Category archive

Diaspora

Po kërkohej për vrasje, kosovari kapet për shkak të telefonimit gjatë vozitjes

në kategorine Diaspora

Shtetasi kosovar është dërguar në burgun për deportim, prej nga do të transportohet në Kosovë, ku e pret dënimi me burg të përjetshëm

E Diel, 21 Korrik 2019 – 18:25
albinfo.ch

Në mesditën e të shtunës, policët në Mindelheim, Landi i Bavarisë, kanë kapur një burrë 28 vjeçar derisa po përdorte telefonin mobil gjatë ngasjes së makinës, shkruan polizei.bayern.de. Atë e kishin ndaluar për ta kontrolluar pasi kishin parë se po telefononte duke qenë në vozitje e sipër.
Por, siç konstatojnë ndërkohë policët, personi në fjalë që po e ngiste një mercedes, ishte i kërkuar me fletarrest ndërkombëtar të lëshuar nga autoritetet kosovare për një vrasje të rëndë, të kryer në Kosovë, transmeton albinfo.ch.
Shtetasi kosovar është dërguar në burgun për deportim, prej nga do të transportohet në Kosovë, ku e pret dënimi me burg të përjetshëm.

Burimi: https://www.albinfo.ch

Ekzekutohet në Holandë presidenti i vetëshpallur i Çamërisë

në kategorine Diaspora

Festim Lato ishte shtetas shqiptar nga Vlora që punonte dhe jetonte në Holandë prej 25 vitesh

E Diel, 21 Korrik 2019 – 11:33
albinfo.ch

Është ekzekutuar në një atentat mafioz në Holandë shqiptari Festim Lato, 48 vjeç, nga Vlora.
Lato, i vetëshpallur President i Republikës së Çamërisë, është ekzekutuar këtë të diel në Holandë për arsye politike, raportojnë mediat shqiptare.
Informacionet paraprake bëjnë me dije se Latos i është bërë atentat pas një takimi që ai ka zhvilluar me një mikeshë të tij, përcjell albinfo.ch.
Një furgon Mercedes-Benz Viano i zi, ka hapur zjarr duke shkaktuar terror, por edhe goditur drejt Presidentit dhe mikeshen e tij, ku si pasojë ka humbur jetën 48-vjeçari.
Ndërkohë, policia holandeze po punon për zbardhjen e plotë të kësaj ngjarjeje dhe identifikimin e autorëve.
Ndryshe, Lato një vit më herët kishte thënë se si pas informacioneve të tij, Shqipëria e Madhe do të bëhet shumë shpejt.
“Në një kohë të shkurtër, sipas informacioneve që unë kam nga burime të ndryshme, di që kufijtë do të ndryshojnë, por në favor të shqiptarëve. Asnjë pëllëmbë tokë shqiptare nuk do të kalojnë në dorë të grekëve, maqedonëve apo malazezëve. Të gjitha këto troje do të mblidhen dhe do të bashkohen në një qendër, në atë që quhet Shqipëria Natyrale”, kishte thënë ai.
 

Burimi: https://www.albinfo.ch

Ngritje e sërishme e temperaturave, ja çfarë parashikojnë meteorologët

në kategorine Diaspora

Kjo valë do të zgjasë 5-6 ditë

E Shtunë, 20 Korrik 2019 – 16:20
albinfo.ch

(KEYSTONE/Walter Bieri)
Një valë tjetër i nxehti do të përfshijë Europën, duke nisur nga dita e diel. Ajo do të kalojë nëpër Europën Qendrore deri në Skandinavi.
“Kjo valë do të zgjasë 5-6 ditë. Shqipëria do të mbetet serish në periferi të kësaj vale. Që ditën e diel pritet ndryshim drastik i temperaturave. Nesër do të kemi vlerë maksimale 37 gradë. Ndërkohë që dita më e nxehte për Shqipërinë do të jetë dita e mërkurë, me temperaturë 39 grade, ndërsa ndonjë zonë e veçantë edhe 40 gradë. Më pas do të kemi rikthim të vlerave normale 32-33 gradë, thotë Lajda Porja, meteorologe, përcjell albinfo.ch.
Vrasës i heshtur, njihet ndryshe vala e te nxehtit dhe origjinën e ka nga Afrika.
“Epiqendra do të jetë Franca me temperatura maksimale që pritet të shkojnë mbi 40 gradë. Pritet që korriku jo vetëm për Shqipërinë, por edhe për një pjesë të mirë të kontinentit europian të cilësohet si korriku më i nxehtë ndër vite”, shton Lajda Porja, meteorologe.
Edhe 10 ditëshi i fundit i korrikut parashikohet me temperatura të larta deri në 37 gradë.
Valë të nxehti po përjeton edhe një pjesë e Shteteve te Bashkuara të Amerikës. Shteti i Kenektikatit, ku jeton një komunitet i konsiderueshëm shqiptarësh, janë nxjerrë njoftime edhe në gjuhën shqipe.
Njerëzit rekomandohen të përdorin pika të freskimit me ujë, parqe, qendra tregtare, shkolla, pishina etj.
Lajmërimi është publikuar ne faqen e Facebook të kryetarit të Bashkisë së Waterbury-t me oraret dhe një mori adresash freskimi në këto ditë përvëluese.

Burimi: https://www.albinfo.ch

La Austrinë për Zvicrën, për punësim e shkollim më të mirë

në kategorine Diaspora

U lind e u rrit në Austri, por pas afro dy dekadash u shpërngul në Zvicër, ku thotë se gjeti qasje më të lehtë në punësim, kulturë të re, e mbi të gjitha, më shumë shqiptarë. Dhe jo vetëm…

E Premte, 19 Korrik 2019 – 17:00
Drenusha Morina

Laura Beqa, me prejardhje nga Ferizaj, u lind në Kitzbühel të Austrisë, ku vijoi mësimet fillore dhe të mesme. Por pas përfundimit të maturës, ajo la prapa 19 vjet jetesë në Austri, dhe bashkë me të vëllanë vendosi të shpërngulej në Zvicër. Tash e pesë vjet, Laura Beqa jeton në kantonin Aargau të Zvicrës dhe punon si koordinatore e korporatës në LISCR.
Zvicra, motivim dhe vend i mundësive të shumta
Si një vajzë që i pëlqejnë sfidat, dhe që është në kërkim të mundësive të reja, Laura vendosi ta ndërronte vendbanimin pasi kreu shkollën e mesme. Kontaket dhe miqësitë që kishte në Zvicër, ia formuan një imazh të Zvicrës si vend i mundësive të shumta, sidomos për punësim dhe shkollim. Po ashtu, Laura u inspirua nga sukseset e njerëzve në Zvicër, sidomos ato të shqiptarëve. Ajo thotë se tash motivohet edhe më shumë me sukseset e shqiptarëve, sidomos kur sheh nëpër rrugë dyqane, firma e autoshkolla me emra shqip.

“Edhe Austria të ofron kushte të mira për edukim, mirëpo, në Zvicër mundësitë janë shumë më të mëdha për shkollim, për të arritur diçka, që të bëhesh e pavarur, të hapësh ndonjë firmë. Këtu edhe rrogat janë më të mëdha, është edhe jeta më e shtrenjtë, po ke mundësi edhe të kursesh para”, thotë Laura në një intervistë për albinfo.ch.
Sipas saj, Zvicra është vend që i kushton rëndësi të madhe shkollimit të të rinjve, pavarësisht se nga vinë. “Nëse do të shkollohesh dhe nuk ke ide se çka të zgjedhësh, ke vende ku mund të informohesh, pra ke qindra mundësi. Nëse nuk ke ndonjë farë shkollimi, ta mundësojnë të shkosh ndoshta në universitet. E kjo më ka pëlqyer shumë”, thotë ajo.
Zvicra me rroga më të mëdha, por me jetesë më të shtrenjtë
Me gjithë të mirat që gjeti në vendin alpin, Laura tregon se disa gjëra ishin më mirë në Austri. E këtu, ajo përmend disa sfida që hasi lidhur me sigurimin shëndetësor. “Sigurimi në këtë shtetet paguhet çdo muaj, por dallimi është se në Austri të  ndalet në rrogë, edhe varet sa të lartë e ke rrogën, aq edhe të ndalet, në Zvicër duhet të paguash sigurim pa marrë parasysh a je në punë ose se jo. Po ashtu, në Zvicër të vinë në shtëpi faturat e mjekut, e në Austri nuk ka ndodhur kjo”, thotë Laura.
Laura po ashtu thotë se edhe pushimet e lehonisë në Austri ishin më të gjata dhe më të përshtatshme për gratë, ndryshe nga Zvicra. “Në Austri, tetë javë para se të lindësh dhe tetë javë pas, e ke patjetër të qëndrosh në shtëpi, nuk guxon të punosh, dhe ky pushim të paguhet, pra rroga të ecë. Pastaj e ke të drejtën edhe deri në dy vite të qëndrosh dhe të kujdesesh për fëmijën. E në Zvicër nuk i ke këto, dhe mua më kanë penguar, por normalisht që duhet të mësohesh”, thotë ajo.

Cyrihu, “Kosova e dytë”
Megjithëse lindi dhe u rrit larg vendit të origjinës, Laura asnjëherë nuk e harroi Kosovën. Ajo e flet rrjedhshëm gjuhën shqipe, e madje e viziton çdo vit Kosovën dhe të afërmit e saj.
E pikërisht afërsia me kosovarët ishte ndër arsyet kryesore që e solli pikërisht në Zvicër. Si një vajzë e rritur jashtë atdheut, ajo është e lidhur emocionalisht me Kosovën dhe shqiptarët, andaj synon që edhe familjen ta krijojë në një vend ku ka shqiptarë. E në shtetin zviceran, ajo gjeti plot bashkëvendës.
“Nganjëherë dëgjoj se thonë Cyrihu është Kosova e dytë, dhe në të vërtetë nuk të lënë të mërzitesh për Kosovën, se ke shqiptarë, ke dyqane e qendra të shqiptarëve. Ka pasur raste kur kemi shkuar në universitet të Cyrihut për të ndjekur ndonjë ligjëratë si grup, dhe është mirë që rinia shqiptare të angazhohet, të mos asimilohemi. Pra ka edhe shkolla për gjuhën shqipe, që mendoj se është diçka shumë e mirë”, thotë Laura.
Ndërkaq, pas Gjermanisë, Zvicra ka diasporën më të madhe të shqiptarëve të Kosovës. Në Zvicër jetojnë rreth 113,000 persona me shtetësi kosovare. Këtu nuk llogariten ata kosovarë që tashmë kanë pasaportën zvicerane dhe sigurisht, as shqiptarët tjerë, që vinë nga Maqedonia, Shqipëria etj.

Synimet për të ardhmen dhe porosia për rininë kosovare
Pavarësisht se është e kënaqur me punën që bën, Laura ka në plan të vazhdojë shkollimin në fushën e edukimit, pasi synon të bëhet mësimdhënëse.
Ajo ka ca fjalë edhe për rininë e Kosovës. “Kurrë mos i ndalni ëndrrat, edhe nëse është vështirë, se gjithmonë ka zgjidhje. E kemi një rini me plot talente, edhe nëpër botë po bëjmë bujë. Pra, mos t’i ndalim ëndrrat vetëm pse jemi shtet i vogël dhe nuk i kemi mundësitë si shtetet e tjera”, thotë Laura përmes albinfo.ch.
Për fund, Laura thotë se nuk është penduar aspak për vendimin për t’u shpërngulur në Zvicër, dhe se tashmë është adaptuar këtu.
Përpos Laurës, kohët e fundit është vërejtur një migrim i shqiptarëve nga vendet e Europës drejt vendit alpin. Kryesisht ata po lënë vendet si Austria, Gjermania, Belgjika, Greqia, Franca e po vendosen në Zvicër.

Burimi: https://www.albinfo.ch

Mërgimtari gjobitet 1150 euro në Serbi

në kategorine Diaspora

E Premte, 19 Korrik 2019 – 11:25
albinfo.ch

Një mërgimtar ka shprehur shqetësimin e tij pasi që  është dënuar nga policia serbe me gjobë prej 1 mijë e 150 euro.
Kjo pasi që siç e ka shpjeguar mërgimtari, policia serbe e ka ndaluar dhe e ka dënuar tri herë nga 50 euro për shkak të mos vendosjes së rrypit të sigurisë si dhe 1 mijë euro për mos vendosje në karrige të fëmijëve.
Ai ka sugjeruar që mërgimtarët të kenë kujdes.

Burimi: https://www.albinfo.ch

Fotografia e këmbës së një shqiptari, në paketë cigaresh

në kategorine Diaspora

Foto u zbulua nga djali i shqiptarit, i cili kishte blerë paketën gjatë një udhëtimi në Luksemburg

E Enjte, 18 Korrik 2019 – 21:12
albinfo.ch

Një 60-vjeçar shqiptar është shokuar kur ka parë foton e tij të përdoret në një paketë cigaresh, si mesazh sensibilizues kundër konsumimit të duhanit.
Shqiptari që jeton në Metz të Francës ka prerë këmbën pas një incidenti në vendin e lindjes në vitin 1997, ndërkohë që foto e tij ishte shoqëruar në paketë me shkrimin: “Pirja e duhanit bllokon arteriet tuaja”.
Por, sipas avokatit të 60-vjeçarit, foto është përdorur pa lejen e tij, shkruajnë mediat shqiptare.
Foto u zbulua nga djali i shqiptarit, i cili kishte blerë paketën gjatë një udhëtimi në Luksemburg, përcjell albinfo.ch.
“Ai (vëllai) po kthehej nga Luksemburgu. Pa thënë asnjë fjalë vendosi kutinë e cigareve në tavolinë. U shtangëm. Nuk po na besohej. Aty është babai ynë, shenjat e tij janë karakteristike”, ka deklaruar vajza e shqiptarit për “Le Républicain Lorrain”.
Avokati Antoine Fittante thotë se i është drejtuar Komisionit Evropian për të mësuar se si foto e klientit të tij ka përfunduar në paketat që shiten në gjithë Bashkimin Evropian.
“Klienti im ndihet i tradhëtuar, i goditur në dinjitetin e tij, duke parë aftësinë e kufizuar të tij të shfaqet në paketë cigaresh, duhet të pranojmë se nuk është shumë e këndshme”, thotë avokati.
60-vjeçari dyshon se foto mund të ketë rrjedhur nga spitali ku kishte shkuar për konsultë, ndërkohë që në rastet kur foto të ngjashme përdoren për fushata sensibilzuese, procesi kalon në disa verifikime dhe publikimi bëhet me lejen e personit.

Burimi: https://www.albinfo.ch

Pacolli: Kosova, shembull për tolerancën ndërfetare

në kategorine Diaspora

E Enjte, 18 Korrik 2019 – 18:20
albinfo.ch

Foto: Behgjet Pacolli (Fb)
Ministri i Punëve të Jashtme i Kosovës, Behgjet Pacolli, ka marrë pjesë në Ministerialin mbi liritë fetare të thirur nga Sekretari Amerikan i Shtetit, me ç’rast ka thënë se Kosova është shembull për tolerancën fetare, përcjell albinfo.ch.
Gjatë këtij takimi, Pacolli ka thënë se ka paraqitur mozaikun multietnik dhe multifetar të Kosovës.
“Liria fetare është një parim që ka rëndësi për ne, për shkak të historisë sonë, trashëgimisë sonë dhe të ardhmes sonë. Në rrugëtimin tonë përpara ne duhet të shohim përsëri në traditën tonë të gjatë të bashkëjetesës paqësore midis feve të ndryshme, ne, myslimanët, katolikët, ortodoksët, protestantët, hebrenjtë dhe shumë komunitete të tjera jetojmë së bashku në harmoni dhe bashkëjetesë”, ka shkruar Pacolli në Facebook.
Ai ka përmendur se Kushtetuta e Kosovës promovon praktikimin e pakufizuar të besimit dhe u jep trajtim të barabartë të gjitha feve në Kosovë dhe pasuesve të tyre, i cili ka njoftuar se Parlamenti i Kosovës është duke punuar për të miratuar një ligj të ri.
“Aktualisht Parlamenti ynë është duke punuar për të miratuar një ligj modern mbi liritë dhe të drejtat fetare që i imponon këto instrumente ndërkombëtare dhe parimet tona kushtetuese në legjislacionin kombëtar. Kosova po krijon mekanizma institucionalë që do të forcojnë angazhimin e Qeverisë me të gjitha bashkësitë fetare në Kosovë. Kosova është një shembull në rajon dhe më gjerë në lidhje me tolerancën ndërfetare dhe bashkëjetesën e religjioneve. Ne do të promovojmë këtë vlerë dhe trashëgiminë e Kosovës dhe jemi të lumtur ta ndajmë atë në mbarë botën”, ka shkruari ai.
Po ashtu, Pacolli është zotuar se do të punojnë me qeverinë amerikane për të adresuar rëndësinë e lirive fetare dhe për të marrë iniciativa të përbashkëta me partnerët tanë.

Burimi: https://www.albinfo.ch

I nxehti në Europë, ekspertët presin një valë të dytë

në kategorine Diaspora

Rikthehet i nxehti në Europë

E Enjte, 18 Korrik 2019 – 14:40
albinfo.ch

Pas një frymëmarrjeje të shkurtër pas valës së të nxehtit që përvëloi Europën, muajin e shkuar, parashikimet thonë se temperaturat do të rriten edhe një herë tjetër javën e ardhshme në vende si Franca, Gjermania, Austria, Britania e Madhe, Norvegjia, Holanda, Spanja dhe Portugalia.
Meteo-France tha se mund të jemi duke shkuar drejt një vale të dytë të nxehti, por parashikimet nuk janë ende përfundimtare. Agjencia tha se do të vazhdojë të monitorojë ndryshimet e motit dhe tendencat, që në mënyrë të vazhdueshme ndryshojnë, gjatë ditëve në vijim.
Valë të nxehti klasifikohen shumë ditë radhazi me temperatura jo normalisht të larta. Meteo-France paralajmëroi sidoqoftë se mërkuri do të fillojë të ngjitet këtë fundjavë në Francë dhe në shumë vende të tjera dhe të enjten e ardhshme do të arrijë në 35 gradë celsius.
E mërkura dhe e enjtja e javës së ardhshme do të jenë ditët më të nxehta me temperaturat maksimale që mund të arrijnë deri në 40 gradë celsius. Në fund të javës së ardhshme priten disa stuhi por të lokalizuara, shkruan Top Channel.
Edhe pse franca është vendi i vetëm që zyrtarisht ka njoftuar për ardhjen e kushteve të nxehta të motit, parashikimet e ekspertëve dhe agjencive të tjera të motit tregojnë se edhe vendet e tjera të Europës do të regjistrojnë temperatura ekstremisht të larta.
Në fund të qershorit, moti ekstremisht i nxehtë bëri që të thyheshin disa rekorde, me Francën që kaloi kufirin e 45 gradëve celcius për të parën herë dhe me Gjermaninë, Austrinë, Republikën Çeke etj që shënuan temperaturat më të larta në histori për muajin qershor.
Pas qershorit, shkencëtarët thonë se edhe korriku i ka të gjitha gjasat që të jetë korriku më i nxehtë i regjistruar ndonjëherë

Burimi: https://www.albinfo.ch

Busti i Skenderbeut vendoset në Karakurt të Ukrainës

në kategorine Diaspora

E Mërkurë, 17 Korrik 2019 – 23:20
albinfo.ch

Foto: Ministri i Shtetit per Diasporen (Fb)
Në qytezën Karakurt në Ukrainë, është vendosur busti i heroit Gjergj Kastrioti – Skenderbeu, përcjell albinfo.ch.
Në faqen e ministrit të Shqipërisë për Diasporën, kanë postuar një fotografi, ku shihen pjesëtarë shqiptarë pranë këtij busti.
“Foto e ditës / Pjesëtarë të komunitetit shqiptar në Karakurt, Ukrainë pranë bustit të heroit kombëtar Gjergj Kastriot Skënderbeut të vendosur dje në këtë qytezë”, thuhet në mbishkrimin e fotografisë.
Por ky nuk është aktiviteti i vetëm. Komuniteti shqiptar në Ukrainë së fundmi po mban disa aktivitete në bashkëpunim me Shqipërinë, ndër to edhe orë mësimi të valleve e këngëve shqipe.

Burimi: https://www.albinfo.ch

Në Vushtrri fillon koncerti për nder të mërgimtarëve

në kategorine Diaspora

E Mërkurë, 17 Korrik 2019 – 21:40
albinfo.ch

Foto: MDIS
Sonte ka filluar një koncert në Vushtrri, si shenjë mirëseardhjeje për mërgimtarët, përcjell albinfo.ch.
Për argëtimin e të pranishëmve, që shihen të shumtë në numër, është përzgjedhur këngëtari Ramadan Krasniqi – Dani.
Në hapje të koncertit, mërgimtarët i ka përshëndetur edhe zëvendësministri Isni Kilaj nga Ministria e Diasporës e kryetari i Vushtrrisë, Xhafer Tahiri.
Ky koncert është organizuar nga MDIS dhe komuna e Vushtrrisë. Në videon e mëposhtme mund të shihni pjesë nga koncerti në Vushtrri.

Burimi: https://www.albinfo.ch

Investitorë shqiptarë, mbrapa dyqaneve të njohura kozmetike “Ella”

në kategorine Diaspora

Agron Ajrullahu dhe Gazmend Haliti, bashkë me dy zviceranë të tjerë janë bashkëpronarë të tre sallonëve të bukurisë “Ella”, të hapura në Cyrih dhe regjion

E Mërkurë, 17 Korrik 2019 – 18:20
albinfo.ch

“Ella” është emri i dyqaneve kozmetike që po ngriten me shpejtësi në rajonin e Cyrihut. Këto sallone kozmetike ofrojnë shërbime në tri qendra të mëdha tregtare. Ajo që nuk dihet për shumë klientë, është se mbrapa këtyre salloneve janë dy investitorë shqiptarë që me punën e tyre kanë shtrirë shërbimet e bukurisë në Shoppi Tivoli në Spreitenbach, në aeroportin e Cyrihut dhe në Letzipark Cyrih.
Agron Ajrullahu dhe Gazmend Haliti janë bashkëpronarë të sallonëve të bukurisë “Ella”, bashkë me dy zviceranë të tjerë. Ata kanë zgjeruar këtë biznes duke sjellë konceptin më të mirë e më modern të punës në Zvicër, duke ofruar luksin e cilësinë me çmime të përballueshme për çdo njeri.Në filozofinë e shërbimeve të salloneve “ELLA” mbizotëron poenta: Të dilni më rrezatues se që keni ardhur tek ne!

Salloni i parë, në Spreitenbach
“Në rrugëtimin tonë ne kemi trajtuar e të ndryshme dhe kemi sjellë konceptin më të mirë në Zvicër. Tek ne ju presin trajtime luksoze të cilësisë së lartë me çmime që secili mund t’i përballojë. Për më tepër, ne ofrojmë termine përmes rezervimit dhe sipas konceptit „Walk in“ apo „Ecni brenda“, ne gjejmë kohë për ju”, thotë bashkëpronari, Gazmend Haliti.
Salloni i parë „Ella” është hapur në qershor të vitit 2017 në Shoppi Tivoli. Ndërkohë janë hapur edhe në Letzipark Cyrih dhe në aeroportin e Cyriut. Duke trefishuar kështu ofertat që nga hapja e sallonëve me trajtime manikyr, pedikyr, zbardhjen e dhëmbëve, heqjen e flokëve me laser, qerpikët, vetullat dhe shumë gjëra të tjera që janë në tregun e salloneve të bukurisë.
Dhe nëse planifikoni diçka speciale; qoftë kjo një festë beqarie, një martesë ose një ditëlindje, ne kujdesemi që ju në fund të dilni të bukur e elegantë nga dyert e sallonit “Ella”.

Deri në 80 klientë në ditë
Dyqanet kozmetike „Ella” trajtojnë për çdo ditë 50 deri në 80 klientë apo deri në 560 brenda një jave. „Kurse në kohë vere, këto shifra lehtë mund të dyfishohen“, tregon drejtuesja e salloneve “Ella”, Sharona Meshulam.“Megjithatë,” plotëson ajo, “kërkesat më të shpeshta janë për manikyr dhe pedikyr, vetulla (Microblading) dhe heqjen e flokëve”, thotë Meshulam, e cila lëvdatat për punën e shkëlqyer ia adreson stafit të punës. „Ne jemi një ekip i shkëlqyer, nga pronarët e deri te praktikantët. Secili bën punën e tij me vullnet dhe dëshiron që „Ella“ të ketë sukses“, dhe shton, „ne jemi një ekip i shkëlqyer që punon në harmoni dhe në shërbim të klientëve tanë duke pasur kështu një rritje të shëndoshë brenda dy vjetëve të sallonit „Ella“.Duke ju shërbyer e duke bërë të duken ndryshe burra e gra, të zeza e të bardha, të pasur e të varfëra, të rinj e të moshuar“.
„Ella“ gjithashtu trajton një numër të lartë të konsumatorëve me kufizime, siç janë përdoruesit e karrigeve me rrota, të cilët gjejnë ngrohtësinë e trajtimit dinjitoz tek ne.“Ne jemi aq të përzier saqë të gjithë janë të mirëpritur dhe i trajtojmë të gjithë me dashuri e pa dallim”, thotë drejtuesja e sallonit „Ella“.

Trajtime luksoze por të përballueshme
“Në rrugëtimin tonë ne kemi trajtuar e të ndryshme dhe kemi sjellë konceptin më të mirë në Zvicër. Tek ne ju presin trajtime luksoze të cilësisë së lartë me çmime që secili mund t’i përballojë”.

Trefishohet oferta
Me hapjen e dy salloneve tjera, (në Aeroportin e Cyrihut dhe në Letziparh Cyrih) janë trefishuar ofertat që nga hapja e sallonëve me trajtime manikyr, pedikyr, zbardhjen e dhëmbëve, heqjen e flokëve me laser, qerpikët, vetullat dhe shumë gjëra të tjera që janë në tregun e salloneve të bukurisë.
 
 

Burimi: https://www.albinfo.ch

Shqiptarët, me shtimin më të madh ndër emigrantët e ardhur në Gjermani në vitin 2018

në kategorine Diaspora

Nëse në vitin 2017 kishin ardhur 1000 shtetas shqiptarë më tepër se në vitin paraprak, në vitin 2018 kjo shifër është tetëfishuar, gjegjësisht kanë ardhur 8000 më shumë se në vitin 2017

E Martë, 16 Korrik 2019 – 21:50
albinfo.ch

Në Gjermani, gjatë vitit 2018 kanë ardhur për të jetuar 1 milion e 585.000 veta nga jashtë, ndërsa gjatë të njëjtës periudhë Gjermaninë e kanë braktisur 1 milion  e 185.000 veta. Nga kjo del se rritja “neto” e numrit të banorëve në Gjermani gjatë vitit 2018 ka qenë 416.000, një rritje pak më e vogël se ajo e një viti më parë, shkruan dpa.de., duke iu referuar Zyrës Federale të Statistikave.
87% nga të ardhurit kanë pasaporta të huaja që lë të kuptohet se pjesa tjetër janë shtetas gjermanë që janë kthyer pasi kanë emigruar më parë.
Janë me interes shifrat që tregojnë përkatësitë nacionale të të ardhurve. Shtimin më të madh të numrit të të huajve të ardhur për të jetuar në Gjermani, në krahasim me një vit më parë e kanë shënuar shtetasit e Shqipërisë, transmeton albinfo.ch. Nëse në vitin 2017 kishin ardhur 1000 shtetas shqiptarë më tepër se në vitin paraprak, në vitin 2018 kjo shifër është tetëfishuar, gjegjësisht kanë ardhur 8000 më shumë se në vitin 2017.
Rritje të madhe por jo në këto përmasa, është regjistruar edhe te shtetasit e Kosovës. Në vitin 2018 në Gjermani kanë ardhur për të jetuar 12.000 ksoovarë më shumë se në vitin 2017, ndërsa dallimi në mes të vitit 2016 dhe 2017 ka qenë 8000.
Rënie më të madhe ka shënuar numri i shtetasve të vendeve të BE-së dhe atyre aziatikë të ardhur në Gjermani, përcjell albinfo.ch. Por shtetasit e vendeve të BE-së vazhdojnë të përbëjnë pjesën më të madhe në shtimin e të huajve në Gjermani, gjegjësisht 202 mijë, që është më pak se në vitin 2017 (239 mijë).

Burimi: https://www.albinfo.ch

Dr. Avdulla Krasniqi: Hapja e ordinancës, projekt kyç për çdo mjek

në kategorine Diaspora

Pasi kaloi shumë shkallë të karrierës prej gjinekologu, dr. Avdulla Krasniqi ka hapur së fundi ordinancën e tij private. Ai thotë se është shumë i kënaqur me këtë hap, i cili është një projekt kyç në jetën e secilit mjek

E Martë, 16 Korrik 2019 – 17:00
Rromir Imami

Dr. Avdulla Krasniqi në opinionin e gjerë njihet edhe si gjinekologu shqiptar në Zvicër që bën mrekulli dhe i cili u ngjall shpresat çifteve pa fëmijë. Shtatzënia, sipas fjalëve të Dr. Krasniqit, “është një proces i mrekullueshëm dhe shumë emocionues për pacientët  dhe për mua”. Me rastin e hapjes së ordinancës së tij në Lozanë, e para ordinancë e tillë private shqiptare në pjesën frankofone të Zvicrës, albinfo.ch shfrytëzoi rastin për të bërë intervistën e radhës me të.

Albinfo.ch: A mund të na tregoni se si filloi karriera juaj?
Avdulla Krasniqi: Shkollën fillore e kam mbaruar në fshatin Livoç i Epërm, komuna e Gjilanit, pastaj gjimnazin, drejtimi matematikor-natyror, në Gjilan. Pas mbarimit të Fakultetit të Mjekësisë në Tiranë, kam punuar 4 muaj si mjek i përgjithshëm ne Bresalc, komuna e Gjilanit. Pastaj, në nëntor të vitit 2006 më është dhënë mundësia të shkoja në Francë për specializim. Në vitin 2013 kam marrë titullin specialist i gjinekologjisë dhe obstetrikës, në Paris. Paralelisht, kam bërë formacion te avancuar në ekografi, për pjesën e gjinekologjisë dhe obstetrikës, sektori i diagnostikimit të malformacioneve gjatë shtatzënisë. Në fund të këtij formacioni kam marrë diplomë nga Universiteti Paris-Descartes, në Paris. Pastaj, jam specializuar edhe në laparoskopi, si operator për pjesën e gjinekologjisë, ku jam pajisur me diplomë inter-evropiane nga Universiteti Clermont-Ferrand ne Francë. Nga Universiteti “Paris Decartes” jam pajisur edhe me diplomë për trajtimin e problemeve të infertilitetit.
Në vitin 2014, më është propozuar një post si shef i klinikës në Spitalin kantonal të Friburgut (HFR), post dhe titull ky që e mbajta për dy vite. Pastaj, gjatë një periudhe të shkurtër qëndrova si kryemjek në spitalin interkantonal de la Broye (HIB). Në fillim të vitit 2018, ka filluar nga puna klinika iime, me të cilën deri tani jam shumë i kënaqur, sepse i përmbush të gjitha kushtet që kam ëndërruar dhe është një projekt kyç në jetën e secilit mjek.

Albinfo.ch: A mund të veçoni ndonjë prej vështirësive më të mëdha gjatë karrierës suaj?
Dr. Avdulla Krasniqi: Ka shumë por do ta veçoja kohën e përgatitjes së provimit final, i cili është më i ploti sepse i bashkon njohuritë e fituara gjatë gjithë viteve. Ky duhet veçuar sepsenumri i vendeve për specializim ka qenë i limituar dhe i mbështetur mbi bazën e konkursit
Albinfo.ch: Si do ta përshkruanit një ditë të zakonshme tuajën në këtë profesion?
Dr. Avdulla Krasniqi: Ordinanca hapet nga ora 8 në mëngjes dhe qëndron e hapur deri në orën 18 e ndonjëherë edhe 19 sepse përpiqemi t`u përshtatemi kërkesave të pacientëve. Nga ora 12 deri në orën 13 është koha e pauzës, por ka edhe raste kur nuk e zbatojmë sepse kërkesat  e pacientëve janë të mëdha. Zakonisht, prej orës 7.30 aty jemi prezentë, unë dhe asistentja në mënyrë që çdo gjë të jetë gati për konsultimin e parë. Në kabinet punojmë 4 persona: unë si mjek, një infermiere, 1 asistente dhe bashkëshortja ime Tropoja (me orar të ndryshëm) e cila paralalisht po e ndjek masterin në Qendrën Spitalore Universitare në Lozanë (CHUV).
Çdo të martë, prej orës 17, marr pjesë në mbledhjen e përbashkët që mbahet në Qendrën Spitalore Universitare të Kantonit të Vaudit (CHUV) ku diskutojmë  rastet e mjekësore të komplikuara. Bashkëpunimi me spitale si CHUV-i, është shumë i rëndësishëm për mua dhe për pacientet e mia.

Albinfo.ch: Si mjek, jeni i specializuar në Gjinekologji dhe Obstetrikë, me specializim të ngushtë në diagnostikim me ultrazë të  sëmundjeve të ndryshme te gratë shtatzëna dhe te fëmijët akoma pa lindur. A mund të na shpjegoni me terma më popullore, çfarë do të thotë kjo?
Dr. Avdulla Krasniqi: Shtatzënia është një proces fiziologjik. Për fat të keq ka raste që tek fetusi (fëmija ende i palindur) mund të zhvillohen anomali, si për shembull në zemër, veshkë, gjymtyrë ose pjesë tjera të trupit. Të gjitha këto anomali duhet të diagnostikohen përmes ultrazërit në mënyrë që prindërit të informohen sa më saktë në lidhje me sëmundjen e femijës së tyre (sepse ka sëmundje që nuk janë të pajtueshme me jetën) dhe në mënyrë që marrja përsipër e këtyre fëmijëve pas lindjes të jetë e organizuar më ndryshe.
Gjatë shtatzënisë, ekografitë janë të rëndësishme dhe mundësojnë të percjellim zhvillimin e rregullt të fëmijës. Më saktësisht, tek një shtatzëni me zhvillim normal  rekomandohet të bëhen 3 ekografi, të cilat realizohen në momente të caktuara si për shembull nga java e 12-të deri në javën e 14-të, pastaj nga java e 20 deri në javën 24 dhe së fundmi nga java 30 deri në javën 34. Ndërsa në raste të caktuara, në rast konstatimi të ndonjë anomalie, mund të bëhen edhe më tepër ekografi. Gjatë secilës periudhë, objektivat e kontrollit përmes ekografisë janë të ndryshme.
Albinfo.ch: Për cilat probleme dhe trajtime ose për çfarë lloje të shërbimeve mund të drejtohen pacientët në ordinancën tuaj ?
Dr. Avdulla Krasniqi: Ordinanca jonë ofron të gjitha shërbimet tek gratë shtatzëna dhe jo shtatzëna si për shembull: vizita të rregullta, ultrazë 3D dhe 4D, çiftet me probleme të infertilitetit dhe të tjera.
Drejtimi i gjinekologjisë dhe i obstetrikës është i veçantë sepse lejon një përcjellje të pacienteve të të gjitha moshave, dmth nga mosha 10 – 12 vjet (fillimi i ciklit menstrual) dhe deri në fund te jetës. Duhet cekur qe kontrollet tek gjinekologu rekomandohen të bëhen një herë në vit.
Paralelisht me bashkëshorten, Tropojën, e cila po e udheheq një projekt në fushën e toksikologjisë në CHUV, me temë ndikimin e perturbatorëve hormonalë tek zhvillimi i fëmijës gjatë shtatzanisë, jemi duke i organizuar disa seanca informative të destinuara pacienteve, për të kufizuar ekspozimin e tyre ndaj këtyre substancave gjatë shtatzënisë.

Albinfo.ch: Kush është Dr. Avdulla Krasniqi kur nuk vesh mantelin e bardhë?
Dr. Avdulla Krasniqi: Pas heqjes së mantelit të bardhë, është krejtësisht ndryshe. Sipas thënieve të bashkëshortes, Dr. Krasniqi ka shumë dallim nga Avdullahu në shtëpi. Në ordinancë jam një njeri shumë profesional e rigoroz dhe mundohem të kujdesem në maksimum për pacientet, në mënyrë që ato të ndihen të sigurta dhe të kenë besim në mua. Prandaj, kjo kërkon të jem strikt dhe rigoroz ndërsa  jashtë punës, si për shembull në shtëpi, jam shumë i relaksuar. Jemi prindër të një djali 4-vjeçar, me emrin Leor dhe mundohemi të kalojmë kohën e lirë sa më shumë së bashku. Kemi projekte me disa spitale në Zvicer që të dërgojmë material mjekësor për spitalet e Kosovës, veçanërisht për gjinekologji.
(Fotot: Rromir Imami)
 
 

Burimi: https://www.albinfo.ch

Kosovari dënohet në mungesë për mbështetje radikale të Shtetit Islamik

në kategorine Diaspora

Një shtetas 49-vjeçar i Kosovës është dënuar nga Gjykata Federale Penale e Zvicrës për mbështetje të IS-it. Gjykimi është mbajtur në mungesë të tij

E Martë, 16 Korrik 2019 – 13:40
albinfo.ch

Një dënim pa kusht me heqje lirie është absolutisht i domosdoshëm, për ta parandaluar atë nga kryerja e delikteve të tjera, ka shkruar veç tjerash Prokuroria Federale në akuzën e bërë kundër kosovarit 49-vjeçar, të akuzuar për mbështetje të Shtetit Islamik (IS).
I akuzuari në mënyrë të përsëritur dhe të shprehur qartë e ka shpërfaqur bindjen e tij kriminale se ai ka vepruar me bindjen më të thellë në këtë drejtim, thuhet më tutje në aktakuzë, shkruan nzz.ch.
Por ndërkohë, vendqëndrimi i këtij ithtari radikal të IS-it nga Kantoni Baselland është i panjiohur. Sipas avokatit të tij ai është dëbuar nga autoritetett zvicerane, transmeton albinfo.ch. Por as ai nuk e di se ku jeton aktualisht i akuzuari.
Procesi gjyqësor ndaj tij është iniciuar nga fakti se i akuzuari kishte bërë ankesë kundër urdhërarrestit të bërë ndaj tij. Sipas atij urdhërarresti, i cili pas ankesës automatikisht ishte bërë aktakuzë, kosovari kishte publikuar në media të ndryshme sociale dhe në dy vebfaqe të ndryshme, më shumë se njëqind materiale propagandistike për Shtetin Islamik (IS).
Shërbimi Informativ  Federal i kishte rënë atij në gjurmë, me ç`rast, në vitin 2014 kishte bërë një denoncim në Policinë Kriminale Fedreale, përcjell albinfo.ch.
Më shumë se një vit pas kësaj, nga shkurti i vitit 2016, ishte bërë një bastisje e banesës së të akuzuarit, që kishte rezultuar me gjetje alarmante. Në cd-të e tij ishin gjetur fotografi dhe video që përmbanin pamje të dhunës më ekstreme, transmeton albinfo.ch. Bëhej fjalë për ekzekutime mizore, në mes të të cilave edhe të tilla ku në rolin e ekzekutorit ishin fëmijët.
Po kaq të rënda janë edhe deklarimet që i akuzuari i kishte bërë gjatë disa marrjeve në pyetje. I pyetur për sulmin terrorist të vitit 2015 mbi redaksinë e revistës satirike “Charlie Hebdo” në Paris, ai kishte thënë se për të ka qenë kënaqësi kur ka dëgjuar për këtë sulm.
Sipas aktakuzës ai ka shtuar se dikush që flet keq për profetin, e meriton vdekjen, përcjell albinfo.ch. Në një marrje tjetër në pyetje ai ka thënë po ashtu se kush flet keq për Allahun ose të dërguarin e tij, duhet të vritet.
Gjykata Penale Federale e ka akuzuar mbështetësin radikal të IS-it të hënën në mungesë me heqje lirie prej shtatë muajsh pa kusht, për mbështetje të një organizate kriminale, për shkelje të Ligjit mbi IS-in si dhe për posedim të materialeve me përmbajtje dhune.
Dënimi me 7 muaj burg që ka shpallur gjykata ka qenë pak më i lartë se ai me 6 muaj, sa  e kishte kërkuar prokuroria.

Burimi: https://www.albinfo.ch

Ferizajasi nga Silicon Valley “ateron” në Zvicër

në kategorine Diaspora

I riu nga Ferizaj, Bajram Hoxha ka një biografi mjaft mbresëlënëse. Ai ka qenë, veç tjerash pjesë e ekipit që konstruktoi njërin ndër superkompjuterët më të shpejtë në botë “Exxact Yoda GPU Cluster”. Për të tjerat, lexoni rrëfimin e tij ekskluziv për albinfo.ch

E Hënë, 15 Korrik 2019 – 16:20
Alban Hamza

Për ne shqiptarët, sa herë përmenden Shtetet e Bashkuara të Amerikës, lindin menjëherë ato ndjenjat e respektit dhe dashurisë, si shenjë falënderimi për ndihmën dhe përkrahjen që ky shtet na dha në momentet më tragjike të popullit shqiptar.
Por për shumë të tjerë nga e mbarë bota, Amerika shihet si një „vend i ëndrrave“ apo „vend i mundësive“, në të cilin shumë nga ta, arrijnë të bëhen personalitete të famshme në botë, sigurisht, falë punës së tyre dhe mundësive që u ofrohen.
Bajram Hoxha ishte një i ri ferizajas, i apasionuar pas teknologjisë informative. Në periudhën e pasluftës në Kosovë, kur fillon edhe zhvillimi me të madhe i kësaj fushe, ai me ca miq të tij ishin mjaft aktivë në forumet e atëhershme në internet, ku diskutonin për tema të ndryshme nga kjo teknologji e re në vend. Më 2011, organizohet edhe konferenca për botën e Teknologjisë Informative (IT) në Ferizaj, Tech Days, ku Bajrami  si 18 vjeçar, ishte protagonisti kryesor.
Shpallja e pavarësisë së Kosovës me 2008, nuk kaloi edhe pa pasoja në fushën e tij, pasi që shumë faqe interneti të institucioneve kosovare u sulmuan nga hakerë serbë dhe rusë, përderisa Bajrami me disa shokë të tjerë, iu kundërvunë kësaj „lufte virtuale“, duke mposhtur sulmet dhe rifunksionalizuar faqet e sulmuara.

Pjesë e ekipit që konstruktoi njërin ndër superkompjuterët më të shpejtë në botë
Vetëm pas 4 muajsh që kishte filluar studimet për Shkenca kompjuterike në Prishtinë, ai fiton një bursë studimi për në Kaliforni të SHBA-së, që ishte një mundësi e artë për të. Pasi jetonte dhe studionte në Luginën e Silikonit (Silicon Valley) Bajrami i kishte më afër kompanitë për të cilat vetëm kishte dëgjuar gjatë diskutimeve në forume.
Gjatë studimeve ai mban edhe disa praktika shumë të rëndësishme për zhvillimin e tij profesional. Njëra ndër to ishte padyshim edhe ajo në kompaninë “iHear Medical”, kompani kjo që merret me përmirësimin e dëgjimit përmes teknologjisë. Bajrami po ashtu ka udhëhequr me platformën e “iHear Test”, e para në botë e bazuar në internet që bën testimin e funksionimit të veshëve.
Ndërsa pas punësimit  në kompaninë “Exxact,” ishte pjesë e ekipit punues gjatë ndërtimit të “Exxact Yoda GPU Cluster”, që është një ndër superkompjuterët më të shpejtë në botë.
Në kompaninë tjetër “Nordic Naturals”, Bajrami ishte emëruar si inxhinier i lartë për Software, ku pos që ofronte zgjidhje për procese të ndërlikuara biznesi përmes softwerëve, ai po ashtu ishte edhe përgjegjës për shkollimin dhe ngritjen e gjeneratave të reja pranë kësaj kompanie.
Si rezultat i arritjeve dhe angazhimit të tij, më 2015 nga shteti amerikan i ofrohet viza e punës O-1 Extraordinary Visa, që llogaritet një lloj privilegji, e që u jepet vetëm personave me aftësi të jashtëzakonshme në lëmenjtë e tyre.
Folës në konferenca ndërkombëtare me peshë
Po ashtu ai ka qenë pjesëmarrës në shumë konferenca të ndryshme të kësaj fushe. Ndër to është edhe “Einstein AI, Deep Learning & SuperIntelligence Summit 2017”, në San Francisco, konferencë në të cilën ka qenë ndjëri ndër folësit, e ku ndër pjesëmarrësit përfshihen emra të njohur ekzekutivë nga kompani dhe organizata të njohura siç jane NASA, Tesla, Microsoft, BMW etj.
Bajrami, për kontributin e tij dhe për të arriturat, është shpërblyer dy herë radhazi edhe nga Shoqata më e vjetër shqiptare në Amerikë, nga “Vatra”
I interesuar për zgjerimin e dijeve, ai ndërkohë regjistron edhe nivelin Master për Sigurinë Virtuale (Cyber Security) në një ndër institucionet më të mira të kësaj fushe në botë, siç është Syracuse University, nga ku edhe merr një shpërblim të majmë për aktivitetet paraprake.
Duke mos e harruar SHBA-në dhe duke qenë pafundësisht falënderues për mundësitë e dhëna, Bajrami, për të qenë më afër familjes, zhvendoset në Zvicër, ku menjëherë kyqet në jetën profesionale, duke u bërë kështu pjesë e Swiss International Airlines.
“Vetëm ata që guxojnë të dështojnë shumë në jetë, mund të arrijnë shumë”, është kjo një thënie e preferuar e Bajramit, kur kujton rrugëtimin e tij deri këtu.
Përgjegjës për softuerin e kompanive gjigante të aviacionit si BOEING etj.
Si inxhinier i Performancës në Swiss Aviation Software, ai është përgjegjës për gjithçka rreth performancës të AMOS Software, program ky që përdoret nga kompanite më të njohura në botë në industrinë e aviacionit, siç janë BOEING, Lufthansa, SAS, ThomasCook, AirAsia, Fly Dubai etj.
Njëkohësisht ai themelon edhe kompaninë e tij Davos Networks që ofron shërbime për siguri të të dhënave për kompani dhe organizata të ndryshme.
Fakti që shumë nga kompanitë e mëdha botërore si Google, Facebook apo edhe Apple kanë bazat e tyre në Zvicër, për Bajramin, ka qenë edhe një motiv shtesë për tu shpërngulur në Zvicër. Pas ardhjes këtu ai hulumton dhe zbulon edhe përparësitë dhe dobësitë në krahasim me Amerikën.
“Zvicra, duke qenë një ndër vendet më inovative në botë, është edhe një vend mjaft i hapur për ndërmarrës të rinj, e ku nuk mungon as përkrahja e shtetit. Por po ashtu edhe bankat si dhe korporatat e shumta, apo edhe politika stabile, e bëjnë këtë vend mjaft atraktiv për të zhvilluar biznes” shprehet Bajrami rreth përparësive që ka Zvicra në krahasim me vendet e tjera.
Përderisa tregun e vogël dhe rregullat strikte të të bërit biznes, i konsideron si një të metë të vogël në këtë aspekt.
Duke qenë në dijeni për zhvillimin e hovshëm që ka teknologjia informative në Kosovë, Bajrami shprehet mjaft optimist që në të ardhmen do të mund të angazhojë ekspertë nga Kosova që të punojnë në kompaninë e tij, duke iu ofruar atyre një të ardhme dhe perspektivë më ndryshe.
Edhe pse edhe vetë mjaft i ri në moshë, ai megjithate inkurajon edhe te rinjtë, e sidomos  ata në vendlindje që të bëhen pjesë e kësaj lëmie, ku merr si shembull një vend po ashtu te vogel si Estonia, e cila duke shndërrur fokusin e saj ekonomik në teknologjinë informative, ka arritur të bëhet ndër vendet më të avancuara teknologjikisht.
Bajrami po ashtu shpreson që me përvojën që një ditë, me përvojat e tij në SHBA dhe në Zvicër, të kontribuojë sado pak në zhvillimin e mëtutjeshëm të kësaj lëmie edhe në Kosovë.
Në ekipin për mbrojtjen nga hakerët serbë
Shpallja e pavarësisë së Kosovës me 2008, nuk kaloi edhe pa pasoja në fushën e tij, pasi që shumë faqe interneti të institucioneve kosovare u sulmuan nga hakerë serbë dhe rusë, përderisa Bajrami me disa shokë të tjerë, iu kundërvunë kësaj „lufte virtuale“, duke mposhtur sulmet dhe rifunksionalizuar faqet e sulmuara.
Zvicra, vend i shanseve
“Zvicra, duke qenë një ndër vendet më inovative në botë, është edhe një vend mjaft i hapur për ndërmarrës të rinj, e ku nuk mungon as përkrahja e shtetit. Por po ashtu edhe bankat si dhe korporatat e shumta, apo edhe politika stabile, e bëjnë këtë vend mjaft atraktiv për të zhvilluar biznes” shprehet Bajrami rreth përparësive që ka Zvicra në krahasim me vendet e tjera.
 
 
 
 

Burimi: https://www.albinfo.ch

Ferizajasi nga Silicon Valley “aterron” në Zvicër

në kategorine Diaspora

I riu nga Ferizaj, Bajram Hoxha ka një biografi mjaft mbresëlënëse. Ai ka qenë, veç tjerash pjesë e ekipit që konstruktoi njërin ndër superkompjuterët më të shpejtë në botë “Exxact Yoda GPU Cluster”. Për të tjerat, lexoni rrëfimin e tij ekskluziv për albinfo.ch

E Hënë, 15 Korrik 2019 – 16:20
Alban Hamza

Për ne shqiptarët, sa herë përmenden Shtetet e Bashkuara të Amerikës, lindin menjëherë ato ndjenjat e respektit dhe dashurisë, si shenjë falënderimi për ndihmën dhe përkrahjen që ky shtet na dha në momentet më tragjike të popullit shqiptar.
Por për shumë të tjerë nga e mbarë bota, Amerika shihet si një „vend i ëndrrave“ apo „vend i mundësive“, në të cilin shumë nga ta, arrijnë të bëhen personalitete të famshme në botë, sigurisht, falë punës së tyre dhe mundësive që u ofrohen.
Bajram Hoxha ishte një i ri ferizajas, i apasionuar pas teknologjisë informative. Në periudhën e pasluftës në Kosovë, kur fillon edhe zhvillimi me të madhe i kësaj fushe, ai me ca miq të tij ishin mjaft aktivë në forumet e atëhershme në internet, ku diskutonin për tema të ndryshme nga kjo teknologji e re në vend. Më 2011, organizohet edhe konferenca për botën e Teknologjisë Informative (IT) në Ferizaj, Tech Days, ku Bajrami  si 18 vjeçar, ishte protagonisti kryesor.
Shpallja e pavarësisë së Kosovës me 2008, nuk kaloi edhe pa pasoja në fushën e tij, pasi që shumë faqe interneti të institucioneve kosovare u sulmuan nga hakerë serbë dhe rusë, përderisa Bajrami me disa shokë të tjerë, iu kundërvunë kësaj „lufte virtuale“, duke mposhtur sulmet dhe rifunksionalizuar faqet e sulmuara.

Pjesë e ekipit që konstruktoi njërin ndër superkompjuterët më të shpejtë në botë
Vetëm pas 4 muajsh që kishte filluar studimet për Shkenca kompjuterike në Prishtinë, ai fiton një bursë studimi për në Kaliforni të SHBA-së, që ishte një mundësi e artë për të. Pasi jetonte dhe studionte në Luginën e Silikonit (Silicon Valley) Bajrami i kishte më afër kompanitë për të cilat vetëm kishte dëgjuar gjatë diskutimeve në forume.
Gjatë studimeve ai mban edhe disa praktika shumë të rëndësishme për zhvillimin e tij profesional. Njëra ndër to ishte padyshim edhe ajo në kompaninë “iHear Medical”, kompani kjo që merret me përmirësimin e dëgjimit përmes teknologjisë. Bajrami po ashtu ka udhëhequr me platformën e “iHear Test”, e para në botë e bazuar në internet që bën testimin e funksionimit të veshëve.
Ndërsa pas punësimit  në kompaninë “Exxact,” ishte pjesë e ekipit punues gjatë ndërtimit të “Exxact Yoda GPU Cluster”, që është një ndër superkompjuterët më të shpejtë në botë.
Në kompaninë tjetër “Nordic Naturals”, Bajrami ishte emëruar si inxhinier i lartë për Software, ku pos që ofronte zgjidhje për procese të ndërlikuara biznesi përmes softwerëve, ai po ashtu ishte edhe përgjegjës për shkollimin dhe ngritjen e gjeneratave të reja pranë kësaj kompanie.
Si rezultat i arritjeve dhe angazhimit të tij, më 2015 nga shteti amerikan i ofrohet viza e punës O-1 Extraordinary Visa, që llogaritet një lloj privilegji, e që u jepet vetëm personave me aftësi të jashtëzakonshme në lëmenjtë e tyre.
Folës në konferenca ndërkombëtare me peshë
Po ashtu ai ka qenë pjesëmarrës në shumë konferenca të ndryshme të kësaj fushe. Ndër to është edhe “Einstein AI, Deep Learning & SuperIntelligence Summit 2017”, në San Francisco, konferencë në të cilën ka qenë ndjëri ndër folësit, e ku ndër pjesëmarrësit përfshihen emra të njohur ekzekutivë nga kompani dhe organizata të njohura siç jane NASA, Tesla, Microsoft, BMW etj.
Bajrami, për kontributin e tij dhe për të arriturat, është shpërblyer dy herë radhazi edhe nga Shoqata më e vjetër shqiptare në Amerikë, nga “Vatra”
I interesuar për zgjerimin e dijeve, ai ndërkohë regjistron edhe nivelin Master për Sigurinë Virtuale (Cyber Security) në një ndër institucionet më të mira të kësaj fushe në botë, siç është Syracuse University, nga ku edhe merr një shpërblim të majmë për aktivitetet paraprake.
Duke mos e harruar SHBA-në dhe duke qenë pafundësisht falënderues për mundësitë e dhëna, Bajrami, për të qenë më afër familjes, zhvendoset në Zvicër, ku menjëherë kyqet në jetën profesionale, duke u bërë kështu pjesë e Swiss International Airlines.
“Vetëm ata që guxojnë të dështojnë shumë në jetë, mund të arrijnë shumë”, është kjo një thënie e preferuar e Bajramit, kur kujton rrugëtimin e tij deri këtu.
Përgjegjës për softuerin e kompanive gjigante të aviacionit si BOEING etj.
Si inxhinier i Performancës në Swiss Aviation Software, ai është përgjegjës për gjithçka rreth performancës të AMOS Software, program ky që përdoret nga kompanite më të njohura në botë në industrinë e aviacionit, siç janë BOEING, Lufthansa, SAS, ThomasCook, AirAsia, Fly Dubai etj.
Njëkohësisht ai themelon edhe kompaninë e tij Davos Networks që ofron shërbime për siguri të të dhënave për kompani dhe organizata të ndryshme.
Fakti që shumë nga kompanitë e mëdha botërore si Google, Facebook apo edhe Apple kanë bazat e tyre në Zvicër, për Bajramin, ka qenë edhe një motiv shtesë për tu shpërngulur në Zvicër. Pas ardhjes këtu ai hulumton dhe zbulon edhe përparësitë dhe dobësitë në krahasim me Amerikën.
“Zvicra, duke qenë një ndër vendet më inovative në botë, është edhe një vend mjaft i hapur për ndërmarrës të rinj, e ku nuk mungon as përkrahja e shtetit. Por po ashtu edhe bankat si dhe korporatat e shumta, apo edhe politika stabile, e bëjnë këtë vend mjaft atraktiv për të zhvilluar biznes” shprehet Bajrami rreth përparësive që ka Zvicra në krahasim me vendet e tjera.
Përderisa tregun e vogël dhe rregullat strikte të të bërit biznes, i konsideron si një të metë të vogël në këtë aspekt.
Duke qenë në dijeni për zhvillimin e hovshëm që ka teknologjia informative në Kosovë, Bajrami shprehet mjaft optimist që në të ardhmen do të mund të angazhojë ekspertë nga Kosova që të punojnë në kompaninë e tij, duke iu ofruar atyre një të ardhme dhe perspektivë më ndryshe.
Edhe pse edhe vetë mjaft i ri në moshë, ai megjithate inkurajon edhe te rinjtë, e sidomos  ata në vendlindje që të bëhen pjesë e kësaj lëmie, ku merr si shembull një vend po ashtu te vogel si Estonia, e cila duke shndërrur fokusin e saj ekonomik në teknologjinë informative, ka arritur të bëhet ndër vendet më të avancuara teknologjikisht.
Bajrami po ashtu shpreson që me përvojën që një ditë, me përvojat e tij në SHBA dhe në Zvicër, të kontribuojë sado pak në zhvillimin e mëtutjeshëm të kësaj lëmie edhe në Kosovë.
Në ekipin për mbrojtjen nga hakerët serbë
Shpallja e pavarësisë së Kosovës me 2008, nuk kaloi edhe pa pasoja në fushën e tij, pasi që shumë faqe interneti të institucioneve kosovare u sulmuan nga hakerë serbë dhe rusë, përderisa Bajrami me disa shokë të tjerë, iu kundërvunë kësaj „lufte virtuale“, duke mposhtur sulmet dhe rifunksionalizuar faqet e sulmuara.
Zvicra, vend i shanseve
“Zvicra, duke qenë një ndër vendet më inovative në botë, është edhe një vend mjaft i hapur për ndërmarrës të rinj, e ku nuk mungon as përkrahja e shtetit. Por po ashtu edhe bankat si dhe korporatat e shumta, apo edhe politika stabile, e bëjnë këtë vend mjaft atraktiv për të zhvilluar biznes” shprehet Bajrami rreth përparësive që ka Zvicra në krahasim me vendet e tjera.
 
 
 
 

Burimi: https://www.albinfo.ch

Mafia në Angli po rekruton njerëz mes video-klipeve të VIP-ave në Tiranë

në kategorine Diaspora

E Diel, 14 Korrik 2019 – 22:20
albinfo.ch

Gangsterët shqiptarë në Londër të quajtur “Hellbanianz”, janë vënë sërish në qendër të mediave angleze.Mail On Sunday shkruan se ka investiguar grupin “Hellbanianz” dhe shfrytëzimi i teksteve të tyre si PR kriminal.Në artikullin e realizuar nga gazetarët e Mail On Sunday, Mark Hookman dhe Jake Ryan, duke cituar ekspertët e sigurisë thuhet se Hellbanianz po e përdorin muzikën si një PR për qëllimet e tyre kriminale, por edhe për të rekrutuar anëtarë të rinj shqiptarë.“Duke qëndruar përpara nja dy Rolls-Royce-ave, një Lamborghini dhe një turme kërcënuese burrash të maskuar, reperi i bandës shqiptare ‘Stealth’ bën një paralajmërim të frikshëm.“Ne ju vrasim ,sepse shqiptarët nuk kanë nevojë për arsye”, thotë ai.Video sfiduese ofron një pasqyrë tronditëse të mafisë shqiptare në Britaninë e Madhe. Deri më tani ishte e zhytur në sekret, por tani po shfrytëzon PR-in online për të rekrutuar më shumë ushtarë rruge.Postimi i imazheve të vetes me armë automatike, kartëmonedha dhe Rolex ari, anëtarët e bandës së patrembur po përpiqen të bindin kriminelët nga Shqipëria për të ardhur në mënyrë ilegale në Mbretërinë e Bashkuar që t’i bashkohen rrjetit të tyre”, shkruan gazeta.Përdoruesit e drogës nga shtresa e mesme po fryjnë fitimet e mëdha të perandorisë kriminale të shqiptarëve, perandori e cila kontrollon tregun britanik të kokainës prej 5 miliardë paundësh.Investigimet e Mail On Sunday për krimin e organizuar shqiptar zbulojnë se shqiptarët kanë krijuar lidhje të drejtpërdrejta me kartelet brutale të Amerikës Latine, duke ulur çmimin e drogës së klasit A dhe kanë një kontroll të ngjashëm të shpërndarjes së kokainës në Mbretërinë e Bashkuar, raporton TV ora, përcjell albinfo.ch.Për herë të parë shqiptarët përbëjnë numrin më të madh të shtetasve të huaj në burgjet britanike, ku 802 prej tyre janë pas hekurave.Rrugët kryesore të kokainës në portet e Britanisë së Madhe janë nëpërmjet Roterdamit në Holandë, porti më i madh i Evropës dhe Antwerp-it në Belgjikë. Policia e Evropës e ka pasur pothuajse të pamundur të depërtojë në bandat shqiptare, të cilat drejtohen nga një kod i rreptë besnikërie, i njohur si besa, që do të thotë ‘të mbash premtimin’.

Burimi: https://www.albinfo.ch

Komuna e Skenderajit organizon dy muaj festë për mërgimtarët

në kategorine Diaspora

E Diel, 14 Korrik 2019 – 16:20
albinfo.ch

Foto ilustrim: © albinfo.ch
Edhe Komuna e Skenderajit është vënë në pritje të mërgimtarëve që vijnë anembanë botës në atdhe, përcjell albinfo.ch. Përgjatë dy muajve me aktivitete, nuk do të mungojë as Sofra e Drenicës, kushtuar mërgmtarëve.
Kryetari i kësaj komune, Bekim Jashari, ka thënë se tashmë Skenderaj është gati për të filluar organizimin më të madh që është mbajtur ndonjëherë në këtë qytet.
Ai ka bërë të ditur se do të ketë një varg aktivitetesh kulturore, argëtuese, panaire të veshjes tradicionale, muzikë dhe aktivitete të tjera të llojllojshme.
“Për të ruajtur traditën e zemërgjerësisë së drenicasve, vazhdon edhe sivjet Sofra e Drenicës, me këngë e valle, humor e poezi, rreth së cilës presim me dashamirësi bashkatdhetarët tanë. Nga e hëna përgjatë dy muajve në vazhdim, sheshi ynë “Adem Jashari” do të gjallërojë nga aktivitetet e organizuara, në nderim dhe mirësëardhjeje për motrat dhe vëllezërit tanë nga diaspora. Me dorë në zemër, mirëardhshi”, ka shkruar Jashari në Facebook, përcjell albinfo.ch.

Burimi: https://www.albinfo.ch

Kosovarja ia “avullon” austriakut 80 vjeçar 2.2 milionë euro: 4 vjet burg

në kategorine Diaspora

Kjo histori dhurimesh të parave ka vazhduar plot gjashtë vite ose është përmbyllur nga mesi i vitit 2018 kur pensionistit tashmë i mungonin hiç më pak se 2.2 milionë euro

E Diel, 14 Korrik 2019 – 14:40
albinfo.ch

Duke filluar nga viti 2012, njohja në mes të austriakut 80 vjeçar dhe kosovares 32 vjeçe ishte shndërruar në një lidhje seksuale. Një lidhje që duket t`i ketë kushtuar tepër shtrenjt pensionistit nga Tiroli, shkruan tt.com.
32 vjeçja e kishte nuhatur me kohë se me 80 vjeçarin kishte kapur një pre të majme. Për nënën e dy fëmijëve e cila merr ndihma sociale, ishte një shans i mirëseardhur.
Kështu ajo kishte filluar t`i kërkonte të holla “të dsshurit” të saj. Secilën herë ajo do të gjente ndonjë rrëfim të ri për destinacionin e parave që i nevpjiteshin, transmeton albinfo.ch. Njëherë ishte fjala për pagesën për një pasaportë, pastaj i duheshin para për rregullimin e dhëmbëve dhe së fundi, për të trajtuar sëmurjen akute që po kalonte nëna e saj në Kosovë.
80 vjeçari paguante pa e bërë të madhe por kërkonte që ajo të vinte ënshrkimin në dëshminë e secilës pagesë. Ai pra mbante një evidencë të rregullt mbi pagesat dhe thotë të ketë qenë i sigurt se paratë në fjalë do t`i ktheheshin dikur, përcjell albinfo.ch. Kjo veç tjerash për faktin se 32 vjeçja e kishte siguruar se nëna e saj e kishte trashëguar një shtëpi të madhe në Kosovë dhe se kishte miliona në konto.
Kjo histori dhurimesh të parave ka vazhduar plot gjashtë vite ose është përmbyllur nga mesi i vitit 2018 kur pensionistit tashmë i mungonin hiç më pak se 2.2 milionë euro.
Kështu ai më në fund kishte bërë kallëzim penal në Gjykatën e Landit. Kosovarja e akuzuar për mashtrim profesional, para gjyqit ka thënë se vuan nga varësia prej lojërave të fatit dhe se të gjitha paratë, thjesht, janë zhdukur.
Prokurori, duke vlerësuar se për sa kohë mund ta fitojë një qyetetar normal atë shumë parashë nga puna e ndershme, ka kërkuar dënim sa më të ashpër për të akuzuarën, transmeton albinfo.ch. Në fund, trupi gjykues i shqiptoi kosovares një dënim prej katër vitesh bburg. Dënimi ende nuk është i plotfuqishëm

Burimi: https://www.albinfo.ch

Edhe këtë vit, tekste shkollore falas për nxënësit në Diasporë

në kategorine Diaspora

E Shtunë, 13 Korrik 2019 – 22:25
albinfo.ch

Foto ilustrim: Klase shqipe ne Itali (Shkolla shqipe Trento)
Këshilli i Ministrave ka miratuar vendimin për tekstet shkollore falas për Diasporën dhe kategoritë që përfitojnë falas tekstet e botuara nga Qendra e Botimeve për Diasporën për vitin shkollor 2019 – 2020, njofton Agjencia Kombëtare e Diasporës.
Sipas këtij vendimi Qendra e Botimeve për Diasporën do të botojë dhe do të sigurojë falas për vitin shkollor 2019-2020 tekstet shkollore dhe ato plotësuese për mësimin e gjuhës shqipe në Diasporë, përcjell albinfo.ch.
“Do të përfitojnë falas tekstet e botuara nga Qendra Botimeve për Diasporën nxënësit dhe mësuesit sipas përcaktimeve të vendimit të këshillit të ministrave nr.443 datë 26.06.2019, “Për organizimin e procesit mësimor dhe përzgjedhjen e arsimtarëve në Diasporë”, thuhet në njoftim.
Vendimin e plotë dhe listën e teksteve shkollore për Diasporën për vitin shkollor 2019-2020 mund ta lexoni duke klikuar në këtë vegëz.

Burimi: https://www.albinfo.ch

“Mahagoni” bind zviceranët se edhe në Kosovë punohet me përkushtim

në kategorine Diaspora

“Tani është koha e patriotizmit ekonomik dhe sa më shumë e ndihmojm vendlindjen aq më të fuqishëm do të bëhemi edhe atje edhe këtu në Zvicër” thotë Metë Gashi, drejtor i “Mahagoni Küchen”

E Shtunë, 13 Korrik 2019 – 16:00
albinfo.ch

Metë Gashi me dy vëllezërit … nga Peja, pasi kishin jetuar dhe punuar një kohë të gjatë në Austri pak vite më parë kanë kaluar të jetojnë në Zvicër. Këtu ata kanë themeluar dhe drejtojnë ndërmarrjen për shitjen e mobileve “Mahagoni Küchen”, e cila bazën e prodhimit e ka në Kosovë, në Pejë. Se çfarë i shtyri të bëjnë këtë “mërgim të dytë”, ku i shohin dallimet në mes të jetës dhe biznesit në Zvicër nga Austria dhe nëse ia ka vlejtur ta bëjnë këtë ndryshim në jetët e tyre, do të mësoni në intervistën në vijim.

 Albinfo.ch: Ju keni jetuar një kohë të gjatë në Austri, pastaj jeni shpërngulur në Zvicër. Përse keni marrë këtë vendim?
Metë Gashi: Në jetë mendoj që njeriu duhet ta kërkojë më të mirën për vete dhe familjen e vet. Kështu, duke e vizituar shpeshherë Zvicrën, e kam parë që mundësitë e të bërit biznes dhe të jetuarit janë më të shumta e më të mira në Zvicër sesa në Austri, kështu që morëm vendimin që të vendosemi në Zvicër, për një perspektivë më të mirë. Unë dhe familja ime jemi ambientuar shumë lehtë me jetën në Zvicër dhe me plot gojë mund të them se ja ka vlejtur që e kemi marrë këtë vendim.
Ku i shihni dallimet në mes të Austrisë dhe Zvicrës sa u përket kushteve të jetesës, çmimeve, pagave…?
Siç e thashë edhe më lart, mundësitë në Zvicër janë më të mëdha. Jeta sigurisht që është më e shtrenjtë sepse këtë e dikton standardi i jetesës, mirëpo kjo tregon edhe për cilësinë e të jetuarit.

Ju zhvilloni një biznes këtu në Zvicër, gjegjësisht shitni mobile të prodhuara në Kosovë. Si e keni rregulluar punën: Keni një pjesë të firmës në Kosovë (në Pejë) dhe një në Zvicër?
Ne kemi një biznes familjar për prodhimin e kuzhinave dhe mobileve të ndryshme në Kosovë gjegjësisht ne Pejë, ku kemi të punësuar mbi 40 punëtorë. Ndërsa këtu, në Zvicër, jemi 6 punëtorë fiks si dhe kemi firma që i nënkontraktojmë për montazha. Këtë biznes ne e kultivojm me dekada, gjegjësisht ne jemi gjenerata e tretë që merremi me kete veprimtari. Prandaj, duke i parë mundësitë dhe cilësinë e produktit tonë, ne kemi filluar që të eksportojm në tregun zviceran para 5 viteve. Në fillim nuk ka qenë aspak e lehtë që t`i bindim klientët se edhe në Kosovë bëhet punë me përkushtim dhe kualitative, sepse ne nuk e fshehim vendin e origjinës së produktit. Mirëpo tani nuk ballafaqohemi më me këtë problem, sepse kemi krijuar klientelën tonë e cila është shumë e kenaqur me produktin dhe çmimet tona.

Duke qenë se jeni tre vëllezër, si i keni ndarë punët?
Ne këtu jemi tre vellezër dhe i kemi përgjegjësitë e ndara. Unë jam drejtor gjeneral, njëri nga vëllezërit është përfaqësues dhe përgjegjës i Mahagonit për pjesën e Zvicrës frankofone ndërsa vëllai tjetër është përgjegjës i organizimit të montazhave. Në kosovë e kemi produksionin ndërsa këtu e kemi ekspozitën ku bëjm shitjen e produkteve tona dhe pastaj bëjmë vetëm shpërndarjen dhe montimet.
Çfarë mobile konkretisht prodhoni dhe me çka dallohen ato nga mobilet e tjera në tregun zviceran?
Ne bëjmë prodhimin e të gjitha produkteve me bazë druri. Për tregun kosovar kemi një paletë më të gjerë të produkteve mirëpo për Zvicër jemi të fokusuar më shumë në kuzhina, dollapë, elemente për banjo si dhe enteriere për lokale afariste dhe për shtëpi private.
Mendoj se ajo që na dallon është korrektësia, kreativiteti si dhe cilësia e produktit tonë.
A e keni pasur këtë biznes edhe kur keni jetuar në Austri?
Siç e ceka edhe më lart, këtë biznes në Kosovë e kemi me gjenerata mirëpo në Austri nuk kam parë shumë mundësi për zhvillimin e kompanisë sonë. Edhe pse kemi eksportuar disa herë produktet tona, nuk e kam parë shumë të levërdishëm si treg, ndërsa në Zvicër padyshim që klima e të bërit biznes është shumë më e favorshme.

A i shitni produktet tuaja edhe në vende të tjera, përveç në Zvicër?
Po, ne produktet tona përpos Zvicrës i plasojmë edhe në tregun gjerman dhe austriak ku kemi bashkëpunëtorët tanë. Mirëpo produktet e Mahagoni-t kanë kaluar edhe përtej oqeanit. Ne deri më tani i kemi bërë dy dërgesa për në Shtetet e Bashkuara të Amerikës, ku kemi një bashkëpunim të mirë me disa investitorë atje dhe shpresojmë që ky bashkëpunim të vazhdojë edhe më tutje.
A keni ndërmend zgjerimin e prodhimit, shtimin e numrit të punëtorëve ose rritjen e paletës së produkteve ?

Gjithsesi ne synojmë që të rritemi por nuk pretendojmë që të bëhemi industri. Ne do të vazhdojmë të jemi një Atelie e përpunimit të drurit ku çdo produkt ta ketë emrin e klientit, pra te jetë i personalizuar dhe të ruhet cilësia maksimalisht. Synimi ynë është që të ruhet dhe të rritet cilësia dhe të ju ofrojmë të rinjve në Kosovë një punë të dinjitetshme. Ky ka qenë edhe qëllimi fillestar kur kemi filluar me Mahagoni GmbH, që të kontribuojmë sadopak për ngritjen e standardit të bashkëpunëtorëve tanë atje.

Tani është koha e patriotizmit ekonomik dhe sa më shumë e ndihmojm vendlindjen aq më të fuqishëm do të bëhemi edhe atje edhe këtu në Zvicër.

 

Burimi: https://www.albinfo.ch

Fluks i madh i mërgimtarëve që po ia mësyjnë Kosovës për pushime

në kategorine Diaspora

E Shtunë, 13 Korrik 2019 – 14:38
albinfo.ch

Tashmë pothuajse në të gjitha shtetet perëndimore ku jeton diaspora shqiptare, kanë filluar pushimet verore. Me këtë, ka filluar edhe fluksi i madh, tradicional, me makina i bashkatdhetarëve tanë drejt Ballkanit: Kosovës, Shqipërisë, Maqedonisë…
Se ardhja e tyre është në vlugun më të madh, e tregon edhe kjo video live, e xhiruar në pikat kufitare Hungari-Serbi, Maqedoni e Veriut-Kosovë, Kroaci-Serbi dhe Serbi-Maqedoni e Veriut që e po e transmeton rtklive.com.  Gjithandej shihen kolona të gjata të veturave.

Border – Live
LIVE – Mërgimtarë të dashur, kjo është gjendja në pikat kufitare!Rrugë të mbarë dhe mirësevini.in7.tv
Publiée par RTK Video sur Samedi 13 juillet 2019

Burimi: https://www.albinfo.ch

Në Sakarya të Turqisë mbahet aktiviteti të rinjtë shqiptarë e ruajnë gjuhën

në kategorine Diaspora

E Shtunë, 13 Korrik 2019 – 10:00
albinfo.ch

Ministria e Diasporës dhe Investimeve Strategjike njofton se në bashkëpunim me Lidhjen e Rinisë Shqiptare në Turqi, dega në Adapazar,do të organizojnë sot në mbërmje aktivitetin “Të rinjtë shqiptarë e ruajnë gjuhën amtare”, transmeton albinfo.ch.Sipas Ministrisë së Diasporës, qëllimi i këtij aktiviteti është sensibilizimi për gjuhën shqipe në Turqi.“Aktiviteti mbahet në Sakarya të Turqisë. Vendi: Sakarya (Serdivan, Beskopru Park)”, thuhet në njoftim.

Burimi: https://www.albinfo.ch

Mjeku nga Kosova që emigroi dy herë

në kategorine Diaspora

Mbaron mjekësinë në Prishtinë, emigron në Gjermani, ku specializoi në Mjekësinë Interne dhe ku pastaj punoi disa vite si kryemjek. Në vitin 2013, dr. Xhafer Sadiku emigron së dyti, kësaj radhe nga Gjermania në Zvicër

E Premte, 12 Korrik 2019 – 18:20
albinfo.ch

Nga Osek Hyla e Gjakovës në Gjermani
Dr. Xhafer Sadiku u lind në Potok-Molliq të Gjakovës. Studimet e mjekësisë i ndoqi në Prishtinë, në Universitetin e Kosovës. Pas diplomimit, në vitin 1994, ai kthehet në Gjakovë për ta vazhduar stazhin e mjekut në Qendrën Spitalore “Isa Grezda”, meqë në spitalet tjera të Kosovës tanimë ishin vënë masat e dhunshme. Pas përfundimit të këtij stazhi, në fund të vitit 1995, dr.Xhaferi dhe bashkëshortja e tij Fatlumja (inxh. e diplomuar e bujqësisë) emigruan në Gjermani.  “Edhe pse studiuam në një kohë shumë të vështirë e të pashpresë, ne ardhmërinë tonë e shihnim vetëm në Kosovë. Vendimi për t`u larguar nga Kosova, i imponuar nga përkeqësimi i situatës politike, ka qenë njëri nga vendimet më të vështira të jetës sime”. Kështu e fillon dr. Xhaferi tregimin për rrugëtimin e tij jo të lehtë, por shumë të suksesshëm profesional në Gjermani.

“Si për çdo emigrant tjetër edhe për ne, fillimi i jetesës në Gjermani ishte mjaft i vështirë; fakti se ne nuk kishim pothuajse fare njohuri të gjuhës gjermane, e bëri edhe më të vështirë këtë fillim. Për t`i tejkaluar këto vështirësi dhe për ta plotësuar parakushtin themelor për fillimin e specializimit tim këtu, unë menjëherë e vijova një shkollim intensiv të gjermanishtes. Ky shkollim pati ndikim edhe në përshpejtimin e lëshimit të dokumentit me të cilin mund të punësohesha si mjek, dhe do ta filloja specializimin tim në lëmin e dëshiruar, në Mjekësinë Interne”.
Mirëpo dëshira  e dr. Xhaferit për punësim të shpejtë si mjek në specializim ishte e vështirë për tu realizuar, meqë në fund të viteve të 90-ta në Gjermani nuk kishte mungesë të personelit mjekësor. “Por, meqë për vitet në vijim pritej një rritje e kërkesës për mjekë në disa vende të Gjermanisë, unë vendosa t`i mbetem besnik profesionit tim. Këtë vendim si dhe pjesëmarrjen time të rregullt në seminare dhe kurse të ndryshme të mjekësisë, e bëri të mundur përkrahja e madhe e bashkëshortes sime, e cila tashmë kishte bërë një riorientim profesional dhe ishte punësuar në një departament të radiologjisë në një spital të Frankfurtit”, rrëfen dr. Xhaferi.

“Në vitin 2001, unë u ktheva në Kosovë për të punuar përkohësisht Qendrën Shëndetësore në Gjakovë, gjegjësisht në pikat për mjekësi familjare në Cërmjan, Skivjan dhe Ponashec. Në ndërkohë, mungesa e mjekëve u bë evidente edhe në Bavari dhe sidomos në rrethinën e Passaut. Falë ndihmës së kolegut tim dr. Mehmet Gjihollaj, unë në fund të vitit 2002 u pranova si mjek në një klinikë rehabilituese (Klinik Bavaria) në Freyung, ku punova dy vite: në repartin geriatrik dhe pastaj në repartin onkologjik”. Punën e tij si mjek në specializim të mjekësisë interne, dr. Xhaferi e vazhdoi në spitale të ndryshme, në repartet e tyre të specializuara për diagnostifikim dhe trajtim të sëmundjeve të brendshme, duke filluar nga reparti për pranim dhe ai i emergjencës dhe deri në repartin për trajtim intensiv. Ai këtë e përfundoi në vitin 2010, pas kalimit të sukseshëm të provimit të specializimit pranë “Odës së Mjekëve të Bavarisë” në Munih. Me fitimin e titullit “Specialist i Mjekësisë Interne”, apo internist, dr. Xhaferi e realizoi qëllimin e tij profesional të definuar qysh në kohën e studimeve në Kosovë.
“Pas përfundimit të specializimit unë deri në vitin 2011 vazhdova punën si internist në spitalin “Kliniken des Landkreises Passau”, në Vilshofen. Nga viti 2011 deri në vitin 2013 kam punuar si kryemjek internist në qendrën spitalore “Kliniken des Landkreises Freyung-Graffenau”. Unë këtu kam punuar ne departmentin e sëmundjeve të brendshme dhe isha kryemjeku përgjegjës për repartin e Intensives Interne, të pranimit dhe emergjencës si dhe për kabinetin e diagnostikës (Ehokardiografi, Sonografi dhe Endoskopi). Përveç kësaj, në vitin 2012 unë e mora përsipër edhe detyrën e zëvendësshefit të repartit geriatrik të këtij spitali. Për ta përmbyllur përvojën time edhe në lëmin e Geriatrisë, unë në vitin 2013 kam diplomuar për Geriatri dhe Mjekësi Paliative, në Vjenë”.

Dr. Xhaferi gjatë punës në rajonin e Passaut të Bavarisë, është angazhuar shumë edhe në lëmin e Mjekësisë së Urgjencës. “Krahas punës sime spitalore në këtë fushë, unë, mbi pesë vite kam punuar edhe pas orarit të punës si mjek kujdestar i qendrës së emergjencës për rajonin Passau-Vilshofen. Sipas statistikave të bëra, nga viti 2008 dhe deri në vitin 2013 unë i kam kryer mbi 1000 intervenime në rastet më të ndryshme që i njeh Mjekësia e Urgjencës.
Edhe përvojën e tij shumëvjeçare si mjek urgjence, dr. Xhaferi e kurorëzoi me titullin subspecialistik “Mjek i Urgjencës”. Për këtë ai e dha provimin adekuat në Munih të Bavarisë. Këtu përfundon edhe tregimi i dr. Xhaferit për sfidat dhe arritjet e tij profesionale në Gjermani. Edhe pse ai dhe bashkëshortja e tij në Passau e ndiejnë veten si në një vendlindje të dytë, ata në fillim të vitit 2013 emigruan në Zvicër.
Nga Bavaria e Gjermanisë në Solothurn të Zvicrës
Në fundin e vitit 2012 Xhaferi dhe bashkëshortja e tij Fatlumja u gjendën para një ndryshimi të madh në jetën e tyre; Xhaferi dëshironte të bëjë përvojë profesionale në ndonjë spital të Zvicrës. Marrjen e këtij vendimi e bënte të vështirë fakti se Fatlumja sapo ishte pranuar të punonte si asistente në Universitetin e Passaut. Mirëpo, duke e ditur se në Zvicër jetojnë edhe shumë familjarë të tyre dhe të bindur se këtu do të ndiheshin si në Kosovë, ata në mars të vitit 2013 u shpërngulën nga Passau i Bavarisë në Solothurn të Zvicrës.

Falë përgatitjes së tij shumë të gjerë profesionale dhe referencave shumë të mira nga të gjitha spitalet e Gjermanisë, në të cilat dr. Xhaferi kishte punuar, ai në Zvicër u ftua për prezantim dhe u pranua në të gjitha spitalet e Zvicres, në të cilat kishte aplikuar si kryemjek internist. Kështu, dr. Xhaferi zgjedh të punojë në Bürgespital të Solothurnit ku punoi gati dy vite si kryemjek në repartet e ndryshme të departamentit për Mjekësi Interne. Pas përvojës së tij profesionale në këtë spital dhe njoftimit të mirë me sistemin e shëndetësisë  zvicerane, atij i lindi ideja që ta hapte një ordinancë private në Zvicër. Ai përcaktohet që këtë ta bëjë në Cyrih ose në rrethinën e Cyrihut
“Kushtet për punën e mjekëve në ordinancë private ishin shumë të volitshme edhe në Kantonin e Cyrihut. Por shkaku kryesor që na ka shtyrë ne që të vendosim për ta kërkuar një ordinancë këtu, ka qenë dëshira e jonë për të jetuar afër Liqenit të Cyrihut”, thotë dr. Xhaferi.

Nga 1 janari 2015, me ordinancë private në Thalwil të Cyrihut
Punën si mjek i pavarur në ordinancën e tij private dr. Xhaferi e filloi në janar të vitit 2015. „Jam shumë i lumtur që e bëra këtë hap; në punën time të përditshme në këtë ordinancë me një infrastrukturë shumë funksionale (laborator, barnatore, rentgen, ultrazë etj.) dhe të adminstruar në mënyrë plotësisht elektronike, unë e ndiej një kënaqësi shumë të madhe. Kam pacientë nga të gjitha komunitetet. Ndërsa fakti se shumë prej tyre (15 – 20%) janë shqiptarë, më bën shumë të lumtur dhe më lë të shpresoj se po më jepet rasti, që sadopak t`ia kthej borxhin vendlindjes sime”.
Punën e tij e lehtëson edhe Fatlumja, e cila krahas punës së saj profesionale në lëmin e Informatikës së Mjekësisë në Spitalin Universitar të Baselit, në ordinancë është përgjegjëse për të gjitha punët që kanë të bëjnë me adminstrimin, kontabilitetin dhe IT-infrastrukturën e ordinancës“.
Kontributin e dr. Xhafer Sadikut në shëndetin e popullatës së rajonit të Zimmerbergut e mundëson edhe bashkëpunimi i tij i ngushtë me kolegë të fushave të ndryshme, të punësuar qoftë në ordinanca specialistike, qoftë në klinika apo spitale private dhe universitare të Cyrihut dhe rajonit.

Në fund vizitës sonë në ordinancën „Praxis Xhafer Sadiku“ në Thalwil, ne po ndahemi nga dr. Xhaferi, të bindur se ky mjek kosovar po ofron shërbime mjekësore të cilësisë së lartë, të bazuara në standarde bashkëkohore.
 

Burimi: https://www.albinfo.ch

Mësim në shqip për mërgatën shqiptarë

në kategorine Diaspora

E Enjte, 11 Korrik 2019 – 22:41
albinfo.ch

Qeveria shqiptare do të përkrahë organizimin e procesit mësimor dhe përzgjedhjen e arsimtarëve në vendet pritëse të Diasporës shqiptare.Procesi mësimor dhe përzgjedhja e arsimtarëve në Diasporë do të mbështetet nga ministria përgjegjëse për arsimin në zbatim të marrëveshjeve dypalëshe shtetërore dhe në përputhje me legjislacionin e vendit pritës të diasporës shqiptare, shkruhet në vendimin e botuar në Fletoren Zyrtare, raporton Scan, përcjell albinfo.ch.Në vendet pritëse të diasporës shqiptare procesi mësimor është mësimi i gjuhës shqipe dhe i kulturës shqiptare.Gjithashtu në vendim thuhet se kanë të drejtë të ndjekin mësimin e gjuhës shqipe dhe kulturës shqiptare në Diasporë të gjithë fëmijët e moshës deri në 18 vjeç me kombësi shqiptare dhe çdo person me origjinë shqiptare që jeton në vendin pritës pavarësisht nëse ai është me qëndrim të përkohshëm të përhershëm apo azilkërkues.Mësimi në këto shkolla do të zhvillohet me kurrikulën e përbashkët të gjuhës shqipe dhe të kulturës shqiptare në Diasporë.Ndërsa tekstet shkollore, materialet plotësuese dhe zhvillimi profesional i mësuesve do të mbështetet dhe inkurajohet nga Ministria përgjegjëse për Diasporën nëpërmjet Qendrës së Botimeve për Diasporën në bashkëpunim me ministrinë përgjegjëse për arsimin dhe ministrinë përgjegjëse për punët e jashtme.Sasia e teksteve shkollore dhe materialet plotësuese do të dërgohen nga Qendra e Botimeve për Diasporën brenda muajit gusht të çdo viti për t’i shpërndarë më pas sipas kërkesave që kanë këto vende.

Burimi: https://www.albinfo.ch

1 2 3 29
Shko lartë