Kosovë - Page 3

Limaj: Osmani kaloi kompetencat e saj me shkarkimin e Dakës, opozita të konsiderojë bojkotin e zgjedhjeve

Kryetari i Nismës Socialdemokrate, Fatmir Limaj, thotë se data e zgjedhjeve lokale mbeti nën hije pas shkarkimit të kryesueses së Komisionit Qendror Zgjedhor, Valdete Daka nga presidentja e vendit, Vjosa Osmani.

“Data është afat ligjor dhe zgjedhjet janë paraparë për në tetor dhe cila datë brenda tetorit është çështje teknike. Por, rëndësi ka që janë në afat ligjor. Datën e zgjedhjeve e lë në hije ajo që ndodhi një ditë më parë me shkarkimin e kryesueses së KQZ-së dhe besoj se diskutimi dhe ajo që mori vëmendjen është vendimi i presidencës për shkarkimin e Dakës”.

“Ne mund të kemi vërejtje në ushtrimin e detyrave të tyre por kjo nuk duhet të dërgoj në shkarkimin e personave të tillë pasi ne jemi vend demokratik dhe ka procedura ligjore të cilat janë të qarta”.

Limaj në Rubikon deklaroi se Osmani kaloi kompetencat e saj me shkarkimin e Dakës teksa thotë se ky është rast kushtetues, njofton Klankosova.tv.

“Besoj që është shkelje e pastër e kompetencave dhe shkelje kushtetuese pasi KQZ është institucion i pavarur dhe presidentja duhet të kujdeset për pavarësinë e këtij institucioni dhe Osmani e ka keqkuptuar kompetencën e vet pasi mund ta bëjë emërimin dhe jo shkarkimin pasi është një zinxhir që duhet të respektohet për shkarkim. Mendoj se ka dalë jashtë kompetencave me shkarkim sidomos pa një konsultim paraprak”.

“E arritura më e madhe në demokracinë e Kosovës mendoj që është mbarëvajtja e zgjedhjeve bashkë me KQZ-në, PZAP-në dhe Gjykatën Kushtetuese të cilat asnjëherë nuk kanë dalë jashtë kompetencave pasi ne kemi përcjellë ankesa në PZAP ose kërkesa në Gjykatën Kushtetuese”, tha Limaj.

“Vendimi është më shumë kolumne sesa vendim i bazuar në ligj. Problem është të kuptohet shteti pasi vërejtjet dhe kritikat tona duhet të jenë të qarta në përmirësimin e punës së një institucioni dhe shkarkimi nuk duhet të jetë ndëshkim. Në vendim nuk kam parë ndonjë thirrje të ndonjë neni por nenit të presidencës e që edhe ai është gabim. Presidentja nuk do duhej të lejonte që partitë politike të ndikojnë në ndonjë vendim të saj”.

“Ka rast për Gjykatën Kushtetuese nuk jam duke folur për individin por për institucionin pasi nëse sot bëhet një veprim i tillë kush na garanton që presidenti i ardhshëm nuk do e bëjë një të tillë”.

Mes tjerash Limaj thotë se opozita duhet të konsiderojë bojkotin e zgjedhjeve lokale që do të mbahen më 17 tetor të këtij viti pas shkarkimit të Dakës.

“Për ruajtje të integritetit të KQZ-së duhet të bojkotohen zgjedhjet pasi duhet të shërbej si mësim që nuk duhet të rrezikohet integriteti i institucioneve të pavarura. Opozita duhet të paralajmëroj që të hiqen duart nga institucionet e pavarura dhe nëse duhet të bojkotohen zgjedhjet”.

E përsërisë jo në emër të individit por se bëhet rrugë që të ketë ndërhyrje në institucione të pavarura”, tha Limaj.

Molliqaj për katër propozimet e Kurtit në Bruksel: Idiotësi në të gjitha rrafshet

Kreu i Partisë Socialdemokrate, Dardan Molliqaj ka folur për takimin e djeshëm të kryeministrit të Kosovës, Albin Kurti me presidentin serb, Aleksandër Vuçiq në Bruksel.

Molliqaj në Pressing të T7, lidhur me katër propozimet e Kurtit në këtë takim tha se janë idiotësi në të gjitha rrafshet.

Ai tha se në vend të kërkesave më mirë do të ishte të bëheshin kritika.

“Kurti tjetër lloj kompromisi po don, njerëz që e mbështesin thonë nuk bën ky kompromis pastaj kur bën kompromis thonë ky e bëri kompromisin më të vogël të mundshëm, se me qenë dikush tjetër në vendin e tij e kishte bërë më keq. Kjo është idiotësi në të gjitha rrafshet, se ti para kundërshtarit po bën kërkesa duke e ditë që nuk të pranohen, më mirë është më bë kritikë.”, tha Molliqaj.

Tutje ai tha se ky lloj i dialogut, me këtë agjendë, paraqet vetëm rrezik për Kosovën.

“Kurti nuk dëshrion me u tërheqe nga procesi i dialogut, pa pikën e kujdesin është duke i kapë të gjitha institucuionet, fort dhe krejt, fort dhe krejt. Ne nuk jemi kundër dialohut, por këtë lloj me këtë agjendë Kosova pret vetëm rrezik”, tha ai.

Kujtojmë se Kurti ka treguar dje katër kushtet që i ka Kosova për dialogun me Serbinë, megjithatë tha se të njejtat u refuzuan nga pala serbe. Ai shtoi se për propozimine tij të parë nuk u përgjigjën, ndërkaq tri propozimet e tjera i refuzuan.

Abrashi i LVV-së: Kosova në dialog po përfaqësohet në nivel shumë më serioz se më parë

Deputeti i LVV-së në Kuvendin e Kosovës, Artan Abrashi duke komentuar dialogun e ditës së djeshme në Bruksel, ka thënë se ka një dinamikë të re në dialog.

“Përshtypja jonë nga ai takim është se tashmë Kosova përfaqësohet në nivel shumë më serioz dhe ka një qasje shumë më proaktive se që ka pasur më herët”, deklaroi Abrashi në “Debat Plus”.

Ai thotë se LVV në të kaluarën ka pasur vërejtje për dialogun pa parime.

“Është bërë një dëm shumë i madh nga klasa e vjetër politike. Albin Kurti është zotuar se do t’i zhbëjë këto dëme të bëra në të kaluarën”, tha ai, përcjell Telegrafi.

Abrashi thotë se LVV vazhdimisht e ka përmendur se dialogu nuk është prioritet.

“Më vjen mirë që dialogu nuk po i merr shumë energji dhe kohë zotit Kurti pavarësisht se është krijuar përshtypja në publik, por definitivisht nuk është tema kryesore dialogu”, tha ndër të tjera Artan Abrashi.

Ferdonije Qerkezi flet për dialogun për të pagjeturit

Ferdonije Qerkezi, heroina e luftës së Kosovës nga qyteti i Gjakovës, e cila humbi burrin dhe katër djemtë e saj nga forcat serbe, më 1999-ën ka mirëpritur rifillimin e bisedimeve ku temë e mundshme mund të jenë edhe çështja e të pagjeturve.

“Pa bisedime asgjë nuk mund të bëhet. Me bisedime mund të bëhet diçka”, deklaroi nëna nga Gjakova.

Qerkezi pret nga qeveria e re të bëjë më shumë për fatin e pagjeturve duke mos e mohuar edhe kontributin e qeverive paraprake.

Djali i madh dhe i vogël i nënës nga Gjakova janë gjetur, derisa bashkëshorti dhe dy djem tjerë ende nuk janë gjetur.

“Shpresoj se një ditë do të gjendet edhe bashkëshorti dhe dy djemtë tjerë dhe djemtë e të gjitha nënave të Kosovës”, është shprehur tutje Ferdonija.

Qerkezi thotë se shtëpia aktuale do të bëhet muze për t’iu treguar brezave atë çfarë ka bërë Serbia në Kosovë.

Molliqaj përplaset me Gashin: Po flet sikur dikush në një shitore fshati

Kryetari i PSD-së, Dardan Molliqaj, ka debatuar në emisionin Pressing në T7 me avokatin Tomë Gashi.

Gashi po fliste për paraqitjen e kryeministrit të Kosovës, Albin Kurti, në Bruksel, duke thënë se është paraqitja më e mirë e ndonjë përfaqësuesi të Kosovës në dialogun me Serbinë. Ai ndërkohë tha se Kurti nuk ka nevojë që t’i japë llogari BE-së apo SHBA-së për kërkesat e tij dhe shtoi se ai nuk mund të shantazhohet.

Këtu reagoi Molliqaj duke thënë se analiza e Gashit nuk vlen.

“Toma po flet sikur dikush në një shitore fshati. Aq ka rëndësi per mua komenti i tij. Nuk mund të diskutosh me njerëz të këtillë”, tha ai.

Tutje ai shkoi më tej duke i thënë Gashit se po i laritet Kurtit.

“Laritja ndaj Kurtit është e gërditshme. Une të njoh mirë Tomë”, tha ai.

Gashi iu kundërpërgjigj Molliqajt pas këtyre fjalëve.

“Ky është niveli yt. A flet ti kështu. Edhe unë ty të njoh.”, tha Gashi.

Molliqaj më vonë shtoi se Kurti do të sjellë pasoja për Kosovën me paraqitjet e tij në Bruksel.

Molliqaj: Kosnett po ia çelë derën Kurtit drejt Asociacionit

Kryetari i PSD-së, Dardan Molliqaj, ka thënë në emisionin Pressing në T7 se letra e ambasadorit të SHBA-së, Philip Kosnett, drejtuar kryeministrit Albin Kurti vetëm ia lehtëson punën këtij të fundit që të pranojë Asociacionin.

Ai thotë se letra nuk është kundërshtim ndaj Kurtit dhe si PSD ata e kuptojnë ndryshe atë letër.

“Ne e lexojmë ndryshe letrën e Kosnettit për dialogun. Ai nuk ishte kundërshtim ndaj Kurtit, por ishte dicka tjetër. Ai po ia hapë derën Kurtit për Asociacionin. Atje është biseduar dicka dhe është arritur një marrëveshje për kornizën e dialogut. Pra dihet se për cfarë do të bisedohet. Kurti do ta pranojë këtë Asociacion pasi do të thotë se kam presion nga ndërkombëtarët dhe nuk kam zgjidhje tjetër. Ai po e përgatit terrenin pasi nuk ka zgjidhje tjetër“, tha Molliqaj.

Tutje ai tha se edhe zgjidhjet që janë në dispozicion janë të mangëta.

“Janë vetëm dy opsione. Asociacioni apo status-quoja. Kjo e dyta është më e rrezikshmja. Dhe duket se pikërisht këtë po e do ai”, përfundoi Molliqaj.

​Qytetarët e Prishtinës për 11 orë ruajnë mbi 470 mijë euro

Qytetarët e Prishtinës që nga ora 09:00 e mëngjesit kanë vazhduar të mbrojnë paranë publike.

Deri në orën 20:00 ata “ruajtën” mbi 470 mijë euro të buxhetit pubik

E gjithë kjo është bërë e mundur përmes performancës “Sinjalizo” nga Agjencia Rajonale kundër korrupsionit (RAI).

Ata patën mundësi të shohin se sa para mund të shpëtohet kur sinjalizohen dhe raportohen rastet e korrupsionit ose keqpërdorimit me paratë publike.

Ky aktivitet do të zgjas deri në ora 23:00 derisa në fund do të kuptohet vlera e parave që kanë arritur të kursejnë qytetarët e Prishtinës.

Një kampanjë e tillë më parë është mbajtur në Shqipëri.

Vuçiq kërkon hapjen e arkivave të UÇK-së

Në serbisht e shqip nga zyra e presidentit në Beograd, kumboi emri i Ushtrisë Çlirimtare të Kosovës.

Presidenti i Serbisë, Aleksandar Vuçiq përmend UÇK-në në kontekst të kërkesës së tyre që e kanë për autoritet e Kosovës për siç thotë ai hapjen e arkivave të gueriles kosovare.

“Ne po kërkojmë të dhënat se ku ndodhen varrezat masive me civil e ushtarë serbë por neve na kanë thënë se kjo arkiv nuk ekziston. Ne kemi gjetur dëshmi se kjo arkiv ekziston. Mund ta gjeni këtë në librin që flet për krimet e serbëve ndaj shqiptarëve, një libër që ata e kanë shpërndarë në krejt botën.” tha Vuçiq të mërkurën në konferencë për media.

Madje Vuçiq, flet edhe për autorin e librit.

“Autor është Nusret Pllana. Ai deklaron se materialin e shfrytëzuar për përmbajtjen e këtij libri e ka marrë nga depoja e Ushtrisë Çlirimtare të Kosovës. Por ata tani na sigurojnë se jo që nuk ka depo por as arkiva s’ka ekzistuar. Natyrisht që kjo bëhet për mos t’i rënë në gjurmë krimeve të të ashtuquajturës UÇK”.

Paraqitjen nga presidenca Vuçiq e bëri Kryetari i Serbisë për siç tha të ju tregoj të gjithëve sesa vështirë e kishte takimin me kryeministrin e Kosovës, Albin Kurti të martën në Bruksel.

Vuçiq, deklaroi se nuk pajtohet me asnjërin nga katër propozimet e Kurtit që i hodhi në tavolinë për pajtim dhe se njohjen e shtetit të Kosovës ai kurrë nuk do ta bëjë.

​Shoqëria civile: Të mos procedohet në seancë plenare votimi i Komisionerit për Informim dhe Privatësi

Shoqëria civile kërkon nga partitë në pushtet që të mos e procedojnë në seancë plenare votimin e Komisionerit për Informim dhe Privatësi.

Në një komunikatë për media organizatat e shoqërisë civile thonë se kandidati për këtë pozitë, Enver Bujari, ka manipuluar me CV-në e tij, duke mos ofruar dokumentin që dëshmon mbi përvojën e punës, ashtu siç është kërkuar me konkurs dhe ligj, por vetëm raportin e Trustit Pensional.

ShoqëriaCivile vlerëson se Komisioneri për Informim dhe Privatësi do të jetë personi më i rëndësishëm në Kosovë në mbrojtjen e të dhënave personale dhe garantimin e qasjes në dokumente publike.

“Ai duhet të jetë profesional, pa ngjyrosje politike dhe me integritet të lartë. Shpresojmë që Lëvizja Vetëvendosje do të reflektojë dhe nuk do të rrezikojë një institucion kaq të rëndësishëm”, thuhet në njoftim.

Kjo është komunikata e plotë e përbashkët e tetë OJQ-ve:

Ne, organizatat dhe aktivistët e poshtëshënuar, pas mbledhjes së dëshmive shtesë rreth kandidatit Enver Bujari, kërkojmë nga Lëvizja Vetëvendosje dhe partitë në pushtet që të mos e procedojnë tutje këtë proces.

Pas dyshimeve që z.Bujari ka ndryshuar të dhënat për përvojën e punës dhe edukimit, përmes te drejtës së qasjes në dokumente publike, ne kemi siguruar dosjen e plotë te aplikimit të tij.

Sipas dokumenteve të ofruara rezulton që z.Bujari nuk ka ofruar dokumentin që dëshmon mbi përvojën e punës, ashtu siç është kërkuar me konkurs dhe ligj, por vetëm raportin e Trustit Pensional. Ky dokument është i rëndësishëm sepse për këtë pozitë kërkohet që kandidatët të kenë: Të kenë, së paku, tetë (8) vite përvojë pune profesionale, nga të cilat, së paku, pesë (5) vite përvojë në pozita udhëheqëse, dhe vetëm me raportin e Trustit Pensional një gjë e tillë nuk mund të dëshmohet.

Në mungesë të këtyre dëshmive, deputetët e panelit intervistues – të përbërë nga Lëvizja Vetëvendosje dhe partitë tjera në pushtet- nuk është dashur që të ftonin z.Bujari fare në intervistë.

Përgjegjësia për të kontrolluar dosjen i takon deputetëve të panelit intervistues. Për këtë dështim, ne mbajmë përgjegjës këta deputetë: Fatmir Humolli, Shqipe Mehmeti Selimi, Mefail Bajqinovci, Enver Dugolli dhe Arbër Rexhaj nga Lëvizja Vetëvendosje, Erxhan Galushi dhe Lëvizja Përparimtare e Romëve të Kosovës dhe Slavko Simić nga Lista Serbe.

Duke ditur që z.Bujari nuk e ka dorëzuar aplikacionin e plotë, aplikacioni i tij duhet të konsiderohet si i pavlefshëm.

Ligji për Mbrojtjen e të Dhënave Personale kërkon që seances plenare t’i paraqiten tre kandidatë. Pavlefshmëria e aplikimit të z.Bujari lë në garë vetëm dy kandidatë, në kundërshtim me ligjin në fjalë.

Kujtojmë që ky proces është shoqëruar me më së shumti parregullësi, duke filluar nga perbërja e panelit në kundërshtim me praktikën parlamentare, jotransparenca gjatë vleresimit të kandidatëve dhe vleresimi i lartë i kandidatitët qe nuk ka përformuar më së miri ne intervistë.

Komisioneri për Informim dhe Privatësi do të jetë personi më i rëndësishëm në Kosovë në mbrojtjen e të dhënave personale dhe garantimin e qasjes në dokumente publike. Ai duhet të jetë profesional, pa ngjyrosje politike dhe me integritet të lartë. Shpresojmë që Lëvizja Vetvendosje do të reflektojë dhe nuk do të rrezikojë një institucion kaq të rëndësishëm.

Ndërkaq, për dy kandidatët e tjerë, Krenare Sogojeva Dermaku dhe Edon Miftari jemi në pritje të marrjes së dosjes së plotë nga Kuvendi i Kosovës.

FOL

Flutura Kusari

GLPS

KDI

KCSF

Çohu

D4D

GAP

Buxhovi: Partitë opozitare e kanë humbur kredibilitetin të diskutojnë për dialog

Historiani Jusuf Buxhovi, duke folur në lidhje me dialogun Kosovë-Serbia tha se çështja e njohjes duhet të jetë qëllim por jo çdo gjë domosdoshmërisht duhet të përfundojë me njohje.

Ai ka hedhur kritika në drejtim të partive opozitare që po e kundërshtojnë Kurtin në këto momente.

Buxhovi tha se të njëjtit duhet të heshtin pasi e kanë sjellë Kosovën në këtë gjendje.

“Sa i përket njohjes unë jam pak më fleksibil, ajo është sforcu është thënë, ajo duhet të jetë qëllim, por jo çdo gjë domosdoshmërisht duhet të përfundojë me njohje. Do të ishte një ‘karrem’ po qe se politika e Kosovës vazhdimisht do të mbetej tek ai pozicionim. Duhet të shkojmë, të hapim çështje dhe njohja mund të jetë në fund, por jo domososhmërisht do të jetë. Edhe Vuçiqi e tha dje tha se Serbia nuk do ta njohë Kosovën, është shumë reale ajo, edhe Izraeli nuk njihet nga shumë shtete të botës por kjo nuk e pengon të funksionojë si shtet. Edhe kjo nuk duhet të na pengojë që në raport me Serbinë por edhe me rajonin të forcojmë pozicionin tonë si shtet. Nëse ne do të jemi shtet i të drejtës, i ligjit, shtet pa korrupsion, shtet pa abuzime dhe të gjitha ato shkelje që janë bërë gjatë këtyre  viteve, politika jonë ka qenë shumë e papërgjegjshme, dhe akterët që kanë qenë pjesë e kësaj politike po i dëgjoj të kritikojnë Kurtin që po i lëshon pozicionet . Kurti nuk ka kurrfarë pozicioni në këtë aspekt sepse ende ska fillu. Kujtojmë sespe opozita dhe të gjithë ata që e kanë pru Kosovën në këtë gjendje ose duhet të heshtin ose duhet të largohen prej politikës. Ata nuk kanë kurrfarë të drejte as morale dhe as politike që të japin këso deklarata dhe të kundërshtojnë”

Ai tutje tha se partitë opozitare, duhet të reformohen.

Ai tha se në këto momente ajo që po jep shenja të një partie normale është vetëm LDK-ja.

“Ata duhet të dalin me një projekt, nëse kanë, por po shihet që s’kanë, përveç LDK-së që ka dhanë shenja që mund të kthehet në një parti normale çfarë i takon sepse është një parti historike, këto dy partitë tjera nuk janë as opozitare, ato janë më shumë parti private, despotike, feude sepse kanë probleme shumë të madhe me veten. Ato vetëm nëse reformohen atëherë mund të jenë pjesë e dialogut, kështu si po sillen vetëm sa mund t’i bëjnë dëm Albin Kurtit. Këto parti e kanë humbur kredibilitetin moral dhe politike që së paku të kritikojnë me këtë diskursin që i dëgjova dje, nuk kanë kurrfarë të drejte morale. Ata kanë hyrë në marrëveshje të fshehta dhe gjysmë të fshehta me Serbinë, ata faktikisht i kanë hapur derën pazarit të shtetit i cili ndërkombëtarisht ka qenë i pranuar në GjND të tjera dhe nuk kanë patur kurrfarë arsyeje që atë pozicion ta lëshojnë. Prej trajtimit të pakicave serbe që të integrohen në Kosovë, po ashtu Veriu që është në dorë të formacioneve paramilitare dhe gjysmë-kriminale, të largohet nga ai pozicion dhe t’i afrohet institucionalizimit. Shumë prej oponentëve të këtyre partive kanë bashkëpunuar me ato struktura atje, kanë ndarë haraqe, ka shumë informaciuone. Këto parti së pari duhet të shkojnë pozicionet e tyre”tha Buxhovi në “Intervistën e Javës “ në Gazeta Blic.