Trafikonte drogë, arrestohet “arbitri” i sfidës Juventus-Ajaks

në kategorine Sport

Një person i cili përdorte identitetin Clement Turpin është vënë në pranga nga policia franceze pas një operacioni anti-drogë.

Turpin është gjyqtari francez që vendosi në gjysmëfinalen e Championsit mes Ajaksit dhe Juventusit në Torino.

Por në fakt nuk bëhet fjalë për Clement Turpin e vërtetë, por një person tjetër që kishte përdorur identitetin e tij.

Një 34-vjeçar i quajtur Munir A, i kishte vjedhur identitetin gjyqtarit të famshëm francez, për të kaluar me lehtësi kontrollet policore.

Ai transportonte lëndë narkotike nga Belgjika në Francë dhe ishte pjesë e një bande të organizuar të narko-trafikut, ndërsa policia ka zbuluar të gjithë rrjetin dhe mënyrën sesi banda vepronte.

Burimi: https://sot.com.al/

©MEDIAL.MK Derisa keni vendosur të merrni përmbajtje nga kjo faqe, në tërësi pajtoheni me /KUSHTET E PËRDORIMIT/.