Author

e-medial

e-medial has 17744 articles published.

Ismaili-Opozitës: Votojeni projektligjin për rritjen e pagave për mjekët

Publikuar në në kategorine Shëndeti

Projektligji për pagat që garanton rritjen e pagave për mjekët, brenda pak ditëve pritet të votohet në Kuvendin e Kosovës. Lajmin e ka bërë të ditur ministri i shëndetësisë, Uran Ismaili. Me këtë rast, ai u ka bërë thirrje të gjithë deputetëve të Kuvendit të Kosovës, në veçanti atyre të opozitës, që të përkrahin dhe të votojnë projekligjin për pagat e të mos e përdorin këtë situatë për qëllime politike.

“Edhe një herë, për të gjithë ata të cilët dyshojnë, nuk dëshirojnë të kuptojnë, apo qëllimisht po e përdorin këtë situatë për përfitime politike: Pagat për profesionistët shëndetësorë po i rrisim. Mjekët tanë do të kenë trajtim dhe paga të dinjitetshme. Projektligji që garanton këtë rritje do të kalojë së bashku me buxhetin brenda pak ditësh”, ka shkruar ministri Ismaili duke shtuar. “Unë u bëj thirrje të gjithë deputetëve, të të gjitha partive, në veçanti atyre opozitare, që në vend se të flasin kundër rritjes së pagave për mjekët, të organizohen dhe ta përkrahin këtë projektligj në Kuvendin e Kosovës. I kuptoj lojërat politike, mirëpo mjaft është bërë politikë me mjekët. Tani është koha që të punojmë për ta!”, ka përfunduar ai.

Burimi: http://www.ekonomiaonline.com/

Qeveria pa koment për qëndrimin e Putinit për anëtarësimin e Maqedonisë në NATO

Publikuar në në kategorine Maqedoni

Shkup, 16 janar 2019 (MEDIAL) – Qeveria e Republikës së Maqedonisë është e përkushtuar në qëllimin e saj për anëtarësim në NATO dhe në BE dhe  pret që kjo të arrihet me ratifikimin e Marrëveshjes së Prespës edhe në Parlamentin grek, tha sot në pres konferencën e rregullt, zëdhënësi qeveritar Muhamed Hoxha.

“Pozicionet e Qeverisë së Republikës së Maqedonisë lidhur me anëtarësimin tonë në NATO dhe në BE janë të njohura. Nuk dua që të komentojmë intervista të personaliteteve të ndryshme, sepse Qeveria është përkushtuar në qëllimin e saj -anëtarësimin tonë në NATO dhe në BE. Pas ratifikimit të Marrëveshjes së Prespës tek ne, presim që kjo të ratifikohet edhe në Parlamentin grek dhe me këtë Maqedonia do të projektojë rrugën drejt NATO-s dhe BE-së tha Hoxha, i pyetur lidhur me qëndrimin e parashtruar nga ana e presidentit rus Vladimir Putin se Marrëveshja e Prespës është arritur me presion të jashtëm, para së gjithash nga ana e SHBA-së dhe se me forcë dëshirojnë që ta futin Maqedoninë në NATO.

Propozim-ligji për ndalim të korrupsionit dhe ndeshje të interesave para deputetëve në procedurë të shkurtuar

Publikuar në në kategorine Maqedoni

Shkup, 16 janar 2019 (MEDIAL) – Propozim-ligji për ndalim të korrupsionit dhe ndeshje të interesave në procedurë të shkurtuar,  me flamurin evropian është në rend të ditës  të vazhdimit të seancës së 80-të të Kuvendit, që do të fillojë në orën 15:30.

Në debatin e paradites deputetët me 84  vota “pro” e miratuan propozimin e Qeverisë për sjelljen e ligjit për ndalim të korrupsionit dhe ndeshjes së interesave sipas procedurës së shkurtuar.

Kryetari i Kuvendit Talat Xhaferi e obligoi Komisionin për çështje evropian si trup amë të debatojë për propozimin e ligjit që të mundësohet  t’i njoftojë deputetët për afatin e  parashtrimit të amendamenteve dhe pastaj ai të vjen  në seancë plenare.

Ministrja e Drejtësisë Renata Deskoska në fjalim para deputetëve u bëri thirrje ta japin votën e tyre për ligjin,  duke theksuar se ajo është e rëndësishme që të respektohen afatet  për zgjedhje të përbërjes së re  të Komisionit shtetëror për ndalim të korrupsionit në vigjilje të  zgjedhjeve presidenciale. Theksoi se ligjit , sipas propozimit të Qeverisë  i është vendosur flamur evropian, për shkak që, siç tha përpjekjeve të bllokohet sjellja e tij  me dorëzimin e një numri të madh të amendamenteve.

Përmendi se ligji është dërguar  për mendim ekspert deri te KE-ja dhe prej atje është marrë vlerësim pozitiv  për zgjidhje ligjore, në të cilin janë implementuar standardet evropiane dhe rekomandimet.

“Sipas amendamenteve  problem kishte  rreth kontrollit të financimit të partive politike dhe kontrollit të tyre. Këtë herë u bëj thirrje  së pari ta përkrahim  nevojën e sjelljes së këtij ligji sipas procedurës së shkurtuar dhe të mundësojmë  në zgjedhjet e ardhshme presidenciale,  ndërsa ndoshta  edhe zgjedhjet parlamentare të kemi KSHNK i cili do ta rregullojë financimin e fushatës zgjedhore dhe shpenzimet buxhetore  në këtë periudhë”, tha Deskoska.

Përmendi se me  vendimin e ri ligjor rriten kompetencat e KSHNK-së dhe  gjithçka  është në funksion për shkak të rritjes së kapaciteteve  të punës së saj.

Koordinuesi i grupit të deputetëve të VMRO-DPMNE-së, Nikolla Micevski  theksoi se  është përfundimisht joserioze të thuhet se dikush dëshiron  ta pengojë sjelljen e ligjit antikorruptues.

“Folëm vetëm për një amendament. Kuvendi u bë institucion privat  i shumicës parlamentare dhe pushtetit. Në rend të ditës është  ligji i rëndësishëm reformues, për të tretën herë i parashtruar në Kuvend,  theksoi ai dhe përmendi  se bëhet fjalë për  ligj  për të cilin ka pëlqim  nga të gjitha partitë politike, ndërsa partia e tij amendamentet i ka parashtruar  në drejtim të përmirësimit të tekstit.

Kuvendi sot i miratoi dhe miratoi vendime për shpallje të konkurseve publike për emërime të anëtarëve të Këshillit programues të RTVM-së, për zgjedhje të anëtarëve  të Këshillit të Agjencisë  për audio dhe shërbime mediatike audiovizuale, shpallje publike për zgjedhje  të zëvendësdrejtorit të Drejtorisë  për mbrojtje të të dhënave personale dhe për emërime  të anëtarit  të Komisionit shtetëror për vendosje në procedurën drejtuese dhe procedurë nga sjellja e punës  në shkallë të dytë.

Në vendosjen e këtyre pikave në rend të ditës reaguan deputetët e VMRO-DPMNE-së, të cilët potencuan se këto pika  janë zhvendosur pas orës 12 dhe se ata nuk kanë pasur kohë  të njoftohen  me përmbajtjen e tyre. Spikeri kuvendor u përgjigj se bëhet fjalë  për vendime për shpallje të konkurseve, ndërsa jo për zgjedhje të personave konkret.

Qeveria kah fundi i muajit të kaluar e tërhoqi Propozim-ligjin për ndalim të korrupsionit dhe ndeshjen e interesave, i cili ishte në procedurë kuvendore, ndërsa deputetët më 24 dhjetor e miratuan në lexim të parë  me 59 vota “pro” dhe 16 “kundër”. Në argumentimin e Qeverisë citohet  se në seancën e fundit është sjellur vendim  për tërheqje të ligjit antikorruptues nga procedura kuvendore me qëllim që ai të fitojë flamur evropian dhe të përshpejtohet  procedura  e sjelljes së tij, ndërsa me atë  edhe procedura për zgjedhje  të Komisionit të ri shtetëror për ndalim të korrupsionit sipas  kritereve të reja të konfirmuara me vendim ligjor.

KSHNK nuk funksionon pothuajse 11 muaj, prejse në mars të vitit të kaluar pas shpalljes së raportit revizor për punën financiare  të Komisionit Antikoruptues, në të cilin revizorët shënuan  dyshime serioze  për shpërdorime nga ana e anëtarëve si faktura të falsifikuara,  urdhëresa rrugore të rrejshme, shuma joreale për marrje me qira të banesave në Shkup,  pesë nga shtatë  anëtarët e saj  dhanë dorëheqje, mes të cilëve edhe kryetari Igor Tanturovski. .

 

U gjetën pa jetë brenda në frigorifer, historia e trishtë e tre fëmijëve të vegjël

Publikuar në në kategorine Shëndeti

Tre fëmijët janë gjetur pa jetë të bllokuar brenda një frigoriferi. Dy nga fëmijët janë identifikuar si motër e vëlla, 1-vjeçarja Kayleigh dhe 6 vjeçari Dalton.

Policia raportoi se fëmijët ishin duke luajtur jashtë një rezidence në 173rd Place në Suwannee, kur u futën brenda frigoriferit dhe mbetën të bllokuar.

Pas marrjes në pyetje të prindërve, policia zbuloi se frigoriferi sapo ishte marrë nga ata, por nuk ishte mbyllur dhe u la jashtë shtëpisë së tyre.

Autoritetet raportuan se për arsye ende të panjohura fëmijët u futën brenda pajisjes shtëpiake, ndërsa një e rritur që ishte me ta u fut brenda në shtëpi për të përdorur banjën.

Kur gruaja u kthye në oborr nuk i gjeti fëmijët dhe nisi të kërkonte në pronën e tyre dhe në shtëpitë përreth, së bashku me një familjare tjetër.

Dy gratë, identiteti i së cilave nuk bëhet i ditur, i gjetën fëmijët kur hapën frigoriferin.

Asnjëri prej tyre nuk merrte frymë. Ato menjëherë filluan ti bënin frymëmarrje artificiale dhe morën ambulancën.

Menjëherë fëmijët u dërguan në një spital lokal, por ishte tepër vonë.

Policia raporton se nga hetimet paraprake mendohet se kur fëmijët u futën brenda frigoriferit kapaku u mbyll dhe ata nuk arritën dot ta hapnin më.

Fëmija i tretë nuk është identifikuar. Policia po vazhdon hetimet.

Burimi: http://kidstime.al

Janë prezantuar masat e Programit për uljen e ndotjes së ajrit

Publikuar në në kategorine Maqedoni

Shkup, 16 janar 2019 (MEDIAL) – Menaxhimi i drejtpërdrejtë me burimet e ndotjes, krijimin e vetëdijes publike, nga mosha parashkollore e deri te ajo e pensionit, ndryshime në ligjet të cilat janë të nevojshme dhe zbatimi i Platformës për koordinim dhe ndjekje të realizimit të programit. Këto janë katër komponentët në të cilat bazohet Programi për uljen e ndotjes së ajrit.

Këtë sot e tha zëvendësministri i Mjedisit Jetësor dhe Planifikimit Hapësinor Jani Makraduli në Qeveri ku u mbajt dita e katërt nga vargu i ditëve të hapura për iniciativa të organizatave qytetare, që ka të bëjë me “Planin për ajër të pastër” për vitin 2019 dhe korniza e tij kohore për zbatim.

“Qëllimi i Programit në vitin 2019 është se si të arrijmë sa më shumë shfrytëzues të cilët nuk do të ndotin ajrin. Qytetarët, një pjesë e madhe e tyre, nuk dëshirojnë të ndotin ajrin, por për fat të keq statusi social është ashtu si është, ndërsa detyra jonë është se si të ofrojmë alternativë dhe kjo është detyrë e Programit për uljen e ndotjes së ajrit”, tha Makraduli.

Ai informon se gjatë këtij viti do të realizojnë dy aktivitetet e para. Kjo është kyçja e konviktit të studentëve “Kuzman Josifovski-Pitu” në Shkup në operatorin e ngrohjes. Për momentin aty ka 490 studentë, ndërsa ngrohja është me mazut dhe në periudhën e dimrit shpenzohen 230 tonë. Në nivel vjetor ka shpenzime prej 7,1 milionë denarë, prej të cilave pesë milionë i mbulon shteti. Me kyçjen në operatorin e ngrohjes shpenzimet, siç tha, do të ulen për rreth 5,3 milionë denarë.

Aktiviteti i dytë është koncepti “Gjethi i gjelbër-ajri i pastër”. Bëhet fjalë për iniciativë të Fakultetit të Shkencave Bujqësore dhe Ushqimit dhe Fakultetit të Pylltarisë në  Shkup në secilën komunë të Shkupit, gjegjësisht në një shkollë fillore dhe një çerdhe, të krijohet park nga studentët. Aty të mbillen fidanë të cilët janë autoktonë dhe prodhohen në Maqedoni, në kampusin e tyre i cili është 63 hektarë.

Shefi i kabinetit të kryetarit të Qytetit të Shkupit Nikolla Naumovski iu referua aktiviteteve të cilat i ndërmerr Inspektorati i tyre, në gjelbërimin, ngrohjen e shtëpive dhe transportit.

Naumovski kumtoi se në periudhën e kaluar NQP “Shkupi” duhet të shpallë tender për furnizim të 40 autobusëve ekologjikë me gaz. Pjesa më e madhe e tyre, siç tha, do të jenë me dy pjesë në vend se me dy kate dhe do të transportojnë më shumë pasagjerë.

Paralajmëroi se këtë pranverë do të hapet park i ri pas Filarmonisë së Maqedonisë dhe në një pjesë të çatisë së  Qendrës Tregtare të Qytetit.

Në Qeveri morën pjesë edhe pjesëtarë të më shumë organizatave joqeveritare, si “Eko-vetëdije”, “Gou grin”, “Griner”, “Eko skop” dhe “Eko guerila” nga Tetova, të cilët kishin prezantimet e tyre. Shfaqën kënaqësi që po punohet në këtë temë dhe kërkuan që kompetentët të gjejnë mënyrë dhe t’iu ndihmojnë ndërmarrjeve të vogla  që ta ndryshojnë mënyrën e ngrohjes, të punohet në ndryshimet klimatike, të sigurohen vendbanime montuese  për familjet të cilat punojnë në kushte të këqija në lagjet e Shkupit… “Eko guerila” propozon që t’iu ndihmohet ndërmarrjeve të rajonit të Pollogut, të cilët prodhojnë mobilie. Sipas tyre, ata e ndotin ajrin me atë që ngrohen me materialet që iu mbesin nga puna e tyre dhe është e nevojshme që të vendosin filtra. Vlerësojnë se është e nevojshme që të hapet ndërmarrje e cila do të prodhonte filtra në Maqedoni që të mos importojnë nga vende të tjera.

 

Qendra e Shëndetit Kërçovë paralajmëron punësime të reja

Publikuar në në kategorine Maqedoni

Kërçovë, 16 janar 2019 (MEDIAL) – Qendra e Shëndetit në Kërçovë, dr. Xhabir Bajrami para disa ditëve e mori detyrën udhëheqës i ri dhe paralajmëroi riorganizim të Qendrës Shëndetësore dhe tha se qëllimi i politikës së re shëndetësore,  që synojnë ta zbatojnë si prioritet, është ruajtja dhe avancimi i shëndetit, vazhdimi i kohëzgjatjes  dhe përmirësimi i cilësisë së jetesës të individit dhe të të gjithë popullatës.

Duke treguar për mbrojtjen shëndetësore, Bajrami theksoi se punonjësit shëndetësorë, janë të obliguar të kujdesen për pacientët, ta respektojnë dinjitetin e tyre, të përmbahen në etikën mjekësore dhe doktrinën mjekësore, ta ruajnë sekretin profesional, ndërsa kjo ka të bëjë, siç thotë edhe për të punësuarit e tjerë të cilët përdorin dokumentacion mjekësor.

Shtoi se do të angazhohet dhe vazhdimisht do të kërkojë rritje të personelit, gjegjësisht edhe të paktën dhjetë punësime të reja, sepse, siç nënvizoi, atëherë do të jemi  më efikas në punën e përditshme.

Ai paralajmëron se së shpejti, krahas katër automjeteve ekzistuese të ambulancës të cilat janë të vjetra më shumë se 15 vjet, për nevojat e ndihmës së shpejtë në Kërçovë, nga Ministria kompetente do të marrin edhe një automjet të ri. .

AOGJSH kërkon orar të punës prej shtatëorësh dhe shpalljen e 2 janarit dhe 2 majit për festa

Publikuar në në kategorine Maqedoni
dig

Shkup, 16 janar 2019 (MEDIAL) – Nismë për shpalljen e 2 janarit dhe 2 majit për ditë jopune, si dhe vendosjen e orarit të punës prej shtatëorës, do të parashtrojë deri te Qeveria e Republikës së Maqedonisë Sindikata e Administratës, Organeve Gjyqësore dhe Shoqatave Civile të (AOGJSH).

Kryetari i AOGJSH-së Peco Grujovski, në konferencën e sotme për shtyp, theksoi se është koha që Maqedonia t’u bashkëngjitet trendeve evropiane edhe në Ligjin e ri për marrëdhënie pune i cili është në fazë të hartimit që të përcaktohet orar pune prej shtatëorësh, gjegjësisht 35 orë në javë.

“Me orar pune shtatëorësh do të kryhet sistem më i mirë i punës. Me uljen e orarit të punës për 10,2 për qind nga çdo punëtor, teorikisht do të vijë deri te nevoja për angazhim të numrit shtesë të punëtorëve. Nga aspekti social kërkesën tonë e argumentojmë me atë që do të rriten mundësitë për kujdes ndaj familjeve dhe për rekreim”, deklaroi Grujovski.

Lidhur me nismën për ndryshimin e  Ligjit për festa, Grujovski theksoi se në vitin 2007 festa e 2 janarit u hoq si ditë jopune, derisa sivjet me vendim të Qeverisë sërish u shpall di ditë jopune.

Tradita e shënimit të Ditës Ndërkombëtare të Punës, theksoi Grujivski, konsiderojmë se duhet të vazhdojë edhe krahas 1 majit dhe 2 maji të shpallet festë.

Lavrov: Moska nuk është kundër marëveshjes midis Shkupit dhe Athinës, kontestues është legjitimiteti i procesit

Publikuar në në kategorine Maqedoni

Moskë, 16 janar 2019 (MEDIAL) – Rusia nuk është kundër emrit të ri të Maqedonisë, as kundër marrëveshjes midis Greqisë dhe Maqedonisë rreth emrit, por pyet sa është legjitim ky proces, deklaroi ministri rus i Punëve të Jashtme Sergej Lavrov në konferencën e sotme për shtyp në Moskë në të cilën i ka prezantuar rezultatet e punës së diplomacisë ruse në vitin 2018.

Në konferencë për shtyp Lavrovi tha se Rusia e parashtron pyetjen në të cilën masë marrëveshja për emrin e Maqedonisë është rezultat i synimeve të të dyja vendeve dhe popujve të të dyja vendeve të gjejnë zgjidhje dhe kompromis, ndërsa në cilën masë është rezultat i “përpjekjeve të SHBA-së që të gjitha vendet e Ballkanit t’i fusin në NATO”, sa është e mundur më shpejt dhe të ndalohet çdo ndikim i Rusisë në rajon.

Sipas Lavrovit, emri i Maqedonisë nuk është zgjidhur në nivelin që e kërkon Kushtetuta e Republikës së Maqedonisë.

Lavrovi ka theksuar se mënyra në të cilën ishte dakorduar emri i ri i Maqedonisë ka tendencë që SHBA-ja dhe aleatët e saj të ngushtë që respektimi i të drejtës ndërkombëtare të përdoret “një set të rregullave”.

“Në vend të qasjes së drejtë, që nënkupton miratim të ligjeve që do të nënshkruhen nga ana e presidentit të Republikës së Maqedonisë, zbatohet qasje e padrejtë, por qasje të rregullave. Është shpikur rregulla, sipas së cilës, krahas Kushtetutës së Republikës së Maqedonisë, vendimi të mund të nënshkruhet në nivel të ministrit, e jo në nivel të presidentit”, tha Lavrov.

Sipas tij, qëllimi i kësaj qasje është që të gjitha vendet e Ballkanit, sa është e mundur më shpejt të hyjnë në NATO, me ndihmën e “Rregullave centrike të NATO-s”.

Presidenti rus Vladimir Putin dhe shefi i diplomacisë Sergej Lavrov nesër vijnë për vizitë njëditore në Beograd. ob/

Dita e dytë e debatit në Parlamentin grek, në mesnatë do të votohet për besim të Qeverisë

Publikuar në në kategorine Maqedoni

Athinë, 16 janar 2019 (MEDIAL) – Paradite, rreth orës 10, sipas kohës lokale, filloi dita e dytë dhe e fundit nga debati në Parlamentin grek për besim të Qeverisë, që do të kulminojë në mesnatë me votimin e deputetëve, lajmëroi korrespondentja e M.I.A-s nga Athina.

Debati i sotëm, vazhdoi aty ku u ndërpre mbrëmë në mesnatë, me fjalimin e deputetëve dhe ministrave të Qeverisë.

Drejtpërdrejt para votimit sërish do të mbajë fjalim kryeministri grek Aleksis Cipras.

Sipas numërimeve të fundit dhe qëndrimeve të shprehura publikisht, Qeveria do të marrë 151 votat e nevojshme për besim dhe mbështetje.

Përveç 154 deputetët e Sirizas, pritet, pozitivisht të votojnë deputetja e pavarur dhe ministrja alternative për Mbrojtje Civile, Katerina Papakosta, dy ish-anëtarë dhe dy anëtarë të tanishëm të Grekëve të Pavarur, Elena Kundura, Vasilis Kokalis, Tanasis Papahristopulos dhe Kostas Zuraris, si dhe deputeti i deritashëm i Potamit, Spiros Danelis. .

Canoski: Prishja e “Kosmos”-it ishte politike, dëmi 40 milionë euro

Publikuar në në kategorine Maqedoni

Shkup, 16 janar 2019 (MEDIAL) – Pronari i kompleksit “Kosmos”, biznesmeni Fijat Canoski, në seancën e sotme për rastin “TNT” të PSP-së, para gjykatës ka thënë se prishja ishte politike dhe se do të kërkojë dëmshpërblim nga shteti dhe të akuzuarit. Theksoi se dëmi i tyre sipas disa ekspertizave të cilat janë bërë arrin rreth 40 milionë euro.

Rasti gjendet në procedurë dëshmuese dhe seanca e sotme vazhdoi me leximin e dëshmive të dëshmitarëve Meri Stançevska, e cila është e paqasshme për organet e ndjekjes, si dhe nga Trajko Tërpevski i cili ndërroi jetë në korrik të vitit 2018, sot vazhdoi seanca për lëndën e PSP-së.

Deklaratat nga dy dëshmitarët kanë të bëjnë me prishjen e Kosmosit, se ata ishin pronarë dhe të punësuar në një pjesë të ndërmarrjeve të cilat e kanë prishur objektin.

Para fillimit të gjykimit, avokati Boro Taseski kërkoi shtyrje të seancës për shkak të, siç tha, seancës së fundit për një pjesë të dëshmive janë kërkuar persona profesionistë për të marrë pjesë dhe me qëllim që të ruhet orari i gjykimit. Tasevski, tha që mbrojtja ka kërkuar nga gjykata gjegjësisht nga komuna kontroll për mbikëqyrje ekzekutiv inspektues nga qershori i vitit 2018.

Gjykatësi Ognen Stavrev, tha se kërkesat janë të pabaza dhe se gjykimi mund të vazhdojë me procedurë dëshmuese pas çka vazhdoi me seancën.

Midis të akuzuarve në këtë rast janë ish-kryeministri Nikolla Gruevski, i cili është në arrati në Hungari, ish-ministri i Transportit dhe Lidhjeve Mile Janakievski dhe ish-kryetari i Komunës së Gazi Babës, toni Trajkovski.

Sipas aktakuzës së SPS-së, të akuzuarit në vitin 2011 kanë bërë vepër penale nga urrejtja politikeme prishjen e kompleksit “Kosmos” të Fijat Canoskit.

Biznesmeni Fijat Canoski paralajmëroi se do të kërkojë dëmshpërblim prej 55 milionë eurove, aq sa i vlerëson humbjet e tija nga prishja e kompleksit banesor-afarist. .

 

OTE konfirmon shitjen e ‘Telekom Albania’ tek Spas Roussev dhe Elvin Guri për 50 milionë euro, cilët janë dy aksionerët e rinj

Publikuar në në kategorine Biznes

Pas disa muajsh negociatash është finalizuar transaksioni për shitjen e Telekom Albania, operatorit të dytë të telefonisë celulare në vend.

Grupi grek OTE- i cili është në pronësi të rrjetit gjerman të telekomunikacionit, Deutsche Telecom – dhe zotëron 99.79% të aksioneve të Telekom Albania- njoftoi zyrtarisht se “OTE ka hyrë në një marrëveshje për të shitur kuotën e saj të plotë në Telekom Albania Sh.A. (Telekom Albania) tek kompania bullgare Albania Telecom Invest AD për një shumë totale prej 50 milionë eurosh. Albania Telecom Invest AD kontrollohet nga Z. Spas Roussev, aksioner kryesor i operatorit të telefonisë bullgare Vivacom, dhe nga z. Elvin Guri, një investitor bullgaro shqiptar”.

Transaksioni i nënshtrohet procedurave normale të përfundimit, duke përfshirë miratimin nga autoritetet kompetente dhe financimin, dhe pritet të përfundojë në gjysmën e parë 2019.

Blerësit

Spas Roussev është një sipërmarrës bullgar, i cili në vitin 2016 ishte në krye të konsorciumit që mori kontrollin e operatorit kryesor bullgar të telefonisë celulare Vivacom (të regjistruar si Kompania Bullgare e Telekomunikacionit, BTC) nga VTB Capital (krahu i bankingut investues i ruses VTB).

Elvin Guri

Elvin Guri është një sipërmarrës shqiptar që ka një përvojë 20 vjeçare në sipërmarrje jashtë Shqipërisë, por deri tani nuk ka pasur asnjë biznes në Shqipëri (emri i tij nuk figuron si aksioner në Qendrën Kombëtare të Biznesit). Sipas një artikulli të publikuar nga Universiteti Amerikan i Bullgarisë, ku ai përfundoi studimet në viin 1996, Guri ka përvojë si analist financiar në Bankën Europiane për Rindërtim dhe Zhvillim në Londër. Në vitin 2001, së bashku me një partner krijoi “JetFinance.”

Në vitin 2015 ai mori një EMBA nga University of Oxford – Said Business School. Sipas profilit në Bloomberg, ai është investitor dhe sipërmarrës me një histori të suksesshme në shërbimet financiare. Si këshilltar dhe investitor, ai ka qenë i përfshirë në marrëveshje në sektorin e institucioneve financiare (Republika Çeke, Ukraina, Polonia, Rumania, Serbia, Shqipëria, Maqedonia), në fondet e sipërmarrjeve të teknologjisë dhe bioteknologjisë (Zvicër, Bullgari) në pasuritë e paluajtshme (SHBA).

 

Negociatat për shitje

Grupi OTE, pranoi në fund të shtatorit se ishte në negociata me disa palë për shitjen e Telecom Albania. Ofertues ishin Telekomi i Serbisë, bullgarja Vivacom, grupi çek PPF, Albtelecom në Shqipëri dhe sipërmarrësi grek Vardis Vardinogiannis, me interesa në naftë dhe transporte. Telekom Srbija, bëri një ofertë të lartë, në momentin e fundit, për Telekom Albania, duke i zënë në befasi konkurrentët e tjerë dhe duke hapur një debat të gjerë politik, duke detyruar dhe kryeministrin shqiptar, Edi Rama, të mos shprehet në favor të këtij transaksioni.

 

Si u zhvlerësua Telekom Albania

OTE shpenzoi 80 milionë euro kur në vitin 2000 bleu 85% të aksioneve të Telekom Albania, që në atë kohë quhej AMC. Investimi rezultoi mjaft i leverdisshëm dhe u kthye në një kohë rekord, teksa AMC ishte ndër kompanitë më fitimprurëse në vend.

Deri në vitin 2009, kur në tregun celular kishte vetëm dy operatorë, Telekom Albania (në atë kohë AMC) kishte fitime mjaft të larta. Rekordi është arritur në vitin 2008, me fitime para taksave që ishin rreth 110 milionë euro, teksa norma EBITDA (fitimet para interesave, taksave, zhvlerësimit dhe amortizimit) arrinte deri në 80%. Pas 2008 fitimet ranë gradualisht për të arritur në 30 mln euro në vitin 2013 dhe 17 mln euro në 2014, për të kaluar më pas me humbje të larta në 2017, sipas të dhënave historike të analizuara nga Monitor.

Telecom Albania, që kishte të ardhura prej 9.1 miliardë lekësh në 2017-n, raportoi humbje tepër të larta prej 4.8 miliardë lekësh (mëse gjysma e të ardhurave) në 2017-n, apo rreth 36 milionë euro humbje, pas fitimeve minimale prej 155 milionë lekësh në 2016-n, sipas bilancit zyrtar.

Mësohet se gjatë procesit të due diligence asetet u rivlerësuan në ulje, çka së bashku me humbjet e mëdha bëri që t’i ulej vlera kompanisë.

 

Burimi: http://www.monitor.al/

Në PHE “Drini i Zi” vitin e kaluar janë prodhuar rreth 600 milionë kilovatë rrymë

Publikuar në në kategorine Maqedoni

Dibër, 16 janar 2019 (MEDIAL) – Hidrocentralet “Shpilje” dhe “Glloboçicë”, të cilat e përbëjnë Pellgun Hidroenergjetik (PHE) “Drini i Zi” vitin e kaluar kanë prodhuar rreth 600 milionë kilovatë orë energji elektrike, që është për mbi 60 për qind më shumë në krahasim me prodhimtarinë në vitin 2017.

“Në PHE ‘Shpilje’ në Dibër janë prodhuar 368,4 milionë kilovatë orë energji elektrike, që është për 54 për qind mbi atë që është planifikuar dhe gati 2,5 herë më shumë se ajo që është prodhuar në vitin 2017 kur e njëjta ishte 158,6 milionë kilovatë. Kjo prodhimtari është më e vogël vetëm në krahasim me vitin 2010 dhe 2013”, deklaruan për M.I.A-n kompetentët në ELEM.

Sipas burimit të njëjtë edhe në HE “Glloboçica”, prodhimtaria e vitit të kaluar është për gati 2,5 herë më e madhe nga viti paraprak.

“Në HE’Glloboçica’, në Strugë janë prodhuar 230,2 milionë kilovatë që është 53 për qind më shumë se ajo që është planifikuar dhe gati 2,5 herë më shumë se ajo që është prodhuar në vitin 2017, kur ishin prodhuar 97,6 milionë. Kjo prodhimtari është më e vogël në krahasim me vitin 2006, 2010 dhe 2013”, theksojnë nga ELEM.

Si rezultat i hidrologjisë së favorshme si dhe përgatitjes së pajisjeve elektromakinerike, planin vjetor të dyja hidrocentralet e realizuan që në muajin maj.

Për momentin në akumulimet e të dy HE ka rezerva të ujit për prodhimtari të 32 milionë kilovatë energji elektrike. Duhet të theksohet se kur ka borë ka rezerva të mëdha në rajonet e pellgjeve.

Me remontet dhe revizionet e realizuara me kohë dhe me sukses të pajisjeve elektromakinerike, të dy hidrocentralet janë të gatshme që të pranojnë dhe përpunojnë sasinë e ujit që do të grumbullohet dhe të punojnë me kapacitet të plotë.

 

Lëndohet një strugan në një kafeteri në Strugë

Publikuar në në kategorine Maqedoni

Strugë, 16 janar 2019 (MEDIAL) – Një strugan pesëdhjetë vjeçar ka marrë lëndime të rënda trupore pas një sulmi nga një bashkëqytetar i tij në një objekt hotelierik në Strugë.

SPB Ohër kumtoi se dje 30 minuta pas mesnate në një objekt hotelierik të locuar në rrugën “Risto Kërle” është prishur rendi dhe qetësia publike.

“R.D: (5) nga Struga a marrë lëndime të rënda trupore, që i janë konstatuar në Spitalin e përgjithshëm. Ai, fillimisht verbalisht, pastaj edhe fizikisht është sulmuar nga B.D. (50) nga Struga pas së cilës menjëherë është larguar nga kafiteria, sqaroi zëdhënësi i SPB Ohër, Stefan Dimovski.

Pas dokumentimit të plotë të ngjarjes, Stacioni i policisë nga Struga, kundër B.D. do të ngritë kallëzim përkatës. ./

Ngrihet një pjesë e Liqenit të Ohrit

Publikuar në në kategorine Maqedoni

Një pjesë e Liqenit të Ohrit në afërsi të “Plazhit të grave” në Strugë është ngrirë. Temperaturat e ulta të cilat arrijnë edhe deri minus 16 gradë Celsius sollën deri në ngrirje të pjesëve më të cekëta të liqenit në Kalishte, Radozhdë dhe në Ohër.

Pjesë të ngrira ka edhe në akumulacionin “Glloboçicë”.

Struganët më të moshuar thonë se dukuria e tillë ka qenë e shpeshtë edhe më herët, respektivisht ka ndodhur që ngrica të arrijë trashësi edhe deri disa centimetra. Por, thonë ata, viteve të fundit klima ka ndryhsuar dhe në dimër nuk ka aq temperatura të ulta si një kohë. .

Vucis: Marrëveshja duhet të votohet prej 151 deputetëve

Publikuar në në kategorine Maqedoni

Athinë, 16 janar 2019 (MEDIAL) – Kryetari i Parlamentit grek, Nikos Vucis, në bisedë me gazetarët grekë ka thënë se Marrëveshja e Prespës duhet të votohet prej 151 deputetëve, sepse kjo është mirë për vendin dhe se kjo shumicë ekziston, publikoi agjencia greke e lajmeve ANA-MPA, lajmëroi korrespondentja e M.I.A-s nga Athina.

“Marrëveshja e Prespës, edhe pse Kushtetuta nuk e kërkon këtë, duhet të votohet prej 151 deputetëve që të ketë fuqi të fortë, si në vend, ashtu edhe në organizatat ndërkombëtare”u ka thënë Vucis gazetarëve.

Derisa, ndërkaq, lidhur me skenarin të mos fitojë 151 deputetë, kryetari i Parlamentit grek ka sqaruar se atëherë “do të ekzistojë çështje e përgjegjësisë së kufizuar lidhur me interpretimin, por askush në organizatat ndërkombëtare nuk do të parashtrojë pyetje se nuk është valid”.

“Është mirë për vendin dhe për Parlamentin të ekzistojë shumicë e qartë dhe mendoj se do të ekzistojë, sepse është marrëveshje e fuqishme historike”, ka komentuar Vucis.

I pyetur për atë nëse marrëveshja këtë javë do të vijë në debat në Parlament, Vucis ka thënë se nuk është i njoftuar me diçka të këtillë dhe ka theksuar se debati do të mbahet pa nxituar.

Protestat, shpirti i pashuar revolucionar i shqiptarëve dhe domosdoshmëria për institucionalizëm

Publikuar në në kategorine Opinione

Protestat e studentëve në Tiranë, ngjallën jo vetëm një simpati të madhe në publik, por edhe një shpresë se një valë e re ndryshimesh po i afrohej Shqipërisë prej brezit të ri. Shumëkush madje evokoi edhe nostalgjinë e Lëvizjes Studentore, e cila për hir të së vërtetës, është mitizuar e glorifikuar jashtë mase në memorien kolektive të shoqërisë shqiptare. Në kushtet e një kulture jo të hershme e jo të konsoliduar demokratike, vazhdon të kemi një numër të madh të qytetarëve që kanë iluzionin se revolucioni apo përmbysja me dhunë, është arma më e mirë për të sjellë ndryshime pozitive në shoqëri. Kjo magjepsje masive me protestat e studentëve dhe iluzionet e mëdha që u ndërtuar bazuar në to, mund të konsiderohen si dëshmi që njerëzit në Shqipëri ende kanë një preferencë të madhe për radikalizmin, agresivitetin, revolucionin e dhunën përkundrejt gradualizmit, reformave institucionale apo proceseve politike demokratike.  Kjo tendencë është padyshim rudiment i trashëguar nga shpëlarja e trurit prej doktrinës komuniste, e cila himnizonte përmbysjen e regjimit si mjet të preferuar për të marrë pushtetin. Ende sot dominon në kujtesën tonë historike kolektive një admirim për revolucionin e qershorit të Fan Nolit dhe një urrejtje për lëvizjen e Legalitetit të Zogut që promovonte marrjen e pushtetit me mjete legale. E njëjta tendencë masive e mahnitjes së opinionit publik me protestat u vu re edhe në vitet 2015-17 në Kosovë ku u krijua përshtypja e rremë, tek një segment domethënës i shoqërisë, se protestat e dhunshme me molotov e gaz kinse do i mbyllnin njëherë e mirë plagët e së kaluarës e do ishin “si rrugëdalje për një të ardhme të ndritur”. Mirëpo nëse në Kosovë protestave iu printe një forcë e majtë me ndikim revolucionar marksist si Lëvizja Vetëvendosje, në Shqipëri mbështetja dhe simpatia për protestat si mjet i preferuar politik po vjen nga një forcë e djathtë që tradicionalisht në Evropë nuk para përzgjedh protestat  dhe përmbysjen si mjet politik.





Përveç ndarjes ideologjike klasike mes atyre që kishin me të shtrenjtë dhe atyre që synonin më së shumti barazinë, historia moderne e Evropës ka pasur një ndarje të madhe edhe për sa i përket mjeteve apo metodave të arritjes së qëllimeve politike të dëshiruara. Pra, përtej ndarjes mes liberalëve që promovojnë ekonominë e lirë të tregut bazuar tek prona private e sipërmarrja në kushtet e konkurrencës dhe socialistëve që dëshirojnë barazinë, ekziston edhe një ndarje tjetër mes revolucionarëve dhe evolucionarëve. Të parët duan ndryshime të shpejta apo të menjëhershme nëpërmjet përmbysjes ndërsa të dytët një ndryshim gradual të përmbajtur e të ngadalshëm, por të qëndrueshëm. Revolucionarizmi i përket kryesisht marksizmit që e shikonte antagonizmin e klasave si pjesë thelbësore të historisë dhe propozonte revolucionin e proletariatit si mjetin e vetëm për të shembur borgjezinë e për të arritur socializmin, që sipas tyre ishte niveli sipëror i organizimit shoqëror ku të gjithë ishin të barabartë.

Në krahun e majtë ishte edhe një rrymë tjetër alternative ndaj revolucionarizmit marksist, ajo e gradualizmi. Kjo alternativë u krijua në Mbretërinë e Bashkuar me Shoqatën Fabian, e cila po ashtu kishte socializmin si objektiv, por mendonte se mund ta arrinte vetëm në mënyrë graduale duke ndryshuar legjislacionin, bërë reforma e ndryshuar kulturën e përgjithshme në atë drejtim. Marksistët avokonin përdorimin e dhunës si mjet për të imponuar diktaturën e proletariatit ndërkohë shumë të majtë të moderuar që u shtuan gjithnjë e më shumë në numër në Evropën Perëndimore, donin që ndryshimet ti sillnin me mjete paqësore nëpërmjet të drejtës universale të votës dhe procedurës demokratike.  Këtu edhe u përça e majta me forcimin gjithnjë e më shumë të social-demokratëve që shikonin procesin demokratike e jo përmbysjen revolucionare si mjet për të arritur qëllimin. Në krahun e djathtë të spektrit politik qëndron konservatorizmi i cili në thelb të tij ka pikërisht konservimin e traditës, vlerave, parimeve, zakoneve, traditave apo institucioneve dhe del kundër ndryshimeve drastike e radikale në shoqëri.

Në Shqipëri është kultivuar tashmë prej vitesh një traditë dhe përshtypje e gabuar, se e vetmja opozitë dinjitoze është ajo ku lideri i opozitës është i gatshëm të shkaktojë  dhunë e të mobilizojë protesta masive që tronditin qeverinë. Është bërë, si të thuash, një etalon matës i suksesit të opozitarizmit përmasa e protestës apo dimensioni i dhunës kundër qeverisë. Bazuar në këtë mendim leninist, se fitorja mund të arrihet vetëm nëpërmjet përmbysjes, lideri i opozitës së Shqipërisë, Lulzim Basha, konsiderohet opozitar i dobët. Ajo që e bën akoma më qesharake situatën është se edhe brenda të djathtës, e vetmja alternative kritike që i vjen Bashës, po artikulohet nga një pjesë ish-titullarësh të PD-së, të cilët e qortojnë me qasje leniniste e ai nuk është mjaftueshëm i ashpër e i egër ndaj qeverisë, pra jo aq revolucionar sa duhet. Thënë ndryshe lideri i të djathtës po kritikohet se nuk është mjaftueshëm ithtar i marksizëm- leninizmit për sa i përket shpirtit revolucionar dhe përdorimit të përmbysjes me dhunë për t’i ardhur hak qeverisë. Në një situatë normale evropiane kritika kryesore do të duhej të bëhej për mosparaqitjen e një vizioni të qartë e të besueshëm programor të alternativës për të ardhmen, për paaftësinë për të krijuar një epërsi morale përkundrejt mazhorancës, për paaftësinë për të rekrutuar kuadro të rinj të pakomprometuar e me nivel të lartë profesionalizmi, mungesa e reflektimit dhe autokritikës për abuzimet dhe dështimet e shumta të qeverisjes së kaluar që qenë shkaktarë të vërtetë të rotacionit etj. etj. Por kurrsesi pse nuk arrin të organizojë protesta masive apo pse nuk është mjaftueshëm revolucionar i dhunshëm si lider i djathtë.

Kjo lloj lidhje romantike që kanë shqiptarët me revolucionarizmin e dhunën si mjet politik i parapëlqyer të kujton, gjithashtu, në njëfarë mënyre lidhjen mes dëshpërimit dhe lojërave të fatit. Një ndër fenomenet më interesante  për sjelljen konsumatore që studiohet në shkencat sociale është lidhja e ngushtë shkak pasojë mes varfërisë dhe lojërave të fati. Edhe pse kazinoja, bixhozi, kumari apo lotaria konsiderohen në pamje të parë si lojëra luksi për ata që kanë para për të hedhur, analizat empirike nxjerrin se pjesa më e varfër e shoqërisë është ajo që më masivisht angazhohet në lojërat e fatit. Argumenti që mbizotëron për të shpjeguar këtë fenomen, është se, edhe pse kundërintuitiv e jo logjik, ata që janë më të dëshpëruar kërkojnë, gjithashtu, zgjidhje të dëshpëruara. Pra, sa më në gjendje të depresionuar të jenë aq më shumë janë të prirur që të varin shpresat tek një zgjidhje finale, radikale, të shpejtë e të prerë sikurse është fitorja e milionave në lotari apo bingo. Në kushte ekstreme, në njëfarë mënyre njerëzit dorëzohen e nuk besojnë më tek zgjidhjet konvencionale, graduale e të natyrshme, por ushqejnë një iluzion se përmirësimi do të vijë i beftë si me shkop magjik. Kjo gjendje e skajshme skamnore me sa duket i shtyn të shpresojnë se problemet e tyre iu vjen fundi vetëm me lojëra të fatit. Kjo sepse sipas tyre,  fundja nuk është se kanë shumë për të humbur, përveç ndonjë bilete lotarie, ama shpërblimi është tejet i madh. Me fjalë të tjera më të dëshpëruarit, nuk mendojnë se mund të dalin nga varfëria nëpërmjet punës, sipërmarrjes, arsimit, talentit, durimit, këmbënguljes, por nëpërmjet fatit.

Lidhja mes dëshpërimit dhe lojërave të fatit në sjelljen ekonomike të qytetarëve po shikohet se është gjithnjë e më e ngjashme edhe me sjelljen elektorale të tyre.  Vitet e fundit kanë dëshmuar se jo vetëm mes shqiptarëve, por anembanë botës së zhvilluar, ka një tendencë dëshpërimi e dorëzimi me sistemin aktual dhe eksperimentimi me nisma politike jokonvenciale. Profesioni i politikës dhe proceset demokratike konvencionale kanë humbur besimin në syrin e publikut të zhgënjyer me establishmentin aktual në politik. Në kushte të tilla ekstreme të mosbesimit në demokracinë liberale edhe zgjidhjet po kërkohen tek alternativa politike ekstreme. Për rrjedhojë, anembanë Evropës, janë ndërtuar e konsoliduar forca politike  populiste, të ekstremit të majtë e të djathtë, të cilat kanë një ofertë politike që i shkon përshtat kësaj prirje në elektoratin skeptik, cinik apo pesimist. Franca është në dorë të lideri karizmatik populist, i cili më pas ndiqet nga një tjetër lidere ekstremiste e djathtë populiste si Le Pen me Frontin Nacional. Ndërkohë që golistët dhe socialistët janë lënë prapa skene në politikë. Në Itali po ashtu kemi marrjen e pushtetit nga Cinque Stelle dhe Lega Nord ndërkohë që demokristianët e socialistët tradicionalë janë në hije. Greqia po qeveriset nga Syriza ndërsa Nea Demokratia e Socialistët janë jashtë pushtetit. E njëjta tendencë mund të shihet edhe në vende të tjera me radhë të botës demokratike. E thënë ndryshe po shtohet po shtohet numri i votuesve që mendojnë “se këta politikanët që kemi, i njohim mirë e s’kemi ndonjë iluzion ndaj tyre, përse mos të eksperimentojmë me aktorë të rinj që mund të sjellin ndonjë ndryshim, s’kemi çfarë të humbasim”.

Në përgjithësi përvojat me pasoja të rënda të revolucioneve që kanë ndodhur dhe shumë krimeve mizore të bëra në emër të revolucioneve, kanë bërë që pjesa më e madhe e shoqërive të avancuara të zgjedhë evolucionin si rrugën më të mirë për të ecur përpara. Pra, janë dëshmuar më shumë në favor të reformave institucionale e gradualizmi përkundër ndryshimeve të befta radikale të paparashikueshme që ngelen në dorë të fatit. Shtetet moderne dhe shoqëritë e zhvilluara funksionojnë nëpërmjet institucioneve e procedurave demokratike e jo rastësisë apo iluzioneve ndërkohë që kanë ndër vlerat kryesore stabilitetin e parashikueshmërinë të mbështetur në një tërësi të rregullave dhe e normave juridike. Shtetet e shoqëritë e prapambetura dallohen pikërisht nga tipare si mungesa e stabilitetit, veprimeve ad-hoc, improvizimeve politike, qëndrime e veprime impulsive të kushtëzuara nga rrethanat si dhe tendenca tipike, si paparashikueshmëria e dhuna.

Zhgënjimi më i freskët dhe i prekshëm me revolucionet është padyshim zhgënjimi me pranverën arabe apo të ashtuquajturin “revolucioni i jasemintë” që nisi në vitin 2010. Shpresa ose më saktë iluzioni që u krijua për një përmbysje të shpejtë të regjimeve të kalbura arabe dhe zëvendësimi i tyre me demokraci funksionale shpejt u zbeh pasi shoqëritë që nisën protestat në botën arabe e gjetën vetën të binin nga shiu në breshër. Sot vazhdon të kemi luftë civile në Siri, Libi, Irak e Jemen, Egjipti vazhdon të ketë një regjim ushtarak e ndërkohë nuk pati ndonjë ndryshim thelbësor në shtetet e tjera që u prekën nga vala e “pranverës arabe” me përjashtim deri diku të Tunizisë. Mirëpo nuk ka nevojë për të shkuar shumë larg në hapësirë për ta kuptuar se sa i dëmshëm mund të jetë iluzioni i ndryshimeve radikale revolucionare. Mjafton të kthehemi  dy dekada prapa në historinë bashkëkohore të Republikës së Shqipërisë, në vitin e mbrapshtë 1997. Në atëbotë marazi e agresiviteti i turmave çoi në një shkërmoqje të shtetit si me pas qenë kala rëre, dhe nuk zgjati shumë por vendin e kaploi anarkia totale. Të njëjtët njerëz që kishin goditur policinë me gurë e çka do të kapnin në dorë në fillim të vitit 1997 ishin të dëshpëruar që të rishikonin kthimin e uniformave blu pas terrorit që shkaktuan bandat e kriminelëve që vepronin pa iu hyrë gjemb në këmbë. Madje mund të hamendësohet se protesta jo-partiake po organizohen nga të rinj studentë sot pikërisht se ata nuk e kanë përjetuar e nuk iu ka ngordhur nervi i protestës prej viteve të turbullta 1997-98.

Pa dashur që të teprohet pa masë me histori, thelbi është që historia ka dëshmuar se rruga e duhur drejt progresit dhe mirëqenies nuk është rruga e rrugës, rruga e përmbysjes së dhunshme apo protestave por rruga e institucionalizmit, e procedurave demokratike dhe e ligjit. Nëse përmbysja ishte e kuptueshme  dhe e pritshme për Republikën e Shqipërisë në vitin 1997 pak vite pas rënies së diktaturës më të egër e më të izoluar të Evropës, është e papranueshme që të shikohet si rrugëdalje apo mjeti i preferuar politik më shumë se dy dekada më pas. E njëjta gjë vlen edhe për Kosovën. Ne kemi nevojë të ndërtojmë institucione të qëndrueshme demokratike të bazuara mbi ligjin dhe kur flasim për institucione, nuk duhet patur parasysh ndërtesa madhështore por për jetën institucionale. Pra, forcimi i institucioneve demokratike nënkupton një qasje të mirëfilltë institucionaliste dhe këtu bëhet fjalë për  zakonet, traditat, rutinat, përvojat e ripërsëritura, konstitucionalizëm dhe rrugë ligjore, rregullat e qëndrueshme e të pandryshueshme, parimet themelore të palëkundura, praktikat standarde, proceset periodike si zgjedhjet e lira e të ndershme. Ka ardhur koha që shqiptarët kudo që janë t’i thonë boll  e mos të vënë më bast, improvizimeve, agresivitetit, instabilitetit duke hequr dorë nga magjepsja për ndryshimet revolucionare radikale e përmbysjet e dhunshme e tek ndryshimet e shpejta fatlume, por të qëndrojnë me këmbë në tokë në kuadër të normalitetit,  institucionalizmit e gradualizmit.

 

Burimi: http://www.gsh.al/

Grushko: Nuk përzihemi në punët e Greqisë rreth emrit të Maqedonisë

Publikuar në në kategorine Maqedoni

Moskë, 16 janar 2019 (MEDIAL) – Zëvendësministri i Punëve të Jashtme i Rusisë Aleksandar Grushko deklaroi se Moska nuk përzihet në punët e brendshme të Athinës në situatën lidhur me emrin e Maqedonisë, por do të vazhdojë ta tregojë mendimin për këtë çështje, sepse kjo është në kompetencë të KS-së së KB-së.

“Ne në asnjë mënyrë nuk përzihemi në punët e brendshme të Greqisë, por sipas çështjeve të cilat bien në kompetencë të KS-së së KB-së, Rusia do ta shpreh mendimin personal”, deklaroi diplomati rus, transmetoi TASS:

Grushko deklaroi se komenti i MPJ-së ruse me të cilin dënohet vendimi i Parlamentit të Maqedonisë për ta ndryshuar Kushtetutën për shkak të ndryshimit të emrit të vendit paraqet vlerësim esencial për atë “si kanë vijuar negociatat (midis Athinës dhe Shkupit për riemërimin e Maqedonisë), nën presionin dhe përzierjen ndërkombëtare të së cilit pa precedent i cili e ka treguar perëndimin në arritjen e synimeve tërësisht të qarta gjeopolitike”.

Ministria greke e Punëve të Jashtme në reagimin pas kumtesës së MPJ-së ruse  lidhur me Marrëveshjen e Prespës, kumtoi se Marrëveshja që nga nënshkrimi kontribuon në përforcimin e paqes dhe stabilitetit të Ballkanit, njëherit është model i njohur edhe ndërkombëtarisht për zgjidhjen e dallimeve midis dy shteteve të pavarura sovrane nën mbështetjen e KB-së, pa përzierjen e tre palëve.

“Përmendja e ngjarjeve politike në brendësinë e vendeve mike nga Ministria ruse e Punëve të Jashtme nuk është në pajtim me nivelin i cili i karakterizon marrëdhënie greke-ruse dhe lidhjet e përhershme të miqësisë midis popujve tanë”, thonë nga Ministria e Punëve të Jashtme e Greqisë dhe shtojnë se kjo krijon “shqetësim të arsyeshëm sepse e neglizhon caktimin me ligje dhe funksionimin efektiv demokratik të institucioneve në Greqi dhe të Kushtetutës në të cilin ka dispozita të qarta” për përballje me raste të ndryshme të mundshme dhe “natyrisht nuk është sfera për komente nga ana e palëve të treta”.

Edhe Ministria e Punëve të Jashtme e Maqedonisë dje publikoi reagim të komentit të MPJ-së ruse lidhur me miratimin e ndryshimeve kushtetuese, të cilat dalin prej Marrëveshjes së Prespës, duke përmendur se kjo Marrëveshje jo vetëm se nuk prek në interesat e palëve të treta, por edhe në mënyrë thelbësore kontribuon për stabilitetin rajonal.

“Marrëveshja e Prespës jo vetëm se nuk prek në interesat e palëve të treta, por edhe në mënyrë thelbësore kontribuon drejt stabilitetit rajonal, miqësisë dhe bashkëpunimit dhe si e tillë paraqet shembull dhe model për zgjidhjen e çështjeve të hapura midis shteteve”, thuhet në reagimin e MPJ-së së Maqedonisë. .

 

Parlamenti grek do të votojë për besim të Qeverisë së Ciprasit

Publikuar në në kategorine Maqedoni

Athinë, 16 janar 2019 (MEDIAL) – Në orën 10 sot sipas mohës lokale, vazhdon debati në Parlamentin grek për votim për besim të Qeverisë, derisa ndërkaq, sonte, rreth mesnate deputetët do të duhet të vendosin nëse do ta mbështesin apo jo Qeverinë e Aleksis Ciprasit, lajmëroi korrespondentja e M.I.A-s nga Athina.

Debati i djeshëm në Parlament ka zgjatur 12 orë. siç ishte paraparë deri në mesnatë. Fillimisht deputetëve iu drejtua kryeministri grek i cili elaboroi pse kërkon dhe duhet të marrë besim, ndërsa menjëherë pastaj fjalën e morën edhe liderët e partive politike.

Dita e parë e debatit për botim besim, ishte përplot me reagime të ashpra mes deputetëve, por edhe të liderëve të partive.

Gjatë ditës së sotme pritet fjalën ta marrin deputetët, ndërsa drejtpërdrejt para votimit sërish do të mbajë fjalim kryeministri grek Aleksis Cipras.

Sipas numërimeve të fundit dhe qëndrimet e shprehura publikisht, Qeveria do të marrë 151 votat e nevojshme për besim dhe mbështetje.

Përveç 154 deputetët e Sirizas, pritet, pozitivisht të votojnë deputetja e pavarur dhe ministrja alternative për Mbrojtje Civile, dy ish anëtarë dhe dy anëtarë të tanishëm të Grekëve të Pavarur të Potamit, Spiros Denelis.

Arkivi i Shtetit, mbi 200 milionë dokumente arkivore të aksesueshme

Publikuar në në kategorine Kulturë

Mbi 200 milionë dokumente arkivore për shqiptarët dhe historinë e shtetit shqiptar, deri dje vështirësisht të depërtueshme, tani janë lehtësisht të aksesueshme falë jo vetëm transformimit të ambienteve, por edhe sistemit të  dixhitalizimit të dokumenteve arkivore. Tashmë kushdo i interesuar mund t’i kërkojë dhe konsultojë online ato përmes aplikacionit të ngjashëm me modulet e vendeve më të zhvilluara. Sikundër mund të aksesohen lehtësisht në institucionin arkivor, ku mjaftojnë vetëm 20 sekonda për t’u pajisur me  kartën e përdoruesit, sipas kategorive, çka u mundëson aksesin në çdo dokument. Kryeministri Edi Rama vizitoi ambientet e reja tërësisht të modernizuara të Arkivit Shtetëror, ku të pranishëm ishin edhe studiues dhe historianë.  Drejtori i Përgjithshëm i Arkivave, Ardit Bido, theksoi se dixhitalizimi ka rritur sigurinë në ruajtjen e dokumenteve origjinalë, por njëherësh i ka bërë edhe më të hapura arkivat për publikun, duke shpjeguar edhe procedurën online të regjistrimit dhe kërkimit të dokumenteve.

“Ajo çfarë bëhet, në fakt, është shumë e thjeshtë. Mjafton një fotografi. Vendoset për printim kjo kartë dhe mbaron e gjithë procedura në një periudhë prej 20 sekondash. Karta do vetëm 20 sekonda që të printohet. Printohet vetëm 1 herë në vit. Është falas. Arkivi online mund të bëhet nga shtëpia dhe është me pagesë,” shpjegoi Bido. Vetëm gjatë vitit të kaluar, sipas Bidos, janë bërë investime sa në 20 vite bashkë. Kryeministri Rama përgëzoi ekipin e DPA për modernizimin e dhe transformimin e Arkivës së Shtetit. “Kjo është një punë e mirë e vitit të Skënderbeut, se u bë shkak për t’u fokusuar më shumë dhe për ta adresuar një plagë të vjetër të rëndë. Fakti që tani gjithçka është e dixhitalizueshme, edhe origjinalet nuk janë më e vetmja mundësi, është garanci e madhe për ruajtjen e tyre. Ndërkohë që patjetër duhet të përfundojmë atë të garantimit të të gjithë dokumenteve origjinalë në atë territorin e Shkozës dhe sigurisht të vazhdojmë me elementët e tjera që kanë të bëjnë me krijimin e të gjithë hapësirës komplekse dhe gjysmë rekreative për orët, ose momentet e pushimit. Por gjëja më e rëndësishme është që u arrit të mbrohet ajo që i mbijetoi deklasifikimit, nga pikëpamja materiale, jo nga pikëpamja përmbajtjesore”, deklaroi kryeministri Rama. Historiani Paskal Milo evidentoi faktin se kjo hapje e plotë e arkivit është shumë e mirëpritur dhe u vlen shumë studiuesve.  

Burimi: https://sot.com.al/

Ligji për gjuhë dhe kush e ka shkelur Kushtetutën

Publikuar në në kategorine Maqedoni

Shkup, 16 janar 2019 (MEDIAL) – Me nënshkrim të kryetarit të Kuvendit, Talat Xhaferi, Ligji për përdorimin e gjuhëve dhe ligji për ratifikimin e marrëveshjes së Prespës u shpall në Gazetën zyrtare, gjë që shkaktoi reagime nga presidenti i shtetit Gjorge Ivanov dhe VMRO-DPMNE-ja opozitare.

Xhaferi së bashku me dekretet e ligjeve, në Gazetën zyrtare ka dorëzuar edhe sqarime shtesë për shkaqet pse është nënshkruar vetëm nga ai, e jo edhe nga presidenti Ivanov, e këtë e elaboroi edhe dje në konferencën për shtyp në Kuvend. Sipas Xhaferit, Ivanovi me nënshkrimin e dy ligjeve nuk i plotësoi detyrimet që kanë dalë nga Kushtetuta dhe ka bërë keqpërdorim të detyrës zyrtare.

Për presidentin Ivanov, publikimi i ligjeve për përdorim të gjuhëve dhe për ratifikim të Marrëveshjes së Prespës në Gazetën zyrtare pa nënshkrim nga Presidenti i Republikës së Maqedonisë, është antikushtetues.

Me dorëzimin e këtyre dy ligjeve në Gazetën zyrtare, siç thekson Ivanov është shkelur ligji 75 nga Kushtetuta e Republikës së Maqedonisë, ndërsa publikimi i ligjeve është bërë ilegalisht dhe paraqet bazë për përndjekje penale. Ai konsideron se ky është momenti kush do të tregojë nëse në Republikën e Maqedonisë ekziston Gjykatë Kushtetuese, nëse funksionin prokuroria, nëse ka me të vërtetë gjyqësor dhe nëse ka sundim të ligjit.

“Pyetem, nëse përfaqësuesit e lartë të bashkësisë ndërkombëtare, që e mbështesin këtë koalicion qeveritar do të paraqiten dhe do ta mbështesin këtë mënyrë të miratimit të ligjeve? Nëse do t’i mbështesin këto precedente, që sjellin pasoja dhe dëm për të drejtën dhe shtetin juridik dhe nëse precedentet e këtilla zbatojnë në shtetet e tyre, nënvizon në deklaratën me shkrim shefi i shtetit.

Ndaj këtyre akuzave u përgjigj Xhaferi se presidenti i shtetit “i ka përzier kabllot” dhe gjithçka është bërë sipas dispozitave nga Rregullorja kuvendore. Ivanovi, sipas tij, me mosnënshkrimin e dy ligjeve nuk i ka plotësuar detyrimet e tij që dalin nga Kushtetuta dhe ka bërë keqpërdorim të detyrës zyrtare.

“Unë i kam dhënë kohë të gjatë për dy dekretet, për të parin për ligjin për gjuhët kishte një vit, ndërsa për të dytin gjashtë muaj. Unë e kam ndërmarrë atë që është në kompetencën time institucionale dhe nuk konsideroj se kam shkelur diçka, shtoi kryetari i Kuvendit.

“Nuk thash se do të kërkoj impiçment, por kompetenca e pushtetit ligjvënës është që të kërkojë përgjegjësi nga presidenti. Kjo është në kompetencë të deputetëve dhe ata mund të ngrisin impiçment për presidentin”, theksoi Xhaferi.

Nga Qeveria e Republikës së Maqedonisë e mbështesin vendimin që dy ligjet të shpallen në Gazetën zyrtare të RM-së, me nënshkrim të kryetarit të Kuvendit, duke pasur parasysh siç theksojnë, shkeljen e Kushtetutës nga ana e presidentit Gjorge Ivanov.

VMRO-DPMNE paralajmëroi se do të ngritë kallëzim penal kundër Talat Xhaferit dhe drejtorit të Gazetës Zyrtare, por edhe kundër të gjithëve për të cilën do të vërtetohet përgjegjësia se e ka shkel ligjin, për shpallje të ligjit për dygjuhësi pa nënshkrim të presidentit të shtetit. Nga partia paralajmërojnë se në mënyrë shtesë do të ngrisin nismë për hetim të kushtetueshmërisë së ligjit për dygjuhësi në Gjykatën Kushtetuese.

Nga NP Gazeta zyrtare theksojnë se secili është i detyruar ta respektojë Kushtetutën. “Gazeta zyrtare është e detyruar t’i publikojë ligjet dhe dispozita tjera në afat prej tetë ditëve nga miratimi i tyre”, kumtoi Ndërmarrja publike pas paralajmërimeve se edhe nga ata do të kërkohet përgjegjësi publike. Nga atje thonë se do të ngrisin procedurë gjyqësore dhe nuk do të lejojnë përzierje të politikës në punën e tyre.

Ligji për përdorim të gjuhëve dy herë është votuar në Kuvend më 11 janar dhe më 14 mars të vitit të kaluar, por presidenti i shtetit Gjorge Ivanov refuzoi që ta nënshkruajë, me elaborimin se është antikushtetues.

Me ligjin parashikohet që në të gjitha organet të pushtetit ekzekutiv në Republikën e Maqedonisë, institucione qendrore, ndërmarrje publike, agjenci, drejtori, institucione dhe organizata, komisione, persona juridikë, të cilët kryejnë autorizime publike konform ligjit dhe institucioneve tjera, gjuha zyrtare krahas gjuhës maqedonase dhe alfabetit të tij të jetë edhe gjuha që e flasin 20 për qind e qytetarëve të Republikës së Maqedonisë dhe alfabeti i tij. .

 

Cipras kërkon besim, partitë opozitare zgjedhje

Publikuar në në kategorine Maqedoni

Athinë, 16 janar 2019 (MEDIAL) – Në ditën e parë të debatit për votëbesim të Qeverisë, kryeministri grek Aleksis Cipras nga deputetët kërkoi që të gjithë të qëndrojnë para ndërgjegjes së tyre, por edhe para interesit të vendit dhe popullit, dhe lirshëm të japin përgjigje të qartë: a kanë besim në Qeveri ose jo.

Kryeministri grek bëri retrospektivë të gjithë asaj me të cilën është përballur Qeveria e tij në vitet e kaluara, çka ka bërë, por edhe çka duhet të bëjë në të ardhmen.  Foli për dalje të vendit nga kriza, nga politika e memorandumit dhe masat e kursimit, e përmendi krizën e emigrantëve, por edhe Marrëveshjen e Prespës, për të cilin theksoi se me ndryshimin e pushtetit në Shkup dhe humbjen e Gruevskit është krijuar mundësi e madhe si për Greqinë, ashtu edhe për shtetin fqinj por edhe për rajonin.

“Mundësi e madhe që të zgjidhet një çështje historike, politike dhe diplomatike e disa dekadave. Ndërgjegjja ime dhe obligimi im patriotik më thotë që ta shfrytëzoj këtë mundësi historike, duke e ditur që kjo do të ketë çmim politik. Nga momenti i parë së bashku me Ministrin e atëhershëm të Punëve të Jashtme, Nikos Koxias me shpirt iu përkushtuam tentimit të madh për zgjidhjen e këtij dallimi me emrin e shtetit fqinj, që ishte dhe është nëse zgjidhet, peshë e madhe në diplomaci dhe politikën e jashtme të vendit, por edhe gjemb i madh për stabilitetin e rajonit”, tha Cipras, i cili theksoi se nuk pajtohet me qëndrimin e liderit të Grekëve të Pavarur, Panos Kamenos, dhe tha se gabon.

Në vend se nga foltorja e kuvendit, Kamenos, i cili nuk pati fjalim para deputetëve, Aleksis Ciprasit iu përgjigj përmes profilit të tij zyrtar në Tuiter.

“Gabim i kryeministrit është mbështetja e Marrëveshjes tashmë të vdekur të Prespës, shkroi lideri i Grekëve të Pavarur, Panos Kamenos në Tuiter, menjëherë pas fjalimit të Aleksis Cipras në Parlamentin  grek.

Kryetari i partisë më të madhe opozitare, Demokracia e Re, Kirjakos Micotakis e përsëriti qëndrimin e tij se dhënia e votës për besim nënkupton “po” për Marrëveshjen e Prespës, “që nënkupton lëshim të madh kombëtar”.

Në lidhje me Marrëveshjen e Prespës, Micotakis edhe një herë e akuzoi Ciprasin, se ka hequr identitetin maqedonas dhe gjuhën maqedonase.

Liderët e të gjithë partive opozitare, në fjalimet e tyre thanë se nuk e mbështesin qeverinë, do të votojnë kundër ripërtëritjes së besimit dhe theksuan se zgjidhja e vetme për vendin në këtë moment janë zgjedhjet.

Ditë të hapura për nismën “Plani për ajër të pastër”

Publikuar në në kategorine Maqedoni

Shkup, 16 janar 2019 (MEDIAL) – Në Qeverinë e Republikës së Maqedonisë sot do të mbahet e katërta nga seria ditë të hapura për nisma të organizatave civile, që ka të bëjë me “Planin për ajër të pastër” për vitin 2019 dhe kornizë kohore për zbatimin e të njëjtës.

Siç kumtuan nga Qeveria, në ditën e hapur fjalime hyrëse do të kenë zëvendësministri i Mjedisit Jetësor dhe Planifikimit Hapësinor, Jani Makraduli, shefi i kabinetit të kryetarit të Shkupit, Nikolla Naumovski, Darko Blinkov nga Inspektorati Shtetëror për Mjedist të Jetesës dhe Ana Çolloviq Leshkovska nga shoqata “Eko-vetëdije”.

Në Gjykatën Penale vazhdon gjykimi për lëndën “TNT” të PSP-së

Publikuar në në kategorine Maqedoni

Shkup, 16 janar 2019 (MEDIAL) – Në Gjykatën Penale për sot është paralajmëruar seancë e re gjyqësore për lëndën “TNT” që ka të bëjë me rrënimin e kompleksit “Kosmos” të biznesmenit Fiat Canovski.

Lënda gjendet në procedurën e dëshmive dhe atë e udhëheq gjykatësi Ognen Stavrev.

Në mesin e të akuzuarve në këtë rast janë ish kryeministri Nikolla Gruevski, i cili është në arrati në Hungari, ish ministri i Transportit dhe Lidhjeve Mile Janakieski dhe ish kryetari i Komunës së Gazi Babës Toni Trajkovski.

Sipas aktakuzës së PSP-së, të akuzuarit në vitin 2011 kanë kryer vepër penale nga urrejtja politike me rrënimin e kompleksit “Kosmos” të Fiat Canovskit.

Biznesmeni Fiat Canovski paralajmëroi se  do të kërkojë dëmshpërblim prej 55 milionë eurove, aq sa e vlerëson humbjen e tij nga rrënimi i kompleksit banesor-afarist.

 

Alarmohen bizneset e agroindustrisë, u trefishohet TVSH e pagueshme, shpresat te ministrja e re

Publikuar në në kategorine Biznes

Bizneset e agroturizimit, agropërpunimit dhe agroindustrisë po përballen me fatura të rritura të TVSH-së që do të duhet të paguajnë, duke filluar nga janari i këtij viti.

Ndryshimet në paketën fiskale të vitit 2019 që ulin kompensimin e TVSH -se për fermerët nga 20 në 6% kanë sjellë shqetësime në sektorin e agropërpunimit dhe agroturizmit pasi TVSH e pagueshme tashmë rezulton rreth 3 herë më e lartë.

Psh, me uljen e masës së kompensimit një përpunues qumështi, cili ka paguar deri më tani 100 mijë lekë TVSH në muaj, pasi TVSH bëhet 6 për qind do të paguajë 300 mijë lekë.

Bizneset e agropërpunimit i kanë kërkuar qeverisë të ndryshojë masën, ndryshe sektori do të vihet para kostove të papërballueshme me 2019.

Alban Zusi Kryetari i Shoqatës së Agropërpunuesve pohoi se, çështja e kompensimit të TVSH do të mund të zgjidhet përmes një dialogu me ministren e re të Financave, Anila Denaj, e cila sipas tij është treguar e gatshme të ritrajtoje çështjen.

 

Zusi thotë për “Monitor” se nga paketa fiskale kanë marrë goditjen më të madhe për shkak të uljes së TVSH-së për fermerin në 6% nga 20% që u vendos në 2014. “Për sektorin tonë, kjo do të jetë goditja e dytë pas euros, -shprehet Zusi. Me këtë vendim rriten kostot për lëndët e para të produkteve vendase me 14%, duke i bërë ato jokonkurruese.

Ulja e rimbursimit të TVSH-së për fermerët ka prekur edhe sektorin e bimëve mjekësore.

Filip Gjoka, president i Shoqatës së Bimëve Mjekësore dhe Aromatike, tha se me uljen e rimbursimit të TVSH-së për fermerin, ata kanë frikë se do të ketë një ulje të prodhimit të bimëve mjekësore dhe erëzave.

“Për ne është shqetësuese mënyra e përshpejtuar që kaloi ky ligj dhe për më tepër, pa u konsultuar. Ligji ka ulur kompensimin për fermerët nga 20% në 6%, duke u justifikuar me faktin se kanë ulur TVSH-në për inputet bujqësore. Ky ligj nuk është konsultuar me shoqatat e biznesit në tërësi. Futja e kompensimit për fermerët rriti prodhimin dhe bëri që ne të kishim sasi të mjaftueshme për t’ju drejtuar tregjeve dhe kompanive gjigande”,- tha Gjoka.

Rreziku është humbja e tregjeve ndërkombëtare, duke qenë se interesi nga ana fermerëve për të kultivuar do të jetë më i vogël, sipas aktorëve të tregut.

“Frika jonë më e madhe është rënia e prodhimit nga fermerët. Deri para 2014-s, një pjesë e fermerëve punonin të paregjistruar. Reduktimi në masën 14% i kompensimit të TVSH-së është i pastudiuar dhe unë mendoj se nuk është në momentin e duhur”, – tha Filip Gjoka.

Ai nënvizon se vendi ynë ka mbështetjen dhe subvencionimin më të vogël krahasuar edhe me vendet e rajonit si Maqedonia apo Kosova.

“Nëse do të ishte marrë mendimi ynë si organizatë, mbase do të ishte më mirë që nga 20% të ulej në 15%, por jo në mënyrë të menjëhershme. Fermerët dhe individët që kanë investuar në bujqësi përballen me një ndryshim të beftë të ligjit. Ndryshimi duhej të ishte gradual për fermerët. Ashtu siç dha ndryshimi i ligjit në 2014-n një rritje të madhe në prodhim, ulja e menjëhershme do t’i japë një goditje në kahun e kundërt. Ne si industri nuk përdorim inpute bujqësore, pasi industria jonë merret me bimë organike dhe konsumatorët këtë kërkojnë në mbarë botën” – përfundon Gjoka.

Të njëjtin shqetësim kanë shprehur për Monitor edhe përfaqësues të sektorit të agroturizmit, i cili vitet e fundit ka njohur rritje të ndjeshme.

 

Një nga njësitë e njohura të agroturizmit në vend pohoi se, vetëm për muajin janar do t’i duhet të paguajë shtesë më tepër 500 mijë lekë. Nëse kjo praktikë do të vijojë për muajit në vijim vijimi i aktivitetit do të jetë i pamundur dhe kjo nuk do të ishte një goditje vetëm për bizneset e sektorit po për të gjithë ekonominë, pohoi ai, pasi agroturizmi ishte në fillesat e një zhvillimi të vrullshëm.

 

Ulja e TVSH-së së rimbursueshme

Sipas procedurës së mëparshme çdo prodhues bujqësor, i cili aplikonte në regjimin e kompensimit të fermerëve me shkallë standarde 20 për qind përfitonte kompensim.

Blerësi, person i tatueshëm, lëshonte një faturë tatimore për shitësin prodhues bujqësor për çdo furnizim mallrash dhe shërbimesh të marrë prej tij. Vlera e faturës përfaqësonte vlerën e furnizimit të paguar nga blerësi për llogari të shitësit, përfshirë normën e kompensimit.

Kompensimi, që personi i tatueshëm blerës i ka paguar shitësit prodhues bujqësor, është TVSH-ja e zbritshme për personin e tatueshëm dhe deklarohej në periudhën tatimore kur është lëshuar fatura.

Me skemën e vjetër vlera e kompensimit ishte 20 % tani do të jetë 6%, për rrjedhojë pagesa e TVSH-së nga blerësit do të jetë së paku trefish më e lartë.

Qeveria e mori këtë masë nxitur nga kompensimit abuzive që po merrnin tregtaret në zonat prodhuese, Lushnje dhe Fier.

Qendra e Eksporteve Shqiptare dhe Albanian Food Industry (AFI) i ka dërguar që në fillim të këtij viti një shkresë zyrtare Ministrit të Financave, për dijeni Kryeministrit, Edi Rama dhe Ministrit të Bujqësisë mbi ndryshimet ligjore sa lidhet me çështjen e TVSH së produkteve bujqësore, ku i paralajmëron se  kjo situatë do fusë në kolaps gjithë sektorin e bujqësisë dhe të ushqimit,  do imponojë dhunshëm evazionin e detyruar nga operatorët në të gjitha nivelet dhe do rrisë importet e produkteve ushqimore duke passjellë uljen e prodhimit vendas.

Thelbi i këtyre ndryshimeve, sipas shkresës konsiston në faktin se produktet bujqësore do të blihen përmes autofaturimit (që përbën mbi 90% të shitjeve nga fermerët) me TVSH të njohur 6% dhe do të tregtohet tek konsumatori fundor me TVSH 20%.

Ky ndryshim, thuhet në shkresë në fakt sjell situatën që ishte para vitit 2014!  Kur u ndryshua në 2014 ky nivel i diferencuar mes TVSH në blerje dhe në shitje të produkteve bujqësore, u konstatua bindshëm që ishte një absurd dhe që kishte sjellë:

–          përjashtimin e produkteve vendase nga zingjiri i tregëtimit formal (në supermarkete dhe industri) të produkteve bujqësore dhe

–          përbënte shtysën kryesore për të vijuar domosdoshmërisht informalitetin

Pas ndryshimit në vitin 2014, thuhet në shkresë, vihet re se jo vetëm se u rritën bindshëm ekpsortet (mbi dyfish krahasimisht me 2014 dhe mbi trefish krahasimisht me 2013) por u ulën ndjeshëm importet e produkteve bujqësore.

Mirëpo zbatimi i skemës së re u shoqërua me një interpretim thellësisht të gabuar nga Ministria e Financave, duke mos u thelluar në argumentat e sjella nga Ministria e Bujqësisë që i paraprinë këtij ndryshimi të madh, sqarohet në letër.

Kështu skema e re shtriu efektet edhe për rastin e eksporteve të produkteve bujqësore duke njohur TVSH e autofaturuar si të rimbursueshme, ndonëse në këto raste as nuk mblidhet as nuk paguhet TVSH, pasi në eksport TVSH është zero.

Pra u deformua thellë principi i tatimit mbi vlerën e shtuar (TVSH)

–          skema me 6% në blerje dhe 20% në shitje të të njëjtit product deformon rëndë parimin e pagesës së tatimit mbi vlerën e sshtuar, pasi operatori ndërmjetës përveç 20% tatim mbi vlerën që ai i shton produktit duhet të paguajë edhe 14% të vlerës së krijuar nga një operator tjetër (fermeri informal) para tij.

–          në kushtet e pamundësisë objective të qeverisë për të detyruar që çdo fermer të shes me një faturë me TVSH, barazimi I TVSH së autofaturuar me TVSH në shitje rivendos parimin fiscal ku çdo operator paguan tatim mbi vetëm vlerën e shtuar prej tij dhe rrjedhimisht solli rezulatett e paralajmëruara në relacionet e Ministrisë së Bujqësisë dhe demonstrohen qartazi nga grafiku i mësipërm

–          ndërsa rimbursimi i TVSH së autofaturuar (dhe jo i asaj të paguar nga eksportuesit) për produktet e eksportuara për të cilat TVSH e pagueshme është ZERO, përbën deformim të plotë pasi në fakt operatori paguhet për një tatim që nuk e ka paguar kurrë: as ai as krijuesi i vlerës së mëpërparshme (fermeri)

Ndryshimi mes operatorëve që tregtojnë në tregun vendas dhe atyre që eksportojnë, konsistonte në faktin se; operatorët e tregut vendas u zhveshën nga detyrimi për të paguar taksën e të tjerëve, ndërsa eksportuesit kanë përfituar jo taksën e paguar prej tyre por efektivisht kanë marrë një subvencion pa u deklaruar si i tillë.

Natyrshëm që me zbërthimin që bëmë më lart nuk kemi kundërshtime që sektor të caktuar të bujqësisë të subvencionohen aq më tepër për eksport, por kjo masë duhet bërë në mënyrë të drejpërdrejtë si e tillë (subvencion) e jo duke deformuar parimet e TVSH – për pasojë të të cilave munguan para në buxhet e rrjedhimisht sërish pa u menduar gjatë kalohet në zgjidhje ´´kthim mbrapa´´ që do të deformojnë rëndë tregun, thuhet në shkresën e eksportuesve.

 

 

 

 

 

 

Burimi: http://www.monitor.al/

1 2 3 … 710
Shko lartë