Behgjet Pacolli i lumtur me lirimin e Tomor Morinës

në kategorine Kosovë

Ministri i Jashtëm në detyrë Behgjet Pacolli, është shprehur i lumur me lirimin e ish ushtarit të UÇK-së Tomor Morina dhe refuzimin e kërkesës serbe për ekstradim.

Pacolli përmes një shkrimi në Facebook shprehu mirënjohje për autoritetet e Maqedonisë së Veriut për bashkëpunimin që kanë treguar.

“Jam i lumtur që Gjykatat në Maqedoninë e Veriut kanë vendosur për lirimin e Tomor Morinës dhe refuzimin e kërkesës serbe për ekstradim. Unë jam mirënjohës ndaj autoriteteve të Maqedonisë së Veriut për vendimin parimor të marrë në lidhje me këtë çështje dhe bashkëpunimin që kemi pasur për ta zgjidhur atë në mënyrën më të mirë”, ka shkruar Pacolli.

Ish-ushtari i Ushtrisë Çlirimtare të Kosovës Tomor Morina, është liruar sot nga burgu ku po mbahej pas ndalimit në pikën kufitare Bllacë të Hanit të Elezit, nga policia e Maqedonisë së Veriut, në baze të një fletarresti të INTERPOL-it, të lëshuar me kërkesë të Serbisë.

Morina sapo është liruar është nisur për Kosovë nga burgu i Shutkës ku qëndroi për dy javë.

Lirohet Tomor Morina, niset drejt Kosovës

Burimi: https://klankosova.tv/

©MEDIAL.MK Derisa keni vendosur të merrni përmbajtje nga kjo faqe, në tërësi pajtoheni me /KUSHTET E PËRDORIMIT/.