Rusi, shkon në mbi 771 mijë numri i rasteve me COVID-19

Numri i rasteve me koronavirus në Rusi ka arritur në 771.546 ndërsa numri i të vdekurve në 12.342.

Qendra për Parandalimin dhe Kontrollin e Infeksionit të Koronavirusit në Rusi tha se në 24 orët e fundit, COVID-19 u konfirmua tek 6.109 persona të tjerë ose në total 771.546.

Në 24 orët e fundit janë konfirmuar 95 vdekje me çka numri i viktimave arrin në 12.342 ndërsa numri i të shëruarve është më i lartë për 3.481 dhe aktualisht arrin 550.344.

Shkalla e rritjes ditore të të sapoinfektuarve ende është 0.8 për qind ndërsa 24.8 për qind e të infektuarve të rinj janë asimptomatikë.

Zyra për Mbrojtjen e të Drejtave të Konsumatorit dhe Shëndetit të Njeriut tha se gjatë 24 orëve të fundit në Rusi janë kryer rreth 314 mijë teste ose gjithsej më shumë se 24.9 milionë.