Spasovski nga Nagoriçani i Vjetër: Mbështetje më e madhe për bujqit dhe zhvillimin rural

Kumanovë, 30 qershor 2020 (MEDIAL) – Bartësi i listës në NJZ 2, nga koalicioni i udhëhequr  prej LSDM-së, Oliver Spasovski, sot u takua me banorët e Nagoriçanit të Vjetër dhe paralajmëroi mbështetje  për bujqit dhe zhvillimin rural. Spasovski paralajmëroi  mbështetje financiare vjetore prej 200  milion euro, naftë të gjelbër falas dhe dy herë më shumë mjete për kthim  të  stafit për bujqit.

Ai theksoi se bujqësi moderne dhe  ekonomi e re zhvillimore  janë të mundshme  vetëm me të ardhme  të sigurt euro-atlantike.

E ardhmja është e sigurt, potencon Spasovski,  vendi është anëtar i NATO-s,  është marrë vendim për fillim  të negociatave me BE-në. Me hapjen e kapitujve, theksoi,  do të ketë 2,5 miliard euro  nga fondet evropiane të arritshme për ekonominë e re zhvillimore, për naftën e gjelbër në bujqësi, për konkurencë, për investime kapitale, kanalizime, rrugë, ujësjellës.

Në takimet Spasovski me banorët  ka folur për  politikat e  zhvillimit rajonal të barabartë dhe për zhvillim të mjediseve rurale dhe të qytetit.

Në suaza të zhvillimit rajonal të barabartë, shtoi,  kanë përfunduar dhjetë projekte  me vlerë të tërësishme  prej rreth 82  milion denarë. Projektet të cilat kanë përfunduar  ose janë në fazën e realizimit kanë të bëjnë  me kushte më të mira  për zhvillim rural, për zhvillim të turizmit dhe mobilitetit në rajonin planor  verilindor, për mbrojtje të mjedisit jetësor, për aktivitetet përgatitëse  për shumë akse rrugore lokale. am/sa/

Ngjarja paraprake

Prej nesër situatë krize në një pjesë të territorit të vendit për shkak të rritjes së vëllimit të transitimit të emigrantëve

Ngjarja e ardhëshme

Vaksina eksperimentale kundër COVID-19 jep rezultate pozitive

të fundit nga Maqedoni