Gjykata Administrative i hodhi poshtë të gjitha 185 paditë e partive politike për zgjedhjet e parakohshme parlamentare

Shkup, 24 korrik 2020 (MEDIAL) – Gjykata Administrative i hodhi poshtë të gjitha 185 paditë nga partitë politike për zgjedhjet e parakohshme parlamentare dhe konfirmoi vendimet e Komisionit Shtetëror të Zgjedhjeve, pasi sot shqyrtoi dhe vendosi për katër paditë e fundit.

“Vendimet janë refuzuese. Të katër paditë, të cilat sot u shqyrtuan dhe u vendos për to. VMRO-DPMNE dy, Demokratët një dhe Maqedonia e Vetme një, paditë u refuzuan dhe u konfirmuan vendimet e KSHZ-së”, deklaroi sot Ivana Smugreska nga Gjykata Administrative.

Aktgjykimet e miratuara nga Gjykata Administrative janë vendimtare, pra siç sqarohet nga Smugreska, “nuk ka të drejtë ankese kundër tyre”.

“Pasi të jenë përgatitur, aktgjykimet verifikohen dhe menjëherë i dorëzohen KSHZ-së dhe u dorëzohen paditësve, pra partive. Afatet janë duke përfunduar, jo nga e hëna”, deklaroi Smugreska.

Ajo sqaroi se Këshillat gjyqësorë zbuluan se paditë kanë qenë të pabazuara, pra ato u gjykuan në bazë të Kodit zgjedhor, dispozitave të Kodit zgjedhor, në mënyrë që në padi të mos mund të propozohen prova të reja, rrethana të reja.

“Mund të propozohen të njëjtat prova, fakte dhe rrethana që janë propozuar para KSHZ-së, ato janë parashikuar në Kodin zgjedhor, kështu që Gjykata Administrative vepron brenda kompetencave të saj ligjore dhe konstatoi se paditë janë të pabaza”, deklaroi Smugreska. bs/fab/

Изјава пред Управен суд

Posted by MИА.mk on Петок, 24 јули 2020