Author

F.S

F.S has 11826 articles published.

Aplikacionet Android funksionojnë ngadalë? Ja çfarë duhet të bëni

në kategorine Teknologji

Telefonët Android janë të mrekullueshëm por nuk janë imun ndaj kohës. Ndërsa gërvishtjet dhe dëmtimet fizike mund të parandalohen me këllëfë apo duke i mbajtur me kudjes, është më e vështirë të parandaloni ngadalësimin e sistemit i cili dëmton dukshëm eksperiencën e përdoruesit.

Vjen një ditë që telefoni juaj nuk ju duket aq i shpejtë se ç’ishte në fillim. Kur kjo ndodh, ju duhet më shumë të gjeni një zgjidhje, një proces acarues ku çdo tentativë duket sikur nuk funksionon.

Pasi mbyllni disa aplikacione në sfond apo aktivizoni e çaktivizoni disa funksione, e gjitha që ju ngelet është të provoni një resetim të telefonit.

Megjithatë ka ngelur edhe diçka tjetër që duhet të bëni dhe ajo është të pastroni depot e aplikacioneve.

Duke i pastruar depot – cache – ku aplikacionet ruajnë të dhëna të përkohshme, mund të rezultojë proces po aq efektiv sa edhe një resetim i telefonit në rritjen e performancës së tij.

Gjithashtu ky proces nuk rrezikon të dhënat personale, konfigurimet tuaja e as aplikacionet e instaluara. Natyrisht disa të dhëna si informacione kyçjeje do të humbasin.

Është e mundur që me kalimin e kohës të dhënat e ruajtura në depot e aplikacioneve mund të korruptohen duke shkaktuar probleme në performancë, dështim të aplikacioni, ndërfaqe të ngadaltë që zakonisht kërkojnë një resetim. Nëse telefoni apo pajisja juaj shfaq këto simptoma, pastrimi i depove të aplikacioneve është ajo që duhet të bëni për tu rikthyer tek performanca normale.

Ja sesi të fshini depot e aplikacioneve në Android

Siç e përmendëm më lart të fshish depot e aplikacioneve nuk do të preken të dhënat personale e as konfigurimi i sistemit e as të çinstalohen aplikacione.

Por mund të humbisni kredencialet, lojërat e luajtura dhe të dhëna të tjera të përkohshme. Nëse dëshironi të ruani këto të dhëna duhet të bëni një “back-up” sistemi.

Gjithashtu nëse keni tentuar pastrimin e depos së aplikacioneve por nuk ka zgjidhur problemin, atëherë duhet të bëni një reset të plotë.

Android 9 Pie

Një prej mënyrave më të thjeshta është të përdorni aplikacionin e Google të quajtur Files by Google. Mund tu duket zgjidhje e çuditshme por është mënyra më e thjeshtë për ta bërë.

  1. Shkarkoni Files by Google nga dyqani i aplikacioneve. Siguroni ti garantoni leje aplikacionit për të aksesuar memorien dhe përdorimin e aplikacioneve gjatë instalimit
  2. Hapni aplikacionin. Automatikisht do tu informojë për të dhënash e përkohshme, aplikacionet e panevojshme dhe të dhënat që zënë hapësira dhe që fshihen pa shkaktuar probleme.
  3. Fshijini të dhënat dhe aplikacionet e tepërta dhe panevojshme dhe shpresojmë të keni gjetur zgjidhje.

Fshijini individualisht depot e aplikacioneve në Android 9 Pie

Këtë procedurë mund ta aplikoni nga Cilësimet te Sistemit në vend të aplikacionit Files by Google përmendur më lartë.

  1. Hapni Settings
  2. Shkoni në Apps & Notifications > See all
  3. Shkruani emrin e aplikacionit dhe shtypni më pas “Data Usage”
  4. Shtypni “Clear Cache”
  5. Përsëritni procedurën për të gjitha aplikacionet

Versionet më të vjetra të Android

  1. Fikni telefonin
  2. Shtyni dhe mbani të shtypur butonët e ndezjes dhe zbritjes së volumit derisa pajisja të hyjë në modalitetin e rikuperimit (Recovery Mode.)
  3. Zgjidhni gjuhën e preferuar
  4. Selektoni “Wipe Data and Cache” dhe më pas “Wipe Cache
  5. Klikoni “Yes” për ta konfirmuar
  6. Pas procesit të fshirjes së depos rindizni telefonin /PCWorld Albanian

Burimi: http://pcworld.al/

Një ransomware bllokon të dhënat derisa youtuberi PewDiePie të arrijë 100 milionë abonentë

në kategorine Teknologji

Ajo që filloi si një shaka tashmë është shndërruar në një gjest të shëmtuar. Fansat e PewDiePie kanë filluar të aplikojnë metoda ekstreme për tu siguruar se njerëzit do të abonohen në kanalin YouTube të PewDiePie dhe youtuberi të arrijë sa më parë 100 milionë abonentë.

Përpjekja më e fundit përfshin një ransomware i cili bllokon të dhënat e përdoruesve derisa PewDiePie të arrijë 100 milionë abonentë.

Njohur si PewCrypt, ky ransomware i bazuar në Java enkripton të dhënat e përdoruesve të cilët mund të rikuperohen vetëm në një datë të caktuar.

Megjithatë një ransomware tjetër po që ka lidhje me fenomenin PewDiePie, bllokon të dhënat dhe rikuperimi i tyre është i pamundur.

Ky i fundit quhet PewDiePie ransomware dhe është i shkruar dobët si një version i modifikuar i ShellLocker ransomware.

Ransomware në fjalë bllokon të dhënat dhe çelësat e enkriptimit nuk ruhen askund duke çuar në bllokimin e përhershëm të të dhënave.

Ndërsa PewCrypt enkripton të dhënat por ka një problem, ju nuk blini dot çelësin e dekriptimit.

Viktimat duhet të presin gjersa PewDiePie të arrijë 100 milionë ndjekës përpara se të lejohen të dekriptojnë të dhënat.

Duke qenë se PewDiePie ka 90 milionë abonentë aktualisht, viktimave do tu duhet të presin goxha kohë. Për ti bërë gjërat më keq, PewCrypt kërcënon me fshirje të çelësave të enkriptimit nëse T-Series arrin i pari 100 milionë abonentë.

Sipas ZDNet edhe pse ransomware filloi si shaka, sot janë infektuar një numër i konsiderueshëm përdoruesish. Për fat të mirë autori i PewCrypt duke pasur parasysh pasojat që vinë nëse autoritetet ndërhyjnë publikoi kodin e ransomware në GitHub si dhe mjetet e dekriptimit.

Menjëherë ekipi i Emsisoft ka publikuar një aplikacion për dekriptimin e PewCrypto. Prandaj nëse jeni një prej të prekurve nga ransomware, tashmë keni mundësinë të rifitoni aksesin në të dhënat tuaja përpara se PewDiePie të arrijë 100 milionë abonentë. /PCWorld Albanian

Burimi: http://pcworld.al/

Stoli i Shqipërisë, Reja jep përgjigjen e tij

në kategorine Sport

Trajneri veteran Edi Reja përflitet se do të marrë drejtimin e Shqipërisë. Ai takoi presidentin Armand Duka dhe duket se është gati për sfidën e re.

 

“Ka qenë një ndeshje e mirë e Shqipërisë për rreth 15 minuta, më pas skuadra pati vështirësi nuk pati konkluzion të rasteve.

 

“Unë kam ardhur të shoh lojtarë, sepse punoj për shoqëri të ndryshme italiane, për këtë arsye jam gjithmonë në lëvizje.

 

“Ftesa për stolin? Jo, jo… Nuk flas për këtë….”

Burimi: https://sot.com.al/

A ishte Mata Hari spiune, apo thjesht një “kokë turku”?

në kategorine Kulturë

Nga Barbara Maranzani

Vajza lozonjare e një mulluxhiu të pasur holandez, e braktisi që në adoleshencë familjen e saj. Margareta Zele, u arratis më pas nga një martesë abuzive me një oficer të ushtrisë në Indinë Lindore Holandeze (Indonezia e sotme), para se të shkonte në Paris, ku u bë e dashura e disa burrave me pozitë.

Kur një nga dashamirësit e saj, i sugjeroi të bëhej një balerinë, ajo e rishpiku veten, duke marrë emrin e skenës Mata Hari, një fjalë malajzeze që do të thotë “syri i ditës”, ose “lindja e diellit”. Me emrin e ri, erdhi edhe biografia e re. Duke përfituar nga fiksimi i Evropës me Lindjen e Largët, Mata Hari pretendonte se ishte vajza e një kërcimtari indian, apo se kishte lindur në ishullin e Javas.

Për shkak të ndjeshmërisë sociale mbi kërcimtaret, ajo pretendonte se aktiviteti i saj i zakonshëm ishin vallet fetare në tempujt e Javas, duke i lejuar audiencës së saj të pretendonte, se po shihte shfaqje edukative. Ajo udhëtonte shpesh në vendlindjen e saj në Holandë, dhe vazhdoi të performojë me stilin e saj ekstravagant, si dhe lidhjet me burrat në të dy anët e konfliktit.

Kur ndodhej në qytetin e Hagës më 1915, ajo u kontaktua nga një diplomat gjerman, i cili i ofroi asaj ekuivalentin e sotëm prej 61.000 dollarësh për të spiunuar për Gjermaninë. Megjithëse pranoi paratë, të cilat më vonë do të përdoren kundër saj në gjyqin për spiunazhit, ajo mohoi të ketë bërë ndonjë spiunim për Gjermaninë, dhe pretendoi se i mori paratë si rimbursim, për sendet personale që i ishin konfiskuar nga Gjermania kur filloi lufta.

Pasi u rikthyr në Paris, ajo tërhoqi vëmendjen e Zhorzh Laduks, drejtues i kundërzbulimit francez, i cili e kishte vënë prej kohësh nën vëzhgim, por nuk kishte mundur të gjente asnjë provë për spiunimin e saj. Në vitin 1916, kur ishte gati 40 vjeç, dhe me karrierën e saj të vallëzimit në perëndim, dhe kur të adhurat e saj financiare u pakësuan, Mata Hari ra në dashuri me oficerin rus Vladimir de Maslof.

Kur u plagos në kokë, Mata Hari iu lut Departamentit të Luftës, për një leje udhëtimi për ta vizituar Maslof. Zyrtarët, përfshirë Laduks, kërkuan që ajo të bëhet spiune e francezëve, në këmbim të parave që Mata Hari shpresonte të përdorte për t’u martuar me Maslof.

Ajo ra dakord, por neglizhoi t’i tregonte Laduks se tashmë kishte pranuar të spiunonte për Gjermaninë. Në fund, duket se Mata Hari ishte një spiune e pasuksesshme, pavarësisht nëse ishte rastësisht apo qëllimisht.

Laduks, ndoshta duke shpresuar ta fuste në grackë, nuk i dha asaj udhëzime se kush duhet të synohet si burim. Dhe Mata Hari, ndoshta e pavetëdijshme për lojën e rrezikshme që po luante, nuk bëri asnjë përpjekje për të fshehur lidhjen e saj me agjencinë e Laduks, duke e shkruar emrin e saj në postë dhe telegrame (që mund të ishin kapur lehtësisht), dhe vizitonte shpesh zyrat e saj për të kërkuar shlyerjen e pagesave.

Atë nëntor, autoritetet britanike e arrestuan ndërsa po udhëtonte nga Spanja në Holandë. Pasi u morr për disa orë në pyetje, Mata Hari rrëfeu se ishte punësuar nga Laduks. Ky e tradhëtoi atë, duke u thënë britanikëve se ai e kishte angazhuar vetëm që ta shkëpuste atë nga aktiviteti si spiune e gjermanëve.

Mata Hari u deportua në Spanjë, ku filloi një marrëdhënie romantike me oficerë ushtarakë gjermanë dhe francezë. Kur mësoi për një zbarkim të planifikuar të trupave gjermane në Marok nga një prej të dashurve të saj, ajo u përpoq të vintë në dijeni Laduks. Mata Hari nuk ishte në dijeni, që Laduks po monitoronte fshehurazi radiokomunikimet mes Madridit dhe Berlinit, me shpresën e mbledhjes së provave për agjenturën e saj të dyfishtë.

Laduks, përdorte mesazhe që ai pretendonte se e kompromentonin rëndë Mata Harin, për të siguruar arrestimin e saj. Disa historianë besojnë se gjermanët, të pakënaqur me mungesën e mbledhjes së informacioneve inteligjente prej saj, mund të kenë dërguar mesazhe false duke e quajtur atë si agjente gjermane, për të siguruar arrestimin e saj nga Franca.

Versionet origjinale të këtyre komunikimeve, kanë humbur. E vetmja dëshmi që ekziston sot, është versioni që është përkthyer personalisht nga Laduks, çka ka ngjallur dyshime se prova u fabrikua. Vetë Laduks u arrestua dhe u akuzua si një agjent i dyfishtë, por në fund u lirua.

Shumica e historianëve, besojnë se arrestimi dhe ndjekja e saj penale, ishte përcaktuar me kohë nga Laduks dhe zyrtarët francezë. 1916-a, kishte qenë një vit me pengesa serioze për Francën në Frontin Perëndimor, çka i kishte demoralizuar ushtarët, që nuk donin të luftonin më.

Stili luksoz i jetes së Mata Harit, dhe lidhje e shumta intime, e bënë atë një objektiv të lehtë, veçanërisht në krahasim me gratë franceze, që po bënin sakrifica të mëdha gjatë luftës, duke përfshirë edhe burrat dhe djemtë e tyre.

Mata Hari u arrestua në shkurt 1917. Ajo u mbajt në kushte të rrepta sigurie, dhe u lejua të takohej vetëm me avokatin e saj të moshuar, një ish dashnor pa përvojë në gjykatat ushtarake. Ajo iu nënshtrua pyetjeve të ashpra nga prokurori Pier Bushardo, duke pranuar se kishte marrë para, porse nuk kishte spiunuar asnjëherë për Gjermaninë.

Ajo çka e rëndoi më tëj pozitën e saj, ishte shprehia e lindur për të trilluar faktet mbi jetën e saj, duke bërë që të jepte deklarata kontradiktore (dhe potencialisht të dëmshme). Në gjyqin e saj, prokurorët pohuan se informacionet inteligjence që ajo kishte dhënë, e benin atë drejtpërsëdrejti përgjegjëse për vdekjen e dhjetëra mijëra ushtarëve të forcave aleate.

Por ata nuk qenë në gjendje të paraqesnin ndonjë dëshmi të drejtpërdrejtë të spiunimit të saj, ndërsa në mënyrë të përsëritur e përdorën mungesën e moralit, si dëshmi të karakterit të saj të ulët. Bushardon tha:”Pa skrupuj, e mësuar ta përdorin burrat, ajo është lloji i gruas që lind për të qenë një spiune!”.

Gjykata e përbërë vetëm nga burra e dënoi atë brenda 45 minutave. Ajo vazhdoi të këmbëngulte në pafajësinë e saj, teksa u ekzekutua nga toga e pushkatimit më 15 tetor 1917. Brenda pak muajve nga vdekja e saj, u botua biografia e parë “Mata Hari”. Që atëherë, ajo ka qenë subjekt i qindra librave dhe eseve.

Greta Garbo, luajti rolin e saj në një film artistik në vitin 1931. Filmi u bazua në jetën e saj, por u censurua shumë pas daljes në kinema, për të hequr disa nga detajet e tij më të “fshehta”. Historia e saj, është shfaqur gjithashtu në teatër, muzikalë, madje edhe në balet dhe opera.

Ajo konsiderohet ende sot një frymëzim, për çdo femër fatale. Megjithatë, historianët vazhdojnë të debatojnë nëse ishte vërtet një agjente e fshehtë, apo thjesht një viktimë e kapur në vorbullën e seksizmit, intrigave dhe propagandës së luftës.

Biography – Bota.al

Burimi: http://www.bota.al

Shkarkimi/Panuçi akuzon dhe zbulon prapaskenat: Jeni të mësuar me cirk! Por, në ikje e rregullon

në kategorine Sport

Christian Panucci nuk është më trajner i Kombëtares shqiptare. Humbja 2-0 me Turqinë, në mbrëmjen e së premtes i kushtoi shumë trajnerit italian. 45-vjeçari largohet nga pankina kuqezi, pasi e drejtoi atë për thuajse dy vite.

Panucci është larguar me avionin e parë për në Romë, mëngjesin e së shtunës. Përpara nisjes, në një intervistë për Top Channel, Panuci zbardh vendimin e presidentit Duka.

“Ishte një vendim i presidentit dhe unë e pranoj. Ka qenë një eksperiencë fantastike dhe falënderoj të gjithë Shqipërinë. Punova në qetësi të plotë falë presidentit Duka, por në fund rezultatet nuk ishin të mira dhe presidenti vendosi që të më largojë. Ishte diçka shumë e rëndësishme që të isha trajner i një kombëtareje, për këtë arsye i detyrohem të gjithëve një FALEMINDERIT”, tha Panucci për Top Channel.

Trajneri nga Roma e udhëhoqi kombëtaren shqiptare për 15 ndeshje, nga të cilat 9 humbje, 4 fitore dhe 2 barazime. Bilance të cilat kanë sjell herë pas here ofendime të tifozërisë ndaj trajnerit.

“Ka gjithmonë një fajtor dhe në këtë rast unë jam përgjegjës. Njerëzit kur humbet Shqipëria vuajnë, në fakt vuaj edhe unë. Gjithsesi kam shumë respekt për të gjithë shqiptarët. I kam falendëruar sot në mëngjes të gjithë lojtarët për gjithçka që më kanë dhënë deri në momentin e fundit. Uroj që të bëjnë gjëra të mira do të jenë gjithmonë në zemrën time”, shtoi ish trajneri i kuqezinjve.

Pyetjes nëse kjo skuadër ka shanse për të bërë më mirë dhe a ishte ky vendim i duhur, Panuci i përgjigjet…

“E uroj këtë. Shpresoj që ky të jetë një vendim i drejtë, por vetëm koha do ta tregojë”.

Burimi: https://sot.com.al/

Lansimi i Zgjidhjes Digjitale “EduPerformanca” të Projektit Tech4Policy

në kategorine Teknologji

Me datë 27 Mars, ora 10:00 AM, në hapësirën e Termokiss, në Komunën e Prishtinës do të zhvillohet ngjarja përmbyllëse e Projektit Tech4Policy

Përmes një angazhimi të ngushtë me qytetarët dhe liderët vendorë, Tech4Policy ka punuar të kontribuoj në qeverisjen e mirë në Komunat e Kosovës, duke fuqizuar gratë e reja në TIK, ku ky sektor ka edhe potencial të lartë të punë1024

Gjatë periudhës 2 vjeçare, Tech4Policy ka punuar me 10 Komuna ku 4 prej tyre ishin përfituese të Projektit dhe ka angazhuar 250 vajza të reja në Kosovë në zhvillimin e zgjidhjeve digjitale që kontribuojnë në aktivizimin dhe angazhimin e komunitetit.

Gjatë vitit të fundit të implementimit të projektit Tech4Policy, 9 vajzat që ishin përfitueset e projektit brenda fazës së inkubimit, punuan mbi platformën e re që ka të bëjë me vlerësimin e performancës mësimore në shkollat e mesme në Kosovë. Edukimi është një prej shtyllave kryesore që ndihmon në zhvillimin e një shteti, dhe duke i vërejtur hapësirat për përmirësim në këtë fushë në Kosovë, vajzat e Tech4Policy me ndihmën e mentorëve të tyre, arritën në përfundim që zgjidhja digjitale të jetë në fushën e edukimit.

EduPerformanca, zgjidhja digjitale, u prezentua në tri Komuna përfituese të projektit, Komuna e Vitisë, Kamenicës dhe Klinës, ku nxënësat e shkollave të mesme në këto komuna patën mundësinë të njoftohen më shumë rreth kësaj platforme dhe të fusin disa të dhëna aty.

Pas dy vitesh punë konsistente dhe të pandalur, fundi i projektit po afrohet. Me 4 zgjidhje digjitale të zhvilluara, që synojnë të paraqesin zgjidhje për çështjet e rëndësishme që Kosova po përballet, po përmbyllet kapitulli i këtij projekti.

Prandaj, për ta përmbyllur sa më mirë, Open Data Kosovo, po organizon këtë ngjarje të rrjetëzimit ku pjesëmarrësit do mësojnë më shumë për udhëtimin e këtij projekti. Vajzat që ishin pjesëmarrëse të këtij projekti do kenë mundësi të takohen dhe të zgjerojnë rrjetëzimin e tyre duke u njoftuar me përfaqësuesit e kompanive të ndryshme private vendore që operojnë në fushën e TIK-ut, gjithashtu të ftuar në këtë ngjarje. /PCWorld Albanian

Burimi: http://pcworld.al/

Lionel Mesi kthehet tek Argjentina, e krahasojnë me 10 njerëzit që bëjnë mrekulli

në kategorine Sport

Lionel Mesi është rikthyer sërish në radhët e Argjentinës, për herë të tretë në karrierën e tij të gjatë. Ishte larguar dhe më parë për disa muaj, duke thënë se ndoshta ishte tersi i skuadrës, por pas kërkesave të shumta që bënë fansat dhe zyrtarët e federatës në Argjentinë pranoi të kthehet dhe ia doli falë lojës dhe golave të tij të kualifikonte me mjaft vështirësi Argjentinën në Kupën e Botës në Rusi. Më pas arriti deri në 1/8 e finales, ku u eliminua nga Franca, kampione e botës në Rusi-2018. Mesi u tërhoq për disa muaj, i zhgënjyer tërësisht nga paraqitja e skuadrës “albiceleste” dhe për pasojë ishin përhapur fjalë se ai nuk do të kthehej më në gjirin e skuadrës së tij kombëtare. Por nuk është kështu. Prej ditësh “pleshti” kishte lënë të kuptohej se do të kthehej në përfaqësuesen e tij dhe kjo gjë u bë realitet. Kthimi i tij tërhoqi vëmendje të madhe mediatike dhe njëherësh specialistët dhe opinionistët vendas nxituan ta krahasonin atë me njerëzit argjentinas që kanë bërë mrekulli, përfshi Papën Françesku, shkrimtarin e madh Borges apo dhe muzikantin e papërsëritshëm Piazolla.

Nuk është vetëm kjo, por edhe fakti tjetër që Mesi po kalon një moment magjik me Barcelonën dhe ka shënuar 29 gola këtë sezon, tre më shumë se ndjekësi i tij Kilian Mbape, duke qenë kështu një nga kandidatët kryesorë për të fituar “Këpucën e Artë” europiane. Është kualifikuar në finalen e Kupës së Mbretit, është në vend të parë dhe i shkëputur në La Liga dhe në pozita të forta në UEFA Champions League. Praktikisht është në pozita të mira për të fituar gjithçka këtë edicion. Por i mungonte kombëtarja e tij dhe ky kthim vjen në momentin e duhur si fizik, ashtu dhe mental. Sikurse shkruajnë mediat e mëdha sportive argjentinase dhe spanjolle, vetëpërjashtimit i erdhi fundi, Lionel Mesi rikthehet pas 7 muajsh në kombëtaren e Argjentinës, pas Botërorit zhgënjyes në Rusi. Për të festuar rikthimin e “Pleshtit”, Federata Argjentinase e Futbollit ka publikuar një video që i atribuohet “yllit” të Barcelonës, duke e krahasuar me 10 argjentinas që kanë bërë histori: nga Papa Frençesku tek Juan Manuel Fangio, duke kaluar te shkrimtari Jorge Luis Borges dhe muzikanti Astor Piazolla.

“Janë ca njerëz që u përkasin një planeti tjetër. Mund të jetë kështu, por të një planeti tjetër që quhet Argjentinë,” dëgjohet të thuhet në këtë klip. “Lionel Mesi, 10 argjentinas në 1. Ka besimin e Papa Françeskut; shpejtësinë e Fangios; luan si Piazolla, shënjestron si Ginobili; e bën zemrën të rrahë si Favaloro; në zonën e rreptësisë është Gardel; i saktë si Sabatini; të lë pa fjalë si Borges; topi në këmbë është si Pagani Zonda; nëse përballesh me të të lë si një pikturë e Kuinkuelas”, dëgjohet më pas në video. Natyrisht, kjo është inkurajuese për lojtarin më të mirë në botë dhe këtë edicion ai po shkruan një faqe të re në karrierën e tij.

Adriatik BALLA

Burimi: https://sot.com.al/

Panuçi i ka orët e numëruara, Armand Duka në bisedime ish-trajnerin e Napolit (EMRI)

në kategorine Sport

Kombëtarja shqiptare e futbollit e nisi në mënyrën më të keqe fushatën kualifikuese për Europianin 2020 me një humbje 0-2 në shtëpi ndaj Turqisë që komplikon që në start, ëndrrën për të shkuar në fazën finale.

Përfaqësuesja kuqezi ishte thirrur nën armë në stadiumin “Loro Boriçi” për të marrë pikë ndaj një rivali jo të pakalueshëm, por u dorëzua me nga një gol për çdo pjesë, ndërsa tifozët ofenduan në kor trajnerin Panucci, para se të linin shkallët e impiantit pa u mbyllur sfida.

Kjo humbje me Turqinë ka lëkundur pozitat e Kristian Panuçit në krye të stolit të Shqipërisë. Starti i kësaj fushate eliminatore ka mërzitur të gjithë opinionin, pasi pas 19 vitesh kuqezinjtë e nisin me disfatë një fushatë eliminatore. Në stadium edhe njëherë janë përsëritur thirrjet kundër Panuçit, ndërsa në FSHF po mendojnë seriozisht të ndryshojnë kurs.

Burime të sigurta bëjnë me dije se presidenti i FSHF-së, Armand Duka, menjëherë pas ndeshjes është ulur në tavolinë me Edi Rejan, ish-trajnerin e Napolit dhe Atalantës shkruan bw. Italiani nuk drejtoj një skuadër futbolli që prej vitit 2016, ndërsa mund të jetë zëvendësuesi më i mundshëm i bashkëkombasit të tij, Panuçit, që duket se i ka orët e numëruara.

Burimi: https://sot.com.al/

Videot janë formati me angazhimin më të lartë në Facebook

në kategorine Teknologji

Videot vijojnë të jenë përmbajtja e cila performon më mirë në Facebook duke marrë angazhimin më të lartë në mesin e postimeve më të ndjekura

Ato gjithashtu gjenerojnë më shumë shpërndarje se çdo format tjetër sipas kompanisë analitike të medias sociale NewsWhip.

Në mesin e 10 mijë postimeve të Facebook me angazhimin më të lartë, videot dhe fotot gjeneruan 114,000 ndërveprime si pëlqime, komente dhe shpërndare.

Të dy formatet lanë pas videot Live dhe lidhjet të cilat janë një ligë mëposhtë. Një postim i zakonshëm i një video Live ose linku nuk grumbullon më shumë se 100 mijë ndërveprime.

Në tërësi angazhimi në rrjetin social u rrit krahasuar me vitin e kaluar me 55% sipas NewsWhip. Faqet e Facebook që performonin më mirë ishin ato meme ose komunitare rreth gatimit dhe aktiviteteve fizike.

Publikuesit tradicionalë kanë hasur vështirësi të marrin angazhim të lartë. Fox News ishte publikuesi me angazhimin më të lartë dhe CNN ishte i dytë në mesin në Top 15. /PCWorld Albanian

Burimi: http://pcworld.al/

Publikohen formacionet zyrtare, zbuloni si do rreshohet kombëtarja e Panuçit përballë Turqisë

në kategorine Sport

Sonte në orën 20:45,nis rrugëtimi zyrtar i Kombëtares kuqezi drejt Europianit të vitit 2020. Skuadra e Kristian Panuçit do të masë forcën në sfidën ndaj Turqisë të vlefshme për Grupin H të fazës kualifikuese.

Tekniku italian dhe stafi i tij kanë sheshuar idetë e formacionit duke hedhur në fushë 11 titullarë, teksa nuk mungojnë as surprizat në përzgjedhjen e bërë nga trajneri.

 

FORMACIONET ZYRTARE:

 

Shqipëria: Berisha, Hysaj, Veseli, Gjimshiti, Balliu, Ismajli, Xhaka, Memushaj, Abrashi, Uzuni, Balaj. Trajner: Kristian Panuçi

 

Turqia: Gunok, Ali Kaldirim, Emre, Jokuslu, Gonul, Tosun, Çalhanoglu, Tekdemir, Demiral, Burak Jilmaz, Ajha. Trajner: Senol 

Burimi: https://sot.com.al/

Ja sesi të përdorni funksionin e ri të replikave në Messenger

në kategorine Teknologji

Menaxhimi i bisedave në Facebook është bërë shumë më i lehtë. Gjigandi i medias sociale ka shtuar një funksion të ri për bisedat në Messenger.

Kur përdorni një prej replikave, tashmë mund të përgjigjeni me tekst, GIF, imazhe dhe video.

Komenti ose përgjigja juaj do të shfaqet ngjitur me mesazhin që po replikoni. Kështu e keni më të lehtë ju dhe bashkëbiseduesi për tu kuptuar destinacionin e përgjigjesh.

Funksioni vjen pak javë pasi Facebook lançoi një temë të errët për aplikacionin mobile si dhe pasi lançoi opsionin për tërheqjen e mesazheve deri në 10 minuta pasi janë dërguar.

Në këtë artikull ju tregojmë sesi të përdorni funksionin e ri të replikave për mesazhe specifike:

Ja sesi të replikoni mesazhet në Facebook Messenger

Në aplikacionin mobil

  1. Hapni një bisedë në Facebook Messenger
  2. Mbani të shtypur me gisht mbi një mesazh
  3. Shtypni butonin Reply
  4. Shkruani përgjigje si dhe mos harroni të shtoni GIF ose imazhe nëse keni

Në desktop

  1. Hapni versionin ueb të Messenger
  2. Mbani mausin mbi një mesazh
  3. Klikoni ikonën Reply
  4. Shkruani dhe dërgoni mesazhin tuaj

Ndryshe nga bisedat e ndara në tematika që gjeni në Slack dhe Twitter ku replikat konsolidohen në kategori poshtë mesazhit origjinal, në Messenger replikat shfaqet në mënyrë kronologjike.

Mesazhi origjinal ngelet tek vendi origjinal i tij në bisedë. Replikat e Messenger mund të mos jenë aq të mira sa Slack dhe Twitter por më shumë diçka se asgjë. /PCWorld Albanian

Burimi: http://pcworld.al/

ICT Awards për herë të parë në Vlorë, takime edhe në Tiranë, Prishtinë, Ferizaj, Mitrovicë dhe Pejë

në kategorine Teknologji

Me afrimin e afatit të fundit të aplikimeve për edicionin e 7-të të ICT Awards, takimet informative me shkollat, universitetet dhe komunitetin e teknologjisë e informacionit janë intensifikuar.

Të dielën ekipi i ICT Awards për herë të parë organizoi një bootkamp në qytetin e Lezhës me të rinj dhe reja të qytetit për të mbyllur një javë plot entuziasëm dhe emocion.

Maratona e kësaj jave filloi të Martën me dy takime në Shkollën e Mesme Profesionale Hermann Gmeiner dhe atë Profesionale Teknike Elektrike Gjergj Canco në Tiranë.

Në Shkollën e Mesme Profesionale TIK “Hermann Gmeiner” ishte ditë frymëzuese për stafin e ICTAwards.

Drejtoresha e kësaj shkolle inovative zj. Hedije Bejtja përveç pritjes së ngrohtë që na rezervoi, siguroi që projektet më inovative të dala nga nxënësit e viteve të fundit, do të marrin pjesë denjësisht në garën ICTAwards 7 duke përfaqësuar jo vetëm veten e tyre por shkollën & mësuesit e tyre.

Sakaq në Shkollën Profesionale “Teknike Elektrike Gjergj Canco” në Tiranë organizohen takime për të disatin vit me radhë. Takimi u mundësua me mbështetjen e Aftësi për Punë S4J.

Të Mërkuren më 20 Mars ekipi i ICT Awards vizitoi Shkollën Digjitale në Ferizaj ku u njoh me punën e nxënësve të cilët nuk ngurruan as të demonstronin projektet e tyre personale.

Disa prej nxënësve falë talentit dhe përkushtimit të tyre ndaj teknologjisë ishin pranuar edhe në praktike pranë kompanive lokale të qytetit.

Në Tiranë vijuan takime dhe kësaj dite me studentët e TIK të nivelit Master në Institutin Kanadez të Teknologjisë. Përfaqësuesit e garës shijuan mikëpritjen e ngrohtë të Prof. Elton Domnori, stafit akademik dhe nxënësve të shkollës.

Pasditja e së Mërkures kishte rezervuar një takim të fundit pranë Open Data Kosovo. Blerta Thaçi në emër të Open Data Kosovo foli për pjesëmarrjen e saj në ICT Awards dhe mbështetjen që kishte fituar.

Gresa Deda nga Komuna e Prishtinës gjithashtu foli për përgjegjësinë që duhet të kenë institucionet vendore në mbështetjen e projekteve inovative në shërbim të qytetarëve.

Ditën e Premte stafi i ICTSmedia me mbështetjen e kontribuesve të ICT Awards 7 dhe përfaqësuesve të S4J vizituan Vlorën në Shkollën Industriale “Pavarësia.”

Ishte hera e parë që përfaqësuesit e garës udhëtonin në Vlorë. ICT Awards rikthehet përsëri në Vlorë të Shunën në bootkampin e radhës në kuadër të edicionit të 7-ës ku pritet të bashkohen Mobiliteti i Vitit në Edicionin e 5 Genti Selenica nga Baboon, Arjan Ymeri nga Oficina, Driton Musolli nga Transmogul dhe Kushtrim Shala, bashkëthemelues i ICT Awards.

Ky është bootkampi i dytë që organizohet pas atij të qytetit të Lezhës. Por gjatë ditës së sotme kanë vijuar takimet në Kosovë pranë Akademisë Jcoders në Mitrovicë dhe Pejë.

Nxënësit e kësaj akademie ka shkëlqyer në ICT Awards herë si finalistë e herë si fitues.

Edicionit të këtij viti i kanë ngelur vetëm 10 ditë nga mbyllja e aplikimeve të datës 31 Mars. ICT Awards 7 ka hapur garën në 7 Kategori: ICT Inovacioni i Vitit, ICT Mobiliteti i Vitit, ICT Diploma e Vitit, ICT Ylli në Ngritje, Gruaja në ICT, ICT Shërbimi Publik i Vitit dhe Cyber Security.

Të gjithë ata që besojnë se kanë zgjidhjen e duhur për tu bashkuar emocionit dhe sfidës që sjellë kjo garë mund të aplikojnë në formatin online në kategorinë ku projekti i tyre bën pjesë.

Sistemi shpërblyes i këtij evenimenti realizohet përmes një përzgjedhje të paanshme dhe rigoroze të aplikacioneve të pranuara – përzgjedhje e realizuar nga një juri e kualitetit superior, bazuar në kritere të veçanta etike dhe profesionale të vlerësimit – një ekip vlerësues i përbërë nga personazhet më të spikatura të TIK-ut Shqiptar, e pajisur me njohuri dhe vlera superiore të fushës respektive.

Juria do të funksionojë e pavarur, e pandikuar dhe në mënyrë strikte, e bazuar në vlerësimet e kritereve të vendosura profesionale. /ICTAwards.org

Burimi: http://pcworld.al/

Shërbimi i transferimit të të dhënave Firefox Send mbërrin në Android

në kategorine Teknologji

Mozilla më në fund ka lançuar aplikacioni e enkriptuar të transferimit të të dhënave për Android, pothuajse dy javë nga lançimi zyrtar i atij në desktop.

Firefox Send është i shkarkueshëm nga ky moment në Android dhe për nga funksionet që ofron është po aq i aftë sa në desktop.

Si funksionon?

Ju nuk keni nevojë të keni një llogari Firefox, dhe me Firefox Send mund të ngarkoni skedarë me madhësi 1GB dhe të ndani linkun me të tjerët.

Ju mund të dërgoni fotot, video, PDF dhe pothuajse çdo gjë. Pasi të keni zgjedhur skedarët klikoni butonin “upload” dhe kopjoni linkun për ta shpërndarë manualisht ose të shtypni butonin share për ta dërguar me anë të aplikacioneve të tjera si Gmail, Twitter dhe Slack.

Megjithatë ata që nuk kanë një llogari Firefox do të përballen me disa kufizime. Për shembull mund të ngarkojnë vetëm një skedar për një lidhje.

Kur përpiqeni të ngarkoni më shumë se një fjalëkalim do tu kërkohet të krijoni një llogari në Firefox ose të kyçeni nëse e keni një të tillë. Kështu limiti për madhësi skedari do të rritet në 2GB.

Po të krahasojmë me lojtarë të tjerë të njohur në treg si WeTransfer, ky i fundit nuk kërkon të jeni të regjistruar dhe shërbimi pa pagesë mund dërgimin e skedarëve po me madhësi 2GB. Skedarët ruhen për 7 ditë dhe ju nuk kontrolloni numrin e shkarkimeve. Në versionin me pagesë të WeTransfer përdoruesit mund të dërgojnë skedarë me afat por ende nuk kontrollojnë limitin e shkarkimeve.

Megjithatë ka mënyra të tjera pafund për të dërguar të dhëna. Për shembull mund të përdorni Google Drive, OneDrive apo Dropbox. Por me enkriptimin fundor Mozilla e paraqet Firefox Send si një alternativë që shqetësohet për privatësinë tuaj.

Gjithashtu mund të fshini skedarët edhe pesë minuta pas dërgimit. Versioni pa pagesë Firefox Send do ti mjaftojë shumicës por ata që kanë kërkesa më të mëdha mund të regjistrohen në Firefox. /PCWorld Albanian

Burimi: http://pcworld.al/

4 orë para fillimit, ja sa bileta kanë mbetur pa shitur për ndeshjen Shqipëri-Turqi

në kategorine Sport

Shqipëria do të nisë sonte në “Loro Boriçi” rrugëtimin për në “Euro 2020” kundër Tuqisë me synimin për të përsëritur të paharrueshmen “Francë 2016”. 

Deri më tani sipas FSHF thonë se janë shitur afro 11 mijë bileta, kur jemi 4 orë para fillimit të ndeshjes. Stadiumi në Shkodër ka një kapacitet 16 mijë vendësh, por në deri në startin e takimit numri i të pranishmëve pritet të rritet me disa mijë të tjerë.

Nga 11 mijë biletat e shitura deri më tani, 1 mijë i takojnë tifozërisë mike e cila ka udhëtuar nga Turqia për të mbështetur ekipin kombëtar. Ashtu si Shqipëria, edhe Turqia mbetet një skuadër e pakonsoliduar, madje sonte në krye të pankinës do të jetë Senol Gunes, një trajner që ka bërë historinë, por që debuton për herë të dytë pas shkarkimit të Mircea Lucesku-t.

Burimi: https://sot.com.al/

Pinterest nis përgatitjet për tu bërë një kompani publike

në kategorine Teknologji

Kompania pas aplikacioni të kërkimit të imazheve Pinterest po përgatitet të bëhet një kompani publike raportoi Wall Street Journal.

Aplikimi pritet të bëhet ditën e Premte në bursën e Nju Jorkut dhe të debutojë aksionet në mesin e muajit Prill thotë WSJ duke cituar burime të afërta me kompaninë.

Pinterest monetizon uebsajtin përmes reklamave të cila ti vendos mes “pin” që përdoruesit publikojnë në sajt.

Kompania është një prej shumë startupeve teknologjike të cilat kanë nisur përgatitje për tu shndërruar në kompani publike gjatë 2019-ës.

Disa prej tyre mund të përmendim Uber, Lyft, AirBnB dhe Slack.

Në rastin e Lyft pritet të dalja në bursë të vlerësojë kompaninë me 23 miliardë dollarë. /PCWorld Albanian

Burimi: http://pcworld.al/

Telefonia celulare vijon tkurrjen, rritet interneti fiks

në kategorine Teknologji

Autoriteti i Komunikimeve Elektronike dhe Postare në Shqipëri publikoi raportin e tre mujorit të katërt të 2018-ës të shërbimeve të internetit, telefonisë fikse dhe celulare.

AKEP ka filluar të publikojë periodikisht të dhëna dhe tregues statistikore që prej muajit Prill 2009 përmes faqes në ueb www.akep.al.

Periodiciteti i publikimeve ka evoluar nga raportime vjetore dhe gjashtëmujore në tre mujore duke filluar nga fund i 2014-ës.

Sipërmarrësit e rrjeteve dhe shërbimeve të komunikimeve elektronike kanë detyrim ligjor të dërgojnë në AKEP të dhëna rreth aktivitetit të tyre.

AKEP publikon treguesit kryesorë të tregut të komunikimeve elektronike duke marrë në konsideratë si natyrën konfidenciale të një sërë treguesve të raportuar nga sipërmarrësit edhe interesat e publikut për të krijuar një treg të hapur dhe konkurrues.

Në tre mujorin e katërt të 2018-ës u vunë re disa tendenca:

  • Numri i pajtimtarëve sipas kartave SIM ra me 10.5% në krahasim me tremujorin paraardhës në 4.14 milionë
  • Numri i përdoruesve aktiv ra me 5% në 2.7 milionë
  • Numri i përdoruesve me akses në internet broadband ra me 8.9% në 1.8 milionë
  • Sasia e trafikut në rrjetet social ishte 14.6 milionë gigabajt
  • Konsumi mesatar për përdorues ishte 188 minuta dalëse, 36 SMS dhe 2.7 GB internet

Telefonia Celulare

Sektori i telefonisë celulare vijon të dominohet nga Vodafone Albania me 1.279 milionë abonentë ndjekur nga Telekom Albania me 1.004 milionë abonentë aktivë dhe ALBtelecom me 431 mijë.

Të gjithë operatorët shënuan rënie konkretisht ALBtelecom me 7.9%, Telekom Albania me 6.9% dhe Vodafone Albania me 2.4%.

Vodafone Albania ka 93% të abonentëve me parapagesë, Telekom Albania 88% dhe ALBtelecom 82%.

Aksesi në internet celular dominohet nga Vodafone Albania me 931 mijë përdorues broadband, ndjekur nga Telekom Albania me 605 mijë dhe ALBtelecom me 272 mijë.

Telefonia Fikse

Numri i pajtimtarëve në tre mujorin e katërt të 2018-ës ishte 248 mijë, një rritje me 1.1% krahasuar me tre mujorin e kaluar.

ALBtelecom ka 177 mijë abonentë, Tring Communications 40 mijë, ABCom 11 mijë, Abissnet 4 mijë dhe Nisatel 4,100.

ALBtelecom zë 71% të tregut dhe të gjithë operatorët rivalë shënuan rënie në numrin e abonentëve fiks gjatë tre mujorit të katërt.

Interneti Broadband

Numri i pajtimtarëve në rrjetet fikse ishte 361,413 në tremujorin e katër të vitit, një rritje e qëndrueshme krahasuar me tre mujorin e kaluar prej 8.7%.

ALBtelecom kryeson me 129,329 pajtimtarë, ndjekur nga ABCom me 64,020 pajtimtarë, Tring e 49,359 pajtimtarë, Abissnet me 37,055 pajtimtarë, Digicom me 14,322 pajtimtarë dhe Nisatel me 13,473 pajtimtarë.

ALBtelecom dikur lideri i tregu sot zë vetëm 35.8% të tregut.

Së fundi numri i pajtimtarëve në shërbime të integruara ka arritur në 224,859 pajtimtarë ku 91,599 kanë telefoni fikse dhe internet, 107,176 kanë telefoni fikse, internet dhe TV dhe 26,084 kanë internet dhe TV. /PCWorld Albanian

Burimi: http://pcworld.al/

Historia e vërtetë e Herkulit: Ishte më brutal dhe me një fat më tragjik, se sa tregohet në versionin popullor

në kategorine Kulturë

Nga Alexandra Dantzer

Gjysmë-zoti grek Herakliu, ose siç njihet më shumë me emrin e tij romak Herkuli, ka shërbyer si një frymëzim për disa filma apo seriale epike të aventurës. Ne e kemi parë Herkulin të përballohet me shumë sprova dhe vështirësi në tejkalimin e zemërimit të Hadit. Rrëfimi klasik i udhëtimit të heroit, përmban një dashuri të pakushtëzuar, ndihmën ndaj miqve dhe pengesa të pamundura që kapërcehen.

Odiseja e tij përfundon me moralin, se qëndrueshmëria dhe vështirësitë të çojnë drejt drejtësisë dhe në triumfin e së mirës. Edhe miti origjinal, vjen me një moral të caktuar, dhe adhurohej nga grekët dhe romakët. Sipas këtij miti, Herkuli vuan si njerëzit, por ka tipare hyjnore. Ai ishte në pamjen e jashtme si çdo njeri, por i pajisur me superfuqitë, çka u mëson njerëzve që edhe heronjtë vuajnë.

Kjo synonte te tregonte se tragjeditë e njerëzve janë të justifikuara, dhe të mundshme për t’u kapërcyer, pasi edhe se gjysmë-zotat vuajnë padrejtësitë e jetës së përditshme. Versioni filmik i kompanisë hollivudiane “Disney”, edhe pse i bazuar shumë tek miti, lë jashtë disa pjesë shumë të tmerrshme dhe tragjike të udhëtimit të heroit.

Në versionin e famshëm të filmit, babai i Herkulit, Zeusi, portretizohet si një Zot i dashur. Nëna e tij Hera, shfaqet gjithashtu si një grua dhe një nënë e dhembshur. Realiteti i këtij miti, është krejtësisht i ndryshëm. Zeusi ishte një tiran mizor dhe imoral. Përveç terrorizimit të të vdekurve, ai nuk hezitonte të përdorte dhunën për të marrë atë që donte.

Ai nuk ishte i gatshëm të kishte një partnere zyrtare, ndaj vetë Herkuli ishte një fëmijë i paligjshëm. Nëna e tij e vërtetë, ishte një grua me emrin Alkmene, të cilën Zeusi e mashtroi duke fjetur me të, pasi kishte marrë pamjen e burrit të saj, Amfitrion.

Prandaj, Hera e përbuzte Herkulin që nga dita kur lindi. Ajo në fillim thirri dy shtriga, për të parandaluar lindjen e tij. Kur kjo nuk funksionoi, dërgoi dy gjarpërinj për ta mbytur në djepin e tij. Herkuli shfaqi forcën e tij, dhe ndonëse ishte fëmijë, arriti të mbyste gjarpërinjtë dhe të mbrohej.

Ndërsa ai rritej dhe forca i shtohej, Hera po tërbohej gjithnjë e më shumë nga inati. Ajo u përpoq ta shkatërronte atë në çdo mënyrë të mundshme. Historia e tij e dashurisë me Megarën nuk ishte e lumtur. Në film, Megara prezantohet si ndihmëse në Had, dhe që gradualisht bie në dashuri me Herkulin.

Ajo e braktisi padronin e saj, dhe kundërshtoi dëshirat e tij për ta shkatërruar Herkulin. Historia e tyre e dashurisë mbaron me Herkulin e gatshëm të sakrifikojë jetën e tij për të, duke e shpëtuar atë nga nëntoka, dhe duke fituar në fund statusin e tij të merituar. Në mitin origjinal, Megara është gruaja e tij e parë që i dha 3 djem.

Hera e sëmuri Herkulin me një çmenduri të pakontrollueshme, dhe në njërën prej krizave të tij të forta nervore ai vret bashkëshorten e tij së bashku me fëmijët e tyre. Pasi vjen ne vete dhe e ka kuptuar atë që kishte bërë, ndjeu keqardhje të madhe, një ndjesë që e shoqëroi për pjesën tjetër të jetës.

Edhe historia e tij e dytë e dashurisë, nuk ka një fund të lumtur. Gruaja e tij, Deianira, e vrau aksidentalisht duke përdorur një helm vdekjeprurës. Ajo u mashtrua nga një centaur i quajtur Nesus, i cili i dha asaj një këmishë të helmuar për t’ia dhënë burrit të saj nëse ajo vërente se syri i tij fillonte të endet.

Pa ditur gjë ajo ndoqi këshillën, duke këmbëngulur që Herkuli të vishte dhuratën e saj. Por brenda pak çastesh, lëkura e tij u acarua dhe filloi të gërryhet. Herkuli krijoi vetë një turrë drush, për të ndihmuar veten të vdiste më shpejt. Deianira, e brejtur nga ndjenja e fajit, kryen vetëvrasje.

As Pegasi nuk ishte shoqëruesi miqësor i Herkulit. Në kundërshtim me atë që tregohet në film, në mitin origjinal, Herkuli nuk kishte asnjë lidhje me Pegasin. Ndërsa Pegasi ka ekzistuar në mitologji, ai ishte miku i një heroi tjetër, Belerofonit.

Fatkeqësisht, ai nuk ishte gjithashtu një kalë mitik dashamirës. Historia e origjinës së tij është edhe më e zymtë. Ai thuhet se doli nga qafa e masakruar e Meduzës. Ekzistojnë shumë aspekte të tjera të jetës së Herkulit që janë lënë jashtë, apo që janë zbukuruar në versionet më argëtuese moderne të historisë.

Për shembull, këto përfshijnë betejat e tij për shlyerjen e vrasjes së tij, duke kryer Dymbëdhjetë Trimëritë e tij të famshme, njëra prej të cilave ishte vrasja e Hidrës. Por sikurse pritej, në mitin origjinal ai e vrau Hidrën duke përdorur shumë më tepër dhunë, sesa na e paraqet variantin filmik i “Disney”.

VintageNews – Bota.al

Burimi: http://www.bota.al

Trump nuk i pëlqen mënyra sesi rrjetet social po sillen

në kategorine Teknologji

Presidenti Donald Trump ka akuzuar mediat sociale, si platformat Facebook, Google dhe Twitter, se janë të njëanshëm dhe sugjeroi që situata duhet të shqyrtohet me vëmendje. Presidenti Trump, një përdorues i pasionuar i Twitter-it, ka mbështetur ligjvënësin nga Kalifornia Devin Nunez, republikani më i lartë në Komisionin e Inteligjencës së Dhomës së Përfaqësuesve, i cili ka paraqitur kundër Twitter-it një padi për shpifje dhe neglizhencë, ku pretendon se kompania mundësoi një fushatë të rëndë kundër tij. Në përgjigjen dhënë një gazetari në Shtëpinë e Bardhë të martën, presidenti Trump tha se platformat digjitale kanë tendencë të përjashtojnë apo të ndrydhin pikëpamjet republikane dhe konservatore.

Në konferencën e përbashkët për shtyp me presidentin brazilian Zhair Bolsonaro, presidenti Trump tha se përçon mesazhin e tij tek më shumë se 100 milionë njerëz përmes Twitter-it dhe platformave të tjera dixhitale. Ai e shfrytëzon mirë këtë vëmendje. Të dhënat nga Facebook-u dhe raportet e transparencës politike të kompanisë Google, të grumbulluara nga organizata Bully Pulpit Interactive, tregojnë se fushata për rizgjedhjen e presidentit Trump ka harxhuar pothuajse dy herë më shumë fonde sesa të gjithë kandidatët demokratë për reklamat në Facebook dhe Google. Por të martën, ai i akuzoi këto kompani si të njëanëshme.

“Këto po ndodhin. Llogari të caktuara po bllokohen. Njerëzit nuk po lejohen të shprehen. Keni dëgjuar ankesa të ngjashme dhe duket se nëse janë konservatorë, nëse janë republikanë, nëse i përkasin një grupi të caktuar, ka diskriminim dhe diskriminim të madh. E shoh këtë shumë qartë në Twitter dhe Facebook, ku jam aktiv si edhe të tjerët”.

Të martën, drejtori për mediat sociale i zotit Trump, Dan Scavino, postoi një mesazh të irrituar në Facebook, me pyetjen se përse rrjeti kishte bllokuar komentet në llogarinë e tij. Gjigandi i medias sociale kërkoi falje duke thënë se algoritmi i Facebook-ut kufizon numrin e postimeve “të njëjta, të përsëritura” në një llogari të vetme në një periudhë të shkurtër kohore, në përpjekje për të bllokuar spamin.

Por Trump akuzoi platformat sociale, shfaqjet televizive dhe mediat e lajmeve në përgjithësi se anojnë nga “Demokratët e Radikalëve të Majtë” dhe tha se përdoruesit janë të vetëdijshëm për këtë.

“Njerëzit janë të zgjuar, ata e kuptojnë. E provojnë këtë eksperiencë dhe në fund, marrin vendimin e duhur. Është një situatë shumë e rrezikshme. Pra jam dakord me idenë se kjo situatë duhet të shqyrtohet me kujdes”, tha presidenti.

Ligjvënësi Nunez ngriti të hënën një padi kundër Twitter-it dhe tre përdoruesve të tij, duke pretenduar se i kishin shkaktuar një dëm prej të paktën 250 milionë dollarësh. Nunez, i cili ishte anëtar i ekipit të tranzicionit të presidentit Trump, pretendon se Twitter-i me dashje nuk arriti të mbyllë llogaritë e rreme ku atë e fyenin. Ky rast po nxit debatin nëse vendosja e rregulloreve për mediat sociale do të përbënte censurim apo mbrojtje të sigurt nga ngacmimet.

Burimi: http://pcworld.al/

Microsoft ka ndërtuar një pajisje që ruan informacionin në ADN

në kategorine Teknologji

Microsoft po përgatitet të zëvendësojë memorien e qendrave të të dhënave me ADN. Kompania dhe hulumtuesit pranë Universitetit të Uashingtonit me sukses kanë automatizuar procesin i cili përkthen informacionin dixhital në ADN dhe anasjelltas.

Tashmë ata posedojnë pajisjen e parë të memories me ADN. Ndërsa hapësirat mbeten për përmirësime të mëtejshme, Microsoft shpreson që ky koncept do të ndihmojë në avancimin e teknologjisë së ADN.

Në përdorimin e parë, prototipi 10,000 dollarësh konvertoi “HELLO” në ADN. Pajisja fillimisht enkodoi bitet 1 dhe 0 në sekuenca ADN A, C, T dhe G. Më pas sintetizoi ADN dhe e ruajti si një lëng. ADN e ruajtur u lexuar nga një sekuencues. Së fundi softueri i dekodimit përkthente sekuencat edhe njëherë në bite.

Mesazhi 5-bajt mori 21 orë për tu konvertuar dhe hulumtuesit kanë gjetur një mënyrë për ta kryer këtë proces në 10-12 orë.

Gjithashtu kanë gati planin për të reduktuar koston me disa mijëra dollarë Nukleotidi që formoi HELLO peshonte vetëm 1mg ADN dhe 4 mikrogram u përdorur për sekuencimin. Hulumtuesit besojnë se i gjithë informacioni i ruajtur në një magazinë me serverë tashmë mund të ruhet në një kuti në madhësinë e një zari.

ADN shihet si zgjidhja e problemeve me sasinë e të dhënave po që po rriten dita ditës. /PCWorld Albanian

Burimi: http://pcworld.al/

Dy javë nga debutimi dhe Devil May Cry 5 ka shitur 5 milion kopje

në kategorine Teknologji

Drejtori i Devil May Cry 5 Hideaki Itsuno zbuloi se loja aksion e Capcom ka shitur 2 milion kopje. Lajmi erdhi në Konferencën e Zhvilluesve të Lojërave në San Francisco.

Devil May Cry debutoi më 8 Mars për PlayStation 4, Xbox One dhe PC. Në vetëm dy javë arriti këtë objektiv madhor.

Loja ka një prej grafikave dhe aksioneve më të bukura por është kritikuar jo pak herë për ritmin e pabarabartë. Devil May Cry 4 debutoi në 2018-ën. Në 2014-ën kishte shitur vetëm 3 milion kopje pas plot 4 vitesh.

Devil May Cry 5 është vënë në rrugë për të kaluar paraardhësin e madje në një kohë shumë më të shkurtër. /PCWorld Albanian

Burimi: http://pcworld.al/

Ja sesi reklamuesit bëjnë miliona dollarë duke përdorur fuqinë e telefonit tuaj Android

në kategorine Teknologji

Teorikisht ka qenë e mundur që një uebfaqe ose aplikacion të vidhte fuqinë e procesorit tuaj për të gërmuar monedha kriptografike duke shkarkuar baterinë e gjithashtu edhe paketën e internetit në proces e sipër.

Sipas BuzzFeed, edhe rrjetet e reklamimit kanë gjetur një mënyrë të ngjashme me disa video reklama që fshihen pas banerëve tradicional në aplikacione Android dhe që shterojnë fuqinë e pajisjes suaj.

BuzzFeed thotë se nuk janë zhvilluesit e aplikacioneve ata që duhet të akuzohen dhe kishte pasur ankesa të shumta prej tyre pse aplikacionet po thajnë bateritë e përdoruesve dhe paketat e internetit.

Raporti sugjerojnë se rrjetet e reklamimit ku janë regjistruar janë hakuar. BuzzFeed kishte gjetur gjurmët e një kompanie quajtur OutStream Media, një filial i Aniview që ka një platformë vetëshërbimi.

Mashtrimi nuk i ka kushtuar vetëm konsumatorëve por edhe rrjeteve të reklamimit ndërsa mashtruesit blejnë pjesë reklamash me kosto të ulët dhe i mbushin me video reklama të shtrenjta duke fituar në proces.

Teknika ka një emër dhe njihet si “in-banner video ads”. BuzzFeed tha se nga këto reklama kompanitë mashtruese fitonin me dhjetëra miliona dollarë çdo muaj. /PCWorld Albanian

Burimi: http://pcworld.al/

Ronaldo do të jetë në çerekfinale të Champions, UEFA e gjobit me 20 mijë euro

në kategorine Sport

Diego Simeone bëri një veprim të turpshëm në ndeshjen e parë të 1/8 të finaleve ndaj Juventusit, pasi fitoi në “Vanda Metropolitano” 2-0 ndaj “Zonjës së Vjetër” italiane, duke u treguar juventinëve organet gjenitale. Ky gjest kaloi në komision disipline në UEFA dhe trajneri argjentinas i Atletikos së Madridit u gjobit me 20 mijë euro. Në ndeshjen e kthimit Simeone dhe Atletiko e tij u përmbysën me rezultatin 3-0 nga Juventusi, ku spikati portugezi Kristiano Ronaldo që shënoi tregolësh. Në fund të ndeshjes, Ronaldo bën të njëjtin veprim që bëri Simeone, duke kaluar edhe ai në komision disiplinor të UEFA-s. Dhe vendimi nuk mund të ishte ndryshe, pra vetëm me gjobë, megjithëse shumë specialistë mendonin se “hakmarrja” e Ronaldos duhej bërë shembull ndëshkimor dhe të pezullohej, madje ishte përfolur se Ronaldo mund të mungonte në çerekfinale ndaj Ajaksit. Por kjo nuk ka për të ndodhur dhe ylli i Juventusit do të jetë në fushë në raundin tjetër të UEFA Champions League. Ai ia ka hedhur me një gjobë.

Vendimi zyrtar i UEFA-s

“Sulmuesi Kristiano Ronaldo nuk do të mungojë në Champions League. Komisioni i Disiplinës së UEFA-s, pasi ka analizuar sjelljen e portugezit në ndeshjen me Atletikon, ku ai bëri gjestin e Simeones, vendosi që portugezi të mos pezullohet, por vetëm të gjobitet”. Lajmi është bërë i ditur nga “Sportmediaset” në Itali, që shkruan se Ronaldo do të gjobitet, ashtu siç ndodhi me Simeonen. Më pas ka ardhur edhe konfirmimi nga faqja zyrtare e UEFA-s. CR7 do të jetë në dispozicion të trajnerit Masimiliano Alegri për çerekfinalet e Championsin me Ajaksin. UEFA ka mbajtur të njëjtin qëndrim në të dy rastet, si me trajnerin Diego Simeone, ashtu edhe me lojtarin e Juventusit. Edhe Ronaldo, është gjobitur me 20 mijë euro. Natyrisht, edhe pse thuhej se Ronaldo do të bëhej shembull me një pezullim për duelin e radhës, kjo gjë në realitet nuk pritej të ndodhte, pasi mund të kirijohej një precedent me standard të dyfishtë nga UEFA, prandaj dhe portugezi mori vetëm gjobë. Në çerekfinale Juventusi do të përballet me Ajaksin e Amsterdamit. Holandezët kanë ndërtuar një skuadër simpatike me shumë të rinj, të cilët janë të shpejtë, teknikë dhe me fantazi në veprimet sulmuese. Ishte pikërisht kjo skuadër që eliminoi nga Champions League skuadrën kampione në fuqi, Realin e Madridit, të cilin e mundi brenda në “Santiago Bernabeu” me rezultatin 4-1, një prej disfatave më të rënda e të turpshme të Realit në këtë kompeticion. Padyshim, Juventusi ka ambicie për të fituar trofeun dhe nëse kalon Ajaksin ka shanse reale për të rrëmbyer trofeun e Champions League këtë edicion. Dhe Ronaldo mund të ndihmojë me eksperiencën dhe potencën e tij për ta bërë Juven një favorite kryesore për titullin.

Adriatik BALLA

Burimi: https://sot.com.al/

Danezët barazojnë në shtesë, mbyllet ndeshja Kosovë-Danimarkë me rezultatin 2-2

në kategorine Sport

Është mbyllur me rezultatin 2-2 ndeshja mes Kosovës dhe Danimarkës. 

 

Danezët arritën të barazonin vetëm në minutën e parë shtesë me Pierre-Emile-Hojbjerg. 

 

Pë Kosovën shënoi Rrahmani në pjesën e parë me kokë dhe Celina në të dytën pas asistit të Zenelit, ndërsa golin e parë për danezët e shënoi Eriksen.

 

Kosova ka kaluar në avantazh në ndeshjen me Danimarkën në minutën e 42-të.

 

Rahmani ka dërguar në avantazh Kosovën me një goditje me kokë pas krosimit nga goditja e dënimit.

 

Janë shënuar dy gola të shpejtë në ndeshjen mes Kosovës e Danimarkës në ndeshjen që po zhvillohet në stadiumin “Fadil Vokrri”.

 

Fillimisht, mesfushori i Tottenham, Christian Eriksen, ai që shënoi për 1-1 nga pika e bardhë në minutën e 63’.

 

Pastaj Kosova ka kaluar përsëri në avantazh me golin e Bersant Celina-s.

 

Ka barazuar Danimarka në minutën e parë shtesë me anë të Hojbjerg.

 

Burimi: https://sot.com.al/

Galaxy S10 5G del në shitje më 5 Prill

në kategorine Teknologji

Gjigandi i Korean i teknologjisë konfirmoi ditën e Enjte se do të nxjerrë në shitje Galaxy S10 5G më 5 Prill. Sipas agjencisë së lajmeve Yonhap, kompania thjeshtë ka planifikuar ta nxjerrë në shitje direkt pa marrë fare porosi.

Agjencia gjithashtu tha se Samsung ka vendosur të heshtë rreth çmimit të telefonit por Yonhap sipas burimeve të brendshme mësoi se do të kushtojë 1,300 dollarë.

Deri më sot Samsung ka konfirmuar vetëm datën e lançimit në Korenë e Jugut dhe nuk dihet kur do të mbërrijë në Evropë dhe SHBA.

Debutimi në Kore ka kuptim sepse është vendi i parë në botë që do të provojë 5G dhe Samsung ka një rol shumë të rëndësishëm për të luajtur në këtë drejtim.

Megjithatë vendet të tjera së shpejti pritet të lançojnë rrjetet 5G dhe SHBA është një prej tyre. Verizon, operatori celular më i madh në vend për nga numri i abonentëve, do të lançojë shërbimin më 11 Prill.

Sakaq në Evropë ende shumë vende janë të procesin e dhënieve të autorizimeve për licencat 5G me Italinë dhe Gjermaninë që udhëheqin në këtë drejtim.

Duke pasur në konsideratë çmimin e kripur në Kore të Galaxy S10 5G, prisni që edhe në vendet e tjerë të kushtojë akoma edhe më tepër. /PCWorld Albanian

Burimi: http://pcworld.al/

Historiku i betejës mes Google dhe Bashkimit Evropian

në kategorine Teknologji

Google u godit nga një gjobë 1.49 miliardë euro ditën e Mërkure dhe është sanksioni i tretë i imponuar nga Bashkimi Evropian në dy vitet e fundit.

Unioni ka gjobitur Google me 4.34 miliardë euro vitin e kaluar dhe 2.4 miliardë euro në 2017-ën për praktikat që i konsideron jo konkurruese.

Komisioni Evropian tha se Google, një divizion i Alphabet, ka përdorur AdSense për të ndaluar palët e treta nga reklamimi i rivalëve të kompanisë.

Mëposhtë kemi përshkruar momentet kyçe që çuan në acarimin e marrëdhënieve mes Google dhe Bashkimit Evropian:

20 Mars 2019 – BE gjobit Google me 1.49 miliard euro për shërbimin AdSense

18 Korrik 2018 – BE gjobit me 4.34 miliardë euro Google për sistemin operativ Android pas një hetimi tre vjeçar.

27 Korrik 2017 – Google merr gjobën e parë prej 2.4 miliardë eurosh për dëmtimin e konkurrentëve në shërbimin e shitblerjeve online.

14 Korrik 2016 – Bashkimi Evropian akuzon shërbimin e shitblerjeve të Google. Gjithashtu akuzon kompaninë se ka dëmtuar konkurrentët me produktin AdSense.

26 Prill 2016 – BE dërgon një ankesë pranë Google duke cituar praktikat antikonkurruese me Android përballë prodhuesve të telefonëve Android.

15 Prill 2015 – BE hap hetimin ndaj Google Android

15 Prill 2015 – BE akuzon Google për bllokimin e konkurrentëve në shërbimin e shitblerjeve

Shtator 2014 – Joakim Almunia, Komisioneri i atëhershëm i Konkurrencës, tha se hetimi ndaj Google nuk do të mbarojë përpara mbarimit të mandatit të tij.

Shkurt 2014 – Google ofron më shumë konçensione BE për kërkimin online

2013 – Grupi lobimit FairSearch padit Google Android pranë Komisionit Evropian

25 Prill 2013 – BE kërkon mendimin e rivalëve dhe përdoruesve për koncensionet e Google

3 Prill 2013 – Google ofron koncensione për kërkimin online dhe AdSense por pa pranuar praktikat antikonkurruese.

30 Nëntor 2013 – Komisioni Evropian hap hetimin ndaj Google për abuzimin e pozitat dominuese në kërkimin online. /PCWorld Albanian

Burimi: http://pcworld.al/

1 2 3 474
Shko lartë