Category archive

Diaspora - page 3

Me këngë e valle, promovohet kultura shqiptare në Norvegji

në kategorine Diaspora

E Hënë, 1 Korrik 2019 – 18:40
albinfo.ch

Në qytetin Kristiansand të Norvegjisë është mbajtur parada e aktiviteteve shumëkulturore, përcjell albinfo.ch.
E në këtë aktivitet nuk kishte si të mungonte komuniteti shqiptar. Me këngë, valle e veshje tradicionale shqiptare, ata kanë marshuar në këtë paradë, duke e promovuar kulturën shqiptare.
Madje, disa prej tyre mbanin në duar një portret të Nënë Terezës dhe një pankartë me thënie të saj.
“Çfarë mund të bësh për ta promvuar paqen në botë? Shko në shtëpi dhe duaje familjen tënde”, është mbishkrimi i pankartës që i atribohet Nënë Terezës, përcjell albinfo.ch.
Në videon e mëposhtme, që është publikuar në faqen e ministrit të Shtetit për Diasporën (Shqipëri), mund të shihni pamje nga parakalimi i pjesëtarëve të komunitetit shqiptar.

Burimi: https://www.albinfo.ch

Kosovarët, të tretët për nga numri i të huajve në St.Gallen

në kategorine Diaspora

Pas gjermanëve, (5263) por me një diferencë të madhe, vijnë italianët (2765) dhe më tutje, në vendin e tretë, kosovarët (1976)

E Hënë, 1 Korrik 2019 – 12:05
albinfo.ch

Aktualisht në qytetin St.Gallen jetojnë afërsisht 25.000 të huaj, gjegjësisht njerëz që nuk kanë pasaportë zvicerane. Më saktë: në fund të vitit 2018, kur janë publikuar shifrat e fundit deri tash të Zyrës Kantonale për Statistikë, kanë qenë 24478 të huaj, shkruan tagblatt.ch.
Shikuar sipas përkatësisë shtetërore, grupin më të madh të të huajve e përbëjnë gjermanët. Pothuajse çdo i katërti i huaj në qytet ka nënshtetësi gjermane, transmeton albinfo.ch. Bëhet fjalë për 5263 shtetas gjermanë që jetojnë në qytetin St. Gallen.
Pas gjermanëve, por me një diferencë të madhe, vijnë italianët (2765) dhe më tutje, në vendin e tretë, kosovarët (1976). Në vazhdim janë serbët (1356), portugezët (1176), shtetasit e Maqedonisë (876) etj.
Si gjithmonë, kur është fjala për shqiptarët, edhe në këtë rast duhet theksuar se shifrat për ta nuk mund të gjenden së bashku nën një zë statistikor, shkruan albinfo.ch. Ato janë të ndara në mes disa shteteve, pasi që statistikat zyrtare njohin vetëm përkatësinë shtetërore dhe jo edhe atë etnike.
Kështu, përveç shtetasve të Kosovës që janë me shumicë dërmuese shqiptarë, edhe shumicën e shtetasve të Maqedonisë ne këtë qytet mund të konstatohet se e përbëjnë shqiptarët. Po ashtu një numër i konsiderueshëm shqiptarësh përfshihet edhe në kategorinë e shtetasve të Serbisë, marrë parasysh këtu shqiptarët e Luginës së Preshevës.

Burimi: https://www.albinfo.ch

Sukseset e kosovarëve në Kanada

në kategorine Diaspora

E Diel, 30 Qershor 2019 – 22:35
albinfo.ch

Dardan Isufi me origjinë nga Kamenica është një prej sipërmarrësve të suksesshëm në fushën e teknologjisë së informacionit në Kanada. “Eva” është ideja e dy të sapodiplomuarve, Gaudreault Sebastiani, inxhinier softuerik 23-vjeçar me diplomë nga Laval University dhe Dardan Isufi 22-vjeç me diplomë nga McGill në fushën e shkencave politike.
Dardani 20 vjet më parë shkoi si refugjat në Montreal të Kanadasë, atëherë kur lufta ishte në kulmin e saj.

Por sot, në kohën e epokës së teknologjisë së informacionit dhe aplikacioneve, listës së sipërmarrësve të rinj inovativ në mbarë botën i është shtuar edhe emri i tij.  Projekti “Eva”, tashmë ka marrë dritën jeshile nga qeveria provinciale e Kebekut për të operuar ligjërisht si shërbim taksie.
Aplikacioni më i ri “Eva” është një projekt i bazuar mbi ‘blockchain’ dhe është konkurruese e UBER. Vetëm për një muaj të operimit ky projekt ka regjistruar mbi 12 mijë përdorues dhe janë regjistruar mbi 500 shoferë.
Ëndrra e kosovarit është që projekti i tij të shtrijë operimin edhe në Prishtinë, shkruan RTK, përcjell Albinfo.ch.
Tregime suksesi të kosovarëve në kryeqytetin e Kanadasë në Otava do të mund t’i ndiqni së shpejti në një dokumentar special në RTK.

Burimi: https://www.albinfo.ch

Kanada: Shkrimtari dhe publicisti Shani Pnishi merr titullin “Ambasador i Kombit”

në kategorine Diaspora

E Diel, 30 Qershor 2019 – 17:20
albinfo.ch

Shkrimtari kosovar në Kanada, Shani Pnishi, sot ka marrë titullin “Ambasador i Kombit”, përcjell albinfo.ch.
Siç ka bërë të ditur vetë Pnishi, ky titull iu dorëzua gjatë një ceremonie të organizuar nga Ambasada Shqiptare në Otava të Kanadasë.
“Në një ceremoni organizuar nga Ambasada Shqiptare në Ottawa, Kanada, m’u dorëzua titulli “Ambasador i Kombit”. Falënderoj të gjithë ata që më kanë përkrahur në çdo hap, veçanërisht gruan time Albana Hisenaj-Pnishi dhe bashkëpunëtorët e Shoqatës Shqiptare të Hamiltonit”, ka njoftuar Pnishi.
Shani Pnishi u lind më 15 tetor të vitit 1977 në Demjan të Hasit të Gjakovës. Studioi Letërsi dhe Gjuhë shqipe në Universitetin e Prishtinës dhe më pas Shkenca Politike në McMaster Universitey në Hamilton të Kanadasë. Pnishi merret me poezi, prozë e publicistikë. Ka të botuar dy libra me poezi: “99” dhe së fundmi librin “Këtu dhe atje”. Ai po ashtu është pjesë e Shoqatës Shqiptare të Hamiltonit.
Pnishi ka nënshtetësi kanadeze dhe jeton në Hamilton të Kanadasë me gruan dhe fëmijët. 
Foto: Shani Pnishi (Fb)
 

Burimi: https://www.albinfo.ch

Zhduket në Liqenin Como futbollistja e Nati-t zviceran, Florijana Ismajli

në kategorine Diaspora

Futbollistja Florijana Ismaili, pjesëtare e Kombëtares Zvicerane të Futbollit nga e shtuna konsiderohet e humbur në Liqenin e Como-s në Itali.

E Diel, 30 Qershor 2019 – 11:15
albinfo.ch

albinfo.ch
Të shtunën është njoftuar për një turiste zvicerane të zhdukur në Liqenin e Como-s. Siç bën të ditur agjencia Italiane  Lajmeve, Ansa, bëhet fjalë për Florijana Ismailin, lojtare e Kombëtares Zvicerane të futbollit dhe e klubit Young Boys të Bernës.
E reja 24 vjeçe kishte vendosur që me një mike të saj dhe bashkëlojtare, të kalonte një ditë në liqenin e përmendur. Rreth orës 16.30 u ndez alarmi. Floriana ishte zhytur në ujë prej nga nuk ka dalë më, transmeton albinfo.ch. Menjëherë janë angazhuar zhytësit, por aksioni është ndërprerë në mbrëmje ndërsa ka rifillkuar sot në mëngjes.

Policia e Como-s nuk e ka vërtetuar dhe as përgënjeshtruar lajmin, ndërsa përgjegjësit e Kombëtares së Zvicrës dhe të YB kanë qenë të paarritshëm, ka shkruar 20minuten.ch.
Florijana për herë të parë për Nati-n zviceran ka luajtur në vitin 2014. Me trajnerin Woss Tecklenburg ajo ka luajtur 30 ndeshje. Ka marrë pjesë në Kampionatin Botëror të vitit 2015, ndërsa në kualifikimet për Botërorin 2019, Nati kishte dështuar, përcjell tutje albinfo.ch.
Vetëm para dy javësh Florijana ka luajtur ndeshjen e fundit për Nati-n. Ajo luante që nga viti 2011 për Young Boys.
Florijana Ismaili është shqiptare, me prejardhje nga Lugina e Preshevës.

Burimi: https://www.albinfo.ch

Fëmijët shqiptarë në Ukrainë mësojnë vallet tradicionale shqiptare

në kategorine Diaspora

E Shtunë, 29 Qershor 2019 – 23:30
albinfo.ch

Fëmijët e komunitetit shqiptarë Ukrainë po mësojnë të performojnë valle tradicionale shqiptare, përcjell albinfo.ch.
Nga Agjencia Kombëtare e Diasporës kanë shkruar se ky komunitet shqiptar në Ukrainë, po mëson vallet shqiptare për herë të parë pas 500 vitesh.

“Për herë të parë pas 500 vjetësh fëmijët e komunitetit shqiptar në Karakurt, Ukrainë mësojnë vallet tradicionale shqiptare nga valltarët e Ansamblit Kombëtar. Valltarët janë dërguar në Ukrainë, si pjesë e marrëveshjes midis Agjencisë Kombëtare të Diasporës dhe Teatrit Kombëtar të Operas dhe Baletit të Shqipërisë”, thuhet në njoftimin e AKD-së.
Së fundmi të rinjtë shqiptarë nga Ukraina kanë mbajtur edhe një ekskurision në Shqipëri, përcjell albinfo.ch.

Burimi: https://www.albinfo.ch

Mbi 31 mijë biznese të shqiptarëve në Itali

në kategorine Diaspora

E Shtunë, 29 Qershor 2019 – 13:20
albinfo.ch

Sipas të dhënave zyrtare të raportuara nga Bashkimi i Dhomave të Tregtisë së Italisë sipërmarrësit shqiptarë në Itali janë mbi 31 mijë.Shqiptarët renditen të katërtit mes të huajve në Itali për nga numri i sipërmarrjeve.Emrat shqip të regjistruara në Dhomat e Tregtisë përbëjnë rreth 5% të gjithë ndërmarrjeve të huaja.Në rrugën Enrico Stevensson, pranë Sheshit Bolonja në Romë, disa të rinj shqiptarë kanë sjellë një frymë të re biznesi.Dinamika, energjia dhe korrektësia që karakterizon shqiptarët ka bërë që zona të marrë një tjetër ritëm ekonomik.Ndër ata që kanë pasur sukses në Itali janë edhe Sigrida Shutin dhe Arben Shpatën, raporton businessmag, përcjell albinfo.ch .Sigrita ka një restorant, ndërsa Arbeni ka një zyrë projektimi dhe zhvillimi. Ndërkohë që Sigrida u shërben banorëve të zonës dhe turistëve, Arbeni po punon me skuadrat e tij të projektimit në të gjithë Italinë.Prej 7 vitesh Sigrita Shuti drejton sipërmarrjen e saj.Shpirti sipërmarrës dhe ecuria e mirë e punës në qendrën historike të Romës, nuk e shuan dëshirën e tyre për investuar në Shqipëri, por e pranojnë se mes vlerësimeve, kanë gjetur lehtësisht më shumë mundësi pikërisht në një prej qyteteve më të vjetra e të shtrenjta në botë.Sigrita tregon se para se të hapte biznesin në Romë bëri një studim tregu në Shqipëri, i cili nuk rezultoi në favor të vendit të saj të lindjes. Arbeni ndërkohë, ende sheh me interes tregun e vendlindjes.

Burimi: https://www.albinfo.ch

Rosario Petta: Ka qenë fat të lind arbëresh

në kategorine Diaspora

E Premte, 28 Qershor 2019 – 19:20
albinfo.ch

 
 
Përfaqësues i arbëreshëve dhe anëtar i Këshillit Koordinues të Diasporës e njëherësh edhe kryetar i Komunës “Piana Degli Albanesi” në Itali, Rosario Petta është një personalitet i rëndësishëm botës dhe kulturës arbëreshe
Në një intervistë të gjatë për thealbanian.co.uk ai rrëfen për aktivitetin në komunitetin arbëresh, lidhjen e fortë që ka me Shqipërinë dhe mesazhin e tij për gjithë shqiptarët.
“Të kujtojmë dhe të nderojmë historinë kudo që të ndodhemi, për hir të heroit tonë kombëtar Skënderbeut dhe për hir të shenjtores tonë Nënë Tereza, sepse një shqiptar kurrsesi nuk mundet të harrojë se ndajmë “një gjak, një gjuhë, një botë”, ka thënë ai përcjell albinfo.ch.
Kryeministri i Kosovës Ramush Haradinaj e ka emëruar këshilltar të jashtëm.  Ai po ashtu është vlerësuar me çmime të ndryshme nga qeveria e Kosovës dhe ajo e Shqipërisë për kontributin e tij të çmuar në ruajtjen dhe trashëgimin e vlerave arbëreshe.Ministri i Shtetit për Diasporën, Pandeli Majko, ka thënë se ky personaltiet meriton mirënjohje dhe respektin më të thellë.
 
 

Burimi: https://www.albinfo.ch

Gino Mulliqi, pjesë e Dhomës së Tregtisë në Wylie

në kategorine Diaspora

E Premte, 28 Qershor 2019 – 18:41
albinfo.ch

Shoqata Kulturore Shqiptaro -Amerikane e Teksasit në SHBA, njofton se Gino Mulliqi është shqiptari që është bërë pjesë e Dhomës së Tregtisë në qytetin Wylie, në Teksas, transmeton albinfo.ch.Ai gjithashtu është pjesë e Shoqatës Kulturore Shqiptaro-Amerikane në Teksas, SHBA.“Urime për anëtarin e bordit të AACC Gino Mulliqi për t’u zgjedhur në Bordin e Zhvillimit Ekonomik Wylie. Ai u votua në këtë pozitë prestigjioze nga këshilli i qytetit Wylie. Ky bord prej pesë anëtarësh zhvillon një plan të përgjithshëm zhvillimi ekonomik për Qytetin dhe i bën rekomandime Këshillit lidhur me prioritetet e financimit për të ndihmuar bizneset e reja”, thuhet në njoftim.

Burimi: https://www.albinfo.ch

Dy kuzhinierët shqiptarë me famë botërore

në kategorine Diaspora

E Premte, 28 Qershor 2019 – 13:40
albinfo.ch

Dy super kuzhinierë shqiptarë që tashmë i njeh edhe bota, jo rrallë janë shpërblyer me çmime tejet të rëndësishme në fushën në të cilën veprojnë, shkruan KultPlus, përcjell albinfo.ch. 
Rene Rexhepi është njëri prej tyre, i cili u bë supër i famshëm me restorantin e tij “Noma” në Danimarkë. 

“Noma” është restorant, i cili për herë të parë është themeluar nga René Rexhepi, në Kopenhagë, Danimarkë, në vitin 2004, ndërsa tani “Noma” ka në vende të ndryshme të botës. 
Tjetri është Bledar Kola, i cili pas eksperiencave në Evropë u kthye dhe hapi një restorant në kryeqytetin e Shqipërisë me emrin “Mullixhiu”, i cili ka tërhequr vëmendjen ndërkombëtare. Kuzhinieri është i vendosur që vendin e tij ta sjellë përsëri në kulturën e tij të lashtë të ushqimit. 
Kohë më parë Bledar Kola kishte marrë oferta të ndryshme nga restorantet me të famshme në Evropë, madje edhe nga Rene Rexhepi, po asnjë nuk e bindi, ai u kthye në vendin e origjinës për të bërë punën e tij. 
Ju sjell një fotografi të përbashkët të këtyre dy super kuzhinierëve shqiptarë. Këtë fotografi e ka shpërndarë Bledar Kola teksa uron Kuzhinierin supër të famshëm shqiptar Rene Rexhepin kësaj radhe për nominimin që ka marrë si restoranti i dytë më i mirë në botë. 
 

Burimi: https://www.albinfo.ch

Shtyhen datat për Festivalin e Fëmijëve nga Diaspora

në kategorine Diaspora

E Premte, 28 Qershor 2019 – 0:00
albinfo.ch

Foto ilustrim
Ministria e Diasporës dhe investimeve Strategjike ka shtyrë afatin për aplikim në Festivalin e Fëmijëve nga Diaspora, duke ndryshuar edhe datat e mbajtjes së Festivalit.
Festivali do të mbahet në datat 27-29 korrik 2019, përcjell albinfo.ch.

Gjatë tri ditëve, sa do të zgjasë festivali, fëmijët nga diaspora do të kenë mundësi që talentin e tyre ta shpalosin në fusha të ndryshme si në art, muzikë, vallëzim, folklor e këndim, njofton MDIS.
Në ditën e parë, festivali organizohet në bibliotekën “Hivzi Sylejmani” në Prishtinë, në ditën e dytë, mbahet në sheshin “Zahir Pajaziti” në Prishtinë (koncert me këngë e valle). Ndërsa në ditën e tretë, në kuadër të festivalit, organizohet një ekskursion njëditor me fëmijët nga diaspora.
MDIS ka ftuar mësuesit dhe përfaqësuesit e shoqatave ta bëjnë përzgjedhjen e fëmijëve për pjesëmarrje në këtë festival.

Burimi: https://www.albinfo.ch

Si i kanë punët shqiptarët në Zvicër

në kategorine Diaspora

Fanaj: Pas “rreth 60 vitesh në Zvicër, duhet të pushojmë së foluri për integrimin!”.
Emision i Radios SRF mbi gjendjen e komunitetit shqiptar në Zvicër sot

E Enjte, 27 Qershor 2019 – 21:40
albinfo.ch

Këtë fundjavë, në Cyrih “vjen” festivali Alba-Festival, sipas organizatorëve, spektakli më i madh shqiptar që ka parë Evropa ndonjëherë. Një rast i mirë ky për gazetarin e radios SRF Marc Lehman që në emisionin e tij “Tagesgespräch” dy njohësve të komunitetit t`ua drejtojë pyetjen: Si i ka punët komuniteti i këtushëm shqiptar? Përgjigjen Hamit Zeqiri dhe Ylfete Fanaj.
Rreth një çerek milioni shqiptarë jetojnë në Zvicër. Por, edhe më tutje dihet pak për ta, shkruan srf.ch, transmeton albinfo.ch. “Vërtet u brohorasim ikonave të tyre, si yjeve të kombëtares zvicerane Xhaka dhe Shaqiri, por pastaj sërish u kthehemi paragjykimeve mbi maçot, bartës të zingjirëve të trashë, të cilët me makinat e tyre të fuqishme i bëjnë të pasigurta rrugët dhe për më tepër, shfrytëzojnë fondet sociale”, shkruan srf.ch

Dhe kjo ndodh përkundër faktit se shumica e madhe e shqiptarëve janë integruar si është më së miri në Zvicër dhe bëjnë këtu karriera fare zakonshme, të klasës së mesme.
Një ditë para Alba Festivalit, dhe një vit pas aferës së shqiponjës dykrerëshe, ne së bashku me Ylfete Fanajn dhe Hamit Zeqirin, po i hedhim një vështrim realiteteve jetësore të komunitetit të këtushëm shqiptar, përcjell albinfo.ch.
37 vjeçja Ylfete Fanaj ka ardhur nga Kosova në Zvicër si vajzë 9 vjeçare dhe këtu ka ndërtuar një karrierë politike: Nga viti 2011 është në Parlamentin e Kantonit të Luzernit, të cilin vitin që vjen do ta kryesojë dhe kështu do të bëhet ligjërisht, njeriu numër një në politikën e Kantonit të Luzernit, transmeton albinfo.ch.
Hamit Zeqiri, 48 vjeçar, e ka braktisur Kosovën në moshën 24 vjeçare për shkaqe politike. Punëtori i diplomuar social dhe mediatori udhëheq Qendrën Profesionale Fabia në Luzern, e cila këshillon njerëzit dhe institucionet lidhur me çështjet e migracionit.
Dy të përmendurit në bashkëbisedimin me radio SRF kanë shpalosur gjerësisht pikëpamjet e tyre në lidhje me komunitetin e këtushëm shqiptar, integrimin e tij në Zvicër, problemet që shoqërojnë këtë integrim etj. Fanaj, në këtë kontekst ka thënë se pas “rreth 60 vitesh në Zvicër, duhet të pushojmë së foluri për integrimin!”. Ajo ka folur për lidhjet që shqiptarët kanë me vendin e prejardhjes, lidhje këto që, për shkaqe të kuptueshme, me kalimin e kohës bëhen më të dobëta etj.
Hamit Zeqiri është shprehur lidhur me profilin e komunitetit, problemet me imazhin etj.
Ata që e kuptojnë gjermanishten në dialektin zviceran, në këtë LINK mund ta dëgjojnë bisedën e përfolur më lart.

Burimi: https://www.albinfo.ch

ABSM, një qendër që nuk mund të anashkalohet, kur flitet për integrimin në regjionin e Bazelit

në kategorine Diaspora

Njëzet e dy vite më parë ishte themeluar ABS që ishte konceptuar si këshillimore për shqiptarët në Zvicër, pai që ishte koha kur numri më i madh i refugjatëve këtu vinin nga Kosova dhe trojet tjera shqiptare. Vetëm tri vite më pas ABS kishte fituar çmimin për integrim në nivel të Kantonit të Bazelit. Dhe, shef i ekzekutivit të kantonit atëbotë ka qenë Dr. Hans-Martin Tschudi, me emrin e të cilit lidhen shumë punë me vlerë rreth integrimit të të huajve dhe në veçanti të shqiptarëve, në Basel.Tschudi, i cili prej kohësh nuk mban më këtë post, gjeti kohë që të vinte në manifestimin përmbyllës të vitit shkollor 2018-2019 të qendrës që sot quhet ABSM. Këshillimorja e dikurshme e vogël, tashmë është rritur dhe zhvilluar dukshëm. Ajo ka ndryshuar dhe emrin, është bërë “Ausbildungs- und Beratungsstelle für Migrantinnen und Migranten” ( Qendër Këshillimore dhe Trajnuese për Migrantet dhe Migrantët) ose shkurt: ABSM, duke reflektuar kështu zgjerimin e fushëveprimtarisë së saj ndër vite.Duke marrë fjalën para një numri të madh të frekuentuesve të kësaj shkolle, familjarëve dhe miqve të tyre, Tschudi përkujtoi me nostalgji kohën e themelimit të ABS. Ai me këtë rast nënvizoi se themelimi i saj dhe pastaj ndarja e çmimit për të, ishte një tregues për vlerën e shtuar që ka sjellë kjo qendër në drejtim të integrimit të të huajve.
“Sot, 20 vite më vonë, është e pamundur të mos përmendet ABSM, kur flitet për jetën shoqërore në Kantonin Baselstadt. ABSM paraqet sot një institucion të madh dhe të rëndësishëm, i cili është rritur gjatë mbi 20 viteve të ekzistimit të vet”, ka thënë veç tjerash z. Tschudi.

Ai ka nënvizuar disa herë gjatë fjalës së tij së tij spontane, rëndësinë e patjetërsueshme të njohjes së gjuhës së vendit për të huajt që vijnë të jetojnë në Zvicër. “Edhe unë nëse do të shkoja për të jetuar diku jashtë, puna e parë që duhet të bëja do të ishte mësimi i gjuhës së vendit. Kjo është gjëja më elementare për të kuptuar realitetin në vend dhe për t`u integruar aty. Prandaj kontributi i ABSM-së si qendër që ofron kryesisht kurse për mësimin e gjuhës gjermane është më se i rëndësishëm në drejtim të integrimit të të huajve në Bazel dhe në Zvicër, ka thënë veç tjerash z. Tschudi.

Në fjalën e tij përshëndetëse, Nazmi Jakurti, anëtar i bordittë ABSM ua ka uruar absolventëve diplomimin në kurset e ndjekura, duke i përgëzuar për rezultatet dhe angazhimin e treguar. Ai ka përshëndetur me këtë rast edhe partnerët e ABSM-së, fondacione, organizata ose qendra këshillimore nga qyteti dhe regjioni i Bazelit, që së bashku kanë mundësuar punën e suksesshme të saj ndër vite.
Jakurti ka rikujtuar se ABSM është themeluar para 22 vitesh falë angazhimit të palodhshëm të Skender Nikoliqit dhe një grupi të vogël miqsh dhe mbështetësish, fillimisht si ABS (Këshillimore Shqiptare). Bëhej fjalë asokohe në radhë të parë për të ndihmuar njerëzit që kishin ardhur në Zvicër të ndjekur nga dhuna në vendet e tyre të prejardhjes.

Anëtari i Bordit të ABSM ka sjellë në kujtesë të të pranishmëve edhe specifikat e qytetit të Bazelit në qasje me të huajt, gjegjësisht rolin e tij prijës në politikat e integrimit që ka Bazeli në nivel të Zvicrës. “Të gjithë të porsaardhurit stimulohen të mësojnë gjermanishten dhe të integrohen në shoqërinë e këtushme. Ndërsa ABSM si një qendër profesionale për integrim merr përgjegjësitë e saj me motivacion të lartë. Ajo ofron prej tashmë një viti, kursin e gjermanishtes dhe të integrimit për të posaardhurit, një kurs prej 80 orësh, që u mundëson të huajve të radhur rishtas në Bazel të fitojnë një kupon gratis me të cilin ndjekin kursin në fjalë.

Edhe themeluesi dhe kryetari i ABSM, Skender Nikoliqi u është drejtuar të pranishmëve me një fjalë rasti, duke i përgëzuar kursistët për ndjekjen e kurseve dhe për suksesin e treguar. Ai po ashtu ka përshëndetur ish kreun e Qeverisë së Kantonit të Bazelit, z. Tschudi, për praninë e tij në aktivitet. Nikoliqi ka falënderuar edhe përfaqësuesit tjerë të institucioneve të Kantonit të Bazelit, që kishin nderuar takimin me pjesëmarrjen e tyre.

Vlerësimi i kursistëve për kurset e kryera të gjermanishtes është bërë me një ceremoni të përgatitur mirë nga organizatori. Fillimisht janë ngjitur në skenë kursistët që janë dalluar për vijim më të rregullt të kursit, të cilëve, për zellin e treguar, u është ndarë nga një kupon me vlerë dhe u është dhuruar nga një lule. Pas tyre, në radhë kanë qenë kursistët që kanë treguar rezultatet më të mira në kurset e ndjekura të gjuhës gjermane. Ish kreu i Qeverisë së Kantonit të Bazelit, Tschudi dhe kryetari i ABSM-së, Skender Nikoliqi, i kanë përgëzuar dhe shpërblyer ata po ashtu me nga një kupon me vlerë dhe një trëndafile.

Për “kolonën muzikore” të aktivitetit është kujdesur trioja e udhëhequr nga saksofonisti i njohur shqiptar në Bazel, Arsim Leka. Ky grup i vogël muzikor në përbërje të të cilit ishin edhe Martin Wyss dhe Lucio Marelli, ka interpretuar me mjeshtëri një numër melodishë instrumentale të frymëzuara kryesisht nga folklori shqiptar.
Edukatoret që bëjnë përkudesjen e fëmijëve të pjesëmarrëseve të kurseve, po ashtu kanë prezantuar një pikë të vogël muzikore së bashku me fëmijët.

Mbrëmja është përmbyllur me një apero të pasur, të ofruar nga restoranti “L`Esprit” ku është mbajtur aktiviteti dhe me ushqime të sjella nga vetë ndjekësit e kurseve. Gjatë aperos, shoqërimin muzikor  me instrumentet e tyre e kanë bërë Veronica dhe Regula.

Larushia e ushqimeve të ofruara në këtë apero pasqyronte edhe përbërjen e larmishme të kursistëve: ata/ato vinin nga vende të ndryshme të botës dhe po fillojnë një jetë të re, të integruar, në Bazel, në Zvicër. Këtë po e bëjnë sigurisht edhe me ndihmesën shumë të çmuar të ABSM-së.

Në ABSM mund të regjistroheni edhe gjatë verës
ABSM ofron kurse të gjermanishtes nga niveli A1 deri në B2. Po ashtu në programin e saj ABSM ka edhe kurset e ashtuquajtura “Willkommen” si dhe kurset speciale për nënat. Të gjitha kurset mund të vizitohen në kohë të ndryshme: si paradite, pasdite dhe në mbrëmje.
Karakteristikë e ofertës së ABSM është se ajo u mundëson nënave me fëmijë të vegjël përkujdesje fëmijët e tyre gjatë kohëzgjatjessë kurseve. Për fëmijët, përkujdesen tri edukatore të certifikuara për gjermanishten parashkolore.
Gjithashtu ABSM ofron programin njëvjçar për fëmijët para shkollimit parashkollor “Kindergarten”. Ky program quhet Obligatorium “Frühe Deutschförderung” dhe ështe dy deri katër herë në javë gratis për fëmijët e moshës 3 deri 4 vjeçare.
Viti i ri shkollor me këto oferta fillon nga mesi i gushtit ndërsa të interesuarit për të regjistruar ndonjërin nga kurset mund të kontaktojnë sekretariatin e ABSM gjatë gjithë kohës, pasi që ai funksionon edhe gjatë pushimeve verore.

Burimi: https://www.albinfo.ch

Arrestohet një shqiptar në Gjermani i kërkuar për vrasje në Austri

në kategorine Diaspora

E Enjte, 27 Qershor 2019 – 9:00
albinfo.ch

Policia gjermane ka arrestuar një 31-vjeçar shqiptar, i shpallur në kërkim për vrasje.
Ai ishte shpallur në kërkim nga Austria, pasi dyshohej si autori i vrasjes së një 46-vjeçari boshnjak, mbrëmjen e 4 qershorit, në Sazburg.
Mediat gjermane raportojnë se, shqiptari i arrestuar njihej me emrin Klodi dhe ishte nga Tirana.
31-vjeçari është arrestuar në një lokal, gjatë një kontrolli nga policia gjermane, derisa nuk ka rezistuar në momentin e arrestimit, përcjell albinfo.ch.
Ai pritet të ekstradohet në Austri, ku do të përballet me akuzat për vrasje.
Ndërkohë, gjatë ngjarjes së 4 qershorit mbeti i plagosur dhe djali i viktimës.

Burimi: https://www.albinfo.ch

Mbahet manifestimi “Ditët Shqiptare në Bavari”

në kategorine Diaspora

E Mërkurë, 26 Qershor 2019 – 18:00
albinfo.ch

Ministria e Diasporës dhe Investimeve Strategjike, në bashkëpunim me FC Kosova München organizon “Ditët Shqiptare në Bavari”, përcjell albinfo.ch.
“Ditët Shqiptare në Bavari” përfshijnë manifestim kulturor, turnir futbolli dhe sofër tradicionale.
Aktiviteti realizohet më 29 dhe 30 qershor 2019, në Munih të Gjermanisë.Hapja zyrtare e aktivitetit bëhet në orën 12:00.
Adresa: Grohmannstr. 63, 80993 München

Burimi: https://www.albinfo.ch

18-vjeçarja nga Kosova përfaqëson Zvicrën në Olimpiadën e Ekonomisë

në kategorine Diaspora

Delina Maliqi do ta përfaqësojë Zvicrën në Olimpiadën e Ekonomisë

E Mërkurë, 26 Qershor 2019 – 10:00
albinfo.ch

Shqiptarët vazhdojnë të korrin suksese në Zvicër në fusha të ndryshme. E tillë është edhe 18-vjeçarja me prejardhje nga Kosova, Delina Maliqi.
Ajo është zgjedhur në mesin e katër nxënësve për të përfaqësuar Zvicrën në Olimpiadën e Ekonomisë prej 23 korrikut deri më 1 gusht në St. Petersburg të Rusisë.  Ajo, në një intervistë për albinfo.ch, flet për prejardhjen e saj, suksesin dhe synimet.
“Jam e lindur në Zvicër, ndërsa prindërit e mi janë nga Kosova, babai është nga Gjilani dhe nëna nga Prizreni. Në moshën e tij 26-vjeçare babai im kishte vendosur që për shkak të ashpërsimit të situatës politike në Kosovë, të emigronte në Zvicër. Ajo që ishte planifikuar si qëndrim një deri dy-vjeçar, u shndërrua në vendbanimin e tij të ri. Që atëherë ne jetojmë në Cyrih, por e vizitojmë Kosovën për çdo vit”, është shprehur në fillim 18-vjeçarja për albinfo.ch.
Delina, e dyta majtas
Ajo mendon të vazhdojë studimet në Zvicër. “Unë kam një vëlla dhe një motër. Ne jemi trenjakë dhe aktualisht jemi duke ndjekur që të tre gjimnazin e Shkollës Kantonale Zürich Nord. Këtë vit unë dhe motra përfundojmë gjimnazin dhe planifikojmë që në shtator të fillojmë studimet në Universitetin e Cyrihut”, thotë tutje Delina për albinfo.ch.
Ajo është shumë e lumtur që është zgjedhur për të përfaqësuar Zvicrën. “Gjatë pushimeve verore unë do të fluturoj drejt Rusisë, Petersburgut, për të përfaqësuar atje Zvicrën në Olimpiadën Ekonomike. Nga e gjithë Zvicra janë zgjedhur katër nxënëse dhe nxënës. Unë bëj pjesë në mesin e këtyre të zgjedhurve fatlumë. Kriter për këtë zgjedhje ka qenë një vlerësim me një rast studimi të cilin duhej ta zgjidhte në mënyrë indiviuduale dhe ta prazantonte secili”, shtoi tutje ajo për albinfo.ch.

18-vjeçarja me prejardhje nga Kosova është shumë e dalluar në këtë fushë. “Në gjimnaz, fokusi im është në gjuhët, por interesimi im për ekonominë ka qenë gjithmonë i madh. Unë, veç kësaj, përpiqem t’i zgjeroj kufijtë e mi dhe ta braktis zonën time të rehatisë. Për këtë arsye edhe jam bërë pjesë e garës, që të mund të përfitoj një përvojë të re dhe para së gjithash një përvojë edukative.
Për këtë arsye është një sukses kaq i madh të jem në mesin e katërve që prezantojnë Zvicrën në Olimpiadën Ekonoimike  dhe shpresoj, natyrisht që ne të kemi sukses në Petersburg. Për mua ky sukses është po ashtu edhe një lloj falënderimi për prundërit e mi; për gjithçka që ata kanë sakrifikuar për ne, në mënyrë që të na e sigurojnë një ardhmëri të përmbushur”, përfundoi Delina Maliqi.

Burimi: https://www.albinfo.ch

Së shpejti do të lansohet aplikacioni “Diaspora shqiptare”

në kategorine Diaspora

E Martë, 25 Qershor 2019 – 20:40
albinfo.ch

Së shpejti do të lansohet aplikacioni “Diaspora Shqiptare”, që do të ofrojë informacion të plotë për gjithçka që ndodh në Diasporën shqiptare.
Kështu ka njoftuar Agjencia Kombëtare e Diasporës, përcjell albinfo.ch.

Ky aplikacion do të përmbajë kategori të dedikuara për çdo lajm dhe do të mund të zgjidhen kategoritë e preferuara.
Për më shumë, shihni videon e publikuar nga AKD.

Së shpejti “Diaspora Shqiptare”, aplikacioni i parë informues që do të ofrojë informacion të plotë për gjithçka ndodh në Diasporën shqiptare. #diasporashqiptare #unëjamshqiptar #akdiasporës
Publiée par Agjencia Kombëtare e Diasporës sur Mardi 25 juin 2019

Burimi: https://www.albinfo.ch

Nxënësit shqiptarë në Affoltern am Albis realizuan shfaqjen për Skenderbeun

në kategorine Diaspora

Të shtunën, më 22 qershor 2019, nxënësit e shkollës shqipe në Affoltern am Albis shfaqën pjesën teatrale “Gjergj Kastrioti – Skënderbeu, duke i befasuar prindërit dhe mysafirët, të cilët kishin ardhur enkas për ta parë shfaqjen. Skenari dhe përgatitja e nxënësve ishte në dorën e mësuesit Vaxhid Sejdiut, kurse për skenografinë ishte kujdesur Këshilli Prindëror, përcjell albinfo.ch.

E Martë, 25 Qershor 2019 – 18:40
albinfo.ch

Nxënësit e shkollës shqipe në Affoltern am Albis nën udhëheqjen e mësuesit të tyre Vaxhid Sejdiut shfaqën pjesën teatrale Gjergj Kastrioti – Skënderbeu, duke i befasuar prindërit dhe mysafirët me paraqitje e tyre skenike, përcjell albinfo.ch.
Edhe pse të vegjël në moshë dhe të papërvojë, ajo që bie në sy ishte përkushtimi, përkushtimi ndaj roleve, të cilët i kishin marrë përsipër.
E veçanta e kësaj pjese teatrale ishte se në paraqitjen e saj morën pjesë të gjithë nxënësit e shkollës shqipe pa dallim, që nga klasa e parë e deri te klasa e tetë. Gërshetimi i roleve, aktrimi dhe përpjekjet e tyre për t’u paraqitur sa më mirë pjesën teatrale e la publikun gojëhapur. Pamjet e njëpasnjëshme, shqiptimi mirë e drejtë i fjalëve, reagimet e tyre sikur të ishin aktorë të vërtetë ngjallën emocione dhe shfaqjen e shndërruan në një shfaqje mbresëlënëse, për të cilën gjatë këtyre ditëve flitet me të madhe jo vetëm në Affoltern am Albis dhe rrethinë por edhe më gjerë.
Shumica prej tyre kishin filluar me mësimin plotësues në gjuhën shqipe në nëntor të vitit të kaluar, duke iu bashkangjitur nxënësve të tjerë me dëshirën më të madhe që këtë ngjarje historike – Betejën e Albulenës ta paraqesin sa më mirë.
Thënë shkurt, ngjarjen e kësaj drame, mësuesi i shkollës shqipe V. Sejdiu nuk e kishte vënë në frontin e luftës, por në qytetin e Krujës, derisa lufta zhvillohej në Albulenë, fëmijët, gratë dhe pleqtë ishin bërë sy e vesh, duke pritur ndonjë lajm nga fronti i luftës.
Ajo që bie në sy është zbërthimi i temës; se si e kalonin kohën fëmijët, djemtë, vajzat, pleqtë… derisa në frontin luftës trimat e Arbërisë vdisnin për atdhe.Pjesa teatrale filloi me një përshkrim të ngjarjes historike të Betejës së Albulenës dhe deri te kthimi i lajmëtarëve të lirisë të cilët sollën lajmin se trimat e Arbërisë fituan.
Fjalë kyçe të kësaj pjese teatrale janë lajmëtarët e lirisë, nëna dhe banorët që prisnin me padurim kthimin e kryetrimit Gjergj Kastriotit, fëmijët: djema dhe vajza të cilët mundoheshin në një mënyrë apo tjetër ta tejkalojnë kohën duke e pritur ndonjë lajm nga fusha e betejës. Vlen të përmendet se vënia e lojës popullore në dorën e fëmijëve ishte tepër e zgjedhur, bukur e përshtatur dhe emocionuese.
Po ashtu anëtarët e Këshillit prindëror ishin kujdesur mjaft mirë për skenografinë dhe në fund në shenjë respekti shtruan një apero për të gjithë pjesëmarrësit, përcjell albinfo.ch.

Burimi: https://www.albinfo.ch

Babai dhe i biri, të akuzuar për sulm mbi policët, i shpëtojnë dëbimit në Kosovë

në kategorine Diaspora

Policët kanë deklaruar se gjatë ndërhyrjes së tyre janë sulmuar fizikisht nga pronari i parkingut dhe babai i tij. Këta të dy, nga ana tjetër thonë se menjëherë pas grushtimit që kishte bërë djali, policia i kishte goditur ata me kërbaç dhe me sprej

E Hënë, 24 Qershor 2019 – 18:20
albinfo.ch

Babai dhe i biri i tij, shtetas të Kosovës, janë akuzuar në Gjykatën e Qarkut në Aarau për rrahje dhe kërcënim të policisë. Prokuroria kishte kërkuar dënime prej gjashtë muajsh burgim me kusht për të dytë si dhe dëbim nga Zvicra për pesë vjet, shkruan aargauerzeitung.ch.
Dy personat në fjalë, babai dhe i biri, ishin përfshirë në një konflikt fizik, pasi që në parkingun privat të të birit kishin qëndruar dhe tymosur tre persona. Ngjarja ka ndodhur në shtator të vitit 2018.
Babai kishte nisur fjalosjen me ta. Sipas gruas së tij, e ftuar si dëshmitare, shpesh herë kishte ngjarë që parkingu privat të keqpërdorej nga njerëz që tymosnin drogë. Edhe kësaj here, sipas saj, i shoqi kishte ndier erën e drogës. Ai kishte alarmuar qendrën e emergjencës, por nga ajo kishte marrë përgjigjen se nuk kishte ndonjë patrullë të lirë në atë moment, kështu që i ishte sugjeruar të bisedonte me tymosësit, transmeton albinfo.ch. Por, ai ishte ndjerë i provokuar nga tre të rinjtë, kështu që e kishte goditur njërin prej tyre me shuplakë. Për pasojë, njëri prej tyre i kishte rënë atij me grusht.
Ndërkohë në parking kishte arritur policia. “Policët kishin gjetur në afërsi tre të rinjtë, të cilët, nga frika, kishin ikur prej vendit të ngjarjes”, thuhet në dokumentin e akuzës. Pastaj ata të tre bashkë me dy policët kishin shkruar në parkingun e përmendur ku kishin nisur debatin me babain dhe me të birin i cili ndërkohë ishte kthyer në shtëpi.
“Bashkëbisedimi në fillim kishte rrjedhur pa probleme”, thuhet në akuzë, transmeton albinfo.ch. Por, kur djali e mori vesh se babai i tij ishte goditur, ai kishte humbur vetëkontrollin dhe kishte goditur njërin nga të rinjtë në fytyrë. “Reagimi im nuk ishte i mirë. Më vjen keq”, tha ai në sallën e gjykimit.
Por policët kanë deklaruar se gjatë ndërhyrjes së tyre janë sulmuar fizikisht nga pronari i parkingut dhe babai i tij. Këta të dy, nga ana tjetër thonë se menjëherë pas grushtimit që kishte bërë djali, policia i kishte goditur ata me kërbaç dhe me sprej. “Ata u treguan shumë agresivë”, thotë i riu, i cili shton se nuk ua ka kthyer goditjen policëve. Eventualisht, sipas tij, ai mund të ketë lënduar pa qëllim njërin polic gjatë rrëmujës së krijuar, përcjell albinfo.ch. Edhe babai është mbrojtur por nuki ka goditur policët, ka thënë i biri.
Dënimi i kërkuar nga prokuroria është shumë i rëndë, sipas mbrojtjes së dy të akuzuarve. Babai jetonte në Zvicër prej 50 vitesh ndërsa i biri prej 28 vitesh kështu që kthimi i detyruar në Kosovë do të kishte për ta pasoja katastrofike.
Veç kësaj “figura e veprës penale të pretenduar nuk është përmbushur pasi që policët nuk kanë pasur qëndrim pasiv në këtë mes”, ka konstatuar kryetarja e Trupit Gjyqësor, duke i shpallur dy kosovarët të pafajshëm në këtë pikë. Por ata janë megjithatë fajtorë për sulm, dhumë dhe kërcënim ndaj zyrtarëve shtetërorë.
“Një dënim me gjobë është i mjaftueshëm. Ata nuk kanë qenë të dënuar më parë”, ka thënë kryetarja më tutje.
Kështu, pronari i parkingut është dënuar me gjobë prej 150 njësish ditore nga 50 franga (7500 franga gjithsej) ndërsa babai i tij me 150 njësi ditore nga40 franga ose 6000 franga ghjithsej. Të dy dënimet janë me kusht për 3 vjet.

Burimi: https://www.albinfo.ch

Vajza e heroit diplomon në Kanada, premtimi prekës i saj

në kategorine Diaspora

E Hënë, 24 Qershor 2019 – 11:00
albinfo.ch

Arnisa Morina është vajza e Mehdi Morinës, një prej heronjve të luftës së Kosovës në vitin 1999, e cila u diplomua si avokate në Universitetin prestigjioz të Kanadasë “Osgoode Hall Law School”.
Ajo ishte vetëm 3-vjeçare kur serbët i vrarë të atin në masakrën e Gollubovcit të Malishevës dhe ky moment shërbeu për t’i bërë premtimin se një ditë do të bëhej avokate e të drejtave të kosovarëve ndaj çdo padrejtësie të kryer ndaj tyre.

E kontaktuar nga Agjencia Telegrafike Shqiptare, Morina thotë se realizoi premtimin e bërë, kur i ati dha jetën për Kosovën, përcjell albinfo.ch.
“BABË, u kry, ashtu siç të premtova. Të don shumë vajza, Bija jote e vogël, avokatja. Nëse do të ishit këtu me mua sot, babi, unë do të kisha parë sytë tuaj të ndriçonin me krenari, sepse vajza jote e vogël u diplomua sot nga shkolla e drejtësisë dhe është bërë Avokate. Unë nuk u dorëzova asnjëherë babi, sepse në venat e mia rrjedh gjaku e heronjve të mi”, rrëfen ajo.
Vetëm disa ditë më parë, Konsullata e Kosovës në Toronto zhvilloi një aktivitet në kujtim të 20-vjetorit nga ndalja e bombardimeve të NATO-së kundër forcave serbe në Kosovë në ambientet e Parlamentit të Ontarios në Queen’s Park, ku përveç Vasfije Krasniqi Goodman (viktimë e luftës dhe themeluese e “Justice for all”, deputetes kosovare Mimoza Kusari Lila, mbajti fjalën e saj edhe Arnisa Morina.
Historia e Morinës është bërë e njohur gjithashtu edhe nga prestigjiozja “Dream Refugee” .
Për komunitetin shqiptar Arnisa është një emër i njohur, sepse jep kontributin e saj për Albanian Excellence Society (ACE).
Ministri i Diasporës së Shqipërisë, Pandeli Majko e ka vlerësuar si një nga profesionistet e reja shqiptare në Kanada.

Burimi: https://www.albinfo.ch

Informata të vlefshme për mundësitë e investimit në Kosovë

në kategorine Diaspora

Për të njoftuar më shumë rreth mundësive për të investuar në Kosovë, të pranishëm ishin edhe zyrtarë të institucioneve kosovare që ndërlidhen direkt me investimet e huaja në vend

E Diel, 23 Qershor 2019 – 19:20
Alban Hamza

Të shtunën në ambasadën e Republikës së Kosovës në Bernë është mbajtur një sesion informues mbi klimën e investimeve në Kosovë. Për të njoftuar më shumë rreth mundësive për të investuar në Kosovë, të pranishëm ishin edhe zyrtarë të institucioneve kosovare që ndërlidhen direkt me investimet e huaja në vend.

Duke vënë në pah marrëdhëniet e mira bilaterale mes Kosovës dhe Konfederatës helvetike, ambasadorja kosovare në Bernë, znj. Nazane Breca, ndër të tjera theksoi se ka ende mundësi tjera që mund të ndikojnë në rritjen e investimeve zvicerane në Kosovë, përkundër faktit që Zvicra është njëri ndër investitorët më të mëdhenj në Kosovë, në 5 vitet e fundit.

Fjalë tjera përshëndetëse patën po ashtu edhe Valëza Uruqi nga Ministria e Punëve të Jashtme e Kosovës, si dhe Qamit Isufi nga Rrjeti i Bizneseve të Diasporës shqiptare në Zvicër.

Ndërsa gjatë prezantimit të mundësive për investimet e jashtme në Kosovë, përfaqësuesit e institucioneve kosovare, njëri ndër të cilët ishte edhe Arbër Muhaxheri nga Agjencia per Investime dhe përkrhajjen e ndërmarrjeve në Kosovë, prezentuan po ashtu të dhëna mjaft informuese rreth klimës investuese në vend.
Ndërsa Ilir Murtezaj, drejtor i përgjithshëm i Administratës Tatimore të Kosovës, në pika të shkurtra dhe mjaft të vlefshme, dha për të pranishmit informata për lehtësimet që kanë investitorët në rast të investimeve të mundshme, siç janë lehtësimet e ndryshme në TVSH, apo edhe në tatime. Ai po ashtu theksoi se, për punën e tyre, kanë raporte mjaft pozitive nga Fondi Monetar ndërkombëtar, por edhe rekomandime ku mund të përmirësohen ende.

Edhe përfaqësuesi nga Doganat e Kosovës, Agim Nika, shpjegoi për lehtësirat e dryshme doganore sa i përket shumë mallrave, në rast të investimeve direkte nga jashtë.
Dhe për fund, znj. Valbona Dibra nga Agjencia Kosovare e Privatizimit, ftoi të pranishmit që të jenë pjesë e procesit të privatizimit në Kosovë, duke ofruar mundësi të shumta, si dhe oferta konkrete sa i përket disa objekteve apo parcelave, e që mund të ishin një mundësi shumë e mirë për investime.

Prezantimi i këtij sesioni informues u mbyll më pas me pyetje dhe përgjigjje nga të pranishmit, ku ata shprehën pos lëvdatave për punën e institucioneve kosovare, po ashtu edhe vërejtje në disa sektorë.
Në periudhën 2007-2018, investimet me prejardhje nga Zvicra kanë qenë 506.3 milion Euro, e që përbën 14.5% të totalit të investimeve në Kosovë, e që e bën Zvicrën investuesin e dytë më të madh, pas Gjermanisë. Ndërsa vetëm në 5 vitet e fundit, nga Zvicra janë investuar mbi 350 milion euro, përderisa në Kosovë, nga viti 2003 janë të regjistruara mbi 340 kompani me kapital zviceran.
Agjencia për Investime dhe Përkrahjen e Ndërmarrjeve në Kosovë (KIESA) është agjenci shtetërore e Kosovës mandati i së cilës është të promovojë dhe mbështesë investimet, eksportin, turizmin, NVM-të, dhe Zonat e veçanta Ekonomike në Republikën e Kosovë
 

Burimi: https://www.albinfo.ch

Në Evere të Belgjikës, performohet vallja shqiptare

në kategorine Diaspora

E Diel, 23 Qershor 2019 – 15:20
albinfo.ch

Në komunën Evere në Belgjikë gjatë ditës së djeshme janë performuar valle shqiptare nga grupi i valleve tradicionale “Vatra”, përcjell albinfo.ch.
Për këtë ka njoftuar edhe nënkryetarja e kësaj komune, Habibe Duraki, e cila është me prejardhje shqiptare.

Përmes një postimi në Facebook, Duraki është shprehur krenare që në komunën të cilën ajo e drejton, u shpalos tradita shqiptare.
“Nuk gjej dot fjalë të përshkruaj kënaqësinë që në Evere të vallzohet shqip për herë të parë! Shumë krenare që kënga dhe tradita shqiptare shpaloset dhe në komunën time, dhe shumë mirënjohëse për prezencën tuaj! Faleminderit grupit Vatra, Vaile Shkodra Azizi, Amet Gjanaj, Avni Gjanaj dhe të gjithë juve që ishit prezentë dhe që krijuat një atmosferë të mrekullueshme”, ka shkruar Duraki.
Video nga Idriz Duraki.

Burimi: https://www.albinfo.ch

34 biznese i bashkohen Unionit të Bizneseve Shqiptaro-Gjermane

në kategorine Diaspora

E Diel, 23 Qershor 2019 – 14:40
albinfo.ch

Unionit të Bizneseve Shqiptaro-Gjermane në Gjermani i janë bashkuar 34 firma të reja, përcjell albinfo.ch.
Kështu ka njoftuar drejtori i Unionit të Bizneseve Shqiptaro-Gjermane, Bekim Brestovci, pas takimit të Unionit në Konigsberg.

“Mbrëmë, më 22.06.2019, në Königsberg u mbajt takimi promovues dhe informativ i Unionit të bizneseve me afaristë të këtij regjioni. Unionit të bizneseve me anëtarësimin e tyre iu bashkuan 34 biznese shqiptare. Anëtarëve të rinj u dëshirojmë mirëseardhje në Union, ndërsa organizatorët e takimit i falënderoj për angazhimin dhe organizimin e shkëlqyeshëm”, ka shkruar Brestovci në Facebook.

Burimi: https://www.albinfo.ch

Historia e suksesshme e politikanit shqiptar në Britani

në kategorine Diaspora

E Diel, 23 Qershor 2019 – 9:30
albinfo.ch

Kastriot Berberi është i pari dhe i vetmi politikan shqiptar i zgjedhur me vota të drejtpërdrejta nga populli britanik. Ai është anëtar i Këshillit Bashkiak te “Waltham Forest” të Londrës, “London Borough of Waltham Forest”, në Mbretërinë e Bashkuar.  
Kastriot Berberi është zgjedhur për herë të parë me vota të drejtpërdrejta si anëtar i Këshillit Bashkiak të “Waltham Forest” të Londrës, si kandidat i Partisë Laburiste në zgjedhjet lokale në Britani të 22 majit më 2014 dhe irizgjedhur për mandatin e dytë radhazi më 3 maj 2018 në Londër (mandate 4 vjeçare; 2014-2018, 2018-2022), raporton TCH.  
Berberi është një shtetas shqiptaro-britanik që jeton dhe punon në Londër që nga qershori i vitit 1997, përcjell albinfo.ch. 

Burimi: https://www.albinfo.ch

Nxënësit shqiptarë në Greqi i bashkohen kuizit të diturisë

në kategorine Diaspora

E Shtunë, 22 Qershor 2019 – 23:00
albinfo.ch

Nxënësit e klasave shqipe në Greqi do të marrin pjesë në kuizin e diturisë, që do të mbahet nesër (23 qershor) në Athinë, përcjell albinfo.ch.
Ky kuiz është organizuar nga Ministria e Diasporës dhe Investimeve Strategjike dhe “Lidhja e Mësuesve Shqiptarë në Greqi”.

Përmes këtij kuizi, synohet afrimi i nxënësve shqiptarë me gjuhën e kulturën shqipe.
Kuize të ngjashme janë mbajtur javët e fundit edhe në Itali, Zvicër e Austri.

Burimi: https://www.albinfo.ch

Shko lartë