Drejtori Shaban Memeti  bën betejën kundër pandemisë nga koronavirusi

Mjeku i njohur nga Debroshti i Tetovës dhe njëherit drejtor i Institutit për Shëndet Publikë në Republikën e Maqedonisë së Veriut, Dr.Shaban Memeti së bashku me ekipet profesionale të mjekëve vazhdon betejën historike në strategjinë shtetërore, kundër pandemisë nga virusi COVID-19, shkruan portali AMERIKA-RADIO

Shaban Memetii është një ndër kirugët më të suksesshëm shqiptarë, i cili i ka kushtuar jetën e vet, kirurgjisë së fëmijëve.

Memeti është një nga mjekët me brilantë e me humanë që ka nxjerrë vendbanimi Debreshtë i Tetovës.

Kirurgu i fëmijëve u ka shërbyer qytetarëve të Maqedonisë për afro 2 dekada me radhë, jo vetëm si mjek,kirurg, docentë në Fakultetin e Mjekësisë në Shkup, por edhe si qytetar model e aktiv në jetën sociale e politike të Maqedonisë.
Mjeku shqiptar Dr. Shaban Memeti aktualisht është profesor dhe ligjërues i lëndës së kirurgjisë në Fakultetin e Mjekësisë në Shkup.

Ai është ndër kirurgët më të njohur për fëmijë në Maqedoni dhe një ndër mjekët e parë nga Tetova, i cili arriti që të publikoj si autor dhe koautor më shumë se 90 publikime në revista shkencore prestigjioze në vend dhe jashtë vendit, si dhe në konferenca dhe kongrese nacionale dhe ndërkombëtare. Në 5 vitet e fundit ka publikuar 6 punime shkencore me impakt faktor, shkruan portali AMERIKA-RADIO.
Gjatë punës së tij të kirurgut, për të mësuar teknikat e reja të kirurgjisë ka qëndruar në spitalet prestigjioze edhe në Gjermani, ndërsa ka qëndruar në konferenca ndërkombëtare edhe në Universitetin prestigjioz të Harëardit në Boston të Amerikës.

Ndryshe, profesioni i mjekut të obligon që të jesh në kontakt me të rejat më të fundit duke lexuar, sa herë të jepet mundësia.

Mirëpo dr. Memeti si përfaqësues nacional në EpiSouth Rrjetin për kontroll të sëmundjeve infektive në vendet e Mesdheut dhe Ballkanit dhe organizatat tjera shëndetësore ka një mundësi më shumë, pasi gjendet në pozitat më të larta që të siguroj informacionet e para për protokolet dhe risit në fushën e shëndetësië.

Ndërsa për Dr. Memetin, dija në sferën mjekësore është e pashtershme. Si besnik i kësaj ideje, ai kërkon me ngulm libra mjekësore, sidomos ato që kanë të bëjmë me zbulimet e fundit në fushën e kirurgjisë.
I ka shumë të mira marrëdhëniet me besimin. Në brendinë e qenies së tij ekzistojnë bashkë të dyja, shkenca dhe besimi në Zot.

Lidhja e tij me një fuqi të mbinatyrshme është shumë e fortë, sa që edhe për arritjet e tij të deri më tanishme falënderon Zotin dhe punën e palodhur që ka bërë çdo ditë.

Sa për miqtë, më shumë janë brenda profesionit, por ka edhe nga ata që janë jashtë profesionit. Largohemi me përshëndetje të përzemërta me një kirurg, i cili reflekton humanizëm në çdo fjalë që flet duke e shoqëruar me buzëqeshje miqësore, shkruan portali AMERIKA-RADIO.

[adrotate banner=”12″]