Nga vijnë rastet e reja me koronavirus, drejtoresha e QKMF-së në Viti jep detaje

Drejtoresha e QKMF-së në Komunën e Vitisë, Vjollca Kadolli, ka dhënë detaje për konfirmimin e tetë rasteve të reja që vijnë nga kjo komunë.

“Rastet e reja janë 1 nga qyteti i Vitisë, 1 nga Pozherani, 2 Kabash, 1 Tërpezë, 1 Stubëll, 1 Zhiti dhe 1 Sllatinë e Epërme”, njofton doktoresha.

Vitia sot ka tre pacientë të shëruar.

Të shëruarit vijnë nga Kabashi, Vitia dhe Pozherani.

“Të  gjithë personat që janë raste kontakti me të infektuarit, obligohen të qëndrojnë në vetizolim për 14 ditë. Në rast të paraqitjes së simptomave, duhet të kërkojnë ndihmën mjekësore”, shton më tej Kadolli.

Po ashtu doktoresha bën thirrje të qytetarët që të mbajnë maskën kur të dalin në publik.