KSL kërkon që qytetarët e papunë të lirohen nga pagesa e shpenzimeve të sipërme

Shkup, 7 gusht 2020 (MEDIAL) – Konfederata e Sindikatave të Lira (KSL) kërkon që të gjithë të papunët të lirohen nga pagesa e rrymës dhe ujit.

Në kumtesën e sotme, KSL vlerëson se rritja e faturave për rrymë dhe rritja e akcizës së derivateve të naftës direkt janë barrë e qytetarëve.

“Konfederata e Sindikatave të Lira të Maqedonisë kërkon nga shteti që të heqë dorë nga pagesa për shfrytëzim të resurseve të rrymës dhe ujit të cilat i posedon shteti dhe të mos ketë kërkesa për të njëjtat nga të papunët me çka do të tregojë se me të vërtetë kujdeset për qytetarët e saj. Njëherësh dëshirojmë të njoftojmë se përmbaruesit tashmë janë në procedura për pagesë të atyre të cilët nuk i kanë paguar shpenzimet e tyre jo për shkak të vullnetit të tyre, por për shkak të krizës e cila i kaploi qytetarët gjatë periudhës së kaluar, ndërsa vijon edhe rritje e të njëjtave”, thuhet në kumtesë. fc/

Ngjarja paraprake

Mbi 46 mijë të vdekur nga koronavirusi në Britani

Ngjarja e ardhëshme

Kjo është më e reja për Rashicën

të fundit nga Ekonomi