Toronto rishkruan historinë në NBA, titulli kampion shkon në Kanada

në kategorine Sport

Mrekullitë ndodhin. Sidomos në sport dhe aq më tepër në kampionatin amerikan të basketbollit. Ndryshe nga të gjitha parashikimet e sezonit të rregullt, Toronto rishkruan historinë e NBA dhe për herë të parë çon trofeun e titullit kampion në Kanada. Pas një ecurie të shkëlqyer, Reptors kurorëzuan sezonin spektakolar me triumfin ndaj kampionëve në fuqi dhe favoritëve absolutë të Golden State, duke mbyllur serinë e finaleve me rezultatin 4-2.

5346138 061319 Wabc Raptorswin Img
5346138 061319 Wabc Raptorswin Img

Në ndeshjen e gjashtë të luajtur në transfertën kaliforniane, Toronto vulosi trofeun me fitoren 114-110. Sërish heroi I mbrëmjes ishte Kawli Leonard. Ish-basketbollisti i San Antonio Spërs shënoi 22 pikë në fitoren e skuadrës kanadeze, teksa u shpall edhe lojtari më i mirë i finaleve. Një paraqitje të shkëlqyer bëri edhe ylli i tjetër i Raptors, Kyle Lowry, i cili diktoi të gjithë lojën e ekipit të tij.

Ba83a594 0ddd 4e82 8031 A6045ee1031f
Ba83a594 0ddd 4e82 8031 A6045ee1031f

Nga ana tjetër, pa Kevin Durant që duhet të rikuperojë dëmtimin e rëndë që pësoi në sfidën e gjashtë, Golden State nuk arriti të qëndrojë në lojë. Nuk ishte në një mbrëmje të mirë Stephen Curry, ndërsa për Warriors nuk mjaftuan 30 pikët e shënuara nga Klay Thomson. Në fund e gjithë festa ishte për Toronto Raptors që për herë të parë në histori fitojnë titullin kampion në NBA.
(balkanweb)

Burimi: https://www.balkanweb.com/

©MEDIAL.MK Derisa keni vendosur të merrni përmbajtje nga kjo faqe, në tërësi pajtoheni me /KUSHTET E PËRDORIMIT/.