Author

F. B

F. B has 15909 articles published.

Dy vite pa QANI MEHMEDIN

në kategorine Lajme

Vajza e Qaniut, Besiana u shpreh se çdo ditë kujton nga një thënie të tij dhe dhembjen e mposht me porosinë “Qëndro vertikalisht dhe atëherë kur e ke më së vështiri”

 Miqtë dhe dashamirët në një ambient intim e familjarë kanë bërë homazhe tek varri i Qani Mehmedit. Në dy vjetorin e largomit fizik nga jeta u përurua pllaka përkujtimore e dizajnuar me mjeshtëri nga Zeni Ballazhi e Shkodran Tolaj,realizuar nga “Mili Granit” nga Kërçova.Vendorehja e Qani Mehmedit tani ka marrë pamjen e një vendi që shpreh pastërti, atdhetarizëm dhe modesti.

Të pranishmit shprehën dhembjen, mallin dhe kujtuan veprat e tij që mbeten të pavdekshme.

Arsim Sinani i pranishëm në homazhe u shpreh se me ikjen e Qani Mehmedit u rrënua institucioni i fjalës së lirë.”Qaniu ishte akademi, Qaniu kishte pushtet të fjalës.Ne duhet që një fakulteti të gazetatisë ti vëmë emrin e tij, pse jo të themelohet një çmim me emër të tij” u shpreh ai.

Profesoresha Gjyla Çeliku u shpreh se Qani Mehmedi ishte nga ata që dha gjithçka për shoqëri pa kërkuar kurr asgjë, as pozita shoqērore”

Vajza e Qaniut, Besiana u shpreh se çdo ditë kujton nga një thënie të tij dhe dhembjen e mposht me porosinë “Qëndro vertikalisht dhe atëherë kur e ke më së vështiri” .
Dy vjetori i Qani Mehmedit u përcoll nga Televizioni”Uskana” medium ky që ishte themeluar nga vet Qaniu në vendlindjen e tij.Qaniu mbetet figura emblematike për vendlindjen e tij ku prehet në Drogomisht të Vogël, për shqiptarët në përgjithësi dhe gazetari më me ndikim në hapësirën mediatike shqiptare. Gazeta “Lajm” e Prishtinës  ku një kohë ishte kryeredaktor do ta kujtoj gjithnjë si njeriun që nuk iu dorëzua pushteteve dhe luftoi për mendimin dhe fjalën e lirë.

Emrat që BDI propozon në qeveri për drejtorë të rinj?!

në kategorine Lajme/Maqedoni

Alsat-M mëson emrat e propozuar nga BDI për drejtor të ndërmarrjeve publike.

Ndërmarrja Publike Hekurudhat e Maqedonisë – Infrastruktura, Festim Halili.

Byroja për Furnizime Publike, Elvadina Dika;

Agjencia për Investime të Huaja, Arben Vila;

Drejtoria Rrugët e Maqedonisë, Armir Sadiku;

Drejtoria e Klinikës së Gjinekologjisë, Ajrulla Mustafa;

Banka për Zhvillim, Faruk Ismaili.

/Alsat-M/

ARBEN TARAVARI priti RUFKI SUMËN (FOTO)

në kategorine Maqedoni

Kryetari i komunës së Gostivarit, Arben Taravari priti dje në kabinetin tij kryetarin e komunës së Hanit të Elezit (Kosovë), Rufki Suma.

“Ishte nder dhe privilegj të pres kryetarin e komunës së Hanit të Elezit, Rufki Suma i cili me sukses po e menaxhon komunën për tre mandate. Ai është një role model për kryetar komune dhe kuptova se ai nuk ka bërë asnjëherë fushatë aktive, madje as posterë me fotografinë e tij, që do të thotë se qytetarët dinë ta vlerësojnë punët e kryetarëve të komunave. Ky është takimi ynë i dytë, hera e parë si ministër i shëndetësisë dhe tani si kryetar i komunës së Gostivarit. Biseduam për vendosjen e një bashkëpunimi të ngushtë dhe shpresoj së shpejti t’i bëj një vizitë kthese në komunën e Hanit të Elezit”, theksoi kryetari Taravari, pas takimit.

Ndërkaq kryetari i komunës së Hanit të Elezit theksoi se komuna që drejton ai ka nevojë për eksperiencën e Komunës së Gostivarit dhe se kjo është një arsye më shumë që të rritet bashkëpunimi ndërmjet dy komunave.

“Falënderoj kryetarin Taravari për pritjen e ngrohtë. Biseduam për shkëmbim të përvojave dhe shpresojmë si rezultat i bashkëpunimit do të mund të aplikojmë për projekte të IPA fondeve”, nënvizoi kryetari i komunës së Hanit të Elezit Suma.

MOT me diell dhe temperatura të larta

në kategorine Lajme

Moti sot në Maqedoninë e Veriut do të jetë me diell dhe me temperatura të larta.

Temperaturat ditore do të lëvizin nga 15 deri në 31 gradë Celsius. Pjesa lindore e vendit do të ketë temperatura më të larta se gjithë pjesët e shtetit.

Edhe në ditët në vijim temperaturat do të jenë të larta.

Ambasadorja amerikane BËRNS për vizitë në Kuvend

në kategorine Lajme/Maqedoni

Ambasadorja e sapoemëruar e SHBA-së në vend Kejt Meri Bërns sot do ta vizitojë Kuvendin e Republikës së Maqedonisë së Veriut ku do të ketë takim me spikerin Talat Xhaferin.

Krahas kësaj, Xhaferi sot në Dhomën legjislative do të mbajë takim joformal me përfaqësues të mediave ku do të bisedohet për aktivitetet rrjedhëse dhe të ardhshme të Kuvendit.

(VIDEO) RASTI “REKET”, BËRNS: Nxisim përgjegjësi nga të gjithë zyrtarët

në kategorine Maqedoni

Ambasadorja e re e Shteteve të Bashkuara të Amerikës Kejt Bërns në një intervistë për ALSAT-M duke komentuar skandalin tashmë të njohur me emrin “Reket”, në të cilin ka pretendime për përfshirjen e mundshme të prokurores Speciale Katica Janeva, u shpreh se qëndrimi i SHBA-së është të ketë një hetim të plotë, të shpejtë dhe transparent, ndërsa nxisin kryeministrin Zaev për përgjegjësi të zyrtarëve të qeverisë.

“Këto janë pretendime shumë serioze, dhe në të gjitha rastet kur ka pretendime për korrupsion dhe shpërdorim të detyrës, ne mbështetim një hetim të plotë, të shpejtë dhe transparent. Është absolutisht kritike, që në cilindo rast me pretendime të tilla, personat të përgjigjen dhe Qeveria të veprojë. Ne njohim dhe përshëndesim hapat e marra nga Qeveria për t’i dhënë fund korrupsionit dhe të luftojë mosndëshkimin. Por ka akoma shumë punë që duhet kryer. Dhe ne do vazhdojmë të nxisim kryeministrin Zaev që të kërkojë përgjegjësi nga të gjithë zyrtarët qeveritar dhe të sigurojë që pavarësisht nga niveli i funksionit, se njerëzit të kenë besim tek institucionet qeveritare dhe ajo që ata mund të bëjnë për ta”, u shpreh Kate Byrnes, ambasadore e SHBA-së.

/Alsat-M/

Audi SQ7 tani ofrohet me motorin ‘monstrum’ të VW Group (FOTO)

në kategorine Auto/Lajme

Audi SQ7 TDI arrin me dizajn të rifreskuar e super motor të ri V8.

SQ7 ishte modeli i parë i Volkswagen Groupit që kishe motorin e përditësuar 4.0 litërsh TDI V8 në mars të 2016-ës.

Që nga atëherë modelet si Bentley Bentayga, VW Touareg e SQ8 kanë avancuar motorin e ri ‘monstrum’ me naftë, ndërsa tani si duket i ka ardhur koha familjes së Q7-shit, transmeton koha.net.

“Avengers: Endgame” e kalon “Avatarin” dhe bëhet filmi më fitimprurës i të gjitha kohërave

në kategorine Galileo/Lajme

“Avengers: Endgame” e ka tejkaluar “Avatarin” duke u bërë filmi me të ardhura më të larta i të gjitha kohërave.

Drejtori i Marvel, Kevin Feige e bëri lajmin zyrtar në panelin e studios Comic-Con në San Diego, California të shtunën, duke njoftuar se hiti filmik do ta thyejë rekordin botëror të biletarive nga Avatari prej 2,78 miliardë dollarë gjatë fundjavës, duke i dhënë fund mbretërimit nëntëvjeçar të filmit me regji të James Cameron, shkruan KOHA Ditore.

“Duke ju falënderuar juve, Avengers: Endgame është filmi më i madh i të gjitha kohërave”, iu tha Feige fansave në Hall H të Comic-Con.

Hiti në fjalë e tejkaloi rekordin e Avatarit brenda vetëm 13 javëve dhe kjo vjen derisa drejtorët në kompaninë simotër të Marvel, Disney, po e festojnë një tjetër fundjavë rekord-thyese në Amerikën Veriore, pasi The Lion King ka arritur në krye të biletarive duke u bërë hapja më e madhe e të gjitha kohërave për muajin korrik.

 

ARIANIT HOXHA: Jemi të gatshëm të bisedojmë për një Prokuror shqiptar

në kategorine Lajme/Maqedoni

Arianit Hoxha nga Lëvizja Besa thekson se me propozimin e një emri për të qenë në krye të Prokurorisë nga ana e kryeministrit Zoran Zaev dëshmon qartë se politika do të përzihet në zgjedhjen e prokurorëve.

Hoxha tha se Lëvizja Besa është e gatshme që të bisedojnë për një Prokuror shqiptarë të cilët vlerësojnë se prokurorët shqiptarë nuk kanë qenë të përfshirë në skandalet që e përshkruan vendin në këtë periudhë.

/TV21/

 

(VIDEO) Flakët djegin varkat në plazhin e Strugës

në kategorine Lajme

Flakët kanë kapluar mbrëmë parkingun e klubit “Snegar” në Strugë.

Njësitë zjarrëfikëse kanë arritur që të lokalizojnë zjarrin, mirëpo për fat të keq, të djegura kanë përfunduar 33 varka me vela, dhe 4 varka me motor si dhe komplet dokumentacioni, 60 vjet i vjetër i klubit.

Është shkaktuar dëm i madh material, mirëpo për fat të mirë nuk ka të lënduar. Anëtarët e klubit “Snegar” kanë ngelur të zhgënjyer pas fatkeqësisë së madhe e cila e kaploi këtë klub.

Publiée par SPEKTRA TV sur Dimanche 21 juillet 2019

 

MUHAMED MORSI– sfiduesi i rendit faraonian

në kategorine Opinione

Mohamed Morsi i përjetoi të gjitha llojet e torturave, por në asnjë çast nuk bëri thirrje për dhunë e për kryengritje, edhe pse regjimi faraonian e dënoi me 48 vjet burgim pikërisht për nxitje të dhunës dhe për rebelim. Në fakt, këto akuza nuk i beson askush, bile as përkrahësit e regjimit nga “bota perëndimore”, të cilët pozicionohen si memecë përballë këtyre zhvillimeve. Por, Morsi e tejkalon këtë përpjekje bajate të medieve të kontrolluara. Ai u ngrit jashtë këtyre skemave, duke trasuar mesazhet për paqen, për të mirën e përgjithshme e për bamirësinë

Shkruan: Agim Fazliu, Podujevë

Jetoi si sfidues i rendit faraonian të kohës sonë. Ndërroi jetë në rrethana tipike për këtë rend, me një mister që shpërfaq frymën arrogante të regjimit egjiptian. Është ky Muhamed Morsi, presidenti që ndërroi jetë gjatë seancës gjyqësore, më 17 qershor 2019. Ikja e tij nga kjo botë ishte lajm i ditës, por ishte një lajm i mbështjellë me dozat e larta të dyshimeve dhe hamendësimeve, tipike për rrethanat ku ndodhej lideri shpirtëror i egjiptianëve. Ato pak informata që qarkullojnë dhe janë më të besueshmet, i transmetuan të afërmit e të burgosurve të tjerë, që ndodheshin në këtë seancë gjyqësore.

Gazeta britanike The Independent raportoi duke u mbështetur te këta dëshmitarë, se zyrtarët e gjykatës e lanë Morsin të shtrirë për 20 minuta pasi ishte rrëzuar përtokë. “Ambulanca arriti pas afër 30 minutash. Të burgosurit e tjerë bërtisnin duke kërkuar ndihmë. Duket qartë se nuk e ndihmuan me qëllim”, rrëfeu Abdullah al-Haddad, babai dhe vëllai i të cilit ndodheshin në gjykatë bashkë me Morsin.

Janë lehtë të besueshme këto pretendime. Kishte vite që familjarët dhe organizatat për mbrojtjen e të drejtave të njeriut alarmonin për gjendjen e rëndë shëndetësore të Presidentit. Por, regjimi i Abdel Fattah Al Sisit në mënyrë të vazhdueshme refuzonte të ofrojë trajtim të mirëfilltë shëndetësor për Morsin, i cili besohet se vuante nga diabeti, problemet në mëlçi dhe në veshkë.

Vdekja e Morsit shënoi fundin e një sage disavjeçare prapa grilave të burgut, pasi u përmbys me anë të një grusht shteti ushtarak të përgjakshëm, më 3 korrik të vitit 2013, i udhëhequr nga gjenerali Al Sisi. Gjatë pesë viteve të burgosjes ai u lejua vetëm tre herë të takohej me familjarët dhe me avokatët. Gjatë këtyre takimeve, përtej grilave të kafazit ku e kishin mbajtur, Morsi dha disa prej mesazheve tipike për një lider të madh të lëvizjes Vëllazëria muslimane.

“Allahu është dëshmitari im. Gjatë detyrës sime nuk jam ndalur së luftuari kundër korrupsionit dhe krimit. Kam vepruar drejt dhe kam bërë gabime. Nuk kam tradhtuar dhe nuk do ta tradhtoj amanetin që ma keni dhënë. Vitet e mia i kam shfrytëzuar për të luftuar krimet e tyre dhe do ta vazhdoj këtë derisa të jetoj. Qëndroni të bashkuar dhe mos u grindni me njëri-tjetrin, sepse më pas frika bie në mesin tuaj dhe fuqia juaj, shteti juaj, ju ikë”.

Ky është njëri prej këtyre mesazheve që Morsi arriti t’ia dërgonte popullit egjiptian. Në mesazhin e mësipërm, Morsi e tha me fjalë atë që shumica e popullit liridashës egjiptian e ndiente – faktin se Presidenti ishte i pastër nga akuzat që ia kishin veshur dhe se qëndronte stoik përballë torturave. Morsi ishte i bindur se regjimi i dhunshëm nuk është i përjetshëm dhe se një ditë do të binte.

I ndrydhur në kafazin e burgut, Morsi e materializoi në praktikë doktrinën autentike të Vëllazërisë Muslimane, arritjen e qëllimeve pa përdorur forcën, që mund të nxiste reagime dhe mund të shkaktonte luftë dhe shkatërrime për gjithë popullin.

Në këtë rrugë ishin martirizuar edhe prijës të tjerë të Lëvizjes. Hasan el Benna, themeluesi i Lëvizjes u vra më 12 shkurt 1949, ndërsa në këtë rrugë u martirizua edhe Seid Kutub, i cili shumicën e librave të tij i shkroi në kohën kur mbahej në burgjet e regjimit faraonian të kohës së tij.

Morsi, një jetë luftë për ta mundur portretizimin si i dhunshëm

Tash, pas ikjes nga kjo botë, Morsi zë vend në piedestalin e liderëve shpirtërorë që trasojnë rrugën drejt të mirës. I përjetoi të gjitha llojet e torturave, por në asnjë çast nuk bëri thirrje për dhunë e për kryengritje, edhe pse regjimi faraonian e dënoi me 48 vjet burgim pikërisht për nxitje të dhunës dhe për rebelim. Në fakt, këto akuza nuk i beson askush, bile as përkrahësit e regjimit nga “bota perëndimore”, të cilët pozicionohen si memecë përballë këtyre zhvillimeve.. Por, regjimi i Al Sisit nuk kishte zgjidhje tjetër, përveçse të shpikte akuza të tilla, që ta vazhdonte praktikën e mbajtjes së pushtetit me dhunë, që nisi me grushtin e shtetit të 3 korrikut të vitit 2013.

Megjithatë, Morsi luftoi për ta diskredituar synimin për ta portretizuar si person të dhunshëm. Vetë jeta e tij ishte një luftë e tillë. Ai ishte babai i pesë fëmijëve, që ndoqi rrugën e dijes, duke kulmuar me përfundimin e studimeve të masterit dhe të doktoraturës në Universitetin Jugor të Kalifornisë në vitin 1982. Për dhjetë vjet me radhë Morsi punoi si profesor në disa universitete amerikane, pastaj në Universitetin Fatih të Libisë, e më pas ishte profesor i rregullt në Universitetin e Kajros.

Në vitin 1977 ai i bashkohet zyrtarisht Vëllazërisë Muslimane. Në vitet 2000-2005 ishte deputet në Parlamentin e Egjiptit. Për shkak të bindjeve të tij politike dhe për shkak se kishte mbështetur protestat kundër diktatorit shumëvjeçar Hosni Mubarak, më 28 janar të vitit 2011 burgoset dhe dënohet me 25 vjet burg. Po atë vit ai del nga burgu së bashku me shumë bashkëmendimtarë. Pas përmbysjes së Mubarakut me anë të protestave të Pranverës Arabe, në qershor të vitit 2012 në Egjipt u mbajtën zgjedhjet e para të lira, ku Morsi u zgjodh president, duke fituar 51.73 për qind të votave. Më 30 korrik jep betimin si president, edhe pse më parë në vitin 2011 ai kishte garuar në zgjedhjet që i organizonte Mubaraku. Por, siç pritej regjimi nuk e pranonte fitoren e tij.

Pasi erdhi në karrigen e të parit të vendit, Morsi nisi një seri të reformave që i shqetësuan shumë strukturat e regjimit të mëparshëm. Ndryshimet kulmuan me miratimin e kushtetutës së re të shtetit, me anë të së cilës, ndër të tjera, kufizohej edhe fuqia e ushtrisë me bazë laike dhe lejoheshin më shumë liri për komunitetet fetare.

Morsi demaskon pishtarët e rrejshëm të demokracisë

Për një vit sa qëndroi në pushtet Morsi u përball me protesta. Ishte krijuar një aleancë jo e natyrshme që i bashkonte i vetmi qëllim – largimi i Morsit. Këtë amalgamë të çuditshme e përbënin strukturat e ish-regjimit të Mubarakut, neoliberalët dhe selefistët.

Kjo strukturë e mobilizuar organizoi protesta në sheshin Tahrir të Kajros që u frynë nga mediat ndërkombëtare dhe krijuan përshtypjen e një revolucioni popullor kundër Morsit. Kjo i mjaftoi ushtrisë për ta rrëzuar Morsin, sipas skenarëve të njohur “të mbrojtjes së sigurisë dhe të stabilitetit të shtetit”, një sintagmë që u shërben strukturave ushtarake për të shtypur çdokënd që nuk u shkon përshtati.

3 korriku i vitit 2013 do të mbetet në kalendarët historikë si një datë kur iu dha një goditje e rëndë zgjedhjes së lirë politike dhe kur u çjerrën maskat e atyre që e trumbetojnë veten si pishtarë të demokracisë. Në 100 ditët e para pas grushtit të shtetit, pasuesit e gjeneralit Sisi, i vetëshpallur president, vranë 3.520 mbështetës të demokracisë. Vetëm në sheshin Rabia el-Adevije u masakruan 2.400 protestues. Ata fillimisht u vranë me mitraloz nga helikopterët e pastaj u shkelën kufomat me tanke. U plagosën 20.559 qytetarë dhe 20.144 të tjerë u burgosën.

Në vitet që pasuan u organizuan qindra procese gjyqësore gjatë të cilave mbështetësve të Vëllazërisë Muslimane iu shqiptuan dënime drakonike. Këto shfaqje tragjikomike vazhdojnë edhe sot, ndërsa shumica e strukturave politike perëndimore dhe gjithashtu edhe e mediave, i mbyllin sytë dhe veshët. Për ata, gjëja më e rëndësishme është se është përmbysur Morsi, i cili për një vit sa ishte në pushtet i shqetësoi strukturat faraoniane globale. Është indikative se i vetmi medium që u lejua të marrë pjesë në varrimin e tij ishte televizioni izraelit KAN. Gazetarin e këtij televizioni nuk e pengoi askush që të shëtisë nëpër varreza dhe pas kësaj e vazhdoi xhirimin edhe në rrugët e Kajros. “Drama e madhe, e cila u krijua me vdekjen e Morsit në kafazin e gjykatës në Kajro dhe pastaj u varros herët në agim nën masa të larta të sigurisë nuk ndjehet në rrugët e Egjiptit. Sikur nuk ka ndodhur asgjë”, raportoi ai.

Gazetari izraelit i këtij televizioni ka deklaruar se vdekja e Morsit nuk zuri hapësirë të rëndësishme në mediat egjiptiane të kontrolluara nga shteti dhe se për atë në media flitej si një person të rrezikshëm.

Është cinike kjo përpjekje për ta fshehur të vërtetën për Morsin me anë të një censure pa shije në mediat shtetërore. Mesazhi që ai dhe bashkëmendimtarët e tij trasuan, u krijua krejtësisht jashtë kësaj skeme të mediave të kontrolluara nga sistemi faraonian. Është një mesazh i krijuar në thirrjet për paqen, për të mirën e përgjithshme e për bamirësinë, një paradigmë që u manifestua me organizatat e shumta që kanë si strumbullar Vëllazërinë Muslimane, organizatën mëmë që ia dha botës presidentin dëshmor, pishtarin e demokracisë, Muhamed Morsin.

/Shenja/

(VIDEO) Arinjtë u dalin në rrugë biçiklistëve nga Kosova

në kategorine Kosovë/Lajme/Maqedoni

Malet e Sharrit janë të pasura me florë dhe faunë, që krijon një parajsë për sportistët ekstremë sikur biciklistët e Suharekës.

Ishte fati që Arben Kuçi dhe Blendi Sylaj që të ballafaqoheshin me një ari të madh dhe dy këlyshet e saj. Gjithçka ishte çështje sekondash.

Vet Arben Kuçi ka shkruar në llogarinë e tij në Facebook, duke thënë se ishte “një moment shumë i veçantë që rrallkush mund ta përjetojë por njëkohësisht edhe pak i frikshëm. Shyqyr shpëtuam shëndosh e mirë”.

Ai ka treguar ngjarjen se pasi që ka kaluar me bicikletë, shoku mbrapa është rrëzuar dhe e ka lënë bicikletën duke vrapuar dhe duke u shmangur.

“Fati ynë ka qenë që kemi njohur shumë mirë terrenin. E kam prit ndër vite të më ndodhë diçka e tillë, mirëpo jo në këtë formë”, ka treguar Kuçi për TherandaPost, teksa ka thënë që jo lehtë do të harrohet ky moment.

E gjithë ngjarja u xhirua nga kamera e trupit që kishte vendosur Kuçi, e të cilën video mund ta ndiqni pa koment më poshtë.

ERDON DACI me Konjasporin deri në vitin 2023

në kategorine Lajme/Maqedoni/Sport

Talenti nga Shkupi, Erdon Daci ka firmosur kontratë profesionale me ekipin e parë të Konjasporit të Turqisë. Daci deri tani ishte pjesë e kësaj skuadre, ku u aktivizua me ekipin e dytë dhe shpresat e Konjasporit, ndërsa nga sot ai ka firmosur kontratë 4 vjeçare me të cilët do të jetë i lidhur deri në vitin 2023.

Daci është pëlqyer nga trajnerët e ekipit të parë të Konjasporit dhe sezonin e ri do të jetë i përfshirë në planet e tyre. Shkupjani me ekipin e të rinjve të skuadrës turke sezonin e fundit regjistroi paraqitje të mira dhe shënoi disa gola.

/SHENJA/

(VIDEO) Miratohet nevoja e ligjit për arsim fillor

në kategorine Lajme/Maqedoni

Komisioni juridik-ligjvënës ka miratuar nevojën për Propozim Ligjin për arsim fillor dhe Propozim ligjin për mësimdhënësit dhe bashkëpunëtorët profesionist në arsimin fillor dhe të mesëm. Javën e kaluar u zhvillua debat i ashpër në këtë komision me opozitën, e cila akuzoi pushtetin dhe Ministrinë e Arsimit se nuk kanë respektuar rregulloren e Kuvendit dhe Ligjin për gjuhën shqipe gjatë dorëzimit të propozim ligjeve në Kuvend. Por sot mundësuan që ky ligj të hyjë në procedurat e mëtejme parlamentare. Ministri i Arsimit, Arbër Ademi, deklaroi se këto dy propozim ligje kanë fokus përmirësimin e cilësisë në arsim.

Ky propozim ligj është i bazuar në të dhëna, në analiza kredibile dhe përmban zgjidhje kualitative me të cilat përmirësojmë gjendjen në arsimin fillor, përmirësojmë kualitetin, përmirësojmë cilësinë. Në hartimin e të njëjtit kanë marrë pjesë përfaqësues nga grupe të ndryshme, përfaqësues nga institucione ndërkombëtare vendore, përfshirë edhe institucionet vendore, janë zhvilluar debate publike”, tha Arbër Ademi, ministër i Arsimit dhe Shkencës.

Merr detyrën BESNIK EMINI, komandanti i parë shqiptar

në kategorine Lajme/Maqedoni

Besnik Emini merr detyrën komandant i brigadës së parë të makinerisë këmbësore në komandën e përbashkët operative në shtabin e përgjithshëm të Ushtrisë së Maqedonisë së Veriut.

Emini si shqiptar i parë në këtë pozicion zë vendin e Dragan Kovaçkit, i cili në shkurt të këtij viti u emërua nga ish presidenti Gjorge Ivanov, ndërsa presidenti aktual Stevo Pendarovski abrogoi vendimin e paraardhësit të tij.

Emërimi i Eminit u bë pa prezencën e mediave, praktikë kjo e cila nuk është zbatuar asnjëherë deri më tani nga Shtabi i Përgjithshëm i Ushtrisë.

/Alsat-M/

BDI: Partitë politike nuk mund të bisedojnë për pasardhësin e Janevës

në kategorine Lajme/Maqedoni

Nuk është punë e Qeverisë apo Kuvendit që të caktojnë kreun e prokurorisë së re për ndjekje të krimit të organizuar dhe korrupsionit të lartë që duhet të zëvendësohet nga PSP-ja, mirëpo e Këshillit të Prokurorëve, komenton deputeti i BDI-së, Artan Grubi mbi propozimin e Kryeministrit Zoran Zaev, që Prokurorja Vilma Ruskoska të zëvendësojë Prokuroren Speciale Katica Janeva.

Nuk është punë e partive politike që të thellohen në vendimet kadrovike për prokuror të ri. Këtë e bënë para 4 viteve dhe e pamë që çfarë doli, shtoi Artan Grubi.

/Alsat-M/

ZHBOGAR: Nuk ka arsye për krizë politike në vend

në kategorine Maqedoni

Euro ambasadori, Samuel Zhbogar sot në Novaci ka folur mbi rastin “Reket”, ai ka thënë se Prokuroria Publike është treguar e denjë në luftimin kundër korrupsionit dhe ka treguar nivel të lartë të profesionalizmit.

“Mundohem që të shoh këtë rast nga aspekti pozitiv. Ky rast tregon se Prokuroria Publike Lufton kundër korrupsionit, dhe se paraqet praktikë gjyqësore për luftën kundër korrupsionit në nivel të lartë dhe përkrahim Prokurorinë Publike që të angazhohet dhe të punojë në kësi lloj rastesh”, ka thënë Zhbogar.

Ai ka shtuar se nuk ka  arsye për krizë politike, institucionet funksionojnë dhe vetë PSP-ja gjithashtu. Ai ka thënë se është e vërtetë se Katica JAneva ka dhënë dorëheqje dhe e ka parasysh në fakt të tillë, mirëpo nuk mohon faktin se PSP do të vazhdojë të punojë deri më 15 Shtator, deri atëherë ka kohë mjaftueshëm që partitë politike të mendojnë se si do të vazhdojë puna e PSP-së. Ka kohë që të zgjidhet.

“Në marrëdhënie me Janevën ekzistojnë shumë spekulime dhe nuk dua të hyjë në këtë temë. Është fakt se PSP-ja ishte mjaft aktive dhe është e rëndësishme për rastet të cilat tashmë i kanë hapur. Aty ka ekspertë të shumtë edhe tek pjesa e Prokurorisë edhe tek pjesa e hetuesisë dhe duhet që të shfrytëzohen edhe me tutje, mundet edhe më tej që të inkorporohet dhe të ruhet profesionalizmi i tyre”. – ka përfunduar Zhbogar.

/Alsat-M/

Kapen dy persona nga Gostivari me 11 kg marihuanë

në kategorine Lajme

Kapen dy persona nga Gostivari me 11 kg drogë të tipit marihuanë.

Alsat mëson se bëhet fjalë për dy persona me iniciale E.H dhe E.M, që besohet të jenë nga qyteti i Gostivarit, janë kapur me 11 kilogram drogë të tipit marihuanë në vendkalimin kufitar në Gjevgjeli “Bogorodica. Gjatë ditës priten detaje nga policia./Alsat/

ANALIZË: Punësime sipas çelësit “etnik” në administratën shtetërore – sa respektohet përfaqësimi i drejtë?!

në kategorine Maqedoni

Nga gjithsej 2,442 funksionarë në vend, të zgjedhur ose të emëruar, 70.7% janë maqedonas etnikë, 23.2% janë shqiptarë etnikë, 1.2% janë turq, 1.5% janë serbë, 1.3% janë vllahë, ndërsa bashkësitë dhe kombësitë e tjera janë të përfaqësuara nën një përqind. Ky është vetëm një segment i shënuar në Raportin e ri për monitorimin e parimit të përfaqësimit adekuat dhe të drejtë për vitin 2018, të përgatitur nga Avokati i Popullit. Si  problematike dhe të papërfaqësuara sa duhet përmenden punësimet e personave nga bashkësitë më të vogla etnike, veçanërisht në agjencitë shtetërore, institucionet, ndërmarrjet publike. Dokumenti tashmë u është dërguar deputetëve në Kuvend, shkruan analiza javore ekonomike e PORTALB.mk.

Përfaqësim i drejtë në qeveri dhe ministri…

Nga viti 2007 deri në fund të vitit 2018, apo gjatë një periudhe prej 11 vjetësh, numri i të punësuarve sipas “çelësit etnik” është rritur dukshëm. Me raportin e ri përfundimtar të Avokatit të Popullit që e analizon strukturën e të punësuarve në sektorin shtetëror sipas përfaqësimit të drejtë, janë përfshirë 1.374 institucione me gjithsej 138,326 punonjës.

Të dhënat tregojnë se pothuajse të gjitha organet kanë punonjës nga bashkësi të ndryshme etnike, dhe kështu në Sekretariatin për Zbatimin e Marrëveshjes Kornizë, nga gjithsej 1.552 punonjës, 1.2% janë maqedonas, 86% shqiptarë, 7% turq, 4.4% romë , e poashtu janë të përfaqësuara edhe bashkësitë e tjera etnike. Në Sekretariatin e Përgjithshëm të Qeverisë, nga gjithsej 251 të punësuar, 70.5% janë maqedonas etnikë, 8% janë shqiptarë, nga 7.6% janë turq dhe romë, e po ashtu është respektuar parimi i përfaqësimit të drejt të bashkësive të tjera. Në pjesën e punësimeve në qeveri, Avokati i Popullit i përmend sërish ata të punësuar sipas Marrëveshjes Kornizë, të cilët janë rinë në shtëpi dhe marrin rrogë me vite.

“Duke e analizuar numrin e përgjithshëm të të dhënave të marra për vitin 2018 nga Qeveria e Republikës së Maqedonisë së Veriut mund të konstatohet gjendja e mëposhtme e përfaqësimit të bashkësive etnike: Maqedonas – 27.1%, shqiptarë – 60.7%, turq – 5.7%, romë – 4.0%, serbë – 0.8%, vllahë – 0.6%, boshnjakë – 1.1% dhe të tjerë 0.1%. Ndryshe nga viti i kaluar, vërehet se raporti në përqindje është i ngjashëm për të gjitha komunitetet, duke vënë në dukje se kjo gjendja e paraqitur në këtë mënyrë është pasqyrim i punësimeve në Sekretariatin për Zbatimin e Marrëveshjes Kornizë, gjegjësisht e personave që ende nuk janë shpërndarë në institucione të tjera. Avokati i Popullit e shfrytëzon rastin të theksojë se është e nevojshme të përshpejtohet procesi i shpërndarjes së personave të mbetur që janë të punësuar në Sekretariatin për Zbatimin e Marrëveshjes Kornizë, e që ende nuk janë shpërndarë me aktvendime përkatëse në vende konkrete të punës” – thuhet në raport.

Në 15 ministritë e analizuara, vitin e kaluar kishte 24.146 punonjës, dhe edhe pse numri i Punësimeve është në rritje, Avokati i Popullit konkludon se përfaqësimi i bashkësive më të vogla etnike nuk është në nivel të kënaqshëm.

“Duke i analizuar të dhënat e marra për vitin 2018 nga ministritë mund të konstatohet gjendja e mëposhtme e përfaqësimit të bashkësive etnike: Maqedonas – 74.8%, shqiptarë – 19.7 %, turq – 1.6%, romë – 0.8 %, serbë – 1.6 %, vllahë – 0.5%, boshnjakë – 0.6 % dhe të tjerë 0.5 %. Edhe këtë vit, sikurse edhe vitet e kaluara, kemi konsatuar se tendenca e përfaqësimit të bashkësive më të vogla etnike ende është në nivel jo të kënaqshëm, veçanërisht në pozitat udhëheqëse” – theksojnë nga zyra e Avokatit të Popullit.

Nga 15 ministritë, në tetë prej tyre numri i të punësuarve shqiptarë është më i lartë se 21%, ndërsa në shtatë prej tyre numri i tyre është nën këtë përqindje, e ato janë Ministria e Punëve të Brendshme, Ministria e Bujqësisë, Ministria e Administratës dhe Shoqërisë Informatike, Ministria e Mbrojtjes, Ministria e Transportit dhe Lidhjeve, Ministria e Punës dhe Politikës Sociale dhe Ministria e Financave. Përfaqësim me më shumë se 40% të shqiptarëve etnikë ka në Ministrinë e Ekonomisë me 43.8%, në Ministrinë e Vetëqeverisjes Lokale me 55.6% dhe në Ministrinë e Drejtësisë me 41.4%.

Bashkësitë më të vogla etnike me përfaqësim të pamjaftueshëme…

Në vitin 2018 është rritur numri i të punësuarve në organet e pavarura shtetërore, gjegjësisht në agjencitë, drejtoritë, komisionet, ente dhe institucionet e veçanta publike, por vetëm në një pjesë të vogël është konstatuar përparim në zbatimin e parimit të përfaqësimit të drejtë dhe adekuat, e posaçërisht vërehet mungesë e punësimeve nga bashkësitë më të vogla etnike.

“Në një numër të madh organesh, përveç nga bashkësitë etnike maqedonase dhe shqiptare, nuk ka persona të punësuar nga bashkësitë e tjera, dhe për këtë arsye këtë vit përsëri rekomandohet që institucionet të marrin masa për zbatimin konsekuent të parimit të përfaqësimit të drejtë dhe adekuat, veçanërisht sa i përket përfaqësimit të pjesëtarëve të bashkësive më të vogla në përgjithësi dhe në pozitat udhëheqëse” – thuhet në raport.

Në shifra, vitin e kaluar në organet e pavarura shtetërore dhe në institucionet e veçanta publike dhe personat e tjerë juridikë, përfaqësimi i bashkësive etnike është me sa vijon: Maqedonas – 79.5 %, shqiptarë – 14.9 %, turq – 1.6 %, romë – 0.8 %, serbë – 1.4 %, vllahë – 0.9%, boshnjakë – 0.3% dhe të tjerë 0.6%.

Avokati i Popullit në vitin 2018 konkludoi se zbatimi i parimit të përfaqësimit të drejtë dhe adekuat në ndërmarrjet publike është në nivel shumë të ulët, veçanërisht për pjesëtarët e bashkësive më të vogla etnike.

“Zbatimi i parimit të përfaqësimit të drejtë dhe adekuat në ndërmarrjet publike sikurse edhe gjatë viteve të kaluara, ashtu edhe në vitin 2018 është në një nivel shumë të ulët, sidomos për pjesëtarët e bashkësive më të vogla etnike. Prandaj, Avokati i Popullit përsëri rekomandon se ka nevojë për seriozitet në zbatimin e këtij parimi, me ç’rast bën edhe kritikë publike ndaj institucioneve për numrin e pamjaftueshëm të personave të punësuar që u përkasin bashkësive, veçanërisht në pozitat udhëheqëse. Potencojmë se ka rritje në numrin e përgjithshëm të të punësuarve nga viti i kaluar në ndërmarrjet publike për 236 persona” – thekson Avokati i Popullit dhe i vë në dukje dobësitë në zbatimin e përfaqësimit të drejtë të bashkësive joshumicë në fondet publike, veçanërisht në dy fondet më të mëdha – Fondi për Sigurim Shëndetësore dhe Fondi për Sigurim Pensional.

Në katë fondet shtetërore maqedonasit janë të përfaqësuar me 72.0 %, shqiptarët – 23.6 %, turqit – 0.6 %, romët – 0.3 %, serbët – 1.4%, vllahët – 1.5%, boshnjakët – 0.1% dhe të tjerët 0.4%. Avokati i Popullit konstaton se gjatë përgatitjes së kësaj analize jo të gjitha institucionet dhe ministritë kanë pranuar të japin të dhëna dhe me këtë rast bën kritikë, ku përmenden: Ministria e Punëve të Jashtme, Agjencia për Kadastrin e Patundshmërive, Byroja për Metrologji, Byroja për Zhvillim Rajonal, Inspektorati Shtetëror i Devizave, Inspektorati Shtetëror për Ndërtim dhe Urbanizëm, Drejtoria për Shëndetësi Elektronike, NPK ”Ujësjellësi” Manastri, NPK “Zelenikovë”, NPK “Ujësjellësi” Ohër, shumë shkolla fillore dhe universitete.

/PORTALB/

Ja çmimet e reja të benzinës dhe naftës

në kategorine Biznes/Ekonomi/Lajme/Maqedoni

Komisioni rregullator për Energjetikë sot duhet të sjell vendim për çmimet e reja të derivateve, të cilat do të vazhdojnë nga mesnata.

Në ndryshimin e që është publikuar sot derivatet u liruan për 1 denarë.

Çmimi I ri I benzinës EUROSUPER BS-95 do të kushtojë 69,50 për litër, derisa EUROSUPER BS-98 do të kushtojë 71,50 denarë për liter.

Eurodizeli nga 62 denarë do të lirohet për një denarë dhe do të kushtojë 61 denarë, ndërsa vaji ekstra I lehtë për amvisëri do të kushtojë 50,50 denarë./Alsat/

“ZHVATJA”, JOVESKI: Paratë janë dhënë në dorë

në kategorine Maqedoni

Paratë janë dhënë në dorë, dy herë. Prokuroria që në procedurë parahetimore i konstatoi mënyrën dhe llogaritë prej të cilave janë siguruar paratë. Që të mos dëmtohet procedura, hollësi të tjera nuk do të zbuloja, thotë prokurori publik republikan, Ljubomir Joveski lidhur me rastin “Reket”.

Në intervistë për “Nezavisen vesnik” ai thekson se askush që ka kryer vepër penale nuk do të kursehet. Në pyetjen nëse hetimi për zhvatjen që e kanë detyruar dy të dyshuarit do të zgjerohet dhe do të përfshijë edhe deputetë dhe prokurorë, apo ndoshta edhe personalitete të tjera, Joveski thotë se hetimi do të zgjerohet për të gjithë personat e involvuar në rastin konkret, si dhe për vepra të tjera penale nëse gjenden dëshmi të tilla.

“Në këtë moment nuk mund të thuhet nëse do të përfshihen deputetë, prokurorë apo personalitete të tjera. Veprojmë në mënyrë joselektive dhe veprën do ta hetojmë dhe ndriçojë tërësisht dhe në mënyrë gjithpërfshirëse. Askush që ka kryer vepër penale nuk do të kursehet”, thekson prokurori publik shtetëror. Në pyetjen nëse dëshmitari ka dhënë 1,5 milion euro në mënyrë që të ndërpritet procedura, e me atë e ka shkelur ligjin si mundet ai të mos jetë pjesë e përgjegjësve për këtë rast, sepse është i qartë qëllimi i tij që me ato para të korruptojë prokurorë, Joveski thotë se Prokuroria do të hetojë nëse qëllimi ka qenë të korruptohen prokurorët apo vetëm të shfrytëzohet ndikimi i të dyshuarit të parë ndaj prokurorit publik.

Haga nuk mund t’ia merr Ramushit shkëlqimin e luftës për liri

në kategorine Opinione

Pengesa e quajtur Ramush Haradinaj tash e tutje nuk ekziston dhe mbetet të presim se çka do të sjell e nesërmja pa Ramushin në krye të Qeverisë së Kosovës

Shkruan: Mehmet PRISHTINA

Lajmi më ri që u shoqërua me habi e paqartësi, vazhdon të jetë rasti i Ramush Haradinajt, i cili dje u tërhoq nga pozita e Kryeminsitri të vendit, pas ftesës që ai kishte marrë nga Gjykata Speciale e Hagës, në cilësinë e ‘të dyshuarit’.
Pse befasi dhe parartësi?
Askush nuk e priste se pikërisht kryeministri i Kosovës, pikërisht në këtë interval kohor, do të jetë në shënjestër të kësaj gjykate.
Kurse paqartësia ka të bëjë me prapavinë e këtij procesi, që për shumë kend mbetet një mjegull që futet qëllimisht mbi qiellin e Kosovës për të turbulluar situatën politike, në prag të vendimeve historike që mund t’ia ndryshojnë kursin disa zhvillimeve që mund të jenë të disfavorshme për vetë Kosovën.

Ramush Hardinaj nuk është një emër i thjeshtë. Ai është emblemë e një krenarie që u kunorëzua me shumë sakrifica në shumë beteja të UÇK-së, të cilat, pa prejashtime kan lavdinë e tyre qē do të jetojnë sa të ketë jetë në tokë, bashkë me lavdinë do të jetojnë edhe Heronjët e kësaj lufte, Adem dhe Hamëz Jashari. Luan e Shkëlzen Haradinaj, Fehmi dhe Xhevë Lladrovci, Abeja,Agimi e Sali Qeku e mijëra heronjë e dëshmorë tjerë të Kosovës tonë.
Por, lavdia ka edhe Heronjët e gjallë, të cilët me rrëfimet e tyre na mësuan edhe më për së afërmi betejat e lavdishme, betejat mitike, beteja që kur i dëgjonim nga ish luftëtarët tanë na dukeshin si beteja e 300 spartanëve nga historia e lashtë.

Lufta e UÇK-së ishte më shumë se heroizëm, epike, jo ndoshta nga përmasat e tyre por nga matematika e numrave dhe armëve të përdorura. Të gjitha ato kanë dicka nga lufta epike e 300 iliro spartanëve kundër dhjetëra mijëra persve në lashtësi.
Kjo luftë për çlirim ka dicka hyjnore dhe të pashkrueshme me fjalë në letër.

Epike, me përmasa të padëgjuara më parë dhe jashtë cdo strategjie që ka mundur të bëjë dikush deri sot, ishte edhe lufta e Komandantit të Dukagjinit, Ramush Haradinaj.

Cilindo rrëfim ta dëgjosh, nga cili do luftëtar i atyre betejave do të mësosh një të vërtetë tē madhe, luftën titanike, të lavdishme të djemve e vajzave tē udhëhequr nga Ramush Hardinaj kundër mijëra trupave, te armatosura me armet më moderne te kohës dhe aviacion serbe.
Ramushin nuk e ndali as rënia e dy vëllezërve në frontet e luftës Gjeneralëve Shkëlzendhe Luan Haradinaj, e as vështirësitë tjera, ai vazhdoi deri në liri.
Kam dëgjuar shum rrëfime nga ato beteja në Dukagjin, jo strategji po rrëfime që nga Gjeneralët e Lavdisë e deri te ushtarët që ndoshta edhe nuk njihen mes vete por kan një të përbashkët: turpërimin e Armatës Jugosllave dhe fitoren e spartanëve të UÇK-së.
Ramushi, doli fitimtar nga lufta për liri, por nuk e ndali luftën për zhvillimin e Kosovës së lirë. Duke parë ndasitë e mëdha politike pas lufte ai u kyq në jetën politike duke bërë koalicion me ish Presidentin Ibrahim Rugova dhe duke i dhënë kështu Kosovës edhe shembullin se mbi dallimet e cfardo forme qofshin ato, Kosova është e para.
Puna e tij si Kryeministër u ndërpre pas 100 ditëve nga ana e Tribunalit të Hagës nga ku doli fitimtar.
Haradinaj edhe njëher, për të dytēn herë u përball me Hagën por prap doli fitimtar duke rrëzuar akuzat e Serbisë fashiste dhe këlyshve të tyre kundër luftës së UÇK-së.

Ramushit dhe shumë luftëtarëve tjerë as Haga e askush nuk mund të ju marr asnjëher shkelqimin e luftës për liri. Ata jan vetë liria që ne sot e përjetojmë.
Akuza e djeshma nga ana e Gjykatës Speciale, tregoi edhe njëher se gabimet e disa politikanëve kosovar do të vazhdojnë ti kushtojnë Kosovës në rrugën e saj për zhvillim.
Dorëheqja si kryeministër, tregoi se Ramush Haradinaj vazhdon që edhe më tej tē ruaj nderin dhe moralin si luftëtar dhe burrështetas i vërtetë i Kosovës.
Taksa ndaj mallrave serbe, krijimi i ushtrisë, rritja e zhvillimit ekonomik jan vetëm disa nga të arriturat e punës gati dy vjeqare të Kryeministrit Haradinaj deri dje.
Ai tregoi edhe njëher se Kosova është mbi gjithçka.

Personalisht, mendoj se tani Kosova dhe shqiptarët në përgjithësi kan ardhur në një moment tjetër politik. Është momenti që shqiptarët ti kthehen plafotmës së patriotëve të mëdhenjë tē historisë sonë kombëtare, kurse shembullin e ecjes më tutje të kombit ta kërkojm tek njëri ndër ideologët kryesorë të çlirimit dhe bashkimi kombëtar të shqiptarëve, Hasan Prishtina, i cili tërë jetën e tij e kishte lidhur me fatin e kombit e Atdheut.

Përballja me drejtësinë nuk është kurrfarë risie për Ramush Hardinaj, për arsye se ai këtë e ka provuar në disa raste, por ajo që është për t’i habitur edhe ekspertët e jurisprudencës është fakti se si është e mundur që pikërisht Ramush Haradinaj ishte ndër politikanët e rrallë të Kosovës që i sfidoi të gjitha filtrate e drejtësisë ndërkombëtare, të ftohet sërish nga një Gjykatë Speciale, e cila gjoja qenka më drejtësi kërkuese se sa gjykatat parendëse, në të cilat Ramushi u shpall i pafajshëm.
Tani kur sërish ftohet në Hagë, Ramush Haradinaj, por në cilësinë e të ‘dyshuarit’ askush nuk beson se ky është një gjykim thjeshtë kundër një personi. Metodologjia mbi të cilën bazohet puna e kësaj Gjykate, lë për të kuptuar, nën rreshta, se ajo megjithatë nuk është imune nga forca të jashtme të cilat janë të interesuara ta shantazhojnë pikërisht këtë faze të proceseve nëpër të cilat po kalon Kosova. Nëse dikush ishte pengesë që të mos ndodhin disa zhvillime degarduese në Kosovë, ishte pikërisht Ramush Haradinaj, dhe kjo si duket dikujt nuk i konvenoi, andaj edhe u kërkua eliminimi i tij si shef i ekzekutivit të Kosovës.
Ka të ngjarë që Ramushi sërish të shpallet i pafajshëm, por efekti që dëshirohet të arrihet me elminimin e tij politik, është kauzë e atyre që duan të kryejnë punë në këtë fazë pa të. Dhe kjo është shumë e rëndësishme, duke i marrë parasysh edhe disonancat e qëndrimeve politike që u shfaqën muajve të fundit rreth vendimit për vendosjen e taksës 100% ndaj mallrave serbe, ku Ramush Haradinaj ishte gati i vetëm kundër të gjithëve, brenda e jashtë Kosovës.
Pengesa e quajtur Ramush Haradinaj tash e tutje nuk ekziston dhe mbetet të presim se çka do të sjell e nesërmja pa Ramushin në krye të Qeverisë së Kosovës.
Por, armiqtë e shtetit të Kosovës kanë harruar se edhe pas Ramushit, çdo shqiptar i ndërgjegjshëm është pengesë për realizimin e skenarëve ogurzezë për Kosovën. Këtë e ka dëshmua edhe historia, sidomos periudha pas eliminimit fizik të Hasan Prishtinës, kur vetëdija politike kombëtare e shqiptarëve u zgjua edhe më tepër, në saje të ndikimit të fuqishëm që kishte lënë kjo figure e madhe kombëtare në brezat e mëvonshëm.

ASH-ja reagon kundër grafiteve antishqiptare në Kumanovë

në kategorine Lajme/Maqedoni

ASH Kumanovë reagon ashpër kundër grafiteve me përmbajtje raciste që janë shfaqur nëpër disa vende në Kumanovë, me çrast hapur kërkohet vdekja e shqiptarëve.

“Ky veprim nuk ka ndodhur për herë të parë, por është përsëritur edhe në të kaluarën disa herë, dhe se deri tani asnjëherë nuk është gjetur fajtori dhe askush nuk është dënuar për këtë vepër me thirje raciste.

Bëjmë apel MPB menjëherë ti gjejë fajtorët që hapur kanë shprehur urrejtje dhe ti paraqesin para organeve të drejtësisë. Nëse u kapën të rinjtë që shkruajtën kundër dukurive negative që e identifikojnë partinë shqiptare në pushtet BDI-në, atëherë institucionet duhet të veprojnë edhe në këtë rast ku hapur shprehet racizmi dhe urrejtja kundër një etnie siç janë shqiptarët dhe ku kërkohet vdekja e shqiptarëve”, thekson dega e ASH-së Kumanovë.

FOTO ARKIV

Shfaqen grafite antishqiptare në Kumanovë (FOTO)

në kategorine Lajme

Grafite antishqiptare janë shfaqur kohëve të fundit në qytetin e Kumanovës. Pas një kohe të shkurtërt “paqeje” duke mos parë grafite apo shkresa raciste kundrejt shqiptarëve, sërish ditëve të fundit po shfaqen grafite/shkresa në zona të mirë banuara.

Është shqetësuese fakti që Ministria e Punëve të Brendshme si dhe institucionet lokale të komunës së Kumanovës nuk kanë ndërmarrë masa në parandalimin, kapjen dhe pastrimin e këtyre fyerjeve tejet skandaloze.

Ndonëse Ministria e Punëve të brendshme ishte e aftë që të etiketojë aktivist politik qe shkruanin grafite politike në Tetovë dhe Gostivar, e të njëjtit protagonist ti ftoj në bisedë informative për aksionet politike, për një rast si ky ku shfaqen parulla shoviniste, siç duket Ministria si dhe komuna e Kumanovës ka zgjedhur heshtjen.

Kjo padyshim se do reagim të menjëhershëm pasi që përkeqëson marrëdheniet ndëretnike dhe është kundër vlerave euro-atlantike ku ky vend është duke synuar. /Realiteti

“Plakja” në FACEAPP krahasohet me foto të plakjes së vërtetë (FOTO)

në kategorine Lajme

Aplikacioni u bë aq i përhapur sa përveç mediave më të rëndësishme, u përmend nga politikanë të ndryshëm, të cilët e quajtën një mënyrë ruse për të vjedhur të dhënat private të perëndimorëve, e madje u kërkua që të nisë një hetim nga FBI.

Por pyetja që mundon këdo është se sa i saktë mund të jetë parashikimi? Për të vërtetuar këtë duhen testuar foto të vjetra e të shihet se si kanë ndryshuar. Më poshtë janë disa raste të tilla, përcjell Top Channel. Në foton e parë është aktori anglez, Sir Ian McKellen, në rini. Në foton e dytë është vjetrimi nga Faceapp. Në foton e tretë është fotoja se si është plakur vërtet.

1 2 3 637
Shko lartë