Gjermania me masë të re për të pavaksinuarit – nuk do t’iu paguhet periudha e karantinimit shkaku i COVID-19

Gjermania do të ndalojë pagesën e pushimit për njerëzit që nuk janë vaksinuar dhe të cilët duhet të karantinohen për shkak të sëmundjes COVID-19.

Gjermanët paguheshin nëse duhej të karantinoheshin kur ktheheshin nga jashtë ose nëse ishin në kontakt me dikë që ishte infektuar me coronavirus.

Ministri gjerman i Shëndetësisë, Jens Spahn tha se vendimi ishte i drejtë dhe se do të hynte në fuqi më 1 nëntor, dhe se të gjithë ata që donin të kishin kohë të vaksinoheshin, raporton dw.

Ata që nuk e duan këtë do të duhet të mbajnë përgjegjësi dhe të kenë kosto financiare, tha Spahn.

“Pse të tjerët duhet të paguajnë për faktin se dikush ka vendosur të mos vaksinohet?”, mbrojti vendimin ministri.

Në Gjermani, 63.4 për qind e popullsisë është vaksinuar plotësisht deri më tani. Qeveria atje tha se qëllimi ishte të imunizonte 75 për qind të popullsisë për të shmangur një rritje të re të mprehtë të numrit të të infektuarve gjatë muajve të dimrit.