Maqedoni

Omer Ajdini: Shqiptarët në Maqedoni janë të përjashtuar nga sistemi

/

Omer Ajdini nga ASH-ja i ftuar në emisionin “Rruga drejt” në Alsat duke folur për lojalitetin e qytetarëve ndaj shtetit, tha se shqiptarëve u bëhet një padrejtësi nëse u kërkohet një gjë e tillë sepse ky shtet i diskriminon ata. Sipas Ajdinit shqiptarët në Maqedoninë e veriut nuk përfaqësohen as simbolikisht.

“Shqiptarët në Maqedoninë e Veriut nuk përfaqësohen as simbolikisht, në himn, në flamur, në stemë edhe kështu me radhë. Shqiptarët jetojnë një realitet që është diskriminues dhe i pabarabartë.

Të ardhurat mesatare për një qytetar të etnisë maqedonase është 13 mijë denarë, të ardhurat mesatare për një te etnitetit shqiptarë janë 8 mijë denarë. Pjesa dërmuese e të varfërve janë në pjesën perëndimore të Maqedonisë së Veriut. Shqiptarët nëpër institucione nuk janë të përfaqësuar, janë të përjashtuar. Për të mos folur për drejtësinë. Në këtë mënyrë nuk ke si ta duash këtë shtet” – tha Ajdini.

Elezi: Nuk mund ta ndjejmë dhe ta përjetojmë këtë shtet njësoj si maqedonasit

/

Afan Elezi nga Alternativa i ftuar në emisionin “Rruga drejt” në Alsat duke folur për lojalitetin e shtetit në raport me qytetarët, ai tha se ne si shqiptarë nuk mund ta ndjejmë dhe ta përjetojmë këtë shtet njësoj si maqedonasit, përderisa ky shtet me simbole dhe me përcaktorin “makedonski”. Ai theksoi se shteti nuk është luajal me shqiptarët edhe kur vjen puna te drejtësia apo te ekonomia e vendit.

“Ne nuk e kemi problem lojalitetin në kuptimi të sigurisë. Megjithatë nuk mund ta ndjejmë dhe ta përjetojmë këtë shtet njësoj si maqedonasit. Përderisa ky shtet me simbole dhe me përcaktorin “makedonski” na tregon neve dhe na imponon ruajtjen e shtetit nga ana e maqedonasve, atëherë nënkuptohet se ne si shqiptarë i kemi sytë nga Tirana dhe Prishtina. Megjithatë të jesh luajal dhe të ndihesh i barabartë nuk është e njëjtë gjë. Ne jemi luajal kur vjen puna te pagimi i faturave, por kur vjen puna te shteti ai na trajton ne si minoritet. Nëse flasim për çështjen e besueshmërisë në drejtësi, ne e dimë sa është besueshmëri në këtë sistem. Edhe kur bëhet fjala për ekonominë dihet se në cilën pjesë të Maqedonisë investohet. Në të gjithë pjesën perëndimore kemi vetëm një zonë të lirë ekonomike, vetëm në Tetovë- tha Elezi.

Qamili: Kontributet tona për rininë vazhdojnë edhe në resoret ku ne udhëheqim (VIDEO)

”Kur je pjese e shumices qeveritare ndryshojne disa politika rinore ne kontributin per rinine, ne e dime shume mire se ne minitrine e Bujqesise kemi me shume se dy programe me stimuj financiar deri 20 mije euro per generatat e reja, e kemi prograim ‘Bujk i rri’, kemi ne agjensionin per punesim grante per persona deri 29 vjec dhe agjencine per perkrahje te ndermarsise ku personat qe duhet te hapin biznese te vogla dhe te mesme qe jane deri ne moshen 30 vjecare ju jepet mjete financiare”,  tha Albi Qamili nga forumi rinor i Levizjes BESA./

Me tej ai tha se ne kete forme ndihmohen te rrinjte dhe jo vetem me folklorizem.

Avni Rrustemi: Sela merret me Ali Ahmetin, Omeri me mua dhe të dy dështojnë

Më vie keq që i shkoi jeta Ziadin Selës duke u merrë me Ali Ahmetin dhe Omer Ajdinit po i shkon jeta duke u marrë me mua. I them Omerit të mos merret me mua dhe me BDI-në sepse do të dështoj siç ka dështuar kryetari i partisë së tij.

Unë jam vetëm 8 muaj zv.drejtor tek Agjencioni për Rini dhe Sport dhe është bërë mjaft në këtë drejtim për tu respektuar gjuha shqipe si në tabela por edhe në fusha tjera.

Albi Qamili nga Besa: Forumi rinor i ASH-së po kopjon idetë tona

Kryetari i forumit rinor te Levizjes Besa ,Albi Qamili sonte ne emisionin debativ ne Alsat tha se forumi rinor i ASH-se po kopjon idejat e forumit te Levizjes Besa.

Ai tha se nga partija tij ne pozicionet qe kane per keto muaj po japin maksimumin dhe po kryejn detyrat ashtu sic duhet.

Kasami i propozon Zaevit, strategji për dalje nga kriza e Covid 19 (VIDEO)

Kryetari i Lëvizjes BESA, Bilall Kasami, në seancën e sotme në kuvendin e Maqedonisë së Veriut, ka parashtruar pyetje në drejtim të kryeministrit Zoran Zaev, në lidhje me politikat ekonomike të qeverisë gjatë pandemisë.

Pandemia COVID-19 po transformon mënyrën se si ne mendojmë për ekonomitë
dhe shoqëritë tona. Zgjedhjet e politikave që bëjnë qeveritë sot do të
përcaktojnë suksesin e tyre në ndërtimin e një tranzicioni drejt një të ardhmeje
më të mirë. Nëse qeveritë ndërmarrin politika të menduara mirë, kjo pandemi
mund të shfrytëzohet si një mundësi për të hapur një rrugë që u jep forcë të
gjithëve të përballen më me besim me të ardhmen.

Më tej Kasami shton se: Në funksion të kësaj duhet një koordinim i gjithëmbarshëm shoqëror duke
përfshirë insitucionet shtetërore (parlamentin dhe qeverinë si dy shtyllat
kryesore të pushtetit) bizneset dhe sektorin civil.

Si deputet i zgjedhur, duke
përfaqësuar zërin qytetar (bizneset dhe sektorin civil) nga njëra anë dhe nga ana
tjetër si anëtari i organit ligjëvënës, parlamentit i cili njëherësh është edhe organi
që zgjedh dhe shkarkon anëtarët e qeverisë, nuk mund që të qëndrojmë të
painteresuar përballë zhvillimeve e përgjithshme shoqërore, veçanërisht ndaj
atyre që ndërlidhen me përballjen me pandeminë COVID 19.

Ligji për kanabisin, pas kryerjes së analizave

Bazuar në përvojat e dhjetë vendeve, do të hartohet një propozim ligj për legalizimin e kanabisit për përdorim personal dhe mjekësor.

Doktorë- toksikologë, pediatër, studentë të Fakultetit të Farmacisë, përfaqësues të Zyrës së Kryeministrit, Ministrisë së Brendshme dhe Drejtësisë në takimin e fundit ranë dakord për të analizuar praktikën e Portugalisë, Holandës, Republikës Çeke, Spanjës, Kanadasë, Kolorados, Kalifornisë, Izraelit, Kroacisë dhe Shqipërisë.

Nga të gjitha këto vende do të mblidhen Informacione mbi dispozitat ligjore, numri i përdoruesve të kanabisit, numri i të burgosurve për vepra të lidhura me kanabis; numri i vdekjeve, programet e socializimit, përfitimet ekonomike dhe numri i të punësuarve në sektorin e kanabisit.

AZGJ: Profesorët Adnan Jashari dhe Afet Mamuti mbajtën ligjërata për terminologjinë juridike

Dy ligjëruesit e radhës në trajnimin e përkthyesve dhe të lektorëve të institucioneve shtetërore, profesorët Adnan Jashari dhe Afet Mamuti, u paraqitën para përkthyesve dhe lektorëve me temën e terminologjisë
juridike në dokumentet zyrtare dhe aktet ligjore. Sipas tyre, duhet bërë përpjekje maksimale që terminologjia që përdoret në institucionet publike të jetë sa më e unifikuar. Që të dy vënë në dukje rëndësinë e
Ligjit të Përdorimit të Gjuhëve dhe rolin e Agjencisë së Zbatimit të Gjuhës në ngritjen e cilësisë së përdorimit dhe të statusit të gjuhës shqipe në Republikën e Maqedoninë e Veriut.

Prof. dr. Adnan Jashari, ligjërues në Universitetin e Europës Juglindore, trajtoi temën e terminologjisë juridike të korrespodencës ekonomike, të afarizmit dhe të kontratave dhe shprehu kënaqësinë  dhe
entuziazmin për arritjet e deritashme, ndonëse siç thotë ai, “ka edhe shumë punë për të bërë”.

“Me qëllim që në të ardhmen të arrijmë që të bëjmë unifikimin e terminologjisë gjatë përkthimeve të akteve të ndryshme, si ato ligjore, si ato administrative, gjyqësore, apo shkresave të ndryshme, në një farë
mënyre të përforcohet dhe të koordinohet lidhshmëria midis përkthyesve dhe Agjencisë në njërën anë, dhe Agjencisë dhe ekspertëve nga sfera të ndryshme, në anën tjetër.”, thotë profesori Adnan Jashari.

Sipas tij, e gjithë kjo do të krijojë parakushte që përkthimet e vendimeve, të ligjeve, dhe të akteve të tjera zyrtare, të unifikohen në aspekt terminologjik. Më tej, ai vlerësoi edhe kontributin e Agjencisë së Zbatimit të Gjuhës dhe të drejtorit Ylber Sela, nëpërmjet aktiviteteve dhe botimeve të shumta, e sidomos nëpërmjet trajnimit të përkthyesve të lektorëve të institucioneve publike.

Edhe prof. dr. Afet Mamuti, ligjërues në Universitetin e Tetovës, trajtoi temë të ngjashme, atë të përkthimit të terminologjisë juridike në ligje.

“Prof. Ylber Sela ka bërë një punë mjaft të mirë, veçanërisht me aktivitetet që po organizon, siç është edhe ky i fundit, me trajnimin e përkthyesve nga të gjitha institucionet, duke nisur nga kryeministria, nga ministritë, drejtoritë, agjencitë e ndryshme,  ku për disa ditë radhazi na u dha mundësia që t’i diskutojmë disa çështje, veçanërisht që kanë të bëjnë me përkthimin e akteve normative. Diskutimet që i kishim
me kandidatët, ishin mjaft produktive dhe temat që i prekëm besoj se do të jenë një ndihmesë e madhe me rastin e përkthimit të dokumenteve, që 0kur të merr qytetari të lexojë aktin normativ, të përdoret terminologji e njëjtë, e qartë, e saktë dhe të mos ketë dykuptimësi”, thotë profesori Afet Mamuti.

Ai thotë se pas nxjerrjes së Ligjit të Përdorimit të Gjuhëve, statusi i gjuhës shqipe pësoi një ndryshim rrënjësor në pikëpamje të avancimit të përdorimit të saj, çfarë nuk e kishte para këtij ligji. Këtë e ndihmoi
veçanërisht krijimi i Agjencisë së Zbatimit të Gjuhës, e cila vendosi komunikimin me Tiranën dhe Prishtinën zyrtare “për të bërë unifikimin dhe standardizimin e disa termeve që duhej të bëjnë të punësuarit nga
kjo Agjenci” dhe se pas gjithë këtyre aktiviteteve, shumë më lehtë do të jetë në të ardhmen.

Bushi: Avancojmë standardet sociale dhe profesionale për uniformat blu

Zv/ ministri i punëve të brendshme Nazim Bushi sot bashkë me kryetarin e Sindikatës së Policisë së RMV-së Marjan Kicev nënshkruan Marrëveshjen e re Kolektive të Ministrisë së Brendshme, që ka buruar si rezultat i bisedave të ndërsjella dhe dialogut me qëllim që të avancojmë të gjitha standardet sociale dhe profesionale, ato normative si dhe standardet e tjera të nevojshme për uniformat tona blu.

Ndër risitë më të rëndësishme të kësaj marrëveshjeje kolektive janë:
Përdorimi i fjalorit dhe terminologjisë gjinore edhe atë për herë të parë në një Marrëveshje Kolektive në vend. Është paraparë një dispozitë e re për mbrojtjen e punëtorëve që kanë tre vjet efektive deri në ushtrimin e së drejtës për pension me ligj pas arritjes 40 vite stazh me ç’rast ata nuk mund të caktohen në një punë të nivelit më të ulët se niveli i punës në të cilën ata kanë punuar;
E drejta për pushim me pagesë, në rastet kur punonjësi përfaqëson Ministrinë ose merr pjesë si pjesë e përfaqësimit të shtetit në ngjarje sportive, kulturore dhe të tjera;
Për punonjësit e policisë, dhurues vullnetarë të gjakut është siguruar e drejta për tre ditë pune pushim, në të cilën llogaritet dita e dhurimit të gjakut;

Dispozitë e siguruar për mbrojtje të veçantë për punën e natës, me një rregullim të caktuar të kategorisë së punëtorëve të cilës i referohet, ku kjo kategori e punëtorëve ka të drejtë për ushqim adekuat ose kompensim për shpenzimet e ushqimit në shumën prej 20% të pagës mesatare neto;
Sigurimi i kompensimit në të holla në vlerë prej 100 euro në kundërvlerë në denarit, për çdo punonjëse të policisë e cila lind fëmijë.

“Shengeni rajonal”, Vuçiç video-konferencë me Ramën dhe Zaev

Më 29 qershor Presidenti serb, Aleksandër Vuçic do të mbajë një videokonferencë me kryeministrin Edi Rama dhe atë të Maqedonisë së Veriut, Zoran Zaev.

Në fokus të diskutimeve do të jetë “shengeni rajonal” dhe forcimi i marrëdhënieve mes shteteve të rajonit të Ballkanit Perëndimor.

Mësohet se, Kosova ka refuzuar ftesën për të qenë e pranishme në diskutimet që do të zhvillohen në këtë videokonferencë. Kosova, më herët ka refuzuar takimet e mbajtura në kuadër të “shengenit rajonal”.