52 raste të reja me COVID-19 në Shqipëri

Ministria e Shëndetësisë e Shqipërisë ka njoftuar të martën se në 24 orët e fundit janë shënuar 52 raste të reja me COVID-19.

Me këtë, numri i përgjithshëm i të prekurve është rritur në 2.047.

Ndërkohë, janë shëruar 36 pacientë, kurse 807 të tjerë mbesin aktiv.

“Lajmi i mirë është se në 24 orët e fundit janë shëruar 36 qytetarë, duke e çuar në 1195 numrin e të shëruarve që nga fillimi i epidemisë”.