Klani Kardashian-Jenner përsëri në hall, “Forbes” thotë se Kim nuk është miliardere

Kanye West përmes një postimi të hënën, i uroi gruas së tij që është bërë miliardere, shkruan The Daily Beast, transmeton lajmi.net.

Jo për herë të parë, aftësia e klanit Kardashian për të numëruar paratë e tyre me saktësi është vënë në dyshim nga arbitri i fundit i pasurisë moderne, “Forbes”.

Mosmarrëveshja u ngrit pasi Kanye West postoi një fotografi me perime në Twitter të hënën për të uruar gruan e tij Kim për atë që “zyrtarisht është bërë miliardere”.

Sidoqoftë, të martën, “Forbes” përmes një postimi vlerëson se Kardashian në të vërtetë ende nuk është pjesë e klubit me ‘gjashtë presje’ dhe se pasuria e saj vlen vetëm 900 milionë dollarë, pas një marrëveshjeje midis kompanisë së saj të kozmetikës KKW Beauty dhe gjigantit të shitjes me pakicë, Coty.

Coty njoftoi të hënën se ka fituar 20 për qind të aksioneve në KKW Beauty për 200 milionë dollarë, duke e vlerësuar kompaninë me 1 miliard dollarë.

Forbes thotë se vlerëson marrëveshjen, e vendosur për t’u mbyllur në fillim të vitit 2021, e lë Kardashian West si pronaren mazhoritare të KKW Beauty me 72 për qind të aksioneve në kompani dhe se nëna e saj, Kris Jenner, zotëron 8 për qind.

“Forbes” me përgjigje të shpejt hodhi poshtë pretendimin e West, pak kohë pasi kjo revistë tha se Kyli Jenner mashtroi me shifrat për ta marrë statusin miliardere. /Lajmi.net/