Rama tregon gjendjen e futbollistëve të lënduar

 

Drita i ka shtuar vetës gjasat për të fituar titullin e tretë në histori të klubit.

Në duelin e sotëm, Drita shënoi fitore me rezultatin 1:0 ndaj Drenicës.

Ishte një gol i Xhevdet Shabanit që vendosi fatin e ndeshjes.

Pas golit, Drita kishte vetëm një rast shënimi me Haxhimusën, kurse Drenica as edhe një rast të vetëm për të barazuar rezultatin.

Pas ndeshjes, trajneri i Drenicës, Fadil Rama tha se vapa e madhe por edhe ndeshjet e shpeshta po ndikojnë në lojën e tyre.

“Që në fillim e kemi ditur që Drita do të jetë ofanzive në këtë duel pasi i duhet fitorja dhe ne kemi tentuar që me kundërsulme t’i ndëshkojmë”, tha fillimisht Rama në SSK.

“Gjendja e futbollistëve të lënduar paksa më e rëndë është te portieri Arion Ymeri, kurse Shillova e Hyseni kishin nga një lëndim edhe në stërvitje. Mendojë që vapa e madhe dhe ndeshjet e shpeshta po ndikojnë në shëndetin e futbollistëve sepse ngarkesat po janë të mëdha”.

Mbijetesa? “Nëse shkon e gjitha sipas rregullave brenda fushës, Drenica fiton duelin e fundit dhe siguron mbijetesën, sot ishim afër një pike por lëndimet na pamundësuan”, përfundoj Rama.