Category archive

Diaspora - page 9

Mbi 20 shqiptarë kandidojnë në zgjedhjet e majit në Itali

në kategorine Diaspora

E Shtunë, 20 Prill 2019 – 20:20
albinfo.ch

Në kuadër të zgjedhjeve tripalëshe të BE-së, do të mbahen edhe zgjedhjet në Itali më 26 maj të këtij viti.
Deri më tash, kanidaturën për zgjedhjet në Itali e kanë paraqitur më shumë se 20 shqiptarë.
Gazeta “Albania News” në Itali, në artikullin “Kandidatët me origjinë shqiptare në zgjedhjet administrative të vitit 2019”, ka zbuluar emrat e kandidatëve shqiptarë, me ç’rast ka shkruar edhe nga një biografi të shkurtër për ta, përcjell në shqip albinfo.ch.
Sonila Alushi, Borana Tartari, Uljana Gazidede, Eva Meksi, Dashamir Kruja, Ina Dhimgjini, Ilda Beqo, Admir Toto, Arli Dervishi, Valbona Kalaj, Gentjan Rizo,  Petrit Malaj, Agim Lorenzo Danaj, Dejnada Kasa, Denis Bendo, Blerina Halili, Xhoana Bushi, Adel Ibraimi, Leonora Bytyqi, Roland Ndoci, Mirela Gega  dhe Xheimina Dervishi janë shqiptarët që po kandidojnë në zgjedhjet në Itali.
Ndërkaq, ministri shqiptar i Diasporës, Pandeli Majko, këtë pjesëmarrje e ka quajtur historike.
“Pjesëmarrje historike e shqiptarëve në zgjedhjet në Itali. Deri tani kanë bërë publike kandidaturen e tyre 21 shqiptarë, ndërsa pritet që numri të rritet në ditët në vijim”, ka shkruar Majko në faqen zyrtare në Facebook.

Burimi: https://www.albinfo.ch/

Ky klub i volejbollit bëhet me minibus të ri, dhuratë nga mërgimtarët 

në kategorine Diaspora

E Shtunë, 20 Prill 2019 – 8:00
albinfo.ch

Klubi i Volejbollit Peja, ka marrë një dhuratë të nga mërgimtarët në përfundimin e këtij edicioni. Atyre nga Zvicra u ka ardhur një mjet transporti-mininus, përcjell albinfo.ch 
Lajmin e ka bërë të ditur vetë klubi pejan, nëpërmjet një postimi në Facebook.
“Sot, mërgimtarët, z. Visar Muriqi dhe bashkëshortja e tij znj. Linda Muriqi që punojnë dhe jetojnë në Zvicër edhe një herë dëshmuan se i’a duan të mirën vendit dhe rinisë sonë të shëndosh, meqenëse nuk është hera e parë që klubi ynë ndihmohet financiarisht nga këta edhe mërgimtarët tjerë që nuk duan as të përmendën. Por meqenëse ata kësaj radhe kanë vendosur të na ndihmojn me një mjet transportues që do të na lehtësoh funksionimin tonë si klub. Kësaj inciative i është bashkangjitur edhe një bashkëpuntor i tyre zviceran Daniel Waldmeier me një donacion preh 300 frangave për ta mundësuar blerjen e busit me vlerë 9.000 franga”.
Donatorët kishin vetem një kërkese  interesante por shumë të arsyeshme për klubin, mos të konsumohet cigare në Bus.

Burimi: https://www.albinfo.ch/

Dy vajzat nga Shqipëria flasin për punësimin në Gjermani

në kategorine Diaspora

E Premte, 19 Prill 2019 – 18:20
albinfo.ch

‘Medita’ në Gjermani u ka kushtuar një shkrim tri vajzave, dy prej tyre nga Shqipëria, të cilat kanë gjetur punë pasi mësuan gjuhën gjermane.
Në këtë shkrim thuhet se në Shqipëri takon jo pak të rinj që po mësojnë gjermanishten, pasi shumica e tyre po e projektojnë ta ardhmen në Gjermani, vend që ofron shumë mundësi për disa profesione të caktuara, përcjell albinfo.ch.
Iris dhe Amela janë punësuar tashmë në një azil të moshuarish në Gjermani, pas katër muajve trajnim në Kryqin e Kuq të Bavarisë.
Ato kanë thënë se kurrë nuk e kishin menduar se do të bënin një punë të tillë. Pavarësisht gjykimit fillestar, vajzat janë përshtatur mirë dhe janë të kënaqura me punën që bëjnë.
“Oferta e punës erdhi si një surprizë, me pak fjalë u bëmë për ujë të ftohtë. Ideja që do të punojmë me të moshuar ishte një paragjykim i gabuar. Tani është e qartë për mua. E dua punën dhe jam shumë krenar për atë që bëj”, thonë Irisi. 
Mediat gjermane shkruajnë se shqiptaret flasin një gjermanishte të rrjedhshme, pas kurseve intensive në Shqipëri.

Burimi: https://www.albinfo.ch/

Shqipëri: Ministria e Diasporës dhe fondacioni italian, marrëveshje bashkëpunimi

në kategorine Diaspora

E Premte, 19 Prill 2019 – 17:00
albinfo.ch

Një marrëveshje bashkëpunimi në fushën e kërkimit dhe inovacionit është nënshkruar sot mes Ministrisë së Diasporës në Shqipëri, fondacionit “Magna Grecia” dhe Fondit Shqiptar për Zhvillimin e Diasporës, shkruan albinfo.ch.
Të pranishëm ishin ministri i Diasporës, Pandeli Majko, presidenti i “Magna Grecia”-s, Antonino Foti dhe drejtoresha e FSHZHD-së, Soana Jaupllari.
“Kjo marrëveshje parashikon bashkëpunimin shkencor dhe në fushën e kulturës, në bazë të të cilit do të krijohet, në partneritet, një observator që do të monitorojë komunitetin shqiptar në Itali dhe do të ofrojë informacion të dobishëm për proceset vendimmarrëse të Fondit Shqiptar të Zhvillimit të Diasporës (FSHZHD), si dhe do të promovojnë krijimin e një rrjeti për zbatimin e programeve dhe projekteve”, thuhet në njoftimin në faqen zyrtare të ministrit Majko, përcjell albinfo.ch.
Fondacioni “Magna Grecia” është organizatë ndërkombëtare me seli në Romë, e themeluar në vitin 1986, e cila promovon rritjen dhe zhvillimin e Italisë, dhe në veçanti të rajoneve jugore, nëpërmjet projekteve dhe iniciativave te fushave sociale, ekonomike dhe inovative.
Kurse Fondi shqiptar për Zhvillimin e Diasporës është institucion publik shqiptar, që menaxhon projekte të financuara nga Këshilli i Ministrave ose donatorë të tjerë, në përputhje me fushëveprimin e veprimtarisë së saj bazuar në kushtet e parashikuara në marrëveshjen përkatëse.

Burimi: https://www.albinfo.ch/

Fëmijët e krishterë dhe ata myslimanë shkëmbejnë vizitat dhe japin mesazhe paqeje

në kategorine Diaspora

Fëmijët shqiptarë që ndjekin mësimet në xhaminë: “Shtëpia e paqes” dhe fëmijët që mësojnë në Kishën Reformiste të Schwamendingenit ishin mysafirë dhe mikpritës në të njëjtën ditë

E Premte, 19 Prill 2019 – 13:20
albinfo.ch

Në kuadër të bashkëpunimit të xhamisë “Shtëpia e paqes” në Schwamendingen të Cyrihut me Kishën e këtushme Reformiste, këto ditë pati një vizitë të ndërsjellë të fëmijëve të këtyre dy objekteve të kultit. Kështu, fëmijët shqiptarë që ndjekin mësimet në xhaminë: “Shtëpia e paqes” dhe fëmijët që mësojnë në Kishën Reformiste të Schwamendingenit ishin mysafirë dhe mikpritës në të njëjtën ditë.

Këtyre takimeve u ka paraprirë kontakti i imamit të xhamisë “Shtëpia e paqes”, hoxhë Fahredin Bunjaku me zonjën Pastore (Pfarrerin) Esther Straub. Ata i njoftuan fëmijët rreth historikut të kishës respektivisht xhamisë.

Fillimisht fëmijët u takuan te kisha, ku u njoftuan rreth historikut të saj, ndërsa më pas ata vizituan kishën dhe u njoftuan për aktivitetet që zhvillohen brenda saj. Pastaj të gjithë fëmijët shkuan në xhami, ku u informuan për historikun dhe aktivitet e ndryshme që organizohen në kuadër të xhamisë. Prezantimin e stories së xhamisë e bën asistentët dhe nxënësit e imamit (Lorena Lakna dhe Fatime Bunjaku).

Në fund të këtij takimi ishte organizuar edhe një koktej nga nxënësit, gjegjësisht prindërit shqiptarë. Ata përmes ushqimeve tradicionale shpërfaqën kulturën dhe mikpritjen shqiptare, të ruajtur ndër shekuj!

Fëmijët e të dy komuniteteve u ndanë të kënaqur, duke shpresuar se në të ardhmen do të ketë takime më të shpeshta! Ky këmbim vizitash ishte një mesazh i mirë paqeje dhe mirëkuptimi që i shërben kultivimit të bashkëjetesës në mes të njerëzve të besimeve dhe etnive të ndryshme.

 

Burimi: https://www.albinfo.ch/

Telefonimi nga Zvicra në Kosovë, 18 herë më i shtrenjtë se ai në Serbi

në kategorine Diaspora

Gabimi ka ndodhur kur është ndryshuar kodi telefonik i Kosovës, në qershor të vitit 2018. Shuma e llogaritur gabimisht, do t`u kthehet (rimbursohet) automatikisht të gjithë të dëmtuarve

E Premte, 19 Prill 2019 – 3:45
albinfo.ch

Që nga qershori i vitit të kaluar, konsumtorëve të telefonisë M-Budget Mobile u duhet të paguajnë dukshëm më shumë për telefonatat që bëjnë nga Zvicra në Kosovë. Shkak për këtë anomali duket të ketë qenë një gabim deri tash i pa vënë re teknik.
Një bisedë telefonike nga Zvicra në Kosovë, nga vera e kaluar kushtonte papritmas 18 herë më shtrenjt se më parë, gjegjësisht 4.5 franga në minutë. Arsyeja e kësaj ngritjeje të përnjëhershme të çmimit, ka qenë, sipas Migros-it, një gabim i bërë pas ndryshimit të kodit telefonik të Kosovës, shkruan blick.ch., portal i cili pohon ta ketë zbuluar dhe denoncuar këtë parregullsi.
Në vend të 25 centëve, 4.50 franga minuta!
Vetëm rreth 5 minuta ka zgjatur biseda telefonike që Blerina Aliti* nga Kantoni Aargau kishte zhvilluar me vëllain e saj të shtruar në një spital, në Kosovë, transmeton albinfo.ch. Por, kur kishte marrë faturën në fund të muajit, ajo nuk u kishte besuar syve të saj. Një shërbim që më parë kishte kushtuar vetëm disa rapë (centë) më shumë se në rrjetin vendor, tash papritmas kishte “kërcyer” në 30 franga mbi çmimin e zakonshëm.
Aliti jeton në Zvicër tash 32 vite. Ajo ndihet e trajtuar në mënyrë jokorrekte nga M-Budhget Mobile. “Për të telefonuar në të gjitha shtetet tjera të Ballkanit, tarifat kanë mbetur të njëjta. Dhe vetëm për Kosovën, përnjëherë vlejnë çmime shumë më të larta. Kjo është zhvatje!”, thotë ajo, përcjell albinfo.ch.
Në fakt, këtë dallim të madh çmimi e provon edhe një shikim i thjeshtë në listën e çmimeve për klientët e M-Budget-Mobile. 4.50 franga në minutë duhet t`i paguajë ai që telefonon me celular nga Zvicra në Prishtinë. Sa për krahasim: në shtetet fqinje si Shqipëria ose Serbia ose madje edhe Kroacia, kjo kushton vetëm 25 raoë në minutë, e që është 18 herë më pak, transmeton albinfo.ch.
Por si ka mundur të ndodhë kjo?
Në Migros tregohen fillimisht të befasuar nga kjo pyetje e Blick-ut. Vetëm pas sqarimeve të bëra me partnerin Swisscom kuptohet se: për shkak të një gabimi, konsumatorët kanë paguar shumë më tepër për telefonatat e tyre në Kosovë. “Nga ajo që mund të dimë aktualisht, Kosova, për shkak të kodit të saj të ri telefonik ka “rrëshqitur” në një zonë më të lartë tarifore”, ka thënë zëdhënësja e Migrosit, Christina Maurer.
Siç dihet, Kosova ka ndërruar kodin e saj në qershor të vitit 2018, duke e bërë +383. Sipas Migrosit, ngritja e gabuar e çmimit deri tash kishte mbetur e pazbuluar. Por, tash ata duan të veprojnë menjëherë, përcjell albinfo.ch. “Ne do ta përshtasim tarifën e gabuar që nga fillimi i majit”, siguron Maurer. “Duke filluar nga atëherë, konsumatorët do të mund të telefonojnë në Kosovë me tarifën e vjetër, pra me 25 centë në minutë.
Do të zhdëmtohen të dëmtuarit
Në Migros ndihen keq për incidentin dhe u kërkojnë falje klientëve. Dhe, për të gjithë ata që gjatë muajve të kaluar kanë paguar më tepër, ka një lajm të mirë. Sipas Migrosit, të gjithë abonuesve të prekur, shuma e llogaritur gabimisht, do t`u kthehet (rimbursohet) automatikisht nga Swisscomi.

Burimi: https://www.albinfo.ch/

Caktohet koordinatori për patent shoferët shqiptarë jashtë vendit

në kategorine Diaspora

E Enjte, 18 Prill 2019 – 21:20
albinfo.ch

Artan Shkreli është caktuar koordinator, i cili do të merret me çështjen e lejeve të drejtimit për shtetasit shqiptarë jashtë vendit.
Kryeministri ka miratuar propozimin e ministrit të Shtetit për Diasporën, Pandeli Majko, për përcaktimin e koordinatorit shtetëror për marrëveshjet shtetërore në fushën e njohjes së ndërsjellë të lejeve të drejtimit për shtetasit shqiptarë jashtë vendit.
“Në këtë funksion do të jetë zëvendësministri i Ministrisë së Infrastrukturës dhe Energjisë, z.Artan Shkreli”, ka shkruar ministri Majko.
Koordinatori shtetëror do të ndjekë procesin e negociimit të marrëveshjeve dypalëshe shtetërore në fushën e njohjes së lejeve të drejtimit të automjeteve për shtetasit shqiptarë jashtë vendit, gjithashtu do të jetë përgjegjës për koordinimin ndërinstitucional të marrëveshjeve shtetërore deri në nënshkrimin e tyre, shkruan albinfo.ch.

Burimi: https://www.albinfo.ch/

Kosovarja duhet të lëshojë Zvicrën pas 29 vitesh qëndrimi, avokati ankohet në Strassburg

në kategorine Diaspora

“Vendimi është jashtëzakonisht joproporcional”, thotë Walker. “Unë shpresoj se Strassbugu do t`i rekomandojë Zvicrës që ta rishqyrtojë rastin”.

E Enjte, 18 Prill 2019 – 13:20
albinfo.ch

Kumrije A., është protagonistja në rrëfimin e radhës për qytetarët me shtetësi të huaj të cilët, për shkak të varësisë së gjatë nga ndihmat sociale dënohen me lëshim të Zvicrës. Sipas vendimit më të fundit gjyqësor, ajo duhet të kthehet në Kosovë më së largu këtë të shtunë! Ndrkaq, avokati i saj ka vendosur që çështjen ta çojë deri në Gjykatën Evropiane të të Drejtave të Njeriut, në Strassburg.
Kumrija, sot 51 vjeçe, ka ardhur në Zvicër në vitin 1990. Këtu është martuar me një italian, nga i cili pastaj është ndarë dhe ka rritur dy djem nga kjo martesë, shkruan 20minuten.ch. Por, jo më larg  se të shtunën (pasnesër) ajo duhet të braktisë Zvicrën, transmeton albinfo.ch. Këtu dhe në gjithë Zonën e Schengenit, ajo nuk do të ketë të drejtë hyrjeje edhe tri vite tjera.
Shkaku për këtë dënim qëndron në varësinë e saj të plotë nga ndihmat sociale, që nga viti 1997 e këndej. Në fund të marsit 2015 shuma e përgjithshme e mbështetjes sociale që ajo kishte marrë përgjatë viteve kishte arritur në 403.000 franga.
“Aktualisht nuk mund as të pritet që ajo, në një të ardhme të afërt të mund të pavarësohet dhe që të sigurojë jetesën me punën e saj”, thuhet në vendimin e Gjykatës Federale, transmeton albinfo.ch. Te kjo gjykatë Kumrije A., ishte ankuar kundër vendimit për dëbim, të marrë nga instancat më të ulëta.
“Ushtruesja e ankesës – përkundër faktit se ishte e mbështetur nga enti social – gjatë gjithë kohës së qëndrimit të saj në Zvicër nuk ka bërë përpjekje për një vend pune në tregun primar të punës”.
Ndërsa i biri 26 vjeçar i Kumrijes, Antonio duke kundërshtuar vendimin për dëbim thotë: “Nëna ime ka punuar për vite të tëra në projekte të mbrojtura, të ndërmjetësuara nga autoritetet sociale”. Në ekonominë normale ajo nuk do të kishte shanse të punësohej.
“Për shkak të problemeve të rënda psikike dhe trupore ajo ka nevojë urgjente për trajtim”. Ndërsa një trajtim i tillë në Kosovë nuk është i mundur, përcjell albinfo.ch. Raportet mjekësore kanë treguar se nëna e tij është në rrezik akut për të bërë vetëvrasje në rast se do ta detyrojnë të kthehet në Kosovë.
Ish avokati i saj, Peter Bolzli  vendimin për dëbim e konsideron shokant. “Autoritetet e kanë ditur prej tashmë mbi 30 vitesh se ajo është e varur nga ndihmat sociale”, thotë Bolzli. Dhe përkundër faktit se ajo jeton prej afër 30 vitesh në Zvicër, ku i ka rritur fëmijët dhe ku është qendra e saj jetësore, duan ta dëbojnë. “Zyra për Migracion është duke zhvilluar një fushatë të vërtetë kundër personave të varur nga ndihmat sociale”, thotë Bolzli.
Ndërsa për ekspertin e migracionit, Alberto Achermann, vendimi i Gjykatës Fedderale nuk është i jashtëzakonshëm por përputhet me tendencën në praktikën gjyqësore, tranmseton albinfo.ch. “Ai korrespondon me praktiküen sipas të cilës kur dikush merr ndihma sociale në shifra kaq të larta, do të rishqyrtohet statusi i tij i qëndrimit”, thotë Achermann. Pikë me rëndësi në këtë kontekst është prognoza. “Në rastin kur për dikë është shumë e besueshme se edhe në të ardhmen do të jetë i varur nga ndihmat sociale, atëherë kjo prognozë rezulton negative”. Sikur të mundnin djemtë e saj, të dy me pasaporta zvicerane, të kujdeseshin për nënën dhe të financonin jetesën e saj, gjykata do të merrte ndoshta ndonjë vendim tjetër, thotë Achermann.
Që nga viti 2008, autoritetet e ndihmës sociale detyrohen që, pa ua kërkuar, të njoftojnë autoritetet kantonale të migracionit për të huajt që marrin ndihma sociale, përcjell albinfo.ch. “Që atëherë është shtuar numri i të dënuarve me dëbim për shkak të varësisë nga ndihmat sociale dhe kjo do të çojë edhe në të ardhmen në vendime të tilla”, thotë Achermann.
Mirëpo avokati i tashëm i Kumrije A. , Tim Walker synon që si hap të parë, të atakojë vendimin për ndalim të hyrjes në Zonën e Shengenit tüe klientes së tij. “Një ndërhyrje e tillë në jetën familjare nuk mund të tolerohet. Këtu po  bëhet copëtimi i një familjeje”, thotë Walker.
Sipas avokatit, gjykatat zvicerane kanë sqaruar në mënyrë fare të  pamjaftueshme rrethanat e Kumrije A. Për këtë arsye ai do të bëjë një ankesë edhe në Gjykatën Evropiane për të Drejtat e Njeriut në Strassburg. “Vendimi është jashtëzakonisht joproporcional”, thotë Walker. “Unë shpresoj se Strassbugu do t`i rekomandojë Zvicrës që ta rishqyrtojë rastin”.

Burimi: https://www.albinfo.ch/

Gerarta Ballo, kandidatja shqiptare nga Italia për Parlamentin Evropian

në kategorine Diaspora

Gerarta gëzon respektin dhe mbështetjen e arbëreshëve, nga ku ka marrë edhe vlerësime të rëndësishme siç është titulli Qytetare Nderi e Lungro-s, bashki arbëreshe e Kalabrisë ku ndodhet selia e Ipeshkvisë së ritit bizantin

E Enjte, 18 Prill 2019 – 9:00
albinfo.ch

Fushata për zgjedhjet evropiane tashmë është zyrtarizuar në Itali. Këto zgjedhje janë të rëndësishme sepse lidhen drejtpërdrejtë me të ardhmen e Evropës siç e njohim dhe për rrjedhojë edhe të shqiptarëve kudo që ndodhen.
Kolegji zgjedhor i Italisë së Jugut, ku bëjnë pjesë 6 rajone (Abruzzo, Calabria, Campania, Molise dhe Puglia) me pothuajse 14 milionë banorë ka ndër emrat në listë atë të një italo-shqiptare: Gerarta Ballo. Ajo kandidon si e pavarur në listën e PD-së, partia e qendrës së majtë italiane, shkruan albanianews.it.
Gerarta Ballo, apo Geri, siç e thërrasin miqtë, ka nisur jetën e saj në Itali në moshën 11 vjeçe dhe ka qenë gjithmonë aktive ndër vite dhe një zë i rëndësishëm i komunitetit shqiptar të Italisë, përcjell albinfo.ch.
Ka kryer studimet në degën e marrëdhënieve ndërkombëtare në Torino dhe ka punuar si gazetare, duke themeluar njëkohësisht disa shoqata të cilat lidhen ngushtë me aktivitetin e saj për të rinjtë, emigrantët dhe gjeneratat e dyta. Në këtë qytet pothuajse 10 vjet më parë drejtonte emisionin radiofonik ‘Shqip in Torino’.
Pikë referimi për diasporën e hershme të arbëreshëve dhe atë të re shqiptaro-italiane, Gerarta nuk u shkëput nga Shqipëria. Përkundrazi, eksperienca e punës më e fundit është në diplomacinë shqiptare, ku punoi për dy mandate në Ambasadën e Shqipërisë në Romë.
Gerarta gëzon respektin dhe mbështetjen e arbëreshëve, nga ku ka marrë edhe vlerësime të rëndësishme siç është titulli Qytetare Nderi e Lungro-s, bashki arbëreshe e Kalabrisë ku ndodhet selia e Ipeshkvisë së ritit bizantin.
Mbështetje të madhe ka marrë nga miq të shumtë italianë, por edhe nga komuniteti shqiptar në Itali që po vjen duke u shtuar ora orës.
Si aktiviste dhe studiuese e mirë e emigracionit dhe e realitetit kompleks të gjeneratave të dyta në Evropë, Gerarta do të jetë një zë i fortë i komunitetit të hershëm dhe të ri shqiptar në Itali, por edhe për politikat e zhvillimit të kolegjit zgjedhor të Italisë së Jugut, ku edhe është kandidate.

Burimi: https://www.albinfo.ch/

100 policë në ndjekje të kontrabanduesve me punëtorë shqiptarë

në kategorine Diaspora

Personi i ndaluar dyshohet të ketë punësuar punëtorë shqiptarë të cilët nuk kishin leje pune, bën të ditur Policia Federale

E Mërkurë, 17 Prill 2019 – 21:20
albinfo.ch

Polizei
Gjatë kontrollimeve të bëra me urdhëresën e Prokurorisë Publike Stralsund të martën është ndaluar përkohësisht në Baden-Baden një perosn i dyshuar për kontrabandim me njerëz, shkruan welt.de. 100 pjesëtarë të Policisë Federale dhe të Administratës Federale të Doganave kanë bërë bastisjen e një numri objektesh, nëpër landin Baden-Württembergm, mes të cilave edhe një kantier ndërtimi.
Personi i ndaluar dyshohet të ketë punësuar punëtorë shqiptarë të cilët nuk kishin leje pune, bën të ditur Policia Federale.
Policët në Baden-Baden gjetën dy shqiptarë të punësuar ilegalisht dhe konfiskuan dëshmi të shumta si dokumente identifikimi, pajisje kompjuterike për mbajtjen e të dhënave etj, transmeton albinfo.ch.
Hetuesit, në fund të marsit kishin bërë bastisje me dyshimin për kontrabandim me njerëz në kantiere të ndryshme ndërtimi si në Prora në ishullin Rügen ashtu dhe në objekte banimi e biznesi në Binz, Lauterbach, Lüssow dhe Hamburg. Gjatë këtyre hetimeve ata kishin hasur në njëmbëdhjetë shtetas shqiptarë të cilët po punon dhe po banonin pa leje në Gjermani, përcjell albinfo.ch. Me atë rast zyrtarët siguruan indicie edhe për një kantier tjetër në Baden-Baden, të dyshuar për punësim të punëtorëve ilegalë.
Bazuar në të dhënat e mëparshme, që në vitin 2018 është bërë identifikimi i katër personave kryesorë të dyshuar për këtë veprimtari të kundërligjshme. Ata akuzohen veç tjerash se shqiptarëve të kontrabanduar nuk ua paguanin paratë për punën e tyre dhe i kanë shpërdoruar ato. Ata dyshoheshin po ashtu se për shtetasit shqiptarë të ardhur ilegalisht në Gjermani kanë organizuar qëndrimin dhe gjetjen e punës ilegale me qëllim shfrytëzimi.

Burimi: https://www.albinfo.ch/

Caritasi i Zvicrës nxit afaristët e diasporës të investojnë në Kosovë

në kategorine Diaspora

Është hera e parë që Caritasi i Zvicrës organizon një takim të këtillë me synim vazhdimin e takimeve për ta lidhur potencialin e bizneseve të diasporës me vendin e prejardhjes të biznesmenëve

E Mërkurë, 17 Prill 2019 – 11:00
albinfo.ch

Përfaqësia e Caritasit të Zvicrës në Kosovë me mbështetjen e Ambasadës së Kosovës në Bernë ka mbledhur bashkë të martën në një takim disa nga bizneset e këtushme shqiptare.
Përveç që janë njoftuar me punën e deritashme të Caritasit në Kosovë, përfaqësues të bizneseve kanë treguar për arsyet se pse do të donin të investonin në vendin e tyre. Po ashtu, ata janë shprehur edhe lidhur me shkaqet pse janë dekurajuar që të mos e sjellin deri tani kapitalin e tyre në Kosovë.

Është hera e parë që Caritasi i Zvicrës organizon një takim të këtillë me synim vazhdimin e takimeve për ta lidhur potencialin e bizneseve të diasporës me vendin e prejardhjes të biznesmenëve.
“Ky takim me bizneset e diasporës ka qenë mjaft produktiv ngase kemi bashkëbiseduar për të gjitha mundësitë e investimeve madje disa prej tyre erdhën edhe me projekte konkrete, për të cilat kërkonin të shqyrtohen nga Caritasi i Zvicrës”, deklaron për albinfo.ch nënkryetari i Caritasit në Kosovë, Kreshnik Basha.
Basha ka sjellë përvojat nga vendet tjera të Ballkanit të cilat, pas liberalizimit të vizave, kanë humbur numrin e popullatës së re, e cila ka emigruar për të kërkuar mundësi të reja.

“Kjo paraqet problem edhe për Kosovën ngase me ikjen e të rinjve po na ik edhe truri i vendit, i cili mund të japë kontribut për vendin”, tha Basha duke premtuar që Caritasi mund të luaj në të ardhmen rolin e fasilitatorit ndërmjet bizneseve të diasporës dhe institucioneve të Kosovës.
Nga ana tjetër ambasadorja kosovare, Nazane Breca, e shoqëruar nga ministrat këshilltarë Mustafë Xhemaili dhe Islam Spahiu, ka shprehur gatishmërinë që të mobilizojë biznesmenë dhe profesionistë nga Kosova që jetojnë dhe veprojnë në Zvicër për të shfrytëzuar njohuritë dhe përvojat e tyre.
Përfaqësuesit e bizneseve treguan interesin e tyre për projekte të ndryshme që mund të realizohen në Kosovë. Po ashtu ishin të interesuar të mësojnë për sektorët që kanë më së shumti nevojë për investime.

Caritasi Zviceran është organizatë që vepron për 20 vite në Kosovë. Ai analizon nevojat e njerëzve dhe komuniteteve kosovare dhe në përputhje me këto nevoja promovon lëvizje, iniciativa, duke zhvilluar programe dhe projekte për të përmirësuar cilësinë e jetës, për zhvillimin dhe mbrojtjen e të drejtave të njeriut, duke përfshirë ndërtimin e paqes, arsimin dhe kujdesin ndaj njerëzve në nevojë dhe të atyre të margjinalizuar.

Burimi: https://www.albinfo.ch/

Eurodeputeti Lukas Mandl takohet me shqiptarë në Austri

në kategorine Diaspora

Në turneun e tij nëpër Austri, miku i madh i shqiptarëve, përveç një takimi me shqiptarët në Linz dhe Graz, ai të shtunën gjeti kohë që të takohet edhe më bashkatdhetarë të tjerë që jetojnë në Vjenë të Austrisë

E Martë, 16 Prill 2019 – 21:20
Arben Gjinaj

Në kuadër të fushatës për zgjedhjet e Parlamentit Evropian (PE) që do të mbahen më 26 maj të këtij viti, eurodeputeti austriak, Lukas Mandl, ka zhvilluar një takim me një grup shqiptarësh në Vjenë, shkruan albinfo.ch.
Në turneun e tij nëpër Austri, miku i madh i shqiptarëve, përveç një takimi me shqiptarët në Linz dhe Graz, ai të shtunën gjeti kohë që të takohet edhe më bashkatdhetarë të tjerë që jetojnë në Vjenë të Austrisë.
Kryetari i Shoqatës së “Miqësisë Austri – Kosovë”, Lukas Mandl, i shoqëruar edhe nga ambasadori i Kosovës në Austri, Sami Ukelli, diskutuan para të pranishmeve rreth temës “Diaspora shqiptare në Austri si dhe zgjedhjet në Parlamentin Evropian”.
Eurodeputeti Mandl tregoi edhe për lidhjet e tij me Kosovën dhe kosovarët.
“Kemi qenë në një bufe, kur një mik i imi shqiptar më ka thënë se a mund ta bëjmë një shoqatë mes shqiptarëve dhe austriakëve. Më ka pëlqyer si ide. Po atë ditë e kam telefonuar ministrin e Jashtëm të asaj kohe, tash kancelarin austriak, Sebastian Kurz, dhe ia kam shprehur idenë. Kurz e ka mirëpritur këtë nismë dhe më ka thënë që ta formojmë sa më shpejt”, theksoi Mandl, i cili është edhe anëtar i Partisë Popullore që udhëheq shtetin austriak, ÖVP, përcjell albinfo.ch.
Për formimin e shoqatës së “Miqësisë Austri –Kosovë”, Lukas Mandl falënderoi edhe sekretarin gjeneral të kësaj shoqate, shqiptarin nga Dibra, Arbër Markun, për të cilin tha që njihet që 20 vjet dhe i beson jo një qind për qind, por një mijë për qind.
Eurodeputeti Mandl, i cili në këto zgjedhje konkurron për mandatin e dytë në Parlamentin Evropian, theksoi se në Austri ka shumë miq shqiptarë, të cilët janë të integruar jashtëzakonisht mirë në Austri.
“Shqiptarët e Kosovës janë ndër popullata e huaj me të integruarit në Austri. Ka më së paku të papunë dhe kanë vende të mira të punës, qoftë në biznese apo në profesionet e tyre”.
Ai premtoi se do të vazhdojë të jetë zë i shqiptarëve në Parlamentin Evropian, t’iu tregojë deputetëve evropianë se ku gjendet Kosova, çfarë vlere ka Kosova për Evropën Juglindore, ta shpijë Kosovën drejt të ardhmes më të mirë, të bëhet liberalizimi i vizave si dhe të integrohet sa më shpejt në Bashkimin Evropian.  “Do ta keni përkrahjen time edhe në të ardhmen, ashtu siç e keni pasur edhe nga ish-zëvendëspresidentja dhe raportuesja për Kosovën, Ulerike  Lunaçek.  Lunaçek ka qenë edhe anëtare e shoqatës së “Miqësisë Austri –Kosovë”, tha ai.

Ndërkohë, ambasadori i Kosovës, Sami Ukelli, e falënderoj deputetin Evropian Lukas Mandl për mundësinë e bashkëbisedimit me  publikun shqiptar. Ai, tha se në Austri jetojnë një numër i madh i shqiptarëve që kanë nënshtetësi austriake dhe të cilët do të shfrytëzojnë të drejtën e tyre për të votuar në zgjedhjet e 26 majit.
“Për ne si një shtet i ri, është shumë më rëndësi të vazhdojmë me lidhjet e mira mes shteteve tona Kosovë – Austri dhe ne si shtet kemi nderin që kemi një mik si Lukas Mandl”, tha ambasadori i Kosovës, duke shtuar se nga pozicioni i tij si ambasador nuk i lejohet të bëjë marketing politik, përcjell albinfo.ch.
Pas fjalimeve u bë edhe një diskutim i hapur me të pranishmit të cilët parashtruan pyetje të ndryshme për Lukas Mandl, për pozicionin e Austrisë karshi Kosovës, liberalizimin e vizave dhe pyetjeve të tjera në interes të vetë qytetarëve kosovarë që jetojnë në Austri si dhe shtetit të Kosovës.
Shoqata e “Miqësisë Austri – Kosovë” është themeluar në vitin 2016 me kryetar Lukas Mandl dhe deri më tash kanë zhvilluar aktivitete të shumta në fuqizimin e bashkëpunimit në mes të dy popujve dhe shteteve.
Lukas Mandl ka paralajmëruar edhe një takim tjetër me komunitetin shqiptar, i cili do të mbahet më 21 prill në kishën katolike të shqiptarëve në Vjenë.

Burimi: https://www.albinfo.ch/

Eurodeputeti austriak Lukas Mandl mban takime me shqiptarët nëpër Austri

në kategorine Diaspora

Në turin e tij nëpër Austri, miku i madh i shqiptarëve, përveç një takimi me shqiptarët në Linz dhe Graz, ai të shtunën gjeti kohë që të takohet edhe më bashkatdhetarë të tjerë që jetojnë në Vjenë të Austrisë.

E Martë, 16 Prill 2019 – 21:20
Arben Gjinaj

Në kuadër të fushatës për zgjedhjet e Parlamentit Evropian (PE) që do të mbahen me 26 maj të këtij viti, eurodeputeti austriak, Lukas Mandl ka zhvilluar një takim me një grup shqiptarësh në Vjenë, shkruan albinfo.ch.
Në turin e tij nëpër Austri, miku i madh i shqiptarëve, përveç një takimi me shqiptarët në Linz dhe Graz, ai të shtunën gjeti kohë që të takohet edhe më bashkatdhetarë të tjerë që jetojnë në Vjenë të Austrisë.
Kryetari i Shoqatës së “Miqësisë Austri – Kosovë”, Lukas Mandl, i shoqëruar edhe nga ambasadori i Kosovës në Austri, Sami Ukelli diskutuan para të pranishmeve rreth temës “Diaspora shqiptare në Austri si dhe zgjedhjet në Parlamentin Evropian”.
Eurodeputeti Mandl, tregoi edhe për lidhjet e tij më Kosovën dhe më kosovarët.
“Kemi qenë në një bufe, kur një mik i imi shqiptar me ka thënë se a mund ta bëjmë një shoqatë mes shqiptarëve dhe austriakëve. Më ka pëlqyer si ide. Po atë ditë e kam telefonuar ministrin e jashtëm të asaj kohe, tash kancelarin austriak, Sebastian Kurz dhe ia kam shprehur idenë. Kurz, e ka mirëpritur këtë nismë dhe më ka thënë që ta formojmë sa më shpejtë”, theksoi Mandl i cili është edhe anëtar i partisë popullore që udhëheq shtetin austriak, ÖVP, përcjell albinfo.ch.
Për formimin e shoqatës së “Miqësisë Austri –Kosovë”, Lukas Mandl falënderoi edhe sekretarin gjeneral të kësaj shoqate, shqiptarin nga Dibra, Arbër Markun, për të cilin tha që njihet që 20 vite dhe i beson jo një qind për qind por, një mijë për qind.
Euro deputeti Mandl i cili në këto zgjedhje konkurron për mandatin e dytë në Parlamentin Evropian, theksoi se në Austri ka shumë miq shqiptarë të cilët janë të integruar jashtëzakonisht mirë në Austri.
“Shqiptarët e Kosovës janë ndër popullata e huaj me të integruarit në Austri. Ka më së paku të pa punë dhe kanë vende të mira të punës qoftë në biznese apo në profesionet e tyre”.
Ai premtoi se do të vazhdojë të jetë zë i shqiptarëve në Parlamentin Evropian, të iu tregojë deputetëve Evropian se ku gjendet Kosova, çfarë vlere ka Kosova për Evropën Juglindore, ta shpijë Kosovën drejtë të ardhmes më të mirë, të bëhet liberalizimi i vizave si dhe të integrohet sa më shpejt në Bashkimin Evropian.  “Do ta keni përkrahjen time edhe në të ardhmen, ashtu siç e keni pasur edhe nga ish zëvendës presidentja dhe raportuesja për Kosovën, Ulerike  Lunaçek.  Lunaçek ka qenë edhe anëtare e shoqatës së “Miqësisë Austri –Kosovë”, tha ai.

Ndërkohë, ambasadori i Kosovës, Sami Ukelli e falënderoj deputetin Evropian Lukas Mandl për mundësinë e bashkëbisedimit me  publikun shqiptarë. Ai, tha se në Austri jetojnë një numër i madh i shqiptarëve që kanë nënshtetësi austriake dhe të cilët do të shfrytëzojnë të drejtën e tyre për të votuar në zgjedhjet e 26 majit.
“Për ne si një shtet i ri, është shumë më rëndësi të vazhdojmë me lidhjet e mira mes shteteve tona Kosovë – Austri dhe ne si shtet kemi nderin që kemi një mik si Lukas Mandl”, tha ambasadori i Kosovës duke shtuar se nga pozicioni i tij si ambasador nuk i lejohet të bëj marketing politik, përcjell albinfo.ch.
Pas fjalimeve u bë edhe një diskutim i hapur me të pranishmit të cilët parashtruan pyetje të ndryshme për Lukas Mandl, për pozicionin e Austrisë karshi Kosovës, liberalizimin e vizave dhe pyetjeve të tjera në interes të vet qytetarëve kosovarë që jetojnë në Austri si dhe shtetit të Kosovës.
Shoqata e “Miqësisë Austri – Kosovë” është themeluar në vitin 2016 me kryetar Lukas Mandl dhe deri më tash kanë zhvilluar aktivitete të shumta në fuqizimin e bashkëpunimit në mes të dy popujve dhe shteteve.
Lukas Mandl ka paralajmëruar edhe një takim tjetër me komunitetin shqiptar, i cili do të mbahet me 21 prill në kishën katolike të shqiptarëve në Vjenë.

Burimi: https://www.albinfo.ch/

Gjermani: 25% të migrantëve të punës të ardhur në vitin 2018, janë nga Ballkani

në kategorine Diaspora

Shqipëria, Bosnja, Serbia, Mali i Zi, Kosova dhe Maqedonia të marra së bashku, kanë përbërë afër 25% të të gjithë migrantëve të punës. Se kjo rritje është shumë e madhe, tregon fakti se në vitin 2015 ata përbënin vetëm 9%

E Hënë, 15 Prill 2019 – 21:35
albinfo.ch

Gjermania vazhdon të jetë vend tërheqës për migrantët. Këtë e tregojnë të dhënat më të reja statistikore të publikuara sot në mediat gjermane. Ato dëshmojnë për një rritje të theksuar të numrit të të huajve në përgjithësi dhe të atyre nga disa vende të caktuara, në veçanti.
Kështu, në shtator të vitit 2018 në Germani kanë jetuar rreth 10.9 milionë banorë me pasaportë jogjermane, bën të ditur Zyra Federale për Statistikë, transmeton albinfo.ch. Ndryshe, çdo i teti banor i Gjermanisë, është i huaj.
Rritja në krahasim me një vit më parë ka qenë 2.7 për qind ose për 292.000 të huaj “neto” më tepër. Në fakt, ky numër del kur të dihet se gjatë vitit 2018 në Gjermani kanë ardhur të jetojnë 1.303 milion të huaj por në të njëjtën kohë Gjermaninë e kanë braktisur 1.012 veta.
Marrë në tërësi, në Gjermani në fund të shtatorit të vitit 2018 kanë jetuar 82 milionë e 979 mijë njerëz.
Në vitin 2017, rritja e përbërjes së të huajve në Gjermani kishte qenë dukshëm më e madhe, 5.7%. Por përgjegjësit statistikorë sqarojnë se atëbotë, për shkak të krizës së refugjatëve (që ka kulmuar në vitin 2015), ka pasur një numër të madh të paraqitjeve të vonuara të atyre që në fakt kishin hyrë në Gjermani më parë. Ndërsa në vitin pasues (2018) ka pasur numër më të madh të atyre që kanë lëshuar Gjermaninë ose janë dëbuar kështu që kjo lëvizje edhe është regjistruar, përcjell albinfo.ch. Së këndejmi, shifrat janë vështirë të krahasueshme.
Në numrin e të huajve që kanë jetuar në Gjermani në vitin 2018 të publikuar sot, nuk figuron përqindja që e përbëjnë refugjatët.
Ndërkaq, rritje të sërishme të madhe ka shënuar numri i të ardhurve në Gjermani me leje pune nga shtetet jashtë BE-së. Deri në fund të vitit 2018 kanë ardhur 266.000 njerëz në cilësinë e migrantëve të punës. Një vit më parë ishin shënuar 217 mijë të tillë, kështu që viti 2018 ishte viti i tretë me radhë që kjo kategori të huajsh është rritur për më shumë se 20%.
Vendet nga të cilat kanë ardhur më së shumti të huaj të kësaj kategorie janë: India (12%), Kina (9%), Bosnjë e Hercegovina (8%) dhe SHBA (7%). Këta të huaj, mes tyre edhe shumë punëtorë të kualifikuar, kanë qenë mesatarisht 35 vjeçarë dhe shumica meshkuj (68%), transmeton albinfo.ch.
Veçanërisht shumë është rritur numri i të huajve me leje pune nga Ballkani Perëndimor. Kështu, në fund të vitit 2018 Shqipëria, Bosnja, Serbia, Mali i Zi, Kosova dhe Maqedonia të marra së bashku, kanë përbërë afër 25% të të gjithë migrantëve të punës. Se kjo rritje është shumë e madhe, tregon fakti se në vitin 2015 ata përbënin vetëm 9%.

Burimi: https://www.albinfo.ch/

Nuk votohet projektligji për Diasporën, mungesa e kuorumit

në kategorine Diaspora

E Hënë, 15 Prill 2019 – 20:54
albinfo.ch

Diskutimi për Projektligjin për Diasporën i cili zgjati mbi dy orë nuk u votua.
Ky projektligj as nuk u hodh në votim pasi që nuk kishte kuorum dhe në kuvend ishin vetëm 37 deputetë.
Ky ligj ka për qëllim krijimin dhe rregullimin e raporteve ndërmjet Republikës së Kosovës dhe pjesëtarëve të diasporës, përcaktimin e statusit të pjesëtarëve të diasporës, mbrojtjen ose përkujdesjen për të drejtat sociale, politike, kulturore, ekonomike dhe të interesave të tjera të diasporës.

Burimi: https://www.albinfo.ch/

Kosovari, nxënës i autoshkollës, aksidentohet me BMW-në e tij

në kategorine Diaspora

Një kosovar i moshës 18 vjeçare, pa patentshoferi por nxënës i autoshkollës ka shkaktuar të dielën pasdite një aksident në Seon (AG). Ai ishte i shoqëruar nga një person tjetër 19 vjeçar . Nuk ka të lënduar por dëmet materiale janë të mëdha.

E Hënë, 15 Prill 2019 – 17:20
albinfo.ch

18 vjeçari me shtetës kosovare, rreth orës 15.20 po e ngiste makinën BMW, në zonën industriale të Seonit. Ai i ka dhënë makinës shpejtësi aq të madhe sa që në kthesë e ka humbur kontrollin mbi makinën e fuqishme, shkruan polizeinews.ch. Kështu, BMW-ja rrëshqiti nëpër rrugën me lagështi dhe “fluturoi”, duke u përplasur në një rimorkio për transportim kuajsh që ishte vendosur në skaj të rrugës, transmeton albinfo.ch. Rimorkioja pastaj goditi një rimorkio tjetër që ishte pranë saj.
Shoferi i ri së bashku me shoqeruesin e tij shpëtuan pa lëndime. Ndërkaq BMW dhe të dy rimorkiot pësuan dëmtime të konsiderueshme, që sipas vlerësimeve të para, duhet të jenë rreth 10.000 franga.
Policia Kantonale e Aargaut i ka marrë 18 vjeçarit librezën e autoshkollës dhe e ka dorëzuar atë në zyrën për trafik rrugor. Përveç ndaj shoferit, policia ka bërë kallëzim penal edhe ndaj shoqëruesit të tij 19 vjeçar. Ky i fundit e kishte patentshoferin provues të cilin e ka marrë vetëm një vit më parë kështu që nuk ka të drejtë të shoqërojë të tjerët gjatë mësimit të vozitjes.
(Foto: Kapo Aargau)

Burimi: https://www.albinfo.ch/

Kapet në flagrancë 22-vjeçari në Solothurn

në kategorine Diaspora

E Hënë, 15 Prill 2019 – 10:32
albinfo.ch

Të shtunën në mëngjes në Solothurn, punonjësit e një dyqani të shitjes me pakicë kanë kapur një person, i cili është zënë në flagrancë duke vjedhur. Ai është arrestuar për sqarime të mëtutjeshme, përcjell albinfo.ch.
Rasti kishte ndodhur në 6:30 të mëngjesit të së shtunës, shkruan ‘Blick’.
Ai ishte kapur në flagrancë dhe ishte mbajtur deri në ardhjen e policisë së Solothurnit.
Sipas mediave zvicerane, i arrestuari është 22-vjeçari nga Kosova. Policia kantonale e Solothurn ka ndërmarrë hetime të mëtejshme.

Burimi: https://www.albinfo.ch/

Gjuha shqipe do të mësohet zyrtarisht në Macerata të Italisë

në kategorine Diaspora

E Diel, 14 Prill 2019 – 17:50
albinfo.ch

Gjuha shqipe tashmë do të mësohet zyrtarisht në shkollat publike në Macerata të Italisë, shkruan albinfo.ch.
Lajmin e ka bërë të ditur ministri i Arsimit për Kosovë, Shyqiri Bytyqi, i cili është takuar me mësuesit shqiptarë në Macerata të Italisë, me rastin e festës vjetore që organizohet nga Lidhja e Mësuesve Shqiptarë në Itali.
“Pa dyshim, lajmi më i mirë që u dha në këtë organizim ishte që nga ky vit mësimi i gjuhës shqipe do të organizohet edhe zyrtarisht në të gjitha shkollat publike në Macerata, lajm të cilin e dha drejtori i shkollës “Enrico Fermi”, z. Ermanno Bracalente, që pastaj edhe zyrtarisht e konfirmoi edhe nënkryetarja e qytetit, znj. Monteverde në një fjalë rast”, ka njoftuar Bytyqi, përcjell albinfo.ch.

Në vazhdën e takimeve, ministri Bytyqi është takuar edhe me me rektorin e Universitetit të Camerinos në Itali, Claudio Pettenari, me të cilën është dakorduar të nënshkruajë një marrëveshje, përmes së cilës do të fitojnë bursa dhjetë studentë nga Kosova.
“Ky universitet shtetëror me 7 shekuj histori, i themeluar në vitin 1336, do të ndajë 10 bursa për studentët nga Kosova, ku 5 do të jenë për studime bazike dhe 5 të tjera për studime master, kryesisht në shkenca ekzakte”, ka njoftuar Bytyqi, përcjell albinfo.ch.
Bytyqi po ashtu është takuar edhe me profesorin dhe piktorin arbëresh, Silvio Craia (Kraja).
Në këtë organizim ka marrë pjesë edhe zv.ministri i Diasporës për Kosovë, Afrim Bekteshi.

Burimi: https://www.albinfo.ch/

DJ shqiptare që bën bashkë gratë në Belgjikë

në kategorine Diaspora

E Diel, 14 Prill 2019 – 12:20
albinfo.ch

Shqiptarët në Belgjikë përbëjnë një bashkësi mërgimtarësh, kryesisht të ardhur nga Shqipëria, Kosova dhe Maqedonia.
Ajo çka është e veçantë në këtë shtet, është fakti se edhe gruaja shqiptare është shumë mirë e inkuadruar në shoqërinë belge.
Shumë gra tashmë të shkolluara zënë pozita nëpër institucione të ndryshme në këtë vend. Lulzime Gashi, me profesion eksperte fiskale, ka lindur në Belgjikë, por gjithmonë kujton origjinën e saj shqiptare, raporton “RTV 21”. Ajo shpesh bën bashkë gratë shqiptare përmes eventeve të ndryshme, përcjell albinfo.ch.
E njohur si DJ Luz ajo përzgjedh të gërshetojë muzikën shqiptare me atë të huaj.

Burimi: https://www.albinfo.ch/

Vetëm 5 % e nxënësve mësojnë gjuhën shqipe në diasporë

në kategorine Diaspora

E Shtunë, 13 Prill 2019 – 13:30
albinfo.ch

Beqir Cikaqi është një nga tre mësuesit në Shkollën Shqipe të Mësimit Plotësues “Nëna Tereza”, në Treviso të Italisë.
Punën e mësuesit të gjuhës shqipe, në diasporë, ai e bën vullnetarisht që nga viti 2004, kur fillimisht ai thotë se ishte angazhuar në një shkollë shqipe në Bassano, para se të zhvendosej në Treviso.
Aktualisht, në shkollën ku është i angazhuar, e që nuk është e vetmja në këtë qytet, mësimin plotësues në gjuhën shqipe e ndjekin 24 nxënës. Por, Cikaqi nuk është i kënaqur me këtë numër, pasi sipas tij, përkundër shtimit të shkollave, të rinjtë që duan të ndjekin mësimin plotësues në gjuhën shqipe po pakësohen.
Vetëm dy vjet më parë, ai thotë se ka pasur 48 nxënës. Për uljen e numrin të nxënësve ai një pjesë të përgjegjësisë ua hedhë një pjese të prindërve, të cilët sipas tij, arsyetohen duke thënë se dygjuhësia po ua vështirëson zhvillimin fëmijëve të tyre.
“Në krahasim më numrin e bashkëatdhetarëve tanë, që sipas statistikës zyrtare, qytetarët nga Kosova në Treviso janë të dytët me 10 për qind, pas rumunëve, nga numri i të huajve, numri i nxënësve që vijojnë mësimin plotësues është shumë pak ose simbolik mund të them. Përderisa para dy vjetësh kemi pasur 48 nxënës, këtë vit kemi vetëm 24. Fajtori është gjithmonë jetim, është vështirë të gjendet, por unë konsideroj se në këtë drejtim rol të madh kanë prindërit të cilët nuk tregojnë një arsyetim. Disa prej tyre arsyetohen se dygjuhësia ua humbë suksesin në shkollë, por duhet kuptuar se mësimi plotësues nuk ka qëllim zëvendësimin e mësimit në gjuhën italiane, por plotësimin e shkollimit”, thotë Cikaqi.
Me gjithë kushtet jo të mira në objektin ku funksionojnë dhe vështirësitë për pagesën e qirasë, Cikaqi thotë se shkolla funksionon vetëm falë vullnetit të mësimdhënësve dhe një pjese të prindërve që duan ta ruajnë lidhjen me vendlindjen.
“Kushtet ku e zhvillojmë mësimin, u ngjasojnë kushteve të viteve të 90’ta në Kosovë. Kemi një klasë të improvizuar me disa banka e karrige, por megjithatë do ta mbajmë gjallë, nuk do të shuhet aktiviteti që fëmijët që lindin dhe jetojnë jashtë atdheut të mos humbin identitetin e tyre kombëtar, kulturor e gjuhësor”, vazhdon tutje ai.
Ai shton se punën e bën vullnetarisht, edhe pse Ministria e Diasporës, në Qeverinë e Kosovës, ka vite që ka premtuar se do të rregullojë çështjen e pagesës së mësimdhënësve në shkollat e mësimit plotësues në diasporë.
“Unë asnjëherë nuk kam marrë pagesë të veçantë, e kemi nga pasioni dhe vullneti. Duke pasur parasysh se dëshmorët kanë dhënë jetën për liri e për të drejtat kombëtare, ne bazohemi në atë që të japim një kontribut të vogël në këtë drejtim. Prandaj, kurrë nuk kam kërkuar nga prindërit që të na paguajnë, edhe Ministria e Diasporës ka vite që flet për pagesat, por deri sot nuk është bërë asgjë në këtë drejtim. Ne kemi pasur lokalin për mësim, kemi paguar qira, kemi pasur disa donatorë por tash numri i tyre po zvogëlohet dhe kemi pasur raste kur vetë mësuesit kemi paguar qiranë. Por në dy vjetët e fundit në pagesën e qirasë na ka ndihmuar edhe Ministria e Diasporës, por jo për mësuesit, sepse kanë thënë se nuk është ende me ligj”, shton Cikaqi.
Megjithatë, mësuesi 56-vjeçar, thotë se zyrtarët e Ministrisë së Diasporës bëjnë vizita të shpeshta dhe se në tre vjetët e fundit i furnizojnë me tekste shkollore falas të gjithë nxënësit.
Por, ai kërkon që Qeveria e Kosovës të krijojë kushte, duke hapur një qendër kulturore, ku sipas tij, të paktën do të siguroheshin ambientet për mësim dhe organizime tjera të cilat bëhen çdo vit.
Në Ministrinë e Diasporës e pranojnë gjendjen e rëndë në mësimin plotësues në gjuhën shqipe në diasporë. Por, thonë se janë të përfshirë në të gjitha aktivitetet arsimore në diasporë dhe se janë duke punuar në përmirësimin e gjendjes.
Ymer Avdiu, shef i Divizionit për Arsim në Diasporë, në kuadër të kësaj ministrie, thotë se mësimi plotësues në gjuhën shqipe mbahet në 19 vende të botës, nga Shtetet e Bashkuara të Amerikës, Kanadaja, Australia, Zelanda e Re dhe pjesën më të madhe të vendeve me diasporë shqiptare në Evropë.
Numri i nxënësve shqiptarë, që ndjekin mësimin plotësues në gjuhën shqipe, sipas Avdiut, është rreth 25 mijë, nga klasa e parë e deri në vitin e fundit të shkollës së mesme. Ndërsa numri i mësimdhënësve të angazhuar llogaritet të jetë mbi 550.
“Numri i nxënësve sillet rreth 25 mijë nxënës, që janë nga klasa e parë deri në vitin e fundi të gjimnazit. Punojnë rreth 550 mësues, prej tyre numri më i madh është në Suedi, afër 200 mësues dhe rreth 270 mësues paguhen nga shtetet pritëse. Ndërsa rreth 300 mësues punojnë vullnetarisht ose paguhet nga prindërit”.
Avdiu thotë se gjendje më e mirë është në shtetet pritëse të cilat financojnë mësimin në gjuhen e prejardhjes, si Finlanda e Suedia dhe në dy “lande” të Gjermanisë.
Sipas tij, në Finlandë janë mbi një mijë nxënës shqiptarë, ndërsa në Suedi mbi 6500.
E megjithëse pjesa më e madhe e diasporës së Kosovës është vendosur në Gjermani, Zvicër, Francë e Itali, sipas Avdiut, gjendja është e rëndë, pasi as shtetet pritëse e as Qeveria e Kosovës nuk e financon mësimin plotësues në gjuhën shqipe.
“Disa shtete, si Finlanda, Suedia, Austria e Kroacia, dhe disa ‘lande’ të Gjermanisë, mësimin e gjuhës së prejardhjes e kanë në kurrikulat e tyre. Për shembull, në Finlandë kemi rreth një mijë nxënës, 95 për qind e fëmijëve shqiptarë atje. Pra rrjedhimisht, aty ku financon shteti (pritës), gjendja është më mirë. Për shembull në Suedi numri i nxënësve është relativisht i mirë, nga nëntë mijë fëmijë, mësimin plotësues e ndjekin rreth 6500 nxënës. Në Gjermani, në dy ‘lande’ gjendja është e mirë, por në tërësi në Gjermani nuk është gjendje e mirë, gjendje e mirë nuk është as në Zvicër, sepse mësuesit nuk paguhen as nga shteti zviceran as nga ne. Në Francë po ashtu kemi shumë diasporë e pak shkolla, në Itali ka qenë deri vonë gjendje e rëndë, e po ashtu edhe në Slloveni. Në Itali është shtuar numri i nxënësve, e po shpresojmë që numri të shtohet edhe në Slloveni”, thekson Avdiu.
Sipas shefit të Divizionit për Arsim në Diasporë, Ligji i ri për diasporën – i cili ende nuk është miratuar në Kuvendin e Kosovës–pritet të rregullojë çështjen e pagesës së mësimdhënësve dhe institucionalizojë mesmin plotësues për bashkëatdhetarët që jetojnë në vendet tjera.
“Shpresojë që pagesa e mësimdhënësve, e cila do të rregullohet me ligj do të rrisë numrin e nxënësve. Të bëhet një lloj institucionalizimi dhe monitorimi i plotë i procesit mësimor”, shton Avdiu.
Në organizatën joqeveritare “Germin”, shprehen kritikë për mospagesën e mësuesve në shkollat e mësimit plotësues në diasporë, si dhe mungesën e një kurrikule të unifikuar mes qeverive të Kosovës dhe Shqipërisë.

Burimi: https://www.albinfo.ch/

Gjenevë: Një trio interkulturale për integrimin

në kategorine Diaspora

Marco Zappa: cantautor; Mimoza Nazarko : këngëtare lirike; Ilir Kryekurti: baterist

E Shtunë, 13 Prill 2019 – 11:50
Enriketa Kalldremxhiu Barbey

U desh një ditë nëntori që të tre muzikantët: dy shqiptarë dhe një tiçinez të gjendeshin së bashku në Gjenevë. Nga ky takim një «bebe» lindi. Me përkrahjen e pakursyer të Universitetit Popullor Shqiptar të Gjenevës iu mjaftuan vetëm pesë muaj për të «ngritur më këmbë beben» e tyre. Dhe erdhën këtë 6 prill përpara publikut gjenevez me beben të burrëruar e të bukur, për të çuar hov zemrat e shqiptarëve të Gjenevës, për të zgjuar kujtimet dhe emocionet e fjetura, siç do shprehej një spektatore.

Ajo pjesë publiku paksa sqimatare gjeneveze që pati fatin të ndodhej në këtë koncert, mundi të shijonte këtë bashkëpunim zvicerano-shqiptar me repertor të gjërë këngësh shqiptare, italiane, franceze dhe angleze. «Respekt dhe mirënjohje për vendin ku jetojmë, Zvicrën, që na mundëson ruajtjen dhe pasurimin e kulturës sonë në bashkëveprim me kulturat e tjera», do të shprehet Mimoza.

Në homazh të artistëve shqiptarë që kanë lenë gjurmë në historinë e muzikës shqiptare, koncerti çelet me «Valsin e lumturisë» për të mbushur sallën me zërin e fuqishëm të Mimozës me timbrikën e saj të kthjellët. Marco, që komunikon në frëngjisht me publikun frëngjisht-folës të Gjenevës, shpjegon fillesën e orkestracionit të tij për «Kur bie fyelli e çiftelia». Admirues i artistes sonë të madhe Vaçe Zela, ai sjell një orkestrim origjinal e të personalizuar (ndihet «vula» Zappa).
Së pari donte ta këndonte në qytetin e artistes, Lushnjë (në shenjë homazhi për Të). Rrethana teknike nuk ia ofruan këtë mundësi. Por kjo nuk pengoi këngën të merrte «rrugën» e për t’u kthyer në një hit. Suksesi i saj është përherë i padiskutueshëm: së pari për adhurimin që publiku shqiptar ushqen gjithmonë për Vaçen e madhe, së dyti, edhe respekti që Marco i imponon publikut me personalitetin e tij muzikor e human. Në variantin e koncertit tonë, në të ndërthuren bukur teksti shqiptar-italian-francez, që provokon një emocion më vete.

Tre perla të Ardit Gjebresë të fillim-viteve ’90, kur ai i fali skenës shqiptare «Projekt Jon» album-kult i kohës, që lidhi aq bukur influencën e muzikës tradicionale shqiptare me tingujt e instrumentave ballkanikë e mesdhetarë, prekur edhe nga tendencat e kohës së muzikës internacionale, duke sjellë hite rock e pop do vijnë në këtë koncert me të njëjtën ndjeshmëri, modernitet e bukuri nga tre artistët tanë. Tre perlat janë: «Ja ku jam», «Të kam shpirt», «Xhixhile».
Vend i është lënë edhe këngës «Fshatarja ime» të Sabri Fejzullahut, mbështetur në intonacionet popullore dhe e sjellë në variant pop-folk, si dhe repertorit tjetër kosovar: «Molla», «Moj bjondinë», «Zotëria juaj».

Punë të bukur dhe profesionale kanë bërë artistët. Për të paraqitur atë repertor të zgjedhur me kujdes të veçantë, për të prekur trevat e muzikës shqiptare me repertor nga Shqipëria si edhe nga Kosova, me një ritmikë të rrjedhshme emocionale. Këngët franceze dhe angleze, nuk mungojnë gjithashtu. Por këngët e Marcos qenë ato që i veshën kryekëput tisin e bukurisë koncertit. Marco ka një karrierë muzikore pas tij, që e kalon gjysmën e shekullit. Tre këngët e tij të koncertit në duo me Mimozën « La Rondine », « Attimi » dhe « Che sia il caffè » kërkuan jo pak punë që të vinin në publik me përkthime e harmoni tri-gjuhësore: italisht-shqip-frëngjisht. Ai është tepër kërkues. Qëllimi i vetëm: komunikimi dhe afërsia e artistëve me publikun. Pastaj, ai këndoi në të gjitha këngët shqip me Mimozën, gjë që i shtoi akoma më shumë sharmin këtij koncerti.

Publiku jetoi nën ritmin e artistëve : herë-herë duke kërcyer e kënduar nën tingujt e këngëve ritmike dhe intensive, herë-herë në heshtje përpirëse, për të admiruar romantizmin dhe muzikalitetin e Marcos e Mimozës, kombinimin absolut të të dy zërave të tyre.
Marco cantautor, multi-instrumentist nuk ndalet vetëm në interpretim. Inteligjenca e tij emocionale, idetë e tij multi-kulturale, shpirti i tij i hapur ndaj të gjitha kulturave i japin atij këtë dimension shumë ngjyrësh artistik, shoqëruar me një energji të pashtershme. «  Nuk mund të ndjeja lodhjen time me zhvendosjet nga Gjeneva ku jetoj, në Lugano për prova », thotë Mimoza. « Kur shihja Marcon, dashurinë dhe respektin e tij për këngët shqiptare, orkestracionet tona, energjinë e tij, me të cilën na i kalonte ne dy të tjerëve, lodhja më fashitej dhe në vilën e tyre familjare, më dukej se ndodhesha në Pogradecin e Elenës, gruas së Marcos ».

Dy shokë fëmijërie, Mimoza e Ilir, që kanë ndarë jetën e tyre artistike nëpër festivalet e Shqipërisë, Teatrin e Estradës së Tiranës dhe koncerte jashtë Shqipërie, së bashku me gjysmë-shqiptarin zviceran (jam nga fshati i gruas, themi ne), bëhen kjo urë lidhëse midis vendeve, midis kulturave, duke përcjellë mesazhe të forta harmonie dhe bashkëpunimi të dimensioneve universale.Do përmblidhja këtë koncert me fjalët e një spektatoreje: «…sa emocione të bukura na përcollët, me treshen tuaj – një sintoni e vërtetë», për të vazhduar me një tjetër spektatore po aq të nderuar «Duhet ta vazhdoni këtë bashkëpunim».
Sa më shumë koncerte të tilla cilësore, sa më shumë emocione të bukura, artistët tanë!!!!
 
 

Burimi: https://www.albinfo.ch/

Gani H. djeg dorën duke shpëtuar të riun, i zhgënjyer që askush nuk ndihmon

në kategorine Diaspora

Gani H. dëshiron të ndalojë edhe shoferët tjerë, për t`u kërkuar që të ndihmojnë. “Por ata vazhdonin tutje. Nuk arrij të kuptoj diçka të tillë”, thotë kosovari nga Gjermania

E Premte, 12 Prill 2019 – 20:20
albinfo.ch

I gjithë guximi i shpëtimtarëve shkoi huq. Pas një ndeshjeje ballore humbi jetën në autostradën A 94 një shofer i makinës Clio. Ofruesit e ndihmës së parë përjetuan tmerrin dhe zhgënjimin.
Viktima e aksidentit, një qytetar gjerman 28 vjeçar ishte duke e ngarë makinën e tij në drejtim të Passaut në afërsi të daljes në Anzing, shkruan tz.de. Papritur ai ka dalë nga korsia e tij dhe ka rrëshqitur në anën e djathtë duke u përplasur në këmbët e urës së autostradës. Tre burra kanë bërë përpjekje që ta nxjerrin të plagosurin rëndë nga makina. Për ta bërë këtë, ata janë detyruar që me aparatet zjarrfikëse të luftojnë me flakët që shpërthenin nga makina plotësisht e shkatërruar.
Gani H.,  56 vjeçar nga Kosova ka pësuar djegie gjatë këtyre përpjekjeve. “Flakët vinin në vazhdimësi”, tregon ai ende i paliruar nga presioni i përjetimit, transmeton albinfo.ch. “Unë doja që ai të mos digjej. Gjatë kësaj mendoja për familjen e tij”, thotë Ganiu, i cili prej 22 vitesh punon si shofer për një fabrikë birre në Kehlheim.
Kur Gani H. e pa aksidentin që kishte ndodhur para syve të tij në autostradë, ndaloi menjëherë kamionin e tij, duke bllokuar kështu dy korsitë e rrugës. Ndërkohë që shoferët tjerë që ngisnin makinat e tyre, tek kalonin skaj aksidentit, hapnin dritaret për të bërë sehir, Ganiu me dy të tjerë filluan të luftojnë për jetën e të lënduarit rëndë. Tashmë po dilte tymi nga makina. Aparatet zjarrfikëse të dorës nuk mjaftonin për të shuar flakët. Gani H. dëshiron të ndalojë edhe shoferët tjerë, për t`u kërkuar që të ndihmojnë. “Por ata vazhdonin tutje. Nuk arrij të kuptoj diçka të tillë”, thotë kosovari që jeton dhe punon prej vitesh në Gjermani.
Për ta ndihmuar të lënduarin, shpëtimtarët kanë vetëm një shans: ta nxjerrin atë me çdo kusht nga makina. Me një çekiç nga kamioni i tij, Gani H., godet dritaren e pasme të veturës Clio për të krijuar kështu një mundësi për të nxjerrë viktimën, përcjell albinfo.ch. Ndërkohë që njëri nga ndihmësit preu rripin me të cilin ishte lidhur viktima tashmë pa vetëdije, tjetri ia del që të hapë derën e mbrapme nga ana e djathtë dhe përmes saj, ia dalin që përfundimisht ta nxjerrin atë nga makina, para se ta kapte flaka.
Në atë moment arrijnë zjarrfikësit e parë dhe shërbimi i shpëtimit, të cilët fillojnë menjëherë t`ia bëjnë rianimacionin viktimës 28 vjeçare.
Gani H. dhe shpëtimtari i dytë kanë lënduar duart gjatë përpjekjeve për shpëtim dhe u desh që të marrin vetë ndihma nga ekipi i shpëtimit, transmeton albinfo.ch. Po ashtu edhe ndihmësi i tretë si dhe dy dëshmitarë u desh të trajtoheshin nga shërbimi i ndihmës së shpejtë.
“Unë kam djegur dorën e djathtë”, thotë Ganiu. “Gjithçka ka rrjedhur shumë shpejt. Ne nuk na ka ndihmuar vërtet askush”, thotë ai duke shprehur moskuptim për ngasësit tjerë të makinave që kanë kaluar aty pa u ndalur të ndihmojnë.
Kamionin e kosovarit u desh ta merrte një kolegë i tij, pasi që ai vetë ishte shumë i mërzitur pas asaj që kishte ngjarë. Pasi u bë e qartë se përkundër të gjitha përpjekjeve të mjekut të emergjencës, viktima e aksidentit nuk kishte mbiejtuar, shpëtimtarët janë tronditur, përcjell albinfo.ch. “Ne kemi marrë ngrykë njëri tjetrin dhe kemi qarë”, thotë 56 vjeçari.
Autostrada ka qenë e bllokuar për trafik tri orë pas aksidentit.

Burimi: https://www.albinfo.ch/

Numri më i ri i magazinës albinfo.ch: Me shqiptarët që ndajnë drejtësi në Zvicër

në kategorine Diaspora

Numri aktual i albinfo.ch ka portretuar dhe intervistuar një numër të konsiderueshëm të avokatëve, juristëve, këshilltarëve ligjorë, punonjësve të gjykatave dhe të prokurorive në Zvicër, të gjithë me rrënjë shqiptare

E Premte, 12 Prill 2019 – 14:00
albinfo.ch

Në numrin më të ri të magazinës albinfo.ch i cili nga sot është në duart e lexuesve, mund të lexoni materiale të shumta e të nduarduarshme nga shumë fusha të jetës së mërgatës sonë në Zvicër. Por, në “Dosjen e numrit”, redaksia kësaj here është përcaktuar për  prezantimin e shqiptarëve në sistemin juridik të Zvicrës.
Në këtë kontekst, numri aktual i albinfo.ch ka portretuar dhe intervistuar një numër të konsiderueshëm të avokatëve, juristëve, këshilltarëve ligjorë, punonjësve të gjykatave dhe të prokurorive në Zvicër, të gjithë me rrënjë shqiptare. Një pjesë e mirë e tyre kanë themeluar dhe udhëheqin zyra avokaturash disa të tjerë janë pjesë të zyrave të mëdha, por që të gjithë kanë treguar kurajo dhe ambicie për të arritur diçka të vlefshme në jetë. Dhe kjo nuk është e nënkuptueshme në një shoqëri të vlerave dhe të konkurrencës së fortë, siç është shoqëria zvicerane. Në kushte jo të barabarta, atyre u është dashur vullnet shumë i fortë, ambicie dhe mbështetje familjare për të arritur aty ku janë sot. Prandaj përmes shembujve të tyre, të prezantuar në këtë numër të magazinës, mund të mësohet se si tejkalohen sfidat e vështira kur nuk mungon vullneti, zelli për punë dhe mbështetja.
Krahas prezantimit të juristëve, në këtë dosje mund të lexohen edhe tema që lidhen me drejtësinë në Zvicër, kryesisht në segmentet që prekin të huajt, e në këtë kontekst, edhe shqiptarët. Bëhet fjalë për artikuj që rrahin çështjet si: bashkimi familjar në Zvicër, ndryshimet në Ligjin për të huajt dhe integrimin, mbi natyralizimin e të huajve etj.
Jashtë dosjes por gjithnjë brenda aktualitetit të shqiptarëve të Zvicrës, në këtë numër kemi edhe një intervistë ekskluzive me shqiptaren që ka arritur për herë të parë të zë vend në Parlamentin e Kantonit të Cyrihut, Qëndresa Sadriun. Portreti i Qëndresës, siç mund të shihet, është në ballinën e magazinës.
Edhe temat tjera nga përditshmëria e diasporës, përfshirë këtu edhe ato nga kultura, arti, moda, estrada, si gjithmonë, kanë gjetur vend edhe në këtë numër të albinfo.ch.
Magazina albinfo.ch gjendet dhe siguorhet falas në të gjitha ambientet ku frekuentojnë shqiptarët në gjithë Zvicrën. Ndërsa ata që duan ta kenë në shtëpi, përmes postës, mund të bëjnë abonimin e saj kundrejt pagesës.

Burimi: https://www.albinfo.ch/

Peticion për një pllakë përkujtimore kushtuar Iliasit të vrarë në Bazel

në kategorine Diaspora

Një banor i lagjes Gotthelf në të cilën më 21 mars është therur me thikë vogëlushi 7 vjeçar Ilias M. ka iniciuar një peticion për vendosjen e një pllake përkujtimore në vendin ku është vrarë Ilias M.

E Premte, 12 Prill 2019 – 12:00
albinfo.ch

Edhe pasi kanë kaluar më shumë se tri javë nga krimi në Bazel, në të cilin 75 vjeçarja A.F. me një thikë i shoi jetën 7 vjeçarit Ilias M., në vendin St.Galler-Ring një det prej lulesh vazhdon të na e kujtojë tragjedinë, shkruan bz.Basel. Por vjen një kohë që lulet dhe qirinjtë do të zhduken. Për këtë arsye, për të luftuar harresën, në vendin e krimit duhet të vendoset një pllakë përkujtimore, transmeton albinfo.ch. Këtë e kërkon një peticion i publikuar në platformën Petitio.ch.
“Unë dhe shumë njerëz tjerë kërkojmë me këtë peticion që qyteti i Bazelit në vendin e fatkeqësisë, në St.Galler-Ring në Bazel të ndërtojë një pllakë përkujtimore  për Iliasin”. Me këtë fjali të vetme e shpreh dëshirën e tij iniciuesi i peticionit nga lagjja Gotthelf e Bazelit.
Mirëpo është e paqartë nëse qyteti do të tregojë mirëkuptim për këtë. Objektet përkujtimore publike, sipas rregullit, u kushtohen figurave dhe ngjarjeve historike, përcjell albinfo.ch. Por kjo nuk do të thotë se një pllakë përkujtiomore për Iliasin nujk ka shanse.
“Peticioni kërkon një vizion të plotë të organit kompetent për t’iu përgjigjur”, thotë zëdhënësi i qeverisë Marco Greiner për “bz Basel”. Varësisht se ku është ngritur kërkesa, kompetencën do ta ketë Qeveria ose parlamenti.
 

Burimi: https://www.albinfo.ch/

19 të rinj nga Kosova në Gjermani, në trajnim trevjeçar për infermieri

në kategorine Diaspora

Ajo që e bën të veçantë kursin e këtij viti është prania e 19 të rejave dhe të rinjve të motivuar kosovarë…

E Enjte, 11 Prill 2019 – 21:20
albinfo.ch

Në shkollën për infermieri të Klinikës Hochsauerland të qytetit gjerman Meschede, ka filluar trajnimi për 31 infermierë të ardhshëm. Veçantia kësaj radhe qëndron në faktin se në mesin e 31 vetave janë edhe 19 vajza dhe djem nga Kosova, shkruan wp.de..
Trajnimi për infermierët dhe punonjësit shëndetësor zgjat tri vite.
Ndjekësit e rinj të këtij trajnimi janë përshëndetur përzemërisht nga stafi i spitalit dhe shkollës. Drejtuesja e shkollës, Heidelore Lessing ka theksuar se ky kurs i ri është i veçantë nga dy arsye. Njëra qëndron në pothuaj dyfishjimin e numrit të ndjkësve. Arsyeja tjetër që e bën të veçantë kursin e këtij viti është prania e 19 të rejave dhe të rinjve të motivuar kosovarë, transmeton albinfo.ch. Ata janë të moshave në mes 18 dhe 26 vjeçare, e zotërojnë shumë mirë gjermanishten dhe kanë aplikuar përmes një agjencie ndërmjetësimi për tu pranuar në këtë trajnim.
Intervistat për të bërë përzgjedhjen e tyre janë zhvilluar në fillim të vitit, në Kosovë. Dy punonjëse të klinikës kanë udhëtuar për këtë qëllim në Prishtinë ku kanë qëndruar një javë.
Për të mundësuar një fillim të mbarë, përmes klinikës veç tjerash janë marrë me qira dhe janë mobiluar gjashtë banesa. Ato do t`u lihen në dispozicion si banesa të përbashkëta ndjekësve kosovarë të trajnimit, të cilët do të paguajnë vetë qiranë, përcjell albinfo.ch. Atyre u ofrohet edhe shoqërimi në punët që kanë të bëjnë me autoritetet dhe mbështetja në formalitetet e nevojshme në ambientin e ri.
Ndërsa për të nxitur një integrim të sukseshëm të tyre, do të angazhohen nxënës të zgjedhur nga klasët më të larta në rolin e patronatit.

Burimi: https://www.albinfo.ch/

1 7 8 9 10 11 26
Shko lartë