Author

v.k

v.k has 7660 articles published.

Presidenti Meta pret kreun e Komitetit Ushtarak të NATO-s

në kategorine Shqipëri

Presidenti Ilir Meta priti sot në një takim kryetarin e Komitetit Ushtarak të NATO-s, Marshall Sir Stuart Peach, njoftoi zyra e tij e shtypit.
Presidenti Meta vlerësoi mbështetjen e dhënë nga Komiteti Ushtarak i NATO-s për projektin e Bazës Ajrore të Kuçovës, duke garantuar se bashkëpunimi me Aleancën ka një rëndësi strategjike për sigurinë kombëtare dhe rajonale.
Presidenti Meta siguroi se Shqipëria do të vijojë kontributet e saj në misionet në Afganistan, Kosovë, Bosnje-Hercegovinë, Mali, Detin Egje, Letoni, Rumani, Mesdhe, etj.
Duke e vlerësuar si legjitime kërkesën e NATO-s për ndarjen e drejtë të barrës së përgjegjësive, Kreu i Shtetit theksoi se i ka kërkuar Qeverisë t’u përmbahet angazhimeve zyrtare të Shqipërisë, duke rritur vit pas viti buxhetin deri në 2 përqind të GDP në vitin 2024. “Shqipëria është një anëtare e NATO-s, e pozicionuar në mënyrë të vendosur në procesin e integrimit europian, duke pritur që të hapë negociatat e pranimit të saj. Shqiptarët e kanë bërë zgjedhjen e tyre, për t’u bashkuar me NATO-n dhe Bashkimin Europian. Askush nuk mund t’ia ndryshojë rrugëtimin këtij projekti strategjik. Do punoj pa u lodhur për një Shqipëri të qëndrueshme, demokratike dhe anëtare të denjë të NATO-s, që siç tha Sekretari i Përgjithshëm Stoltenberg gjatë vizitës së Tij në Tiranë, ka në zemër demokracinë” u shpreh Kreu i Shtetit shqiptar.
Gjithashtu, Presidenti Meta nënvizoi se roli dhe prezenca e NATO-s në rajon është faktor kyç për sigurinë, paqen dhe stabilitetin e Ballkanit Perëndimor.
Kreu i Shtetit shprehu mbështetjen e tij ndaj përpjekjeve të qeverisë së Kosovës për integrimin në NATO dhe ngritjen e Forcave të Armatosura, si “kontribut shtesë për sigurinë dhe stabilitetin afatgjatë të rajonit”.

BURIMI: www.rtsh.al

Gratë ekspozojnë artizanalet në Prishtinë

në kategorine Kosovë

12:40, 23 Korrik 2019

Sot sheshi “Adem Jashari” në kryeqytet u mbushë plotë me artizanale, kjo pasi u hap Panairi i Artizanaleve dhe Trashëgimisë Kulturore, i cili ka për qëllim, fuqizimin e nivelit të balancës gjinore dhe rinore përmes inkurajimit të involvimit të grave dhe të rinjve në prezantimin e vlerave kulturore, tradicionale e nacionale.

“Ka zhvilluar një partneritet te komunave. Projekti po organizon 6 panaire të artizanaleve. Përpjekja specifike e projektit tonë është themelimi i dy qendrave artizane të trashëgimisë kulturore jo-materiale për prodhime , transfere , trajnime , prodhime e shitje të produkteve”, tha organizatorja Belxhizare Muharremi.

Zëvendësministrja e Bujqësisë, Pylltarisë dhe Zhvillimit Rural, Magbule Shkodra tha se është ky projekt ka për qëllim bashkëpunimin ndërkombëtare në mënyrë që gratë të njihen me njëra-tjetrën dhe t’i ndajnë përvojat së bashku.

“Misioni i secilës grua që merr pjesë në këtë panair është mbajtja e familjes”, tha ajo.

Ky bashkëpunim mes Kosovës dhe Maqedonisë Veriore ka filluar qe 20 muaj.

“E rëndësishmja e këtij panairi është fuqizimi i nivelit të balancës gjinore dhe te ndalohet migrimi si në Kosovë ashtu edhe në Maqedoni”, tha ajo.

Valmir Shabani nga Komuna e Kumanovës tha se në këtë projekt janë të angazhuara 15 deri 20 gra dhe se do të mbështesim ketë iniciativë të grave.

 

Burimi: https://klankosova.tv/

LAJMI I FUNDIT: Ramush Haradinaj niset për në Hagë

në kategorine Kosovë

Kryeministri i dorëhequr Ramush Haradinaj postoi në Facebook një status pak para nisjes drejt Hagës.

“Sot, si Ramush Haradinaj, qytetar i Republikës së Kosovës, i përgjigjem ftesës për intervistim nga Dhomat e Posaçme në Hagë”, shkroi ai.

Haradinaj tha se me nder ka mbrojtur të drejtën tonë, dje, sot dhe do ta mbrojë gjithmonë.

“Kosova ka ecur përpara në rrugëtimin euro-atlantik dhe është më e fortë se kurrë, në rreshtin e paqes dhe miqësi të përhershme me ShBA-në. Kosova është e gatshme të dialogojë me Serbinë deri në arritjen e një marrëveshjeje finale ligjërisht obliguese, përfshi njohjen reciproke në kufijtë ekzistues. Por, tregun e japim vetëm për njohje. Me nder kam mbrojtur të drejtën tonë, dje, sot dhe do ta mbrojë gjithmonë!”, shkroi ai.

Turqi, fundoset motoskafi me emigrantë, shpëtohen 8 persona

në kategorine Bota

Janë shpëtuar 8 persona pranë brigjeve të Bodrumit, në provincën Mugla të Turqisë, pasi një motoskaf me emigrantë u fundos, raporton Anadolu Agency (AA).

Ekipet e Rojes Bregdetare morën një lajmërim se në ujëra ndodhet një grup njerëzish që kanë nevojë për ndihmë.

Me këtë rast u shpëtuan 8 persona të cilët u nxorrën në brigje ku morën trajtim mjekësor.

Kërkimet vazhdojnë për një të zhdukur ndërsa në opercionin e shpëtimit janë angazhuar tre anije të Rojës Bregdetare dhe një helikopter.

Poashtu jo shumë larg vendit të aksidentit, u kapën 11 emigrantë në një gomone.



. . . .

Burimi: https://www.aa.com.tr/sq

OSBE për ndryshimin e ligjit për mediat online në Shqipëri

në kategorine Shqipëri

Përfaqësuesi i OSBE-së për Lirinë e Medias, Harlem Désir, i dërgoi Kryeministrit të Shqipërisë, Edi Rama, një kërkesë për rishikim ligjor mbi ndryshimet në Ligjin për Media Audiovizuale në Shqipëri, Ligjin për Komunikimet Elektronike dhe dispozitat tjera përkatëse, lidhur me rregullimin e llojeve të caktuara të përmbajtjeve të ofruara përmes internetit.

BURIMI: www.rtsh.al

Falsifikon dokumentin e sigurimit kufitar – arrestohet maqedonasja

në kategorine Kosovë

11:14, 23 Korrik 2019

Policia Kufitare ka arrestuar një femër gjatë ditës së djeshme në Han të Elezit, shtetasja e Maqedonisë Veriore dyshohet se ka falsifikuar dokumentin e sigurimit kufitar.

Me vendim të prokurorit dokumenti është konfiskuar për ekzaminim, njofton Klan Kosova.

Ndërsa e dyshuara është liruar dhe rasti shkon në procedurë të rregullt.

Burimi: https://klankosova.tv/

FaceApp është prodhuar nga Rusia

në kategorine Galileo

“FaceApp” është aplikacioni i ri në telefon që u bë trend edhe në Maqedoninë e Veriut.

Mirëpo, ky program, sipas revistës së njohur “Forbes”, është i prodhuar nga Rusia dhe rrezikon privatësinë e çdo telefoni.

“FaceApp” nuk e fotografon vetëm fytyrën tuaj por i njëjti i merr të dhënat tuaja dhe të ato i dërgon në Rusi për disa projekte të neveritshme”, thuhet në shkrimin e kësaj reviste.

Më shumë se 80 milionë përdorues aktivë kanë instaluar FaceApp.

Aplikacioni përdor inteligjencë artificiale për të krijuar një pasqyrim të asaj që mund të dukeni disa dekada më i vjetër.

Një grup në Twitter kanë krijuar panik dhe kanë paralajmëruar se aplikacioni mund t’i merr të gjitha fotot nga telefoni yt dhe t’i ngarkonte në serverat e tij pa ndonjë leje të qartë nga përdoruesi.

(VIDEO) HEC “Glazhnja” dhe HEC “Likova” mund të rindërtohen me partneritet publiko privat!?

në kategorine Biznes/Maqedoni

Në mbledhjen e rregullt të 146-të të Qeverisë së Republikës ës Maqedonisë së Veriut do të shqyrtohet Informata për fillimin e procedurës për vendosjen e partneritetit publik privat për rindërtimin e HEC “Glaznja” dhe HEC “Likovë”.

Në mbledhjen e sotme, me propozim të Ministrisë së Drejtësisë do të shqyrtohet Propozim-ligji për Prokurorinë Publike, si dhe Propozim-ligji për ndryshimin dhe plotësimin e Ligjit për Këshillin e prokurorëve publikë të Republikës së Maqedonisë së Veriut.

Ministrat e Qeverisë së Republikës së Maqedonisë së Veriut do të sjellin vendim edhe për Propozim-ligjin për ratifikimin e Marrëveshjes mes Republikës së Maqedonisë së Veriut dhe Bashkimit Evropian për pjesëmarrjen e Maqedonisë së Veriut në “Korpusin  Evropian të solidaritetit”.

Ministria e Punëve të Jashtme si pikë të rendit të ditës në mbledhjen e sotme,  propozon Propozim – ligjin për ratifikimin e Marrëveshjes ndërmjet Qeverisë së Republikës së Maqedonisë së Veriut dhe Qeverisë së Republikës së Serbisë për vendosjen e kontrolleve të përbashkëta në vendkalimin kufitar për trafikun rrugor ndërkombëtar Tabanoc (Republika e Maqedonisë së Veriut) – Preshevë (Republika e Serbisë).

Me propozim të Ministrisë së Punëve të Brendshme në këtë mbledhje vijon Informacioni lidhur me nevojën për implementim të procesit për kontroll (veting) të të punësuarve në Ministrinë e Punëve të Brendshme në Republikën e Maqedonisë së Veriut.

Ministria e Shoqërisë Informatike dhe Administratës në këtë mbledhje  do ta prezantojë informatën për modernizimin e regjistrit të vetëm nacional elektronik të rregulloreve – ENER dhe futjen e formave të reja për përfshirje në procesin e krijimit të politikave.

Mbledhja e rregullt e 146-të e Qeverisë së Republikës së Maqedonisë së Veriut është paraparë  të fillojë në orën 12:00.

(VIDEO) Kush ishte Mulla Idriz Gjilani? Veprat dhe patriotizmi i tij i jashtezakonshëm!

në kategorine Maqedoni

Mulla Idriz Velekinca lindi në Velekincë, fshat në komunë të Gjilanit, më 4 qershor të vitit 1901. Mësimet fillestare i ndoqi në mejtepin e Cërnicës të Gjilanit edhe i mbaroi në vitin 1911 për të vazhduar studimet e mesme në medresenë “Atik” po në Gjilan. Pas një ndërprerjeje të shkollës më 1926 arriti të diplomojë. Në moshën 25 vjeçare bëhet imam dhe merr titullin “Mulla”. Shërbeu në detyrën e Imamit në Karadak e në Hogosht, fshat në komunën e Dardanës. Më 1941 u zgjodh në postin e bashkë- ligjëruesit të Kuvendit fetar-arsimor të Vakëfit të Shkupit.

Në edukimin e tij si fetar ai u nis nga disa parime kur’anore dhe hadithore që përcaktonin vlerat e arsimit, të kulturës dhe të edukatës : “Pa shkollim – thotë ai, – nuk ka as fe të mirëfilltë”, dhe nxënësit tanë nuk duhet të mësojnë më vetëm për leximin e Kur’anit, por edhe për njohjen e mjeshtërisë së shkrimit. Ata duhet t’i nisim në rrugën për ta njohur islamin dhe jo për ta prezantuar si diçka statike”, “S’ka fe pa atdhe” , “Të ndihmojmë njëri-tjetrin me fjalë, me penë, me pasuri, të duhemi si vëllezër”, “Pa një atdhe të lirë feja nuk mund të mbahet kurrë, nuk mund të ushtrohet. Lexoni veprat e të diturve dhe të urtëve sa e mirë, për t u bindur  sa e kuptueshme është feja islame, kur shpjegohet shqip, në gjuhën e Zotit për shqiptarët”.

Gjatë kohës si hoxhë dhe bashkë-ligjërues zhvilloi një veprimtari intensive në fushën e edukimit fetar me frymë atdhetare. Hapi mejtepin e Pidicit për mësimin e djemve dhe të vajzave, organizoi ilegalisht mësimin e shkrim-leximit me alfabetin e gjuhës shqipe, futi mësimin shqip në medresenë “Atik”, ushqeu mirëkuptimin dhe bashkëpunimin vëllazëror me bazë kombëtare shqiptare në popullsinë myslimane-katolike të zonës së Karadakut. Kur qe mësimdhënës në tre mejtepe njëkohësisht, shfrytëzoi sistemin monitor: përgatiti nxënësit më të mirë dhe me moshë më të madhe për ta zëvendësuar kur ai mungonte.

Në prill të vitit 1937, në kushte ilegaliteti, themeloi në Arllat të Drenicës Organizatën e Rinisë Përparimtare “Drita” të Kosovës. Aktivitetet e tij fetare nuk dalloheshin nga ato atdhetare e humane. Kudo, kurdo e me këdo ato ishin të pranishme.

Mulla Idrizi ishte kundër shpërnguljes së shqiptarëve. Në funksion të kësaj bindjeje atdhetare e humane ai programonte në xhami, në oda e në kuvende, deri edhe në ceremonitë e vdekjes. Në formë kushtrimi ai thërriste: “Jemi përgjegjës për varret e prindërve tanë para Zotit dhe para kombit. Nuk guxojmë të heqim dorë prej tyre t’i lëmë të shkreta për t’i lëvruar derrat e naçalnikëve sllavë! Jo vetëm në Turqi, por as në Shqipëri nuk bën të shkojmë. Zoti në Kur’an na ka bërë përgjegjës për vatanin dhe kombin!”

Mulla Idrizi printe në aksionet për ndërtimin e urave, rrugëve, krojeve, mejtepeve, xhamive, mirëmbajtjes së varrezave, të cilat i shikonte si mjete dëshmuese të bashkimit të popullsisë shqiptare. Uniforma e ndihmoi për të maskuar aktivitetin e tij patriotik. Mulla Idriz Gjilani ishte një “rilindës” në kuptimin e vërtetë të fjalës në kushtet që kalonte Kosova. Në kohën kur Mulla Idriz Gjilani ushtronte detyrën e ligjëruesit numri i nxënësve të “Atik medresesë” të Gjilanit arriti në 734, nga të cilët 326 ishin femra. Po ashtu i organizoi shkollat lëvizëse me mësues shëtitës. Vetëm në zonën e Gjilanit u hapën 39 shkolla të tilla fetare, që zgjuan te brezi i ri ndjenjat fetare dhe ndërgjegjen kombëtare.

Veprimtaria Ushtarake për çlirim dhe bashkim kombëtar

Nga prilli 1941 Mulla Idriz Velekinca iu kushtua plotësisht veprimtarisë politike. Si hoxhë me forcën e Zotit, si mësues me forcën e fjalës, si luftëtar me forcën e armës, si komandant me besnikërinë e ushtarit, ai luftoi për unitetin territorial të trevave shqiptare, luftoi kundër gjenocidit serb e bullgar, kundër komunizmit. Në qershor të 1944 -ës drejtoi betejën e Kikës, ku shqiptarët e udhëhequr prej tij dolën fitimtarë kundër ushtrisë sllavo-komuniste. Veprimtaria e Mulla Idriz Gjilanit është heroike. E tillë është edhe periudha 1944-1949 dhe kallja e tij në zjarr më datën e 25-26 nëntorit 1949.

Ishte intelektual i kohës, i cili zotëronte shumë gjuhë orientale, gjë që e mundësoi të njihet me arritjet shkencore të kohës, në fushën e fizikës, kimisë, mjekësisë, astronomisë, etj. Botoi punimet fetare “Lindja e pejgamberit”, dhe “Vëllazëria Islame’, të cilat përshkoheshin nga mesazhi i paqes, vëllazërimi, bashkimit kombëtar, etj. Mulla Idriz Gjilani: “Liria e vatanit nuk fitohet me parti e me tarafe, me të pafe e me shkije të veshur si shqiptarë”.

Si komandant i Shtabit të Mbrojtjes Kombëtare në Nënprefekturën e Gjilanit, rojeve të kufirit në viset Prapashticë–Bujanoc-Preshevë-Kumanovë u la amanet se “Njeriu ka një nënë, ka një babë, ka një Zot, ka një Vatan që i detyrohet jeta… Pa vatan të lirë, nuk ka as jetë, as familje, as fe, as liri dhe as xhenet”. Ishte njeri i penës dhe i pushkës, i cili dijen dhe guximin për veprim e pati në proporcion të barabartë. Luftën për komunizëm e cilësonte tradhti dhe mashtrim. Shikuar nga aspekti i mënyrës së martirizimit, Mulla Idris Gjilani e mbylli jetën në mënyrën që ia preferonte vetes dhe bashkëluftëtarëve, i pamposhtur për lirinë e Kosovës dhe të kombit shqiptar.

Pas sulmit në Gjilan, që u bë pa pëlqimin e Mulla Idrisit, ai strehohet në fshatin Tugjec e pastaj te familja patriotike Sadiku në Gjyrishec. Aty qëndroi pesë vjet me popullin dhe në kontakt të përhershëm me Lëvizjen e Rezistencës. Një ditë, pas shumë kërkimesh, zbulohet dhe arrestohet. Djali i tij, Isa i kishte vetëm shtatë vjet, kur babanë e tij e sollën të prangosur në burgun e Gjilanit, natën e 22-23 nëntorit 1949. Lajmi për arrestimin e Mulla Idrizit u përhap me shpejtësi. Nuk dinim se çka do të sillte e nesërmja. Shkuam ta vizitojmë, por nuk u lejuam ta shohim, thotë Isa.

Pas tri ditësh, më 26 nëntor familjes ia kumtojnë lajmin për vdekjen e Mulla Idrizit. Gjatë kohës së kaluar në hetuesi, Mulla Idrizi përjetoi torturat më të tmerrshme, por s`u dorëzua. Trupin e tij, pas mesnatës së datës 26 nëntor 1949 e nxjerrin nga burgu dhe e dërgojnë në periferi të Gjilanit, në vendin e quajtur ”Gllamë”, ku e ndezin. Eshtrat që janë gjetur sivjet në këtë lokacion, nga një kompani që po kryente punime rrugësh, dyshohet të jenë të Mulla Idris Gjilanit.  ( Dr. Muhamet Pirraku, nga libri: “ Mulla Idriz Gjilani dhe Lëvizja Kombëtare e Kosovës Lindore”).

(VIDEO) Laura Konda, me zë të dridhur largohet nga Zëri i Amerikës!

në kategorine Bota

Nuk e ka patur aspak të lehtë gazetarja e mirënjohur, Laura Konda, e cila në fund të edicionit të sotëm të lajmeve bëri me dije që do të largohet nga VOA, Zëri i Amerikës.

Plot 20 vjet gazetari të mirëfilltë ajo largohet me të njëjtën fisnikëri që plotësoi detyrën e saj profesionale të panjollë.

Ndiqeni këtu komunikimin e saj prekës:

Laura Konda, me zë të dridhur largohet nga Zëri i Amerikës!

Laura Konda, me zë të dridhur largohet nga Zëri i Amerikës!

Publiée par Medial.mk sur Mardi 23 juillet 2019

 

Drecun: Dorëheqja e Haradinajt është një lojë e vjetër

në kategorine Kosovë

10:08, 23 Korrik 2019

Kryetari i të ashtuquajturit Komision Parlamentar për Kosovën, Milovan Drecun, thotë se dorëheqja e Ramush Haradinajt, për shkak të ftesës nga Gjykata Speciale, është një lojë e vjetër që i solli rezultate në dy raste kur u gjykua në Gjykatën Penale Ndërkombëtare për ish- Jugosllavinë.

Ai theksoi se në atë kohë,”Haradinaj u shpall i pafajshëm për shkak të mungesës së provave, se ai u bë hero kombëtar dhe arriti të shpëtojë si politikan numër një ndër shqiptarët në Kosovë”.

Kryeministri Ramush Haradinaj dha dorëheqje të premten pas ftesës për intervistë që i erdhi nga Gjykata Speciale, transmeton Klan Kosova.

Burimi: https://klankosova.tv/

Presidenti i Luftëtarit Grigor Tavo jep dorëheqjen

në kategorine Shqipëri

Situata e vështirë ekonomike e Luftëtarit, ka detyruar presidentin e tij Grigor Tavo të japi dorëheqjen. RTSH Sport siguron letrën e plotë të ish numrit 1 të klubit gjirokastrit ku sqarohen edhe arsyet e largimit. “I gjendur në një situatë ku të gjithë aksionerët nuk e mbështesin Luftëtarin as në kuotat që u takon si një shoqëri aksionere, e kam të pamundur të vijoj drejtimin e skuadrës dhe shoqërisë në tërësi. Është një vendim tepër i dhimbshëm për mua dhe jo vetëm. Do të largohem nga presidenca e Luftëtarit për t’i hapur rrugë investitorëve të rinj, që ndoshta mund të bëjnë më shumë për këtë skuadër dhe këto ngjyra që secili prej nesh i ka në zemër”, shkruan ndër të tjera Tavo në letrën e tij.

BURIMI: www.rtsh.al

Lekaj për Haradinajn: Nga ajo rrugë që po merr sot, u ktheve gjithmonë edhe më fitimtar

në kategorine Kosovë

9:08, 23 Korrik 2019

Kryeministri Ramush Haradinaj sot merr rrugë për në Hagë.

Ish-komandanti i UÇK-së për Zonën e Dukagjinit pritet të intervistohet nga prokurorët e Gjykatës Speciale në Hagë më 24 korrik në cilësinë e të dyshuarit, njofton Klan Kosova.

Ftesa nga Gjykata Speciale ishte arsyeja që Haradinaj dha dorëheqje nga posti i kryeministrit.

Ministri i Infrastrukturës nëpërmjet një postimi në Facebook deklaroi se Haradinaj është kthyer gjithmonë fitimtar nga Haga.

“Nga ajo rrugë që po merr sot, u ktheve gjithmonë edhe më fitimtar.

Kosovën e ke prapa.

Dalsh faqebardhë!”, ka shkruar Lekaj.

Burimi: https://klankosova.tv/

Haradinaj sot niset për në Hagë

në kategorine Kosovë

8:03, 23 Korrik 2019

Kryeministri në dorëheqje Ramush Haradinaj sot do të niset për në Hagë, njofton Klan Kosova.

Ish-komandanti i UÇK-së për Zonën e Dukagjinit pritet të intervistohet nga prokurorët e Gjykatës Speciale në Hagë më 24 korrik.

Ftesa nga Gjykata Speciale ishte arsyeja që Haradinaj dha dorëheqje nga posti i kryeministrit, njofton Klan Kosova.

Ai këtë vendim të befasishëm e bëri të ditur në një konferencë për media gjatë ditës së premte ku tha se nuk mund të lejojë që të intervistohet nga Gjykata Speciale në postin e kryeministrit, por do të shkojë vetëm si qytetar i Kosovës.

Haradinaj në këtë konferencë për media njoftoi po ashtu se nga Gjykata Speciale do të merret në pyetje në cilësinë e të dyshuarit, pa dhënë më shumë detaje se për çfarë rasti bëhet fjalë.

Burimi: https://klankosova.tv/

Të qeshim me zë të lartë – Protestohet kundër dënimit për qeshje në publik

në kategorine Kosovë

Aida Gashi: Unë jam këtu për të protestuar jo kundër policisë, por kundër dënimit të padrejtë që më është bërë. Me qeshë është refleks dhe nuk është një gjë që mund të ndalohet me ligj.

23:55, 22 Korrik 2019

Me rastin e gjobës së shqiptuar ndaj qytetares së Prishtinës, Aida Gashit, për të qeshurat e saj, grupi “Të Qeshim së Bashku” ka organizuar një protestë qesharake, me moton “Të qeshim me zë të lartë, Prishtina ka nevoje për të qeshurat tona”.

Në një prononcim për Klan Kosova, protagonistja e kësaj proteste Aida Gashi ka thënë se nuk ka dalë të protestojë kundër autoriteteve, por kundër dënimit të padrejtë që i është bërë.

“Ne vetëm sa kemi filluar me të qeshura – sikur sonte kam qeshur edhe atë natë. Unë jam këtu për të protestuar jo kundër policisë, por kundër dënimit të padrejtë që më është bërë”.

“Me qeshë është refleks dhe nuk është një gjë që mund të ndalohet me ligj. Unë dhe avokati Tomë Gashi do ta dorëzojmë ankesën në Polici. Qëllimi është që ta sensibilizojmë Policinë që të merren me gjëra më të rëndësishme e jo me të qeshurat e qytetarëve”.

klankosova.tv

Burimi: https://klankosova.tv/

Limaj iu uron mirëseardhje dy mijë anëtarëve të rinj të Nismës

në kategorine Kosovë

23:36, 22 Korrik 2019

Kryetari i Nismës Socialdemokrate, Fatmir Limaj, përmes një video-mesazhi ka falënderuar mbi dy mijë anëtarë të rinj, të cilët muajin e fundit i janë bashkuar partisë të cilën ai e drejton.

Kreu i Nismës ka thënë se ndihet i nderuar që së bashkë me anëtarët e rinj dhe të tjerët që do t’i bashkohen Nismës, do të punojnë në shtrirjen në çdo cep të këtij subjekti.

“NISMA sot, është parti e fuqishme me kuadro profesionale e politika që po përqafohen çdo ditë e më shumë. Jemi rritur shumë e po fuqizohemi falë punës së palodhshme të strukturave dhe aktivistëve tanë në nivel lokal dhe qendror. Me anëtarët e rinjë dhe ata që do të na bashkohen së shpejti, do të punojmë në fuqizimin e familjes tonë politike duke ofruar gjithë potencialin tonë për të bërë punë të mira për Kosovën”, thuhet ndër të tjera në mesazhin e Limajt.

Më tutje, Limaj thotë se dyert e NISMËS Socialdemokrate do të jenë gjithmonë të hapura për ide dhe energji të reja.

“Ne duhet mirëpresim kontributin e gjithësecilit duke ju siguruar hapësirë e mundësi secilit. Mirëseardhje anëtarëve të rinjë; mirënjohje dhe falënderime gjithë anëtarëve dhe aktivistëve të NISMËS Socialdemokrate”, ka përfunduar Limaj.

 

 

Burimi: https://klankosova.tv/

Zyrtarja e lartë amerikane mbështet Shqipërinë

në kategorine Shqipëri

Zëvendës Ambasadorja Amerikane, Leyla Moses-Ones, ka marrë pjesë në inagurimin e institucioneve të reja të “Polit të Drejtësisë”. Në fjalën e saj, Ones u shpreh se SHBA-të do të vijojnë të jenë në krah të Shqipërisë, për reformën në drejtësi e SPAK-ut. Më tej Zëvendës Ambasadorja, thekosi se “21 Korriku i 2016-ës, filloi me pritshmëritë e një votimi mëngjesi në Kuvend, për reformat Kushtetuese.

BURIMI: www.rtsh.al

Haradinaj nesër niset për në Hagë, intervistohet të mërkurën

në kategorine Kosovë

22:43, 22 Korrik 2019

Kryeministri në dorëheqje, Ramush Haradinaj, nesër do të udhëtojë për në Hagë.

Në ndërkohë, ish-komandanti i UÇK-së për Zonën e Dukagjinit pritet të intervistohet nga prokurorët e Gjykatës Speciale në Hagë më 24 korrik.

Ftesa nga Gjykata Speciale ishte arsyeja që Haradinaj dha dorëheqje nga posti i kryeministrit, njofton Klan Kosova.

Ai këtë vendim të befasishëm e bëri të ditur në një konferencë për media gjatë ditës së premte ku tha se nuk mund të lejojë që të intervistohet nga Gjykata Speciale në postin e kryeministrit, por do të shkojë vetëm si qytetar i Kosovës.

Haradinaj në këtë konferencë për media njoftoi po ashtu se nga Gjykata Speciale do të merret në pyetje në cilësinë e të dyshuarit, pa dhënë më shumë detaje se për çfarë rasti bëhet fjalë.

 

 

 

Burimi: https://klankosova.tv/

Tiranë, betohen 16 magjistratët e rinj në shtëpinë e re të drejtësisë

në kategorine Shqipëri

Betohen 16 magjistratët e rinj. 16 magjistratët e rinj janë betuar sot gjatë ceremonisë së inaugurimit të shtëpisë së re të drejtësisë në Shqipëri. E ngarkuara me punë e SHBA-së, shefja e ONM-së, ministrja e Drejtësisë, por edhe zyrtarët e tjerë uruan magjistratët e rinj, duke kërkuar një drejtësi me modelin e ri. /web.rtsh

BURIMI: www.rtsh.al

Doruntinë Maloku: LDK do të kthehet fuqishëm në pushtet, për ta kthyer demokracinë në shtet

në kategorine Kosovë

“Lidhja Demokratike e Kosovës po vjen! E bashkë me të edhe Demokracia. LDK do të rikthehet fuqishëm për ta përmbushur misionin e saj”

21:04, 22 Korrik 2019

Deputetja e Lidhjes Demokratike të Kosovës, Doruntinë Maloku ka paralajmëruar ardhjen në pushtet të LDK-së dhe bashkë me të edhe kthimin e frymës demokratike në politikën dhe shoqërinë kosovare.

Në llogarinë e saj në Facebook, Maloku thekson se përtej gjithçkaje, liria, pavarësia dhe demokracia mishërohen në Lidhjen Demokratike të Kosovës, ndaj dy të parat, sipas saj, janë arritur për shkak të vizionit dhe përkushtimit të Ibrahim Rugovës.

Duke nënvizuar veçanërisht demokracinë, e bija e veprimtarit të vrarë të LDK-së, Enver Maloku, thotë se meqë ajo as mund të importohet, as të eksportohet, nuk ka si të kthehet ndryshe përveç me kthimin e qeverisjes së kësaj partie.

Burimi: https://klankosova.tv/

Ambasadori amerikan, miqësia me SHBA-të nuk varet nga një parti (VIDEO)

në kategorine Kosovë

20:39, 22 Korrik 2019

Qëndrimet ndaj taksës prej 100% për produktet e Serbisë dhe Bosnjes e Hercegovinës i kanë të ndryshme.

Por, kjo nuk i pengoi që të përshëndeten miqësisht Ramush Haradinajn dhe ambasadorin amerikan Philip Kosnett, që për kosovarin është i fundit si kryeministër.

Këta të dy të hënën i bëri bashkë ditëlindja e senatorit Bob Dole që konsiderohet mik i madh i Kosovës.

Ambasadori amerikan deklaroi se jetëgjatësia e miqësisë së SHBA-së me Kosovën nuk varet nga një parti politike.

Por, nuk e komentoi fare dorëheqjen e Ramush Haradinajt nga kreu i qeverisë.

Kronikë e zgjeruar nga Haris Ademi.

 

Burimi: https://klankosova.tv/

Anadolu Agency (AA) nis programin e 15-të për gazetari lufte

në kategorine Bota

Anadolu Agency (AA) ka filluar me programin e saj të 15-të për gazetari lufte, me anë të të cilit synon rritjen e aftësive të gazetarëve për të vepruar në zonat e luftës dhe në kushte të jashtëzakonshme.

Programi i trajnimit zhvillohet në koordinim me Akademinë Policore Turke dhe Agjencinë Turke për Koordinim dhe Zhvillim (TIKA).

Koordinator i projekteve të trajnimit të TIKA-s, Mustafa Haşım Polat, tha se trajnimi për gazetari lufte do t’u ndihmojë gazetarëve të shpëtojnë jetë në rajonet e prirura nga lufta.

“Një lajm ose një fotografi e bërë nga një gazetarë ndonjëherë mund të shkaktojë një luftë ose t’i japë fund (një lufte)”, tha Polat.

Drejtor i Akademisë së Lajmeve të AA-së, Cihangir İşbilir, tha se 21 gazetarë nga 11 vende do të marrin pjesë në programin e sivjetshëm të trajnimit. Ai shtoi se deri më tani gjithsej 350 gazetarë kanë marrë pjesë në këtë program trajnues.

“Luftërat dhe konfliktet transformohen. Prandaj, është e nevojshme që këto trajnime të tranformohen në varësi të përleshjeve në zhvillim, fatkeqësive natyrore, kryengritjeve dhe luftërave”, u shpreh İşbilir.

Ai më tej tha se programi 12-ditor do të përfshijë trajnime praktike, si dhe ekspertë për luftën kundër terrorizmit, duke shtuar se Drejtoria e Përgjithshme e Sigurisë së Turqisë, Forcat e Armatosura Turke dhe Agjencia për Menaxhimin e Fatkeqësive (AFAD) do të ofrojnë ndihmë të plotë për programin.

Programi i trajnimit, i cili për herë të parë përfshin edhe gjuhën arabe, do të mbahet deri më 2 gusht. Në fund të programit, pjesëmarrësit do të kenë aftësi të përmirësuara në gazetari, siguri personale, ligjin e luftës, ndihmën e parë, leximin e hartave, mbijetesën, menaxhimin e medias në kushte të jashtëzakonshme, vetë-mbrojtje, teknologji, si dhe aftësi të tjera të rëndësishme.

Ata që arrijnë me sukses të përfundojnë programin, që përbëhet nga gjithsej 108 orë trajnime, do t’u ndahen certifikata të njohura ndërkombëtarisht.



. . . .

Burimi: https://www.aa.com.tr/sq

Komisioni për Arsim kërkon që të ruhet pavarësia e agjencive (VIDEO)

në kategorine Kosovë

20:15, 22 Korrik 2019

Në Komisionin Parlamentar për Arsim sot nuk ishin të ftuarit kryeministri në dorëheqje Ramush Haradinaj dhe Ministri i Arsimit Shyqyri Bytyqi.

Me këta të dy, deputetët kishin pasur për qëllim të diskutojnë për situatën e krijuar në arsimin e lartë  pas vendimeve të Këshillit Shtetëror të Cilësisë.

Në fund, deputetët u morën vesh në mes vete të dalin me një deklaratë me të cilën kërkohet që politika mos të ndikojë tek agjencitë e pavarura.

Kronikë e zgjeruar nga Dafina Jegeni-Krasniqi.

 

 

 

 

 

 

Burimi: https://klankosova.tv/

1 2 3 307
Shko lartë