Artisti i veçantë shqiptar në Gjermani

në kategorine Diaspora

Ekzekutimet e tij vlerësohen mjaft lart në Gjermani. E këtë e tregojnë më së miri incizimet në radiot më ekskluzive të vendit

E Enjte, 10 Janar 2019 – 14:20
albinfo.ch

Ndonëse askush nga familja e Drilon Ibrahimit, nuk merrej me muzikë, klarineta është instrumenti që e përcaktoi profesionin e tij.

Pasioni i tij për muzikë u pa që në fëmijërinë e hershme, kur edhe e filloi rrugëtimin e tij si muzikant. Nxënës në Prenk Jakova, ai mori hapat e parë drejtë çfarë do të ishte pjesë e jetës së tij, raporton “Express” i KTV-së.

Klarinetisti i cili atëherë ishte vetëm 17 vjeç, vazhdoi studimet në Gjermani ku tani edhe vepron.

Pas rreth një dekade studime, tani Drilon Ibrahimi punon me mosha të ndryshme si mësues i klarinetës dhe është pjesë e kuartetit “Repentino” me të cilin koncerton më së shpeshti, përcjell albinfo.ch.

Edhe pse Kosova është një vend ku nuk mungojnë talentet në muzikë, sipas klarinetistit prishtinas, kjo fushë vazhdon të mos vlerësohet mjaftueshëm.

Kuarterti “Repentino”, mban koncerte në vende të ndryshme, duke e njoftuar publikun me tinguj të muzikës popullore të vendeve prej nga vijnë pjesëtarët e grupit.

E rëndësishme për një performancë të mirë është kimia në kuartet e cila pastaj reflekton edhe tek publiku.

Vendet e mëdha vazhdojnë të jenë shpresa e vetme për shumë muzikantë të talentuar nga Kosova. Përveç mosvlerësimit të mjaftueshëm, në vendin tonë nuk ekzistojnë as kushtet primare për zhvillimin e talenteve, duke filluar nga mungesa e një salle koncertale e më gjerë.

Ekzekutimet e tij vlerësohen mjaft lart në Gjermani. E këtë e tregojnë më së miri incizimet në radiot më ekskluzive të vendit.

Burimi: https://www.albinfo.ch

©MEDIAL.MK Derisa keni vendosur të merrni përmbajtje nga kjo faqe, në tërësi pajtoheni me /KUSHTET E PËRDORIMIT/.