ‘play-off’ në Superligën e basketbollit të Kosovës.

Rahovec, që shkruajti historinë e ekipit këtë edicion, arriti në mënyre sensacionale të rrëmbente fitoren në palestren ‘’Mizair Isma’’.

Ndeshja qysh në fillim u pa që do ishte interesante, ndërsa pjesë e parë përfundoi në favorin e mysafirëve me rezultat 41-43.

Por pjesa e dytë solli dominimin e ‘Vreshtarëve’, që e mbyllën çerekun e tretë me epërsi prej katër pikëve 68-64. Në fund, pavarësisht presionit të madh dhe mbrojtjes së çeliktë të Prishtinës, vendasit triumfuan 87-84, duke barazuar serinë e finaleve 1-1.

Më të dalluarit te Rahoveci ishin Frederick Richardson me 25 pikë, Deshon Minnis me 24 sosh, ndërsa përformancë magjike dhuroi Andrew Washington me double, double prej 11 pikëve dhe 13 kërcimeve.

Te Prishtina, Dardan Berisha kontribuoi me 26 pikë dhe Ahmet Bashir me 25 sosh.

Ndeshja e rradhës zhvillohet në mesjavë në kryeqytet. /Lajmi.net/

Burimi: http://lajmi.net/

NBA: Suns nisin përgatitjet për sezonin e ardhshëm, emërojnë trajnerin e ri

në kategorine Basketboll

23:30 | 3 Maj 2019

Skuadra nga NBA, Phoenix Suns, duket se ka nisur që tani përgatitjet për sezonin e ri.

Suns kanë emëruar si kryetrajner të ri, Monty Williams, raporton ‘BeIN Sports’, transmeton lajmi.net.

Williams aktualisht është zëvendës  trajner tek skuadra e Phialdelphia 76ers, por që nga sezoni i ardhshëm do të marrë drejtimin e Phoenix Suns.

Ai do të jetë zëvendësuesi i Igor Kokoskov i cili ishte shkarkuar nga pozita e trajnerit gjatë muajit të kaluar, pasi kaloj një vit me skuadrën.

47 vjeçari Williams, i cili luajti me pesë skuadra në karrierën e tij si lojtar, u pensionua në vitin 2003, ka një eksperiencë të mirë si trajner.

Ai regjistroi një rekord 173-221 (fitore/humbje) në pesë sezone tek New Orleans Pelicans, para se të shkarkohej në vitin 2015. Gjithashtu, ai shpenzoi edhe shtatë vite si ndihmës trajner tek Oklahoma, Portland dhe Phialdelphia.

Suns këtë edicion ishin tmerrësisht keq, duke regjistruar rekord 19-63. Williams do të jetë trajneri i 20-të i tyre dhe i pesti që nga viti 2010, kur ishte edhe hera e fundit që skuadra preki fazën ‘play off’. /Lajmi.net/

Burimi: http://lajmi.net/

Prishtina nuk lejon befasinë, ‘shkatërron’ Rahovecin në ndeshjen e parë finale

në kategorine Basketboll

Prishtina nuk lejon befasinë, ‘shkatërron’ Rahovecin në ndeshjen e parë finale

Z Mobile Prishtina e ka nisur për mrekulli edhe fazën finale të Superligës së Kosovës në basketboll.

Kryeqytetasit në këtë fazë kanë përballë skuadrën e Rahovecit, skuadër kjo e cila ka bërë befasinë më të këndshme këtë edicion.

Në takimin e parë, në ‘Pallatin e Rinisë dhe Sporteve’ në Prishtinë, ‘bardh e kaltrit’ kanë triumfuar me rezultatin 110:82, shkruan lajmi.net.

Dy lojtarët më të mirë në parket ishin Dardan Berisha dhe Mikaile Tmusic, të cilët dhanë kontributin më të madh për kryeqytetasit.

Për ‘vreshtarët’ punën më të mirë e bëri Deshon Minnis, por puna e tij nuk mund të vinte në pah, pasi vendasit qëndruan larg më mirë si skuadër.

Ndeshja e dytë finale do të luhet të dielën, në palestrën e Rahovecit, ‘Mizahir Isma’. /Lajmi.net/

Burimi: lajmi.net

Warriors dyfishon epërsinë ndaj Rockets, Bucks nuk lejon befasi dhe barazon serinë me Celtics

në kategorine Basketboll

Warriors dyfishon epërsinë ndaj Rockets, Bucks nuk lejon befasi dhe barazon serinë me Celtics

Liga më e fortë e botës në basketboll, NBA ka sjellur dy ndeshje interesante mbrëmë.

Kampioni aktual, Golden State Warriors duket të jetë i pakonkurrent edhe këtë sezon, pasi ka triumfuar për herë të dytë ndaj Houston Rockets.

Warriors fituan para tifozëve të vetë me rezultat 115-109 ndaj ‘’Raketave’’, për ta çuar në 2-0 serinë e fitoreve.

Lojtarët më të dalluar ishin Kevin Durat dhe James Harden që shënuan 29 pikë për dy skuadrat respektive, përcjell lajmi.net.

Në anën tjetër, edhe Milwaukke Bucks nuk ka lejuar befasi dhe ka barazuar serinë 1-1 ndaj Boston Celtics.

Buck triumfuan bindshëm me rezultat 123-102, pasi ndeshja e parë përfundoi në të mirë të Celtics.

Ndeshjet e rradhës për këto dy skuadra zhvillohen të dielën (5 maj). /Lajmi.net/

Burimi: lajmi.net

Referimi skandaloz në NBA: Plasin dyshimet mbi gjyqtarin, ai ishte tifoz i Durant?

në kategorine Basketboll

Referimi skandaloz në NBA: Plasin dyshimet mbi gjyqtarin, ai ishte tifoz i Durant?

Pas ndeshjes së parë ndërmjet kampionëve në fuqi, Golden State Warriors, dhe skuadrës së Houston Rockets, audienca e NBA ka mbetur e pakënaqur me referimin.

Në rrjetet sociale gjatë ditës ka pasur shumë njerëz që kanë kritikuar tre gjyqtarët kryesorë të takimit që u fitua nga Golden State, me rezultatin 104:100.

Ishin disa momente diskutabile gjatë fundit të ndeshjes, kur James Harden insistonte se ishte fauluar, por gjyqtarët heshtën.

Pas ndeshjes, disa foto interesante kanë qarkulluar në internet, të cilat foto ngrisin një teori konspiracioni në vete, përcjell lajmi.net.

‘12up’ shkruan se gjyqtari i takimit Golden State – Houston Rockets kishte mbathur atletet e basketbollistit të kampionëve, Kevin Durant.

Më poshtë lajmi.net ua përcjell fotografinë e cila po qarkullon në internet dhe po nxit komente të shumta.

Kjo nuk është hera e parë që skuadra e Warriors janë ‘sulmuar’ me argumentin se gjyqtarët po u dalin në ndihmë. /Lajmi.net/

Burimi: lajmi.net

Nuggets eliminojnë Spurs, Toronto krijon epërsinë ndaj Philadelphia

në kategorine Basketboll

Spektakli në fazën ‘Play Off’ në kuadër të ligës më të fortë të basketbollit në botë, NBA, po vazhdon.

Në një dramë që kërkoi plot shtatë ndeshje për të vendosur gjysmëfinalistin e konferencës perëndimore, ishin Denver Nuggets ata që eliminuan skuadrën e San Antonio Spurs, duke triumfuar me rezultatin 4:3 në ndeshje.

Nuggets arritën që mbrëmë të shënojnë fitore me rezultatin 86:90, për të arritur këtë sukses të madh, shkruan lajmi.net.

Ndërkaq, konferenca lindore mbrëmë shfaqi vetëm një ndeshje, atë mes Toronto Raptors dhe Philadelphia 76ers.

Kjo super ndeshje ishte e vlefshme për gjysmëfinalen e konferencës lindore, shkruan lajmi.net.

Takimin e parë të kësaj serie e fituan veriorët, duke triumfuar ndaj 76ers me rezultatin 95:108. /Lajmi.net/

Burimi: lajmi.net

‘Magjiku’ Durant e dërgon Warriorsin në çerekfinale

në kategorine Basketboll

Kampionët në fuqi të NBA, Golden State Warriors kaluan në fazën çerekfinale të Play Off-it, pasi eliminuan Los Angeles Clippers me rezultatin e përgjithshëm 4-2.

Kualifikimi për Warriors u vulos në “Staples Center” të Los Angelesit, ku kampionët në fuqi, të udhëhequr nga një Kevin Durant “magjik, arritën të fitojnë me rezultatin 110-129, duke e bërë të panevojshme luajtjen e përballjes së shtatë mes tyre.

Golden State dominoi takimin në 3 fraksionet e para, ku veçanërisht në pjesën e dytë, fituan me 15 pikë më tepër se Clippers, ndërsa këta të fundit u zgjuan vetëm në pjesën e fundit, kur gjithçka kishte marrë fund.

Kevin Durant ishte lideri i Warriors dhe me meritë u shpall më i miri i ndeshjes, pasi arriti të realizojë 50 pikë, të japë 5 asiste dhe të rikuperojë 6 topa në tabelë, shifra këto të rralla në sportin e basketbollit.

Në çerekfinale, Golden State Warriors do të përballet me Houston Rockets, ndërsa sfida e parë mes tyre do të luhet nesër në “Oracle Arena” të Oaklandit.

Burimi: lajmi.net

E konfirmon FBK: Kosova ndeshjet e gushtit i zhvillon në Rahovec

në kategorine Basketboll

Bordi i Federatës së Basketbollit të Kosovës (FBK) në mbledhjen e mbajtur më 25 Prill në Prishtinë ka marr vendim që Përfaqësuesja A e Kosovës ndeshjet e fazës së tretë të parakualifikimeve për Eurobasket 2021 ti zhvillojë në Rahovec.

Kosova do të bëjë gara në Grupin G së bashku me Luksemburgun dhe Britaninë e Madhe.

Më 7 dhe 14 Gusht Kosova do të luaj si nikoqire ndaj Britanisë së Madhe dhe Luksemburgut.

Raundi i tretë i parakualifikimeve për Eurobasket 2021 do të zhvillohet prej 3 deri më 21 gusht.

Fituesi i grupit do ta siguroj një vend për në kualifikime për Eurobasket 2021.

Në ditët në vazhdim Federata e Basketbollit të Kosovës, KB Rahoveci dhe Komuna e Rahovecit do ti diskutojnë të gjitha detajet e organizimit të ndeshjeve me kriter të FIBA-s, të cilat kërkojnë punë dhe angazhim të të gjitha palëve të përfshira në këtë proces.

KB Rahoveci dhe Komuna e Rahovecit tashmë janë dëshmuar si nikoqir dhe organizator të shkëlqyeshëm, ndërsa organizimi i ndeshjeve të Përfaqësueses A të Kosovës, si për ta ashtu edhe për FBK-në pritet të jetë një tjetër sfidë e mirëseardhur për të gjithë.

Orarin e Përfaqësueses së Kosovës mund ta gjeni më poshtë:

Grupi G:

3 Gusht 2019 Luksemburgu – Kosova

7 Gusht 2019 Kosova – Britania e Madhe

14 Gusht 2019 Kosova – Luksemburgu

17 Gusht 2019 Britania e Madhe – Kosova

/Lajmi.net/

Burimi: lajmi.net

Portland e eliminon Oklahoman për të kaluar në gjysmëfinale

në kategorine Basketboll

Portland ka kaluar në gjysmëfinale të Konferencës Perëndimore.

Përballja më nxehtë e play-offit u zhvillua në mes Portlandit dhe Oklahoma Cityt (118-115), që në fund u vendos nga Demian Lilard.

Plejmejkeri i Portlandit shënoi 50 pikë, ndërsa 37 prej tyre në pjesën e parë, për të ndihmuar skuadrën që të kalojë në gjysmëfinalen e Konferencës së Perëndimit, transmeton lajmi.net.

Në sfidë tjetër të çerekfinales, skuadra e Denverit kaloi në epërsi në fitore (3-2), pasi mundi San Antonion (108-90) para përballjes së 6-të në Teksas.

Ndërkohë Filadelfia eliminoi Bruklinin (4-1) pasi shënoi fitore 122-100 në përballjen e 5-të.

Në gjysmëfinale, Filadelfia do të përballet me Toronton ndaj të cilin humbën 3 nga 4 përballjet në këtë sezon. /Lajmi.net/

Burimi: lajmi.net

LeBron James, ‘fytyra’ e NBA: Bije shikueshmëria e ‘Play Off’ pa ‘mbretin’

në kategorine Basketboll

LeBron James, ‘fytyra’ e NBA: Bije shikueshmëria e ‘Play Off’ pa ‘mbretin’

NBA po përballet me një problem që nuk e ka njohur viteve të fundit. Shikueshmëria është në rënie.

Në sezonin ku është treguar kualiteti më i madh në fazën ofensive të lojës, shikueshmëria në ‘Play Off’ është duke rënë.

Por, kjo rënie nuk po vije si pasojë e kualitetit të treguar në lojë, por si pasojë e mungesës së LeBron James në këtë fazë.

James humbi garat e ‘Play Off’ për herë të parë në 13 vitet e fundit, dhe menjëherë ka pasur efekt në shikueshmërinë.

Disa nga ndeshjet kanë thuajse 50% më pak shikueshmëri sesa sezonin e kaluar, në po të njëjtën fazë të garave, raporton ‘12up’, transmeton lajmi.net.

Në ndeshjen që u zhvillua mes Nuggets dhe Spurs, ishte shikueshmëria më e ulët që nga viti 2007 kur përballeshin Nets – Raptors.

Megjithatë, nuk mund të thuhet se vetëm mungesa e LeBron James po e shkakton këtë rënie të interesimit, por edhe dominimi i Golden State po i mërzit shikuesit.

Mediet në Amerikë shkruajnë se NBA duhet të gjejë një plan ‘post – LeBron’, sepse fillimet e kësaj bote po duken të vështira për ligën. /Lajmi.net/

Burimi: http://lajmi.net/

Faza e play-off në NBA: Toronto e Portland një hap larg çerekfinaleve

në kategorine Basketboll

Toronto Raptors kanë thelluar në 3-1 bilancin me ndeshje përballë Orlando Magic, në fazën e 1/8-ave të Play Off-it të NBA.

Në “Amway Arena” të Orlandos, kanadezët triumfuan këtë herë me rezultatin 85-107, në një sfidë të cilën e dominuan thuajse në të 4 çerekët.

Kawhi Leonard ishte protagonist për Toronton, pasi regjistroi 34 pikë, 2 asiste dhe 6 rikuperime, duke u shpallur njëkohësisht edhe më i miri i takimit. Sfida e radhës mes dy skuadrave do të luhet më 24 Prill në “Scotiabank Arena” të Torontos, ku Raptors mund të kualifikohen në çerekfinale, nëse regjistrojnë një tjetër sukses.

Një tjetër hap të sigurt drejt çerekfinaleve hodhi edhe Portland Trail Blazers, që mori fitoren e tretë në 4 ndeshje përballë Ocklahoma City Thunder. McCollum dhe Lillard ishin protagonistë të Trail Blazers, të cilët treguan superioritet në transfertën ndaj Ocklahomës, duke fituar të 4 fraksionet.

Paul George ishte në një formë mjaft të mirë për Ocklahomën, duke regjistruar 32 pikë, 6 asiste dhe 10 rikuperime, që e shpallën edhe më të mirin e takimit, por këto shifra nuk i shërbyen City Thunder që të shmangin humbjen. Edhe këtu sfida e radhës do të luhet më 24 Prill në “Moda Arena” të Portlandit dhe vendasit mund të avancojnë më tej, në rast suksesi. /Lajmi.net/

Burimi: http://lajmi.net/

Harden vendos rekord të zi

në kategorine Basketboll

Pas paraqitjeve të jashtëzakonshme në sezonin e rregullt, James Harden ka vendosur një rekord të zi në ndeshjen e tretë të ‘play off’, kundër Utah Jazz.

Ylli i Rockets nuk pati një natë të mirë, pasi e filloi takimin me 10 dështime radhazi nga loja e hapur, duke mos qëlluar asnjëherë në dy çerekat e parë.

Në këto 24 minuta, ‘The Beard’ pati edhe tre topa të humbur, për të bërë edhe më të këqija statistikat e tij, përcjell lajmi.net.

Kjo është hera e parë që Harden nuk shënon asnjë pikë nga loja e hapur në dy çerekat e parë, që nga 10 prilli i vitit 2018 (kundër LA Lakers).

Edhe çereku i tretë nuk nisi aq mirë për MVP, pasi ai shkoi deri në 0-15 në tentimet nga loja e hapur, por pastaj filloi të kthehet në ritëm dhe në fund skuadra e tij morri fitoren nga ky takim me Jazz.

Por, 15 dështimet radhazi të Harden u futën në histori si rekord i zi, pasi ai është lojtari i parë që ka dështuar kaq shumë në një fillim ndeshje të ‘play off’, përcjell lajmi.net.

Në fund të ndeshjes, James Harden e mbylli takimin me 25 pikë të shënuara, aq sa pati edhe Eric Gordon. /Lajmi.net/

Burimi: http://lajmi.net/

76ers, Bucks dhe Rockets një fitore larg avancimit, vazhdon lufta mes Spurs dhe Nuggets

në kategorine Basketboll

76ers, Bucks dhe Rockets një fitore larg avancimit, vazhdon lufta mes Spurs dhe Nuggets

Garat e ‘Play Off’ po vazhdojnë të dhurojnë spektakël në ligën më të fortë të basketbollit në botë, NBA.

Mbrëmë janë luajtur edhe katër ndeshje të tjera, në tri prej të cilave gati dihet skuadra që do të kalojë në raundin tjetër.

Brooklyn Nets është mposhtur nga Philadelphia 76ers, me rezultatin 108:112, në një ndeshje që u përcoll edhe nga grushtet, shkruan lajmi.net.

Me këtë fitore, skuadra e Philadelphia shkon në epërsi prej 3:1 me ndeshje, në një seri ku duhen fituar 4 nga 7 duelet.

Fitore të lehtë pati edhe për liderët e konferencës lindore, Milwaukee Bucks, të cilët me rezultatin 103:119.

Me këtë fitore, skuadra e udhëhequr nga Giannis Antetokounmpo në parket ka shkuar në epërsi prej 3:0 dhe është vetëm një fitore larg kualifikimit në fazën tjetër.

Gjithashtu, me fitore e mbyllën mbrëmjen edhe Houston Rockets, të cilët mposhtën skuadrën e Utah Jazz, me rezultatin 101:104, shkruan lajmi.net.

Fitorja e Rockets dërgoi rezultatin e serisë në 3:0, duke lënë skuadrën e Harden me vetëm një fitore larg fazës tjetër.

Në anën tjetër, situata diçka më interesante qëndron në ndeshjet mes San Antonio Spurs dhe Denver Nuggets, ku në ndeshjen e fundit, ishte skuadra nga Denver ajo që shënoi fitore.

Dueli mes dy skuadrave u mbyll me rezultatin 103:117 në favor të Nuggets, për të barazuar serinë në 2:2, për të lënë gjithçka të hapur  dhe pse jo për të prekur edhe ndeshjen e shtatë. /Lajmi.net/

Burimi: http://lajmi.net/

Plasin grushtet në NBA – Lojtarët e Brooklyn dhe 76ers humbin kontrollin

në kategorine Basketboll

Ndeshja e ‘Play Off’, mes Brooklyn Nets dhe Philadelphia 76ers nuk shkoi ashtu siç ishte pritur.

Situata eskaloi gjatë çerekut të tretë, pas një ndërhyrje të gabueshme të Joel Embiid në Jarrett Allen, shkruan lajmi.net.

Reagimi i Embiid tregoi sikur lojtari e bëri ndërhyrjen pa dashje, njësoj sikur Allen i cili nuk i reagoi në mënyrë të ashpër.

Por, ishte shoku i skuadrës së Allen ai i cili i dha një të shtyrë qendrës së 76ers, shtyrje kjo që u përcoll edhe me disa grushte, përcjell lajmi.net.

Në ndihmë të Embiid erdhi Jimmy Butler, i cili menjëherë goditi anëtarin e Brooklyn Nets, për të bërë një tollovi të madhe.

Më poshtë lajmi.net ua përcjell pamjet në momentet kur shpërthyen grushtet në NBA. /Lajmi.net/

Burimi: http://lajmi.net/

Kjo është pasuria e LeBron James

në kategorine Basketboll

Ylli i NBA, i cili luan me Los Angeles Lakers, LeBron James, ka një pasuri ‘marramendëse’.

Për çudi, në 16 sezone të luajtura në NBA, edhe pse ka regjistruar një karrierë për tu futur në debatin rreth më të mirit në histori, James ka qenë vetëm një sezon më i paguari në kampionat.

Por, kur llogariten edhe të hyrat nga jashtë parketit, ‘mbreti’ ka qenë lojtari më i paguar në pesë sezonet e fundit.

Një nga pyetjet që tërheq më së shumti vëmendje është ajo se sa është pasuria totale e LeBron James.

Anash Cristiano Ronaldos, James është fytyra më e kërkuar në botën e sportit. Sipas ‘Forbes’, pasuria e LeBron prek shifrën e 450 milionë dollarëve, transmeton lajmi.net.

James është pronar i 14 pikave të ‘BlazePizza’, bën marketing për ‘Nike’, ‘Coca Cola’, ‘Beats By Dre’ dhe ‘2K Sports’.

Sigurisht, shifra prej 450 milionë dollarëve bëhet edhe më astronomike kur kemi në mendje se ‘mbreti’ akoma nuk numëron të fituarat nga xhirimet që do t’i bëjë për filmin ‘Space Jam 2’.

Kontrata që LeBron James nënshkroi gjatë verës së kaluar me skuadrën nga Los Angeles prek shifrën e 153 milionë eurove. /Lajmi.net/

Burimi: http://lajmi.net/

‘Mallkimi’ që Drake po ua përcjell sportistëve zuri edhe PSG – Rastësi?

në kategorine Basketboll

‘Mallkimi’ që Drake po ua përcjell sportistëve zuri edhe PSG – Rastësi?

Reperi i njohur amerikan, Drake, duket sikur bart një mallkim tek të gjithë sportistët që shkrepin fotografi krahë tij.

Gjatë muajit të fundit, në rrjetet sociale po qarkullojnë fotografi me sportistët që janë fotografuar krahë Drake dhe dështimet e tyre në ndeshjen pasuese.

E njëjta gjë ndodhi edhe këtë fundjavë, kur ylli i Paris Saint Germain, Layvin Kurzaëa, i cili para ndeshjes kundër Lille, shkrepi fotografi me këngëtarin.

Ndeshja shkoi si mos më keq për PSG, pasi kampionët e Ligue 1 përfunduan ndeshjen me rezultatin 5:1 në disavantazhin e tyre, përcjell lajmi.net.

Por, kjo gjë nuk i ka ndodhur vetëm parisienëve. Ishte Sergio Aguero i cili para ndeshjes së Ligës së Kampionëve kundër Tottenham u fotografua krahas Drake, dhe skuadra e tij atë ndeshje e humbi.

Në Bundesliga, para ‘Der Klassiker’, ylli anglez Jadon Sancho u takua me Drake, dhe në ndeshjen Dortmund – Bayern, skuadra e Sancho u demolua me rezultatin 5:0.

Gjithashtu, ylli i Arsenal, Pierre Emerick Aubameyang, kishte gjetur pakëz kohë që të bënte një foto rasti me amerikanin, dhe në ndeshjen kundër Everton, skuadra e tij pësoi 2:0.

Por, mallkimi i Drake nuk është një gjë e re. Më poshtë lajmi.net ua përcjell edhe disa raste të tjera, që nisin nga viti 2012.

Skuadra e basketbollit, nga kolegji i Kentucky, nuk ka fituar asnjë titull që nga viti 2012, kur Drake ishte parë në bankën e skuadrës.

Si një tifoz i Torontos në NBA, Drake nuk ka parë asnjëherë skuadrën e tij të luaj në ndonjë finale të ‘Play Off’.

E përkrahu edhe Conor McGregorin, por ‘i preferuari i tij’ u rrah brutalisht nga Khabib Nurmagomedov.

Shikojini të gjitha fotografitë dhe skuadrat që janë ‘mallkuar’ nga Drake. /Lajmi.net/

Burimi: http://lajmi.net/

I jashtëzakonshmi Curry bën historinë në ndeshjen e parë të ‘play off’ këtë edicion

në kategorine Basketboll

I jashtëzakonshmi Curry bën historinë në ndeshjen e parë të ‘play off’ këtë edicion

Ylli i Golden State Warriors, Stephen Curry, ka shkruar historinë në ndeshjen e parë sezonale të fazës ‘play off’.

Në fitoren e kampionëve në fuqi kundër Los Angeles Clippers, ishte pikërisht Curry një nga lojtarët që ‘morri flakë’.

Organizatori i lojës së Golden State shënoi plotë 38 pikë, duke shtuar 15 kërcime dhe 7 asistime për shokët e skuadrës.

Në mesin e 38 pikëve, 24 erdhën nga gjuajtje për tre pikë (8 tre pikësha), duke bërë që Curry të bëhet lojtari me më së shumti tre pikësha të shënuar në fazën ‘play off’, duke tejkaluar kështu legjendën Ray Allen në listën e të gjitha kohërave, përcjell lajmi.net.

Steph Curry tashmë numëron 386 tre pikësha të qëlluar, kurse Ray Allen (i pensionuar) ka 385 të tillë.

I treti në listë është LeBron James, i cili këtë sezon, pas shumë viteve, mungon në fazën ‘play off’. /Lajmi.net/

Burimi: http://lajmi.net/

Disa nga bllokadat më spektakolare të sezonit të rregullt në NBA

në kategorine Basketboll

Sezoni i rregullt në NBA ka përfunduar dhe të gjithë po përgatiten për fazën më interesante, atë të ‘play off’.

16 skuadra do të garojnë në ‘play off’ të ndara në tetë nga konferenca lindore dhe tetë nga ajo perëndimore.

Megjithatë, para se të fillojë kjo fazë, vlen të shikohen edhe njëherë disa nga momentet më të mira në NBA, në aspektin defensiv.

Sikur çdo edicion, edhe në këtë që përfundoi kemi pasur bllokada spektakolare, të cilat lajmi.net ua përcjell në një video më poshtë.

Lojtarët se LeBron James, Jarret Allen, Joel Embiid e shumë të tjerë kanë qenë akterët që do t’i shihni më poshtë. /Lajmi.net/

Burimi: http://lajmi.net/

Shkruhet historia në NBA, ja çfarë është arritur nga ky sezon

në kategorine Basketboll

Kanë përfunduar 82 xhirot e ligës më të fortë të basketbollit në botë, NBA.

Pas 82 xhirove të luajtura në kuadër të sezonit të rregullt, 16 skuadra kanë siguruar një vend në fazën ‘play off’.

Megjithatë, sezoni i vitit 2019 do të mbetet në histori, si një nga sezonet që pati ‘eksplodim’ në ofensiven e skuadrave.

Madje, ky edicion, mund të shënohet edhe si pika kthyese në NBA, për të shënuar epokën e re të kësaj lige.

Për herë të parë na historinë e këtij kampionati, secila skuadër ka regjistruar më shumë se 100 pikë për ndeshje, përcjell lajmi.net.

Lojtarët si James Harden, Giannis Antetokounmpo, Kevin Durant e LeBron James dhuruan spektaklin edhe këtë edicion. /Lajmi.net/

Burimi: http://lajmi.net/

Lot dhe emocione në ndeshjen e fundit të Nowitzkit në NBA

në kategorine Basketboll

Legjenda e basketbollit gjerman, Dirk Nowitzki, është pensionuar.

Basketbollisti 41 vjeçar, ka zhvilluar ndeshjen e fundit për Dallas Mavericks.

Nowitzki është paraqitur për herë të fundit në fanellën e Dallas Mavericks, në humbjen 94:105 nga San Antonio Spurs.

40 vjeçari në ndeshjen e fundit shënoi 20 pikë dhe regjistroi 10 kërcime.

Disa sekonda para përfundimit të ndeshjes, trajneri Rick Carlisle e nxori atë nga loja, për t’i rezervuar një përshëndetje madhështore pas 21 vitesh të kaluara në NBA, ku është paraqitur 1522 herë.

Në përshëndetjen nga basketbolli, Nowitzki nuk ka mundur t’u përmbahet lotëve për të dhuruar skena vërtetë emocionuese./Lajmi.net/

Burimi: http://lajmi.net/

ZYRTARE: Pensionohet ylli i NBA

në kategorine Basketboll

Dirk Nowitzki është pensionuar përfundimisht nga basketbolli.

Dirk Nowitzki është pensionuar nga basketbolli në moshën 40-vjeçare.

Gjermani, i cili ka shkëlqyer me Dallas Mavericks, luajti sfidën e fundit kundër Phoenix Suns dhe normalisht e gjithë mbrëmja ishte për të, transmeton lajmi.net.

Padyshim ai është një legjendë e skuadrës teksane, pasi është pjesë e tyre prej vitit 1998 dhe në vitin 2011 arriti edhe të fitonte titullin në NBA.

Në sfidën e fundit Nowitzki shënoi 30 pikë në triumfin 120-109 që regjistroi skuadra e tij. Gjermani u largua me lot, teksa klubi i tij i organizoi edhe një ceremoni emocionuese. /Lajmi.net/

Burimi: http://lajmi.net/

Vazhdon ‘befasia e këndshme’ e NBA: Russell i siguron tjetër fitore Brooklyn

në kategorine Basketboll

Vazhdon ‘befasia e këndshme’ e NBA: Russell i siguron tjetër fitore Brooklyn

Befasia më e këndshme në këtë edicion të NBA padyshim ka qenë D’Angelo Russell me skuadrën e tij Brooklyn Nets.

Pas një sezoni aspak të mirë vitin e kaluar, skuadra e Brookly Nets është kthyer për të dhënë disa paraqitje shumë të mira këtë edicion.

Ata mbrëmë kanë mposhtur skuadrën më të mirë këtë edicion, Milwaukee Bucks, me rezultatin 128:133, shkruan lajmi.net.

Sigurisht, në udhëheqje të skuadrës ishte befasia e këtij sezoni, D’Angelo Russell, i cili dha edhe një paraqitje për tu vlerësuar.

Ish ylli i Los Angeles Lakers, kontribuoi me 25 pikë, 10 asistime, 2 kërcime, dhe 2 topa të vjedhur.

Russell këtë edicion ka regjistruar 21.2 pikë për ndeshje, 7 asistime dhe 3.8 kërcime, në 30.4 minuta për ndeshje.

Kurse, skuadra e Brooklyn Nets me fitoren e mbrëmshme përmirësojnë rekordin në 40 fitore dhe 40 humbje në 80 ndeshje. /Lajmi.net/

Burimi: http://lajmi.net/

1 2 3 7
Shko lartë