Maqedoni

Dardhishta demanton ASH-AAA-në: Procedura e tenderimit ishte transparente

/

Drejtori i Drejtorisë së Librave Amë, Bujar Dardhishta ka hedhur poshtë si të pavërteta akuzat e koalicionit ASH-AAA për tenderin për digjitalizimin e librave amë.

Thotë, se tenderi ka qenë i përmasave ndërkombëtare, ndërkaq ka njoftuar, se procedura ka qenë transparente.

“I hedhim poshtë si të pavërteta dhe tendencioze akuzat në lidhje me furnizimin publik për digjitalizimin e librave amë. Së pari, duam t’ju informojmë se furnizimi publik ka qenë ndërkombëtarisht dhe i publikuar në ueb faqen ted.europra.eu dhe të gjitha procedurat e departamentit për furnizime publike ka qenë transparente dhe ligjore. Digjitalizimi dhe skenimi i të dhënave nga librat amë është prioritet i yni dhe i Qeverisë dhe si drejtor, dhe komfor planit strategjik të Qeverisë deri në vitin 2023 duhet të digjitalizohen të gjitha të dhënat nga librat amë”, tha Dardhishta, transmeton TV21.

Micevski: Deputetët e VMRO-DPMNE-së do të marrin pjesë në seancën e 36-të

/

Grupi i deputetëve të VMRO-DPMNE-së do të marrë pjesë në seancën e nesërme të 36-të në rend të së cilës janë ligjet nga pakoja e pestë e masave, deklaroi sonte koordinatori i grupit të deputetëve Nikolla Micevski.

Duke qenë mysafir në ditarin qendror të televizionit “Sitel”, Micevski tha se nuk do të marrin pjesë në seancën e 32-të, e cila është caktuar para seancës së 36-të.

“Grupi i deputetëve të VMRO-DPMNE-së do të jetë në Kuvend dhe do të marrë pjesë në punën e seancës së 36-të. Nëse nuk kanë deputetë, të gjithë 44 deputetët e VMRO-DPMNE-së do të vijnë në sallën plenare. Nuk do të jemi brenda në seancën e 32-të. Puna e kryetarit të Kuvendit është të konstatojë se a ka apo jo kuorum për seancën e 32-të. Nëse ka kuorum, ai funksionon pas seancës së 32-të dhe përfundon me të. Nëse nuk ka kuorum, as nuk e fillon ose konstaton dhe e ricakton për ndonjë kohë tjetër”, tha Micevski.

Kryediplomati Osmani përplaset me ambasadën ruse në Shkup (FOTO)

/

“Maqedonia e Veriut plotësisht mbështetë dhe solidarizohet me masat e SHBA-së, si përgjigje ndaj aktiviteteve destabilizuese të Rusisë kundër Amerikës dhe aleatët tanë. Përmirësimi i sigurisë sonë kolektive është prioritet i yni”. Është ky tuiti i kryediplomatit Bujar Osmani që ka acaruar rusët që të reagojnë nëpërmes Ambasadës së Rusisë në Shkup.

“Do ta kemi parasysh solidaritetin e Maqedonisë që bazohet në akuza të paprovuara për aktivitetet ruse. Besojmë se prioritetet duhet të reflektojnë dhe të korrespondojnë me kërcënime të përbashkëta dhe sfida. Këta deklarata aspak nuk i ndihmojnë përpjekjeve publike të Maqedonisë për t’i përmirësuar raportet e interesit të ndërsjell me Rusinë”, thuhet në reagimin e Ambasadës ruse në Shkup.

/Koha/

KOVID-19: 824 raste të reja dhe 31 viktima, shërohen 682 pacientë

/

Instituti i Shëndetit Publik njofton, se në Maqedoninë e Veriut janë regjistruar 824 raste të reja nga 3.988 testime të realizuara.

Në po të njëjtën periudhë, janë shëruar 682 pacientë, ndërkaq jetën e kanë humbur 31 persona.

Që nga fillimi i pandemisë, në vend janë realizuar 688.876 testime. Prej tyre, pozitivë kanë rezultuar 146.733 persona.

Nga personat e infektuar, 122.121 e kanë fituar betejën me virusin, ndërkaq jetën e kanë humbur 4.419 të tjerë. Numri i rasteve aktive arrin në 20.193.

Dënohet personi që goditi shenjën e trafikut dhe e publikoi në rrjetet sociale

/

Sektori për Punë të Brendshme Tetovë ka identifikuar  dhe sanksionuar personin T. I.  (17) nga Gostivari, i cili duke vozitur një katërcikël më datë 4 të këtij muaji afër kryqëzimit të rrugëve “Zhivko Brajkovski” dhe “101” në Gostivar, ka kaluar trotuarin ku ka goditur dhe dëmtuar një shenjë trafiku ,,STOP” dhe më pas videon e regjistruar e ka publikuar në rrjetet sociale. 

Sot pasdite, në Departamentin e Sigurisë së Trafikut Rrugor në Gostivar është realizuar një bisedë zyrtare me të dhe ndaj tij janë përgaditë dy parashtresat adekuate në përputhje me Ligjin për Automjete.

Ende nuk dihet nëse masat restriktive do të vazhdohen pas 20 prillit

/

Autoritetet nuk kanë diskutuar vazhdimin ose jo të masave restriktive kundër Kovid, edhe pse ministri i Shëndetësisë ditë më parë paralajmëroi se kjo çështje do të diskutohej në fundjavë. Kufizimet vlejnë deri më 20 prill. Filipçe tha se vazhdimi i masave varet nga gjendja epidemiologjike.

Ndërkohë dhe sot ka vazhduar procesi i vaksinimit të qytetarëve mbi 70 vjeç. Deri më tani janë vaksinuar rreth 39 mijë qytetarë ndërsa rreth 170 mijë të tjerë presin radhë për imunizim. Të hënën dhe më 19 prill pritet të arrijnë nga 10 mijë doza të vaksinës Pfizer, ndërsa më 28 prill është njoftuar mbërritja e 200 mijë vaksinave kineze.

Por, opozita maqedonase protestoi edhe sot për siç thotë mungesën e vaksinave kundër kovid19. VMRO kërkoi sërish dorëheqjen e Ministrit të Shëndetësisë Filipçe.

Në vend që të blej vaksina dhe respiratorë, ministri i Shëndetësisë ka angazhuar 4 kompani për PR – marrëdhënie me publikun. Ne kemi ministër i cili në vend se të blejë vaksina gjen kompani përmes së cilave përfiton nga vaksinat. Ne kemi ministër i cili në vend që të blejë respiratorë, ai gjen kompani përmes së cilave pasurohet. Ne kemi Spitale të cilat nuk kanë reagensë dhe si pasojë nuk mund të testohemi në shtetërorë për antitrupa”, tha Lupço Prenxhov, deputet i VMRO-së.

Për momentin në vend ka mbi 20 mijë raste aktive me Kovid 19. Nga fillimi i pandemisë e deri më sot janë regjistruar mbi 145 mijë raste pozitive ndërkaq numri i të shëruarve është rreth 122 mijë./Alsat

(VIDEO) Katër anëtarë jetojnë me 5 mijë denarë, i zoti i shtëpisë kërkon ndihmë

/

Ky është Hasan Xhemaili nga Shkupi. Ai jeton me dy djemtë dhe gruan e tij. Kur shkuam për ta vizituar, ishte vetëm. Tha se gruaja kishte shkuar për kontrolle, me që ka probleme me zemrën.

Sikur të mos mjaftonin sëmundjet, kjo familje po vuan edhe nga varfëria. Hasani thotë se kur mundet punon, por edhe ai nuk është mirë me shëndet.

“Për atë unë po mundohem me aq sa mundem, kur ka ndonjë punë private punoj. Po luftoj deri në sekondën e fundit. Edhe unë nuk jam i shëndetshëm. Të kisha qenë mire me shëndet do të kisha shkuar në Entin për punësim të më gjejnë punë. E si të jetojë një familje 4 anëtarësh me 50 euro?”, u shpreh ai.

Dëshira e tij është të kenë shëndet dhe të ta rinovojë shtëpinë.

“Edhe unë vetë nuk e di se si tu ndihmojë fëmijëve të mi. Nuk e di çfarë të tregoj, nuk kamë ndonjë dëshirë të madhe të jetojmë dhe sa të mundem ta rinovojë shtëpinë“, thotë Xhemaili.

Aliu është shoku i Hasanit me të cilin njihen prej kohësh. Ai është berber dhe tregon se me aq sa mundet po e ndihmon shokun e tij.

“Shoku më vjen thuajse çdo ditë në dyqanin tim, kërkon nga unë ndihmë, ushqim. Aq sa mundem unë e ndihmoj, unë si floktarë aq sa mundi e ndihmoj”, shtoi më tej ai.

Të ardhura mujore kanë vetëm 5 mijë denarë të ndihmës sociale. Hasani thotë se janë shumë pak për të mbijetuar pasi po duhet të blej edhe ilaçe për gruan e tij.

Ali Fevzi 070 330 566

 

Komuna e Tetovës: Shembja e dheut në rrugën e Banjës është si pasojë e punimeve

/

Komuna e Tetovës përmes një komunikate, ka dhënë të gjitha detajet e shembjes së dheut në rrugën e Banjës së Tetovës informon Tetovasot.

Komuna informon qytetarët se shembja e dheut në rrugën e Banjës së Tetovës është si pasojë e aktiviteteve të planifikuara punuese që kanë të bëjnë me rekonstruimin e pjertësive në disa pika kritike ku kemi rëshqitje të dheut!

Për këtë qëllim komuna e Tetovës tanimë 2 javë ka angazhuar maqineri dhe ekipe punuese të cilat për më shumë se dy javë janë duke punuar për menjanimin e pjertësive në pjesën sipër rrugës së Banjës, me qëllim zgjidhjen afatgjate të këtij problemi.

Aktivitetet punuese do të zgjatin edhe ditët në vazhdim deri në menjanimin e plotë të rrezikut potencial për qytetarët që qarkullojnë në këtë zonë rekreative të qytetit!thuhet në komunikatë. TETOVASOT

(VIDEO) Eco Guerilla: Ky eskavator shkaktoi shembjen e dheut në Banjë të Tetovës

/

Organizata joqeveritare “Eco Guerilla” ka publikuar një video ku shihet një eskavator duke hedhur dheun nga lart, e që duket se është shkaktari për shembjen e dheut në rrugën e banjës në Tetovë, raporton Tv SHENJA.

“Ne, duke pritur arsyetimin e radhës nga Komuna e Tetovës për “fatkeqësi natyrore” ose tërmet që ka ndodhur në rrugën e Banjës, tash na shfaqet videoja që shembja e dheut është shkaktuar nga punimet e bagerit. Në rrugë nuk ka pasur asnjë sinjalizim për mbrojtje, ka mundur të ketë edhe viktima. A e ka ndërmend Prokuroria t’a hetojë dikend në Tetovë apo do flej gjumë?”, theksohet në reagimin e “Eco Guerillës”.

Në gjoksin e Iles rrah zemra e Vericës, kirurgët shpëtuan tre jetë

/

Organet që familja e 20-vjeçares Verica Bellqovska vendosi t’i dhurojë për qëllime mjekësore për një ditë kanë shpëtuar jetët e tre personave. Fillimisht mjekët gjatë ditës së sotme kanë kryer transplantim të zemrës, dy veshkave si dhe transplantimin e indit kockor.

“22-vjeçari Ile Strezovski në gjoksin e të cilit sot është transplantuar zemra e donatores së ndjerë Verica Bellqovska është zgjuar dhe është i kontaktueshëm, të gjitha parametrat i ka mirë, njoftoi kirurgu i zemrës, D.r Sashko Jovev, pjesë i ekipit mjekësorë.

Familja e Iles ka falënderuar familjen e 20-vjeçares, Verica Bellovska si dhe mjekët.

“Fillimisht i shpreh ngushëllime familjes së Vericës së ndjerë, përmes së cilës ja djali im arriti të bëhet me zemër prej dhuruesit, që mundësuan që djali im të vazhdojë jetën. Djali t i punonte zemra diku 14 për qind, kërkuam dhurues dhe ja falë zotit u gjet. Kam folur me djalin, ndjehet mirë”, tha Svetko Strezovski, baba i Ile Strezovskit.

Ministri i Shëndetësisë, Venko Filipçe tha se mundësia e vetme që Ile të jetojë ka qenë përmes transplantimit të zemrës.

“I riu Ile Strezovski vuante nga dekompenzimi i zemrës, formë e sëmundjes që bën që zemra të rrah shumë dobët, dikund rreth 10 për qind nga kapaciteti i plotë. Shpëtimi i vetëm ka qenë transplantimi i zemrës”, tha ministri Filipçe.

Ekipi i udhëhequr nga D-r Sasho Dohqev dhe D-r Sotir Stavridis , që sot kreu transplantimin e veshkave të Vericës së ndjerë tek një 27-vjeçar dhe një 40-vjeçar njoftoi se edhe tek këta pacientë gjendja është e qëndrueshme. Autoritete shëndetësore njoftojnë se ditëve në vijim nga organet e Vericës së ndjerë do të transplantohet ind kërcorë dhe kocka kryesisht për pacientë të operuar, me metastazë të kancerit të kockave si dhe tek pacientë me lloje tjera të kancerit.