Author

v.k

v.k has 5961 articles published.

v.k

Kuvendi me seancë për 20 vjetorin e masakrës në Burgun e Dubravës

në kategorine Kosovë

Kuvendi i Kosovës sot mban seancë të veçantë në përkujtim të 20-vjetorit të Masakrës së Dubravës.

Seanca pritët të nis në orën 11:00.

Para 20 vjetësh në Burgun e Dubravës, ishin vrarë e masakruar mbi 150 të burgosur shqiptarë nga ushtria dhe policia serbe, ndërsa 300 të burgosur të tjerë kanë arritur t’i shpëtojnë kësaj masakre, transmeton Klan Kosova.

Burimi: https://klankosova.tv/

Moti i ndryshueshëm sot

në kategorine Kosovë

Vendi ynë do të jetë nën ndikimin e fushave me presion labil atmosferik.

Në këtë situatë meteorologjike do të mbajë mot i ndryshueshëm, me diell dhe vranësira të cilat vende-vende do të shoqërohen me reshje shiu.

Tri ditët e para të javës parashihen të kenë më pak reshje edhe atë nëpër territore të kufizuara.

Por më pas pritet që mbi vendin tonë të depërtojë një front vranësirash të dendura dhe jo stabile që me vete do të bartin sasi më të konsiderueshme të reshjeve të shoqëruara edhe me shkarkime rrufesh.

Vlerat minimale të temperaturave do të lëvizin ndërmjet 7-10 gradë Celsius, ndërsa maksimalet e ditës parashihen të lëvizin ndërmjet 19-21 gradë Celsius. Do të fryjë erë kryesisht nga jugperëndimi me shpejtësi 1-11m/s.

Burimi: https://klankosova.tv/

Haradinaj takon Metën: Qëndrime unike për temat me rëndësi

në kategorine Kosovë

Kryeministri i Kosovës, Ramush Haradinaj, ka takuar sonte Presidentin e Shqipërisë, Ilir Meta.

“Qëndrime unike me Presidentin Ilir Meta për temat me rëndësi për Kosovën e Shqipërinë”, ka shkruar Haradinaj në Facebook, pa dhënë detaje të tjera, transmeton Klan Kosova.

“Kënaqësi e veçantë të ndaja sërish me Kryeministrin, Ramush Haradinaj në Durrës pikëpamje mbi sfida të përbashkëta që forcojnë marrëdhëniet midis dy vendeve dhe perspektivën e përbashkët europiane”, ka shkruar Meta në profilin e tij.

Burimi: https://klankosova.tv/

Banorët e Bradashit kanë ankesa në KEDS-in (VIDEO)

në kategorine Kosovë

Zhvendosja e njehsorëve  u shkaktoi shumë probleme.

Banorët e Bradashit të Podujevës po ankohen se KEDS-i nuk e kreu si duhet këtë punë të premten e kaluar, njofton Klan Kosova.

Si pasojë e rrymës së fortë që erdhi, familjes Hoti iu prishën edhe disa pajisje shtëpiake.

Për dëmet e shkaktuara, pensionisti kërkoi llogari nga KEDS-i.

Kronikë nga Flamur Gajtani.

 

Burimi: https://klankosova.tv/

Rexhep Hoti krenar me testin e diturisë (VIDEO)

në kategorine Kosovë

Përgjigje në shumicën e pyetjeve nuk morën të hënën anëtarët e Komisionin Parlamentar për Arsim, nga kordinatori për Rini, Rexhep Hoti.

Ky i fundit ishte ftuar të raportojë bashkë me ministrin e Arsimit, Shyqyri Bytyqit rreth testit të diturisë, njofton Klan Kosova.

Megjithatë, Hoti po thotë se është krenar me projektin e tij.

Kjo nuk po u mjafton anëtarëve të komisionit. Ata kërkuan përgjigje në pyetjet e tyre.

Kronikë nga Dafina Jegeni-Krasniqi.

 

Burimi: https://klankosova.tv/

Fisnik Halimi: Kosova ka nevojë për një Qeveri të re, qoftë me njerëz të njëjtë

në kategorine Kosovë

Analisti politik, Fisnik Halimi ka thënë se shoqëria kosovare njeh shumë pak raste kur gabimeve si rasti i deputetes Flora Brovina iu janë dhënë përgjigje me etikë.

“Ka qenë Famtir Rexhepi nga LDK që me sa duket ka qenë i vetmi që ka dhënë dorëheqje prej një pozicioni moral pas protestave të 10 shkurtit2007. Prej asaj kohe nuk kemi parë përgjegjshmëri. Besoj që zonja Brovina ka rënë në një kurth të naiviteti politik për të shtyrë përpara një kauzë të dhimbshme. Atë ditë shoqëria kosovare ka shënuar një fitore – demaskimin e një rasti i ky”, ka thënë Halimi, njofton Klan Kosova.

“Diçka e tillë nuk është pritur që të ndodhte në Serbi. Mediat në Serbi nuk u morën shumë me këtë skandal sepse e konsumuam ne. Do t’i bënte mirë edhe vet Briovinës dorëheqja sepse s’ka rrugë tjetër. Ka ndrydhë ndjenjat e viktimave dhe familjes së vet politike – PDK-së”.

Sa i përket inciativës së Isa Mustafës për thirrjes e mocionit kundër Qeverisë Haradinaj, Halimi ka thënë se këtë qeveri mund ta rrëzojnë vetëm marrëdhëniet ndërkombëtare të Kosovës.

“Vetëm e vetëm nëse del se kjo qeveri është paaftë për votimin e një marrëveshjeje me Serbinë. Tri partitë duhet të gjejnë aleatë brenda koalicionit, ndoshta Listë Serbe, por ata nuk do ta votojnë rrëzimin deri pas samitit të Parisit. LDK është dashur të shumë kohë më parë të kërkoj mocion, kur u hyri aventurës me tryezat e rrumbullta që me marrëveshje ta rrëzonte Qeverinë. Kosova ka nevojë për qeveri të re qoftë me të njëjtit njerëz por me marrëveshje të re. PDK është parti shumë e heshtur”.

Burimi: https://klankosova.tv/

Ilir Mirena: Dorëheqja është më e pakta që mund ta bëjë Flora Brovina

në kategorine Kosovë

Analisti politik, Ilir Mirena, ka thënë se deputetja e PDK-së Flora Brovina duhet të dorëhiqet pas skandalit të javës së kaluar me publikimin e fotografisë.

“E pakta që do të duhej të bënte, ndoshta, do të duhej të dorëhiqej nga posti i deputetit edhe pse ajo e ka sqaruar se si ka ardhur deri te ajo fotografi”.

“Shumëçka është thënë nga e enjtja, por unë besoj në variantin naiv të Brovionës sesa ndonjë teori konspiracioni se dikush ia ka servuar atë fotografi. Kjo fotografi u dëshmua se ekziston edhe më herët. Ajo këtë foto e ka publikuar edhe në vitin 2012”, është shprehur Mirena, njofton Klan Kosova.

Sipas tij është momentumi politik që ka ngjallur reagimet e tilla tash që e ka polarizuar skenën politike.

Në 2012 askush nuk e ka vërejtur një fotografi të tillë kurse sot bëhet kaq debat i madh. Ajo nuk besoj se e ka dëmtuar pakthyeshëm kauzën e të gjitha viktimave të dhunës në Kosovë”.

“Kjo klasë politike që kemi duke përdorur krejt zhargonin e heroizmit dhe kaluarën historike nuk është që e ka uzurpuar skenën politike. Ata nuk janë uzurpatorë të skenës politike sepse ushqimin e kanë marrë nga ne, janë pasqyra jonë. Më duket e rëndë kjo, por ata janë çfarë ne jemi, në i mbajmë, ushqejmë dhe votojmë serish. Po të mbahen zgjedhjet sivjet të njëjtit protagonist dalin në skenë. Këtë taksirat vet e kemi krijuar dhe vet e ushqejmë”.

Burimi: https://klankosova.tv/

Rexhep Hoti nuk iu përgjigjet deputetëve (VIDEO)

në kategorine Kosovë

Koordinatori nacional për kulturë, rini dhe sport, Rexhep Hoti u ftua sot të raportojë para anëtarëve të komisionit për arsim.

Hoti nuk dha përgjigje, me arsyetimin se emrat e profesionistëve janë konfidencial.

Për dy orë raportim, ministrit të Arsimit iu bënë vetëm dy pyetje.

Anëtarët e komisionit të pakënaqur me raportimin e kordinatorit nacional kërkuan që ky test të mos mbahet dhe Hoti të japë dorëheqje.

Kronikë nga Dafina Jegeni – Krasniqi

Burimi: https://klankosova.tv/

Tirana rimbledh dy Qeveritë (VIDEO)

në kategorine Kosovë

Ramush Haradinaj e Edi Rama nuk erdhën kësaj radhe.

Por, kryeministrat e Kosovës dhe Shqipërisë, ua deleguan zëvendësve të tyre, mbledhinë e radhës të të dy qeverive.

Në takimin e ri në Tiranë, Fatmir Limaj e Erion Braqe, konfirmojnë se diskutuan për problemet e afatet e marrëveshjeve që i arritën nëntorin e vitit të kaluar në Kosovë, në Pejë.

Braçe, tha se tema kryesore të takimit, i cili ishte i mbyllur për medie, ishin lehtësirat ekonomike mes dy shteteve.

Këtu temë diskutimi ishin edhe çështje jashtë marrëveshjeve të deritanishme.

Kronikë nga Enis Reçica

 

 

Burimi: https://klankosova.tv/

Vdes albanologu i famshëm, Hans Joachim Lanksch

në kategorine Kosovë

Ka ndërruar jetë, albanologu i famshëm Hans Joachim Lanksch.

I mërzitur për vdekjen e tij ka mbetur ambasadori i Kosovës në Gjermani, Beqë Cufaj, i cili tha se Hans- Joachim Lanksch ishte miku i madh i shqiptarëve por edhe popujve tjerë ballkanas, njofton Klan Kosova.

“Hans- Joachim Lanksch ishte miku i madh i shqiptarëve por edhe popujve tjerë ballkanas!
Studenti i Martin Camajt, mëpas përkthyesi i tij, përkrahësi dhe përkthyesi i Ali Podrimjes, Azem Shkrelit e Kasëm Trebeshinës në kohën e pakohë- vitet 90, kurrë nuk rreshti të përkrahë dhe përkthejë edhe dhjetëra autorë të ri shqiptarë nga Ballkani dhe krejt bota!
Kisha fatin ta njoh që nga viti 1995!
Kisha fatin ta kem mik- edhe kur pajtoheshim por edhe kur nuk pajtoheshim- që nga ai vit dhe deri në ditën e sotme kur ai u nis drejt Amshimit!
Pusho i Qetë Joachim”, ka shkruar Cufaj.

Hans-Joachim Lanksch lindi më 1943 në Braunschweig, Gjermani.

Ai jetonte në Munich dhe ka studiuar gjuhë sllave, ballkanologji, albanologji dhe folklor.  Ai njihej si përkthyes nga shqipja dhe gjuhët sllave në gjermanisht.

Ndër autorët e përkthyer nga shqipja në gjermanisht mund të përmendim Martin Camaj, Kasëm Trebeshina, Azem Shkreli, Ali Podrimja dhe Vaxhid Xhelili.

Në revista dhe antologji, ai botoi  përkthime të poezive nga Lasgush Poradeci, Mimoza Ahmeti, Primo Shllaku, Jamarbër Marko, Luljeta Lleshanaku, Visar Zhiti, Ledia Dushi, Kate Xukaro, Din Mehmeti, Adem Gajtani, Fahredin Gunga, Rrahman Dedaj, Mirko Gashi, Eqrem Basha, Edi Shukriu, Flora Brovina, Shaip Beqiri dhe  prozë të Elvira Dones dhe Anton Pashkut.

Hans-Joachim Lanksch ishte Laureat i çmimit Nikolaus Lenau, 1999 dhe i çmimit Penda e Argjendtë, 2002 për përkthimin në gjuhë të huaj.

Burimi: https://klankosova.tv/

Limaj: Ka shpresë për ulje të taksës rrugore Kosovë-Shqipëri (VIDEO)

në kategorine Kosovë

Zëvendëskryeministri, Fatmir Limaj, ka thënë se sot në takimin e dy grupeve koordinuese për marrëveshjet e arritura Kosovë-Shqipëri, janë ngritur një sërë çështjesh.

Sipas tij detyrim i dy ekonomive është që të parapërgatitin tregun, edhe si një treg të përbashkët për të qenë konkurrues me vendet tjera të rajonit.

Në Info Magazine të Klan Kosovës, Limaj ka thënë se ekziston shpresa që tarifa rrugore në “Autostradën e Kombit” të ulët nga sa është tash.

“Ka shpresë për një vlerësim dhe mund të vihet deri te një ulje e taksës. Autostradat gjithkund në botë paguajnë taksa. Duhet pasur kujdes që taksat e tilla të mos kenë ndikim në ekonominë e vendit. Duhet të rritet bashkëpunimi ekonomik. Pres që ministria në Tiranë që nxjerrë një raport dhe jam i bindur dhe ka hapësirë që Qeveria shqiptare ta rivlerësojë masën e taksës”, ka thënë Limaj, njofton Klan Kosova.

Ai ka thënë se Tirana zyrtare e ka për obligim që të interesohet për Kosovën.

“Kjo ka qenë historike dhe një gjë e tillë presim të vazhdojë. Ne kemi pasë krijuar një traditë që ta ruajmë një distancë në marrëdhëniet e brendshme. Tirana nuk është përzier në politikat tona ditore dhe as Prishtina në të Tiranës.
Ju kam apeluar miqve në Prishtinë për të mos u përzier në politikat ditore të Tiranës. Tirana duhet të vazhdojë fuqishëm që ta mbështes Kosovën”.

Burimi: https://klankosova.tv/

Braçe: Ne nuk vendosim për Kosovën, por e kemi detyrim të flasim për të

në kategorine Kosovë

Zëvendëskryeministri i Qeverisë së Shqipërisë, Erion Braçe, ka thënë se Kosova dhe Shqipëria kanë të gjitha resurset ekonomike për të qenë konkurrues në rajon.

Ai këtë e ka thënë në Info Magazine të Klan Kosovës, duke folur për takimin e dy grupeve koordinuese të Kosovës dhe Shqipërisë lidhur me marrëveshjet e arritura deri tash dhe zbatueshmërinë e tyre.

“Kemi të gjitha resurset ekonomike për të qenë konkurrues, edhe kapitalin njerëzor. Shqipëria sot ka burimet e vetme kontinentale të naftës. Pse mos t’i shfrytëzojmë këto resurse?”.

Sa i përket heqjes së kontrolleve doganore në mes të dy vendeve, Braçe ka thënë se “ky kufi mund të hiqet vetëm me vullnetin e dy vendeve tona. Ne kemi një kufi në Morinë që është burkotratik që e kemi vendosur me administratat tona dhe që pengon sot lëvizjen e lirë të marrave dhe transaksioneve. Në aspektin fizik të kufirit do të preferoja që të dy vendet tona të ishin në BE dhe kufi baza ta kishin kufirin e Evropës. Kufiri fizik kujt i intereson?. Nëse e kemi bërë ekonominë dhe të ardhur atëherë shqiptarët do të jenë faktor edhe më shumë se që janë. Çdo taksë ndikon në ekonominë e secilës familje”, ka thënë Braçe, njofton Klan Kosova.

Braçe ka folur edhe për punët e Kosovës dhe Shqipërisë veç e veç dhe sipas Prishtina zyrtare vendos vetë për punët e saja të brendshme.

“Ne nuk vendosim për Kosovën, nuk ndërhyjmë. Vendimmarrja është e Kosovës. E kemi detyrim maksimal të flasim për Kosovën. Na detyron Kushtetua, zemra dhe shpirti. Të drejtën për të vendosur nuk ia kemi dhënë ne. Këtë të drejtë e kanë fituar me gjakun e tyre mijëra veta që luftuan. E drejta e Kosovës për të vendosur është e drejtë e saj”.

Kurse sa i përket mundësisë së uljes së tarifës së taksës rrugore në “Autostradën e Kombit”, Braçe ka thënë se nuk mund të thotë asgjë tash.

“Duhet ta shikojmë”.

Burimi: https://klankosova.tv/

Ambasadori gjerman: Të mbijetuarat e dhunës seksuale të luftës, të mos keqpërdoren për qëllime partiake

në kategorine Kosovë

Ambasadori gjerman ka përkrahur fuqishëm protestën e sotme që u mbajt në Prishtinë, në mbështetje të mbijeturave të dhunës seksuale të luftës në Kosovë.

Diplomati gjerman tha se askush nuk duhet të provojë të përfitojë politikisht.

“Përkrahim fuqishëm mesazhin e protestës së sotme në Prishtinë: Fati i viktimave të luftës, e sidomos të mbijetuarve nga dhuna seksuale nuk duhet të keqpërdorët për arritje partiake dhe politike. Respekti për ato që vuajtën është i pari”, ka shkruar Heldt në Twitter, përcjellë Klan Kosova.

Më 8 mars të këtij viti, ambasadori gjerman Christian Heldt ishte pjesëmarrës në sponsorizmin e konferencës:

“T’i japim zë të mbijetuarve të dhunës seksuale në konfliktin në Kosovë bashkë me fondancionin Jahjaga”.

Burimi: https://klankosova.tv/

Lëvizja Vetëvendosje, publikon nëntë pikat sipas të cilave duhet të trajtohen krimet e luftës (FOTO)

në kategorine Kosovë

Lëvizja Vetëvendosje ka reaguar ndaj iniciativës së kryetarit të Partisë Demokratike të Kosovës, Kadri Veseli, për themelimin e një Tribunali për krimet serbe në Kosovë.

Sipas Vetëvendosjes, krimet e luftës nuk bën të trajtohen me mungesë serioziteti.

VV me këtë rast ka bërë publikimin e nëntë pikave me anë të cilave duhen të adresohen krimet e luftës në Kosovë.

Burimi: https://klankosova.tv/

Ambasadat e vendeve të Quint-it: Zgjedhjet e së dielës kaluan në atmosferë të qetë

në kategorine Kosovë

Ambasadat e Francës, Gjermanisë, Italisë, Mbretërisë së Bashkuar dhe Shteteve të Bashkuara, kanë lëshuar tash një komunikatë të përbashkët lidhur me procesin e djeshëm zgjedhor në katër komunat veriore.

Ata thonë se kanë përcjellë me vëmendje zgjedhjet e mbajtura dhe se e diela e 19 majit ka kaluar në një atmosferë të qetë, transmeton Klan Kosova.

“Sidoqoftë, ambasadat i rikujtojnë gjetjet e Misionit të BE-së për Vëzhgimin e Zgjedhjeve (EOM) të vitit 2017, që shprehën shqetësime serioze për frikësime në shumë zona të serbëve në Kosovë, sidomos kundër partive politike që garuan kundër Listës Srpska. Këto defekte, si dhe kërkesat për të përditësuar listat e votuesve dhe për të qartësuar procedurat, mbeten të paadresuara dhe kanë si rezultat konkurrencën dhe pjesëmarrjen e kufizuar politike, prandaj ngrisin pyetje lidhur me procesin e përgjithshëm demokratik në ato zona”, thuhet në kumtesë.

“Apelojmë te të gjithë akterët relevantë, përfshirë institucionet dhe partitë politike përgjatë gjithë spektrit, që të adresojnë urgjentisht këto defekte duke zbatuar rekomandimet e EOM-it”.

Ata inkurajojnë qytetarët dhe shoqërinë civile që t’i mbajnë partitë përgjegjëse për përkushtimin që ato kanë shprehur përmes deklaratës së përbashkët në Kuvendin e Kosovës në prill të vitit 2019 për forcimin e procesit zgjedhor.

“Ata që janë zgjedhur tani duhet të angazhohen për të përfaqësuar interesat e gjitha bashkësive në komunat e tyre”.

 

Burimi: https://klankosova.tv/

Braçe: Po punojmë për të ndërtuar hapësirat ekonomike për qytetarët e Kosovës dhe Shqipërisë

në kategorine Kosovë

Zëvendëskryeministri i Shqipërisë, Erion Braçe, pas takimit koordinues që u mbajt në Tiranë me Qeverinë e Kosovës, tha se janë duke punuar për krijimin e një hapësire ekonomike që rrit mirëqenien e qytetarëve të dy vendeve.

“Për secilën çështje për të cilat jemi marrë vesh më herët e kanë afat të fundit qershorin. Kemi verifikuar një pjesë të problematikave që tanimë janë zgjidhur, por kemi diskutuar edhe problematikat ekonomike që ende janë prezente”.

“Ne do të duhet të përballemi me seiclën nga këto probleme javët në vijim, sidomos me ato që lidhen me lehtësitë e njerëzve dhe mallrave”.

Ai tha se do të punojnë për të ndërtuar hapësirat ekonomike që ju jep mundësi qytetarëve të Kosovës dhe Shqipërisë në rritjen e mirëqenies në këtë hapësirë të përbashkët.

“Kemi trashëguar probleme që lidhet drejtëpërdrejt me trajtimin e operatorëve ekonomikë në portin e Durrësit dhe pikën e Morinës, është historia e vjetër që e kemi diskutuar e që lidhet me kontratat koncesionare të skanimit të mjeteve në pikat hyrëse. Duhet të përballemi me ato që ka shkaktuar kjo kontratë dhe të përballemi me të”.

Ai tha se duhet vullnet politik edhe nga Kosova edhe nga Shqipëria për të çuar deri në fund problemin me këtë kontratë.

Braçe foli edhe për problemin e energjisë mes Kosovës dhe Serbisë duke thënë se janë duke u bërë punime në këtë drejtim.

“Kjo problematikë buron nga insistimi i Serbisë dhe do të na duhet edhe atje që të forcojmë përpjekjen tonë që përfundimisht të çlirojmë këtë korridor për energji”.

Burimi: https://klankosova.tv/

Përfaqësuesit e Listës Serbe të premten takohen me Vuçiqin

në kategorine Kosovë

Presidenti serb Aleksandar Vuçiq do të takohet të premten me përfaqësuesit e Listës Serbe dhe politikanë të tjerë me të cilët do të diskutojë hapat e mëtejshëm.

Këtë e ka bërë të ditur drejtori i të ashquajturës Zyre Serbe për Kosovën, Marko Gjuriq.

“Të gjitha hapat e mëtejshëm do të ndërmirren në marrëveshje me përfaqësuesit e zgjedhur të popullit serb dhe përfaqësuesit e institucioneve të Serbisë”, tha ai, transmeton Klan Kosova.

Ky takim është paralajmëruar një ditë pas zgjedhjeve të jashtëzakonshme në katër komunat në veri të Kosovës ku fituese doli Lista Serbe./medial.mk/.

Burimi: https://klankosova.tv/

FSK pjesë e ushtrimit “Shqiponja 19’’

në kategorine Kosovë

Kontingjenti i FSK-së i përbërë prej 37 pjesëtarëve  nga  Batalioni i Dytë i Reagimit të Shpejtë u dislokua dje për në Shqipëri, për t’iu bashkuar ushtrisë shqiptare në ushtrimin në vendkomandë “Shqiponja 19’’.

Para pjesëtarëve që do të marrin pjesë në këtë ushtrim, një fjalë rasti e mbajti komandanti i Brigadës për Reagim të Shpejtë, gjeneral brigade Fadil Hadergjonaj, i cili ua forcoi besimin me mbështetjen e tij, duke i udhëzuar që gjatë përfaqësimit të Forcës së Sigurisë të Kosovës në këtë ushtrim, të jenë sa më profesional, të disiplinuar dhe shembull për pjesëmarrësit tjerë.

Ushtrimi do të realizohet në periudhën kohore prej 20 deri më 29 maj 2019, dhe do jetë në aspektin tre shkallës: Kursi i Lartë i Oficerit, Kursi i Komandës dhe Shtabit të Përgjithshëm. Ushtrimi zhvillohet nga Batalioni i Parë i  Këmbësorisë i Forcave Tokësore të Shqipërisë dhe  Batalioni i Dytë i Reagimit të Shpejtë i FSK-së./medial.mk/.

 

Burimi: https://klankosova.tv/

Marrëdhëniet Shqipëri-Kosovë, qershori afati i fundit për realizimin e marrëveshjeve

në kategorine Kosovë

Pa Edi Ramën dhe Ramush Haradinajt në krye, ministrat e Qeverisë së Shqipërisë dhe Kosovës nën udhëheqjen e zëvendëskryeministrave Erion Braçe dhe Fatmir Limaj i bën një bilanc marrëveshje të nënshkruara në tetor 2018 në Pejë.

Na presin shumë sfida, tha Fatmir Limaj që kërkoi veprime konkrete për të reaguar në kohë.

“Ajo çfarë mund të them sot, është se nga 4 marrëveshjet që kemi arritur në mbledhjen e dy qeverive në Pejë ka pasur një progres. Qershori do të jetë afati i fundit i implementimit dhe zbatimit të këtyre marrëveshjeve”.

Pas pesë vjetësh nga mbledhja e parë e dy qeverive në Prizren tha zvendës kryesministri Erion Brace detyrimet ndaj shqiptarëve të dyja anët e kufirit sa vinë e shtohen.

Së pari tregu, sh[ërbimet dhe lëvizshmëria. Së dyti siguria; Së treti Kulturra dhe Diaspora; e së fundmi aksioni diplomatik dhe bashkëpunimi politik. Po të ndalem te fusha e parë, dua të them se me Kosovën, ashtu si me 4 vendet e tjera të Ballkanit Perëndimor po punojmë fort drejt krijimit të një zone të lirë ekonomike të përbashkët në rajon. Një zonë ku legjislacioni i vendet tona lehtëson tregtinë e lëvizjen e lirë të njerëzve dhe mallrave e në të njëjtën kohë është e edh i për afruar me legjislacionin e BE”, ka deklaruar Braçe./ Top Channel

Burimi: https://klankosova.tv/

Gjuriq thotë se iu ndalua sërish hyrja në Kosovë: Nervoz në Prishtinë

në kategorine Kosovë

Drejtori i të ashtuquajturës Zyre serbe për Kosovën, Marko Gjuriq ka thënë se institucionet e Kosovës e penguan atë të vizitojë Leshakun gjatë ditës së sotme ku sipas tij pritej që serbëve t’i dorëzoheshin ndihma.

Ai në një konferencë për shtyp se kjo vizitë u njoftua në pajtim me marrëveshjen mbi vizitat e zyrtarëve dhe se sipas tij “kjo ndalesë  nuk ishte rastësi, por që ishte rezultat i nervozizmit” të institucioneve në Prishtinë, transmeton Klan Kosova.

Gjuriq theksoi se rezoluta për gjenocidin serb  ishte rezultat i nervozizmit të politikanëve shqiptarë dhe frikës së tyre se “mund të thirren për llogari nga Gjykata Ndërkombëtare Penale në Kosovë”.

Autoritetet kosovare të shtunën i kanë refuzuar Gjuriqit kërkesën për ta vizituar Kosovën për arsye se është paraqitur në kundërshtim me marrëveshjen e Brukselit.

Jetlir Zyberaj,  këshilltar i ministrit të Punëve të Jashtme, Behgjet Pacollit, ka thënë të shtunën për Klan Kosovën se vizitat zyrtare duhet të bëhen gjatë ditëve të punës e jo në fundjavë.

 

 

 

 

Burimi: https://klankosova.tv/

Rexhep Hoti: Krenar që jam koordinator i një prej projekteve më të suksesshme në vend

në kategorine Kosovë

Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi ka zhvilluar një takim për të diskutuar rreth testit të organizuar në shkollat e Kosovës.

Të ftuar në këtë mbledhje kanë qenë ministri i Arsimit, Shyqiri Bytyqi, dhe koordinatori i testit nacional, Rexhep Hoti, transmeton Klan Kosova.

Deputetët kanë shtruar shumë pyetje ndaj koordinatorit Hoti dhe e kanë cilësuar organizimin e testit nëpër shkollat e Kosovës si jo të mirë.

Gjatë kësaj mbledhje është diskutuar edhe për koston e këtij testi si dhe për gabimet në shtrimin e pyetjeve.

Në anën tjetër Hoti e ka vlerësuar lartë këtë test duke thënë se është testi më gjithëpërfshirës në Kosovë.

Ndërsa ministri Bytyqi nuk ka pranuar të marrë përgjegjësi për cilësinë e testit duke thënë se ai ka nënshkruar vetëm një memorandum bashkëpunimi me koordinatorin Hoti.

medial.mk

Burimi: https://klankosova.tv/

Gjilani firmos marrëveshje me Shell Kosova për përkrahjen e fermerëve

në kategorine Kosovë

Kryetari i Gjilanit, Lutfi Haziri, ka nënshkruar sot memorandum mirëkuptimi me përfaqësuesin e kompanisë Shell Kosova, Hamdi Kelmendi, për përkrahje për fermerët e kësaj komune.

Në bazë të këtij memorandumi, Shell Kosova ofron zbritje të çmimit të derivateve të naftës për 5 cent për litër për të gjithë fermerët që janë në regjistrat e Drejtorisë së Bujqësisë.

Pas nënshkrimit të këtij memorandumi, i pari i Gjilanit, Lutfi Haziri, i ka falënderuar përfaqësuesit e kësaj kompanie, duke thënë se kjo do t’ua lehtësojë punën fermerëve.

Ndërkaq, përfaqësuesi i Shell Kosova, Hamdi Kelmendi, e ka falënderuar kryetarin Haziri për bashkëpunimin, ndërkaq theksoi se kjo kompani po e barazon fermerin kosovar me të europian për sa i përket cilësisë së derivateve, transmeton Klan Kosova.

Burimi: https://klankosova.tv/

“Nëse regjimi nuk i ndal operacionet në Idlib, vështirë të flitet për zgjidhje politike”

në kategorine Bota

MUHAMMED ŞEYH YUSUF, ADHAM KAKO

Kryetari i Komitetit të Lartë të Negociatave i përbërë nga opozitarët sirianë, Nasır Hariri tha se “Regjimi i Bashar al-Asadit duke u larguar nga zgjidhja politike, po kryen sulme intensive në Zonën për uljen tensioneve në Idlib”.

Hariri në një deklaratë për Anadolu Agency (AA) ka folur lidhur me pikën e arritur në negociatat për krijimin e Komitetit Kushtetues Sirian dhe rreth sulmeve të regjimit të Asadit në Idib.

“Të gjitha palët pranojnë Deklaratën e Gjenevës në vitin 2012 dhe Rezolutën 2254 të Kombeve të Bashkuara (OKB). Vetëm formimi i Komitetit kushtetues nuk është një zgjidhje politike, por fillimi i një zgjidhjeje politike”, tha Hariri.

“Pothuajse ne kemi rënë dakord për rregullat e punës të Komitetit. Janë arritur dakordësime në masë të madhe për emrat e personave që do të përfshihen në negociatat e reja kushtetuese. Gjatë takimit tonë me ministrin e Punëve të Jashtme të Turqisë Mevlüt Çavuşoglu, kemi thënë se krijimi i Komitetit kushtetues është i afërt dhe se ai do të fillojë punën. Për momentin nuk ka ndonjë datë të përcaktuar por unë mendoj se është afër”, tha Hariri duke njoftuar se është arritur një përparim i madh në çështjen për formimin e Komitetit kushtetues.

Ai tha se janë afër zgjidhjes së disa problemeve në komitet. “E vetmja çështje e diskutueshme në Komitetin kushtetues është çështja se kush do t’i zëvendësojë 6 personat të cilët janë fshirë nga lista e OKB-së. Bisedimet janë në vazhdim. Urojmë që lista e OKB-së të jetë e paanshme dhe e balancuar. Nëse arrihet marrëveshje për emrat dhe procedurat, nuk do të ketë pengesa në shpalljen e formimit të komisionit”, thekson Hariri.

“Civilët po vendosen në objektiv”

Sipas tij, sulmet e regjimit po rriten derisa negociatat politike afrohen. “Regjimi i Asadit duke u larguar nga zgjidhja politike, po kryen sulme intensive në Zonën për uljen e tensioneve në Idlib. Nëse rajoni bie, zgjidhja politike do të përfundojë para fillimit të procesit. Ngjarjet negative në terren do të ndikojnë në procesin politik. Nëse regjimi nuk i ndal operacionet e tij në Idlib, do të jetë e vështirë të flitet për zgjidhjen politike”, tha Hariri.

Ai rikujton se Rusia ofron mbështetje për regjimin e Asadit që nga viti 2015. “Me pretekstin e terrorizmit civilët dhe infrastruktura po vendosen në objektiv me armë të rënda dhe avionë në mënyrë të qëllimshme dhe sistematike në zonat për uljen e tensioneve. Në emër të terrorizmit, duan të bëjnë presion mbi Turqinë për grupet ushtarake. Turqia, është duke bërë përpjekje të mëdha për ndalimin e operacionit ushtarak në Idlib. Turqia dhe opozitarët, janë duke u përpjekur për të mbrojtur civilët”, potencon Hariri.

Hariri deklaroi se dhjetëra civilë kanë vdekur për shkak të sulmeve intensive kundër Idlibit. “Katastrofa në Idlib nuk mund të shpjegohet. Qindra mijëra civilë u zhvendosën për herë të dytë”, tha ai.

Në vlerësimin e tij në lidhje me takimin e zhvilluar me ministrin e Jashtëm të Turqisë Çavuşoğlu, Hariri tha se “Ne zhvilluam një takim shumë të dobishëm dhe të rëndësishëm për të kuptuar në mënyrë të qartë dhe se çfarë po ndodh në të vërtetë si dhe për të koordinuar përpjekjet e përbashkëta për të ndaluar sulmet”.

“Regjimi ka terrorizuar sistematikisht për 40 vjet me armët që ka ruajtur. Milicët terroristë të mbështetur nga Irani dhe organizatat terroriste separatiste si FDS zbatojnë terrorizëm kundër popullit sirian”, tha më tej Hariri.

Ai shtoi se në Siri qindra mijëra persona ndodhen në arrest në burgjet e regjimit. “Vendimet e OKB-së parashikojnë që të gjitha palët të lirojnë të arrestuarit. Por, kohën e fundit nuk është arritur asnjë zhvillim në këtë çështje”, tha ai.

Hariri po ashtu ka vënë theksin se regjimi duhet të rritë përpjekjet për lirimin e personave që ka arrestuar.



. . . .

Burimi: https://www.aa.com.tr/sq

1 2 3 239
Shko lartë