Majko: Mjekët shqiptarë në Diasporë të sjellin përvojat e tyre në Shqipëri

në kategorine Diaspora

E Premte, 4 Janar 2019 – 19:30
albinfo.ch

Ministri Shtetit për Diasporën Pandeli Majko është takuar gjatë ditës së sotme me dy mjekë të suksesshëm shqiptar në Diasporë, kirurgen Marsela Ceno dhe kardiokirurgun Kristo Papa.

Vetë ministri Majko ka njoftuar se gjatë takimit u bisedua për mundësitë e aplikimit të përvojave të dy mjekëve në Shqipëri.

Doktoresha Marsela Ceno ndau me ministrin përvojën e saj si kirurge në Gjermani por edhe punën e madhe në organizimin e të gjithë mjekëve shqiptarë në një shoqatë të konsoliduar.

“Gjithashtu me ministrin u bisedua për detajet e takimit më të rëndësishëm të mjekëve shqiptar në Gjermani, zyrtarizimin e shoqatës së mjekëve shqiptar e cila do të mbahet në datë 16 shkurt në Berlin”, thuhet në njoftimin e Majkos, shkruan albinfo.ch.

Ndërsa Doktori Kristo Papa ndau me ministrin përvojën e tij në “Cork University Hospital”, në Irlandë.

“Dr.Papa gjithashtu është ndër kardiokirurgët e parë në Evropë, pjesë e stafit të klinikës digjitale ndërkombëtare “Health Center of Excellence””, thuhet tutje në njofim.

Burimi: https://www.albinfo.ch

©MEDIAL.MK Derisa keni vendosur të merrni përmbajtje nga kjo faqe, në tërësi pajtoheni me /KUSHTET E PËRDORIMIT/.