Shqipëri

Deputeti socialist humb nënën, i dedikon mesazh prekës

Deputeti socialist Besnik Baraj ka humbur nënën e tij në betejën me COVID-19.

Lajmin e ka bërë të ditur vetë deputeti përmes një postimi në rrjete sociale.

“Netëve, tek rrija pranë nënës, ku sasia e oksigjenit varionte nga 50% në 90%, e dëgjoja tek rënkonte: “Oh nëna ime!’’ Për të ishte ende e gjallë nëna e saj!!! Sot unë e humba nënën time, por duket nëna vdes kur vdesin dhe fëmijët e saj.

Edhe unë përjetë do e kem në mendje dhe zemër, aq më tepër, kur ruaj kujtime të mrekullueshme, kur edhe në qortime ishte aq e ëmbël, kur nuk e ngriti zërin kurrë me asnjërin prej fëmijëve. Ishte ajo që krijoi një familje harmonike ku dhe mbolli shumë dashuri. Përjetë mirenjohës për gjithcka që na edukoi e mësoi!!!!
Sot, shumë miq e të afërm më kanë qortuar që nuk i lajmërova për t’i bërë nderimet e fundit. Në kushtet ku Covidi po merr jetë njerëzish, madje edhe të rinj në moshë, e pamë me vend të kufizohemi vetëm në rrethin e ngushtë familjar. Para se Covidi të futej në shtëpinë tonë, kurrë nuk mendoja si sot.

Më besoni miq, vlerësojeni dhe përpiquni të izoloni maksimalisht të moshuarit, përndryshe do pendoheni dhe do humbisni të dashurit tuaj…. Është një cmim që nuk ja uroj askujt!!!!!! Ju falenderoj të gjithëve për dashamirësinë e treguar, për mesazhet tuaja. Uroj të keni vetëm mbarësi në familjet tuaja” shkruan deputeti socialist. 

“Faleminderit që dhuruat gjak për nënën time!”/ Djali surprizon njerëzit që i shpëtuan jetën nënës së tij

Jeta shpesh herë na vendos përballë vështirësive nga më të ndryshmet, vështirësi që më shumë përpjekje dhe me mbështetjen e të afërmve tanë arrijmë t’ia dalim.

Por fatkeqësisht pavarësisht përpjekjeve të shumta, ndodh që jeta tregohet mizore dhe na merr njerëzit më të dashur. E tillë ishte dhe historia e Blerimit, djalit nga Durrësi që u trajtua mbrëmjen e sotme në programin “Dua të të bëj të lumtur”.

Blerimi në studio rrëfeu kalvarin e vuajtjeve që kishte kaluar ai dhe familja e tij përgjatë gjithë këtyre viteve. Problemet sipas Blerimit kishin nisur shumë vite më parë, kur nëna e tij kishte pësuar aksident automoblisitik, me pasojë dëmtime fizike në shtyllën kurrizore.

Por për familjen e Blerimit, aksidenti i nënës nuk ishte i vetmi problem, pasi ata u përballën me probleme të mëdha ekonomike. Babai i Blerimit, Agroni për të përballuar këto vështirësi kishte filluar të shiste banane. Blerimi dhe motra e tij, për të ndihmuar familjen kishin filluar punë në një call center, ku punonin mbi 12 orë.

Shëndeti i nënës së Blerimit kishte filluar të përkeqësohej, ajo kishte humbur aftësinë e të folurit e të kuptuarit, gjithashtu ishte diagnostikuar dhe me Alzhaimer. Një ditë ajo ishte rrëzuar dhe kishte nevojë urgjente për operacion, por nuk kishte rezerva të mjaftueshme gjaku. Në ndihmë Blerimit i kishin ardhur dy miqtë e tij më të mirë, të cilët kishin dhuruar menjëherë gjak, por fatkeqësisht disa muaj më pas, nëna e Blerimit kishte ndërruar jetë.

Për këtë arsye Blerimi kishte dërguar dy ftesa, një për shokun e tij, Henrin që t’a falenderonte që i shpëtoi mamanë e tij duke dhuruar gjak, ndërsa ftesa tjetër ishte për babain, Agronin. “Babi ne u përpoqëm shumë që t’i zgjasnim jetën nënës sonë. Nuk e harroj kurrë ditën kur mamaja kishte nevojë për gjak, ti babi ishe i pari. Unë dua të të falenderoj ty babi, por dhe Henrin sepse pa ju nëna nuk do i’a kishte dalë mbanë! Dhe babi dua të të kërkoj falje për çdo gjë, dije se do jem gjithmonë pranë teje.”,- ishte mesazhi i Blerimit për Agronin dhe Henrin.

Blerimi për të surprizuar babain e tij, kishte kërkuar ndihmën e aktorit tepër të dashur për publikun e gjerë, Gaz Paja, i cili i’u drejtua me këto fjalë: “Bravo të qoftë për këtë kurajo që ke, por duhet të bëhesh tepër i fortë. Nëna është dhimbje tepër e madhe prandaj e kuptoj tepër mirë dhimbjen tuaj.”

Berisha del me paralajmërimin e fortë për Ramën: Do të marrë 20 shkurtin si baballarët e tij!

Ish-kryeministri Sali Berisha u shpreh se nëse Rama prek votën e 25 prillit do të pësojë fatin e baballarëve të tij shpirtëror.

“Po preku votën, Rama do të marrë 20 shkurtin. Do të ndjekë fatin e baballarëve të tij. Do të ketë banda dhe me të fortë. Opozita po vëzhgon. Po liron njerëz nga burgu Ardian Çela me Gjuzin, por faturën do ta kenë.

Qoftë me programin, qoftë me kandidatët, PD ka bërë një punë shumë të mirë. Programi është i shkëlqyer dhe ka vendosur në qendër qytetarin.

Kam dëgjuar Lulzim Bashën që ka folur për dyfishim rrogash dhe nuk ka gjë më të merituar për qytetarët se ky”, u shpreh Berisha për Ora News.

Sali Berisha zbardh pasurinë marramendëse të kryeministrit Rama

Ish-kryeministri Sali Berisha ka folur për pasurinë e Ramës.

Ai u shpreh se kreu i qeverisë në 8 vite ka 16–fishuar pasurinë e tij personale.

“Rama ka 16-fishuar pasurinë e tij. Janë të dhëna që janë publikuar para disa ditësh nga BIRN. 16-herë janë rritur pasuritë e Edvin Hajdutit në 8 vite. Këtu nuk përfshihet pallati në pajë i Linda Ramës që nuk ka një faturë të vetme bankare ndërtimi, doganash dhe tatimesh. Duket sikur është parashutuar nga qielli.

Nuk llogariten në këtë pasuri 200 milionë euro, që Organizata e Sigurisë Evropiane në Shqipëri e ka akuzuar Ramës se i ka fshehur off-shore. Këto nuk janë. Janë vetëm ato që janë në ILKDP. Ky zotëri që është bërë milioner, ka deklaruar në vitin 2009 vetëm 2900 euro”, tha Berisha për Ora News.

Berisha: Kryepidemiologia e vendit, në konflikt interesi, ish-kunata e Ramës dhe kunata e ministrit të familjes

Ish-kryeministri Sali Berisha u shpreh se ajo që bën kryepidemiologen në vend, nuk është epidemiologu, por pneomologe.

Berisha: Ajo që bën kryepidemiologen në vend, nuk është epidemiologu, por pneomologe. Ajo është ish-kunata e Ramës dhe aktualisht kunata e ministrit të familjes. Çfarë mendon se ajo ka hallin e qytetarëve, apo të ish-kunatit dhe kunatit.

Ajo ka halla që t’ua zbardhë faqen e zezë ministrit të familjes dhe xhahilit të Surrelit.

Ajo ka konflikt interesi. Po ashtu edhe një mjeke tjetër e njohur për militantizmin e saj me PS-së, që është Silva Bino. Ajo është një strofull konflikti interesi.

Në rrugë edhe pas orës 20:00/ Këmbësorë e automjete gjatë ndalimqarkullimit, policia shton postblloqet

Pavarësisht bilancit të të infektuarve dhe atyre që humbën jetën nga COVID-19, në rrugët e Tiranës pas orës 20:00 kur nis edhe ndalimqarkullimi, vihen re këmbësorë dhe automjete, që lëvizin.

Në moszbatim të rregullave të komitetit teknik të ekspertëve që menaxhon pandeminë e koronavirusit në Shqipëri, qytetarët e Tiranës vijojnë të dalin në rrugë si në këmbë ashtu edhe me makinat e tyre.

Në një vëzhgim nga kamera e Top Channel këtë mbrëmje, pas orës 20:00 u vu re thyerja e rregullave anti-Covid 19.

Policia ndërkohë ka shtuar kontrollet në rrugët e kryeqytetit, duke ndaluar si këmbësorët dhe shoferët e makinave për të verifikuar nëse ata janë pajisur me lejen e posaçme të qarkullimit pas orës 20:00 që lëshohet nga autoritetet.

Berisha: Opozita qysh në fillim ka kërkuar që të hapeshin spitalet rajonale, por nuk u bë sepse nuk kishte mjekë

Në një intervistë për Ora News, ish-kryeministri Sali Berisha u shpreh se Opozita qysh në fillim ka kërkuar që të hapeshin spitalet rajonale, por nuk u bë sepse nuk kishte mjekë.

Berisha: Opozita qysh në fillim ka kërkuar që të hapeshin spitalet rajonale, por nuk u bë sepse nuk kishte mjekë. Shqipëria ka numër shtretërish për tu përballur me pandeminë, por kërkohej një ripërtëritje e strukturës. Kjo nuk u bë dhe u qëndrua për një vit me 500-600 shtretër.

Kjo gjë kërkonte shpenzime dhe investime. Të gjithë këto u blenë me një çmim 3-9 herë më të lartë. Sot spitalet rajonale janë në kushtet të mjera. Në çdo spital ka të sëmurë me Covid pa asnjë kusht të duhur. Njerëzit vdesin dhe këtu vdekje po bën kërdinë. U mblodh kupola e konfliktit të interesit që mendon vetëm për karrigen e Ramës dhe thanë se nuk do të marrin mas shtesë.

COVID-19 në Berat, 39 raste të reja gjatë 24 orëve të fundit, 70 % e të infektuarve të rinj të moshave 20-25 vjeç

39 është numri i rasteve të infektimeve në qarkun e Beratit në 24-orët e fundit, ndërkohë që shpërndarja e rasteve sipas qyteteve është: 12 raste në Berat, 19 raste në Kuçovë, 5 raste në Urë-Vajgurore, 2 raste në Skrapar dhe 1 rast në Poliçan.

Edhe pse rastet me Covid-19 kanë pasur një tendencë në ulje gjatë kësaj fundjave, ajo që vihet re dhe që është shqetësuese është fakti se 70% e të prekurve janë moshat e reja, nga 20-25 vjeç. Sipas mjekëve, të prekurit e këtyre moshave nuk kanë shfaqur komplikacione dhe pjesa më e madhe e tyre janë asimtomatikë por fakti që këto mosha frekuentojnë më shumë se gjithkush tjetër baret dhe restorantet i shndërron ata në një rrezik serioz për përhapjen e virusit tek të tjerët.

Mes të prekurve të ditës së sotme regjistrohen edhe infermierë, punonjës të institucioneve vendore dhe disa punonjëse fasonerish. 2 infermiere në fshatrat Konisbaltë e Drenovicë në Urë-Vajgurore, 2 punonjës të OSHEE -së në Skrapar,2 punonjëse në zyrat e drejtorisë arsimore në bashkinë Kuçovë dhe 3 punonjëse në një fasoneri në qytetin e Kuçovës janë konfirmuar sot “pozitivë” me SarsCov-2.

Mes rasteve të të prekurve me Covid-19 të 24-orëve të fundit konfirmohen edhe 9 pensionistë të moshave 66-79 vjeç, ndërkohë që numri i rasteve aktive në qarkun e Beratit ka arritur në 977.

Një kujtesë për OSBE-ODIHR

Në Zgjedhjet e 25 Prillit 2021 në Shqipëri, OSBE e ODIHR, nuk duhet të sjellin shumicen e vëzhguesve të tyre nga vendet sllave në Ballkan dhe të Europës Jug-Lindore, ish Vendet e BRSS, siç kanë vepruar në Zgjedhjet e 28 Qershorit 2009. Asokohe, selinë kryesore e kishin tek Ambasada e sotme e Kosovës dhe unë, ngaqë punoja në DSHTD të Ministrisë së Jashtme, më ka rastisë të njihem me këtë fakt, t’i shohë listat e tyre zyrtare, të kemë biseda të tilla me përfaqësues e specialistë të OSBE-ODIHR.

E ri-ngrejë këtë çështje në këtë Elektoriadë 2021, sepse disa prej këtyre vendeve përgjatë historisë nuk ia kanë deshtë të mirën Shqipërisë, as per territoret tona etnike, as me sistemet politike, etj. Kjo është manifestuar shpesh e keq dhe në qëndrimet e veprimet e tyre, në relacionet e raportet e tyre zyratre, etj.

Misioni i tyre (OSBE-ODIHR) nuk duhet të jetë i paragjykuar qysh në nisje, pasi të 57 shtetet e saj dhe 11 partnerët e saj, nuk flasin vetëm gjuhë sllave e greqisht, por edhe anglisht, gjermanisht, italisht, frengjisht, spanjisht, gjuhë të Vendeve Nordike, etj.

Kaq për sot. Diçka ma shumë për herë tjetër.

Humbje e madhe për Valentina Leskajn, bashkëshorti i ish-deputetes humb betejën me Covid-19

Ish-deputetja e Partisë Socialiste Valentina Leskaj ka humbur bashkëshortin pas një beteje me Covid-19.

Lajmi është bërë i ditur nga vetë Leskaj, e cila ka njoftuar se ceremonia mortore do të jetë private për shkak të masave pandemike.

“Të dashur miq sot është një ditë shumë e vështirë për mua, dy djemtë e mi Arianin, Besnikun dhe familjet e tyre. Humbëm njeriun tonë të dashur, bashkëshortin e babain model, gjyshin e dashur që nuk ja doli dot me sëmundjen e Covidit.

Për shkak të situatës ceremonia do jetë private.

Ju falenderojmë për mirëkuptimin”, shkruan ish-deputetja.

Tags