Husejin Hursoj, ndihmës trajner i Umit Karan

në kategorine Sport

Skuadra e FC Shkupi ka zhvilluar stërvitjen e parë në kuadër të përgatitjeve dimërore në Dojran, ndërsa tani së bashku me klubin në përbërjen e stafit teknik, me futbollistët do të punojë edhe një emër i madh i futbollit turk, Husejin Hursoj.

Ky i fundit vjen si zëvendësues i Emrah Volkan, i cili shkaku i problemeve familjare, nuk mundej që të vazhdojë qëndrimin në Shkup. Husejin Hursoj i lindur në Bursa të Turqisë, (04.03.1964), është i pajisur me UEFA Pro licencë, ndërsa karriera e tij si trajner tani mbush plot 20 vite, ndërsa 14 vite ka luajtur futboll aktiv. Ekipet ku ka luajtur janë: Bursaspor, Sonmez Filament, Sakaryaspor, Izmirspor Yalovaspor, Boluspor.

Punën si trajner e filloi në grup moshat e reja të Bursaspor, ndërsa në ekipin Bursa Tofasspor ishte shef i stafit teknik. Punoi si trajner profesional me ekipet Bursa Merinos, Bursaspor, Muqlaspor, Bursa Niluferspor, Tarsus Idmaryrda, Yesil Bursa, Nilofer Erdenlispor dhe se fundi në Bursaspor, si përgjegjës teknik i ekipit.

©MEDIAL.MK Derisa keni vendosur të merrni përmbajtje nga kjo faqe, në tërësi pajtoheni me /KUSHTET E PËRDORIMIT/.