Hapet konkurs për punë në fanar, paguhet 130 mijë dollarë në vit

në kategorine Stardust

Zyrtarët lokalë në një ishull që ndodhet pranë San Franciskos, kanë hapur një konkurs, për dy punëtorë që do të punojnë në farin e ishullit.

Paga vjetore është shumë e lartë, për të cilën punë paguhen 130,000 dollarë, shkruan Guardian.

Puna kryesore e të punësuarve është të përgatisin ushqim për turistët, kështu që duhet të dinë të gatuajnë mirë, të pastrojnë, të ofrojnë shërbime të ndryshme për mysafirët dhe të organizojnë shpërndarjen e ushqimit.

Ata gjithashtu duhet të dinë të përdorin varkën, e që kërkon lejen e kapitenit nga Rojet bregdetare të Shteteve të Bashkuara.

“Puna është sigurisht joshëse, por gjithashtu ka shumë punë për të bërë. Orari është rraskapitës. Shpesh zgjat nga mëngjesi i hershëm deri në fund të natës”, tha Jillian Miker, një zonjë që la punën, por gjithashtu do të ndihmojë në intervistat për punonjësit e ardhshëm të farit.