Author

F. B

F. B has 15022 articles published.

F. B

(VIDEO) Të rinjtë nga Italia filmojnë veten, para se të vdisnin derisa vozisnin veturën me 220 kilometra në orë

në kategorine Bota/Video

“Po shkojmë në Rovigo djema dhe jemi me vetëm 200 km/h, tregoju me sa po ecim”.

Këto janë fjalët që dëgjohen në një video të shpërndarë në Facebook nga njëri prej dy të rinjve të cilët humbën jetën më pas në aksin mes Modenës së Veriut dhe asaj Jugore, rreth orës 1 pas mesnate.
Dyshja filmonte veten ndërkohë që udhëtonin në autostradë, e me sa kuptohet ishin drejtuar për në një festë me muzikë techno.

“Kjo makinë është një përbindësh , jemi me 220 km/h”, thonë sërish.

“Të ndalojmë në një fast food? Jo, dëgjohet sërish, Po na pret droga dhe gjithçka tjetër”.

Vetura, që mbante brenda dy viktimat: 39 vjeçarin Luigi Visconti dhe 36vjeçarin Fausto Dal Moro, është përplasur më pas me mbrojtëset anash rrugës.

Dinamika e aksidentit është ende duke u zbardhur nga policia. Sipas hipotezës më të mundshme, dy miqtë, pas përplasjes, kanë arritur të dalin nga makina.

E menjëherë pas kësaj, janë përplasur nga një tjetër makinë që kalonte asaj korsie. Kjo, pasi të dy trupat janë gjendur në shumë metra distancë nga makina e tyre.

Ka qenë e menjëhershme ndërhyrja, por për të dy nuk kishte mbetur më asgjë për të bërë. Aksidenti shkaktoi shumë trafik, por në orët e para të agimit, qarkullimi rinisi rregullisht në tre korsitë. /oranews/

+ VIDEO/ Të rinjtë nga Italia filmojnë veten para se të vdisnin derisa vozisnin veturën me 220 kilometra në orë https://www.almakos.com/te-rinjte-nga-italia-filmojne-veten-para-se-te-vdisnin-derisa-vozisnin-veturen-me-220-kilometra-ne-ore-video/

Publiée par Almakos.com sur Lundi 20 mai 2019

(VIDEO) “FSHESA”, AHMETI: Akoma nuk është biseduar, por asnjëri nuk është i përjetshëm

në kategorine Maqedoni/Video

“Askush nuk është i përjetshëm në vendin e tij të punës dhe secili mund të zëvendësohet”. Kështu deklaroi kreu i BDI-së Ali Ahmeti, në lidhje me “fshesën” e paralajmëruar nga Kryeministri Zoran Zaev.

Gjithçka pritet të vendoset në takimin Ahmeti-Zaev, takim të cilin po e presin të gjithë, për të parë se kush do të përfshihet në rikonstruimin e qeverisë. Lideri i BDI-së tha se po e pret Kryeministrin të kthehet në vend dhe më pas takohen.

“Akoma nuk është biseduar, por as edhe i përjetshëm asnjëri. Funksionet shkojnë e vijnë, por misionet mbesin me jetë dhe pjesa dërmuese e bashkëpunëtoreve të mijë janë misionar të shkëlqyeshëm”, deklaroi Ali Ahmeti, Kryetar i Bashkimit Demokratik për Integrim.

Kryetari i RDK-së Vesel Memedi është i bindur se kuadrot e partisë së tij nuk do të përfshihen në “fshesën” e Zaevit. Sipas tij këto janë dezinformata të dala nga qarqe politike.

“RDK dhe Vesel Memedi, do të vazhdojnë edhe më tutje të luajnë këtë rolë konstruktiv dhe mjaft serioz në Qeveri dhe më tutje. Dezinformata e plasuar kohëve të fundit për fshesë, duke përfshirë edhe RDK , Vesel Memedin dhe ministrin e saj Suhej Fazliu, burimin e kanë tek shtabi i këshillit mbi partiak. Këta njerëz dhe ky shtab, kanë bërë lojëra mjaft të rrezikshme me ish pushtetin e kaluar dhe pas dështimit në politikë dhe vazhduan edhe me lojën e radhës se do të përkrahin Qeverinë pa asnjë kusht”, u shpreh Vesel Memedi, kryetar i RDK-së.

Rikonstruimi i Qeverisë pritet të ndodhë në fillim të qershorit. Do të përfshihen një pjesë e ministrave, ndërsa në fund të qershorit do të ketë ndryshime vertikale edhe për një pjesë të funksionarëve. Zaev ka koncept për ndryshime, por nuk e di numrin e saktë të ministrave që do të ndryshohen.

/TV21/

Autostradën Shkup-Bllacë do ta ndërtojë VMRO-DPMNE!

në kategorine Maqedoni

Rrugën Shkup-Bllacë do ta ndërtojë VMRO-DPMNE. Kështu ka thënë deputeti i VMRO-së, Ilija Dimovski, duke ironizuar në seancën e djeshme të Parlamentit të Maqedonisë, ndërsa akuzoi pushtetin se, edhe 10 muaj aq sa kanë mbetur nga mandati i pushtetit aktual, LSDM-BDI nuk do të fillojë ndërtimin e autostraës nga Shkupi deri në pikën kufitare në Bllacës, njofton KOHA.

“T’ju përkujtoj se Qeveria e mëparshme ju la të gatshëm projektin bazë dhe studimin fizibiliti në vitin 2016. Nga atëherë kanë kaluar 3 vite dhe ende s’ka asnjë aktivitet në terren se po ndërtohet kjo rrugë. Dhe aspak nuk jam i befasuar, sepse rrugën Shtip-Miladinovcë, e cila ishte gati 90 për qind para tre viteve, ju ende nuk mund ta përfundoni dhe ta lëshoni në përdorim, e ku më të ndërtoni rrugën Shkup-Bllacë”, tha Dimovski nga foltorja e Parlamentit. I menjëhershëm ishte reagimi i zëvendësministrit të Punëve të Jashtme, Andrej Zhernovski, i cili deklaroi se Qeveria tani…

ZAEV optimist për marrëveshje të mundshme mbi PSP-në

në kategorine Maqedoni

Kryeministri Zoran Zaev është optimist se pushteti dhe opozita do të arrijnë konsensus për propozim-Ligjin për Prokurorinë Publike dhe fatin e PSP-së. Zaev shton se grupet duhet të ndjekin hapat e negociatave për ATO dhe ASK-në, me qëllim që epilogu të jetë konsensusi gjithë partiak.

Këto ditë unë, ministrja Deskoska dhe ekipi imë do të kontaktojmë me ekipin nga opozita, po nëse duhet edhe takim liderësh do të thërrasim që të bëjmë gjithçka që duhet me qëllim që të përfundojë edhe ky ligj. Periudha deri në fillim të muajit qershor është koha më cilësore që e kemi në dispozicion- deklaroi Zoran Zaev.

Nga VMRO-DPMNE-ja thonë se janë në pritje të ftesës nga ministrja e Drejtësisë, Renata Deskoska. Kjo e fundit akoma nuk ka caktuar takimin e radhës edhe pse burime nga kabinet i saj bëjnë të ditur se gjatë javës mund të pritet takim i ri i grupeve të punës. Negociatat mes pushteti dhe opozitës pushuan pas thellimit të dallimeve mes palëve lidhur me kërkesën e opozitës për ta dërguar propozimin-Ligjin për Prokurorinë Publike për mendim në Komisionin e Venecias. Pushteti kërkesën e tyre nuk e pranoi me arsyetimin se ligji do të dërgohet për mendim në Venecia pas miratimit ndërsa më pas rekomandimet do të përfshihen në tekst. Dallime të thella ekzistojnë edhe lidhur me nenin 105 të propozimit, heqjen e të cilit e kërkon opozita me qëllim që të shfuqizohen të gjitha akuzat e PSP-së të ngritura pas 30 qershorit 2017. Në prononcimin e fundit, ministrja Deskoska deklaroi se me ose pa opozitën, Ligji për Prokurorinë Publike do të miratohet, duke shpresuar për mbështetjen edhe me 8 deputetët e përjashtuar nga VMRO-DPMNE-ja.

/Alsat-M/

“FSHESA”, MEMEDI: RDK-ja nuk del nga qeveria

në kategorine Lajme

Kryetari i RDK-së, Vesel Memedi është i bindur se subjekti i tij nuk do të përfshihet nga fshesa e paralajmëruar e kryeministrit Zoran Zaev. Sipas Memedit, informacionet për largimin e RDK-së nga Qeveria burojnë nga opozita shqiptare. Memedi shton se deri më tani nuk kanë pasur bisedime me të parin e organit ekzekutiv sa i përket ndryshimeve të paralajmëruara.

Dezinformatat për fshesë dhe për largimin e RDK-së, Vesel Memedit dhe Suejl Fazliut nga Qeveria janë pra dezinformata dhe burimin e kanë tek shtabi i këshillit mbi partiak. Janë dezinformata të kulluara dhe çdokush del nga Qeveria ashtu siç futet. Nëse futesh duke kënduar himnin ashtu edhe do dalësh – tha Vesel Memedi, Kryetar i RDK-së.

Edhe partia Alternativa hedh poshtë zërat për shkëmbimin e ministrisë së Kulturës me resor tjetër. Afrim Gashi tha për Alsat se deri më tani nuk ka biseduar me kryeministrin Zaev duke mohuar zërat për dërgimin e ish deputetit Zeqirja Ibrahimi në postin e ministrit të Kulturës, pas dorëheqjes së Asaf Ademit për arsye shëndetësore. Ndër resorët më të përfolura ku pritet të ketë ndryshime janë Arsimi, Drejtësia, Bujqësia, Ekologjia si dhe Transporti dhe Lidhjet. Kryeministri Zoran Zaev edhe një herë ka kujtuar se në fund të muajit, përfundimisht do të ketë rikonstruim të kabinetit Qeveritar.

Në muajin qershor edhe atë në pjesën e parë kam për qëllim të dal me propozime konkrete në Qeveri, institucione qeveritare, drejtori, borde drejtuese dhe mbikëqyrëse dhe pushtet lokal. Gjithsesi se ndikim të drejtpërdrejtë do të ketë edhe në LSDM ku do të ketë ndryshime për përforcimin e performancave të partisë më të madhe e cila ka ndikimin më të madh në qeverisjen e vendit – deklaroi Zoran Zaev, Kryeministër.

Zaev bëri të ditur se përveç ndryshimeve në kabinetin qeveritar, do të ketë ndryshim edhe të strukturave drejtuese në institucionet e tjera që janë në kompetencë të Qeverisë por edhe në LSDM.

/Alsat-M/

“Fluturojnë” çmimet e benzinës dhe dizelit

në kategorine Biznes/Ekonomi/Maqedoni

Kompanitë vendore të biznesit të naftës edhe këtë javë do t’i diktojnë vet çmimet në pompat e benzinës.

Ndërkohë kompania “MakPetroll” në faqen e saj të internetit ka bërë të ditur edhe çmimet e reja të karburanteve që do të shiten pas mesnatës. Kështu, çmimet e benzinës do të rriten me 1 denarë, ndërsa çmimet e dizelit për 2 denarë, edhe vaji ekstra i lehtë do të rritet. Të njëjtën gjë pritet të bëjnë dhe kompanitë e tjera pasi çmimet në bursat botërore ditët e fundit kanë shënuar rritje.

Sipas kompanisë MakPetroll këto janë çmimet e reja të derivateve të naftës, bazuar në tabelën e publikuar nga vetë kompania:

Ultra 95+ Economy do të shitet me 72,00 denarë për litër;

Ultra 100 Race Pro do të shitet me 74,00 denarë për litër;

Ultra Diesel Green Power do të shitet me 66,00 denarë për litër;

Ultra Diesel Bio Power do të shitet me 67,00 denarë për litër;

Vaji ekstra i lehtë do të shitet me 54,50 denarë për litër

ASK, shqyrtohen amendamentet e deputetëve

në kategorine Maqedoni

Me kërkesë të opozitës, të parashtruar në formë amendamenti, mandate i drejtorit të Agjencisë për Siguri Kombëtare do të jetë vetëm katër vjet dhe jo pesë, siç parashikon propozim-ligji. Amendamenti u pranua gjatë shqyrtimit në Komisionin për mbrojtje në të cilin u shqyrtua ligji për formimin e ASK-së, institucion që do të zëvendësojë Drejtorinë për Siguri dhe Kundërzbulim. Përveç kësaj, Ministria e Brendshme si propozues i ligjit, pranoi edhe uljen e kritereve për përzgjedhjen e drejtorit.

Me nenet paraprake ngushtohet shumë rrethi i kandidatëve të mundshëm për drejtorë dhe nëse ka hapësirë diku të tolerohet që të ketë mbulim më të gjerë për drejtor të mundshëm, ta bëjmë këtë dhe vlerësuam se duhet të ulet kriteri për përvojë punë. Gjithsesi 12 vite përvojë pune nuk janë pak- deklaroi Emil Dimitriev, deputet i VMRO-DPMNE-së.

Në Komision kishte debat edhe sa i takon shfrytëzimit të mundësisë për vëzhgim nga bashkëpunëtorët e ASK-së dhe mundësinë që ky term të keqpërdoret për t’u siguruar edhe materiale audio dhe fotografi të përsonit ose grupit target që ndiqet. Ministri Oliver Spasovski sqaroi se “vëzhgimi” në këtë rast nuk nënkupton sigurimin e materialeve që dokumentohen.

Në ligjin për ndjekjen e telekomunikimeve janë paraparë tre masa për ndjekjen e komunikimeve kur për këtë jep mundësi gjykata në pjesën e procedurës penale. Agjencia për Siguri Kombëtare nuk punon në bazë të ligjit për Procedurë Penale por mbledh informacione. Nëse kemi situatë ose kemi dyshime se ndonjë grup i organizuar ose jo, ose individ, ka gjasa të bëjë ndonjë vepër penale, atëherë dihet se cila është procedura; kyçet Byroja për Siguri Publike, gjykata etj, me qëllim që kjo të dokumentohet- deklaroi Oliver Spasovski, ministër i Brendshëm.

Debati në Komisionin për mbrojtje vazhdon deri në shqyrtimin e të gjithë 91 amendamenteve të propozuara nga deputetët. Agjencia për Siguri Kombëtare duhet të fillojë me punë në qershor dhe pritet të jetë pjesë e rëndësishme e raportit të progresit për reforma në shërbimet e sigurisë.

/Alsat-M/

LAJM I FUNDIT: MAQEDONIA E VERIUT i njeh lejet e vozitjes të KOSOVËS

në kategorine Maqedoni

Prej sot shtetasit e Kosovës do të mund të lëvizin lirshëm në Maqedoni me lejet e vozitjes të nxjera në vendin e tyre, ashtu si edhe shtetasit e Maqedonisë së Veriut në Kosovë.

E gjitha kjo falë ratifikimit të Marrëveshjes ndërmjet qeverive të dy vendeve për njohjen reciproke të patentë shoferëve. Por ratfikimi i marrëveshjes në Kuvendin e Shkupit nuk kaloi pa përplasje mes pushtetit dhe opozitës.

Deputeti i VMRO-DPMNE-së, Ilija Dimovski, duke folur për raportet me vendet fqinjë që ka krijuar qeveria e re, kujtoi se ajo ka dështuar në ndërtimin e një projekti mjaft të rëndësishëm në lidhjet me Kosovën, siç është autostrada Shkup-Bllacë. /SHENJA/

Kamioni shkel për vdekje punëtorin në Bogovinë

në kategorine Lajme

Gjatë ditës së sotme, në Sektorin për Punë të Brendshme Tetovë, është denoncuar aksident trafiku me pasoja vdekje, i cili ka ndodhur në rrugën lokale në fshatin Pirok, ku Mjeti ngarkues me targa të Tetovës, pronë e Ndërmarrjes komunale publike Shari nga fshati Bogovinë, e drejtuar nga 55-vjeçari A.F. nga fshati Bogovinë, duke lëvizur mbrapa ka aksidentuar 40-vjeçarin O.M nga i njëjti fshat i punësuar në NKP Shari.
Nga aksidentin personi O.M. ka marr lëndime të rënda trupore, ku ju është nënshtruar plagëve dhe ka ndërruar jetë në vendin e ngjarjes.
Inspektimin në vendin e ngjarjes ka kryer Prokurori publik në bashkëveprim e ekipin nga Sektori për Punë të Brendshme Tetovë, dhe punohet në përcaktimin e shkakut dhe rethanave të këtij aksidenti.

Rusët modifikojnë Mercedes-AMG G63-shin (FOTO)

në kategorine Teknologji

Ashtu edhe siç mund të pritej, kompania e njohur ruse TopCar ka modifikuar versionin më të ri të modeli G63 të Mercedes-AMG-së.

Tani, ky G63 ka aerodinamikën e bërë nga fibra të karbonit, rrotat e reja 22-inç si dhe gypat e reja të sistemit të shkarkimit të gazrave, transmeton Koha.net.

Modeli në foto, ndër të tjera, vjen edhe me disa elemente nga fibra të karbonit, duke përfshirë mbrojtësin e përparmë shtesë (spoiler), mbrojtësit anësor të zgjeruar, pragjet, kofanon, mbrojtësin e pasmë shtesë (difuzer), si dhe mbrojtësin e pasmë shtesë (spoiler) në çati.

BMW M550i përforcohet në 530 kuajfuqi

në kategorine Teknologji

Bavarezët kanë përforcuar versionin e dytë më të fuqishëm të “pesëshes”.

BMW M550i xDrive me motor 4.4-litër V8 Turbo tani është përforcuar nga 462 në 530 kuajfuqi. Kështu, ai është përforcuar për 68 kuajfuqi.

Ky model, më i fuqishëm pas M5, ka sistemin e tërheqjes me të gjitha rrotat dhe marshin automatik me 8 shpejtësi.

Gjithashtu, ky M550i xDrive i përforcuar tani shpejtësinë nga 0 deri në 100 kilometra në orë mund ta arrijë për më pak se 4 sekonda./ksp

MADONA prononcohet në Instagram me mesazh për të gjithë kritikët

në kategorine Stardust

Pas paraqitjes në finalen e Eurosongut, të shtunën, mbretëresha e popit Madonna mori shumë kritika. Megjithatë, ajo vendosi që nëpërmjet Instagramit t’u përgjigjet të gjithë atyre që dhanë komente negative për performancën e saj.

Ajo në profilin e saj në Instagram e postoi një foto të saj me mbulesë të zezë syri me X, që është shenjë mbrojtëse e materialit të saj të ri në studio, kurorën e diamantit, por është veçanërisht interesante se i ka vënë duart mbi veshë.

“Madam X nuk dëgjon asgjë të keqe”, shkroi Madonna shkurtimisht në një postim në Instagram, përcjell KOHA Ditore.

Shumë komente negative u dhanë edhe pak para performancës pas thashethemeve se performanca e Madonnës do të ishte plot me mesazhe fetare dhe politike, gjë që do të mundë të shkaktonte kontroverse në Izrael, i cili këtë vit ishte nikoqir i “Eurosongut”.

Ajo kishte njoftuar më herët se do ta këndonte hit singlin e saj “Like A Prayer” për ta shënuar 30 vjetorin e ekzistencës së tij.

“Kënga për përkushtimin religjioz e cila këndohet në këtë pjesë të botës në këtë moment mund të jetë mjaft ndezëse”, tha një burim i brendshëm për Daily Mirror.

Në fillim të performancës së këngës së saj të parë, Madonna zbret poshtë shkallëve të skenës në një fustan kishtar. Pastaj e këndon singlin e saj të ri “Future” me reperin amerikan Quavo, por si “Future” ashtu edhe “Like A Prayer”, hasën në reagime negative nga kritikët që konsiderojnë se zëri i Madonnës nuk është ai që ishte dikur.

Princesha e Norvegjisë s’dëshiron të jetojë sipas normave të jetës

në kategorine Stardust

Pak ditë më parë, princesha norvegjeze Martha Louise njoftoi se i dashuri i ri i saj është Derek Verrett.

Pas këtij lajmi, Verret i famshëm arriti në Norvegji për të shkuar së bashku në një turne në pesë qytete. Për këtë turne ata vendosën të shesin bileta në internet.

Ajo që është e panjohur deri më tani është ku ata u takuan dhe kur, por fotot e tyre të përbashkëta datojnë nga nëntori i vitit të kaluar, transmeton KosovaPress.

Në vitin 2016, Princesha u divorcua pas 14 vjet martese nga bashkëshorti i saj, Arij Behn, dhe pas divorcit ata vendosën të kujdesen për tre fëmijët e saj së bashku. Që atëherë princesha nuk ka pasur lidhje të rëndësishme. Pas botimit të romanit së saj në rrjetet sociale, Martha ka pasur polemika të ashpra me kritikët e zgjedhjes së saj dhe deklaroi se ajo as që mendonte se ndonjëherë do të jetojë për të përmbushur standardet shoqërore.

Verret (44) është i lindur në Sacramento dhe thotë se ka aftësi shamani, të cilat i ka zhvilluar qe nga mosha 11-vjeçare. Babai i tij është katolik, derisa nëna e tij ka origjinë indiane. Ata gjithë kohën e kanë mësuar për spiritualitetin, ndërsa e ëma kishte parashikuar se ai do të martohej me një grua të divorcuar, e cila do të jetë princeshë.

Ai nga profesioni i tij ka bërë një biznes të mirë dhe vazhdimisht përcillet nga persona të njohur si Gwyneth Paltrow dhe Nine Dobrev,të cilat rregullisht paraqiten në emisionet e shumta të Hollywoodit, ndërsa në faqen e tij të internetit shet këngë për meditim me një çmim prej rreth dhjetë dollarësh.

“Mbretëria” e lules së verdhë “pushton” Çekinë, urrehet nga banorët

në kategorine Stardust

Lule të verdha verbuese të kanolës kanë mbuluar zonat rurale në Republikën Çeke, me banorët e zemëruar që fajësojnë udhëheqësin e tyre miliarder se po e infekton vendin me bimën fitimprurëse.

“Njerëzit thonë se ajo mban erë të keqe, është e shëmtuar, e verdhë, duket invazive. Por, nuk mund të fajësosh bimën. Problemi është mënyra sesi ne e përdorim atë. Duke rritur kanolën, ne po shkatërrojmë fshatin, ujin, tokën dhe biodiversitetin”, tha Jakub Hruska, akademik, transmeton koha.net.

Me fushat e kanolës që mbulojnë 16 për qind të tokës së punuar në Çeki, vendi kryeson në Bashkimin Europian për rritjen e bimës. Kryeministri Andrej Babis konsiderohet si përfituesi më i madh, sepse ai e ka krijuar pasurinë e tij si pronar i një grupi që mbulon të gjithë ciklin e përpunimit të kanolës.

Bima rritet dhe me të prodhohen fertilizues dhe pesticide. Ajo përpunohet në biodiezel, që i shtohet karburantit diezel sipas një ligji çek, të frymëzuar nga një direktivë e BE-së për biokarburantet.

Kanola përdoret edhe për qëllime ushqyese. Vaji i kanolës është ideal për skuqje dhe kanola shërben edhe si ushqim për bletët. Por, ajo është edhe një bimë pak rezistente ndaj parazitëve e kërkon trajtim kimik të madh.

Pesticidet qëndrojnë në tokë, shiu i dërgon më pas në lumenj apo në ujin e nëndheshëm, ndërkohë që vrasin mikroorganizmat dhe reduktojnë biodiversitetin. Sidoqoftë, fermerët çekë po fitojnë jo pak me kanolën, thuajse dy herë më shumë nga sa do të fitonin me grurin.

Ndaj dhe lulja e verdhë po shihet gjithnjë e më shumë në panoramën rurale çeke.

Zbuloi me detektor ar me vlerë 100 mijë dollarë

në kategorine Bota/Stardust

Një person ende i paidentifikuar ka gjetur 1.4 kilogramë ar me detektor metalesh. BBC shkruan se ngjarja ndodhi në fushat e arit në Australinë Perëndimore. Këtë rast e bëri publik një dyqan në Kalgoorlie, në të cilën publikuan këtë foto të gurit me ar.

Vlera e saj arrin deri në 100 mijë dollarë australianë. Siç tregoi pronari i dyqanit, Matt Cook, pronari i arit nuk është identifikuar ende. Sipas Cook, ari u gjet rreth 45 centimetra nën tokë.

“Ai erdhi në dyqanin tim dhe më tregoi copën e arit ndërkohë që qeshte”, tha ai për BBC.

Gjetje të tilla kanë ndodhur disa herë sipas ekspertëve. Të paktën ¾ e arit në Australi prodhohet dhe gjendet rreth rajonit të Klagoorlie.

Sipas tyre këto gjetje janë të zakonshme në rajon. Ata kanë shpjeguar se përveç minierave të arit që gjenden në atë rajon, kërkuesit shkojnë fundjavave për të zbuluar copa të tilla për hobi./abcnews.

Jeremy Jones e vizitoi ITSHKSH-në

në kategorine Kulturë/Lajme/Maqedoni

Sot në Institutin e Trashëgimisë Shpirtërore e Kulturore të Shqiptarëve ishte në vizitë Jeremy Jones – drejtor i Çështjeve Ndërkombëtare dhe Komunitare të Australisë, i cili njëherazi është edhe drejtor i Këshillit Izraelito-Australian për Çështjet Hebraike.

Ai u prit nga drejtori i Institutit, Dr. Skender Asani, Sekretari Shkencor, Dr. Zeqirija Ibrahimi, dhe asistenti hulumtues, Mr. Isamet Bakiu.

Në këtë takim u fol për përvojat australiane të komunikimit ndërreligjioz, me ç’rast z. Jeremy shpjegoi se Australia është ndoshta vendi i vetëm në botë ku komunitetet religjioze bashkekzistojnë mes vete pa shënuar as edhe një incident të vetëm, madje dha plot shembuj se si të krishterët, myslimanët dhe hebrenjtë bashkëpunojnë për shumë çështje dhe kultivojnë dashuri të ndërsjellë mes vete.
Drejtori Asani, nga ana e tij, e falënderoi mysafirin për vizitën dhe e njoftoi me përpjekjet që i ka bërë dhe i bën Instituti në këtë drejtim, duke ndërtuar ura bashkëpunimi me të gjitha komunitetet religjioze në vend, ndërsa në këtë drejtim e veçoi themelimin e departamentit të Studimit dhe Edukimit për Holokaustin.

Pas këmbimit të përvojave, u bisedua edhe për mundësitë e bashkëpunimit dhe ofrimit të ndihmës së ndërsjellë, si dhe pjesëmarrjes në konferenca e aktivitete të përbashkëta.

MOTI, reshje të shiut dhe breshrit deri në fund të muajit

në kategorine Maqedoni

Reshje të shiut dhe erëra të forta priten gjatë orëve të pasdites, veçanërisht në pjesët lindore të vendit. Sipas meteorologëve, mot i ngjashëm me reshje të shiut do të mbizotëroje deri në fund të muajit.

Pasdite është e mundur dukuri e izoluar e shiut të shkurtër të qëndrueshme kryesisht në rajonet malore, në pjesën më të madhe të vendit do të jetë thatë dhe me më shumë diell, kështu edhe të mërkurën do të jetë kohë stabile dhe e thatë në të gjithë vendin megjithatë të enjten pasdite po ashtu edhe të premten përsëri do të do të ketë paqëndrueshmëri lokale me shi të rrëmbyeshëm dhe me stuhi. Sa i përket temperaturave ditore ato do të jenë pa ndonjë ndryshim të madh, edhe në periudhën e ardhshme do të vazhdojë moti i përgjithshëm, do të ketë shira të rrëmbyeshme dhe stuhi deri në fund të muajit – deklaroi Kostadinka Arsovska, Enti Hideometerologjik.

Nga erërat e fuqishme që mbrëmë prekën vendin, dy aeroplanë nuk kanë mundur të aterojnë në Shkup, duke u riorientuar njëri në Ohër dhe tjetri në Prishtinë. Shirat e rrëmbyeshëm me erëra të fuqishme dhe breshër mbrëmë prekën Serbinë, ndërsa u regjistruan 15 mijë rrufe.

Reshjet e mbrëmshme në Serbi sipas mediave kanë dëmtuar shumë kultura bujqësore.

Autoritetet serbe njoftuan se mbrëmë nga qendrat e radarit kanë hedhur në ajër afër 829 raketa për shpërndarjen e reve.

/Alsat-M/

PENDAROVSKI takon ALI AHMETIN. Ja detajet

në kategorine Maqedoni

Presidenti i Republikës së Maqedonisë së Veriut, Stevo Pendarovski sot ka takuar kreun e Bashkimit Demokratik për Integrim, Ali Ahmeti.

Dy bashkëbiseduesit ka këmbyer mendime rreth zhvillimeve të fundit politike në Republikën e Maqedonisë së Veriut.

Presidenti i vendit ka theksuar nevojën që në periudhën që vijon të gjithë aktorët politik të kenë qasje konstruktive dhe kapacitete e tyre ti orientojnë drejtë përmbushjes së reformave, me qëllim të marrje së datës për fillim të negociatave.

BUNDESTAGUT i kërkohet hapje e negociatave për Maqedoninë e Veriut dhe Shqipërinë

në kategorine Lajme/Maqedoni/Shqipëri

Qeveria Gjermane i kërkon Budenstagut gjerman të marrë vendimin për hapjen e bisedimeve për anëtarësimin e Shqipërisë dhe Maqedonisë së Veriut në union.

Majkëll Rut, Sekretari i Shtetit për Europën në Ministrinë e Jashtme gjermane i është drejtuar me anë të një letre Budenstagut. Ministri gjerman shkruan se “pas dakordësisë në konkluzionet e Këshillit Evropian të 26 qershorit, në vitin 2018, për Shqipërinë dhe Maqedoninë e Veriut, që përcaktoi datën për hapjen e negociatave në qershor 2019 dhe kemi kërkuar rezultate më të prekshme për Progresin mbi reformat për Shqipërinë në pesë fushat kryesore të drejtësisë, Administrata Publike, Lufta kundër Krimit të Organizuar dhe Korrupsionit si dhe të drejtat e njeriut”.

“Qeveria federale është e mendimit që Komisioni i BE-së do të japë një rekomandim pozitiv për hapjen e negociatave të pranimit me Shqipërinë dhe Maqedoninë e Veriut. Pas publikimit të raporteve për vendet, do të vlerësohet se sa korrespondon analiza e Komisionit të BE-së për Rishikimin e Reformës me vlerësimin e Qeverisë Federale dhe do të informojë Bundestagun gjerman rreth qëndrimit të tyre”, shprehet Rut.

Por, jo vetëm Komisioni Europian ka lajmëruar qershorin e këtij viti si kohën kur do të merret vendimi, por edhe presidenca rumune e Bashkimit Europian synon vendimmarrjen në Këshillin për Çështjet e Përgjithshme më 18 qershor 2019 dhe të Këshillit të BE-së më 20 dhe 21 Qershor.

Ministri gjerman i tregon Budenstagut se Shqipëria dhe Maqedonia e Veriut kanë përafruar legjislacionin e tyre me kërkesat e BE-së dhe vazhdojnë me vendosmëri për të përparuar dhe arritur rezultate të prekshme: “Në rastin e Shqipërisë, do të doja veçanërisht të theksoja arritjet e thella dhe të nënvizoj reformën e pashembullt gjyqësore. Veçanërisht në shqyrtimin e gjyqësorit, per gjyqtarët dhe prokurorët, Shqipëria ka bërë përparim të ndjeshëm. Deri tani, pothuajse 100 persona janë kontrolluar duke përfshirë të gjitha 57 rastet prioritare. Janë marrë 97 vendime, 19 njerëz kanë dhene dorëheqja e tyre nga procesi”.

Ministri gjerman informon Budenstagun për rezultatet e vetting-ut në Shqipëri me largimin e njerëzve të drejtësisë të korruptuar. Ai shkruan se Gjykata Kushtetuese do të jetë plotësisht funksionale përsëri në gjysmën e dytë të vitit. Dhe me institucionet e krijuara rishtazi, rruga është gjithashtu e qartë për krijimin e një strukture të veçantë për të luftuar gjithashtu korrupsionin dhe krimin e organizuar nga Byroja Kombëtare e Hetimeve.

Përveç kësaj, shkruan Rut, qeveria shqiptare ka paraqitur një ligj për reformën zgjedhore dhe ka ngritur një grup pune “ad hoc” zhvilluar së bashku me opozitën dhe nën vëzhgim nga OSBE / ODIHR: “Do të doja të theksoja edhe një herë që ky do të jetë një vendim vetëm për hapjen e negociatave për anëtarësim në BE, jo një votë për pranimin në BE të dy vendeve.

Rruga drejt pranimit është e gjatë dhe i nënshtrohet kushteve të qarta. Pra, nuk funksionon aspak në lidhje me një pranim automatik, por më tepër për fazën e parë të një procesi që kërkon vite për t’u përjetesuar. Kjo procedurë ofron siguri më të mirë për përkushtimin dbe angazhimin në të gjitha reformat, si dhe të vazhdohet në mënyrë të besueshme dhe të qëndrueshme. Kjo është edhe në interes të sigurisë për vendin tonë”.

Arsyeja tjetër për të cilën qeveria federale shprehet pro hapjes së bisedimeve për Shqipërinë dhe Maqedoninë e Veriut lidhet edhe me faktorët e tretë: “Një vonesë e vendimit nga vendet anëtare do të rrezikojë zhvillime jo pozitive në rajon, do të nxisë paqëndrueshmëri dhe të fusin lojtarët e tjerë si Rusia, Kina apo Turqia. Reforma substanciale e Shqipërisë dhe Maqedonisë Veriore dhe interesat tona gjeostrategjike dhe të sigurisë flasin në favor të hapjes së negociatave të pranimit në BE me të dy vendet në qershor”.

ZHBOGAR: Jam i sigurt se Raporti i KE-së do rekomandojë negociata me RMV-në

në kategorine Maqedoni

Javën e ardhshme Komisioni Evropian do ta publikojë Raportin për gjendjen në vend dhe mendoj se ai do ta reflektojë progresin e madh që është arritur në shtet vitin e kaluar.

Unë jam i bindur se raporti do të rekomandojë hapjen e negociatave me Republikën e Maqedonisë së veriut, tha sot komisari evropian Samuel Zhbogar, duke u përgjigjur në pyetjen e parashtrua nga MIA nëse vendi do të marrë raport pozitiv dhe datë për negociata. Shtoi se vendimin për hapjen e negociatave e sjellin vendet-anëtare të BE-së mbi bazë të raportit të KE-së.

“Një vendim i tillë presim të ndodhë në qershor dhe shpresojmë se pikërisht kjo do të ndodhë. Konsideroj se vendi vitin e kaluar me të vërtetë e ka treguar përkushtimin e tij Bashkimit Evropian dhe reformave.

U morën disa vendime të rëndësishme edhe opozita edhe Qeveria punojnë në disa ligje të rëndësishme dhe konsideroj se keni me çfarë të lavdëroheni dhe shpresoj, gjithashtu, se do të jeni shembull në rajon për vend i cili është i përkushtuar në reforma”, tha euroambasadori Zhbogar, i cili sot ishte në Strumicë në projektin kulturoroartistik “Art dhe ujë – magjia e jetës”, që u mbajt në stacionin e filtrimit për ujëra të zeza.

Kandidatët për policë nga nesër nisin praktikën në udhëkryqe të Shkupit

në kategorine Maqedoni

Kandidatët për policë nga nesër do të jenë në trajnim praktikë për rregullimin e komunikacionit fizik në disa udhëkryqe të Shkupit. Kjo bëhet sipas planit të përgatitur paraprak, dhe si pjesë e kursit për trajnim bazë për policë, e cila për momentin po zhvillohet në Qendrën për trajnim në Idrizovë.

MPB njofton se gjatë periudhës nga ora 09:00 deri në orën 15:00 me datë 20, 21, 22, 27, 28 dhe 29 maj, në udhëkryqet në Sajmishte, stacionin hekurudhor, Kryqin e Kuq dhe Stara Rampa, kandidatët për policë së bashku me katër oficerë të policisë së komunikacionit do të bëjnë trajnime praktike për rregullimin fizik të komunikacionit. “Secili kandidat duhet të rregullojë komunikacionin së bashku me një oficer policie për rreth pesë deri në dhjetë minuta”, njofton MPB-ja.

FRUTHI s’ka të ndalur as në rajonin e Strugës dhe Ohrit

në kategorine Lajme

100 raste të reja të fruthit janë regjistruar për pothuajse një muaj e gjysmë në Strugë që nga shpallja e epidemisë. Nëse në fund të marsit ky numër ishte vetëm 26, të dhënat më të fundit tregojnë për 119 raste të regjistruara. Në Dibër numri është 31, ndërsa në Ohër 28. Problem serioz për Strugën është edhe numri i madh i mjekëve të infektuar dhe personelit tjetër mjekësor.

Në Strugë për çdo ditë paraqiten dy deri në tre persona të prekur. Kemi nga të gjitha moshat. Në Strugë në disa reparte kishin të prekur, për shembull në repartet interne kishte punonjës shëndetësor dhe infermiere. Ndërkohë në repartin kirurgjik janë tetë punëtorë shëndetësor të prekur – tha Jovanka Koroveshoska – Qendra e Shëndetit Publik Ohër.

Problem shtesë është që në Strugë nuk ka repart infektiv, kështu që të prekurit fillimisht paraqiten ose tek mjekët amë ose në reparte spitalore, ku si pasojë infektimi përhapet më shpejtë.

Javën e fundit kemi dukuri edhe tek nxënësit. Janë paraqitur tek nxënës që janë të vaksinuar, por vaksinimi nuk ofron imunitet solid siç ofron hospitalizimi për fruthin. Nëse hospitalizohen, arrihet imunitet solid i përhershëm – u shpreh Jovanka Koroveshoska- Qendra e shëndetin publik, Ohër.

Koroveshoska shton se me qëllim të pengimit të përhapjes së mëtutjeshme të kësaj epidemie nëpër shkolla, janë ndërmarrë masa parandaluese. Është kontrolluar statusi vaksinar i nxënësve ndërsa në shkollat ku ka raste të fruthit është bërë dezinfektim parandalues dhe izolimi i të prekurve. Gjithashtu është vaksinuar një pjesë e madhe e punonjësve mjekësorë, por edhe një pjesë e punonjësve në arsim.

/Alsat-M/

(VIDEO) VMRO-DPMNE, “miell” para Kuvendit për Bogoevskin

në kategorine Maqedoni/Video

VMRO-DPMNE para Kuvendit la një kilogram mielli për deputetin Pavle Bogoevski. Opozita tashmë një javë kërkon dorëheqjen e Bogoevskit, pasi që u publikua një bisedë ku dëgjohet se si pjesëmarrësi i “Revolucionit shumëngjyrësh ” kërkon t’ia përgatisin porosinë .

Pavle një periudhë të gjatë është i prirë drejt ” pluhurit të bardhë ” edhe atë tip 500. Prandaj ja ku e ka një kilogram miell cilësor në mënyrë që të mos poshtërohet në të ardhmen nëpër taksi të porositë nga gjysmë grami. Pavle, mielli blihet në dyqan, ashtu sikurse edhe vaj i kanabisit që blihet në barnatore. Familja Zaev e mbjell marijuanën. Pyeti ata. Mos u poshtëro me këso lloj arsyetimesh – deklaroi Sergej Popov, VMRO-DPMNE.

 

Lëshohet në përdorim aksi jugor i autostradës të Korridorit 10-të

në kategorine Bota/Lajme

Është përuruar aksi jugor i autostradës të Korridorit 10.Tani qytetarët e Shkupit dhe Beogradit mund ta përshkojnë distancën mes dy kryeqyteteve për vetëm 3 orë e gjysmë, ndërsa nga Tabanovci deri në Horgos për rreth pesë orë.Në përurimin e aksit jugor të autostradës të Korridorit 10 ishin të pranishëm, kryeministri i Maqedonisë së Veriut ZoranZaev, presidenti i Serbisë, Aleksandër Vuçiç, kryeministrja Ana Bërnabiç dhe kryesuesi i Presidencës së Bosnje e Hercegovinës, MiloradDodik.Kryeministri Zaev tha se autostrada është e rëndësishme jo vetëm për Maqedoninë e Veriut por edhe për gjithë rajonin pas kjo rrugë e sjellë Evropën në Ballkan.

Korridorit 10 tash i ngjanë vlera, lidhja dhe komunikimi evropian. Në territorin e Republikës së Maqedonisë së Veriut kjo u kompletua vitin e kaluar kur e lëshuam në përdorim aksin e fundit Demir Kapi-Smokvicë në gjatësi prej 28 kilometra. Projektin e realizuam së bashku me partnerët tanë strategjik të Bashkimit Evropian nën moton “Më mirë të lidhur – deklaroi Zoran Zaev, kryeministër i Republikës së Maqedonisë së Veriut.

Presidenti serb AleksandarVuçiq tha se autostrada do të ndikojë në zhvillimin ekonomik të rajonit.

Nuk jetojmë në botë ideale, por kjo nuk do të thotë se nuk mund ta ndërtojmë në Serbi botën ideale dhe ti përmirësojmë gjërat për rreth. Dhe të gjithë do të kenë leverdi. Në këtë autostradë do të kalojnë njerëz nga Maqedonia e Veriut, nga Greqia, do të kalojnë shqiptarët, kroatët, malazezët e qytetarët e Bosnjë Hercegovinës. Do të kalojnë të gjithë nga Evropa. Të gjithë do ta kenë më afër – tha AleksandarVuçiq, president i Serbisë.

Autostrada, mbi të gjitha, do të ketë një rëndësi të madhe për zhvillimin e rajonit, për investime të reja, për hapjen e fabrikave të reja dhe për punësim. Askush nuk mund të më bindë se rrugët tona janë më të këqija se ato në Gjermani dhe Zvicër”.

Në aksin përmes Grykës së Gërdelicës të gjatë 26,3 kilometra, udhëtarët nga Maqedonia e Veriut dhe Serbia do të kenë mundësi të kalojnë nëpër dy tunele të reja dhe 33 ura.Korridori 10 është një nga korridoret më të rëndësishme transportuese pan-evropiane që kalojnë nëpër Serbi dhe i lidh Austrinë, Hungarinë, Slloveninë, Kroacinë, Serbinë, Bullgarinë, Maqedoninë e Veriut dhe Greqinë.Vlera e aksit jugor të Korridorit 10 është 350 milion euro, fonde që kryesisht ofrohen me kredi nga Banka Botërore dhe Banka Evropiane e Investimeve.

/Alsat-M/

1 2 3 601
Shko lartë