Shëndeti

Pirja e kafesë ul rrezikun për probleme të mëlçisë, thotë studimi

Pirja e tre ose katër filxhanëve me kafe në ditë, me kafeinë ose pa të, zvogëlon rrezikun e zhvillimit dhe vdekjes nga sëmundjet kronike të mëlçisë, ka zbuluar një studim.

Sipas këtij hulumtimi, te pirësit e kafesë gjasat për zhvillimin e ndonjë sëmundjeje ishin 21% më pak, si dhe zhvillimi i yndyrës në mëlçinë e këtyre personave ishte 49% më i ulët.

Kështu, këta konsumues ka të ngjarë të vdesin më pak nga sëmundjet kronike të mëlçisë sesa ata që nuk e pinë fare kafenë.

“Kafeja është gjerësisht e arritshme te secili njeri dhe përfitimet e dala nga ky studim nënkuptojnë se mund të ofrojë një trajtim të mundshëm parandalues për sëmundjen kronike të mëlçisë” është shprehur autori i studimit Dr. Oliver Kennedy, teksa ka shtuar po ashtu se kjo do të ishte veçanërisht e vlefshme për vendet me të ardhura më të ulëta dhe qasje më të keqe ndaj kujdesit shëndetësor, dhe aty ku e sëmundjet kronike të mëlçisë janë më të larta”, shkuran CNN.

Si ndihmojnë farat e susamit në luftimin Parkinsonit

Tek shumica e njerëzve, simptomat shfaqen në moshën 60 vjeç e sipër. Sidoqoftë në 5-10 % të rasteve ato shfaqen edhe më herët.

Rreth 1 milion njerëz në Shtetet e Bashkuara dhe 10 milion njerëz në të gjithë botën, vuajnë nga Parkinsoni. Ky është çrregullimi i dytë më i zakonshëm neurodegjenerues pas sëmundjes së Alzheimerit.

Sëmundja e Parkinsonit është një çrregullim progresiv i trurit, që prek neuronet që prodhojnë dopaminë.

Simptomat e sëmundjes së Parkinsonit zhvillohen gradualisht. Ato shpesh fillojnë me një dridhje të lehtë në njërën dorë dhe një ndjenjë ngurtësie në trup.

Deri më sot, nuk ka ndonjë kurë që shëron sëmundjen e Parkinsonit, megjithatë trajtimet me ilaçe mund të ndihmojnë në lehtësimin e simptomave.

Tek shumica e njerëzve, simptomat shfaqen në moshën 60 vjeç e sipër. Sidoqoftë në 5-10 % të rasteve ato shfaqen edhe më herët.

Një nga shkaqet e zhvillimit të kësaj sëmundjeje është edhe dëmtimi ose stresi oksidativ.

Kjo bëri që studiuesit, të hetonin nëse sesaminoli, një antioksidant i fuqishëm që gjendet me bollëk në lëvozhgat e farave të susamit, mund të parandalojë shkatërrimin e qelizave nervore.

Në këtë artikull AgroWeb.org ju njeh me eksperimentet që studiuesit kryen dhe rezultatin që ata morën.

Esperimentet që dhanë rezultat

Studiuesit përdorën një kimikat toksik të quajtur 6-hidroksidopaminë, për të modeluar dëmin oksidativ që shkaktohet nga sëmundja e Parkinsonit.

Kur ata aplikuan kimikatin në qelizat nervore njerëzore të krijuara në laborator, vunë re se përqëndrimi i radikaleve të lira u rrit dhe qelizat filluan të shkatërrohen.

Shtimi i sesaminolit, uli ndjeshëm përqendrimin e radikaleve të lira dhe parandaloi shkatërrimin e qelizave nga dëmtimi oksidativ.

Në eksperimentin tjetër, studiuesit kryen dozimin e minjve me neurotoksin rotenon.

Kjo toksinë zvogëloi prodhimin e dopaminës në trurin e kafshëve duke dëmtuar aftësitë e tyre motorike, simptoma klasike e Parkinsonit tek njerëzit.

Tek minjtë që u ushqyen me sesaminol për 36 ditë, u vu re rritje e niveleve të dopaminës dhe performancë më e mirë në një test të aftësive motorike sesa minjtë që nuk morën sesaminol.

Për më tepër, minjtë që u ushqyen me sesaminol kishin nivele më të ulëta të alfa-synukleinës. Alpha-synuclein është një proteinë që kur grumbullohet, fromon struktura më të mëdha të quajtura trupa Lewy, të cilat janë një tipar karakteristik i neurodegjenerimit tek Parkinsoni.

A mund të jetë ky një trajtim parandalues?

Në punimin e tyre, shkencëtarët konkluduan se efekti mbrojtës u vu re me konsumimin e një sasie të vogël të sesaminolit.

Këto rezultate tregojnë se sesaminoli është i përshtatshëm për t’u përdorur si një trajtim parandalues i sëmundjes së Parkinsonit.

Në përgjithësi, vlen të merret parasysh se rezultatet e studimeve në kulturat qelizore dhe modelet e kafshëve, nuk pasqyrojnë gjithmonë atë që ndodh në trupin e njeriut.

Prandaj nevojitet një kërkim më i detajuar për të mbështetur këtë studim. 

Përgatitja e tavës së dheut në shtëpi

Tava e dheut është një ndër gatimet më speciale nga tradita e Shqipërisë së Mesme.

Nga kuzhinat më të vjetra të shtëpive përdhese, të gatuara në zjarrin e oxhakut e deri sot në restorantet më prestigjiozë, Tava e Dheut vijon të ruajë traditën e shijes së mirë shqiptare.

Vërtetë, një traditë e Shqipërisë së Mesme, Tava e Dheut sot është ndër më të veçantat e kuzhinës shqiptare në tërësi. Shumë e preferuar nga shqiptarët, mahnitëse për turistët e huaj.

Përbërësit

500 gr mish viçi (ose mëlçi viçi sipas preferencës)

300 gr gjizë fshati

1-2  kokrra qepë të thata

3 domate të kuqe, të bëra mirë

Kripë

Piper

8 thelpinj hudhre

Dy lugë gjelle uthull (sipas preferencës)

Vaj ulliri

Spec djegës

Përgatitja e gjellës në tavat e baltës

Grijmë qepët hollë dhe i hedhim në një tenxhere dhe i kavërdisim disa minuta në zjarr me pak vaj ulliri.

Në momentin që volumi i qepëve nis të bjerë, dhe qepët marrin një ngjyrë të verdhë në të artë shtojmë mishin e prerë në kubikë dhe vijojmë t’i kavërdisim për disa minuta.

Më pas shtojmë uthullën dhe vijojmë kavërdisjen derisa mishi ta përthithë plotësisht.

Në këtë moment shtojmë domatet e grira në rende, shtojmë kripën, piperin, specin djegës dhe hudhrën gjithashtu.

I kavërdisim të gjitha bashkë, hedhim gjizën dhe një gotë me ujë dhe i lëmë në zjarr të ziejnë derisa domatja të shkrijë tërësisht.

E heqim nga zjarri dhe nisim mbushjen e tavave të baltës.

Tavat i vendosim  në furrën e paranxehur dhe i lëmë të piqen për maksimumi 25 minuta.

Tava e dheut serviret e ngrohtë, e sapo dalë nga furra.

Shoqërohet në mënyrë fantastike me sallata të ndryshme të perimeve të freskëta apo të pjekura

Përse duhet të shtoni hudhra në qumësht?

Në artikujt tanë të mëparshëm kemi folur vazhdimisht për hudhrën, për vlerat e saj ushqyese, për shijen e shkëlqyer që u jep gjellërave e recetave të ndryshme.

Por keni menduar ndonjëherë ta përdorni me qumësht? Për shumë njerëz ideja mund të tingëllojë si diçka e çmendur, duke patur parasysh erën tipike të hudhrës, por sipas studimeve të fundit kjo recetë është shumë e dobishme për shëndetin e njeriut.

Përbërësit:

• 500 ml qumësht

• 10 thelpinj hudhër të qëruara

• 2-3 lugë gjelle me sheqer

• 250 ml ujë i ftohtë

Në një tenxhere të thellë shtoni ujin dhe hudhrën. Pasi të shihni fluskat e para të vlimit, shtoni hudhrën të cilën e keni gri.rë më parë dhe vazhdoni me përzierjen. Pas disa përzierjeve, ulni temeraturën dhe lëreni që një pjesë e masës të avullojë.

Në fund filtrojeni dhe shtoni sheqerin për ta ëmbëlsuar. Kjo pije magjike ndikon ndikon në përmirësimin e këtyre problemeve shëndetësore:

Astma: Në qoftë se konsumoni tre thelpinj hudhër çdo natë, ndihmoni rrugët e frymëmarrjes të çlirohen nga to.ksinat, duke lehtësuar në këtë mënyrë simptomat e astmës.

Verdhëza: Hudhra është e pasur me squfur, alicinë dhe selen. Këta tre përbërës aktivizojnë enzima të posaçme që eleminojnë tok.sinat nga organizmi. Konsumi i qumështit me hudhër ndihmon gjithashtu edhe të lu.ftoni verdhëzën. Duke e konsumuar rregullist, verdhëza do të zhduket brenda katër ditësh.

Sëm.undjet kardiake: Kjo pije ul nivelin e kolesterolit të keq LDL, përmirëson qarkullimin e gja.kut dhe pengon koagulimin e gja.kut.

Kolla: Hudhra ka efekte antibakteriale dhe ndihmon në kurimin e shumë patologjive. Një prej tyre është edhe kola e thatë. Nëse doni mund t’i shtoni edhe mjaltë dhe pas xhinxher për ta bërë akoma më efektiv veprimin e saj.

Qershia e lidhur me zemrën

Mbretëresha e pranverës është padyshim qershia: një frut i vogël me një formë të rrumbullakosur, e tultë, lëkurë të kuqe dhe një shije veçanërisht të sheqerosur.

Duke folur botanikisht, qershia i përket familjes Rosaceae, e cila gjithashtu përfshin fruta të tjerë si pjeshkë, kumbulla dhe kajsi, shkruan pazienti.it.
Qershitë ndahen në dy kategori të gjera: qershi të ëmbla (Prunus avium), që janë ato më të zakonshmet me një lëkurë të kuqe dhe qershitë që janë të hidhura.

Pavarësisht nga madhësia, qershitë përfaqësojnë një burim të mirëqenies.

Zemra: Falë pranisë së antioksidantëve të fuqishëm, qershitë një ilaç i vërtetë për shëndetin e zemrës.

Lëndët ushqyese dhe mineralet prej të cilave janë bërë përfaqësojnë kardiombrojtës efektivë, pasi ato lejojnë të mbajnë rrahjet e zemrës të qëndrueshme, me një ulje të dukshme të atakut kardiak.

Ato ndihmojnë në uljen e niveleve të presionit të gjakut.

Sistemi imunitar: falë përqendrimit të lartë të vitaminës C, karotenoideve dhe flavonoideve, qershitë janë një mbrojtës i shkëlqyeshëm kundër infeksioneve bakteriale, infeksioneve virale, etheve dhe ftohjeve.

Zorrët: fibrat dietike të pranishme në to parandalojnë dukuritë e kapsllëkut, acidet përkundrazi favorizojnë tretjen dhe vitaminat lejojnë thithjen korrekte të lëndëve ushqyese.

Sistemi nervor: flavonoidet dhe karotenoidet përmirësojnë aktivitetin e trurit dhe në veçanti kujtesën.

Lëkura: prania e vitaminave A dhe C në qershi është një maskë natyrore bukurie për lëkurën, stimulon prodhimin e kolagjenit, jo për asgjë tjetër në treg janë veçanërisht të njohura kremrat e trupit bazuar në qershi.

Sytë: Antioksidantët, me të cilët qershitë janë të pasura, luajnë një rol të rëndësishëm në shëndetin e syve, duke i mbrojtur ato nga procesi i plakjes, infeksioneve dhe thatësisë.

Sistemi muskulor: i pasur me fibra, magnez dhe vitaminë C, ato janë një kurë e shkëlqyeshme për shërimin e muskujve pas ushtrimeve intensive. Nuk është rastësi që suplementet dhe lëngjet me bazë qershie po bëhen gjithnjë e më të popullarizuara.

Ndihmojnë në mbajtjen konstante të niveleve të kolesterolit në gjak, sheqeri prej të cilit janë bërë përmban levulozë, e cila nuk ka kundërindikacione të veçanta, prandaj janë një frut veçanërisht i përshtatshëm për ata që vuajnë nga diabeti.

Ata kanë një indeks të lartë të ngopjes dhe një vlerë të ulët kalorifike, të shkëlqyeshëm për ata që kanë nevojë të humbin peshë. Ato përmbajnë vitaminë K, e cila është e dobishme për mpiksjen e duhur të gjakut.

Kaq është e mjaftueshme të pini ujë gjatë verës

Trupi humbet më shumë lëngje gjatë verës, andaj është e rëndësishme të pini mjaft ujë.

Nutricionistja Lauren Minchen shprehet se marrja e sasisë së ujit kjo varet nga pesha e trupit dhe vetë trupi. “Sasia e saktë e ujit të nevojshëm varet nga personi, por për të rriturit aktivë, rekomandohet një marrje ndërmjet dy dhe katër litra në ditë”.

Ajo shtoi se trupi juaj ndoshta do të ketë nevojë për më shumë ujë nëse ushtroni rregullisht.

Ngjyra e urinës mund t’ju ​​tregojë nëse duhet të pini më shumë ujë. Minchen thotë se nëse ngjyra e urinës është e errët, kjo është një shenjë se keni nevojë për ujë, shkruan KP.

Lodhja, lëkura e thatë, ngërçet muskulore, kapsllëku dhe marramendja janë gjithashtu tregues të dehidrimit. Përveç që pini një gotë ujë, mund të hani edhe ushqime që përmbajnë sasi të mëdha uji.

Darka ideale sipas shenjës së horoskopit

ani nuk keni pse të mendoni çfarë do të gatuani!

Data kur dikush ka lindur mund të përcaktojë shumë tipare të personalitetit të tyre. Për shumë njerëz, horoskopi është thelbësor për të kuptuar më shumë rreth dikujt dhe madje për të gjetur gjëra që ata pëlqejnë ose nuk ju pëlqejnë. Duke qenë i vetëdijshëm për këtë, është gjithashtu e mundur të njihni ushqimin e darkës të përsosur për secilën shenjë të zodiakut.

Ujori: Tapas: Njerëzit e Ujorit janë të shoqërueshëm, dhe atyre u pëlqen të rrethohen nga njerëz! Ata mund të mos jenë kërkues kur bëhet fjalë për ushqim, por do të duan të hanë darkë me një tryezë plot me miq dhe familjarë.

Peshqit: salmoni: Peshqit janë ëndërrimtarë, por nuk janë kërkues kur bëhet fjalë për ushqimin. Kur darkojnë, ata shpesh zgjedhin një sallatë ose diçka të lehtë për t’u bërë.

Dashi: hamburger: Njerëzit e lindur nën shenjën e Dashit janë intensivë dhe atyre u pëlqen të përqafojnë shumë aktivitete brenda një dite. Miqtë dhe familja do të kenë ndjesinë se janë gjithmonë në nxitim. Kështu që nuk është për t’u habitur që ata shpesh do të hanë ushqime të shpejta.

Demi, rizoto: është shenja që vlerëson gjërat më të mira në jetë dhe ata dinë të shijojnë ushqimin më mirë se shenjat e tjera. Edhe kur janë në shtëpi, ata do të dëshirojnë të gatuajnë diçka të veçantë çdo ditë nëse gatuani ndonjëherë për një Dem, përpiquni të përgatisni një rizoto të mirë.

Binjakët, Pulë të ëmbël dhe pikante: Njerëzit e lindur nën shenjën e Binjakëve janë intensivë dhe plot energji dhe gjithmonë ka diçka që ndodh në ditën e tyre. Ato janë gjithashtu shenja e dualitetit dhe do të duan të kombinojnë aroma dhe shoje të ndryshme si pula e ëmbël dhe pikante.

Gaforrja: pasta: Për ta, ushqimi gjithmonë do të ketë një kuptim emocional. Gatimet dhe ushqimet ato shpesh i përdorin për të kaluar një moment të vështirë.

Luani, karavidhet  të pjekura: Njerëzit e lindur nën shenjën e Luanit janë ekstrovertë dhe duan ta tregojnë gjithçka në Instagram. Kjo do të thotë që darka e tyre e preferuar duhet të jetë e shijshme, por dhe me një pamje të bukur.

Virgjëresha: Peshk në zgarë: Njerëzit e virgjëreshës janë më perfeksionistët në zodiak. Kur ata janë në kuzhinë,  shpesh do të ndjekin recetën pa asnjë ndryshim, dhe ata do të jenë shumë kritikë.  Gjithashtu kujdesen për prezantimin dhe ata do të dëshirojnë që pjatat të duken mirë.

Peshorja: Sushi: Peshorja ka një problem me vendosjen e gjërave, dhe kur bëhet fjalë për darkën po n jësoj. Por një gjë është e sigurt: për ta, gatimi është një art. Ata do të pëlqejnë pjatat me prezantim të shkëlqyeshëm dhe do të gjejnë kënaqësi të madhe duke ngrënë diçka të bukur.

Akrepi: midhjet: Akrepat janë shenja seksiste dhe ata do të pëlqejnë pjatat që evokojnë atë ndjenjë. Ata shpesh do të shijojnë ushqimin me specie ekzotike.

Shigjetari: ushqim tailandez: eksplorues nga natyra, ata kanë një pasion të vërtetë për të udhëtuar. E duan shumë ushqimin ekzotik dhe pëlqejnë ta gatuajnë atë.

Bricjapi: pula dhe patate: janë njerëzit më tradicionalë në zodiak. Ata luftojnë për të pranuar gjëra të reja, dhe kjo përfshin ushqimin. Nuk u pëlqejnë surprizat dhe duan të hanë diçka me të cilën janë njohur më parë. 

Mënyrat natyrore për të aktivizuar gjenet tuaja anti-plakje

Nga afërsisht 100,000 gjene në trupin tuaj, ekzistojnë 500 që mund të ngadalësojnë plakjen e grupeve të qelizave në trupin tuaj.

Lajmi i mirë? Është e lehtë të ndizni këto grupe gjenesh në mënyrë që të qëndroni të mprehtë, të shkathët dhe rinor.

Për të shmangur sëmundjet, lëvizni gishtat e këmbëve

Kur muskujt tuaj janë në lëvizje, ato aktivizojnë gjenet anti-plakje që mbajnë energjinë e qelizave imune në mënyrë që të mund të hidhen në viruse ose baktere pushtuese. Dhe lëvizja për 30 minuta në ditë zvogëlon rrezikun e sëmundjes deri në 57 për qind, thonë shkencëtarët australianë. Edhe lëvizjet e vogla, si tundja e gishtërinjve të këmbëve, llogariten në atë total!

Për të qëndruar të zhdërvjellët, ëmbëlsoni vaktet

Qershitë dhe manaferrat e freskëta po shfaqen në markete, dhe shijimi i një filxhani me të preferuarat tuaja në çdo vakt zvogëlon rrezikun e ndjenjës së ngurtësisë me 50 për qind. Për më tepër, ajo shuan dhimbjet e muskujve dhe nyjave në dhjetë ditë nëse jeni lënduar tani.

Për të qëndruar i mprehtë, konsumoni pak nga ky çaj

Ju mund të qëndroni të përqendruar dhe të mbani kujtesën tuaj të mprehtë – duke ulur shanset e harresës deri në 70 për qind – duke shtuar një të katërtën e lugës së çajit Shafran të Indisë dhe një majë speci në dietën tuaj ditore, thonë shkencëtarët e Universitetit të Pensilvanisë. Kurkumina e Shafran të Indisë ndez gjenet që bllokojnë inflamacionin e plakjes së trurit, shpjegon Robin Miller, ndërsa speci rrit thithjen.

Për të djegur dhjamin, shtoni vajin e peshkut

Ju mund të parandaloni shtimin e peshës = që mundon shumë persona pas moshës 45 vjeç, plus pak më shumë se tre herë më shpejt në çdo dietë, duke marrë 3,000 miligramë vaj peshku çdo ditë, thonë shkencëtarët britanikë. Mark Hyman, MD, thotë se omega-3 të vajit stimulojnë gjenet që djegin yndyrat e depozituara. 

Çfarë ndodh me ushqimin kur bie miza mbi të

Ka të paktën njëqind baktere dhe viruse të ndryshme që një mizë mund të transmetojë kur bie mbi ushqim, pohon Thomas J. Daniels, shkencëtar dhe drejtor i laboratorit mjedisor në Universitetin Fordham në Nju Jork.

Sipas revistës “The Healthy”, kur një mizë merr baktere, ajo mund t’i transmetojë ato rreth e rrotull sa më shpejt që të ulet, madje edhe mbi ushqim, pavarësisht nga fakti se ishte vetëm mbi të për disa sekonda. “Ekziston rreziku i infektimit dhe sëmundjes, pavarësisht nga fakti se sasia e baktereve që transmetohet në atë kohë të shkurtër është e vogël”, pohon Daniels.

Sidoqoftë, një rrezik më i madh vjen kur miza “vjell”, dmth kur gëlltit ushqimin. Kur bie mbi ushqim, miza në të vërtetë nuk e ha menjëherë, por lëshon lëngje që do ta zbusin atë, në mënyrë që të mund ta “ha” atë në një formë më të lëngshme. Lëngu i trupit që miza lëshon në ushqim është plot baktere, kështu që shanset për tu infektuar janë shumë më të mëdha nëse ushqimi është “pështyrë” sesa kur sapo u ul mbi ushqim.

 Lëngjet që lëshon miza janë më të rrezikshme sepse vijnë nga trupi i saj, ndërsa bakteret që gjenden në trupin e saj janë më pak të rrezikshme. Prandaj, nëse vetëm një mizë ulet në ushqim, nuk keni pse ta hidhni menjëherë. Ju ka më shumë të ngjarë të infektoheni nëse më shumë miza janë ulur, gjë që ndodh zakonisht kur hani jashtë.

Këto ushqime ngadalësojn metabolizmin dhe shkaktojn dhimbje stomaku!

Shumica e bëjnë këtë gabim

Patatet janë të pasura me kalium, gjë që i bën ata një ushqim jashtëzakonisht të dobishëm kur bëhet fjalë për parandalimin e hipertensionit.

Patatet gjithashtu përmbajnë fibra dietike që përmirësojnë funksionimin e sistemit digjestiv.

Të gjithë e dinë që patatet dhea mishi janë një kombinim i keq, dhe askush nuk e di që një kombinim me këtë ushqim nuk rekomandohet.

Patatet e skuqura dhe pomfriti nuk duhet të kombinohen kurrë me domate dhe nuk rekomandohet të gatuhen këto dy ushqime së bashku.

Ky kombinim pengon absorbimin e lëndëve ushqyese dhe mund të shkaktojë pengesa në tretje.

Ky kombinim thuhet se ngadalëson metabolizmin dhe krijon dhimbje dhe një ndjenjë shqetësimi në stomak.