Ahmeti: Njëjtë si në Tiranë, Skënderbeun e kemi edhe në Shkup

Tiranë, 22 qershor 2020 (MEDIAL) – Në Maqedoni flamuri kombëtar shqiptarë është i
zyrtarizuar. Gjobitet çdo zyrtarë që nuk e respekton këtë në Komuna dhe objekte të tjera shtetërore, ka thënë lideri i BDI-së, Ali Ahmeti në emisionin “Opinion” në TV Klan.

“Nëse ju në Tiranë e keni Skënderbeun, edhe unë në sheshin e Shkupin e kam Skënderbeun. E  kemi edhe Hasan Prishtinën, Nexhat Agollin, Pjetër Bogdanin… Gjuha shqipe është gjuhë zyrtare, edhe pse duhet unë në implementimin e saj në të gjitha nivelet. Në Maqedoninë e Veriut, flamuri kombëtar shqiptar është i zyrtarizuar. Gjobitet çdo zyrtar që nuk e respekton këtë në Komuna dhe objekte tjera shtetërore”, tha Ahmeti, ndërsa shprehu sërish keqardhje për copëtimin e votës shqiptare.

“Para disa vitesh, kemi pasur 29 mandatesh deputetësh. Tani, një parti ka shkuar në koalicion me LSDM-në. Dy partitë e tjera kanë bërë koalicion, ndërsa ne dhe partia e z.Menduh Thaçit shkojmë të vetme në zgjedhje. Mendoj se d të dalim më mirë se para katër vitesh, por përsëri nuk do të kemi mandate sikurse kishim dikur”, tha Ahmeti. shk/