e-medial

Bien shifrat e infektimeve me Covid-19 në botë

Për të dytën ditë me radhë infektimet me Covid në mbarë globin kanë pësuar rënie. Nga 570 mijë infektime në mesin e javës së shkuar, në 24 orët e fundit janë konfirmuar vetëm 420 mijë raste.

Tkurrje të ndjeshme të rasteve të reja e kanë shënuar Shtetet e Bashkuara të Amerikës, të cilat 60 mijë infektime disa ditë më parë, këtë të diel shënoi vetëm 13 mijë raste.

Por pavarësisht këtyre të dhënave Dr. Anthony Fauci, eksperti më i lartë amerikan i sëmundjeve infektive, dha një alarm të ri të dielën lidhur me situatën e pandemisë.

Ai tha se vendi po shkon në drejtimin e gabuar sa i përket procesit të vaksinimit. Sipas tij afro 50 përqind e amerikanëve nuk janë imunizuar dhe për të ky është një problem serioz sidomos në kushtet e përhapjes me shpejtësi të variantit Delta.

Qeveria thotë se deri tani më shumë se 162 milionë amerikanë janë vaksinuar plotësisht, ose 49% e popullsisë së vendit, gati 60% e të rriturve. Por sondazhet kanë treguar se rreth 80% e amerikanëve të pavaksinuar thonë se nuk do të vaksinohen duke mos marrë parasysh paralajmërimet që po bëjnë zyrtarët.

Rënie të infektimeve kanë raportuar edhe disa shtete në Europë. Kështu Britania e Madhe ka gati një përgjysmim të rasteve brenda një jave, duke shënuar këtë 24 orësh më pak se 30 mijë raste.

Franca dhe Italia gjithashtu raportuan rënie të infektimeve, teksa respektivisht kanë konfirmuar 15 mije dhe 4700 raste.

Policia aksion në zyrat e Kadastrës së Tiranës

Departamenti i Krimit Ekonomik në Policinë e Shtetit ka ndërmarrë një aksion në zyrat e Kadastrës së Tiranës.

Burime bëjnë me dije se janë duke u kryer kontrolle.

Thuhet se janë lëshuar disa urdhra ndalimi për tre punonjës, 2 sekretare dhe një zyrtar.

Aksioni ka ardhur pas një hetimi për shpërdorim detyre dhe falsifikim dokumentesh nga zyrtarë të këtij institucioni.

Samuel Eto’o befason me fjalët për Lionel Messin

Samuel Eto’o dhe Lionel Messi formuan një partneritet dinamik gjatë kohës kur argjentinasi po rritej te Barcelona.

Ish-sulmuesi kamerunas është kthyer prapa në kohë duke theksuar se atëbotë ai ishte emër më i madh në skenën e futbollit.

Gjatë një interviste në të cilën u pyet për talentin Ansu Fati, Eto’o bëri një koment interesant.

“Jo, ai luajti me mua, është ndryshe” – u shpreh Eto’o me shaka kur gazetari e e pyeti për kohën kur ai luajti me Messin në Barcelonë.

“Messi luajti me mua, unë nuk luajta me Messin. Në kohën time, Messi luajti me mua. Është totalisht ndryshe” – u shpreh ai.

Eto’o tani 40 vjeçar, pas aventurës pesë vjeçare me Barcelonën ishte transferuar te Interi në vitin 2009 për t’i kaluar dy sezone.

Ai luajti futboll aktiv deri në sezonin 2018/19. 

Pandemia, valë dorëheqjesh masive mes punonjësve amerikanë

Ndërsa lehtësohet situata e pandemisë së koronavirus në Shtetet e Bashkuara, ekspertët thonë se një numër i paprecedent njerëzish po zgjedhin të lënë punën e tyre. Korrespondentja Deana Mitchell njofton nga qyteti Austin në Teksas.

Gjatë pandemisë, Lipika Ramaswamy punoi nga shtëpia në Teksas si shkencëtare e përpunimit të të dhënave për një kompani në San Francisko të Kalifornisë. Ajo donte të qëndronte në Teksas me motrën e saj, derisa gjërat të ktheheshin “në normalitet”. Ajo është ende duke pritur. Në muajin qershor, kur punëdhënësi i kërkoi të kthehej në zyrë, ajo dha dorëheqjen.

“Pandemia ende nuk ka marrë fund. Nuk e di kur do të vijë vala tjetër, nëse vjen, ose nëse do të jetë e rëndë. Preferoj që të jem këtu rreth familjes time dhe të kem më shumë hapësirë, nëse ndodh.”

Ajo nuk është e vetme. Gati katër milion njerëz, ose 2.7% e fuqisë punëtore amerikane, dhanë dorëheqjen vetëm në prill, sipas Departamentit të Punës, niveli më i lartë i dorëheqjeve brenda një muaji në 20 vitet e fundit. Maji dhe qershori shënuan shifra pak më të ulta.

Eksperti i biznesit, Anthony Klotz që ka ndjekur nivelin e dorëheqjeve nga puna, parashikon atë që ai e quan “Dorëheqje Masive”.

“Gjatë dekadës së fundit në Shtetet e Bashkuara numri dhe shkalla e dorëheqjeve ka ardhur duke u rritur. Në vitin 2020 për shkak të pandemisë, pati një pauzë, ndaj mendova se ka ndoshta një numër të madh individësh, që përndryshe do të jepnin dorëheqjen nga puna, të cilët i pezulluan planet gjatë pandemisë”, thotë për Zërin e Amerikës profesori Anthony Klotz i Universitetit A&M në Teksas.

Kjo është vetëm njëra anë e medaljes. Ai thotë se mes faktorëve të tjerë që përshpejtojnë dorëheqjet, janë lodhja e punonjësve në vijën e parë të frontit gjatë pandemisë, dëshira për të vazhduan punën nga distanca dhe rivlerësimi i përparësive në jetë, apo një kombinim i tyre.

Kim Frankel braktisi një karrierë 20 vjeçare në arsim, së fundmi drejtoreshë shkolle në Kaliforni, sepse puna e kishte lodhur dhe dëshironte të ishte pranë familjes në shtetin Tenësi.

“Roli i arsimtarëve gjatë 15 muajve të fundit ka qenë një çmenduri. Po ashtu puna të konsumon në veprimtarinë e përditshme me fëmijët, prindërit dhe stafin përballë situatës së pandemisë.”

Stresi i krijuar nga pandemia bëri që shumë njerëz të shqyrtonin përparësitë e tyre, thotë për Zërin e Amerikës Andreea Vanacker, shefe ekzekutive e kompanisë SPARKX5, e cila punon me kompanitë për të përmirësuar ndjenat e punonjësve.

“Njerëzit mendojnë se, nëse më ka mbetur kaq kohë për të jetuar, si mund të sigurohem që jam në rrugën e duhur, duke bërë atë që vërtetë dua?”

Kompanitë po përpiqen të gjejnë rrugën e duhur, sidomos për punonjësit që duan të punojnë nga shtëpia dhe jo në zyrë. Shumë biznese po caktojnë data për t’u kthyer në zyrë dhe po hartojnë politika të reja për punën nga distanca. Kompani si Apple, kanë dalë me idenë që punonjësit të punojnë tre ditë në zyrë dhe dy ditë nga shtëpia, duke filluar nga tetori.

Puna e re e zonjës Ramaswamy, për një kompani me qendër në San Diego të Kalifornisë, është tërësisht nga distanca.

“Shumë prej nesh po jetonim në qytete, sepse nuk kishte asnjë mundësi tjetër për karrierën tonë”.

“Po futemi në një epokë eksperimentale kur bëhet fjalë për mënyrën e punës dhe përshtatjen nga organizatat. Ndaj drejtuesit nuk po ngrenë supet për dorëheqjet e punonjësve, por po bisedojnë dhe po i dëgjojnë ata dhe pastaj po veprojnë”, thotë për Zërin e Amerikës profesori Anthony Klotz i Universitetit A&M në Teksas.

Vala e dorëheqjeve nga puna ka të ngjarë të vazhdojë për muaj me radhë, ndërsa punonjësit ndërrojnë karrierat apo kompanitë. Ajo që është e pasigurtë është se si do të duket kultura e punës kur të rikthehet normaliteti./VOA

Gjykata e Lartë me 8 anëtarë, ambasadorja e SHBA: Hap i rëndësishëm për zbatimin e Reformës në Drejtësi

Ambasadorja e SHBA, Yuri Kim e ka cilësuar nëj hap të rëndësishëm për Reformën në Drejtësi dekretimin egjyqtarit Artur Kalaja si anëtari i 8-të i Gjykatës së Lartë.

Znj.Kim paralajmëron se së shpejti do të emërohet dhe i 9-ti.

Ajo kujton se me emërimin e anëtarit të 10-të atëhere Gjykata e Lartë do të ketë kuorumin e nevojshëm për të caktuar 3 gjyqtarë në Gjykatën Kushtetuese.

STATUSI NGA AMBASADORJA YURI KIM

Hap i rëndësishëm përpara për zbatimin e Reformës në Drejtësi: Gjyqtari i 8-të emërohet në High Ct, me të 9-in që do të vijë së shpejti. Sapo të emërohet i 10-ti, Gjykata e Lartë do të ketë kuorumin për të caktuar 3 gjyqtarë të tjerë në Gjykatën Kushtetues. Faleminderit Këshillit të Lartë Gjyqësor dhe Presidencës për realizimin e kësaj.

Lufta e 2001-shit dhe Ushtria Çlirimtare Kombëtare tanimë kanë zënë vend në historinë shqiptare

Në facebook-un tim, lidhur me luftën e 2001-shit, ishin parashtruar pyetje të caktuara. Do të përgjigjem parimisht, si më poshtë:

1. Me luftën e 2001-shit, do të merren historianët dhe institucionet shkencore kompetente të Shqipërisë dhe të Kosovës, duke përfshirë edhe studiuesit shqiptarë në Maqedoni;

2. Historia e botës është histori e luftërave që shpërthejnë për arsye nga më të ndryshmet. Askush në këtë rruzull nuk e dëshiron luftën, por ajo, në çaste dhe rrethana të caktuara i imponohet një populli;

3. Ushtria Çlirimtare Kombëtare:

– ishte ushtri me struktura komanduese;

– ishte ushtri me uniformë ushtarake;

– ishte ushtri me emblemë ushtarake;

– kishte hierarki ushtarake komandimi;

– kishte përfaqësuesin politik;

– ishte e disiplinuar dhe i respektoi me përpikëri të gjitha rregullat e luftës si dhe konventat ndërkombëtare të luftës;

4. Pas përfundimit të luftës, Ushtria Çlirimtare Kombëtare ia dorëzoi armët përfaqësuesve të NATO-s dhe jo si në të kaluarën e dhimbshme, sllavo-maqedonasve dhe padronëve të tyre të Beogradit;

5. Historia do të shënojë se lufta e 2001-shit ishte luftë e brendshme;

6. Lufta shpërtheu si pasojë e pakënaqësive të thella të shqiptarëve në Maqedoni;

7. Lufta shpërtheu për ta zgjidhur statusin politik dhe juridik të shqiptarëve;

8. Luftën e 2001-shit e mbështetën pothuajse të gjithë shqiptarët në Maqedoni si dhe i tërë kombi shqiptar në gadishull, duke përfshirë edhe diasporën shqiptare në Evropë dhe në SHBA;

9. Populli shqiptar në Maqedoni, luftën e 2001-shit e mbështeti moralisht, shpirtërisht dhe materialisht;

10. Ushtrinë Çlirimtare Kombëtare e mbështetën pothuajse të gjithë shqiptarët në Maqedoni dhe i tërë kombi shqiptar në Ballkan, duke përfshirë edhe diasporën shqiptare në Evropë dhe në SHBA;

11. Lufta e 2001-shit dhe Ushtria Çlirimtare Kombëtare janë pjesë tejet e rëndësishme e historisë së popullit shqiptar në Maqedoni, si dhe e kombit shqiptar në rajon;

12. Lufta e 2001-shit dhe Ushtria Çlirimtare Kombëtare tanimë kanë zënë vend në historinë e popullit shqiptar në Ballkan.

13. Me detajet e luftës së 2001-shit dhe të UÇK-së mund të merren kryesisht aktorët, përkatësisht pjesëmarrësit e luftës, si dhe studiuesit e saj, d.m.th. historianët.

14. Shqiptarët, luftën e 2001-shit dhe UÇK-në, në asnjë mënyrë nuk mund ta lënë jashtë historisë, për arsye se një hap i tillë do të ishte absurd, johistorik, antikombëtar dhe do t’i zhvishte shqiptarët nga një pjesë e rëndësishme e historisë së tyre;

15. Disa popuj të rajonit, si për shembull serbët, grekët dhe sllavo-maqedonasit, thurin histori edhe për çastet historike në të cilat, ose nuk kanë marrë pjesë, ose kanë qenë pjesëmarrës të parëndësishëm;

16. Marrëveshja e Ohrit, si dokument me vlerë ndërkombëtare dhe i afirmuar në përmasa globale, është pjesë e historisë së popullit shqiptar në Maqedoni, si dhe e kombit shqiptar në gadishull;

17. Marrëveshja e Ohrit në asnjë mënyrë nuk paraqet pengesë që shqiptarët në Maqedoni, në një çast tjetër historik ta ripërkufizojnë kauzën e vet kombëtare dhe të dalin me kërkesa politike të reja;

18. Dështimi i faktorit politik shqiptar në Maqedoni, si pjesëmarrës në qeverinë e VMRO-së, në periudhën e viteve 2006-2014, në asnjë mënyrë nuk mund ta diskreditojë, as ta komprometojë luftën e 2001-shit dhe Ushtrinë Çlirimtare Kombëtare. In ultima linea, politika është mjeshtri e së mundshmes. Asgjë në histori nuk ka mundur të bëhet ndryshe, përpos ashtu siç ka ndodhur – thotë shkrimtari i njohur boshnjak Mesha Selimoviq;

19. As edhe pyetja: E arriti apo jo lufta e 2001-shit qëllimin e luftës, në asnjë mënyrë nuk mund ta diskreditojë apo ta komprometojë atë dhe UÇK-në;

20. Shumë luftëra në histori nuk e kanë arritur qëllimin:

– tibetanët në Kinë luftojnë me dekada;

– kundër pushtuesve rusë luftuan edhe çeçenët, por nuk ia dolën. Mirëpo, kur një ditë çeçenët do ta shkruajnë historinë e vet, lufta çlirimtare e tyre do të jetë pjesë e pandarë e saj.

– kurdët në Turqi, në Irak, në Iran dhe në Siri, d.m.th. në Kurdistan, janë gjithsej 25 milionë. Përkundër luftës së tyre çlirimtare shumëvjeçare, askund nuk kanë shtet.

Shembuj si të tibetanëve, çeçenëve, ujgurëve, kurdëve ka me qindra në këtë rruzull.

21. Me luftën e 2001-shit, shqiptarët arritën ta ulin në tryezën e bisedimeve palën sllavo-maqedonase, madje në prani të faktorit ndërkombëtar;

22. Pjesë e lavdishme e historisë së kombit shqiptar është edhe lufta e Ushtrisë Çlirimtare të Kosovës, e cila bashkë me SHBA-në (NATO-n) e çliroi Kosovën nga pushtuesit serbë;

23. Pjesë e lavdishme e historisë së kombit shqiptar është edhe lufta e UÇPMB-së në Kosovën lindore (Preshevë, Medvegjë, Bujanoc);

24. Është detyrë e klasës politike shqiptare dhe e inteligjencies shqiptare, që të jenë në krye të detyrës, në mënyrë që shqiptarët në Maqedoni ta fitojnë statusin e popullit shtetformues.

* * *

Lidhur me luftën e vitit 2001 të Ushtrisë Çlirimtare Kombëtare në Maqedoni, që u zhvillua nga Tanusha në Tanushë, e që u mbështet nga i tërë kombi shqiptar në gadishull, përfshi dhe shqiptarët në diasporë, do të shkruajë historia e kombit shqiptar. Çdo gjë jashtë kësaj është johistorike dhe antikombëtare.

Popujt e tjerë të rajonit, si për shembull serbët, sajojnë histori edhe aty ku s’kanë asnjë argument historik, ndërsa ndër ne ka pasur të tillë që kanë synuar të vënë në dyshim edhe momentet më historike, më të lavdishme dhe plot sakrifica të stërnipave dhe të stërmbesave të Gjegj Kastriotit.

Studimi i veprimeve politike dhe ushtarake të një kombi për liri dhe demokraci, është çështje e studiuesve kompetentë dhe jo e diletantëve. Këto studime, hulumtime, gjurmime dhe kërkime s’bëhen dot nëpër çajtore dhe byrektore.

Historinë e bëjnë heronjtë e kombit, të prirë nga inteligjencia e kombit. Historinë e krijojnë njerëzit me ideale, të gatshëm për flijim.

Shqiptarët kanë një prejardhje – ilire, flasin një gjuhë, kanë një histori dhe janë një komb.

Botuar në INA dhe në mediume të tjera, në maj 2014

Xhelal Zejneli

Media italiane: Juventus huazon Pjaca te rivali i madh

Marko Pjaca do të mirëpresë sezonin e ri në klubin e ri.

Juventus do të huazojë Pjaca te rivali i qytetit Torino, i cili u mor në këtë sezon nga eksperti kroat Ivan Juriq, sipas TuttoMercatoWeb.

Pjaca luajti deri në 34 ndeshje kampionati për Genoa sezonin e kaluar, që është më shumë sesa ai kishte grumbulluar në tre sezonet para kësaj të kombinuar.

Pjaca u shit nga Dinamo te Juventus në verën e vitit 2016 për një shumë rekorde prej 23 milionë eurosh. Ai së shpejti u dëmtua rëndë dhe kaloi disa sezone të fundit në huazim te Schalke, Fiorentina, Anderlecht dhe Genoa.

Ai luajti 24 ndeshje për ekipin kombëtar dhe shënoi një gol. TuttoMercato shkruan se Torino mposhti Hellas Verona në finish në luftën për anësorin kroat.

Avokati: 71 mijë refugjatë afganë po bëhen gati për të ardhur në Shqipëri

Duke iu referuar një artikulli të “The New York Times”, avokati Altin Goxhaj shprehet se 71 mijë refugjatë afganë me familjet e tre po bëjnë gati plaçkat për të ardhur në Shqipëri.

Sipas Goxhajt, Rama dhe Soros po lobojnë në Shtëpinë e Bardhë që të priten nga Presidenti amerikan Joe Biden, për të strehuar në Shqipëri 71 refugjatë afganë, pas largimit të trupave ushtarake amerikane nga Afganistni.

Në një reagim në rrjetet sociale, ai shkruan:

Një lajm i mirë për Shqipërinë e Rilindur me bangladeshas dhe sirianë!

Tani Rama ka filluar negociatat me Administratën Biden për një vizitë në SHBA ku po lobon me ndihmën e Soros që të pritet në Shtëpinë e Bardhë nga vetë Presidenti të cilit i ka ngordhur qeni por që Rama do ti çojë dhuratë një klysh të racës bastarde “Surreli Hotdog”, por Biden si mirënjohje do ti dhurojë si paketë në bllok për Shqipërinë 18.000 burra afganë bashkë me 53.000 kalamaj, gra, prindër, vjehërr, teze, halla dhe xhaja!

Rama dhe Alex Soros priten që të falënderohen direkt nga Biden, Harris dhe Blinken për ndihmën e pakursyer që po i japin SHBA-së dhe garancisë së pakursyer që Rama të shpallet Satrap i Satrapisë së Soros ALBANISTAN!

Pyetjet që do shtrohen janë:

Sa deputetë nxjerrin ata?

A plotësojnë kriteret për tu konsideruar minoritet përderisa minoritarët e vetëdeklaruar grekë janë shumë më pak?

Ku do vendosen, në cilën zonë të zbrazur nga shqiptarët, në Kukës, Ersekë, Dibër, Librazhd, Mirditë, Berat, Skrapar, apo nga 10 mijë për qytet?

Kush do i fitojë tenderat me dollarët amerikanë për të ndërtuar kampet apo pallatet e tyre?

Si do reflektohet kjo te pamja e qyteteve tona të rilindura?

Fytyra e vërtetë e udhëheqësve shqiptarë, shpopullimi i Shqipërisë dhe Kosovës!

Fytyra e udhëheqësve shqiptarë, duke i mbushur xhepat e vetë e bënë spastrimin etnik nga shqiptarët të shtetit shqiptar.

Sot më se gjysma e kombit përkatësisht e qytetarëve të Shqipërisë e kanë lëshuar vendin e tyre, atdheun e tyre Shqipërinë e Skënderbeut dhe të Qerqis Topullit.

Shqipëria shquhet për pasuritë e saj të shumta natyrore, me bukuritë e rralla turistike, me një popullatë të moshës së re dhe shumë punëtore.

Megjithë këto të mira, të cilat ia ka dhuruar zoti Shqipërisë dhe shqiptarëve të Shqipërisë, shqiptarët nuk e meritojnë të ikin aq shumë nga vendi i tyre për të gjetur punë në vendet e ndryshme të Evropës dhe botës, herë edhe në vendet për tej oqeanike, vetëm dhe vetëm për t’ia siguruar ekzistencën familjeve të tyre.

Nuk ka as një fije dyshimi se për të gjitha këto të këqija , vuajtje të qytetarëve shqiptarë të Shqipërisë fajin e kanë Qeveritë shqiptare njëra pas tjetrës, të cilat e kanë vjedhur Shqipërinë, pasuritë e shumta dhe me vlera të jashtëzakonshme ekonomike të Shqipërisë i kanë përvetësuar për veti, familjarët e tyre, duke e varfëruar qytetarin e Shqipërisë dhe duke ia imponuar për ta lëshuar vendin e tij Shqipërinë e tij të dashur dhe shumë të begat me resurse natyrore dhe bukuri përrallore, të cilat nuk i ka asnjë vendi i rajonit dhe as i Evropës, për të gjetur shpëtimin në vendet e huaja.

Edhe pas kaq shumë vitesh tranzicion, nuk ka ditë, javë as muaj që qytetarët e Shqipërisë nuk e lëshojnë vendin e tyre për shkak të papunësisë, varfërisë dhe pamundësisë që të kenë një jetë normale në vendin e tyre.

Të njëjtat të këqija si shqiptarët e Shqipërisë po i përjetojnë edhe shqiptarët e Kosovës edhe pas 23 vite çlirimi, në një Kosovë në të cilën në çdo hap në tokën e saj ka ari, argjend, nikel, plumb dhe minerale të tjera.

Edhe në Kosovë, për çdo ditë me mija kosovarë presin para Ambasadave të shteteve të huaja për të marrë ndonjë vizë pune për ta lëshuar Kosovën për shkak të papunësisë dhe kushteve të rënda ekonomike për një jetë normale në një vend kaq të pasur siç është Kosova.

Është e drejtë e atyre që ju referohet ky opinion të mendojnë ndryshe nga ajo që mendoj unë për ta: Në Shqipëri dhe në Kosovë jetojnë mirë vetëm oligarkët politikë, ndërkaq pjesa dërmuese e popullatave të dyja vendeve jeton në kushte shumë të rënda socio‐ekonomike.

Pasojë e këtyre rrethanave është edhe fatkeqësia tragjike e komunikacionit në Slovenski Brod të Kroacisë, ku humben jetën 10 mërgimtarë të Kosovës, të cilët udhëtonin nga Gjermani për në Kosovë për tu çmallur me më të dashurit e tyre .

Këtë tragjedi të tmerrshme e kanë përjetuar rëndë jo vetëm familjarët e tyre, por të gjithë shqiptarët dhe popujt të cilët e kanë parë këtë fatkeqësi dhe pasojat e trishtueshme të saj.

Nuk është kjo tragjedi e parë që përjetuan bashkëvendasit tanë kosovarë, para ca vitesh patën humbur jetën më shumë se 200 qytetarë tanë në një aeroplan që fluturonte nga perëndimi për Shkup, kryeqytetin e Maqedonisë, deri kur kështu është mirë t’i pyesim politikanët tanë, qeveritë tona, të cilëve dhe të cilave ua kemi besuar fatin tonë.

Kur qytetarët tanë do të kenë mundësi të kenë një jetë normale në vendin e tyre për të punuar dhe jetuar pa pasur nevojë për ta lëshuar vendin e tyre për tu ballafaquar me tragjedi të tilla kaq të trishtueshme dhe rrëqethëse si ajo e Slovenksi Brodit në Kroaci, në të cilën humbën jetën shumë mërgimtarë tanë, në mesin e të cilëve kishte edhe fëmijë dhe të ri dhe të reja të cilët mezi prisnin të shkonin në Kosovë për tu çmallë me më të dashurit e tyre dhe t’ua sjellin ato dhurata, të cilat i kishin blerë për t’i gëzuar ata…

Shaqiri, “bye” Anfield Road. Aventura drejt mbylljes, bien edhe sirenat nga Serie A

E ardhmja e Xherdan Shaqirit qëndron pezull. Sulmuesi zviceran do të shohë kontratën e tij të skadojë me Liverpool dhe qëndrimi i tij në Anfield nuk është i sigurt.

Sipas raporteve nga Sky Sports UK, ish-lojtari i Inter ka tërhequr vëmendjen e Villarreal dhe Sevilla, të interesuar në huazim.

Megjithatë, edhe në Itali ka vëmendjen e Lazios dhe Napolit të cilët kanë kontaktuar me agjentin e lojtarit.

Shaqiri sezonin e shkuar luajti 14 ndeshje me Liverpool në Premier dhe nuk la shenjë.

Kujtojmë që “Reds” paguan gati 15 mln euro te Stoke City në vitin 2018.