Kush është personi që iu bë atentat mbrëmjen e sotme. Vëllai i Tonin Gjinit, i vrarë një vit më parë dhe ekzekutimi me snajper i Kastriot Recit

Shënjestër e atentatit të mbrëmjes së sotme, 15 shtator, në Tiranë është Preng Gjini, vëllai i Toinin Gjinit, i vrarë më 12 ngusht 2019

Armando ose Tonin Gjini, u ekzekutua në gushtin e 2019 para Katedrales në Rrëshen, ndërsa i kishte shpëtuar një atentati me tritol vetëm 3 muaj më parë.

Vetë, Gjini atehere, më 6 Maj 2019 kishte denoncuar ngjarjen, duke thënë se kishte gjetur një pako me tritol në automjetin e tij, teksa çonte fëmijët në shkollë.

Gjini, është i njohur për drejtësinë si pjesë e grupit të Met Kananit. Ai ishte arrestuar më 12 maj 2018 si pjesë e grupit të baronit të drogës dhe u mbajt pak kohë në paraburgim.

Dyshimet ishin se ky grup kriminal vepronte në linjat e trafikimit të heroinës, Turqi – Greqi – vendet e BE-së, si dhe Turqi – Maqedoni – Shqipëri – vendet e BE-së.

Një tjetër aktivitet kriminal, i zbuluar nga hetimet ishte trafikimi i kokainës nga vendet e Amerikës Latine përmes vendeve të Ballkanit në Shqipëri dhe vendet e BE-së.

Shpërthimi i sotëm, ku sipas policise, Preng Gjini, ishte objektiv i atentatit të sotëm në Tiranë, duket se është vazhdimi i kalvarit të vrasjeve dhe atentateve mes familjeve Gjini dhe Reci.

I plagosuri sapo kishte dalë nga burgu në Itali dhe ishte arrestuar si i përfshirë në trafik droge.

SAGA E VRASJEVE:

Sajmir Jaku, drejtor i Tensionit të Lartë në OSHE për Veriun, u vra më 9 shtator 2016. Dyshohet se dy persona të armatosur kanë qëlluar për vdekje zyrtarin, ndërsa nga të shtënat me armë edhe një person tjetër mbeti i plagosur. Policia ka thënë se Sajmir Jaku është qëlluar me kallashnikov kur ka qenë duke pirë kafe në një nga lokalet e zonës më të frekuentuar të qytetit të Rrëshenit me një shok.

Pas vrasjes, autorët braktisën automjetin tip “BenzMercedes” në një fshat të Kurbinit ku e kanë djegur dhe më pas u larguan. Ngjarja mbeti e pasqaruar, edhe pse për hetimin e saj u angazhua Policia dhe Prokuroria me gjithë burimet e tyre njerëzore.

Me dhjetëra veprime hetimore u kryen për disa muaj me radhë, por përfundimisht ngjarja ka mbetur pa autorë. I vetmi fakt që dihet është se autorët e atentatit kanë qenë dy persona.

VRASJA NË ITALI

Një tjetër krim që u dyshua se kishte lidhje me këtë serial hakmarrjeje, ishte vrasja e ndodhur më 28 prill 2017 në Itali, ku u ekzekutua shtetasi Gaspër Reçi, i cili u qëllua me katër plumba. Policia dyshonte se vrasja e Gaspër Reçit mund të ishte kryer si hakmarrje për vrasjen e Sajmir Jakut.
Pak më vonë, më 6 shtator të po atij viti, vritet 31-vjeçari Kreshnik Gjini në komunën e Forestit të Belgjikës. Gjini ishte nipi i Sajmir Jakut dhe u dyshua se ishte vrarë në shenjë hakmarrje për ekzekutimin e Gaspër Reçit në Romë. Në lidhje me tri ngjarjet, mësohet se Sektori i Krimeve të Rënda në Policinë e Shtetit ka shkëmbyer informacione e prova me Policinë belge dhe atë italiane.

VRASJA NE BELGJIKE

Policia shqiptare u përfshi në hetimet për vrasjen e 31-vjeçarit Kreshnik Gjini, i cili u ekzekutua më 6 shtator 2017 në Belgjikë. Ka qenë Policia belge ajo që ka kërkuar ndihmën e Policisë shqiptare për hetimin e ngjarjes, e cila dukej se kishte lidhje me një serial vrasjesh e hakmarrjesh të ndodhura edhe në vendin tonë.

VRASJA ME SNAJPER E KASTRIOT RECIT:

Më 7 janar 2019, u ekzekutua me snajper  në qendër të Rrëshenit me një plumb të vetëm në zemër ish-bashkëpronari i televizionit “Media Plus” në Lezhë, Kastriot Reçi, 47 vjeç, nga persona ende të paidentifikuar nga policia.

Reçi u qëllua me snajper nga tarraca e një pallati në momentin kur sapo ka dalë nga lokali në pronësi të tij për të hipur në makinë. 

Policia gjeti në tarracën e pallatit edhe snajperin e përdorur nga autori/ët. Duke ju referuar mënyrës së vrasjes, autorët dyshohet ta kenë ruajtur viktimën prej disa kohesh për ta ekzekutuar.

Ngjarja paraprake

Pol Lambert ka vlerësuar dy lojtarët, ndër ta edhe një shqiptar

Ngjarja e ardhëshme

Nesër mbërrin iOS 14 tek modelet iPhone 6S dhe më lart

të fundit nga Shqipëri