Category archive

Diaspora - page 2

Në Zvicër kërkohen 10.000 mësues

në kategorine Diaspora

Në Zvicër ka mungesë të mësimdhënësve!

E Martë, 9 Korrik 2019 – 14:30
albinfo.ch

Është fundi i semestrit të dytë shkollor në shumë vende, por disa shkolla në Zvicër tashmë janë në dilemë se si do t`ia dalin të punësojnë një staf të mjaftueshëm për fillimin e vitit të ardhshëm shkollor, përcjell albinfo.ch.
Mungesa e mësimdhënësve është ngritur si çështje në shumë institucione që janë përgjegjëse për çështjet arsimore në Zvicër.
Shkollat tashmë kanë filluar që çështjen e stafit ta rregullojnë para se të fillojë viti i ri shkollor.Në fillim të këtij muaji, katoni në Bernë ka reklamuar pothuajse 80 postime të shkollave të saj shtetërore, kurse ai në Cyrih rreth 270.
Sipas një studimi që u bë këto kohë, rezultoi se mesatarisht rreth 39% e drejtuesve të shkollave fillore kishin vështirësi për të mbushur vendet e punës në shkollat e tyre.
Në disa vende, shkollat raportohet se kanë përdorur lidhjet e jashtme, duke marrë kështu trajner të sportit për mësime sportive.
Është 10.000 numri i mësuesve që nevojiten për të mbyllur hedekun, sipas proferorit të ekonomisë në Univeristetin e Bernit, transmeton albinfo.ch.
Sipas SRF, çdo vit diplomohen 5,000 mësues të trajnuar, duke lënë një mungesë vjetore prej 5,000 mësimdhënësish. Prej tyre, 1/5 e lënë mësimin brenda pesë vjetësh ose shumë prej tyre përfundimisht punojnë me kohë të pjesshme për arsye familjare.

Burimi: https://www.albinfo.ch

Nga 11 korriku, birra e Pejës edhe në «LIDL»

në kategorine Diaspora

“Birra Peja” përveç në “Coop” ,“Ottos”, “Aldi”, “Denner Satelit”, shitoret partnere të Mgros-it do të plasohet edhe në të gjitha filialet e LIDL në Zvicër

E Martë, 9 Korrik 2019 – 10:00
albinfo.ch

Rexhep Berisha – R.B. Import& Export
Duke filluar nga 11 korriku edhe në marketet e LIDL, në Zvicër do të dalë në shitje produkti shumë i kërkuar nga Kosova, “Birra Peja”.
Bëhet fjalë për zinxhirët konsumues më të rëndësishëm në vend, shkruan albinfo.ch.
Për fillim, birra e Pejës do të gjendet në 120 filiale të «LIDL»-it, në tërë Zvicrën.
Për vendosjen e këtij produkti në një varg shitoresh prestigjioze zvicerane, Rexhep Berisha, importues i saj, ndihet krenar, sepse kjo natyrisht që është me interes ekonomik, por edhe simbolik, ngase edhe ai vetë është me prejardhje nga Peja.
Importimi i birrës së Pejës shënon një hap serioz dhe konkret drejt kontributit të aktorëve ekonomikë të diasporës për zhvillimin e Kosovës.

“Në fakt, rritja e eksportimit të produkteve kosovare në Zvicër dhe Perëndim ndikon drejtpërdrejt në krijimin e vendeve të punës në Kosovë.”, thotë afaristi Rexhep Berisha, dhe tregon se krahas birra Peja do të jenë edhe produkte “Sola”, “Fruti” dhe artikuj tjerë të cilat i importon prej vitesh në Zvicër.
Sipas pronar i firmës R.B. Import& Export dhe i restorantit “Sängerstübli”, në po këtë qytet.« Birra Peja » ka nisur fillimisht distribuimin në shitoren numër dy në mesin e ndërmarrjeve në të mëdha tregtare të Zvicrës, «Coop».
«Birra e Pejës» prej disa vitesh mund të blihet në të ashtuquajturat “etnomarkete” (shitoret me mallra ballkanike) pastaj në Denner-Satelit dhe në Spar.

Burimi: https://www.albinfo.ch

Komuna e Drenasit organizon një muaj festë për mërgimtarët

në kategorine Diaspora

E Hënë, 8 Korrik 2019 – 21:20
albinfo.ch

Komuna e Drenasit do të mirëpresë mërgimtarët me një festë njëmuajshe, shkruan albinfo.ch.
Bëhet fjalë për festivalin “Muaji i mërgatës” që do të mbahet në Drenas gjatë datave 15 korrik – 19 korrik 2019, në sheshin “Fehmi Lladrovci”.
Përmes faqes së këtij festivali në Facebook, Komuna e Drenasit ka njoftuar se do të mbahen aktivitete të ndryshme kulturore. Gjatë këtij muaji nuk do të mungojnë as koncertet me këngëtarë shqiptarë të njohur.
Ky muaj u kushtohet mërgimtarëve, në shenjë respekti dhe falënderimi për kontributin e tyre.  

Publiée par Muaji i Mergates Drenas sur Mardi 11 juin 2019

 

Burimi: https://www.albinfo.ch

Mërgata shqiptare 4.0

në kategorine Diaspora

Tani, jemi dëshmitarë të Mërgimit shqiptar 4.0, respektivisht fenomenit të ri-migrimit të ri shqiptar nga vende anëtare të Unionit Europian drejt Zvicrës, pasi që marrëveshjet bilaterale mes tyre ua mundësojnë shtetasve të të dyja palëve të punojnë dhe lëvizin lirshëm në vendet përkatëse

E Hënë, 8 Korrik 2019 – 16:44
Dr. Bashkim Iseni, themelues i Albinfo.ch

Historia e migrimit shqiptar, veçanërisht ajo në Zvicër, është studiuar shumë pak, për të mos thënë fare, kurse jemi në vigjilen e zhvillimeve krejtësisht të reja brenda saj, me fenomenin të ri, të mërgimit të ri të shqiptarëve me shtetësi perëndimore drejt Zvicrës. Duhet të potencohet se e kaluara e mërgatës shqiptare duhet të dokumentohet me metoda serioze shkencore, dhe jo që kjo punë t`u lihet individëve që e pretendojnë këtë rol, dhe duke bërë biznes njëkohësisht me albume fotografish me (psuedo)figura të diasporës në evenimente e ahengje. E kaluara, nëse hulumtohet me qasje historike të mirëfilltë, na mundëson të ndriçojmë ndryshimet e tanishme migruese shqiptare. Këto të fundit janë objekte jashtëzakonisht interesante për shumë studiues, historianë të migrimeve, sociologë, antropologë, gjuhëtarë dhe pse jo, edhe etnologë, të dalë nga mërgata shqiptare dhe të edukuar në frymën e eksplorimit shkencor perëndimor.
Në fakt, duhet rikujtuar faktin se migrimi shqiptar në Zvicër daton që prej mbi gjysmë shekulli, përmes tri valëve historike. Nuk është e rrallë të takosh persona të gjeneratës së parë që kanë emigruar në Zvicër në vitet e gjashtëdhjeta, respektivisht pas marrëveshjes mes Zvicrës dhe ish-Jugosllavisë, që pati mundësuar punësimin e shtetasve të kësaj të fundit, sidomos nga pjesët e pazhvilluara të saj, në sektorë të bujqësisë, ndërtimarisë dhe hotelerisë.
Gjatë viteve 80 pason vala e dytë e emigrimit – në shumicë dërmuese të natyrës ekonomike-shqiptar në Zvicër, e përbërë esencialisht nga djem të rinj të zonave periferike që zgjodhën rrugën e gurbetit, duke bërë sakrifica të mëdha personale, për të ndryshuar realitetin socioekonomik të familjeve në vendlindje. Këta gasterbajterë kanë punuar dhe jetuar në Zvicër, së pari me statuse sezonale « A », pastaj, pas katër viteve kanë arritur ta fitojnë të drejtë e qëndrimit « B », deri në vendosjen e tyre dhe bashkimin familjar. Ky fenomen i fundit, së bashku me valën e azilkërkuesve dhe refugjatëve shqiptarë që i shpëtuan luftës duke ikur në Zvicër, përbën valën e tretë të migrimit shqiptar në Zvicër. Kjo valë e fundit ka ndikuar substancialisht në rritjen masive dhe të shpejtë të popullatës shqiptare në Zvicër.
Tani, jemi dëshmitarë të Mërgimit shqiptar 4.0, respektivisht fenomenit të ri-migrimit të ri shqiptar nga vende anëtare të Unionit Europian drejt Zvicrës, pasi që marrëveshjet bilaterale mes tyre ua mundësojnë shtetasve të të dyja palëve të punojnë dhe lëvizin lirshëm në vendet përkatëse. Ky ndryshim iu mundëson pra edhe shqiptarëve që janë edhe shtetas europianë, të zgjedhin të vazhdojnë jetën e tyre në vende tjera, në këtë rast në Zvicër, për të përfituar edhe më shumë nga cilësia e jetesës, por edhe nga mundësitë socioprofesionale që ofron Zvicra, dhe pse jo, për tu afruar po ashtu me të afërm të tyre. Natyrisht, duhet shpresuar se lajtmotivi i tyre të jetë kyqja në sistemin performant zviceran. Kjo dyndje e re do të ketë domosdo ndikime në strukturën demografike shqiptare në Zvicër, por edhe në rrjtetet e reja ndërkomunitare që do të lindin. Me lidhjen mes vendeve të Evropës, ndoshta një ditë do t`u bie radha edhe vendeve të prejardhjes të kyqen në po këto dinamika të lëvizjes së lirë. Por natyrisht, kjo nuk do të ndodhë nesër. Arsyet i dijmë të gjithë.
Ky përkushtim i të kuptuarit të Mërgatës shqiptare 4.0, nga ekipi redaksional i Albinfo, ilustrohet në këtë numër me analizën dhe të dhënat që i sjell Blerim Shabani, të cilës i pasojnë, me një mori portrete dhe dëshmi të shqiptareve dhe shqiptarëve që kanë zgjedhur Zvicrën për tu vendosur me familjet e tyre.
Lexim të këndshëm!
Dr. Bashkim Iseni, themelues i Albinfo.ch
 

Burimi: https://www.albinfo.ch

Varrimi i Florijana Ismajlit bëhet nesër në Zvicër

në kategorine Diaspora

E Hënë, 8 Korrik 2019 – 12:17
albinfo.ch

Familja e Florijana Ismajlit, futbollistes së njohur shqiptare, anëtare e Nati-t të Zvicrës e cila humbi jetën para rreth një jave në liqenin Como, në Itali, njofton se varrimi i saj do të bëhet në Zvicër.
Siç shkruan blick.ch, varrimi i të ndjerës do të bëhet nesër, e martë, në Worben, Kantoni i Bernës.
Ndërsa 20minuten. ch shkruan se nga një shkresë që ka shpërndarë familja, kuptohet se varrimi do të bëhet ditëve të ardhshme në një vend në Zvicër.
Siç është shkruar tashmë, lojtarja 24 vjeçe ka vdekur në liqenin Como ku ishte në pushime, njofton albinfo.ch. Vdekja ka ndodhur si pasojë e asfiksisë, gjegjësisht problemeve me frymëmarrjen. Florijana ishte hedhur në ujë nga një barkë dhe nuk ka dalë më mbi sipërfaqe të ujit.
Tri ditë më vonë është gjetur në fund të liqenit trupi i saj i pajetë.

Burimi: https://www.albinfo.ch

Jahjaga në Cyrih: Krenare me arritjet e grave të diasporës

në kategorine Diaspora

Jahjaga ka marrë pjesë në Samitin Global të Gruas në Bazel ndërsa të dielën është takuar në Cyrih me një grup grashë shqiptare të suksesshme në Zvicër

E Hënë, 8 Korrik 2019 – 0:40
albinfo.ch

© 2019 Albinfo.ch
Ish-presidentja e Kosovës, Atifete Jahjaga, po qëndron këto ditë për një vizitë pune në Zvicër. Jahjaga ka marrë pjesë në Samitin Global të Gruas në Bazel, ku është pritur edhe nga presidentja e Samitit, Irene Natividad, ndërsa të dielën është takuar edhe me një grup grashë shqiptare të suksesshme në Zvicër.
Në takimin e realizuar në Konsullatën e Kosovës në Cyrih, Jahjaga është shprehur e impresionuar me të arriturat e grave të pranishme si në shkencë, biznes, politikë dhe në sferat tjera, shkruan albinfo.ch. Ajo ka dëgjuar histori suksesi të grave shqiptare që kanë lënë gjurmë në shumë sfera të jetës në Zvicër.
© 2019 Albinfo.ch
Takimi ishte iniciuar nga konsulli kosovar në Cyrih, Sami Kastrati dhe diplomatja, këshilltare në këtë përfaqësi konsullore, Shukrije Ramadani.
“Të arrish në shkencë, kulturë, art, shëndetësi dhe politikë në një shtet tjetër është një e arritur që duhet të përshëndetet dhe kjo na bën krenarë edhe në Kosovë. Të arriturat tuaja individuale na bëjnë krenarë të gjithë shqiptarëve kudo që jemi për shkak të paragjykimeve që janë theksuar gjithandej ndaj shqiptarëve”, tha Atifete Jahjaga, duke nënvizuar se me kontributin e tyre gratë e këtushme kanë përçuar një mesazh pozitiv për imazhin e shqiptarëve edhe në shoqërinë zvicerane.
© 2019 Albinfo.ch
“Këto shtete janë me fat që ju kanë juve, dhe çdo herë e me shumë po na zbardhni fytyrën me të arriturat tuaja. Kudo që shkoj, unë flas me krenari që jam nga Kosova. Ne jemi shpesh lajm i mediave të huaja. Në çdo fushë kemi shënuar suksese edhe pse jemi populli i vogël dhe që ende po ballafaqohemi me sfida të ndryshme siç është mos liberalizimi i vizave dhe nga një perspektivë jo e qartë evropiane”, tha ish-presidentja Jahjaga.
© 2019 Albinfo.ch
Ajo ka folur në këtë takim me gratë e diasporës edhe për kohën sa ka qenë presidente e shtetit. Politikania nga Kosova tha se ka tejkaluar shpesh kompetencat kushtetuese ligjore duke promovuar rolin e gruas dhe avancimin e pozitës së gruas në shoqëri.
“Më shumë se gjysma e popullsisë së Kosovës janë gra kurse 60 për qind janë të rinj nën moshën 25 vjeçare, do të thotë se është resursi më i madh që kemi si shtet, dhe asnjëherë si shtet nuk i kemi pasur si prioritete këto kategori të shoqërisë, e as nuk i kemi”, ka treguar ish presidentja për prioritetet në të cilat ajo ishte fokusuar sa ishte presidente e vendit.
Po ashtu ajo tha që është angazhuar  edhe për viktimat e dhunës seksuale të luftës së Kosovës, që të mos heshten rastet e tilla 20 vjet pas luftës.
Politikania kosovare ka folur edhe për fondacionin Jahjaga, se cfarë qëllimi ka ky fondacion dhe për objektivat që po synon t’i arrijë.
Ish – Presidentja e Kosovës, Atifete Jahjaga është ranguar në mesin e 100 personave më të respektueshëm në botë.
Atifete Jahjaga është politikane nga Kosova, që ka shërbyer si presidentja e 3-të e Kosovës. Ajo ishte femra e parë presidente e Kosovës, që nuk i ka takuar asnjë partie politike dhe një nga femra më e re që ka udhëhequr vendin.

Burimi: https://www.albinfo.ch

Shqiptarë e zviceranë vallëzojnë së bashku në festën e Cyrihut

në kategorine Diaspora

E Diel, 7 Korrik 2019 – 22:34
albinfo.ch

Nga 5 korrik deri më 7 korrik, në kuadër të takimeve të festës së Cyrihut është organizuar vallëzime folklorike të shumë nacionaliteteve që jetojnë dhe veprojnë në Zvicër.
Kësaj radhe Shqipërinë dhe Kosovën e kanë prezantuar SHKA “DARDANIA” nga Winterthuri, që vepron tash e 25 vjet përmes këngës dhe valles kombëtare, përcjell albinfo.ch.
Për tre ditë me radhë shqiptarët, por edhe të nacionaliteteve u bënë bashkë, duke kënduar e vallëzuar.
Madje, nuk munguan as zviceranët duke vallëzuar së bashku me shqiptarët, valle tradicionale shqiptare.

Burimi: https://www.albinfo.ch

Në zgjedhjet e sotme në Greqi, kandidojnë dy shqiptarë

në kategorine Diaspora

E Diel, 7 Korrik 2019 – 14:40
albinfo.ch

Në zgjedhjet e sotme të Parlamentit grek, do të kandidojnë edhe dy shqiptarët Fatos Malaj dhe Eda Gemi, përcjell albinfo.ch.
Eda Gemi është e njohur si eksperte e shkencave politike. Ajo po ashtu ka kandiduar për eurodeputete në zgjedhjet e 26 majit. Sipas një njoftimi në faqen e ministrit të Shtetit për Diasporën, nëse fiton Eda Gemi, ajo do të përfaqësoje shtatë komuna të qytetit të Athinës.
Kurse Fatos Malaj, si ndërmjetës ndërkulturor në Drejtorinë e Emigracionit, ka pasur mundësinë  të jetë përherë aktiv në mbrojtjen e të drejtave të emigrantëve shqiptarë dhe në integrimin e tyre në shoqërinë greke, sipas një shkrimi të MD.
Gjatë prezentimit si kandidat, Malaj citohet të thënë se ka shumë për të dhënë në rast se zgjidhet.

Burimi: https://www.albinfo.ch

“Koha e gurbetqarëve është pjesa më e bukur e vitit”

në kategorine Diaspora

E Shtunë, 6 Korrik 2019 – 19:00
albinfo.ch

Foto ilustrim
Bashkë me verën, në Kosovë vijnë edhe shumë mërgimtarë nga vende të ndryshme të botës.
Përpos për të pushuar, ata vijnë edhe për t’u çmallur me familjarët dhe të afërmit e tyre.
Këtë pjesë të vitit, që sjell më shumë gjallëri në qytetet e Kosovës, aktori Fatmir Spahiu e ka quajtur si ‘kohën më të bukur të vitit’, përcjell albinfo.ch.
Përmes një postimi në Facebook, Spahiu ka thënë se Kosova është e plotë kur janë edhe mërgimtarët.
“Knaquni loçka”, ka shkruar për fund ai.

Koha e gurbetqarve eshte pjesa me e bukur e vitit. Veq me ta Kosova eshte plot dhe e vertet.Knaquni loqka!
Publiée par Fatmir Spahiu Bufi sur Vendredi 5 juillet 2019

Burimi: https://www.albinfo.ch

Ndahen diploma për nxënësit e Shkollës Shqipe në Cyrih

në kategorine Diaspora

Të premten më 5 korrik 2019, në Cyrih, Kryesia e Lidhjes së Arsimtarëve dhe Prindërve Shqiptarë në Kantonin e Cyrihut, në një organizim festiv ka bërë ndarjen e diplomave për nxënësit shqiptarë të cilët me suksese kanë përfunduar Shkollën Shqipe të Mësimit Plotësues në Zvicër

E Shtunë, 6 Korrik 2019 – 16:20
albinfo.ch

© 2019 albinfo.ch
Ky organizim kishte mbledhur në sallën e bibliotekës, PBZ Biblothek Hardau fëmijët që përfunduan vitin shkollor në Kantonin e Cyrihut, të shoqëruar edhe nga prindërit e nxënësve e shumë mysafirë të tjerë. Në një atmosferë mjaft të mirë, nxënësit, të shoqëruar nga mësimdhënësit e tyre, ishin krenarë me sukseset që kishin treguar në zotërimin e gjuhës shqipe.
Pas ndarjes së diplomave, prindërit kishin sjellë me vete edhe ushqime nga më të ndryshmet, duke bërë kështu vërtet një festë takimin e përbashkët në mes të nxënëseve dhe prindërve.
Në fjalën përshëndetëse nga Naser Ulaj, kryetar i LAPSH-it për kantonin e Cyrihut, ka thënë se fëmijët që sot përfunduan mësimin plotësuese të gjuhës shqipe kanë marrë diplomë, të cilën e ka vlerësuar që do të ndikojë në forcim të gjuhës së nënës, siç e ka quajtur ai, por dhe një mundësi e mirë për të pasur një karrierë të suksesshme për të ardhmen e tyre.
Po ashtu të pranishmit në festen e përfundimit të vitit shkollor, i ka përshëndetur edhe Nexhat Maloku, në cilësinë e koordinatorit të LAPSH-it në nivel të Zvicrës. Ai është shprehur mjaft i kënaqur me sukseset që kanë treguar nxënësit shqiptarë të mësimit plotësues të gjuhës shqipe në Zvicër. Duke shtuar se diplomat që nxënësit sot kanë marrë, do të jenë krenari për ta. Ai po ashtu ka falënderuar edhe kontributin e prindërve, për të cilët ka thënë se nuk do ishte e mundur një suksese i tillë pa përkrahjen e tyre.
Aktualisht, në shkollat shqipe në kantonin e Cyrihut mësimin vijojnë rreth 500 nxënës, ndërsa në nivel të Zvicrës mësimin plotësues të gjuhës shqipe vijojnë rreth dy mijë fëmijë.
Armend Berisha, autor i shkrimit dhe fotografive
© 2019 albinfo.ch
© 2019 albinfo.ch
© 2019 albinfo.ch
© 2019 albinfo.ch
© 2019 albinfo.ch
© 2019 albinfo.ch
© 2019 albinfo.ch
© 2019 albinfo.ch
© 2019 albinfo.ch
© 2019 albinfo.ch
© 2019 albinfo.ch
© 2019 albinfo.ch
© 2019 albinfo.ch
© 2019 albinfo.ch
© 2019 albinfo.ch
© 2019 albinfo.ch
© 2019 albinfo.ch
© 2019 albinfo.ch
© 2019 albinfo.ch

Burimi: https://www.albinfo.ch

Kampi veror “Princi i vogël”, për fëmijët shqiptarë në Itali

në kategorine Diaspora

E Shtunë, 6 Korrik 2019 – 13:20
albinfo.ch

Komuniteti arbëresh “Piana degli Albanesi” njofton se nga data 8 korrik deri më 2 gusht organizohet Kampi veror 2019, “Princi i vogël”.
Kampi veror do të mbahet në ambientet e Institutit S.S. Salvatore “Sklizza”, ndërsa për regjistrime të interesuarit duhet të kontaktojnë Caritas Diocesan në adresen G. Kastriota 152, transmeton albinfo.ch.
E veçanta e tij është përfshirja në aktivitetet e të rinjve me aftësi të kufizuara, që do t’u shërbejë atyre për t’u integruar.
Gjatë kësaj periudhë do të zhvillohen aktivitete të ndryshme për fëmijë.
Komuniteti arbëresh “Piana degli Albanesi” e ka falënderuar nënkryetarin e Bashkisë, Tommaso Matranga dhe Këshillin e Qytetit për mbështetjen e fuqimishme që kanë marrë nismat e tyre.
 

Burimi: https://www.albinfo.ch

Shqiptarët votojnë në Greqi, dy shqiptarë në Parlament

në kategorine Diaspora

E Premte, 5 Korrik 2019 – 22:00
Brikena Qama

ÇFARË ËSHTË MË MIRË SE NJË SHQIPTAR NË PARLAMENTIN GREK?DY SHQIPTARË NË PARLAMENTIN GREK!
Vetëm dy ditë na ndajnë nga zgjedhjet parlamentare që do të zhvillohen në Greqi, më 7 korrik.
Është më tepër se krenari që kemi dy emra shqiptarësh në listat zgjedhore, ashtu siç është më tepër se impenjim prej nesh mbështetja dhe ndihma ndaj tyre.
Jetoj në këtë vend rreth 22 vjet. Njoh çdo sakrificë, vetmohim, problem të komunitetit shqiptar këtu, që nga koha kur tregoheshin me gisht, deri në arritjen e njëmilionshit, e më pas në tkurrjen në afro pesqind mijë.
Di sakrificën e prindërve të mi që u shpërngulën për të ardhmen e fëmijëve të tyre, vetmohimin deri në përdhosje të dinjitetit duke u marrë me lloj-lloj pune të rëndomtë e me lodhje fizike, vështirësitë dhe pengesat për t’u integruar në një vend të huaj e shoqëri krejt të ndryshme nga ajo prej së cilës vinin, di përballjen e brezit të dytë e të tretë si dhe dyzimin, që nga pyetja “cili është atdheu im?”, e deri te pyetja më idiote e lindur në rrethana ekstreme “nëse bëhet luftë Shqipëri-Greqi, ti me kë do jesh?”.
Të gjitha këto pa u marrë për bazë faktori njeri, njeri i lirë, njeri i lirë që jeton në një vend demokratik.
Sot jemi vetëm dy ditë para zgjedhjeve parlamentare dhe dy emra shqiptarësh përfshihen në listat zgjedhore të partisë më miqësore me emigrantët në përgjithësi dhe me shqiptarët në veçanti.
(Më lejoni të përmend dy emra, kolosë të politikës greke dhe të kësaj partie “PASOK”, që në krijimin e saj, Theodhoros Pangallos dhe Evangjelos Venizelos. Politikanë që gjithmonë me reagimet dhe qëndrimet e tyre kanë dalë haptazi në krah të emigrantëve shqiptarë dhe të Shqipërisë).
Fatos Malaj dhe Eda Gemi, dy emrat që janë lakuar si pak të tjerë muajt e fundit. Dy shqiptarë që morën mbi supe rrugën e gjatë e tepër të vështirë të përfaqësimit të emigrantëve të Greqisë në institucionin më të lartë ligjvënës siç është Parlamenti.
Fatos Malaj kandidon në zonën e mbipopulluar nga emigrantët, atë të A- Athinës dhe Eda Gemi në zonën perëndimore të Athinës, B2.
Ne i duam këta njerëz në Parlamentin grek, sepse:
-Njohin problemet e emigrantëve
-Janë të aftë, të sigurt e kembëngulës në atë çka kanë synim (përfaqësimin e emigrantëve)
-Janë shqiptarë
Ne e meritojmë që zëri ynë të dëgjohet sepse:
-Këtu e tridhjetë vjet ndërtojmë këtë vend
-Këtu e tridhjetë vjet kemi rritur breza fëmijësh grekë
-Këtu e tridhjetë vjet jemi pjesë e padiskutueshme e shoqërisë greke.
Opinion nga Brikena Qama

 

Burimi: https://www.albinfo.ch

Apeli i mërgimtarët, kujdes në parkingje

në kategorine Diaspora

E Premte, 5 Korrik 2019 – 20:20
albinfo.ch

Foto ilustrim
Raste të shumta janë raportuar edhe nëpër stacione policore në Kosovë se kanë ndodhur vjedhje të veturave të mërgimtarëve.
Mërgimtari Kastriot Krasniqi, ka apeluar te të gjithë mërgimtarët që të kenë kujdes gjatë parkingjeve dhe të mos lënë hapur dritaret, pasi që hajdutët mund të kryejnë vjedhjet më lehtë.
“Ju lus të gjithëve bashkatdhetarëve që udhëtojnë për në Kosovë, të keni kujdes në parkingje, mos i leni dritaret hapur në kohën kur ju doni të pushoni për gjysmë ore ose më shumë, sepse ka shumë hajna. Unë sot në mëngjes në Itali në afërsi të Padovës në parkingun e pompës së benzinës Autogril isha viktimë dhe m’i vodhën afro 3 mijë franga vetëm brenda gjysm ore sapo i mbylla sytë më duket se kanë përdorur spray për gjumë, sepse është e pamundur që nuk e kam vërejtur. Kështu që ju lutem kujdes”, ka shkruar Kastriot Krasniqi.

Burimi: https://www.albinfo.ch

Miratohet vendimi për organizimin e mësimit shqip në Diasporë

në kategorine Diaspora

E Premte, 5 Korrik 2019 – 18:00
albinfo.ch

Foto ilustrim: Klase shqipe ne Itali (Shkolla shqipe Trento)
Këshilli i Ministrave në Shqipëri ka miratuar vendimin për “Organizimin e procesit mësimor dhe përzgjedhjen e arsimtarëve në Diasporë”, përcjell albinfo.ch.
Sipas një njoftimi të Agjencisë Kombëtare të Diasporës, qëllimi i këtij vendimi është nxitja dhe përkrahja e organizimit të procesit mësimor dhe përzgjedhjen e arsimtarëve në vendet pritëse të Diasporës shqiptare.
“Sipas këtij vendimi, kanë të drejtë të ndjekin mësimin e gjuhës shqipe dhe kulturës shqiptare në vendet pritëse të Diasporës shqiptare fëmijët e moshës deri në 18 vjeç me kombësi shqiptare, si dhe çdo person me origjinë shqiptare që jeton në vendin pritës, pavarësisht statusit të tij, me qëndrim të përkohshëm apo të përhershëm, azilkërkues, të strehuar të përkohshëm apo persona pa shtetësi”, thuhet në njoftim.
Po ashtu, është bërë e ditur se mësimi i gjuhës shqipe do të zhvillohet në përputhje me kurrikulën e përbashkët sipas marrëveshjes midis Ministrisë së Arsimit dhe Sportit të Republikës së Shqipërisë, Ministrisë së Arsimit, Shkencës dhe Teknologjisë si dhe Ministrisë së Diasporës të Republikës së Kosovës.
Ndërkaq, kërkesat për tekste shkollore, materiale plotësuese dhe sasia e tyre mblidhet nga përfaqësitë diplomatike të Shqipërisë në vendet pritëse të Diasporës shqiptare, kërkesat nëpërmjet Ministrisë përgjegjëse për Punë të Jashtme i dërgohen Qendrës së Botimeve për Diasporën, ministrit të Shtetit për Diasporën dhe për dijeni Ministrisë përgjegjëse për Arsimin.
Pastaj, Qendra e Botimeve për Diasporën do të dërgojë në Ministrinë përgjegjëse për Punët e Jashtme sasinë e teksteve dhe materialeve plotësuese brenda muajit gusht të çdo viti, për t’i shpërndarë sipas kërkesave në vendet pritëse të diasporës shqiptare, përcjell albinfo.ch.
Ky propozim erdhi nga ministri i Shtetit për Diasporën, Pandeli Majko dhe ministrja e Arsimit, Sportit dhe Rinisë, Besa Shahini.
Vendimin e plotë mund ta lexoni në këtë LINK.

Burimi: https://www.albinfo.ch

Liridona Krasniqi mbron të drejtat e shqiptarëve në Zvicër dhe Itali

në kategorine Diaspora

Shoqata u krijua për të gjithë shqiptarët që jetojnë në vende të huaja dhe të cilët kanë nevojë për ndihmë ligjore

E Premte, 5 Korrik 2019 – 10:00
albinfo.ch

29-vjeçarja Liridona Krasniqi e lindur në Prizren dhe banuese në Zvicër, ka krijuar një shoqatë NO PROFIT në Lugano (Zvicër) dhe në Milano (Itali) për të gjithë shqiptarët që jetojnë në vende të huaja dhe të cilët kanë nevojë për ndihmë ligjore, shkruan albinfo.ch. 
Ideja e krijimit 
Liridona Krasniqi shpjegon se ideja e krijimit të shoqatës “Gjuetia e Padrejtësisë”, erdhi nga përvoja negative e një shoqe të saj, e cila, për disa vite kishte pësuar abuzim dhe dhunë fizike dhe psikologjike nga burri i saj. Vajza, e cila kishte qenë në Zvicër për pak vjet, nuk mund ta fliste mirë gjuhën dhe nuk njihte asnjeri që mund ta ndihmonte. Ajo kishte marrë dhunë dhe abuzime për shumë vite dhe nuk e kishte konsideruar të lë burrin e saj, sepse ai e kishte kërcënuar me heqjen e fëmijës. Një ditë, pasi u rrah për vdekje nga burri i saj, ajo arriti të shpëtojë me fëmijën e vogël për të kërkojë ndihmë nga policia. Gjendja negative e shoqes të saj e bëri, Liridona Krasniqin, të mendojë se ka shumë njerëz, burra ose gra, të cilët kanë nevojë për ndihmë, kanë nevojë për një avokat për t’i informuar ata për të drejtat e tyre dhe për të shpjeguar hapat për realizimin e të drejtave, tregon tutje Liridona për albinfo.ch. 
Qëllimi 
Shoqata no profit “Gjuetia e Padrejtësisë”, falë bashkëpunimit me firma ligjore prestigjioze në Zvicër dhe Itali, ofron shërbime ligjore GRATIS për të gjithë personat të cilët, duke qenë në vende të huaja, janë më të diskriminuar në bazë të gjinisë, fesë, kombësisë…  
Në detaje shërbimet e ofruara janë: mbrojtjes së gruas: mbrojtje ligjore dhe psikologjike për gratë që kanë pësuar dhunë të çfarëdo lloji, – drejta e personit: në përgjithësi shoqata ka për qëllim të mbrojë çdo person, pavarësisht nga feja, origjina, kultura, gjinia ose mosha; – ligjin e familjes: falë bashkëpunimit me shoqata të tjera, jemi në gjendje të ofrojmë ndihmë për gratë dhe fëmijët për mbrojtje nga abuzimi familjar; – mbrojtjes dhe ndihmën për riintegrim: mbështetje për njerëzit e huaj dhe jo të huaj, të cilët kanë nevojë për ndihmë me të gjitha procedurat burokratike për aplikimet për azil, leja e qëndrimit / praktikat e shtetësisë, praktikat për bashkim familjar; – bamirësi: organizatë bamirësisë me qëllim të mbështetjes së riintegrimit të njerëzve në vështirësi; – ligjin e punës: avokatët tanë janë përgjegjës për mbrojtjen e të drejtave të dëmtuara të klientit, pavarësisht nëse është punonjësi apo punëdhënësi; Pjesë përfundimtare: Njerëzit mund të na kontakton në email [email protected] ose në telefon +41 (0) 787288392 për të caktuar një takim në Milano ose në Lugano. Takimi në zyrat tona do të mbahen me një avokat, i cili do t’ju japë këshilla të nevojshme. Nëse dëshironi më shumë informacion, shkoni në faqen tonë të internetit: www.cacciaingiustizia.ch 
 
 

Burimi: https://www.albinfo.ch

Shoqet e Florijanës bëjnë tatuazh në kujtim të kapitenes së tyre të vdekur

në kategorine Diaspora

Në postimin e Francesca Calo shihet një fotografi ku ajo dhe katër bashkëlojtare të saj kanë bërë tatuazh në kujtim të Florijanës së ndjerë

E Enjte, 4 Korrik 2019 – 20:00
albinfo.ch

Vdekja e yllit të futbollit zviceran, shqiptares Florjana Ismaili, ka tronditur të gjithë ata që e kanë njohur dhe sigurisht, adhuruesit e saj.
Sot, dy ditë pas gjetjes së kufomës, Francesca Calo, po ashtu yll i kombëtares zvicerane të futbollit, ka postuar diçka të rrallë në instagram, shkruan nau.ch: në postimin e saj shihet një fotografi ku ajo dhe katër bashkëlojtare të saj kanë bërë tatuazh në kujtim të Florijanës së ndjerë.
Motivi i vizatimit është kapelja, që ka qenë shenjë dalluese e Florijana Ismajlit, transmeton albinfo.ch. Pranë saj, mbishkrimi “Für die Familie” (Për familjen) dhe inicialet “FI” me numrin 9, që e ka bartur në shpinë kapitenia e ndjerë e YB.
Në një postim tjetër, Francesca Calo shkruan: “Nuk mund ta kuptoj”. Nuk dua ta besoj. Ti mungon Flo, na mjungon kaq shumë. Si mundi të ndodhte e gjithë kjo, përse u desh të ndodhte…”.
Francesca njihej me Florijanën që nga fëmijëria dhe është shoqëruar shumë me të. Me tatuazhin në fjalë, Calo i ka dedikuar shoqes së saj nderimin e fundit.

Burimi: https://www.albinfo.ch

“Rrënjët nuk mërgojnë”, takimi i radhës i shqiptarëve në Itali

në kategorine Diaspora

E Enjte, 4 Korrik 2019 – 17:00
albinfo.ch

“Le radici non migrano” apo “Rrënjët nuk mërgojnë”, mban emrin organizimi i radhës nga diaspora shqiptare në Parma të Italisë.
Ky takim letrar artistik, që do të mbahet më 7 korrik të këtij viti, i kushtohet Shqipërisë, përcjell albinfo.ch.
“Rrënjët nuk mërgojnë” organizohet nga shkolla shqipe “Scanderbeg Parma”, në bashkëpunim me Forum Donne Indipendenti, Festival Internazionale dei Giovani, Orkestra Rinore Tirana, Kori Jordan Misja, Tiranë, me pjesëmarrjen e artistëve Elona Marika dhe Petrit Kotepano.

E diel, 7 Korrik, Ora 21.30 Spazio Incontri, Festa Multiculturale, Collecchio, Parma.Rrënjët nuk mërgojnëTakim letrar…
Publiée par Shkolla shqipe – “Scanderbeg Parma” – Itali sur Jeudi 4 juillet 2019

Burimi: https://www.albinfo.ch

Të huajt çdo vit e më shumë po kërkojnë leje qëndrimi në Gjermani

në kategorine Diaspora

Cdo vit, gjithënje e me shumë të huaj po transferohen në Gjermani,transmeton albinfo.com.

E Enjte, 4 Korrik 2019 – 14:45
albinfo.ch

Mirëpo, gjermania nuk e ka përqindje më të lartë të banorëve të huaj të çdo vendi në botë. Por, pavarësisht nga fluski i të huajve, marrja e dokumeteve për qëndrim të përhershëm mund të jetë pak e ndërlikuar.
Mbani në mend se nëse jeni shtetas i BE-së, nuk keni nevojë të aplikoni për qëndrim të përhershëm, pasi edhe nënshtetësia juaj evropiane ju jep të drejtën të jetoni në Gjermani.
E nëse po mendoni që të aplikoni për qendrim në Gjermani është një listë e gjatë e kushteve që duhet t`i plotësoni.
E drejta për të jetuar përgjithmonë në Gjermani jepet nga leja e qëndrimit të përhershëm ose leja e vendbanimit (Niederlassungserlaubnis).
Nuk është e njëjtë me nënshtetësinë apo pasaportën gjermane, por do t’ju lejojë të qëndroni në Gjermani për një kohë të pacaktuar.
Ju gjithashtu do të keni të drejta për të studiuar dhe punuar , të cilat janë gjëra shumë të ngjashme me ato të dikujt me shtetësi.
Mënyrë tjetër e qëndrimit në Gjermani është edhe nëse jeni nga Shtetet e BE-së.

Burimi: https://www.albinfo.ch

Ambasada e Kosovës në Bernë ngushëllon familjen e Florijana Ismailit

në kategorine Diaspora

Ambasada e Republikës së Kosovës në Bernë, Ambasadorja Nazane Breca, i gjithë stafi diplomatik dhe konsullor si dhe ai vendor, shpreh ngushëllimet e sinqerta për ndarjen tragjike nga jeta të Florijana Ismailit

E Mërkurë, 3 Korrik 2019 – 22:28
albinfo.ch

Ambasada e Republikës së Kosovës në Bernë, me pikëllim të thellë ka marrë lajmi për gjetjen e trupit të pajetë në liqenin e Comos të sportistes së talentuar profesionale Florijana Ismailit, futbollistes së Kombëtares zvicerane (NATI).
Hulumtimet e ekipeve të specializuara të shpëtimit, trupin e pajetë të Florijana Ismailit, e ka gjetur në një zonë shumë të thellë të liqenit, në Zonën Musso, jo shumë larg nga vendi ku ajo u zhduk më 30 qershor 2019. Trupi është gjetur në thellësinë prej 204 metrash. Florijana Ismajli ishte futbolliste shqiptare nga Lugina e Preshevës. Ajo luante për Kombëtaren zvicerane të futbollit dhe për klubin Young Boys të Bernës. Florijana për herë të parë për NATI-n, ka luajtur në vitin 2014, ndërsa për Young Boys që nga viti 2011. Nën udhëheqjen e trajnerit Woss Tecklenburg, Florijana ka luajtur në 30 ndeshje. Gjithashtu ka marrë pjesë në Kampionatin Botëror të futbollit për femra të vitit 2015, ndërsa në kualifikimet për Botërorin 2019, NATI nuk u kualifikua. Para dy javësh, Florijana kishte ndeshjen e fundit për NATI-n.
Ambasada e Republikës së Kosovës në Bernë, Ambasadorja Nazane Breca, i gjithë stafi diplomatik dhe konsullor si dhe ai vendor, shpreh ngushëllimet e sinqerta për ndarjen tragjike nga jeta të Florijana Ismailit, duke e ndarë dhimbjen me familjarët e saj, me familjen e gjerë Ismaili, miqtë e saj si dhe qindra e mijëra sportdashësë e adhurues të futbollistes sonë të shquar, 

Burimi: https://www.albinfo.ch

Shqiptarja e parë në PE, Arba Kokalari, nis punën

në kategorine Diaspora

E Mërkurë, 3 Korrik 2019 – 18:20
albinfo.ch

Parlamenti Evropian nga sot do ta ketë në përbërjen e tij edhe një eurodeputete shqiptare.Arba Kokalari që fitoi në Suedi, ka filluar sot zyrtarisht punën e saj në institucionin evropian, transmeton albinfo.ch.Përmes një statusi në rrjetin social Facebook, Kokolari ka premtuar se do të jetë zëri i Suedisë në Parlamentin Evropian.Shqiptarja ka thënë se e pret një punë e vështirë.“Sot është dita ime e parë si anëtare e Parlamentit të BE-së! E prekur të mbaj këtë vend nderi të caktuar nga votuesit dhe për të jem zëri i Suedisë në BE. Tani më pret puna e vështirë!”, ka shkruar ajo.

Burimi: https://www.albinfo.ch

Austri: Ndalohet pirja e duhanit në bare e restorante

në kategorine Diaspora

Nga nëntori më nuk do të konsumohet cigare nëpër baret e restaurantet austriake, raporton albinfo.ch.

E Mërkurë, 3 Korrik 2019 – 12:59
albinfo.ch

Pas disa vjetëve debati e diskutimi, të martën më në fund u arrit të votohet nga Parlamenti ligji për ndalimin e cigares në këto vende, shkruan thelocal.at, përcjell albinfo.ch.
Ky vendim ka nxitur reagime të publikut si dhe të shoqatave mjekësore austriake, e cila organizon një peticion kundër këtij ligji, ku u nënshkrua nga pothuajse 900,000 vetë, ose rreth 14 për qind të votuesve.
“Ne do të mbrojmë shëndetin e qindra-mijëra austriakëve dhe do të zgjasim jetën e tyre”, tha pas votimit Pamela Rendi-Wagner, kreu i opozitës kryesore Social Demokratike (SPOe).
Austria ishte një nga vendet e fundit evropiane ku pirja e duhanit ishte ende e lejuar në bare dhe restorante, pavarësisht thirrjeve për ndalesa që datojnë më shumë se një dekadë.
Deri më tani, duhani ka qenë i ligjshëm në institucione të tilla, për sa kohë që është bërë në një zonë të veçantë – megjithëse ky rregull nuk është zbatuar gjithmonë në mënyrë strikte.

Burimi: https://www.albinfo.ch

Ministri i Diasporës, telegram ngushëllimi për vdekjen e Floriana Ismailit

në kategorine Diaspora

E Martë, 2 Korrik 2019 – 21:20
albinfo.ch

Vdekja e futbollistes shqiptare ka tronditur opinionin zviceran e kosovar, pasi e njëjta u gjet e vdekur në liqenin italian Como.
Në lidhje me vdekjen e Ismailit ka reaguar edhe Ministria e Diasporës dhe Investimeve Strategjike.
Ata kanë njoftuar se ministri i Diasporës, Dardan Gashi, ka dërguar një telegram ngushëllimi për vdekjen e Floriana Ismailit.
“Me pikëllim mora lajmin për gjetjen e trupit të pajetë të sportistes Florijana Ismaili. Ajo ishte një ambasadore e shqiptarëve jo vetëm në Zvicër, ku zhvilloi karrierën, por kudo në botë. Mendjet dhe zemrat tona janë sot me familjen Ismaili. Shpreh ngushëllime të sinqerta për familjen, miqtë, ata që e njohën dhe për të gjithë dashamirët e sportit”, thuhet në telegramin e ministrit Gashi.

Burimi: https://www.albinfo.ch

LAJMI I FUNDIT: Gjendet trupi i Florijana Ismailit

në kategorine Diaspora

Është gjetur trupi i pajetë i futbollistët shqiptare Florijana Ismaili.

E Martë, 2 Korrik 2019 – 17:52
albinfo.ch

Zhytësit e zjarrfikësve kanë identifikuar trupin e pajetë të futbollistes shqiptare Florijana Ismaili.
Gjetja, ashtu siç raporton Corriere di Como – u zhvillua në një zonë shumë të thellë të liqenit, jo shumë larg nga vendi ku u zhduk të shtunën e kaluar, në zonën e Musso. Trupi ishte në një thellësi prej 204 metrash, shkruan albinfo.ch
Në internet dhe në mediat sociale, ofertat e ndihmës janë shumëfishuar në orët e fundit, si dhe shprehjet e ngushëllimit ndaj familjes së 24-vjeçares, përcjell tutje albinfo.ch.

Burimi: https://www.albinfo.ch

Komemoracion në Bernë për humanisten Fatime Mahmuti

në kategorine Diaspora

Për nder të Fatime Mahmutit edhe Kisha Bethlehem në Bernë organizoi komemoracion ku u vlerësua lart roli i saj si humaniste

E Martë, 2 Korrik 2019 – 13:40
Shklezen Beqiri

Shqiptarët në Bernë dhe rrethinë para disa ditësh e humbën njërën nga humanistet më të devotshme, Fatime Mahmuti, e cila për rreth 33 vjetët e kaluara ishte pa ndërprerë në shërbim të njerëzve me nevoja të veçanta shëndetësore. Ajo, përmes këshillave dhe mirësjelljes së saj arriti të përfitojë zemrat dhe respektin e veçantë, jo vetëm te komuniteti shqiptar.
Pas një sëmundjeje të shkurtër ka vdekur zonja Fatime Mahmuti, e lindur  59 vjet më parë në Mitrovicë. Fatimja ishte me bindje humaniste. Aktiviteti i saj i palodhshëm edhe përkundër sfidave të shumta personale, ndikoi në mirëqenien e shumë njerëzve që ajo i mbështeti. Fatimja ishte ndërmjetësuese kulturore e angazhuar në shumë projekte, me qëllim të integrimit të huajve në Zvicër.
Për nder të Fatime Mahmutit edhe Kisha Bethlehem në Eymattstrasse 2b në Bernë organizoi komemoracion më 01.07.2019 në orën 19:00. Mbi njëqind pjesëmarrës të solemnitetit, të prejardhjeve, kulturave dhe profesioneve nga më të ndryshmet, pasqyruan shumëllojshmërinë ndërkulturore të Fatimes, të cilën vajza e saj, Besa, në fjalën e saj e shprehu se secili nga pjesëmarrësit posedojnë pjesë nga Fatimja.
Jetën dhe aktivitetin humanitar të Fatimes për të cilën nevojitej kohë për të renditur shumicën nga projektet ndërkulturore të saj, e tregoi Hans Martin Roder, Prift në Ref. Kirchgemeinde Bethlehem. Ai e përshkroi kështu: Fatimja ishte ndërtuese e urave. Ajo krijoi dhe mbante kontakte midis njerëzve më të ndryshëm, u përkthente dhe i mbështeste njerëzit. Për të gjitha shqetësimet ajo kishte një vesh të hapur dhe një zemër të gjerë. Me projektet e saj ajo ndërlidhte mbushte hendeqet në mes grupeve të ndryshme etnike dhe grupeve kulturore.
Fjalimin në gjuhën shqipe e mbajti aktivisti dhe bashkëpunëtori i saj, Qazim Hajzeraj, e pas tij në mikrofonin e hapur ishin të shumta kujtimet e pjesëmarrësve që në gjuhë të ndryshme shprehnin dhimbjen dhe krenarinë për Fatimen, duke kujtuar dinjitetin e saj të madh.
Projekti aktual që në fazën e finalizimit i mbeti brenga e saj e madhe është jetësimi i Projektit “Së bashku- Gemeinsam” për fëmijët e hendikepuar në Mitrovicë, për të cilin shumë të pranishëm u zotuan se do të angazhohen në realizimin e tij për hir të Fatimes.
Mungesa e karakterit të Fatimes dhe buzëqeshjes së saj të përhershme me ndihmën e pakursyer në shërbim të njerëzimit do të mbetet prezente tek familjarët dhe tek miqtë e shumtë të cilët e vlerësuan lart.
 

Burimi: https://www.albinfo.ch

Fatlume Sadiku me post të rëndësishëm në Spitalin Universitar të Bazelit

në kategorine Diaspora

Ajo ka arritur edhe një sukses në karrierën e saj dhe është shprehur shumë e lumtur

E Hënë, 1 Korrik 2019 – 23:19
albinfo.ch

Shkencëtarja shqiptare, Fatlume Sadiku, me prejardhje nga Peja që jeton e vepron në Zvicër e Gjermani ka marrë një post të rëndësishëm në Spitalin Universitar të Bazelit.
Ka qenë vetë ajo, që ka publikuar lajmin në rrjetet sociale.
Ajo ka marrë pozitën ICT Projekt Manager në Departmentin ICT të Spitalit Universitar në Bazel – i quajtur shkurt: USB.
Statusi i saj pa ndëhyrje
Lumja nga 1 Gushti 2019 ne poziten: ICT Projekt Manager ne Departmentin ICT te Spitalit Universitar ne Basel – i quajtur shkurt: USB.
Meqe une kurr nuk e kam besuar se do ta marr nje oferte te till vetem 8 muaj pas fillimit te punes sime ketu, gezimi i im per besimin e udheheqjes se IT-projekteve me karakter klinik dhe shkencor ne USB eshte shume i madh. Kjo oferte erdhi menjehere pasi u muarr vesh se une punet e lidhura me projektin aktual shkencor, perfundimi i te cilava ishte i planifikuar ne fund te Janarit 2021, une po i perfundoj me shume sukses ne fund te muajit Korrik 2019. Rezultatet e punes sime 8 mujore ne USB ishin teme e shume fjalimeve dhe prezentacioneve te cilat u mbajten te ejten e kaluar ne nje „Face-To-Face“- Meeting ne Bern, qe kishte te bente me fushen hulumtuese: Medicina e Personalizuar dhe Teknologjite e Nderlidhura (PHRT). Ne kete Meeting, ku une u paraqita me tri prezentime, u fol per te arriturat e deritashme ne te gjitha qendrat zvicerane te perfshira ne hulumtimet qe e kan per qellim zbulimin e hershem te Sepses me ndihmen e algoritmave intelegjent.

Fatlume Sadiku, shkencëtarja shqiptare që i ka shpallur “luftë” kancerit

Burimi: https://www.albinfo.ch

Shko lartë