Kosovë

Të rinjtë model të fshatit Llapushnik

Ka vite që kjo rini është shndërruar si model se si duhet mirëmbajtur ambienti ku jetojnë. Mbledhja e mbeturinave, mbjellja e fidanëve, pastrimi i rrugëve dhe iniciativat e tjera në shërbim të komunitetit tanimë janë pjesë përbërëse e këtyre të rinjve të fshatit Llapushnik konkretisht në rrugën QAMIL THAQI.

Në këtë kohë Patriotizmi me i madh është kontributi për vendin ku jetojmë, prandaj për mua dhe të tjerët që përjetojnë aktivitete të këtyre të rinjve është patriotizëm i vërtetë. Nuk është normale të rrijme në shtrat dhe të postojmë shkrime duke akuzuar vendin për mbeturinat që vet i hedhim në rrugë apo sheshe, por duhet të bëjmë përpjekje të gjithë që ata mirëmbajmë vendin ku jetojmë.

Kjo lagje në Llapushnik me një rini të shendosh dhe shumë të organizuar meriton respekt, dhe këta të rinj meritojnë që të ndihmohen me investime të vazhdueshme. Puna dhe përkushtimi i tyre tregon se e ardhmja e vendit tonë është e sigurt, dhe këta të rinj po mbjellin themelet e një fshati, qyteti e Shteti të shendosh.

Faleminderit që po shndërroheni në një model të mirë të patriotizmit modern duke kontribuar për komunitetin.
Faleminderit që po motivoni edhe të tjerët që të merren me iniciativa të tilla.

Do ta keni gjithmonë mbështetjen tonë!

(Autor: Petrit GASHI, asamblist në KK- Drenas)

Shpallet gjendje e jashtëzakonshme në Deçan, 2 të vdekur dhe rreth 900 të helmuar nga uji

//

Komuna e Deçanit ka shpallur gjendje emergjente pas helmimit të rreth 900 personave që nga dita e diel. Dyshimet e vetme deri tani janë nga uji i pijshëm me të cilin furnizohen banorët nga disa fshatra. Dy persona kanë humbur jetën, ndërsa numri i personave në spital ka shkuar rreth 900 nga helmimi masiv në Deçan të Kosovës.

Dyshohet se shkak i helmimit mund të jetë uji i ujësjellësit, por megjithatë priten ende analizat mikrobiologjike për të dalë në një përfundim.

Kryetari Komunës së Deçanit Bashkim Ramosaj, hedh dyshime se ngjarja mund të jetë e qëllimshme, ndërsa thotë se kjo është hera e dytë brenda një muaji që ndodhin helmime.

“Është hera e dytë brenda një muaji që po raportohet e njëjta skenë që na bën të mendojmë se ngjarja mund të jetë e qëllimshme. Prokuroria dhe hetuesit po merren me ngjarjen. Nëse analizat mikrobiologjike e nxjerrin ujin të dëmshëm, për personat përgjegjës do të ndërmerren masa ndëshkuese politike, ligjore e administrative”, tha ai.

Rastet e helmimit filluan që para dy ditësh, ku persona nga fshatrat Irzniq, Prilep e Lugu i Branit, kërkuan ndihmë në spital, pas shfaqjes së simptomave, ndërsa dyshimet janë te uji për shkak se këto fshatra furnizohen të gjithë nga i njëjti ujësjellës.

Edhe banorët janë shprehur se rrjeti i ujësjellësit është i amortizuar dhe ka shumë probleme. Mësohet se furnizimi me ujë në këto fshatra është ndërprerë deri në daljen e përgjigjes së analizave.

ISMET SYLEJMANI: Ali Ahmeti dhe Amerika

///
Populli shqiptar dhe historia e tij e luftërave për liri dhe pavarësi, në katalogun e tij, ka shumë pak udhëheqës të cilët hynë në rreshtin e parë dhe mbetën në ballin e listës, nga lartësia e së cilës jo vetëm nuk u hoqën kurrë, por përfunduan model e u benë kopje besnike, në të cilën u frymëzuan qindra dhe mijëra shqiptar të rinjë!
Ali Ahmeti, është njëri nga ata, që si titan është futur në garë për të qenë i parë në kolonën e artë, të Udhëheqësit të popullit shqiptar, te i cili ushqehet e ardhmja e Kombit, te i cili Atdheu e ka birin besnik, te i cili politika ka modelin gjithnjë e më të perkryer, te i cili diplomacia ka burrin e urtë që e hedh hapin e sigurtë drejt lidhjes se aleancave pozitive e jetike shekullore për vendin!
Ali Ahmeti në zemër të Kombit tonë ka hyrë përmes maratonës së gjatë mbi 40 vjeçare të aktivitetit të tij politiko-patriotik ilegal atdhetar, ushtarako-çlrimtar dhe aty është barikaduar dhe ka mbetur përgjithmonë, si njëri prej lindjeve më të mëdha dhe dalëzotësi besnik i intersave më vitale të Kombit të Tij, nga më të vjetrit e nga më të lashtit në botë!
Ali Ahmeti është i pari dhe i fundit deri tash në historinë e Atdheut tonë, që vargun e sukseseve të Tij, e vazhdon me ritëm e tempo të njëjtë, e cila jo vetëm shkon kreshendo, por ajo në valvulat e saj shënon rritje e ngritje, kualitative e kuantitative, të cilat po u tentuan të kapen nga të dyja anët, sikur shkopi, ska politikan që i përballon e i pushton ato, sepse brenda tyre ka histori legjendare që përmbledhin ngjarje të cilat tronditën botën dhe çliruan shqiptarët nga të kqijat, nga okupimet, nga roberia dhe prapambetjet!
Ali Ahmeti është i fundit nga gjenerata e re shqiptare, që është figura me e spikatur dhe që për busull të tij të aktiviteteve kombëtare kishte dhe ka dashurinë ndaj Nanë Shqipërisë e Kombit, kurse busull politike besnikërinë e tij te kursi përparimtar politiko-diplomatik të politikanit modern shqiptar që Ameriken jo vetëm e ka në plan të parë por e ka dhe e mbanë të pazëvendësueshme, sepse SHBA është jo vetem garantuesja dhe zbatuesja e çdo proçesi dhe reforme pozitive kombëtare e njerëzore, por është edhe besnikja e idealeve të mëdha e cila po të përkrahu të nxjerr në krye të radhës dhe të bën fitimtar e të radhit në mesin e atyre me nivel e kredibilitet të lartë!
Ali Ahmeti në intervistën e datës 17 Qershor 2020, në Klan Kosova te gazetari Adriatik Kelmendi, u bë i pari politikan shqiptar që e tha shkoqur dhe i vuri pikë të madhe, se me kë është Amerika, ai patjeter se do të jetë në anën e fitimtarit!
Ali Ahmeti e vulosi përfundimisht filozofinë dhe praktikën, se atë që e perkrahë dhe e mbështetë shteti gjigand i planetit SHBA, ai është demokrat e njerëzor, ai është me perspektivë dhe ligjzbatues, sepse në brendinë dhe përmbajtjen e tij ka Ameriken, e cila të mban në rresht të parë e të ulë ne ballë të kolonës së oxhakut të saj!
Ali Ahmeti në Rubikon të Klan Kosovës e tha me zë dhe u bë i pari politikan shqiptar, se kujt i del në mbrojtje Amerika, ai është i pashkelshëm, ai është i pamposhtur, ai është fitimtarë dhe bashkohet e ecë me progresivitet të plotë në hapin të cilin e akordon me aleat superfuqia e planetit SHBA!
Ali Ahmeti për idenë e Tij të madhe për Kryeministrin e parë shqiptar në Maqedoninë e Veriut e ka perkrahjen dhe mbeshtetjen e Amerikës!
Ismet Sylejmani,
Prishtinë, 21 Qershor 2020!

​Ujku zbret në fshatin Strellc i Epërm

Është sulmuar nga ujqit kopeja e deleve e fermerit Ramë Mujaj nga Strellci i Epërm, mbrëmë në orët e vona të 16 qershorit.

Fermeri ka treguar se si pasojë e sulmit janë mbtyr 12 krerë delesh.

“Është hera e parë që sulmohet në masë kaq të madhe kopeja e deleve në këto anë, është edhe trishtueshëm”, citohet të ketë thënë ai ndërsa dyshon se nuk ka qenë vetëm një ujk që ka sulmuar.

Drejtori e Bujqësisë së Komunës së Deccanit, Rifat Stojkaj, bashkë më inspektorin komunal kanë dalë sot në vendin e ngjarjes dhe kanë konstatuar se kjo kope është sulmuar nga ujku.

Pronari i kësaj ferme Ramë Mujaj apeloi për kujdes fermerët e tjerë që të kenë kujdes me kafshët që kullosin sepse ujku tashmë e ka të njohur ketë teren dhe mund të sulmojë edhe kopetë e tjera.

Tahiri kërkon që Kurti të raportojë sa më shpejt në Kuvend për takimin me Vuçiqin

Shefi i Grupit Parlamentar të Aleancës për Ardhmërinë e Kosovës, Besnik Tahiri ka kërkuar që kryeministri, Albin Kurti t’i raportojë Kuvendit sa më shpejtë për takimin në Bruksel, raporton Ekonomia Online.

“Kërkesa e AAK-së është që kryeministri Kurti të raportojë sa më shpejt para Kuvendit të Kosovës”.

“AAK-ja edhe njëherë po kërkon faljen e gjobave për qytetarët të cilët janë bërë gjatë kohës së pandemisë”.

Kurti i përgjigjet ambasadorit Kosnett për çështjen e Asociacionit

Shefi i ekzekutivit, Albin Kurti ka deklaruar se kërkesat për asociacion njëetnik nuk po vijnë nga njerëz të thjesht, por nga politikanët e fqinjët veriorë. Ai edhe një herë ka përsëritur se Kosova nuk mund të ketë asociacion mbi baza etnike. Për më tepër ka theksuar se kjo është definuar mirë edhe në aktvendimin e vitit 2015 të Gjykatës Kushtetuese.

Kështu është përgjigjur mëngjesin e së enjtes, kryeministri Albin Kurti, derisa ka komentuar për KosovaPress deklaratat e ambasadorit amerikan Philip Kosnet. Ky i fundit të mërkuren ka thënë se Kosova e ka detyrim të themelojë asociacionin e komunave me shumicë serbe.

Kurti ka deklaruar se Kosova e ka një asociacion të komunave dhe ky është funksional.

“Nuk mendoj që është e mundshme në rendin juridik dhe kushtetues të Kosovës të ketë asociacion mbi baza etnike. Mund të ketë asociacion të komunave mbi baza zhvillimore, mund të ketë mbi baza gjeografike. Ta zëmë asociacion të bjeshkëve të Rugovës, të maleve të Sharrit ose të Lumit Lepenc. Por asociacion mbi bazë etnike nuk mund të kalojë as sa i përket frymës e as germës së Kushtetutës së Kosovës. Dhe praktikisht një gjë të tillë e ka thënë edhe aktvendimi i Gjykatës Kushtetuese i publikuar me 23 dhjetor të vitit 2015”, ka thënë Kurti.

Kurti ka shtuar se janë për të drejtat e të gjitha pakicave, dhe kundër margjinalizimit apo diskriminimi.

Më tej ai ka thënë se kërkesa të tilla po vijnë nga politikanët dhe fqinjët veriorë.

“Kërkesa për asociacion etnik e cila ka tash e gati një dekadë që mbahet aktuale nuk më duket që vie nga njerëzit e thjeshtë. Por nga politikanët e fqinjët tonë veriorë”, ka deklaruar ai.

Ambasadori amerikan, Philip Kosnet të mërkurën ka thënë se Kosova ka detyrim të themelojë Asociacionin e komunave me shumicë serbe, e po ashtu që shtetet kanë detyrim që rë respektojnë marrëveshjet dhe zotimet e tyre.

PDK-ja i fton Grupet Parlamentare ta dërgojnë në Kushtetuese vendimin e Osmanit për shkarkimin e Dakës

Deputetja e PDK, Blerta Deliu-Kodra, ka thënë në seancë të Kuvendit se shkarkimi i kryetares së KQZ-së, Valdete Daka nga presidentja Vjosa Osmani është anti kushtetues dhe autoritar në shërbim të Vetëvendosjes.

Ajo ftoi të gjitha Grupet Parlamentare që ti japin nënshkrimet e deputetëve dhe paralajmëroi dërgimin e këtij vendimi në Gjykatën Kushtetuese, raporton Ekonomia Online.

Fjalimi i plotë i Blerta Deliu-Kodra:

Të nderuar kolegë deputet Qytetarë te Kosovës Me shqetësim të madh kemi ndjekur zhvillimet e fundit ne vend e veqanërisht vendimin e presidentes Osmani për shkarkim të kryesueses së Komisionit Qëndror Zgjedhor znj Valdete Daka.

Partia Demokratike e Kosovës këtë vendim e konsideron si tendencë për një qeverisje autoritare e cila provon që të vë kontroll në të gjitha insititucionet kyçe. Shkarkimi është politik i cili godet rëndë demokracinë dhe cenon institucionet e pavarura kushtetuese të vendit. Për më tepër shkarkimi i kryesueses së KQZ nga presidenca po bëhet pas zgjedhjeve të rregullta dhe demokratike në vend dhe pas një vlerësimi pozitiv të këtij institucioni nga të gjithë akterët vendor e ndërkombëtar.

Vendimi, për më tepër, rrezikon edhe pavarësinë e mbarëvajtjen e zgjedhjeve lokale, të cilat pritet të mbahen në vjeshtë, ndërkohë që KQZ në këtë fazë të përgatitjes së zgjedhjeve më shumë se asnjëherë më parë ka pasur nevojë për stabilitet. Parti Demokratike e Kosovës, konsideron se shkarkimi është krykëput shkarkim politik që ka për qëllim kapjen e institucioneve. Pra, presidentja Vjosa Osmani me këtë vendim ka shkelur Kushtetutën duke zbatuar urdhrin politik të Albin Kurtit dhe Vetëvendosjes për ta kapur edhe një institucion të pavarur kushtetues të Kosovës siç është Komisioni Qendror i Zgjedhjeve.

Dua të kujtoi se Valdete Daka si grua në krye të një institucioni të rëndesishëm, si garant për demokracinë, është sulmuar në menyrën më vulgare nga dy eksponentët e Vv-së në Kqz.

Nga jashtë është intimiduar nga krerët e zyrtarët e Vv-së dhe gjithandej Kosovës është kërcënuar personalisht e familjarisht nga aktivistët e Vetëvendosjes. Presidentja, në vend se ta deshmojë forcë për mbrojtjen e një gruaje me integritet, ajo doli në anën e kundërt, duke u bërë pjesë e një grupi politik, me çasje autoritare që intimidon, linçon e persekuton njerëz vetëm pse nuk mendojnë si këta.

Kjo flet më së miri për dhunën politike që ka nisur ta ushtrojë qeveria e Albin Kurtit nëpërmjet presidentes Vjosa Osmani për goditjen e perditshme ndaj institucioneve të pavarura dhe për kapjen e tyre. Skenari i kapjes së Komisionit Qendror të Zgjedhjeve nga ana e Albin Kurtit dhe Vjosa Osmanit ka filluar para disa javësh ku presidentja e njëanshme Vjosa Osmani nuk ka dekretuar emërimin e anëtarit të dytë të PDK-së në KQZ dhe të koalicionit VAKAT, duke synuar zëvendësimin e tyre me përfaqësues të pushtetit.

PDK fton të gjitha Ambasadat e Vendeve mike të QUINT-it që të reagojnë urgjentisht për cenimin e institucioneve të pavarura kushtetuese në Kosovë. PDK i ka gati të gjitha nënshkrimet e deputetëve të saj dhe ftojmë edhe grupet tjera parlamentare që të na bashkohen dhe ta dërgojmë kë vendim të presidentes në Gjykatën Kushtetuese.

Abbott, Konjufca e Kurti nënshkruajnë memorandum, britanikët monitorojnë rekrutimin në pozita të larta

Ambasadori britanik Nicolas Abbott, kryetari i Kuvendit, Glauk Konjufca dhe kryeministri Albin Kurti kanë nënshkruar memorandum bashkëpunimi, raporton Ekonomia Online.

Pas nënshkrimit asnjëri nga të pranishmit
nuk u deklarua për medie.

Në bazë të këtij memorandumi
ambasada do të monitorojë rekrutimin në pozita të larta.

Muja për nipin e Bislimit: E njoh qe 20 vjet Gëzim Tosunin, kurrë s’ma ka përmend se e njeh Besnik Bislimin

Deputeti i Vetëvendosjes, Armend Muja ka bërë një deklaratë pak a shumë të ngjashme me atë të ministres Albulena Haxhiu rreth punësimit të nipit të zv/kryeministrit Besnik Bislimi.

Ai ka thënë se Gëzim Tosuni asnjëherë nuk ia ka përmendur se e njeh Besnik Bislimin,

“20 vjet e kom njoftë Gëzim Tosunit, kurrë s’ma ka përmend se e njeh Besnik Bislimin’’, tha Muja në Debat Plus.

Kujtojmë që ministrja Haxhiu kishte thënë se sipas Bislimit, nipin e tij Gëzimin a e kishte parë një herë në 50 vitet e fundit.

Kurti përkujton Ukshin Hotin në ditëlindjen e tij

Kryeministri i Kosovës, Albin Kurti ka thënë se java e lëvizjes nisi më 10 qershor me shënimin e përvjetorit të Lidhjes së Prizrenit dhe përmbyllet sot më 17 qershor, me shënimin e ditëlindjes së Ukshin Hotit.

Kurti përmes një statusi në rrjeti social në Facebook ka shkruar se me aktivistë e banorë të Krushës së Madhe, në shtëpinë muze, bashkë me Avni Deharin vendosën dy palë rroba të bacës Ukë.

“Java e Lëvizjes nisi me 10 qershor me shënimin e përvjetorit të Lidhjes së Prizrenit dhe përmbyllet sot me 17 qershor me shënimin e ditëlindjes së Ukshin Hotit. Me aktivistë e banorë të Krushës së Madhe, në Shtëpinë Muze, bashkë me Avni Deharin vendosëm dy palë rroba të Bacës Ukë: xhemperin që e ka preferuar më së shumti dhe një kostum vere të cilin e veshi kur doli nga burgu i parë. Ai kostum shihet edhe në fotografinë nga një koncert i Shkurte Fejzës në Kërçovë”, ka thënë Kurti.

Sipas tij, librat e profesor Hotit, jeta e tij vepër dhe rikthimi te kjo shtëpi na mbajnë fort në rrugë të drejtë dhe përplot me energji për ecjen përpara.